14 మరియు 15 వ షాబాన్ రోజు ఉపవాసం గురుంచి ప్రశ్న [ఆడియో]

బిస్మిల్లాహ్

వక్త: ముహమ్మద్ నసీరుద్దీన్ జామి’ఈ (హఫిజహుల్లాహ్)
ఫారెనర్స్ ఇస్లామిక్ గైడెన్స్ ఆఫీసు, జుల్ఫీ, సౌదీ అరేబియా

ఇక్కడ వినండి లేదా డౌన్లోడ్ చేసుకోండి (7నిముషాలు)

షాబాన్ నెలలో సున్నతులు & బిద్ఆత్’లు

షాబాన్ నెల వాస్తవికత – జఫరుల్లాహ్ ఖాన్ నద్వీ

బిస్మిల్లాహ్

14- షాబాన్ నెల వాస్తవికత

హజ్రత్ ఇమామ్ హాఫిజ్ ఇబ్నే హజ్ర్ (రహ్మతుల్లాహి అలైహి) రజబ్ నెల గురించి ఇలా తెలియజేశారు: “రజబ్ నెల పవిత్రమైన నెల కనుక అరేబియ ప్రజలు ఈ నెల గడిచిన పిమ్మట నీటి కొరకై అనేక ప్రాంతాల వైపుకు, కొండల వైపుకు బయలుదేరేవారు. కనుక ఈ నెలను షాబాన్ నెల అంటారు.” (ఫత్ హుల్ బారీ :4/251).

షాబాన్ నెలలో ప్రవక్త ముహమ్మద్ (సల్లల్లాహు అలైహి వసల్లం) సాంప్రదాయం :

1-హజ్రత్ ఆయిషా (రదియల్లాహు అన్హా) ఉల్లేఖనం ప్రకారం; ప్రవక్త ముహమ్మద్ (సల్లల్లాహు అలైహి వసల్లం) గారు షాబాన్ నెలలో ప్రతి రోజు ఉపవాసం ఉండేవారు చివరకు మేమంతా ఇకవారు (సల్లల్లాహు అలైహి వసల్లం) ఉపవాసాలు మానరేమో! అని అనుకునేవారము. మరియు చాలా రోజుల వరకు (ఉపవాసాలు) పాటించేవారు కాదు. చివరకు మేమంత ఇకవారు (సల్లల్లాహు అలైహి వసల్లం) ఉపవాసాలు పాటించరేమో! అని అనుకునేవారము, మరియు ప్రవక్త ముహమ్మద్ (సల్లల్లాహు అలైహి వసల్లం) రమజాన్ మాసంలో తప్ప, ఇతర మాసాలలో మొత్తం నెల ఉపవాసాలు పాటించినట్లు నేను ఎప్పుడు చూడలేదు. మరియు ప్రవక్త ముహమ్మద్ (సల్లల్లాహు అలైహి వసల్లం) షాబాన్ నెలకంటే ఎక్కువగా ఉపవాసాలు ఇతర నెలల్లో పాటించినట్లు ఆయన్ని నేను చూడలేదు. (బుఖారీ:1833, ముస్లిం:1956)

అంటే ప్రవక్త ముహమ్మద్ (సల్లల్లాహు అలైహి వసల్లం) ఇతర నెలలకంటే షాబాన్ నెలలో అధికంగా ఉపవాసాలు పాటించేవారన్నమాట. కనుక మనం కూడా షాబాన్ నెలలో అధికమైన సంఖ్యలో ఉపవాసాలు పాటించడం సున్నత్ సాంప్రదాయం:

హజ్రత్ ఉసామా బిన్ జైద్(రజియల్లాహు అన్హు) కధనం ప్రకారం: ప్రవక్త ముహమ్మద్ (సల్లల్లాహు అలైహి వసల్లం) గారిని నేను ఇలా అడిగాను: “ఓ అల్లాహ్ ప్రవక్తా (సల్లల్లాహు అలైహి వసల్లం) మీరు షాబాన్ మాసంలో (అధికంగా) ఉపవాసాలు పాటించినట్లు, ఏ ఇతర మాసాలలో అన్ని ఉపవాసాలను పాటించినట్లు నేను మిమ్మల్ని చూడలేదు. దానికి ప్రవక్త ముహమ్మద్ (సల్లల్లాహు అలైహి వసల్లం) ఇలా బదులిచ్చారు: “రజబ్ మరియు రమజాన్ నెలకి మధ్య ఉన్న షాబాన్ నెల యొక్క వాస్తవం ప్రజలకు తెలియదు. ఈ నెలలో ప్రజలు చేసిన కార్యాలు అల్లాహ్ ముందు సమర్పించబడతాయి. కనుక నా పుణ్యకార్యాలు అల్లాహ్ యందు నేను ఉపవాస స్థితిలో ఉండగా సమర్పించబడాలని ఇష్టపడుతున్నాను.” – (నసాయి:2317, అబూ దావూద్, సహీహ్ ఇబ్ను ఖుజైమ)

హజ్రత్ అబూ మూసా అల్ అరి (రజియల్లాహు అన్హు) ఉల్లేఖనం; ప్రవక్త ముహమ్మద్ (సల్లల్లాహు అలైహి వసల్లం) ఇలా తెలియజేశారు: “షాబాన్ నెల మధ్య (15వ) రాత్రిన అల్లాహ్ బహిర్గతమవుతాడు, బహుదైవారాధకుడిని మరియు సంబంధాన్ని తెంచుకున్నవాడిని తప్ప ప్రతి ఒక్కరిని క్షమిస్తాడు.” (ఇబ్నుమాజా:1/422, సిల సిలతుస్ సహీహ:1562)

షాబాన్ 15 వ రోజు తరువాత ఉపవాసం పాటించడం నిషిద్ధం:

హజ్రత్ అబూ హురైరా (రజియల్లాహు అన్హు) కథనం: ప్రవక్త ముహమ్మద్ (సల్లల్లాహు అలైహి వసల్లం) ఇలా ప్రవచించారు: “షాబాన్ 15 రోజులు గడిచిన పిమ్మట రమజాన్ వచ్చేవరకు ఉపవాసాలు పాటించకండి.” (తిర్మిజి: 739, అబూదావూద్:2337)

హజ్రత్ అబూ హురైరా(రజియల్లాహు అన్హు) కథనం: ప్రవక్త ముహమ్మద్ (సల్లల్లాహు అలైహి వసల్లం) ఇలా ప్రవచించారు: “రమజాన్ నెల ప్రారంభం కావడానికి ఒకటి, రెండు రోజుల ముందుగా ఎవరూ ఉపవాసం పాటించకూడదు. ఒక వేళ ఎవరైనా ఆ తేదీల్లో (ఇతర నెలల్లో కూడా) ఎడతెగకుండా ఉపవాసాలు పాటిస్తూ ఉంటే అలాంటి వ్యక్తి ఈ (షాబాన్ చివరి) తేదిల్లో ఉపవాసం పాటించవచ్చు.” (సహీహ్ బుఖారీ)

షాబాన్ నెల మొదటి 15 రోజులలో ఉపవాసం పాటించకుండా, షాబన్ నెల చివరి 15రోజులలో ఉపవాసాలు పాటించడం నిషిద్ధం. షాబాన్ నెల పూర్తిగా శుభకరమైనది. మరియు ఆ నెలంతా ఉపవాసాలు పాటించకుండా నెల చివరిన ఒకటి లేక రెండు ఉపవాసాలు పాటించకూడదని తెలియజేయడం జరిగింది.

షాబాన్ 15వ రోజు కొన్ని బిద్అత్ (కల్పితాచారాల)  కార్యాల వాస్తవికత:

ఇమామ్  మఖ్దసి  (రహ్మతుల్లాహి అలైహి) ఇలా ప్రకటించారు: “448వ హిజ్రి  శకంలో ఒక వ్యక్తి నాబ్లీస్  పట్టణము నుండి ‘భైతుల్ ముఖద్దస్‘కు వచ్చాడు. అతని పేరు ఇబ్నే ఉబై హుమైరా అతడు చాలా చక్కగా ఖుర్ఆన్ పారాయణం చేసేవాడు. అతను షాబాన్ 15వ రోజు రాత్రి ‘భైతుల్ ముఖద్దస్’లో నఫిల్ నమాజు చదవడం ఆరంభించాడు. అతనిని చూచి ఒకరు ఇద్దరు ముగ్గురు అంటూ ఒక పెద్ద జమాతుగా నిలబడి నమాజు నెరవేర్చారు. ఇలా ఆ రోజు నుండే ఈ బిద్ అత్  ఆరాధన మొదలయ్యింది.  (అల్ బాయిస్ అలా ఇన్కారిల్ బద్యి వల్  హవాదిస్: 124-125)

1) షబేబరాత్ నమాజ్: ప్రతి ఏట షాబాన్ నెల 15వ తేది రాత్రి 100 రకాతుల నమాజు ప్రత్యేకంగా చేస్తారు.

2) ఆరు రకాతుల నమాజు: దీనిని కష్టాలు తొలిగిపోవాలని, వయస్సు పెరగాలని మరియు ప్రజలతో నిరుపేక్షంగా ఉండాలని సంకల్పం చేసుకొని నమాజు నెరవేర్చుతారు.

3) ఈ రాత్రిలో యాసీన్ సూరాను ప్రత్యేకంగా చదువుతారు. మరియు “అల్లాహుమ్మ యా జల్ మన్ని వలా యమున్ను అలైహి యాజల్ జలాలి వల్ ఇక్రామ్” అనే పదాలను చదువుతుంటారు.

4, కొంతమంది ‘శుభప్రదమైన రాత్రి’ని షాబాన్ నెలలో వచ్చే 15వ రాత్రిగా తలపోసారు. కాని ఇది సరైనది కాదు. ఈ గ్రంథం రమజాన్ మాసంలోని ‘లైలతుల్ ఖద్ర్’లో అవతరించినట్లు ఖుర్ఆన్ ద్వారా స్పష్టంగా రూఢీ అవుతున్నప్పుడు ఇతరాత్రా రాత్రుల గురించి ఆలోచించటం ఎంతమాత్రం సరైంది కాదు.

ఇమామ్ షిఖైరి (రహ్మతుల్లాహి అలైహి) ఆ రాత్రి గురించి ఇలా తెలియజేశారు: “మహాపండితులు మరియు ముహద్దీసీన్లు(హదీసు వేత్తలు) ఆ రాత్రి (షబేబరాత్)ని లైలతుల్ ఖద్ర్ గా  భావించటానికి ఎటువంటి యదార్థము లేదు” అని తెలియజేశారు. (అస్సునన్ వల్ ముబ్దిది ఆత్:146).

ఇమామ్ నజ్ముద్దీన్ అల్ గైతీ (రహ్మతుల్లాహి అలైహి) గారు ఇలా ప్రకటించారు: “హిజాజ్ పండితులు షాబాన్ 15వ రాత్రిన చేసే ప్రత్యేకమైన పుణ్యాల గురించి మరియు వాటి ఘనతను గురించి తిరస్కరించారు. వారిలో హజ్రత్ ఇబ్నే అబీ మలీకా, మరియు మదీనా జ్ఞానవంతులు ఆ రోజున చేసే ప్రత్యేకమైన కార్యాలన్నీ ‘బిద్ అత్’ అని ఏకీభవించారు. (అస్సునన్ వల్ బిద్ అత్ అష్ షిఖైరీ: 145).

షాబాన్ 15వ రోజు గురించి కొన్ని నిరాధారమైన హదీసులు:

బిద్ అత్ ఆచారాల్లో మునిగి తేలుతున్నవారు తాము చేస్తున్నది ధర్మమేనంటూ ఈ క్రింది ఇవ్వబడే బలహీనమైన ఆధారాలను చూపుతారు. కనుక మేము మీ ముందు ఆ హదీసులను ఉంచుతున్నాము.

1-హజ్రత్ అలీ (రజియల్లాహు అన్హు) ఉల్లేఖనం; ప్రవక్త ముహమ్మద్ (సల్లల్లాహు అలైహి వసల్లం) ఇలా ప్రవచించారు: “షాబాన్ 15వ రోజు రాత్రి నమాజు చదవండి, పగలు ఉపవాసం ఉండండి. ఆ రోజు సూర్యస్తమయం తరువాత ప్రపంచపు ఆకాశమునకు అల్లాహ్ దిగి వస్తాడు, తరువాత ఇలా అంటాడు: ఎవరైతే నా పాపాలు మన్నించమని వేడుకుంటారో, నేను వారి పాపాలు మన్నిస్తాను. మరియు ఎవరైతే ఉపాధిని ప్రసాదించమని వేడుకుంటారో, వారికి ఉపాధిని ప్రసాదిస్తాను. ఎవరైన అస్వస్థతకు గురికాబడితే వారికి స్వస్థతను ప్రసాదిస్తాను. ఇంకా ఇలా, అలా…. సూర్యోదయం వరకు ఇలా (ప్రసాదించే కార్యం) జరుగుతొంది” (ఇబ్నేమాజా, సిల్ సిలతుజ్ జయీఫా: 2132, సిల్ సిలతుజ్ జయీఫా వల్ మౌజూఅ: 5/154)

2-హజ్రత్ ఆయిషా (రజియల్లాహు అన్హ) ఉల్లేఖనం ప్రకారం; “ప్రవక్త ముహమ్మద్ (సల్లల్లాహు అలైహి వసల్లం) ఒక రాత్రి నాకు కనపడలేదు, అంతలో నేను (బయటకు వెళ్ళి చూస్తే) ఆయన బఖీ శ్మశానంలో కనపడ్డారు. తరువాత ప్రవక్త ముహమ్మద్ (సల్లల్లాహు అలైహి వసల్లం): “అల్లాహ్ మరియు ఆయన ప్రవక్త నీకు అన్యాయం చేస్తారని అనుకున్నావా? అని హజ్రత్ ఆయిషా (రజియల్లాహు అన్హ) గారిని అడిగారు. దానికి హజ్రత్ ఆయిషా (రజియల్లాహు అన్హ) గారు: “మీరు ఇతర భార్యల వద్దకు పోయారేమోననీ అనుకున్నాను” అని అన్నారు. తరువాత ప్రవక్త ముహమ్మద్ (సల్లల్లాహు అలైహి వసల్లం) ఇలా తెలిపారు: “షాబాన్ 15వ రోజు రాత్రి అల్లాహ్ ప్రపంచపు ఆకాశమునకు దిగి వస్తాడు, బనీ కలబ్ (సంతానం పేరు) గొర్రెల వెంట్రుకలకంటే ఎక్కువ మనషులను క్షమిస్తాడు……..” (ఇబ్ను మాజా, జయీఫ్: 1389, తిర్మిజీ, జయీఫ్:3684, జయీఫుల్ జామె:1761 ).

హజ్రత్ హాఫిజ్ ఇబ్ను దహ్యా (రహ్మతుల్లాహి అలైహి) ఇలా తెలియజేసారు: “షాబాన్ 15వ రాత్రి ఆరాధనల గురించి ఏ ఒక్క హదీసు ఆధారపూర్వక మైనది లేదు. కనుక మనం ఇలాంటి ఉల్లేఖనలను విశ్వసించకూడదు.”

అలాగే హజ్రత్ ఇమామ్ అబూ హనీఫా (రహ్మతుల్లాహి అలైహి) ద్వారా ఆ రాత్రి లేక పగలు చేసే ఆరాధనల గురించి ఎలాంటి ఆదేశాలు లేవు. మరియు నాలుగు ఇమాముల కాలంలో ఆ కార్యాల గురించి ఎవరికి తెలియదు. ఎందుకంటే? నాలుగు ఇమాముల జనన మరణాలు 80 హిజ్రి శకం నుండి 214 హిజ్రి శకం మధ్యలో జరిగినవి. మరియు షాబాన్ 15వ నాటి బిద్అత్ 448వ హిజ్రి శకంలో ప్రారంభమయినది. కనుక ఇది నాలుగు ఇమాముల దగ్గర బిద్అత్ కార్యాలుగానే భావించబడతాయి.

నా ప్రియమైన ముస్లింములారా! మీరు ఇలాంటి బిద్అత్ కార్యాలను ఆరాధనలుగా భావిస్తున్నవారితో సహవాసం చెయ్యకండి. ప్రవక్త ముహమ్మద్ (సల్లల్లాహు అలైహి వసల్లం) ద్వారా ఒక కార్యానికి నిజమైన ఆధారం దొరకనంతవరకు వాటిని అనుసరించకండి. ఎందుకంటే? అది ధర్మం కాని ఒక విషయం, ధర్మం కాని విషయాలను ధర్మంగా ఆచరించినా లేక పరిచయం చేసినా వారు షైతాన్ సేవకులు.


ఇది “ఇస్లాంలో అధర్మ కార్యాలు మరియు వాటి ప్రక్షాళణ” అను పుస్తకం నుంచి తీసుకోబడింది. (పేజీలు : 88-93). కూర్పు: జఫరుల్లాహ్ ఖాన్ నద్వీ (హఫిజహుల్లాహ్)

షాబాన్ నెలలో సున్నతులు & బిద్ఆత్’లు

షాబాన్ నెల యొక్క సున్నతులు (ఆచారాలు) [ఆడియో]

బిస్మిల్లాహ్

ఇక్కడ వినండి లేదా డౌన్లోడ్ చేసుకోండి [29:51]

వక్త: ముహమ్మద్ నసీరుద్దీన్ జామి’ఈ (హఫిజహుల్లాహ్)
ఫారెనర్స్ ఇస్లామిక్ గైడెన్స్ ఆఫీసు, జుల్ఫీ, సౌదీ అరేబియా


షాబాన్ నెల యెుక్క చేయవలసిన ఆచారాలు తెలుసుకుందాం!
సంకలనం,కూర్పు : ముహమ్మద్ నసీరుద్దీన్ జామీఈ (హఫిజహుల్లాహ్)

ఇన్ షా అల్లాహ్నా ధార్మిక సహోదర సహోదరిమణులారా! అస్సలాము అలైకుమ్ వరహమతుల్లాహి వబరకాతహు –
అల్లాహ్ సుబానవతాఆలా ఇలా ఉపదేశించాడు.

وَمَا خَلَقْتُ ٱلْجِنَّ وَٱلْإِنسَ إِلَّا لِيَعْبُدُونِ

నేను జిన్నాతులను, మానవులను సృష్టించినది వారు నన్ను ఆరాధించటానికి మాత్రమే“.(ఖురాన్ – 51 : 56)

షాబాన్ నెల ఇది ఇస్లాం నెలలో 8వ నెల ఈ నెల యెుక్క విశిష్టత ఏమిటంటే ఎంతో ఘనత కల్గిన రంజాన్ నెలను తనతో పాటు తెస్తుంది. అంటే ఈ నెల తరువాత వచ్చేది రంజాన్ నెల.

షాబాన్ మాసంలో ఇస్లాం అనుమతిస్తున్న మనం చేయవలసిన సత్కార్యాల్లో అతి ముఖ్యమైనది ఉపవాసం. స్వయంగా ప్రవక్త (సల్లల్లాహు అలైహి వసల్లం) షాబాన్ లో అత్యధికంగా ఉపవాసాలు పాటించేవారు. చూసేవారికి నెలంతా ఉపవాసమున్నారా అనిపించేది.

షాబాన్ నఫిల్ ఉపవాసాల మాసం

 

ఈ క్రింది హదీసులు చదవండి:

عن عَائِشَةَ تَقُولُ: ” كَانَ أَحَبَّ الشُّهُورِ إِلَى رَسُولِ اللَّهِ صَلَّى اللهُ عَلَيْهِ وَسَلَّمَ أَنْ يَصُومَهُ: شَعْبَانُ، ثُمَّ يَصِلُهُ بِرَمَضَانَ ”

ఆయిషా (రజియల్లాహు అన్హా) చెప్పారు: “ప్రవక్తకు ఉపవాసం ఉండటానికి చాలా ప్రీతికరమైన మాసం షాబాన్ మాసం, ఈ మాసంలో ఉపవాసం పాటిస్తూ రమజాను వచ్చేసేది”.(అబూదావూద్ 2431).

وعن عائشة رَضِيَ اللهُ عنها قالت: لَمْ يكن النبي – صَلَّى اللهُ عَلَيْهِ وَسَلَّمَ – يَصُومُ مِنْ شَهْرٍ أكْثَرَ مِنْ شَعْبَانَ، فَإنَّهُ كَانَ يَصُومُ شَعْبَانَ كُلَّهُ

ఆయిషా (రజియల్లాహు అన్హా) ఇలా తెలిపారు: “ప్రవక్త (సల్లల్లాహు అలైహి వసల్లం) షాబాన్ నెలలో (నఫిల్) ఉపవాసాలు పాటించినంతగా మరే ఇతర నెలలోనూ పాటించేవారు కాదు. నిశ్చయంగా ఆయన షాబాన్ నెలసాంతం ఉపవాసం పాటించేవారు. వెరొక ఉల్లేఖనం ప్రకారం షాబాన్ నెలలోని కొన్ని రోజులు మినహాయించి మిగతా రోజులన్నీ ఆయన ఉపవాసం పాటించేవారు”. (బుఖారీ 1969, ముస్లిం 1156)

మానవుల కర్మలు పైకి లేపబడే మాసం

 

ప్రవక్త షాబాన్ మాసంలో అత్యధికంగా ఉపవాసాలు పాటించటానికి గల కారణాన్ని వేరొక హదీసు ఈ విధంగా వివరించింది:

«ذَلِكَ شَهْرٌ يَغْفُلُ النَّاسُ عَنْهُ بَيْنَ رَجَبٍ وَرَمَضَانَ، وَهُوَ شَهْرٌ تُرْفَعُ فِيهِ الْأَعْمَالُ إِلَى رَبِّ الْعَالَمِينَ، فَأُحِبُّ أَنْ يُرْفَعَ عَمَلِي وَأَنَا صَائِمٌ»

ఇది రజబ్ మరియు రమజాను మధ్యలోని మాసం, ప్రజలు దాని పట్ల అశ్రద్ధగా ఉంటారు.దాసుల కర్మలు షాబాన్ మాసంలో అల్లాహ్ సన్నిధిలో ప్రవేశపెట్టబడతాయి. నేను ఉపవాసంలో ఉన్న స్థితిలోనే నా కర్మలు అల్లాహ్ సన్నిధిలో ప్రవేశపెట్టబడాలన్న కోరిక నాది“. (నసాఈ 2357, షేఖ్ అల్బానీ రహిమహుల్లాహ్ హసన్ అన్నారు.)

“ప్రతి సోమవారము మరియు గురువారాల్లో మానవుల ఆచరణలు ప్రవేశపెట్టబడతాయి”. ఈ హదీసు పైన కూడా శ్రద్ద వహించాలి.

హజ్రత్ అబూహురైర (రజియల్లాహు అన్హు) ఉల్లేఖనం ప్రకారం ప్రవక్త ముహమ్మద్ (సల్లల్లాహు అలైహి వసల్లం) ఈ విధంగా ప్రవచించారు:

సోమ మరియు గురువారాల్లో (అల్లాహ్ సన్నిదిలో దాసుల) ఆచరణలు ప్రవేశపెట్టబడతాయి. అందుకని నేను ఉపవాసిగా ఉన్న స్ధితిలో నా ఆచరణ ప్రవేశపెట్టడాన్ని నేనిష్టపడతాను“.(తిర్మిజి- హసన్ , రియాదుస్ సాలిహీన్ :1257#)

పై హదీసులో రెండు లాభాలున్నాయి.

1. ప్రజలు అశ్రద్ధగా ఉన్నప్పుడు అల్లాహ్ ఆరాధన ఘనత చాలా గొప్పగా ఉంది.

ప్రత్యేకంగా ఉపవాసం, ఇందులో బాహ్యతనం లేదు. ఇఖ్లాస్ (చిత్తశుద్ధి) ఎక్కువగా ఉంటుంది. ఏదైనా సత్కార్యం అందరూ చేస్తున్నప్పుడు వారిని చూసి చేయని వాడు కూడా ఆ సత్కార్యం చేయడానికి పూనుకుంటాడు, కాని ఎవరు చేయని సమయంలో సత్కార్యం చేయాలని ఆలోచన రావడం, ఆలోచన వచ్చినా నేను ఒక్కణ్ణి చేస్తే ఎవరేమంటారో అనే దురాలోచనకు దూరమైన ప్రత్యేక శ్రధ్ధతో, అల్లాహ్ సంతృష్టి ఉద్దేశ్యంతో చేయడం ఎంతో గొప్ప విషయే కాకుండా అత్యధిక పుణ్యానికి కూడా అర్హత కల్పిస్తుంది. ఇలాంటి వారికి ప్రవక్త ఎంత గొప్ప శుభవార్త ఇచ్చారో ఈ హదీసు చదవండి:

إِنَّ مِنْ وَرَائِكُمْ زَمَانَ صَبْرٍ، للمُتَمَسِّكِ فِيهِ أَجْرُ خَمْسِينَ شَهِيدًا

“మీ తర్వాత ఓర్పుసహనాల ఓ కాలం రానుంది, ఆ కాలంలో ధర్మంపై స్థిరంగా ఉన్న వ్యక్తికి 50 మంది అమరవీరుల పుణ్యం ఉంటుంది”. (తబ్రానీ కబీర్ 10394, షేఖ్ అల్బానీ సహీహుల్ జామి 2234లో సహీ అన్నారు.)

అబూ దావూద్ 4341లోని హదీసులో ఉంది:

“మీ తర్వాత ఓర్పు సహనాల ఓ కాలం రానుంది, అప్పుడు (ధర్మంపై స్థిరంగా ఉంటూ) సహనం వహించడం నిప్పులను చేత్తో పట్టుకోవడంతో సమానం. అప్పుడు సత్కార్యాలు చేసే వ్యక్తికి మీలోని 50 మందికి లభించే పుణ్యం లభిస్తుంది.”

2) ఈ మాసంలో సత్కార్యాలు అల్లాహ్ సన్నిధిలో ప్రవేశపెట్టబడతాయి.

అల్లాహు అక్బర్! గమనించండి: సాయంకాలం యజమాని ముందు పొద్దంతా చేసిన పని గురించి లెక్క చెప్పవలసి ఉంది అని తెలిసినప్పుడు ఆ పొద్దంతా ఎలా పనిచేస్తాడు ఆ గుమాస్త? మరి ప్రతి రోజు ఫజ్ర్ మరియు అస్ర్ లో రెండు సార్లు వారంలో ప్రతి సోమ, గురు రెండు రోజులు సంవత్సరంలో ఈ షాబాన్ మాసంలో మన కర్మలన్నీ అల్లాహ్ ముందు ప్రవేశపెట్టబడుతున్నప్పుడు మనం పాపాలకు ఎంత దూరంగా ఉండాలి. సత్కార్యాలు ఎంత ఎక్కువగా చేస్తూ ఉండాలి అర్థమవుతుంది కదా!

కాని ప్రజల సులభతరానికి, వారికి ఏ ఇబ్బంది కలగకుండా ఉండటానికి ఎంతగా కాంక్షించేవారంటే, షాబాన్ 15రోజులు గడిసిన తర్వాత ఉపవాసం పాటించకూడదని ఆదేశించారు.

عَنْ أَبِي هُرَيْرَةَ، أَنَّ رَسُولَ اللَّهِ صَلَّى اللهُ عَلَيْهِ وَسَلَّمَ قَالَ: «إِذَا انْتَصَفَ شَعْبَانُ، فَلَا تَصُومُوا»

ప్రవక్త సల్లల్లాహు అలైహి వస్లలం చెప్పారని అబూ హురైరా రజియల్లాహు అన్హు ఉల్లేఖించారు: “షాబాన్ సగం గడిచిపోయాక ఉపవాసం ఉండకండి”. (అబూదావూద్ 2337)

హదీసు వ్యాఖ్యానకర్తలు చెప్పారు: ప్రజలు షాబాన్ చివరి వరకు ఉపవాసాలు పాటించి, రమజానులో ఫర్జ్ (విధి) ఉపవాసాలు పాటించడంలో బలహీనులు కాకూడదని సగం షాబాన్ తర్వాత ఉపవాసాలు పాటించడం నుండి వారంచబడినది.

అల్లాహ్ మనందరికీ సద్బుద్ధిని మరియు సంపూర్ణ ఇస్లామ్ జ్ఞానాన్ని మరియు దాని మీద జీవించే భాగ్యాన్ని ప్రసాదించుగాక. ఆమీన్.

బిద్అత్ (నూతనాచారం) – Bid’ah

తెలుగు ఇస్లామిక్ క్విజ్: పార్ట్ 26 [ఆడియో]

బిస్మిల్లాహ్

Telugu Islamic Quiz (తెలుగు ఇస్లామిక్ క్విజ్) – పార్ట్ 26
వక్త: ముహమ్మద్ నసీరుద్దీన్ జామి’ఈ (హఫిజహుల్లాహ్)
ఫారెనర్స్ ఇస్లామిక్ గైడెన్స్ ఆఫీసు, జుల్ఫీ, సౌదీ అరేబియా

ప్రశ్నల పత్రం – 26

1) దైవప్రవక్త (సల్లల్లాహు అలైహి వ సల్లం ) వారు రమజాన్ నెల తర్వాత ఏ నెలలో అత్యధికంగా ఉపవాసాలు పాటించేవారు?

A) షాబాన్
B) రజబ్
C) జిల్ ఖాదా

2) మానవుల కర్మలను వారంలోని ఏ రెండు రోజుల్లో అల్లాహ్ వద్దకు సమర్పించబడుతాయి?

A) గురువారం – శుక్రవారం
B) సోమవారం – గురువారం
C) బుధవారం – ఆదివారం

3) ఏ మస్జిదులో రెండు రకాతుల నమాజు చేస్తే ఒక ఉమ్రా చేసిన పుణ్యంతో సమానం అవుతుంది ?

A) మస్జిదే అక్సా
B) మస్జిదే నబవి
C) మస్జిదే ఖుభా

క్విజ్ 26: సమాధానాలు & వివరణ ఇక్కడ వినండి /డౌన్లోడ్ చేసుకోండి [14:29 నిమిషాలు]


ఇతరములు :

తెలుగు ఇస్లామిక్ క్విజ్ (ఆడియో సిరీస్) మెయిన్ పేజీ :
https://teluguislam.net/others/telugu-islamic-quiz

%d bloggers like this: