TeluguIslam.net

ఇస్లాంలో పరదా (బురఖా)
వక్త: షరీఫ్ మదనీ (హఫిజహుల్లాహ్), వైజాగ్
https://www.youtube.com/watch?v=cid0bE2bcMc [60 నిముషాలు]

మిత్రులారా! అల్హందులిల్లాహ్ మరొక ముఖ్యమైన మరియు తప్పకుండా వినాల్సిన వీడియో. ఇది స్త్రీలకోసమే కాదు, పురుషులు కూడా తప్పకుండా వినండి. మీ బంధు మిత్రులకు కూడా షేర్ చెయ్యండి తప్పనిసరిగా ఇన్ షా అల్లాహ్.

ఈ వీడియో లో పరదా గురుంచి ఒక అమెరికా స్త్రీ గురుంచిన కథ వింటే, మీరు కన్నీరు పెట్టటం ఖాయం

يَا أَيُّهَا النَّبِيُّ قُلْ لِأَزْوَاجِكَ وَبَنَاتِكَ وَنِسَاءِ الْـمُؤْمِنِينَ يُدْنِينَ عَلَيْهِنَّ مِنْ جَلَابِيبِهِنَّ ذَلِكَ أَدْنَى أَنْ يُعْرَفْنَ فَلَا يُؤْذَيْنَ وَكَانَ اللهُ غَفُورًا رَحِيمًا

{ఓ ప్రవక్తా! నీ భార్యలకు, నీ కూతుళ్ళకు, విశ్వాసుల స్త్రీలకు తమ దుప్పట్ల కొంగులను తమపై వ్రేలాడ తీసుకోమని చెప్పు. వారు గుర్తింప బడటానికీ, వేధింపబడకుండా ఉండేందుకు ఇది ఎంతో సముచితమైన పద్దతి, అల్లాహ్ క్షమించేవాడు కరుణించువాడునూ} (33: అహ్ జాబ్: 59).

وَقُل لِّلْمُؤْمِنَـٰتِ يَغْضُضْنَ مِنْ أَبْصَـٰرِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا ۖ وَلْيَضْرِبْنَ بِخُمُرِهِنَّ عَلَىٰ جُيُوبِهِنَّ ۖ وَلَا يُبْدِينَ زِينَتَهُنَّ إِلَّا لِبُعُولَتِهِنَّ أَوْ ءَابَآئِهِنَّ أَوْ ءَابَآءِ بُعُولَتِهِنَّ أَوْ أَبْنَآئِهِنَّ أَوْ أَبْنَآءِ بُعُولَتِهِنَّ أَوْ إِخْوَٰنِهِنَّ أَوْ بَنِىٓ إِخْوَٰنِهِنَّ أَوْ بَنِىٓ أَخَوَٰتِهِنَّ أَوْ نِسَآئِهِنَّ أَوْ مَا مَلَكَتْ أَيْمَـٰنُهُنَّ أَوِ ٱلتَّـٰبِعِينَ غَيْرِ أُو۟لِى ٱلْإِرْبَةِ مِنَ ٱلرِّجَالِ أَوِ ٱلطِّفْلِ ٱلَّذِينَ لَمْ يَظْهَرُوا۟ عَلَىٰ عَوْرَٰتِ ٱلنِّسَآءِ ۖ وَلَا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِن زِينَتِهِنَّ ۚ وَتُوبُوٓا۟ إِلَى ٱللَّهِ جَمِيعًا أَيُّهَ ٱلْمُؤْمِنُونَ لَعَلَّكُمْ تُفْلِحُونَ

(ఓ ప్రవక్తా!) ముస్లిం స్త్రీలు తమ చూపులను క్రిందికి ఉంచాలనీ, తమ మర్మస్థానాలను రక్షించుకోవాలనీ, బహిర్గతమై ఉండేది తప్ప – తమ అలంకరణను బహిర్గతం చేయరాదనీ, తమ వక్షస్థలాలపై ఓణీలు వేసుకోవాలనీ, తమ భర్త లేక తమ తండ్రి లేక తమ మామగారు లేక తమ కొడుకులు లేక తమ భర్త కొడుకులు లేక తమ సోదరులు లేక తమ సోదరుల కుమారులు లేక తమ అక్కాచెల్లెళ్ల కొడుకులు లేక తమతో కలిసిమెలిసి ఉండే స్త్రీలు, లేక తమ బానిసలు లేక ఇతరత్రా ఉద్దేశాలు లేకుండా తమకు లోబడి ఉన్న పురుష సేవకులు లేక స్త్రీల గుప్త విషయాల గురించి ఇంకా తెలియని బాలురు – వీళ్ల ఎదుట తప్ప ఇతరుల ఎదుట తమ అలంకరణలను (అంద చందాలను) కనబడనివ్వకూడదనీ, దాగివున్న తమ అలంకరణ ఇతరులకు తెలిసిపోయేలా తమ కాళ్ళను నేలపై కొడుతూ నడవరాదని వారితో చెప్పు. ముస్లింలారా! మీరంతా కలసి అల్లాహ్‌ సన్నిధిలో పశ్చాత్తాపం చెందండి. తద్వారా మీరు సాఫల్యం పొందవచ్చు (24: నూర్ :31).

—

ఈ ప్రసంగంలో, వక్త ఇస్లాం అనేది మానవాళి కోసం అల్లాహ్ నిర్దేశించిన సంపూర్ణ జీవన విధానమని, అది పుట్టుక నుండి మరణం వరకు ప్రతి అంశాన్ని బోధిస్తుందని వివరించారు. ముఖ్యంగా, స్త్రీల గౌరవం మరియు రక్షణ కోసం అల్లాహ్ విధించిన పరదా (హిజాబ్) యొక్క ప్రాముఖ్యతను నొక్కి చెప్పారు. పరదా అనేది స్త్రీకి రక్షణ కవచమని, గౌరవాన్ని ఇస్తుందని ఖురాన్ ఆయతుల ద్వారా మరియు ప్రవక్త జీవిత సంఘటనల ద్వారా స్పష్టం చేశారు. పరదా ఎవరి ముందు పాటించాలి, దాని నియమాలు ఏమిటి అనే విషయాలను వివరించారు. అల్లాహ్ భీతి, విశ్వాసం మరియు త్యాగాలకు నిలువుటద్దంగా నిలిచిన సహాబీల మరియు ఒక క్రైస్తవ స్త్రీ ఇస్లాం స్వీకరించిన సంఘటనలను ఉదాహరణలుగా చెప్పి, శ్రోతలను ఇహపరలోకాల సాఫల్యం కోసం ఇస్లామీయ జీవన విధానాన్ని, ముఖ్యంగా పరదాను ఆచరించమని ప్రబోధించారు.

وخير الهدي هدي محمد صلى الله عليه وسلم
(వ ఖైరల్ హదీ హదీ ముహమ్మదిన్ సల్లల్లాహు అలైహి వసల్లం)
మరియు ఉత్తమమైన మార్గదర్శకత్వం ముహమ్మద్ సల్లల్లాహు అలైహి వసల్లం వారి మార్గదర్శకత్వం.

وشر الأمور محدثاتها وكل محدثة بدعة وكل بدعة ضلالة وكل ضلالة في النار
(వ షర్రల్ ఉమూరి ముహ్ దసాతుహా వ కుల్లు ముహ్ దసతిన్ బిద్’అ వ కుల్లు బిద్’అతిన్ జలాలా వ కుల్లు జలాలతిన్ ఫిన్నార్)
విషయాలలో చెడ్డవి కొత్తగా కల్పించబడినవి, ప్రతి కొత్త కల్పన బిద్అత్, ప్రతి బిద్అత్ మార్గభ్రష్టత్వం మరియు ప్రతి మార్గభ్రష్టత్వం నరకంలోకి తీసుకువెళ్తుంది.

فأعوذ بالله من الشيطان الرجيم
(ఫ అ’ఊజు బిల్లాహి మినష్ షైతానిర్ రజీమ్)
శపించబడిన షైతాన్ నుండి నేను అల్లాహ్ శరణు వేడుకుంటున్నాను.

بسم الله الرحمن الرحيم
(బిస్మిల్లా హిర్రహ్మా నిర్రహీమ్)
అనంత కరుణామయుడు, అపార కృపాశీలుడైన అల్లాహ్ పేరుతో (ప్రారంభిస్తున్నాను).

يَا أَيُّهَا النَّبِيُّ قُل لِّأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِن جَلَابِيبِهِنَّ ۚ ذَٰلِكَ أَدْنَىٰ أَن يُعْرَفْنَ فَلَا يُؤْذَيْنَ ۗ وَكَانَ اللَّهُ غَفُورًا رَّحِيمًا
(యా అయ్యుహన్ నబియ్యు ఖుల్ లి అజ్వాజిక వ బనాతీక వ నిసాఇల్ మూమినీన యుద్ నీన అలైహిన్న మిన్ జలాబీ బిహిన్న, జాలిక అద్నా అన్ యు’రఫ్న ఫలా యు’జైన వ కానల్లాహు గఫూరన్ రహీమా)
ఓ ప్రవక్తా! నీ భార్యలతో, నీ కుమార్తెలతో, విశ్వసించిన స్త్రీలతో చెప్పు: వారు తమ పై వస్త్రాలను తమపై జారవిడుచుకోవాలి. దీనితో వారు గౌరవనీయులుగా గుర్తింపబడి, బాధలకు గురికాకుండా ఉంటారు. నిశ్చయముగా అల్లాహ్ క్షమించేవాడు, కరుణించేవాడు.

رَبِّ اشْرَحْ لِي صَدْرِي وَيَسِّرْ لِي أَمْرِي وَاحْلُلْ عُقْدَةً مِّن لِّسَانِي يَفْقَهُوا قَوْلِي
(రబ్బిష్రహ్ లీ సద్రీ వ యస్సిర్లీ అమ్ రీ వహ్ లుల్ ఉఖ్ దతమ్ మిల్ లిసానీ యఫ్ ఖహూ ఖౌలీ)
ఓ నా ప్రభూ! నా హృదయాన్ని నా కోసం విశాలపరచు. నా కార్యాన్ని నాకు సులభం చేయి. నా నాలుకలోని ముడిని విప్పు, తద్వారా వారు నా మాటను అర్థం చేసుకోగలరు.

رَبِّ زِدْنِي عِلْمًا, رَبِّ زِدْنِي عِلْمًا, اللَّهُمَّ رَبِّ زِدْنِي عِلْمًا
(రబ్బి జిద్నీ ఇల్మా, రబ్బి జిద్నీ ఇల్మా, అల్లాహుమ్మ రబ్బి జిద్నీ ఇల్మా)
ఓ నా ప్రభూ! నా జ్ఞానాన్ని అధికం చేయి. ఓ నా ప్రభూ! నా జ్ఞానాన్ని అధికం చేయి. ఓ అల్లాహ్! నా ప్రభూ! నా జ్ఞానాన్ని అధికం చేయి.

سُبْحَانَكَ لَا عِلْمَ لَنَا إِلَّا مَا عَلَّمْتَنَا ۖ إِنَّكَ أَنتَ الْعَلِيمُ الْحَكِيمُ
(సుబ్ హానక లా ఇల్మ లనా ఇల్లా మా అల్లమ్ తనా ఇన్నక అంతల్ అలీముల్ హకీమ్)
నీవు పవిత్రుడవు. నీవు మాకు నేర్పినది తప్ప మాకు ఏ జ్ఞానమూ లేదు. నిశ్చయంగా నీవే సర్వజ్ఞుడు, వివేకవంతుడవు.

అల్లాహ్ యొక్క శరణు వేడుకుంటూ ఉన్నాను, షైతాన్ యొక్క కీడు నుండి, షైతాన్ యొక్క చేష్టల నుండి రక్షణ పొందుట కొరకు. అనంత కరుణామయుడు, అపార కరుణా ప్రదాత అయిన అల్లాహ్ పేరుతో ప్రారంభిస్తూ ఉన్నాను. ప్రియ సోదరులారా, ప్రియమైన సోదరీమణులారా, ముందుగా సర్వ స్తోత్రములు సకల లోకాలకు ప్రభువైన అల్లాహ్ కే ప్రత్యేకము, అల్హమ్దులిల్లాహ్. ఆ అల్లాహ్ సుబ్ హాన వ త’ఆలా సమస్తాన్ని సృష్టించినవాడు, సమస్తమును నడిపిస్తున్నవాడు. ఆ అల్లాహ్ సుబ్ హాన వ త’ఆలా మాత్రమే ఈ విశ్వ సామ్రాజ్యానికి అధిపతి, ఆయన ఆధిపత్యము మాత్రమే దీనిపై చెల్లుతుంది ప్రియులారా. ఆయనే అల్లాహ్, ఆయన తప్ప వేరే నిజ ఆరాధ్యుడు లేడు. అల్లాహ్ సజీవుడు, అల్లాహ్ నిత్యుడు, అల్లాహ్ విశ్వ వ్యవస్థకు ఆధారభూతుడు, అల్లాహ్ కునుకు తీయనివాడు, అల్లాహ్ నిదుర పోనివాడు సోదరులారా.

ఆయనే అల్లాహ్, కేవలం ఒకే ఒక్కడు, ఎవరి అవసరము లేనివాడు. ఆయన ఎవరికీ సంతానము కానటువంటి వాడు, అల్లాహ్ సంతానము కలిగి లేనటువంటి వాడు. ఆ అల్లాహ్ కు సరి సమానమైనది విశ్వములో ఏదీ లేదు ప్రియులారా. ఆ అల్లాహ్ యే తల్లి గర్భాలలో చిన్న వీర్యపు బిందువుగా ప్రవేశించిన మనల్ని మంచి ఆకృతి ప్రసాదించినవాడు. నా ప్రియ సోదరులారా, నా ప్రియ సోదరీమణులారా, అల్లాహ్ సుబ్ హాన వ త’ఆలాను పోల్చుకోండి, అల్లాహ్ సుబ్ హాన వ త’ఆలాను గుర్తించండి. అల్లాహ్ ను ఏ విధంగా గుర్తించాలో ఆ విధంగా గుర్తించండి. నేను అన్నింటికంటే మొట్టమొదటి మాట మీ ముందు ఉంచుతున్నాను సోదరులారా, ప్రియమైన సోదరీమణులారా, అల్లాహ్ సుబ్ హాన వ త’ఆలా యొక్క ఏకత్వాన్ని గుర్తించండి.

అల్లాహ్ ను పోల్చుకోండి ప్రియులారా. ఆ అల్లాహ్ యొక్క కారుణ్యము లేనిదే ఈ రోజు ప్రపంచములో ఎవరి మనుగడ సాధ్యము కాదు సోదరులారా. సుబ్ హా నల్లాహ్, అల్హమ్దులిల్లాహ్, ఆ అల్లాహ్ సుబ్ హాన వ త’ఆలా ఏ విధంగా సర్వాన్ని సృష్టించాడో, సుబ్ హా నల్లాహ్. మనము గనుక అల్లాహ్ యొక్క అనుగ్రహాలను లెక్కబెట్టదలిస్తే, అల్లాహ్ యొక్క అనుగ్రహాలను లెక్కబెట్టలేము సోదరులారా. ఏమని లెక్కబెడతాం? అల్హమ్దులిల్లాహ్. ఈ మానవ దేహము చూడండి, ఇది అల్లాహ్ యొక్క గొప్ప అనుగ్రహం, సుబ్ హా నల్లాహ్. అల్లాహ్ చూసే కనులు ప్రసాదించాడు, వినే చెవులు ప్రసాదించాడు. అల్హమ్దులిల్లాహ్, ప్రతీది అల్లాహ్ యొక్క అనుగ్రహం. మరి మనలో ఎంతమంది ఆ అల్లాహ్ సుబ్ హాన వ త’ఆలాకు కృతజ్ఞత తెలుపుతూ జీవితము గడుపుతున్నాం? ఈ రోజు కృతజ్ఞతా భావం మనలో ఉందా?

అల్లాహ్ సుబ్ హాన వ త’ఆలా ఈ రోజు నాకు కుటుంబాన్ని ప్రసాదించాడు, కుటుంబంలో నలుగురి మధ్య జీవితము గడుపుతున్నాను, అల్హమ్దులిల్లాహ్ పలకండి. ప్రపంచములో ఎందరో అనాధలుగా దిక్కులేని జీవితం గడుపుతూ ఉన్నారు. ఈ రోజు వేళకు అల్హమ్దులిల్లాహ్ ఆహారం భుజిస్తూ ఉన్నాను, అల్లాహ్ కు కృతజ్ఞత తెలపండి. ఈ రోజు ప్రపంచములో ఎంతో మంది ఆహారము లేక విలవిలలాడుతున్నారు ప్రియులారా. సుబ్ హా నల్లాహ్. ప్రియ సోదరులారా, ప్రియమైన సోదరీమణులారా, అల్లాహ్ యొక్క కారుణ్యం పట్ల, అల్లాహ్ యొక్క అనుగ్రహాల పట్ల కృతజ్ఞత తెలిపేవారిగా జీవితం గడపడం ప్రారంభించండి.

ఒక ఉదాహరణ, నేను అనేక సందర్భాలలో ఇస్తూ ఉంటాను సోదరులారా, మీ ముందు కూడా ఆ ఉదాహరణతో నేను నా మాటను ముందుకు తీసుకు వెళ్తున్నాను. ఒక అబ్బాయి వాళ్ల నాన్నగారితో మారం చేస్తున్నాడు, “నాన్నగారు, నాకు కొత్త బూట్లు కొనివ్వండి, మీరు కొత్త బూట్లు కొనివ్వకపోతే నేను రోడ్డు మీదకు అడుగు పెట్టను” అన్నాడు. వాళ్ల నాన్న ఏదో కష్టపడి ఆ అబ్బాయికి కొత్త బూట్లు కొనిచ్చాడు. ఆ అబ్బాయి కొత్త బూట్లు తొడుక్కున్నాడు. కొత్త బూట్లు తొడుక్కున్న తర్వాత, ఆ అబ్బాయి రోడ్డు మీదకు వెళ్తున్నాడు. రోడ్డు మీదకు వెళ్లిన కాసేపటికే, ఆ అబ్బాయి ఏడ్చుకుంటూ ఒక పక్కన కూర్చుండిపోతున్నాడు. కాసేపటి తర్వాత, వాళ్ల నాన్నగారు రోడ్డు మీదకు వెళ్తున్నారు, అబ్బాయి ఒక పక్కన ఏడ్చుకుంటూ కూర్చున్నాడు. తండ్రి కుమారునితో ప్రశ్నిస్తూ ఉన్నాడు, “ఏం నాన్న, బూట్లు అడిగావు కదా, కొనిచ్చాను కదా, అయినా ఎందుకు ఏడుస్తున్నావు?” కుమారుడు ఈ విధంగా సమాధానం ఇస్తున్నాడు, “నాన్నగారు, తమరు ఇచ్చిన కొత్త బూట్లు తొడుక్కొని నేను రోడ్డు మీదకు వెళ్ళాను. రోడ్డు మీదకు వెళ్ళిన వెంటనే, ఒక అవిటి వ్యక్తిని చూశాను. ఆ అవిటి వ్యక్తి మోకాళ్ళ వరకు రెండు కాళ్ళు లేకుండా రోడ్డు మీద పడి ఉన్నాడు. నాకు రెండు కాళ్ళు ఉన్నాయి కాబట్టి నేను బూట్లు కోరుకున్నానే, ఆ అవిటి వ్యక్తికి రెండు కాళ్ళే లేవు కదా, అతడు దేన్ని కోరుకుంటాడు?” సుబ్ హా నల్లాహ్.

ప్రియ సోదరులారా, ప్రియమైన సోదరీమణులారా, అల్లాహ్ సుబ్ హాన వ త’ఆలాను స్మరిస్తూ జీవితం గడపండి. అల్లాహ్ యొక్క నామ స్మరణ చేస్తూ జీవితము గడపండి. మన హృదయాలు ఏ విధంగా మరణించిన వారి హృదయాలు కాకూడదు ప్రియులారా. అల్లాహ్ యొక్క జిక్ర్ చేయండి. అల్లాహ్ యొక్క జిక్ర్ చేసే వారు ఎలాగంటి వారు? సజీవమైన వారితో సమానం. ఎవరైతే అల్లాహ్ యొక్క జిక్ర్ చెయ్యరో, వారు చనిపోయిన వారితో సమానం. మహాప్రవక్త అంటున్నారు, “మసలుల్లజీ యజ్కురు రబ్బహూ వల్లజీ లా యజ్కురు రబ్బహూ మసలుల్ హయ్యి వల్ మయ్యితీ“. ఎవరైతే అల్లాహ్ ను స్మరిస్తూ ఉంటారో, ఎవరైతే అల్లాహ్ ను స్మరించరో, వీరిద్దరి ఉదాహరణ ఎలాంటిది అంటే, అల్లాహ్ ను స్మరించేవాడు బ్రతికున్న మనిషితో సమానము. ఎవరైతే అల్లాహ్ ను స్మరించడో వాడు చనిపోయిన వాడితో సమానము. ఈ రోజు అల్లాహ్ సుబ్ హాన వ త’ఆలా స్మరణ మనలో ఎంత ఉంది? ఆలోచించండి.

ఏదేమైనప్పటికీ, ముందుగా సర్వ స్తోత్రములు సకల లోకాలకు ప్రభువైన అల్లాహ్ కే ప్రత్యేకము, అల్హమ్దులిల్లాహ్. పిదప అల్లాహ్ యొక్క సమస్త ప్రవక్తలపై అల్లాహ్ యొక్క కారుణ్యములు, శుభములు మరియు శాంతి వర్షించును గాక. ప్రత్యేకముగా చిట్టచివరి దైవప్రవక్త, ఆదర్శ మూర్తి, హృదయాల విజేత, అంతిమ దైవప్రవక్త, హజరతే ముహమ్మద్ రసూలుల్లాహ్ సల్లల్లాహు అలైహి వసల్లం వారిపై, అల్లాహుమ్మ సల్లీ అలా ముహమ్మద్ వ అలా ఆలి ముహమ్మద్, కమా సల్లయితా అలా ఇబ్రాహీమ వ అలా ఆలి ఇబ్రాహీమ, ఇన్నక హమీదుమ్ మజీద్. అల్లాహుమ్మ బారిక్ అలా ముహమ్మద్ వ అలా ఆలి ముహమ్మద్, కమా బారక్త అలా ఇబ్రాహీమ వ అలా ఆలి ఇబ్రాహీమ, ఇన్నక హమీదుమ్ మజీద్. పిదప మనందరిపై అల్లాహ్ యొక్క శాంతి, కారుణ్యము మరియు శుభములు వర్షించును గాక. ఆమీన్.

ప్రియ సోదరులారా, ప్రియమైన సోదరీమణులారా, అల్లాహ్ సుబ్ హాన వ త’ఆలా విశ్వ సృష్టికర్త, యజమాని, పాలకుడు, పోషకుడు. మనిషిని సృష్టించాడు సోదరులారా. ఆ మనిషి ఏ విధంగా జీవితము గడపాలి అని ఆయనే బోధించి ఉన్నాడు సోదరులారా. అల్లాహ్ సుబ్ హాన వ త’ఆలా ఆదం అలైహిస్సలాతు వస్సలాము నుండి చిట్టచివరి దైవప్రవక్త హజరతే ముహమ్మద్ రసూలుల్లాహ్ సల్లల్లాహు అలైహి వసల్లం వరకు ప్రతి ప్రవక్తను ఈ భూలోకం పైకి పంపించి, ఆ ప్రవక్తకు ఒక జీవన విధానం నిర్దేశించాడు. ఎందుకంటే, అల్లాహ్ కు బాగా తెలుసు, మనిషి ఏ విధమైన జీవితాన్ని గడిపితే వాడు సాఫల్యం పొందుతాడో. ఉదాహరణకు, మనం మార్కెట్ లోనికి వెళ్లి ఒక వాషింగ్ మెషిన్ కొన్నాం. ఆ వాషింగ్ మెషీనో, ఫలానా ఏదైనా ఎలక్ట్రానిక్ ఐటమ్ కొన్నాం. ఎలక్ట్రానిక్ ఐటమ్ కొన్న తర్వాత, ఆ కంపెనీ వాడు ఏం చేస్తాడు? మనము ఏ ఐటమ్ అయితే మార్కెట్ లో కొన్నామో, ఆ ఐటమ్ కు సంబంధించి చిన్న బుక్లెట్ ఇస్తాడు. ఆ బుక్లెట్ లో ఏముంటుంది? ఈ వాషింగ్ మెషిన్ ఎలా ఉపయోగించాలి? దీన్ని ఏ విధంగా వాడాలి? ఏ విధంగా ఉంచాలి? ఫలానా విషయాలు చెబుతాడు ఎందుకు? వాడు దానిని తయారు చేశాడు కాబట్టి, దానిని ఏ విధంగా ఉపయోగిస్తే అది ఎక్కువ మన్నిక వస్తుందో వాడికి తెలుసు. మరి అల్లాహ్ సుబ్ హాన వ త’ఆలా సర్వ మానవాళిని సృష్టించాడు కదా? మరి ఈ మానవులు ఎలాంటి జీవితము గడిపితే సాఫల్యం పొందుతారు? అల్లాహ్ కు బాగా తెలుసు. కాబట్టి అల్లాహ్ మానవాళి కొరకు ఒక జీవన విధానం నిర్దేశించాడు, దాని పేరు ఇస్లాం.

ఇస్లాం – సంపూర్ణ జీవన విధానం

అల్లాహ్ సుబ్ హాన వ త’ఆలా ఎవరైతే మానవాళిని సృష్టించాడో, మానవాళి జీవన విధానము కూడా ఆ అల్లాహ్ నిశ్చయించాడు, దాని పేరే ఇస్లాం సోదరులారా. పవిత్ర ఖురాన్ గ్రంథము, మూడవ అధ్యాయము, సూరే ఆలే ఇమ్రాన్, వాక్యము సంఖ్య 19లో అల్లాహ్ అంటున్నారు, “ఇన్నద్దీన ఇందల్లాహిల్ ఇస్లాం“. ఆ అల్లాహ్ వద్ద ఏదైనా జీవన విధానం స్వీకరింపబడుతుంది అంటే అది ఇస్లాం.

ఇస్లాం అంటే అర్థం ఏమిటండీ? ఇస్లాం అంటే అర్థం, మనల్ని సృష్టించిన మన సృష్టికర్తకు మనం విధేయత చూపుతూ, ఆయన ఇచ్చిన ఆజ్ఞ అనుగుణంగా జీవితము గడపటానినే ఇస్లాం అంటారు ప్రియులారా. మరి మనలో ఎంతమంది ఈ రోజు ఇస్లాం ప్రకారం జీవితాన్ని గడుపుతున్నాం? “నేను ముస్లింనండీ, నా పేరు అబ్దుర్రహ్మాన్ అండీ, నా పేరు ఫాతిమా అండీ, నా పేరు ఆయిషా అండీ, నా పేరు అబ్దుల్ జబ్బార్ అండీ. నేను ముస్లింనండీ, కానీ ఇస్లాం విధానం మా జీవితాలలో లేదండీ, ఇస్లాం పద్ధతులు మా జీవితాలలో లేవండీ. ఖురాన్ గ్రంథం చదవటమా? ఆ మాట మాకు చెప్పకండి. నమాజు చేయటమా? ఆ మాటలు మాకొద్దండీ. తాత ముత్తాతల నుండి ముస్లింలుగా పుట్టామండీ. ఆ పేర్లు పెట్టుకుంటూ సమాజంలో వెళ్లిపోదామా? లేక మన జీవితాలలో పరలోకము కోసం సామాగ్రి తయారు చేసుకుందామా?”

ప్రియ సోదరులారా, ప్రియమైన సోదరీమణులారా, అల్లాహ్ సుబ్ హాన వ త’ఆలా మనల్ని సృష్టించిన ఉద్దేశ్యము ఏమిటి? అల్లాహ్ మన ఇష్టం వచ్చినట్లు జీవితము గడపటానికి సృష్టించాడా? అల్లాహ్ దేనికోసం సృష్టించాడు ప్రియులారా? పవిత్ర ఖురాన్ గ్రంథం అంటుంది,

وَمَا خَلَقْتُ الْجِنَّ وَالْإِنسَ إِلَّا لِيَعْبُدُونِ
(వమా ఖలఖ్తుల్ జిన్న వల్ ఇన్స ఇల్లా లి య’అబుదూన్)
మేము మానవులను, జిన్నాతులను కేవలం మా ఆరాధన కోసం సృష్టించాము.

అల్లాహ్ అంటున్నారు. మేము మానవులను జిన్నాతులను కేవలం మా ఆరాధన కోసం సృష్టించాము. ఈ రోజు ఆరాధన పద్ధతిలో మనం పూర్తిగా ముందుకు వెళ్తున్నామా? సోదరులారా, ఇస్లాం ధర్మములో పూర్తిగా ప్రవేశించండి. షైతాన్ యొక్క అడుగుజాడలోనికి వెళ్ళకండి. పవిత్ర ఖురాన్ గ్రంథం అంటుంది, రెండవ సూరా, సూరే బఖరా, వాక్యము సంఖ్య 208లో,

يَا أَيُّهَا الَّذِينَ آمَنُوا ادْخُلُوا فِي السِّلْمِ كَافَّةً وَلَا تَتَّبِعُوا خُطُوَاتِ الشَّيْطَانِ ۚ إِنَّهُ لَكُمْ عَدُوٌّ مُّبِينٌ
ఓ విశ్వసించిన ప్రజలారా, ధర్మములోనికి పూర్తిగా ప్రవేశించండి. షైతాన్ యొక్క అడుగుజాడలను అనుసరించకండి, నిశ్చయముగా వాడు మీకు బహిరంగ శత్రువు.

అల్లాహ్ అంటున్నారు. ఓ విశ్వసించిన ప్రజలారా, ధర్మములోనికి పూర్తిగా ప్రవేశించండి. సగం సగం ప్రవేశం వద్దు ప్రియులారా. కొంతమంది ఉంటారు, సోమవారం అక్కడికి, లక్ష్మివారం అక్కడికి, శుక్రవారం మసీదుకు, ఈ విధంగా జీవితాలు గడపకూడదు. ఆ కొన్ని రోజులు నమాజు, మనసు చెప్తే నమాజు లేకపోతే నిద్ర, ఇలాంటి జీవితం అల్లాహ్ కు పనికిరాదు ప్రియులారా. అల్లాహ్ అంటున్నారు, “షైతాన్ అడుగుజాడలను అనుసరించకండి“. షైతాన్ ను అనుసరించకండి. షైతాన్ ఎన్నో తీసుకువస్తాడు ప్రియులారా. ఎందుకంటే అల్లాహ్ దగ్గర పర్మిషన్ తీసుకున్నాడు. నేను వారిని మార్గభ్రష్టత్వంలోనికి తీసుకువెళ్లిపోతాను. కానీ నిజమైన దాసులు షైతాన్ కు లోను కారు ప్రియులారా. వాడి యొక్క ఏదైతే పన్నాగాలు పన్నుతాడో అసలైన అల్లాహ్ విశ్వాసులు షైతాన్ పన్నాగాలలోనికి రారు. మరి ఈ రోజు మనం షైతాన్ ను స్నేహితుడిగా చేసుకున్నామా? లేక అల్లాహ్ కు స్నేహితుడిగా మారి ఉన్నామా? మనం అల్లాహ్ కు స్నేహితులుగా మారి ఉంటే, అల్లాహ్ ఏదైతే ఇస్లాం ధర్మశాస్త్రం మన కోసం పెట్టాడో, దాని గీత కూడా దాటి అవతలకు వెళ్ళము సోదరులారా. పదండి చూద్దాం. ఈ రోజు మనం ఆలోచించవలసిన అవసరం ఉంది సోదరులారా. పురుషులు మరియు స్త్రీలు అల్లాహ్ ఏదైతే ఆజ్ఞాపాలన చేయమన్నాడో, అల్లాహ్ యొక్క ఆజ్ఞాపాలన చేస్తున్నామా లేదా?

ఇస్లాం ధర్మశాస్త్రం మనిషి జీవితంలో ప్రతి విధానమును బోధించింది. ఒక మనిషి ఏ విధంగా జీవితము గడపాలి? ఒక మనిషి ఏ విధంగా తన జీవితంలో తన రోజువారీ విషయాలు పాటించాలి? ఇస్లాం దేనిని నేర్పలేదు? సుబ్ హా నల్లాహ్. అసూయపడేవారు ప్రజలు. “ఈ ప్రవక్త ఎవరండీ బాబు, ప్రతి మాట బోధిస్తున్నాడు. వాస్తవానికి, మలమూత్ర విసర్జన నియమాలు సైతం బోధిస్తున్నాడు.” ప్రజలు నవ్వేవారు. కానీ ఇస్లాం, ఒక మనిషి జీవితంలో, ఒక మనిషి తల్లి గర్భము నుండి ఒక పసివానిగా బయటకు వచ్చినప్పటి నుండి, సమాధిలోనికి వెళ్లిపోయేంత వరకు ఏ విధమైన జీవితము గడపాలి, ప్రతి విషయములోనూ ఇస్లాం బోధిస్తుంది ప్రియులారా. ప్రతి విషయాన్ని ఇస్లాం కూలంకషంగా చర్చిస్తుంది.

అదే మార్గములో స్త్రీల కోసం, సుబ్ హా నల్లాహ్, స్త్రీల కోసం ఇస్లాం, ఈ రోజు ప్రపంచంలో చూస్తున్నామండీ స్త్రీల గురించి ఎలాంటి మాటలు వస్తున్నాయి, స్త్రీలపై అనేక రకాలైన అత్యాచారాలు జరుగుతున్నాయి, స్త్రీ గౌరవానికి భంగం వాటిల్లుతుంది. ఆ విధంగా స్త్రీ ప్రపంచంలో అనేక రకాల బాధలకు గురి అవుతుంది. ఎందుకండీ? ఈ రోజు ప్రపంచంలోని స్త్రీలు అల్లాహ్ ఏదైతే నిర్దేశించాడో ఆ విధానానికి దూరం కావడం వల్ల. నేను ముఖ్తసరిగా మీ ముందు చెప్పబోతున్న మాట ఏమిటంటే, పరదా.

పరదా (హిజాబ్) యొక్క ప్రాముఖ్యత

హిజాబ్ అంటే ఏమిటి? అల్లాహ్ స్త్రీని సృష్టించాడు. ఆ స్త్రీ రక్షణ కోసం అల్లాహ్ ఆ స్త్రీకి హిజాబ్ పెట్టాడు. హిజాబ్ అంటే ఏమిటి? మన సాధారణ పరిభాషక పదములో హిజాబ్ అనగా బురఖా ప్రియులారా. హిజాబ్ అంటే అర్థం ఏమిటి? పవిత్ర ఖురాన్ గ్రంథములో అల్లాహ్ అంటూ ఉన్నారు, 33వ సూరా, సూరే అహ్జాబ్, వాక్యము నెంబర్ 59లో.

يَا أَيُّهَا النَّبِيُّ قُل لِّأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِن جَلَابِيبِهِنَّ ۚ ذَٰلِكَ أَدْنَىٰ أَن يُعْرَفْنَ فَلَا يُؤْذَيْنَ ۗ وَكَانَ اللَّهُ غَفُورًا رَّحِيمًا
ఓ ప్రవక్తా, చెప్పండి, మీ భార్యలకు, మీ కుమార్తెలకు, విశ్వసించిన స్త్రీలకు, వారు తల నుండి పాదము వరకు వస్త్రముతో కప్పుకోవాలని. దీనితో వారు గౌరవనీయులుగా గుర్తింపబడి, బాధలకు గురి కాకుండా ఉంటారు. నిశ్చయముగా అల్లాహ్ క్షమించేవాడు, కరుణించేవాడు

సోదరులారా. మరి అల్లాహ్ ఇచ్చిన ఈ ధర్మశాస్త్రాన్ని మనం ఎంతవరకు అవలంబిస్తున్నాము? సోదరీమణులారా, చాలామంది ఉన్నారు, పరదా అంటే వారికి తెలియదు. హిజాబ్ అంటే వారికి తెలియదు. ఈ రోజు చాలా మంది సోదరీమణులు పేరుకు మాత్రం పరదా వేసేవారు ఉన్నారు. ఇస్లాం ధర్మములో స్త్రీ యొక్క స్థానం చాలా గొప్పది సోదరులారా, ప్రియమైన సోదరీమణులారా. అలాంటి స్త్రీకి రక్షణ లభించాలి అంటే, ఆమె అల్లాహ్ నిర్దేశించిన పరదా విధానాన్ని కచ్చితంగా అవలంబించి తీరాలి. ఈ పరదాలో స్త్రీకి ఏమున్నది? పరదాలో స్త్రీకి గౌరవం ఉన్నది. పరదాలో స్త్రీకి సమాజములో గౌరవ మర్యాద ఉన్నది. ఎలా?

ఈ రోజు పరదా, అల్లాహ్ తరఫున రక్షక కవచం ప్రియ సోదరులారా. అనేకమంది అంటారు, పరదాలో స్త్రీ నలిగిపోతుంది. ఈ రోజు ప్రపంచం ఏమంటుందంటే, ముస్లింలు స్త్రీలకు అన్యాయానికి గురి చేస్తున్నారు, వారిని నల్లటి బట్టలలో కప్పేస్తున్నారు, ఏమిటి మరి స్వేచ్ఛ? పాశ్చాత్య దేశాల వలె స్త్రీ చిన్న చిన్న బట్టలు వేసుకోవటం స్త్రీ స్వేచ్ఛ?. అడ్వర్టైజ్మెంట్లో స్త్రీ లేకుండా అడ్వర్టైజ్మెంట్లే రావు, అది స్త్రీ స్వేచ్ఛ?. లేదు సోదరులారా, స్త్రీకి ఇస్లాంలో ఎంత గౌరవం అంటే, మాషాఅల్లాహ్ త’ఆలా, ఆమె అల్లాహ్ సుబ్ హాన వ త’ఆలా నిర్దేశించిన పరదాతో అటు ఆఖిరత్ కోసం జీవితము తయారు చేసుకుంటుంది. ఆమెకు సమాజములో గౌరవం లభిస్తుంది.

వాస్తవానికి పరదా కేవలం వంటి మీద బురఖా వేసుకుంటే అయిపోయిందా? స్త్రీలకు పరదా ఎన్ని రకాలుగా ఉంది షరియతులో? స్త్రీకి పరదా, ఆమె యొక్క శబ్దంపై ఉంది సోదరులారా. స్త్రీకి పరదా ఆమె శబ్దంపై ఉన్నది. ప్రవక్త యొక్క భార్యలకు అల్లాహ్ అంటున్నాడు, “ఓ ప్రవక్త భార్యలారా, మీరు ఎప్పుడైనా పరపురుషులతో మాట్లాడినప్పుడు, మీ యొక్క శబ్దములో సుతిమెత్తని శబ్దంతో మాట్లాడకండి”. స్త్రీ యొక్క శబ్దంపై పరదా ఉన్నది. స్త్రీ యొక్క అలంకరణపై పరదా ఉన్నది. స్త్రీ ఏదైతే అలంకరించుకుంటుందో, ఆమె వేసుకున్న వస్తువులు, ఆభరణాలపై పరదా ఉంటుంది. సుబ్ హా నల్లాహ్, అల్లాహు అక్బర్.

ఈ రోజు ఆ పరదా ఎక్కడికి వెళ్ళిపోయింది? నేను మాట్లాడితే అంశం ఎటో వెళ్తుంది సోదరులారా, కానీ చెప్పబోయే అంశం, ఈ రోజు బురఖాలు ఏవైతే ఉన్నాయో, అది స్త్రీ యొక్క అలంకరణ దాచి పెట్టాలి, కానీ స్వతహాగా బురఖాలు ఈ రోజు అలంకార ప్రాయమైపోయాయి. ఎలాగైపోయాయి బురఖాలండీ? బురఖా అనేది స్త్రీ దేహాన్ని కప్పాలి. కానీ చాలా శోచనీయమైన మాట ఏమిటంటే, ఈ రోజు బురఖా స్వయంగా ఒక అలంకారం వలె తయారు చేసేశారు. ఖైర్, అల్లాహ్ మనందరికీ మార్గదర్శకత్వాన్ని ప్రసాదించును గాక. నేను చెప్పే మాట అర్థం చేసుకుంటారని ఆశిస్తున్నాను.

పదండి చూద్దాం. పరదా ఎవరి ముందు చేయాలి? పరదా ఎవరి ముందు మనం పాటించాలి? ఎవరి ముందు పాటించక్కరలేదు? పవిత్ర ఖురాన్ గ్రంథాన్ని తీయండి. పవిత్ర ఖురాన్ గ్రంథము 24వ సూరా, సూరే నూర్, వాక్యము నెంబర్ 31లో 30లో అల్లాహ్ త’ఆలా ఈ విధంగా తెలియజేస్తున్నారు, “ఓ ప్రవక్తా, చెప్పండి. విశ్వసించిన పురుషులకు, వారు తమ చూపులు కిందకి దించి ఉంచాలని. విశ్వసించిన పురుషులకు చెప్పండి, వారి చూపులు కిందకి పెట్టి దించి నడవాలని. వారి మర్మాంగాలను రక్షించుకోవాలని. ఇదే వారి కోసం శ్రేష్టమైనది.” ఆ తర్వాత అల్లాహ్ అంటున్నారు, 31వ వాక్యంలో, “ఓ ప్రవక్తా, చెప్పండి. విశ్వసించిన స్త్రీలతో, వారు తమ మర్మాంగాలను రక్షించుకోవాలని, వారి చూపులను కిందకి ఉంచాలని. వారి అలంకరణ ఎదుట వ్యక్తుల ముందు ప్రదర్శించకూడదని, దానంతట అదే ఏదైతే ప్రదర్శితమవుతుందో అంటే కళ్ళు గాని, చేతులు గాని, మీరు వేసుకున్న బురఖా గాని. బురఖాను దాయలేరు కదా? అది దానంతట అదే బయటకి ప్రదర్శితమవుతుంది. కాబట్టి అది తప్ప, మీరు మీ అలంకరణ ఎదుట వ్యక్తుల ముందు చూపించకూడదు.

మీ అలంకరణ ఎవరి ముందు మీరు చూపించవచ్చు?” మీరు ముఖంపై పరదా లేకుండా సాధారణంగా ఇంట్లో బురఖా వేసుకోకుండా, సాధారణంగా ఆభరణాలు వేసుకున్నా సరే, ఎవరి ముందు మీరు మీ అలంకరణ ఆ విధంగా చూపించవచ్చు, సాధారణ దుస్తులతో అలంకరించుకొని. అల్లాహ్ ఖురాన్ గ్రంథములో అంటున్నాడు, ఎవరి ముందు మీ అలంకరణ చూపించడం ధర్మసమ్మతము?

మీ భర్తల ముందు, రెండో మాట అల్లాహ్ అంటున్నాడు, మీ భర్తల తండ్రుల ముందు అంటే భర్త తండ్రి ముందు ముఖానికి గాని ఆ విధంగా పూర్తి బురఖా వేసుకుని ఉండక్కర్లేదు. వారి మీద మీరు అలంకరణ చూపించవచ్చు. మీ భర్తలకు, మీ భర్తల తండ్రులు అంటే మీ మావయ్యలు. ఆ తర్వాత అల్లాహ్ అంటున్నారు, మీ భర్తలు, రెండవది మీ భర్తల తండ్రులు, మూడవది మీ సొంత తండ్రులు, నాలుగవది మీ కుమారులు, ఐదవది మీ భర్త కుమారులు అంటే భర్త వేరే నికాహ్ చేసుకుంటే ఆమెతో పుట్టిన సంతానము. ఎవరి ముందు మీ యొక్క అలంకరణ చూపించవచ్చండీ? మీ యొక్క తండ్రులు, రెండవది మీ యొక్క భర్తలు, మూడవది మీ తండ్రుల భర్తలు, నాలుగవది మీ కుమారులు, ఐదవది మీ భర్త యొక్క కుమారులు, ఆరవది మీ సోదరులు అంటే అన్న, తమ్ముడు వాళ్ల ముందు అలంకారం చూపించవచ్చు. ఏడవది, మీ సోదరుల తమ్ములు, మీ సోదరుల కుమారులు, ఎవరైతే సోదరుల కుమారులు ఉంటారో మేనల్లుడు అలాంటి వారి ముందు మీరు చూపించవచ్చు. ఆ తర్వాత అల్లాహ్ అంటున్నారు ఖురాన్ గ్రంథములో, మీ తోటి స్త్రీలు, ఆ తర్వాత మీ వద్ద పనిచేస్తున్న బానిస స్త్రీలు, ఆ తర్వాత కామ ఇచ్చలేని మగ బానిసలు, ఆ తర్వాత స్త్రీల గుప్త అవయవాల గురించి తెలియని బాలురు. ఎవరండీ? మీ తండ్రులు, రెండవది మీ భర్తలు, మూడవది మీ భర్త తండ్రులు, నాలుగవది మీ కుమారులు, ఐదవది మీ భర్త కుమారులు, ఆరవది మీ సోదరులు, ఏడవది మీ సోదరుల కుమార్ కుమారులు, ఎనిమిదవది మీ యొక్క మీతో ఉన్న చెలికత్తెలు, ఆ తర్వాత మీ వద్ద ఉన్న బానిసలు, ఎవరైతే కామ ఇచ్చ లేదో అలాంటి బానిసలు, అదే విధంగా స్త్రీల గుప్త అవయవాల కోసం తెలియని వాళ్ళు. వీరి ముందు తప్ప ఇతరుల ముందు మీరు మీ యొక్క అలంకరణ చూపించటం నిషిద్ధము సోదరీమణులారా.

ఈ రోజు సమాజం ఎలా ఉందండీ? మనం పరదాయేట్లేదు, మనకి పరదానే తెలీదు. “గురువుగారు ఇంకా మీరేదో అంటున్నారు, మాకు పరదా అంటేనే తెలియదు.” లేదు సోదరీమణులారా, మీ దేహాన్ని కప్పి ఉంచండి. “మీరు ఎక్కడో చెప్తున్నారు, నాన్నకు చూపించొచ్చు, తండ్రికి చూపించొచ్చు, భర్తకు చూపించొచ్చు, పిల్లల ముఖం చూడొచ్చు.” ఈ రోజైతే పరదా వేసుకోకుండానే రోడ్డు మీదకు వెళ్లిపోతున్నాం. అమ్మా, ఆఖిరత్ పై భయం ఉందా? అల్లాహ్ అంటే భయం ఉందా లేదా? అల్లాహ్ నిర్దేశించిన గీత వాస్తవంగా ఆషామాషీయా? ఈ రోజు మనకు ఖయామత్ పై విశ్వాసం ఉంటే, ప్రియ సోదరిమని, నీ దేహంపై వస్త్రము లేకుండా, నీ దేహంపై పరదా లేకుండా, నీ దేహంపై హిజాబు లేకుండా, నువ్వు రోడ్డు మీదకు అడుగు పెట్టవమ్మా. ఈ రోజు భయం ఎందుకు?

చాలామంది అంటారు, “గురువుగారు, మా పల్లెటూరండీ, మా పల్లెటూరులో చాలామంది పరదా వెయ్యరండీ. నేను వాళ్ళని చూసి ఒక్కదాన్ని పరదా వేసుకుంటే, ఒక్కదాన్ని బురఖా వేసుకుంటే పది మంది మధ్యలో ఎలాగో అనిపిస్తుంది.” ఏంటమ్మా? ఈ ప్రాపంచిక జీవితం కోసమే జీవిస్తున్నావా? లేకపోతే పరలోకం కోసం జీవిస్తున్నావా? పరలోకం కోసం జీవించే విశ్వాసి ఎప్పుడూ ప్రపంచాన్ని పట్టించుకోదు. వాస్తవానికి ఖయామత్ ఎంత? పరలోకం ఉందా లేదా? విశ్వాసం ఉందా లేదా? మరణాంతర జీవితంపై? “లేదండీ, అలాగ ముస్లిములుగా ఉన్నాం. మరణించిన తర్వాత తిరిగి లెగ…” అనుకుంటున్నారా? చనిపోయిన తర్వాత జీవితం లేదా? చనిపోయిన తర్వాత ఎంత జీవితం ఉందండీ? చనిపోయిన తర్వాత ఉన్న జీవితం ముందు, ఈ ప్రాపంచిక జీవితం ఎలాంటిది అంటే, ప్రవక్త వారు సెలవిస్తూ ఉన్నారు. సహీ ముస్లిం గ్రంథములో హదీసు నకలు చేయబడుతుంది. ప్రవక్త వారు అంటున్నారు, “మీలో ఎవరైనా సముద్రములో, సముద్రములో మీ చేతి వేలును ముంచి బయటకు తీసినట్లయితే, మీ చేతి వేలికి అంటుకున్న నీరు ఈ ప్రాపంచిక జీవితం అయితే, సముద్రములో మిగిలి ఉన్న నీరు మరణాంతర జీవితము, పరలోకపు జీవితము.” ఒక్కసారి ఆలోచించండి, సముద్రములో మన చేతి వేలిని ముంచి బయటకు తీసినట్లయితే, మన చేతికి ఎంత నీరు అంటుకుంటుంది సోదరులారా? సముద్రములో ఎంత నీరు మిగిలి ఉంటుంది? మరి సముద్రములో మిగిలి ఉన్న నీరు ఆఖిరత్ జీవితమే. ఆ ఆఖిరత్ కోసం నువ్వు నీ జీవితంలో ఏం త్యాగము చేస్తున్నావ్? ప్రియ సోదరీమణులారా, మీతో విన్నవించుకుంటున్నాను, మీ మరణాంతర జీవితాన్ని నాశనము చేసుకోకండి. అల్లాహ్ విధించిన కట్టుబాట్లకు లోబడి జీవితము గడపండి. మీ యొక్క ఇహలోకపు జీవితము, మీ పరలోకపు జీవితములో మీరు సాఫల్యం పొందుతారు. సుబ్ హా నల్లాహ్.

ఎలాంటి సహాబాలు ఉండేవారు, ఎలాంటి సహాబియాలు ఉండేవారు? మాషాఅల్లాహ్. సహీ బుఖారీ గ్రంథములో ఆ హదీసు నకలు చేయబడుతుంది. అబ్దుల్లా బిన్ అబ్బాస్ రదియల్లాహు త’ఆలా అన్హు ఆ హదీసు ఉల్లేఖిస్తున్నారు. ఒక వ్యక్తితో అబ్దుల్లా బిన్ అబ్బాస్ రదియల్లాహు త’ఆలా అన్హు అంటున్నారు, “ఏమిటి? నీకు నేను స్వర్గానికి వెళ్ళే స్త్రీని చూపించనా?” ఒక నల్లటి నీగ్రో స్త్రీని చూపిస్తున్నారు. ఒక నల్లటి నీగ్రో స్త్రీ ప్రవక్త వద్దకు వచ్చి, ప్రవక్తతో విన్నవించుకుంటుంది, “ప్రవక్తా, నాకు మూర్ఛ వ్యాధి ఉంది ప్రవక్తా.. నాకు మూర్ఛ వ్యాధి వచ్చినప్పుడు నేను కిందన పడిపోతాను ప్రవక్తా. నా దేహంపై బట్టలు చిందరవందర అయిపోతాయి. అది పక్కన పెడితే, ప్రవక్తతో అంటుంది, “ప్రవక్తా, నా కోసం అల్లాహ్ తో దుఆ చేయండి, ఈ మూర్ఛ వ్యాధి తగ్గిపోవాలని.” ప్రవక్త వారు అంటున్నారు, “అమ్మా, నువ్వు ఆ మూర్ఛ వ్యాధిపై ఓర్పు వహించు. నువ్వు గనుక మూర్ఛ వ్యాధిపై ఓర్పు వహిస్తే, నీకు అల్లాహ్ స్వర్గాన్ని ప్రసాదిస్తాడు. అలా కాకుంటే, నేను నీ కోసం దుఆ చేస్తాను. కానీ స్వర్గము యొక్క వాగ్దానం మాత్రము చెయ్యలేను” అన్నారు. ఆ స్త్రీ ఏమంటుందో తెలుసా? “ప్రవక్తా, అయితే నేను ఈ మూర్ఛ వ్యాధిపై ఓర్పునే వహిస్తాను. కానీ తమరు అల్లాహ్ తో ఒక్క దుఆ చేసి పెట్టండి. ఎప్పుడైతే నాకు మూర్ఛ వ్యాధి వస్తుందో, నేను ఎప్పుడైతే కిందన పడిపోతానో, నా దేహంపై ఉన్న బట్టలు చిందరవందర కాకూడదు అని తమరు దుఆ చేయండి.” సుబ్ హా నల్లాహ్. ఏమంటుంది? “నా దేహంపై ఉన్న బట్టలు చిందరవందర కాకూడదు.” ఎక్కడైనా బజారులో వెళ్తుంది, మూర్ఛ వ్యాధి వచ్చేస్తుంది. పరపురుషుల ముందు ఆచ్ఛాదన తొలగిపోతుంది. ఆమె అల్లాహ్ తో ప్రవక్త వారికి దుఆ చేయమంటుంది, “ఈ మూర్ఛ వ్యాధిపై ఓర్పును వహిస్తాను కానీ, నాకు మూర్ఛ వ్యాధి వచ్చినప్పుడు నా దేహంపై బట్టలు చిందరవందర కాకూడదు” అని అల్లాహ్ తో దుఆ చేయండి.

ఎలాంటి విశ్వాసము సోదరులారా, అల్లాహ్ యొక్క ఆజ్ఞకు కట్టుబడి ఉండే ఎలాంటి జీవితం వారు గడిపి ఉన్నారు? ఈ రోజు మనం విచ్చలవిడిగా బజారులలో ఎటువంటి బురఖా లేకుండా, దేహంపై వస్త్రము లేకుండా ఈ రోజు సమాజంలో తిరుగుతున్నామే, మనం స్వర్గాన్ని కాంక్షించగలమా? చనిపోతే స్వర్గానికి వెళ్ళగలమా? అల్లాహ్ నిషిద్ధం చేసినది ధర్మసమ్మతం చేస్తున్నాం. అరే, ఈ రోజైతే ఎక్కడో ఉన్నామండీ మనం. కొన్ని మాటలు చెబితే, “వీళ్ళు పిచ్చివాళ్ళేమో” అంటారు. బురఖా, పరదా అంతవరకు విధించబడింది, మనము మన అత్త కొడుకుల ముందు పరదా పాటించాలి. మన చిన్నాన్న కొడుకుల ముందు పరదా పాటించాలి. పెద్దమ్మ, చిన్నమ్మ కొడుకుల ముందు పరదా పాటించాలి. చెబితే, “ఈయన ఎంటండీ బాబు, ఆ, మా బావ ముందు పరదా చేయమంటున్నారు.” వాస్తవానికి, బావ గైర్ మహ్రమ్. మీరు మీ పెద్దమ్మ కొడుకుతో పరదా చేయాలి. మీ మావయ్య కొడుకుతో పరదా చేయాలి. మీ చిన్నమ్మ కొడుకుతో పరదా చేయాలి. నాన్న వాళ్ళ తమ్ముడు కొడుకుతో పరదా చేయాలి.

చెబితే, ఈ రోజు మనం ఎక్కడున్నామండీ? ఈ రోజు పరదా లేకుండా బయటకే వెళ్ళిపోతున్నాము. లేదు సోదరీమణులారా, మీ ఆఖిరత్ గనక బాగుండాలి అనుకుంటే, మీరు కచ్చితంగా ఇన్షాఅల్లాహ్ త’ఆలా, పరదా వ్యవస్థలోనికి రండమ్మా. పరదా వ్యవస్థ పాటించండి. ఇలాంటి పరదాలు వేయకండి. ఈ రోజు పరదా విధానం చెబుతున్నాను కదా, పరదా స్వతహాగా స్త్రీని కప్పటం, అలంకరణ కప్పటం. ఈ రోజు పరదా స్వతహాగా ఒక అలంకారం అయిపోయినది. లేదు, మీ యొక్క పరదా చాలా వదులుగా ఉండాలి. మీ దేహాన్ని టైట్ గా పట్టి ఉంచితే అది పరదా కాదు, అది స్వతహాగా అలంకరణ అయిపోతుంది. ఏ స్త్రీ అయితే వంటి మీద పరదా వేస్తుంది, కానీ స్వతహాగా పరదా ఆమె దేహాన్ని చూపించే విధంగా ఉంటే, అది పరదా ఎక్కడ అయింది? అది ఇతరులను ఆకర్షించే విధంగా అలంకరణ అయిపోయినది. కాబట్టి, మీ యొక్క పరదా వదులుగా ఉండాలి. మీ యొక్క పరదా బట్ట, అల్హమ్దులిల్లాహ్, మీ దేహములో ఉన్న బట్ట, ఒక సహాబీకి ప్రవక్త వారు ఒక బట్ట రెండు ముక్కలు చించి ఇస్తున్నారు. ఇది నువ్వు పెట్టుకో, ఇది నీ భార్యకు ఇవ్వు, ఆమెపై కప్పుకోవటానికి, దాని లోపల ఇంకో వస్త్రము కప్పి, దానిని కప్పమని చెప్పు అన్నారు ప్రవక్త అంటే, స్త్రీపై అలాంటి పరదా ఉంటుంది. బయట ఏదో కనిపిస్తుందండీ పరదా. కానీ పలుచటి వస్త్రాలు పరదాలోనికి రావు.

ఈ విధంగా అనేక మాటలు ఉన్నాయి. నేను జ్ఞానపరమైన విషయాలలోకి వెళ్ళిపోతే, ఇక్కడ మనం అర్థం మాటలు చేసుకోలేము గానీ, నేను చెబుతున్నాను. మనము అల్లాహ్ కోసం జీవిస్తున్నాం, మనం ఆఖిరత్ కోసం జీవిస్తున్నాం. మన యొక్క ఆరాధన విధానములో, మనము గనక మారకపోతే, “పరదా రేపు వేస్తానండి, అదిగో ఎల్లుండి వేస్తానండి.” మనం మారటానికి ప్రయత్నించాలి. షైతాన్ అడ్డుతూ ఉంటాడు. షైతాన్ పని అది కదా, “అమ్మా, పరదా వేయద్దమ్మా, నువ్వు బురఖా వేస్తే నీకు ఎలాగో ఉంటాది. అమ్మో, బురఖా వేస్తే ప్రజలు ఎక్కిరిస్తారు. అమ్మో, బురఖా వేసుకుంటే ఎలాగో ఉంటుంది.” అల్లాహు అక్బర్. లేదు. ఈ రోజు ముస్లిం స్త్రీ పరదా యొక్క ఘనతను పోల్చుకోలేదు. ప్రపంచాన్ని అడగండి. సుబ్ హా నల్లాహ్. ప్రపంచములో ముస్లిం ఏతరులు పరదా యొక్క ఘనతను పోల్చుకుంటున్నారు. పరదా యొక్క వాస్తవికత పోల్చుకుంటున్నారు.

ఒక సంఘటన మీకు చెబుతాను. పరదా స్త్రీకి ఎలాంటి రక్షణ? అల్లాహ్ ఖురాన్లో చెప్పిన మాట ఒకసారి మళ్ళీ చెబుతున్నాను, “ఓ ప్రవక్తా, చెప్పండి మీ కుమార్తెలకు, మీ భార్యలకు, విశ్వసించిన స్త్రీలకు, వారు తల నుండి పాదము వరకు వస్త్రముతో కప్పుకోవాలని, దీనితో వారు గౌరవనీయులుగా గుర్తింపబడి, బాధలకు గురి కాకుండా ఉంటారు.”

2007వ సంవత్సరం, జనవరి 22వ తారీఖున ఆంధ్రజ్యోతి దినపత్రికలో, నవ్య ఎడిషన్లో ఒక ఆర్టికల్ వచ్చింది. ఆర్టికల్ ఏమిటి? హైదరాబాద్ మహానగరంలో ఒక అమ్మాయి బస్సులో ప్రయాణం చేస్తుంది. బస్సులో కూర్చున్న అమ్మాయి బురఖా వేసుకొని కూర్చుంది. ఇంతలోనే, వేరొక స్త్రీ ఆ బస్సు ఎక్కింది. వేరొక స్త్రీ బస్సు ఎక్కిన వెంటనే, ఏ అమ్మాయి అయితే బురఖా వేసుకొని కూర్చుందో, ఆ అమ్మాయి తన ముఖం మీద ఉన్న ముసుగును తీసి, “ఆంటీగారు, బాగున్నారా?” అని వేరే స్త్రీని ప్రశ్నించింది. ఆ స్త్రీ అంటుంది, “ఏమిటే, నువ్వెప్పుడే ఇస్లాం స్వీకరించావు? నువ్వెప్పుడు ముస్లిం గా మారిపోయావు? నువ్వెంటే బురఖా ధరించావు?” ఆశ్చర్యంగా ఆ స్త్రీ అడుగుతుంది. ఈ అమ్మాయి సమాధానం చెబుతుంది, “ఆంటీగారు, కంగారు పడిపోకండి. నేను ఇస్లాం స్వీకరించలేదు, నేను ముస్లిం గా కూడా మారిపోలేదు. మీకు తెలుసు కదా, నేను వెళ్ళే ఆఫీస్ కు మరియు నా బస్టాప్ కు మధ్య చాలా దూరం నడుచుకొని వెళ్ళాలి. నేను బస్టాప్ లో దిగేదానిని, మా ఆఫీస్ కు నడుచుకుంటూ వెళ్ళేదానిని. ప్రతి రోజూ ఎందరో అబ్బాయిలు నన్ను ఏడిపించేవారు. నాపై ఆకతాయి వేషాలు వేసేవారు. నేను భరించాను. పోలీసు కంప్లైంట్ చేశాను. ఏమీ లాభం లేకపోయింది. నేను చూశాను చూశాను, కొంతమంది అమ్మాయిలు నా పక్కనుండి బురఖా వేసుకొని వెళ్ళేవారు. ఏ అమ్మాయిలు అయితే బురఖా ధరించి వెళ్తున్నారో, ఆ అమ్మాయిని ఒక్కడు కూడా ఏమాత్రము ఏడిపించేవాడు కాదు. ఏ ఆకతాయి కూడా వారిపై వేషాలు వేసేవాడు కాదు. ఆ బురఖా వేసుకున్న అమ్మాయిలు ప్రశాంతంగా వెళ్ళేవారు. చూశాను, చూశాను, చూశాను, నేను విసిగిపోయాను ఆంటీ. నేను కూడా బురఖా వేసుకొని ఆఫీస్ కు వెళ్ళటం ప్రారంభించాను. ఏ రోజు నుండైతే బురఖా వేసుకొని ఆఫీస్ కు వెళ్తున్నానో, ప్రశాంతంగా ఆఫీస్ కు వెళ్తున్నాను, ప్రశాంతంగా ఇంటికి వస్తున్నాను.”

ఒక ముస్లిం ఏతర స్త్రీ బురఖా యొక్క ఘనతను తెలుసుకుంటుంది. ఈ రోజు ముస్లిం కుటుంబంలో పుట్టిన మనం, బురఖా విధానాన్ని సైతం వ్యతిరేకిస్తున్నాం. లేదమ్మా, బురఖా వివక్ష ఎంత మాత్రము కాదు. బురఖా అల్లాహ్ తరఫున మీకు రక్షణ కవచము తల్లి. కాబట్టి ఎవరైతే మాట విని, దాని ప్రకారం ఆచరిస్తారో ఇన్షాఅల్లాహ్ త’ఆలా, మీరు కచ్చితంగా ఒక్కసారి అల్లాహ్ పై నమ్మకం ఉంచి ప్రారంభించండి. ఈ రోజు ఏదో మన స్త్రీలు చిన్న చిన్న వాణీలు వేసేసుకుంటున్నారు. అది కూడా, అల్లాహు అక్బర్, ఇలాంటి విధానం. మేము తిరుగుతున్న అనుభవంతో చెబుతున్నాము, గురువుగారిని చూస్తేనే తల మీద కూడా అది వస్త్రం పడుతుంది, లేకపోతే అది ఉండదు. అరే, గురువుగారికి భయపడుతున్నారా? చాలామంది చూస్తుంటాం, కూర్చొని రోడ్డు మీద అంట్లు తోముతూ ఉంటారు అక్కడ ఇక్కడ ఉంటారు. గురువుగారు అదిగో వస్తున్నారంటే వెంటనే తలపై పైట వచ్చి పడిపోద్ది. అరే, గురువుగారికి భయపడుతున్నారా, అల్లాహ్ కి భయపడుతున్నారా? ఈ రోజు చూస్తున్నాం చాలా చోట్ల. అరే గురువుగారు వస్తున్నారు, జమాతులో నుండి వస్తున్నారు, పెద్దలు వస్తున్నారంటే వెంటనే తల మీద లేకపోతే అరే, పరపురుషుడు నిన్ను చూడకూడదు అంటే, గురువుగారు చూడకూడదా? గురువుగారు వచ్చినప్పుడు వేసుకొని, ఇది కాదమ్మా, అల్లాహ్ కు భయపడండి. మీరు ఏకాంతములో ఉన్నా, నలుగురిలో ఉన్నా, అల్లాహ్ కు భయపడండి, అల్లాహ్ అప్పుడు ప్రేమిస్తాడు. “అరే, గురువుగారు చూస్తున్నారు, బాయి గారు చూస్తున్నారు, ఫలానా వ్యక్తి చూస్తున్నాడు” పరదా వేద్దాం. లేదమ్మా, లేదు అల్లాహు అక్బర్. చాలామంది ఇలాంటి స్త్రీలు కూడా ఉన్నారు, మసీదుకు వస్తే ఏదో ఆ చిన్న ఓణీ వేసుకొని వస్తున్నారు. అదే పెళ్లిళ్లకు, బజార్లకు, మార్కెట్ లో వెళ్తే అది కూడా లేకుండా వెళ్తున్నారు. ఏమమ్మా, మసీదుకు వచ్చేటప్పుడు అల్లాహ్ బురఖా వేసుకోండి, మార్కెట్ లోకి వెళ్తే బురఖా ఏం లేకుండా వెళ్ళిపోండి అని చెప్పాడా? దీనిని బట్టి మనకేం తెలుస్తుంది? మనం అల్లాహ్ కు భయపడట్లేదు. నేను అల్లాహ్ కు భయపడే దానిని అయితే, నేను ఎక్కడున్నా సరే, అల్లాహ్ నాపై విధించిన పరదాను పాటించి తీరుతాను. భయముందా? ఒక్కసారి ఆలోచించండి, భయముందా? సోదరీమణులారా, నేను నొక్కి చెబుతున్నాను మీ కోసం. మీరు భయపడండమ్మా, దేనికోసం? మీ ఆఖిరత్ కోసం, మీ పరలోకపు జీవితం కోసం, మీ స్వర్గము కోసం తల్లి. కాబట్టి ఎవరైతే బురఖా వేయటము లేదో, నేను కచ్చితంగా చెబుతున్నాను సోదరీమణులారా, మీ పూర్తి దేహాన్ని కప్పే విధంగా మీరు బురఖా వేయండి. మీ యొక్క ముఖాలు కప్పుకునే విధంగా మీరు బురఖాలు వేయండి. అల్లాహ్ కు భయపడండి. నలుగురిలో ఉన్నా, ఏకాంతంలో ఉన్నా ప్రియులారా.

ప్రియమైన సోదరులారా, ప్రియమైన సోదరీమణులారా, కాబట్టి ఆలోచించండి, ఎలాంటి భయభక్తి కలిగి ఉండాలి? భయభక్తి ఉందా? నేను చెబుతున్నాను వాస్తవంగా. అతడు చూస్తున్నాడు, ఇతడు చూస్తున్నాడు లేదు. అల్లాహ్ చూడాలి, అల్లాహ్ చూస్తున్నాడు, అల్లాహ్ కు భయపడతాను, ఇలాంటి భయభక్తి. ఎలాంటి భయభక్తి అండీ?

ఉమర్ రదియల్లాహు త’ఆలా అన్హు కాలంలో ఆ స్త్రీని చూడండి సుబ్ హా నల్లాహ్. ఉమర్ రదియల్లాహు త’ఆలా అన్హు ఖలీఫాగా ఉన్నారు. ఉమర్ రదియల్లాహు త’ఆలా అన్హు ఖలీఫాగా ఉన్నారు. ఇస్లాం ప్రపంచానికి ఆయన ఖలీఫా. అతని రాజధాని మదీనా పట్టణము. రాత్రి పూట ముఖానికి బట్ట కట్టుకొని, మారువేషములో ఉమర్ రదియల్లాహు త’ఆలా అన్హు మదీనా వీధుల్లో తిరిగేవారు. మదీనాలో నా ప్రజలు ఎలా ఉన్నారో చూసేవారు, వారి మంచి చెడులు తెలుసుకునేవారు. ఒక రోజు ఉమర్ రదియల్లాహు త’ఆలా అన్హు రాత్రి పూట వెళ్తున్నారు, ఒక ఇంటి నుండి శబ్దం వినిపిస్తుంది. తల్లి కూతురు ఇంట్లో సంభాషించుకుంటున్నారు. తల్లి కూతురు పాల వ్యాపారం చేసుకునేవారు. తల్లి కూతురితో అంటుంది, “ఓ నా కూతురా, ఈ రోజు మన ఒంటెలు చాలా తక్కువగా పాలు ఇచ్చాయి. ఈ పాలు ప్రజలకు అమ్మటానికి సరిపోవు. కాబట్టి పాలలో నీళ్ళు కలిపి ప్రజలకు అమ్మేయి.” కూతురు అంటుంది, “అమ్మా, ప్రవక్త సల్లల్లాహు అలైహి వసల్లం ఏమి చెప్పారమ్మా? మోసము చేసేవారు మాలోని వారు కాదు అని చెప్పారు కదా. అయినా మన ఖలీఫా ఉమర్ న్యాయానికి మారుపేరు అమ్మ. నేను పాలలో నీళ్ళు కలుపుతున్నాను అన్న విషయం ఉమర్ కి తెలిస్తే ఏదైనా ఉందా?” అమ్మో, ఆ తల్లి అంటుంది, “ఏంటే, పెద్ద మాట్లాడుతున్నావ్? ఈ రాత్రి, ఈ సమయంలో, ఈ రాత్రి చీకటిలో ఉమర్ నిన్ను చూస్తున్నాడా? ఉమర్ నిన్ను వింటున్నాడా? ఉమర్ ఇక్కడ ఉన్నాడా? ఉమర్ లేడు కదా. నువ్వు పాలలో నీళ్లు కలిపేయి.” ఆ అమ్మాయి అంటుంది, “అమ్మా, నువ్వు నిజమే చెబుతున్నావు. ఈ రాత్రి సమయంలో ఉమర్ ఇక్కడ లేడమ్మా. ఈ రాత్రి సమయంలో ఉమర్ మనల్ని చూడటము లేదమ్మా. ఈ రాత్రి సమయంలో ఉమర్ మనల్ని వినటము కూడా లేదమ్మా. కానీ ఉమర్ ని సృష్టించిన ఆ అల్లాహ్ సుబ్ హాన వ త’ఆలా, ఈ సమయంలో నిన్నూ, నన్నూ చూస్తున్నాడు కదమ్మా.” ఆ స్త్రీ తన తల్లితో అంటుంది.

ఇలాంటి భయభక్తి మన జీవితాలలోనికి ఎప్పుడు వస్తుంది? అల్లాహ్ చూస్తున్నాడు, అల్లాహ్ కోసం మనం ఆరాధన చేద్దాం. అల్లాహ్ ను ఇష్టపెట్టే ఉద్దేశ్యముతో, ఖయామత్ దినాన సుబ్ హా నల్లాహ్ సోదరీమణులారా, అల్లాహు అక్బర్. బురఖా లేకపోతే, ఈ రోజు ప్రపంచంలో ఫితనా చెలరేగుతుంది. మీరు పరదా వేసుకోకపోతే, ప్రపంచంలో అనేక రకాలైన చెడు విషయాలు మీ వెంట పడతాయి. కాబట్టి పరదా వేయండి. ఎన్ని అవమానాలు భరించినా కూడా, ప్రపంచం చూడండి. మీకు తెలుసా? ప్రపంచ దేశాలలో, ఫ్రాన్స్ అనే దేశం ఉంది. ఫ్రాన్స్ అనే దేశంలో, ముస్లిం స్త్రీలు బురఖా వెయ్యకూడదు, బురఖాను బ్యాన్ చేశారు. అక్కడ సోదరీమణులు డాన్స్ చేస్తున్నారా? “అమ్మో, పరదాను తీశారు చాలు మాకు.” లేదు సోదరీమణులారా, ఫ్రాన్స్ దేశంలో ఉన్న సోదరీమణులు పరదా వేస్తే, వారికి ఫ్రాన్స్ దేశం ఏం చేస్తుంది? ఫైన్లు విధిస్తుంది. సుబ్ హా నల్లాహ్, అల్హమ్దులిల్లాహ్, అల్లాహు అక్బర్. ఫ్రాన్స్ దేశంలో ఇలాంటి విశ్వాస సోదరీమణులు ఉన్నారు. ఇంట్లో బురఖా వేసుకుంటున్నారు, చేతిలో డబ్బులు పట్టుకొని రోడ్డు మీదకి వస్తున్నారు. నేను బురఖా అయితే వేస్తాను గానీ, బురఖాను తీయను. కానీ ఎంత ఫైన్ రాసుకుంటారో రాసుకోండి. ఇంట్లో నుండి పరదా వేసుకొని బయలుదేరుతున్నారు, చేతిలో ఫైన్ పట్టుకొని బయటకు వస్తున్నారు. ఫైన్ అడిగిన వెంటనే, ఫైన్ చెల్లించడానికి సిద్ధము తప్ప, అల్లాహ్ విధించిన పరదా తీయటానికి ఎంతమాత్రము వారి విశ్వాసము వారిని ఆ విధంగా చేయనివ్వటము లేదు. కాబట్టి ఆలోచించండి ప్రియులారా, ఆలోచించండి. ఈ రోజు ప్రపంచం సుబ్ హా నల్లాహ్, ఇస్లాం కోసం తెలుసుకుంటుంది. నేను ఒక్క సంఘటన చెప్పి ఇన్షాఅల్లాహ్ త’ఆలా, నా మాట ముగిస్తాను.

మనము ఈ రోజు ఇస్లాం కోసం, అల్లాహ్ ధర్మ మార్గములో ఎలాంటి త్యాగాలు చేస్తున్నాం? సుబ్ హా నల్లాహ్. ఒక సోదరిమని ప్రియులారా, అమెరికా దేశములో జీవించేది. ఆమె పేరు అసిల్మి ప్రియులారా. ఒక క్రైస్తవ స్త్రీ. అమెరికా దేశంలో ఒక క్రైస్తవ స్త్రీ ఉండేది. ఆమె ఉద్దేశం, అమెరికాలో ఉన్న ముస్లింలందరినీ క్రైస్తవులుగా మార్చేయాలి. ఆమె టార్గెట్ ప్రియులారా. చాలా పెద్ద కథ ఉన్నది. నేను తక్కువ చేసి చెబుతున్నాను మీ ముందు. ఆమె ఒక క్లాస్ కు అటెండ్ కావలసి ఉన్నది. కంప్యూటర్ మిస్టేక్ వలన, ఆ క్లాసు పేరు కాస్త తప్పుగా ప్రింట్ అయ్యి, ఆమె థియేటర్ క్లాసు లోనికి వెళ్ళిపోయింది. అంటే అక్కడ ప్రజలందరి ముందు నిలబడి చెప్పవలసి ఉంటుంది. అసిల్మి క్రైస్తవ సోదరి చెప్పటానికి వెళ్ళింది. క్లాసులో అంతా ముస్లింలే ఉన్నారు. అసహ్యించుకుంది. ఇంటికి వచ్చేసింది. భర్తతో అంటుంది, “ఏమండీ, ఆ క్లాసులో అంతా ముస్లింలే ఉన్నారు.” భర్త అంటున్నాడు, “లేదు లేదు, వెళ్ళు నువ్వు. వెళ్లి వారికి క్రైస్తవం యొక్క సందేశాన్ని అందజెయ్యు. నీకు ట్యూషన్ ఫీజు కూడా కట్టక్కర్లేదు కదా. నువ్వు ఫ్రీగా చదువుకుంటావు కాబట్టి వెళ్ళమన్నాడు.” ఆమె వెళ్ళేది, ముస్లింలతో చెప్పేది, ముస్లింలతో చెప్పేది, “ఈసాను దైవముగా మీరు స్వీకరించండి.” ముస్లింలు అనేవారు, “అవునమ్మా, ఈసా అల్లాహ్ యొక్క ప్రవక్త” అన్న మాటతో వారు మాట్లాడేవారు. రోజులు గడుస్తున్నాయి, రోజులు గడుస్తున్నాయి. ఆమెకు ఎవరో ఖురాన్ బహుకరించారు. ఆమె ఖురాన్ చదువుతుంది, మాషాఅల్లాహ్. ఇంతకుముందు భర్తతో కలిసి అమెరికా దేశంలో, ఆమె నైట్ పార్టీలకు, ఫలానా పార్టీలకు వెళ్ళేది. ఖురాన్ ఎప్పుడైతే చదవటం ప్రారంభించిందో, ఆమె పార్టీలకు వెళ్ళటం మానేసింది. భర్తతో ఇంతకుముందు ఎలా తిరిగేదో, తిరగటం మానేసింది. భర్తకు సందేహం వచ్చింది. “నా భార్య జీవితంలో ఎవరో మూడో వ్యక్తి ప్రవేశించాడు. కాబట్టి ఈమె ఇంతకుముందులా నాతో ప్రవర్తించటము లేదు.” రోజులు గడుస్తున్నాయి. ఒక రోజు ఒక వ్యక్తి ఆమె ఇంటికి వచ్చి తలుపు తట్టాడు. ఆమె తలుపు తెరిచింది. ఆమె అంటుంది, “ఒక మేము రాత్రి పూట పడుకునే తెల్లటి గౌను లాంటి, తెల్లటి గౌను వేసుకొని, తలపై ఎరుపు మరియు తెలుపు రంగుల గళ్ళ ఒక క్లాత్ ను వేసుకొని, టేబుల్ క్లాత్ లాంటిది తలపై వేసుకొని ఒక వ్యక్తి వచ్చి నిలబడ్డాడు. నేను అసహ్యించుకున్నాను. ఆ వ్యక్తి అన్నాడు, ‘మీరు ఇస్లాం స్వీకరించాలనుకుంటున్నారు.’ ” ఆమె చెప్పింది, “నేనైతే ఒక క్రైస్తవ మతంలో ఉన్నదానిని, నేను అమెరికన్ క్రైస్తవురాలిని, నేను ఎలా ఇస్లాం స్వీకరిస్తాను? అయినా కొన్ని కొన్ని ప్రశ్నలు ప్రశ్నిస్తాను.” ఆమె కొన్ని ప్రశ్నలు ప్రశ్నించేది. అల్హమ్దులిల్లాహ్, ఎవరైతే వ్యక్తి వచ్చి ఆమెతో మాట్లాడుతున్నాడో, అతని పేరు అబ్దుల్ అజీజ్. చాలా చక్కగా సమాధానం చెప్పేవాడు మాషాఅల్లాహ్ త’ఆలా. ఆమెతో మాట్లాడుతూ, మాట్లాడుతూ ప్రశ్నించాడు. ఏమిటి? “మీరు నమ్ముతున్నారా అల్లాహ్ ను దైవంగా?” ఆమె చెప్పింది, “అవును, అల్లాహ్ ను దైవంగా నమ్ముతున్నాను.” “ఏమీ, ప్రవక్త ముహమ్మద్ ని ప్రవక్తగా నమ్ముతున్నారా?” “అవును, నేను ప్రవక్త ముహమ్మద్ సల్లల్లాహు అలైహి వసల్లంను ప్రవక్తగా నమ్ముతున్నాను.” “అయితే సుబ్ హా నల్లాహ్, మీరు ముస్లిం అయిపోయారు.” ఆమె చేత కలిమా పఠింపజేశాడు. కానీ షరతు పెట్టింది ఆమె. “నేనైతే కలిమా పఠిస్తున్నాను గానీ, నేను బురఖా వేసుకోను. నేను హిజాబ్ ధరించను.” ఆమె మానాన ఆమెను విడిచి పెట్టేశారు. భర్త తెలుసుకున్నాడు, భర్త భార్యకు విడాకులు ఇచ్చేశాడు. ఎప్పుడైతే ఇస్లాం స్వీకరించిందో, ఆమీనా పేరు మార్చుకుంది, ఆమీనా అస్సిల్మి అయిపోయింది, భర్త విడాకులు ఇచ్చేశాడు. ఇద్దరు పిల్లలు ఉన్నారు, ఇద్దరు పిల్లలు భర్తతో పాటు వెళ్లిపోతున్నారు. కోర్టుకు ఎక్కింది, కోర్టుకు అంటుంది, “నేను ఇద్దరు పిల్లలకు తల్లిని, పిల్లలు నాకు కావాలి.” కోర్టు అంటుంది, “అమ్మా, ఈ అమెరికా చట్టం ప్రకారం, ఒకవేళ ఎవరైనా కొత్త మతాన్ని స్వీకరిస్తే, వారితో పాటు పిల్లలు వెళ్ళలేరు. నీకు పిల్లలు కావాలా, ఇస్లాం ధర్మాన్ని విడిచిపెట్టుకో. ఇస్లాం ధర్మం కావాలా, నీ ఇద్దరు పిల్లలు నీతో పాటు ఉండరు.” ఏ తల్లికైనా చాలా కఠినమైన ఎంపిక, అల్లాహు అక్బర్. పిల్లలు కావాలా, ఇస్లాం కావాలా? ఆ తల్లి మాత్రం ఇస్లాంని ఎంచుకుంది అల్హమ్దులిల్లాహ్. ఇద్దరు పిల్లలను సైతం విడిచిపెట్టింది, సుబ్ హా నల్లాహ్. ఏ స్త్రీ అయితే పరదా ధరించను అని చెప్పిందో, ఏ స్త్రీ అయితే బురఖా వేయను అని చెప్పిందో, సంవత్సరం తిరిగేలోపు ఆమె బురఖా ధరించింది, ఆమె హిజాబ్ ధరించింది, ఆమె పరదా ధరించింది. ఆమె జర్నలిస్ట్ గా కూడా పని చేసేది. ఏ రోజు అయితే బురఖా వేసుకొని వెళ్ళిందో, ఆ జర్నలిజం ఎవరైతే కంపెనీ వారు ఉన్నారో, ఆమె చేతిలోనికి డిస్మిస్ లెటర్ పెట్టేశారు. అల్లాహ్ పై నమ్మకం ఉంచుకుంది. అల్లాహ్ పై విశ్వాసం ఉంచింది, ఓర్పు వహించింది. ఒక రోజు బురఖా వేసుకొని బ్యాంకు వెళ్ళింది, చెక్కు మార్చటానికి. ఈమె బురఖా వేసుకొని బ్యాంకు వెళ్ళిన వెంటనే, బ్యాంకులో ఉన్న సెక్యూరిటీ గార్డు ఈమెను కాల్చటానికి గన్ తీసి పట్టుకున్నాడు, బురఖా వేసుకున్నందుకు గాను. అయినా ఓర్పు వహించింది. అల్లాహ్ పై నమ్మకం పెట్టుకుంది, ఆఖిరత్ పై విశ్వాసం పెట్టుకుంది. సుబ్ హా నల్లాహ్. ఆమె యొక్క విశ్వాసం, మాషాఅల్లాహ్. ఆ బురఖాలో జీవితం ప్రారంభించింది. తల్లి వద్దకు వెళ్ళింది, తల్లి చీత్కరించుకుంది. తండ్రి వద్దకు వెళ్ళింది, తండ్రి అన్నాడు, “నువ్వు ప్రపంచంలో ఉండే నరకంలోనికి వెళ్ళిపోయావే.” తండ్రి చీత్కరించుకున్నాడు. చెల్లి దగ్గరకు వెళ్ళింది, చెల్లి అంటుంది, “అక్కా, నువ్వు పిచ్చిదానివైపోయావే.” అయినా సుబ్ హా నల్లాహ్, ఇస్లాం పద్ధతిలో బురఖా వేసుకుంటూ, మనలో సిగ్గుపడతారు చాలామంది. ఆమె చూడండి, బురఖా వేసుకొని జీవితం గడుపుతుంది. సుబ్ హా నల్లాహ్. తల్లికి, తండ్రికి, చెల్లికి పోస్ట్ కార్డులపై ఖురాన్ గ్రంథం రాసి పంపేది. ఈ సందర్భంగా ఒక మాట కూడా చెబుతున్నారు. ఆమె తన జీవిత హిస్టరీ రాస్తుంది, “ఇస్లాం నా ధర్మం, ఇస్లాం నా బలం, ఇస్లాం నా శ్వాస, ఇస్లాం నా గుండె చప్పుడు, ఇస్లాం నా రక్త నాళాలలో ప్రవహిస్తున్న రక్తం, ఇస్లాం నా అందమైన జీవితం. ఇస్లాం లేనిదే నా జీవితము లేదు. నా వైపు నుండి అల్లాహ్ ముఖాన్ని తిప్పుకుంటే, నా జీవితమే వ్యర్థం అనుకుంటాను.” సుబ్ హా నల్లాహ్. ఆ సమయంలో ఒక మాట అంటుంది, “ప్రపంచం మొత్తం నన్ను చీత్కరించుకుంది. కానీ నాకు విశ్వాసం, నాకు ఓర్పు, ధైర్యము, స్థైర్యము, పవిత్ర ఖురాన్ గ్రంథం ఇచ్చింది. నేను ప్రపంచమే వేస్ట్ అనుకున్నాను నా కోసం. కానీ ఖురాన్ నాలో ఆత్మవిశ్వాసం నింపింది.” మాషాఅల్లాహ్. ఆ బురఖా ధరిస్తూ జీవితం గడిపేది. రోజులు గడుస్తున్నాయి. అల్లాహ్ పై నమ్మకం పెట్టుకుంది, మాషాఅల్లాహ్ త’ఆలా. అందరికంటే ముందు ఆమె యొక్క జీవిత విశ్వాసాన్ని చూసి, ఇస్లాం నిజమైన ధర్మం అని తెలుసుకొని, వాళ్ళ బామ్మ ఆమె చేతిలో కలిమా పఠించి చనిపోయింది. సుబ్ హా నల్లాహ్. తల్లికి తెలియకుండా, తండ్రి కూతురు వద్ద ఇస్లాం స్వీకరిస్తున్నాడు. తండ్రికి తెలియకుండా, తల్లి కూతురు దగ్గర ఇస్లాం స్వీకరించింది. చెల్లి అంటుంది, “అక్క, నువ్వే ప్రపంచములో ఉన్నతమైన మహిళవు నేను అనుకుంటున్నాను అక్క.” 16 ఏళ్లు గడుస్తున్నాయి, భర్త కబురు పంపుతున్నాడు, “ఓ ఆమీనా, నేను కూడా నీతో పాటు ఇస్లాం ధర్మంలోనికి వచ్చేస్తాను.” ఇద్దరు పిల్లలు అంటున్నారు, “అమ్మా, మేము కూడా నీతో పాటు ముస్లింలుగా జీవితాన్ని గడుపుతాం.”

సుబ్ హా నల్లాహ్. ప్రియులారా, మనం అల్లాహ్ పై నమ్మకం ఉంచుకుంటే, అల్లాహ్ సుబ్ హాన వ త’ఆలా మన విశ్వాస ఫలితంగా ఇహపరలోకాల్లో సాఫల్యాన్ని ఇస్తాడు ప్రియులారా. కాబట్టి నా ప్రియ సోదరీమణులారా, నేను ఎక్కువ అంశం మీ ముందు ఏమి ఉంచలేదు కానీ, ముఖ్తసరిగా చెబుతున్నాను. మీ కోసం అల్లాహ్ తరఫున వచ్చిన రక్షక కవచం బురఖా. కాబట్టి పరదా ధరించండి. మీరు సిగ్గుపడకండి. చూడండి, ఆమీనా సిల్మి, మాషాఅల్లాహ్, గన్ తీసి కాల్చబోయాడు, అల్లాహ్ కోసం సబర్ వహించింది. ఉద్యోగం నుండి డిస్మిస్ చేసేసారు, అల్లాహ్ కోసం సబర్ వహించింది. ఎలాంటి జీవితాలు? మాషాఅల్లాహ్.

ఆ సహాబీ, మాషాఅల్లాహ్, తన యొక్క మూర్ఛ వ్యాధి వస్తే కిందన పడిపోవచ్చు అనుకుంది తప్ప, బట్టలు చిందరవందర కాకూడదు అని అల్లాహ్ తో దుఆ చేయండి ప్రవక్తా అని చెబుతుంది. ఎలాంటి విశ్వాసము? సుబ్ హా నల్లాహ్. ఆ సహాబియాత్ ల విశ్వాసము చూడండి. అల్లాహు అక్బర్. కాబట్టి పరదా ధరించండమ్మా. ఇది మీ కోసం, చెప్పడం మా బాధ్యత. ఈ రోజు ప్రపంచంలో వింటారా? “గురువుగారు చెప్పుకుంటున్నారు రా, బురఖా వేయమంటున్నారు. మాకు అలవాటు లేదు. ఏమండీ, మాకు అలవాటు లేదు, వేయము. మీరు చెప్పుకుంది చెప్పుకోండి సార్. మేము వేయము.” ఎవరైతే ఇలాంటి స్త్రీలు ఉన్నారో, చెప్పిన తర్వాత కూడా, అల్లాహ్ ఆజ్ఞ మీ ముందు పెట్టిన తర్వాత కూడా, ఎవరైతే పరదా వేయకుండా.

పురుషుల్లారా, మీరు కూడా బాధ్యులు. “కుల్లుకుమ్ రాయిన్, వ కుల్లుకుమ్ మస్ఊలున్ అన్ రయియతిహి.” మీలో ప్రతి ఒక్కరూ బాధ్యులు. మీలో ప్రతి ఒక్కరూ తమ బాధ్యత గురించి ప్రశ్నింపబడతారు. పురుషుడు తన ఇంట్లో భార్య కోసం, పిల్లల కోసం ప్రశ్నింపబడతాడు. మీ స్త్రీ గనుక పరదా లేని విధంగా జీవితం గడిపితే, మీపై విధి అవుతుంది, మీ స్త్రీతో పరదా ధరింపజేయండి. ఆమెకు నచ్చజెప్పండి. మీరిద్దరూ స్వర్గానికి వెళ్ళాలి అంటే, మీరిద్దరిలో ఆచరణ ఉండాలి. “నేను పురుషుడినండి, నమాజ్ చేసేస్తాను ఐదు పూటలా. కానీ నా భార్య పరదా లేకుండా తిరుగుతుంది. నేను ఏమీ చెప్పను” అంటే, నువ్వు ఖయామత్ రోజు పట్టుబడిపోతావు, జాగ్రత్త. కాబట్టి మీరు బాధ్యులు. ప్రేమతో చెప్పండి, ఇన్షాఅల్లాహ్ త’ఆలా, వారికి వివరించండి. ఇస్లాం ధర్మశాస్త్రాన్ని బోధించండి. అయినా ఎవరైతే వినట్లేదో, చెప్పేవాడు చెబుతూనే ఉన్నాడు రా, వినరు, జీవితాల్లో మార్పు తెచ్చుకోరు, ఇలాంటి వారు ఏమిటి? ప్రళయ దినాన బాధపడతారు అల్లాహ్ దగ్గరికి వెళ్లి. అల్లాహ్ వద్దకు వెళ్లి అంటారు, అల్లాహ్ ఖురాన్లో అంటున్నారు.

وَلَوْ تَرَىٰ إِذِ الْمُجْرِمُونَ نَاكِسُو رُءُوسِهِمْ عِندَ رَبِّهِمْ رَبَّنَا أَبْصَرْنَا وَسَمِعْنَا فَارْجِعْنَا نَعْمَلْ صَالِحًا إِنَّا مُوقِنُونَ
ఓ ప్రభూ! మేము చూస్తున్నాం మరియు వింటున్నాం. మమ్మల్ని తిరిగి పంపించు, మేము మంచి పనులు చేసి వస్తాం, ఇప్పుడు మాకు నమ్మకం కుదిరింది.

وَلَوْ شِئْنَا لَآتَيْنَا كُلَّ نَفْسٍ هُدَاهَا وَلَٰكِنْ حَقَّ الْقَوْلُ مِنِّي لَأَمْلَأَنَّ نَرَكَ مِنَ الْجِنَّةِ وَالنَّاسِ أَجْمَعِينَ
మేము తలచుకుంటే ప్రతి ఆత్మకు మార్గదర్శకత్వం ఇచ్చేవాళ్ళం. కానీ నా మాట నిజమైంది: నేను నరకాన్ని జిన్నాతులతో మరియు మానవులతో నింపుతాను.

فَذُوقُوا بِمَا نَسِيتُمْ لِقَاءَ يَوْمِكُمْ هَٰذَا إِنَّا نَسِينَاكُمْ ۖ وَذُوقُوا عَذَابَ الْخُلْدِ بِمَا كُنتُمْ تَعْمَلُونَ
కాబట్టి రుచి చూడండి, ఈ దినాన్ని మీరు మరచిపోయినందుకు మేము మిమ్మల్ని మరచిపోయాము. మీరు చేసే కర్మల ఫలితంగా శాశ్వత శిక్షను అనుభవించండి.

అల్లాహ్ తో అంటారు. ప్రపంచంలో పరదా ధరించలేదు. అల్లాహ్ ఇచ్చిన ఆజ్ఞ పాటించలేదు. ప్రళయ దినాన అల్లాహ్ తో అంటారు, “అల్లాహ్, మేము చూస్తున్నాం. అల్లాహ్, ఈ శిక్షలు చూస్తున్నాం, ఈ శిక్షలు వింటున్నాం. అల్లాహ్, ప్రపంచంలోనికి తిరిగి పంపించేయి. మంచి పనులు చేసి అల్లాహ్ నీ వద్దకు వచ్చేస్తాం.” జీవితం ఇచ్చినప్పుడు చేయలేదు, జీవితం ఉన్నప్పుడు ఆచరించలేదు. ప్రళయ దినాన అల్లాహ్ తో అంటారు, “అల్లాహ్, ప్రపంచంలో తిరిగి పంపించేయి, మంచి పనులు చేసుకొని వచ్చేస్తాం. పరదా ధరించేస్తాం, మంచిగా ఆచరించేస్తాం.” అల్లాహ్ ఏమంటాడు? “నా ప్రవక్త నీ వద్దకు వచ్చి, నా మాట నీ ముందు పెట్టినప్పుడు, నువ్వు చెవిటిదానిగా, చెవిటి దానిగా నా మాటను మరచిపోయావు. ఆ రోజు నువ్వు నన్ను ఎలా మరచిపోయావో, ఈ రోజు నేను నిన్ను అలా మరచిపోతున్నాను. నా మాట నీ ముందు చెప్పిన తర్వాత కూడా, నువ్వు ఎలా అయితే నన్ను మరచిపోయావో, ఈ రోజు నేను నిన్ను మరచిపోతున్నాను. నరకంలోనికి వెళ్ళు” అంటాడు.

నరకం ఎలా ఉంటుందండీ? చివరిగా నరకం, స్వర్గం గురించి చెప్పి నా మాట ముగిస్తున్నాను. నరకం ఎలా ఉంటుందండీ? మహాప్రవక్త సల్లల్లాహు అలైహి వసల్లం ఇలా అంటున్నారు. సహీ ముస్లిం గ్రంథములో హదీసు నకలు చేయబడుతుంది. హజరతే అబ్దుల్లా బిన్ అబ్బాస్ రదియల్లాహు అన్హుమా ప్రవక్త వారిని అడుగుతున్నారు, “ప్రవక్తా, మీ చిన్నన్న అబూ తాలిబ్ మీకు చాలా సహాయము చేశారు కదా ధర్మ విషయంలో, కానీ ఇస్లాం స్వీకరించలేదు.”ప్రవక్తా, ఆయన కోసం మీరు అల్లాహ్ తో ఏం సిఫారసు చేస్తారు?” “నా చిన్నాన్న అబూ తాలిబ్ కోసం నేను అల్లాహ్ తో ఈ విధంగా అడుగుతాను, నరకపు శిక్షలన్నింటిలోనూ, నరకపు శిక్షలన్నింటిలోనూ అతి స్వల్పమైన శిక్ష నా చిన్నాన్నకు విధించు అల్లాహ్ అని అడుగుతాను.” ప్రవక్తా, నరకపు శిక్షలన్నింటిలో ఆ చిన్న శిక్ష ఏమై ఉంటుంది? ప్రవక్త వారు అంటున్నారు, “అతడి పాదాలకు అగ్నితో తయారు చేసిన చెప్పులు తొడిగించటం జరుగుతుంది. దాని వలన అతని మెదడు కుతకుతలాడుతూ ఉడుకుతుంటుంది.” నరకములో అతి స్వల్పమైన శిక్ష. కాబట్టి ఆఖిరత్ కోసం ఏం తయారు చేసుకుంటున్నాం?

మరణము చెప్పి రాదు. మరణము చెప్పి రాదు సోదరులారా. చెప్పి వస్తుందా? ఒక గంట తర్వాత ప్రపంచంలో నేను ఉంటానో లేక ప్రపంచంలో నా పేరు చనిపోయిన వ్యక్తిగా వినిపిస్తుందో నాకు తెలియదు ప్రియులారా. తెలుసా ఎవరికైనా? ఒక గంట తర్వాత ఉంటానా ప్రపంచంలో? సుబ్ హా నల్లాహ్. అరే రేపు చేద్దాం, ఎల్లుండి చేద్దాం, వచ్చే సంవత్సరం చేద్దాం. అల్లాహు అక్బర్. మన ప్రాణం ఎప్పుడు ఉంటుందో, ఎప్పుడు పోతుందో తెలియదు. మనం ఇంత నిర్భయంగా అల్లాహ్ తో ఉన్నామే. అల్లాహు అక్బర్. అల్లాహ్ సుబ్ హాన వ త’ఆలాకు ఏం సమాధానం చెబుతాం ప్రియులారా? కాబట్టి వినండి, ఎప్పుడైతే విన్నారో, “సమి’నా వ అత’అనా”. మేము విన్నాము, ఆచరించాము అన్న జీవితాలు మనలోనికి రావాలి.

స్వర్గం ఎదురుచూస్తుంది మాషాఅల్లాహ్. ఎలాంటి స్వర్గం అండీ? బుఖారీ గ్రంథములో హదీసు నకలు చేయబడుతుంది. ప్రవక్త వారు అంటున్నారు, “స్వర్గములో ఒక చెట్టు ఉంది. దాని పేరు తూబా. స్వర్గములో ఒక చెట్టు నీడను, ఒక గుర్రంపై వెళ్తున్న గుర్రపు రౌతు, స్వర్గములో ఉన్న చెట్టు నీడ దాటించాలి అంటే, 100 సంవత్సరాలు పడుతుంది.” అల్లాహు అక్బర్. ఈ స్వర్గంపై నమ్మకం ఉందా లేదా? కాబట్టి ఆలోచించండి. అల్లాహ్ ఆచరించండి. ఇహపరలోకాల్లో సాఫల్యం పొందండి.

ప్రజలారా, మరణము రాకముందే జీవితాన్ని మహాభాగ్యంగా భావించండి. ముసలితనము రాకముందే యవ్వనాన్ని మహాభాగ్యంగా భావించండి. మీకు ఒకవేళ అనారోగ్యం రాకముందే, ఆరోగ్యాన్ని మహాభాగ్యంగా భావించుకోండి. ఆచరించండి నా సోదరీమణులారా. మీరు ఇన్షాఅల్లాహ్ త’ఆలా, విన్నారు. విన్న తర్వాత ఆచరిస్తే గనక, ఇహపర లోకాల సాఫల్యం ఉన్నది.

అల్లాహ్ సుబ్ హాన వ త’ఆలా మనందరికీ చెప్పటము కంటే, వినటము కంటే ఎక్కువగా ఆచరించే భాగ్యాన్ని ప్రసాదించును గాక. అల్లాహ్ సుబ్ హాన వ త’ఆలా, మేమంతా మా జీవితపు చివరి శ్వాస వరకు ఇస్లాం ధర్మముపై స్థిరముగా ఉండే భాగ్యాన్ని ప్రసాదించు. అల్లాహ్ విశ్వాసంపై మరణించే భాగ్యాన్ని ప్రసాదించు. అల్లాహ్, జీవితపు చివరి ఘడియలలో “లా ఇలాహ ఇల్లల్లాహ్, ముహమ్మద్ రసూలుల్లాహ్ సల్లల్లాహు అలైహి వసల్లం” పఠించి, తుది శ్వాస విడిచిపెట్టే భాగ్యాన్ని ప్రసాదించు. మాలో ఎవరైతే అనారోగ్యముతో ఉన్నారో వారికి ఆరోగ్యాన్ని ప్రసాదించు. ఎవరైతే ఉపాధి లేక బాధపడుతున్నారో వారికి మేలైన ఉపాధిని ప్రసాదించు. అల్లాహ్, ఇహపర లోకాల్లో మేలైన జీవితమును ప్రసాదించు. ఆమీన్ యా రబ్బల్ ఆలమీన్.

వ ఆఖిరు ద’వానా అనిల్ హమ్దులిల్లాహి రబ్బిల్ ఆలమీన్. వస్సలాము అలైకుమ్ వ రహమతుల్లాహి వ బరకాతుహు.

—

ఈ పోస్ట్ లింక్ :
https://teluguislam.net/?p=17610

ముస్లిం వనిత [మెయిన్ పేజీ]:
https://teluguislam.net/muslim-woman/