వర్గం: Friday – Jumu’ah (Shukra Varam)
ఇస్లాంలో మొదటి జుమా ఖుత్బా | ప్రవక్త ﷺ ఇచ్చిన చారిత్రాత్మక ప్రఖ్యాత ప్రసంగం
చివరకు దైవ ప్రవక్త (సల్లల్లాహు అలైహి వసల్లం) కు హిజ్రత్ అనుమతి లభించింది. దైవప్రవక్త (సల్లల్లాహు అలైహి వసల్లం) నబవీ శకం 13వ యేట (27 సఫర్), క్రీ.శ 621 సెప్టంబర్ 12వ తేదీన మక్కా వదిలి మదీనాకు పయనమయ్యారు. మూడు పగళ్లు రాత్రుళ్ళు మక్కాకు సమీపంలోని సౌర్ గుహలో గడిపారు. ఆ తరువాత సుదీర్ఘ ప్రయాణం చేస్తూ చివరకు నబవీ శకం 13వ యేట రబీవుల్ అవ్వల్ 8వ తేదీ సోమవారం (అంటే క్రీ.శ 622 సెప్టెంబర్ 23వ తేదీ) మదీనా సమీపంలో గల కుబా ప్రాంతానికి చేరారు. అక్కడే బస చేసి తిరిగి 12 రబీవుల్ అవ్వల్ ఒకటవ హిజ్ర శకం శుక్రవారం అక్కడ నుంచి పయనమయ్యారు. బనీసాలిమ్ వాడకు చేరేవరకు జుమా సమయం అయ్యింది. అక్కడే దైవ ప్రవక్త (సల్లల్లాహు అలైహి వసల్లం) వంద మంది అనుచరులతో జుమా ప్రార్థన చేశారు. అదే ఇస్లాంలో మొదటి జుమా.
ప్రియ సోదరులారా..!
జుమా సుభదినాన దైవ ప్రవక్త (సల్లల్లాహు అలైహి వసల్లం) ఇచ్చిన ఆ ప్రసంగం చారిత్రాత్మకంగా చాలా గొప్పస్థానాన్ని కలిగి ఉంది. ఆనాటి ఆ ఖుత్బాను ఈనాటి జుమా ప్రసంగంలో వినిపించాలనుకుంటున్నాను. ఈ చారిత్రక ప్రఖ్యాత ప్రసంగాన్ని చాలా శ్రద్ధగా వినండి అల్లాహ్ ఈ ఖుత్బాను శుభకరంగా చేయుగాక… ఆమీన్.
“సర్వస్తోత్రాలు అల్లాహ్ కే శోభిస్తాయి. నేను అల్లాహ్ ను స్తుతిస్తున్నాను, ఆయన సహాయాన్ని కోరుతున్నాను. క్షమాబిక్షకై ఆయన్ను వేడుకొంటున్నాను. నేను అల్లాహ్ ను విశ్వసించాను. అల్లాహ్ పట్ల అవిధేయత చూపను. ఆయన పట్ల అవిధేయత చూపిన వారితో నేను విరోధిస్తాను. అల్లాహ్ తప్ప మరొక ఆరాధ్యుడు లేడు. ఆయన అద్వితీయుడు. ఆయనకు సాటి ఎవరూ లేరు. ముహమ్మద్ (సల్లల్లాహు అలైహి వసల్లం) ఆయన ప్రవక్త, దాసుడు అని నేను సాక్ష్యమిస్తున్నాను. అల్లాహ్ ఆయన (సల్లల్లాహు అలైహి వసల్లం) కు సన్మార్గాన్ని, జ్యోతిని ఇచ్చి యుగాలుగా ప్రవక్తలు లేని కాలంలో, జ్ఞానం విద్య లేని కాలంలో, మార్గభ్రష్టత్వం తాండవమాడుతున్న కాలంలో ప్రభవింపజేశాడు. చివరికాలంలో ప్రళయానికి దగ్గరగా, మృత్యువుకు అతి చేరువుగా ప్రభవింపజేశాడు. ఎవరయితే అల్లాహ్ ను, ఆయన ప్రవక్తను ఆనుసరిస్తారో వారే సాఫల్యం విజయం పొందుతారు. అవిధేయత చూపేవారు, దైవాజ్ఞలను ఉల్లంఘించేవారు మార్గవిహీనులవుతారు. మార్గభ్రష్టతలో కూరుకుపోతారు.
ముస్లిములారా!
అల్లాహ్ పట్ల భయభీతిగా ఉండాలనీ తాకీదు చేస్తున్నాను. ఒక ముస్లిం మరొక ముస్లిం సోదరునికి చెయ్యాల్సిన అత్యుత్తమ హితబోధ ఏమిటంటే పరలోకం గురించి ప్రేరేపించాలి. అల్లాహ్ కు భయపడాలని బోధించాలి. అల్లాహ్ వేటికి దూరంగా ఉండమని ఆజ్ఞాపించాడో, వాటికి బహుదూరంగా ఉండాలి. వాటి జోలికి పోకూడదు. దీన్ని మించిన హితబోధ ఏదీలేదు. దీనిని మించిన జిక్ర్ (నామస్మరణం) లేదు. గుర్తుంచుకోండి! అల్లాహ్ కు భయపడుతూ పనులు చేసే వ్యక్తికి పరలోకంలో దైవభీతి ఎంతో అత్యుత్తముగా తోడ్పడుతుంది. అల్లాహ్, అతని మధ్యగల అంతర, బాహ్య వ్యవహారాల్లో, విషయాల్లో అతడు ధర్మబద్ధంగా ఉండి ఆయా పనుల్లో అతని సంకల్పశుద్ధి కూడా అల్లాహ్ కోసమే నిష్కల్మషంగా ఉంటే అతని కొరకు ప్రపంచంలో పేరు ప్రఖ్యాతులు, మృత్యువు తరువాత అతని కొరకు ఆ పనులు ఒక విధిగా మారు తాయి. ఒకవేళ ఎవరయినా అలా చేయకపోతే అలాంటి వారి గురించి అల్లాహ్ సెలవిస్తున్నాడు:
مَا يُبَدَّلُ الْقَوْلُ لَدَيَّ وَمَا أَنَا بِظَلَّامٍ لِلْعَبِيدِ
నా దగ్గర మాట మార్చడం జరగదు, నేను నా దాసులకు అన్యాయం చేసేవాడను కాను. (ఖాఫ్ 50 : 29)
కావున అల్లాహ్ కు భయపడండి. మీ ప్రాపంచిక విషయాల్లోనూ, ధార్మిక విషయాల్లోనూ అంతర విషయాల్లోనూ, బాహ్య వ్యవహారాల్లోనూ దైవభీతి కలిగి ఉండండి. ఎవరయితే అల్లాహ్ కు భయపడతారో అల్లాహ్ అతన్ని పాపాలన్నింటిని ఆయన తుడిచి వేస్తాడు. వారికి గొప్పపుణ్యఫలితాల్ని అనుగ్రహిస్తాడు. దైవభీతి ఉన్నవారే నిశ్చయంగా గొప్ప విజయం పొందిన వారు. నిశ్చయంగా దైవభీతి అవిధేయత నుండి కాపాడుతుంది. శిక్షలనుండి రక్షిస్తుంది. నిశ్చయంగా దైవభీతి మొహాలను వికసింపజేస్తుంది, దైవ ప్రసన్నతను ప్రసాదిస్తుంది, అంతస్తులను పెంచుతుంది. ప్రపంచంలో ధర్మ సమ్మతమైన పవిత్ర వస్తువుల్ని తినండి, కాని అల్లాహ్ ఆదేశాల నిర్వర్తనలో ఎలాంటి తగ్గింపు చేయకూడదు. అందుకొరకే అల్లాహ్ మీకు గ్రంథాన్ని నేర్పించాడు. దైవ మార్గాలను చూపాడు. దీని ద్వారా అల్లాహ్ సత్యవంతుల్ని, అసత్య వాదుల్ని వేరుచేస్తాడు.
అల్లాహ్ మీ పై ఎంతటి అనుగ్రహాన్ని ఉపకారాన్ని కురిపించాడో అలాగే మీరు ప్రజలతో ప్రవర్తించండి. అల్లాహ్ విరోధులను మీ విరోధులుగా భావించండి. అల్లాహ్ మార్గంలో పోరాడవలసిన విధంగా ధర్మపోరాటం చేయండి. ఆయన మిమ్మల్ని ఎన్నుకున్నాడు. మీకు అల్లాహ్ విధేయులు (ముస్లింలు) అని పేరు పెట్టాడు. ఎందుకంటే దైవసందేశం, సూచనలు చూసి కూడా ఇస్లాం స్వీకరించనివాణ్ణి నాశనం చేయడానికి. ఇక ఎవరు దైవసూచనలు చూసి ఇస్లాం స్వీకరిస్తారో వారికి జీవితం ప్రసాదించడానికి, సర్వ పుణ్యాలు అల్లాహ్ ఆజ్ఞతోనే జరుగుతున్నాయి.
అల్లాహ్ నామస్మరణ (జిక్ర్)ను అత్యధికంగా చేస్తూ ఉండండి. పరలోక విజయం కొరకు పుణ్యకార్యాలు చేయండి. ఎవరయితే దైవం మధ్య తమ మధ్య ఉన్న విషయాలను సరిగ్గా పాటిస్తారో అల్లాహ్ అతని మధ్య, ప్రజల మధ్యగల విషయాలను సరిచేస్తాడు.
నిశ్చయంగా అల్లాహ్ దాసులకు ఆజ్ఞలు జారిచేస్తాడు. ఆయనపై ఎవరి ఆజ్ఞా లేదు. అల్లాహ్ దాసులు యజమాని. అల్లాహ్ సన్నిధిలో దాసులకు ఎలాంటి ఆధిపత్యమూ అధికారము లేదు.
అల్లాహ్ మహోన్నతుడు. పుణ్యకార్యాలు చేసే సద్బుద్ధి, శక్తి ఆ మహోన్నతుని కటాక్షం దయవల్లే కలుగుతుంది.
(రహ్మతుల్లిల్ ఆలమీన్ 1:92-93)
ఇస్లామీయ సోదరులారా..!
ఎంతటి మహత్తర ప్రసంగం! ఎంతటి మహాభాగ్యం!! ఆనాడు ఆరంభమైన ఈ వారంవారం పండుగ ప్రళయం వరకు జారి చేయబడింది. ఇస్లామీయ చరిత్రలోని తొలి ఖుత్బాలో పాల్గొన్న ఆ సహాబాలు ఎంతటి ధన్యజీవులో ఇప్పటికి కూడా బనూ సాలీం వీధి ఖుబాలో ఉంది. అక్కడే ఒక మహాన్నతమైన మస్జిద్ నిర్మించడం జరిగింది గత చరిత్ర వైభవానికి నిదర్శనంగా.
అల్లాహ్ మనందరికి పవిత్ర మక్కా యాత్ర చేసే భాగ్యాన్ని ప్రసాదించుగాక.
దైవప్రవక్త (సల్లల్లాహు అలైహి వసల్లం) వారి ప్రసంగాన్ని కంఠస్తంచేసి, వాటిపై ఆచరించే భాగ్యాన్ని ప్రసాదించు గాక!. ఆమీన్.
—
ఈ పోస్ట్ హిజ్రత్ తరువాత తొలి చారిత్రక ప్రసంగం [PDF] [6p] అనే ఖుత్బా నుండి తీసుకోబడినది.
పుస్తకం: ఖుత్ బాతే నబవీ ﷺ (పార్ట్ 1) – మర్కజ్ దారుల్ బిర్ర్ పబ్లికేషన్స్
ప్రళయంరోజున అల్లాహ్ రోజులను వారి రూపాల్లో లేపుతాడు. జుమా రోజును చాలా అందంగా మెరుస్తూ లేపుతాడు [ఆడియో]
సయ్యిదినా అబూ మూసా అష్అరీ (రజియల్లాహు అన్ హు) వారి ఉల్లేఖనం, ప్రవక్త ముహమ్మద్ (సల్లల్లాహు అలైహి వ సల్లం) ఇలా బోధించారు:
إنَّ اللهَ يَبْعَثُ الأيامَ يومَ القيامةِ على هَيْئَتِها ،
ప్రళయం రోజున అల్లాహ్ (వారంలోని ఏడు) రోజులను వారి (నిర్దిష్ట) రూపాల్లో లేపుతాడు.
و يَبْعَثُ يومَ الجمعةِ زَهْرَاءَ مُنِيرَةً ،
మరియు జుమా (శుక్రవారం) రోజును చాలా అందంగా మెరుస్తూ లేపుతాడు.
أهلُها يَحُفُّونَ بِها كَالعَرُوسِ تُهْدَى إلى كَرِيمِها ،
వధువును వరుడి వద్దకు పంపించేటప్పుడు, వధువు స్నేహితురాళ్ళు ఆమెను చుట్టుముట్టుకున్నట్లుగా, జుమా హక్కును చెల్లించినవారు జుమాను చుట్టుముట్టుకుంటారు.
تُضِيءُ لهُمْ ، يَمْشُونَ في ضَوْئِها ،
అది వారి కోసం వెలుగునిస్తుంది, వారు ఆ వెలుగులో నడుస్తూ ఉంటారు.
أَلْوَانُهُمْ كَالثَّلْجِ بَياضًا ،
వారి సువాసన కస్తూరిలా పరిమళిస్తూ ఉంటుంది.
يَخُوضُونَ في جبالِ الكَافُورِ ،
వారు కర్పూరపు సుగంధ భరితమైన పర్వతాల మధ్య ఆనందిస్తూ ఉంటారు
ينظرُ إليهِمُ الثَّقَلانِ ، ما يُطْرِقُونَ تَعَجُّبًا، حتى يَدْخُلوا الجنةَ ،
వారు స్వర్గంలోకి ప్రవేశించే వరకు మానవులు, జిన్నాతులు ఆశ్చర్యంగా తమ చూపులను వారి వైపు ఎత్తకుండా ఉంటారు.
لا يُخَالِطُهُمُ أحدٌ إلَّا المؤذِّنُونَ المُحْتَسِبُونَ
నమాజుకు పిలిచే ముఅజ్జిన్లు తప్ప మరెవరూ వారికి లభించే ఈ ప్రతిఫలానికి చేరుకోలేరు.
(సహీహ్ ఇబ్ను ఖుజైమః 1/182/1, ముస్తద్రక్ హాకిమ్ 1/277, అల్లామా అల్బానీ రహిమహుల్లాహ్ వారు సహీహా 706లో దృఢమైన సనదు అని పేర్కొన్నారు, ఇమామ్ హాకిమ్ వారు సహీహ్ గ వర్గీకరణ చేశారు. అలాగే సహీహుల్ జామి 1872లో కూడా ప్రస్తావించారు)
—
- జుమా (శుక్రవారం) – యూట్యూబ్ ప్లే లిస్ట్
- జుము’ఆ (శుక్రవారం) రోజున మన బాధ్యతలు, పుణ్య మార్గాలు (మెయిన్ పేజీ)
ఖుత్ బాతే నబవీ ﷺ (పార్ట్ 1) – మర్కజ్ దారుల్ బిర్ర్ [పుస్తకం]
ఖుత్ బాతే నబవీ ﷺ
దైవ ప్రవక్త ముహమ్మద్ (సల్లల్లాహు అలైహి వసల్లం) ప్రసంగాలు – (మొదటి భాగం)
సంకలనం: మౌలానా ముహమ్మద్ దావూద్ రాజ్
అనువాదం: అబూ హయ్యాన్ హమ్మాద్ ఉమరీ
ఎడిటింగ్: డా. సయీద్ అహ్మద్ ఉమరీ , మదనీ
పబ్లిషర్స్: మర్కజ్ దారులు బిర్ర్, పెడన, ఏ.పీ ,ఇండియా
[మొబైల్ ఫ్రెండ్లీ బుక్ వెర్షన్]
[PDF] [204 పేజీలు] [10 MB]
[డెస్క్ టాప్ బుక్ వెర్షన్]
[PDF] [204 పేజీలు] [10 MB]
విషయ సూచిక
అన్ని చాఫ్టర్లు PDF లింకులు గా క్రింద ఇవ్వబడ్డాయి. లింక్ క్లిక్ చేసి PDF డౌన్లోడ్ చేసుకోవచ్చు లేదా చదవవచ్చు.
- ముందుమాట [2p]
- ఖుత్బాత్ 1 & 2 [2p]
- ఇస్లాం మౌలికాంశాలు [7p]
- మంచిని పెంచండి, చెడును నిర్మూలించండి [7p]
- ఈదుల్ అజ్ హా ఆదేశాలు [4p]
- హజ్ ఆదేశాలు [6p]
- జీవనోపాధి గురించి ఖుర్ఆన్, హదీసుల వెలుగులో [6p] – [పోస్ట్ లింక్]
- నమాజ్ విశిష్ఠత, ఆదేశాలు [7p]
- మహాప్రవక్త ﷺ ఆదర్శ జీవితం [3p]
- ముహర్రం మాస ఆదేశాలు [3p]
- ఇస్లాం అమర వీరులు [6p] – [పోస్ట్ లింక్]
- హషర్ మైదానంలో దైవకారుణ్యం [6p] – [పోస్ట్ లింక్]
- పశ్చాత్తాపం మానవ గుణం [7p]
- ప్రళయ సూచనలు [5p]
- పవిత్ర ఖుర్ఆన్ విశిష్ఠత [6p]
- హదీసు విశిష్ఠత [6p]
- హితబోధనలు [4p]
- దుఆ ఘనత [6p]
- హిజ్రత్ తరువాత తొలి చారిత్రక ప్రసంగం [6p] – [పోస్ట్ లింక్]
- వీడ్కోలు హజ్ ప్రసంగం [5p]
- సఫర్ మాస నవీన పోకడలు [5p]
- ఐక్యత – సోదరభావం [6p]
- ప్రవక్త ﷺ వారి నమాజ్ [7p]
- దురాచారాలను త్యజించండి [6p]
- కృతజ్ఞతాభావం, దాని శుభాలు – [పోస్ట్ లింక్] [5p]
- మద్యపానం, జూదం, వ్యభిచారం ఖండన [7p]
- షఫాఅతే కుబ్రా [4p]
- రమాజాన్ ఆదేశాలు [4p]
- రమజాన్ మాస విశిష్ఠత [4p]
- లైలతుల్ ఖద్ర్ ఘనత [3p]
- జకాత్ విశిష్ఠత [4p]
- ఇస్లాం జీవనశైలి [5p]
- ఇస్రా మరియు మేరాజ్ [5p]
- తబూక్ యుద్ధం [6p]
- వివాహ విధానం [2p]
- వసీలా వాస్తవికత [4p]
- జనాజా నమాజ్ ఆదేశాలు – [పోస్ట్ లింక్] [8p]
- దైవప్రవక్త ﷺ మరణం [6p]
- ఖుర్ఆన్ సందేశం [5p]
—
ఇస్లాం తెలుగు పుస్తకాలు (Telugu Islamic Books) డౌన్లోడ్ చేసుకోండి ఇక్కడ:
https://teluguislam.net/?p=4259
హదీసు పబ్లికేషన్స్ వారు ప్రచురించిన పుస్తకాలు క్రింది లింక్ దర్శించి డౌన్లోడ్ చేసుకోగలరు.
https://teluguislam.net/hadith-publications-books/
జాదుల్ ఖతీబ్ (ఖుత్బాల సంగ్రహం) – మొదటి సంపుటం [పుస్తకం]
ఉర్దూ గ్రంధకర్త: డాక్టర్ హాఫిజ్ ముహమ్మద్ ఇస్ హాఖ్ జాహిద్ (హఫిజహుల్లాహ్)
తెలుగు అనువాదం: ముహమ్మద్ ఖలీలుర్ రహ్మాన్, కొత్తగూడెం.
ముద్రణ: అల్ ఇదారతుల్ ఇస్తామియ, కొత్తగూడెం.
[పుస్తకం డౌన్లోడ్ చేసుకోండి]
[PDF] [673 పేజీలు]
శుక్రవారపు నమాజు ప్రక్రియలో అత్యంత ముఖ్యమైన ఘట్టం దాని ఖుత్బా (ప్రసంగం). దీనిలో వివరించాల్సిన విషయాలను దివ్య ఖురాను మరియు ప్రామాణిక హదీసుల వెలుగులో, సలఫుస్సాలిహీన్ల దృక్పథంతో సమగ్రంగా, పూర్తి ఆధారాలతో సహా వివరించే పుస్తకం ఏదియూ తెలుగు భాషలో ఇంతవరకు అందుబాటులో లేదన్న విషయం తెలుగు పాఠకలోకానికి తెలుసు. అందుకే, అల్ ఇదారతుల్ ఇస్లామియ, కొత్తగూడెం ఈ లోటును పూరిస్తూ తెలుగు పాఠక లోకానికి – శుక్రవారపు ఖుత్బాల గురించి డాక్టర్ హాఫిజ్ ముహమ్మద్ ఇస్ హాఖ్ జాహిద్ హఫిజహుల్లాహ్ ‘జాదుల్ ఖతీబ్’ పేరుతో ఉర్దూ భాషలో గ్రంథీకరించిన వివిధ సంపుటాలలో మొదటి సంపుటం యొక్క తెలుగు అనువాదాన్ని ‘జాదుల్ ఖతీబ్’ (ఖుత్బాల సంగ్రహము), సంపుటం-1 అనే పేరుతో మీకు సమర్పిస్తోంది! జనాబ్ ముహమ్మద్ ఖలీలుర్ రహ్మాన్ గారు ఈ బాధ్యతను చేపట్టి, ఎంతో పట్టుదలతో శ్రమించి, సామాన్య ప్రజానీకానికి సయితం అర్థమయ్యేలా అత్యంత సులభమైన శైలిలో ఈ అనువాద ప్రక్రియను పూర్తి చేశారు. అల్లాహ్ కే సమస్త స్తోత్రాలు, ఆయన అనుగ్రహం ద్వారానే సదాచరణలు సంపూర్ణం గావించబడతాయి.
విషయ సూచిక
- ముందుమాట
- మొహర్రం మాసపు ఖుత్బాలు
- సఫర్ మాసపు ఖుత్బాలు
- 1) సఫర్ నెల మరియు దుశ్శకునాలు [డౌన్ లోడ్ PDF]
- రబీ ఉల్ అవ్వల్ మాసపు ఖుత్బాలు
- 1) దైవ ప్రవక్త (సల్లల్లాహు అలైహి వ సల్లం) మహత్యం , అద్భుతాలు [డౌన్ లోడ్ PDF]
- 2) షరీయత్తు (ధర్మశాస్త్ర) పరంగా మిలాదున్నబీ ఉత్సవానికి గల విలువ [డౌన్ లోడ్ PDF]
- 3) అనుచర సమాజం (ఉమ్మత్) పై దైవప్రవక్త హక్కులు [డౌన్ లోడ్ PDF]
- 4) దైవప్రవక్త (సల్లల్లాహు అలైహి వ సల్లం) గారి అత్యుత్తమ గుణగణాలు. [డౌన్ లోడ్ PDF]
- రజబ్ మాసపు ఖుత్బాలు
- 1) రజబ్ మాసపు కొత్త పోకడ(బిద్దత్)లు [డౌన్ లోడ్ PDF]
- 2) ఇస్రా వ మేరాజ్ [డౌన్ లోడ్ PDF]
- 3) మేరాజ్ కానుక – నమాజు [డౌన్ లోడ్ PDF]
- షాబాన్ మాసపు ఖుత్బాలు
- రమజాన్ మాసపు ఖుత్బాలు
- 1) శుభప్రద రమజాన్ మాసం – పుణ్యాల వసంతం – [డౌన్ లోడ్ PDF]
- 2) దివ్య ఖుర్ఆన్ మహత్యం – [డౌన్ లోడ్ PDF]
- 3) తౌబా మరియు అస్తగ్ ఫార్ – ప్రయోజనాలు, ఫలాలు – [డౌన్ లోడ్ PDF]
- 4) రమాజన్ మాసపు ఆఖరి పది రోజులు [డౌన్ లోడ్ PDF]
- షవ్వాల్ మాసపు ఖుత్బాలు
- 1) ఈదుల్ ఫితర్ ఖుత్బా – [డౌన్ లోడ్ PDF]
- జిల్ ఖాదా మాసపు ఖుత్బాలు
- జిల్ హిజ్జ మాసపు ఖుత్బాలు
జుమా రోజు మనపై ప్రవక్త ﷺ హక్కు ఏముంది? తఫ్సీర్ సూర అహ్ జాబ్, ఆయత్ 56 [వీడియో]
[52 నిముషాలు]
వక్త: ముహమ్మద్ నసీరుద్దీన్ జామి’ఈ (హఫిజహుల్లాహ్)
జుమా (శుక్రవారం) -యూట్యూబ్ ప్లే లిస్ట్
https://www.youtube.com/playlist?list=PLw5IiDSnUeV1InOgQTj7XWksxQKnbN_EI
దరూద్ (Darood) – యూట్యూబ్ ప్లే లిస్ట్
https://www.youtube.com/playlist?list=PLw5IiDSnUeV3dmBNdvVTSUW1Aue1g1kf8
దరూద్
- దైవప్రవక్త(సల్లలాహు అలైహి వ సల్లం)పై దురూద్, సలాం పంపే ఆదేశం షరీయత్ బద్ధమైనది – డా. సాలెహ్ అల్ ఫౌజాన్
- ప్రవక్త ముహమ్మద్ సల్లల్లాహు అలైహి వ సల్లం వరకు దరూద్ ఎలా చేరుతుంది [ఆడియో]
వక్త: అబూ అనస్ ముహమ్మద్ నసీరుద్దీన్ - ప్రవక్త సమాధికి సంభందించిన దురాచారాలు [వీడియో]
- దరూద్ చదవండి ప్రవక్త సిఫారసు పొందండి [వీడియో]
- నబీ (సల్లల్లాహు అలైహి వసల్లం) పై దరూద్ పఠించు ఘనత – హిస్న్ అల్ ముస్లిం నుండి
- ‘దరూదే ఇబ్రహీం’ యొక్క అర్థము ద్వారా మనకు ఏమి తెలుస్తుంది? [ఆడియో]
తఫ్సీర్ సూరతుల్ జుముఆహ్ 62: ఆయతులు 9-11 (Tafsir Suratul Jumuah Ayah 9-11) [వీడియో]
[49 నిముషాలు]
వక్త: ముహమ్మద్ నసీరుద్దీన్ జామిఈ (హఫిజహుల్లాహ్)
జుము’ఆ (శుక్రవారం) రోజున మన బాధ్యతలు, పుణ్య మార్గాలు
https://teluguislam.net/five-pillars/salah-namaz-prayer/friday/
“జుమా ముబారక్” అని చెప్పవచ్చా? [వీడియో]
[1 నిముషం]
వక్త: ముహమ్మద్ నసీరుద్దీన్ జామి’ఈ (హఫిజహుల్లాహ్)
జుము’ఆ (శుక్రవారం) రోజున మన బాధ్యతలు, పుణ్య మార్గాలు. ఇక్కడ ఆడియో వీడియో ఆర్టికల్స్ పొందుతారు ఇన్ షా అల్లాహ్. తప్పక ఈ పేజీని దర్శించండి, ఫార్వర్డ్ చేయండి
https://teluguislam.net/five-pillars/salah-namaz-prayer/friday/
జుమా – యూట్యూబ్ ప్లే లిస్ట్
https://www.youtube.com/playlist?list=PLw5IiDSnUeV1InOgQTj7XWksxQKnbN_EI
జుమా రోజు మసీదుకు పిల్లలను తీసుకువచ్చే వారికి కొన్ని సూచనలు [వీడియో]
[2 నిముషాలు]
వక్త: ముహమ్మద్ నసీరుద్దీన్ జామిఈ (హఫిజహుల్లాహ్)
జుము’ఆ (శుక్రవారం) రోజున మన బాధ్యతలు, పుణ్య మార్గాలు
https://teluguislam.net/five-pillars/salah-namaz-prayer/friday/
ఇతరములు:
ఫిఖ్ హ్ (శుద్ధి, నమాజు) : పార్ట్ 13 – వ్యాదిగ్రస్తుని (రోగి) నమాజ్, జుమా నమాజ్, పండుగ నమాజ్ [వీడియో]
[32 నిముషాలు]
వక్త: ముహమ్మద్ నసీరుద్దీన్ జామి’ఈ (హఫిజహుల్లాహ్)
ఈ వీడియో క్రింది పుస్తక ఆధారంగా వివరించబడింది.
శుద్ధి & నమాజు [పుస్తకం]
వ్యాదిగ్రస్తుని నమాజ్:
నిలబడి నమాజ్ చేసే శక్తి రోగిలో లేనప్పుడు దేనికయినా ఆనుకొని నమాజ్ చేయాలి. ఈ శక్తి లేనప్పుడు కూర్చుండి చేయాలి. ఈ శక్తి కూడా లేనప్పుడు ప్రక్కన పడుకొని చేయాలి. ఈ శక్తి కూడా లేనప్పుడు వెల్లకిల పడుకొని పాదములను ఖిబ్లా వైపున ఉంచి నమాజ్ చేయాలి. సజ్దాలో రుకూ కంటే కొంచము ఎక్కువ తలను వంచాలి. రుకూ, సజ్దా చేయు శక్తి లేనప్పుడు తలతో సైగ చేయాలి. ఏ పరిస్థితిలోనయినా నమాజ్ విడనాడకూడదు. ప్రవక్త సల్లల్లాహు అలైహి వసల్లం ఇలా సెలవిచ్చారుః
(صَلِّ قَائِمًا فَإِنْ لَمْ تَسْتَطِعْ فَقَاعِدًا فَإِنْ لَمْ تَسْتَطِعْ فَعَلَى جَنْبٍ).
“నీవు నిలబడి నమాజ్ చేయి. శక్తి లేనిచో కూర్చుండి చేయి. ఈ శక్తి లేనిచో పరుండుకొని చేయి”. (బుఖారిః 1117).
జుమా నమాజ్:
జుమా నమాజ్ వాజిబుంది. అది చాలా గొప్ప దినము. వారము రోజుల్లో అది చాలా ఘనతగల రోజు. అల్లాహ్ ఆదేశం:
[يَا أَيُّهَا الَّذِينَ آَمَنُوا إِذَا نُودِيَ لِلصَّلَاةِ مِنْ يَوْمِ الجُمُعَةِ فَاسْعَوْا إِلَى ذِكْرِ اللهِ وَذَرُوا البَيْعَ ذَلِكُمْ خَيْرٌ لَكُمْ إِنْ كُنْتُمْ تَعْلَمُونَ] {الجمعة:9}
{విశ్వాసులారా! శుక్రవారం నాడు నమాజుకై పిలిచినప్పుడు, అల్లాహ్ సంస్మరణ వైపునకు పరుగెత్తండి; క్రయవిక్రయాలను వదలండి. మీరు గ్రహించగలిగితే, ఇదే మీకు అత్యంత శ్రేయస్కరమైనది}. (62: జుముఅహ్: 9).
జుమా ప్రత్యేకతలు:
స్నానం చేయుట, శుభ్రమైన మంచి దుస్తులు ధరించుట, దుర్వాసన నుండి అతి దూరంగా ఉండుట ఈ నాటి పత్యేక ధర్మాలు.
జుమా ప్రత్యేకతల్లోః జుమా నమాజ్ కొరకు మస్జిద్ కు శీఘ్రముగా వెళ్ళి, ఇమాం వచ్చే వరకు నఫిల్ నమాజులు, ఖుర్ఆన్ పారాయణం, అల్లాహ్ స్మరణాల్లో గడుపుట. ఇమాం ఖుత్బ (జుమా ప్రసంగం) ఇస్తున్నప్పుడు ఏ పని చేయకుండా, నిశబ్దంగా ఉండి ఖుత్బ వినుట. నిశబ్దంగా ఉండనివారు వృధా పని చేసిన వారవుతారు. వృధా పని చేసిన వారికి జుమా ఫలితం లభించదు. ఖుత్బ సందర్భంలో మాట్లాడ్డం నిషిద్ధం.
జుమా ప్రత్యేకతల్లోః ఈ రోజు సూరె కహఫ్ పారాయణం పుణ్యకార్యం. ప్రవక్త సల్లల్లాహు అలైహి వసల్లం ఉపదేశించారుః
(مَنْ قَرَأ سُورَةَ الْكَهفِ كَانَتْ لَهُ نُورًا يَومَ الْقِيَامةِ مِن مَقَامِهِ إِلى مَكَّةَ وَمَنْ قَرَأ عَشْرَ آيَاتٍ مِنْ آخِرِهَا ثُمَّ خَرَجَ
الدَّجَّالُ لَمْ يَضُرُّه).
“ఎవరు సూరె కహఫ్ పఠిస్తారో వారికి తనున్న ప్రాంతం నుండి మక్కా వరకు మరియు ప్రళయం నాటికీ కాంతియే కాంతి ఉండును. ఎవరు దాని చివరి పది ఆయతులు పఠిస్తారో వారికి దజ్జాల్ వచ్చినప్పటికీ ఏమి నష్టం జరగదు”. (అల్ ముఅజముల్ ఔసత్: తబ్రానీ 2/123).
ఇమాం ఖుత్బ ఇస్తుండగా మస్జిదులో ప్రవేశించువారు రెండు రకాతులు తహియ్యతుల్ మస్జిద్ సంగ్రహంగా చేసుకోవాలి. అప్పటి వరకు కూర్చోకూడదు.
(إِذَا جَاءَ أَحَدُكُمْ يَوْمَ الْجُمُعَةِ وَقَدْ خَرَجَ الْإِمَامُ فَلْيُصَلِّ رَكْعَتَيْنِ).
“మీలో ఎవరైనా మస్జిదులో ప్రవేశించినప్పుడు ఇమాం ఖుత్బా ఇస్తున్నచో రెండు రకాతులు సంగ్రహముగా చేసుకోవాలి” అని ప్రవక్త ఖుత్బ ఇస్తూ చెప్పారు. (ముస్లిం 875).
ఎవరికీ సలాం చేయకుండా నిదానంగా కూర్చోని ఖుత్బ వినాలి. ఖుత్బ తనకు తెలిసిన భాషలో కానప్పటికీ మౌనంగా ఉండాలి. ప్రక్కలో కూర్చున్న వారితో ముసాఫహ (కరచాలణం) చేయకూడదు.
ఇమాంతో జూమా నమాజ్ యొక్క ఒక రకాతు పొందినవారు జుమాను పొందినట్లే. అబూ హురైర ఉల్లేఖించిన హదీసులో ఇలా వచ్చిందిః “జుమా యొక్క ఒక రకాతును పొందినతను జుమాను పొందినాడు”. (బైహఖి). ఒక రకాతు కంటే తక్కువ పొందినతను అనగా ఇమాంతో రెండవ రకాతులోని రుకూ పొందనివాని జుమా కానట్లే. అతను జొహ్ర్ నమాజ్ నియ్యతుతో ఇమాం వెనక నమాజులో పాల్గొని ఇమాం సలాం తింపిన తరువాత జొహ్ర్ నమాజ్ పూర్తి చేసుకోవాలి.
పండుగ నమాజ్
పొద్దు పొడిసి సూర్యుడు బల్లెమంత (బారెడంత) పొడుగులో పైకి వచ్చిన తరువాత పండుగ నమాజ్ సమయం ప్రారంభం అవుతుంది. ఈదుల్ అజ్ హా (బక్రీద్ పండుగ) కొంచము ముందుగా మరియు ఈదుల్ ఫిత్ర్ (రమజాను పండుగ) కొంచము ఆలస్యంగా చేయుట మంచిది. ఈదుల్ ఫిత్ర్ కు వెళ్ళే ముందు ఖర్జూరపు పండ్లు తిని వెళ్ళుట, ఈదుల్ అజ్ హాకు వెళ్ళే ముందు ఏమీ తినకుండా వెళ్ళుట ధర్మం. బురైద రజియల్లాహు అన్హు కథనం, “ప్రవక్త సల్లల్లాహు అలైహి వసల్లం ఏ కొంచమైనా భుజించని వరకు ఈదుల్ ఫిత్ర్ కు వెళ్ళకపోయేవారు. ఈదుల్ అజ్ హా చేసుకునెంత వరకు ఏమీ తినక పోయేవారు”. (అహ్మద్). పండుగ రోజు మంచి దుస్తులు ధరించుట అభిలషణీయం.
పండుగ నమాజ్ రెండు రకాతులు. ఇవి ఖుత్బకు ముందు చేయాలి. అందులో ఇమాం బిగ్గరగా ఖుర్ఆను పఠించాలి. పండుగ నమాజుకు అజాను, ఇఖామతు ఏదీ లేదు. ముందు తక్బీరె తహ్రీమ చెప్పి సనా చదవాలి. తరువాత ఏడు సార్లు అల్లాహు అక్బర్ అనాలి. ప్రతీ సారి చేతులు భుజాల వరకు ఎత్తాలి. తరువాత అఊజు బిల్లాహి మినష్షైతా నిర్రజీం, బిస్మిల్లా హిర్రహ్మా నిర్రహీం మరియు సూరె ఫాతిహ, దాని తరువాత ఏదైన సూర చదవాలి. మొదటి రకాతు యొక్క రెండవ సజ్దా నుండి అల్లాహు అక్బర్ అంటూ నిలబడిన తరువాత ఐదు సార్లు అల్లాహు అక్బర్ అనాలి. ప్రతీ సారి చేతులు భుజాల వరకు ఎత్తాలి. సూరె ఫాతిహ మరో సూర చదివి రెండవ రకాతు పూర్తి చేయాలి. (మొదటి రకాతులో సూరె ఖాఫ్ లేదా సూరె అఅలా రెండవ రకాతులో సూరె ఖమర్ లేదా సూరె గాషియ చదవడం సున్నత్. (ముస్లిం 878, 891). (మొదటి రకాతులో ఏడు, రెండవ రకాతులో ఐదు తక్బీరుల విషయం అబూదావూదు 1149లో ఉంది).
పండుగ నమాజుకు ముందూ, వెనకా సున్నుతుగానీ, నఫిల్ గానీ ఏమీ లేవు. ఇమాంతో ఒక రకాతు పొందనివారు ఇమాం సలాం తింపిన తరువాత పూర్తి చేసుకోవాలి. ఇమాం ఖుత్బ ఇస్తున్న సమయంలో వచ్చినవారు కూర్చుండి ఖుత్బ వినాలి. ఖుత్బ ముగిసిన తరువాత పైన తెలిపిన విధానంలోనే నమాజ్ చేసుకోవాలి. ఒకరుంటే ఒంటరిగానే చేసుకోవాలి. ఇద్దరు ఇద్దరికంటే ఎక్కువ మంది ఉంటే జమాఅతుతో (సామూహికంగా) చేసుకోవాలి.
ఈ పుస్తకం ఆధారంగా చెప్పిన ముందు వీడియో పాఠాలు
You must be logged in to post a comment.