TeluguIslam.net

Telugu Islamic Quiz (తెలుగు ఇస్లామిక్ క్విజ్) – పార్ట్ 40
వక్త: ముహమ్మద్ నసీరుద్దీన్ జామి’ఈ (హఫిజహుల్లాహ్)
ఫారెనర్స్ ఇస్లామిక్ గైడెన్స్ ఆఫీసు, జుల్ఫీ, సౌదీ అరేబియా

బంధుమిత్రులతో విని ప్రవక్త జీవిత ఘట్టాలు, క్విజ్ రూపంలో సహీ ఆధారాలతో తెలుసుకుంటున్నందుకు అల్లాహ్ కృతజ్ఞత చెల్లిస్తూ ఆనందించండి అల్ హందులిల్లాహ్, సుమ్మ అల్ హందులిల్లాహ్

ప్రశ్నల పత్రం – 40

దైవప్రవక్త (ﷺ) బాల్యం:

1) అనాధ గానే పుట్టిన మన ప్రియ ప్రవక్త (సల్లల్లాహు అలైహి వ సల్లం) వారు ఏ వయస్సులో తల్లిని కూడా కోల్పోయారు?

A) 3 సం”’
B) 6 సం'”
C) 12 సం ”

దైవప్రవక్త (ﷺ) యవ్వనం:

2) ఏ వయస్సులో మన ప్రియ ప్రవక్త (సల్లల్లాహు అలైహి వ సల్లం ) వారు నిఖా చేసుకున్నారు?

A) 40 సం
B) 25 సం
C) 19 సం

దైవప్రవక్త (ﷺ) సంతానం:

3] మన ప్రియ ప్రవక్త (సల్లల్లాహు అలైహి వ సల్లం ) వారికి ఎంత మంది కూతుళ్లు?

A) 4
B) 3
C) 1

క్విజ్ 40: సమాధానాలు & వివరణ ఇక్కడ వినండి /డౌన్లోడ్ చేసుకోండి [6:27 నిమిషాలు]

---

దైవప్రవక్త (ﷺ) బాల్యం

1) అనాధ గానే పుట్టిన మన ప్రియ ప్రవక్త (సల్లల్లాహు అలైహి వ సల్లం) వారు ఏ వయస్సులో తల్లిని కూడా కోల్పోయారు?

B] 6 సం'”

తఫ్సీర్ ఇబ్ను కసీర్, సూర జుహా 93:6 వ్యాఖ్యానంలో ఉంది:

ثُمَّ تُوُفِّيَتْ أُمُّهُ آمِنَةُ بِنْتُ وَهْبٍ وَلَهُ مِنَ الْعُمْرِ سِتُّ سِنِينَ
వారి తల్లి ఆమిన బిన్తు వహబ్ చనిపోయారు, అప్పుడు ఆయన వయస్సు ఆరు సంవత్సరాలు.

సీరత్ ఇబ్ను హిషామ్ లో ఉంది:

ولَمَّا بَلَغَ -صلى اللَّه عليه وسلم- سِتَّ سِنِينَ تُوُفِّيَتْ وَالِدَتُهُ آمِنَةُ بِنْتُ وَهْبٍ بِالْأَبْوَاءَ، وهِيَ رَاجِعَةٌ بِهِ إلَى مَكَّةَ بَعْدَ زِيَارَةٍ قَامَتْ بِهَا مَعَهُ -صلى اللَّه عليه وسلم- إلَي أَخْوَالِ جَدِّهِ عَبْدِ المُطَّلِبِ، بِالْمَدِينَةِ المُنَوَّرَةِ

ప్రియ ప్రవక్త (సల్లల్లాహు అలైహి వసల్లం) ఆరవ ఏటలో చేరగా, వారి తల్లి ఆమిన బిన్తు బహబ్ తన సుపుత్రుడైన బాల ముహమ్మద్ ను తీసుకొని మదీనా వెళ్ళారు, అక్కడ తాత అబ్దుల్ ముత్తలిబ్ యొక్క మేన మామలను కలుసుకోటానికి, అయితే మదీనా నుండి మక్కా తిరుగు ప్రయాణంలో ఉండగా, ‘అబ్వ’ అను ప్రాంతంలో పరమపదించారు. ఈ రోజుల్లో ‘అబ్వా’ నుండి మక్కా 264 కి.మీ.

దైవప్రవక్త (ﷺ) యవ్వనం

2) ఏ వయస్సులో మన ప్రియ ప్రవక్త (సల్లల్లాహు అలైహి వ సల్లం ) వారు నికాహ్ (వివాహం) చేసుకున్నారు?

B] 25 సం

హజ్రత్ ఖదీజా (రజియల్లాహు అన్హా) ప్రవక్త సల్లల్లాహు అలైహి వసల్లం వద్దకు నఫీసా (రజియల్లాహు అన్హా)ని పంపారు, ఆమె వెళ్ళి పెళ్ళి సంబంధం గురించి తెలియజేసింది. అగ్దె నికాహ్ సందర్భంలో ఖదీజా (రజియల్లాహు అన్హా) వైపు నుండి ఆమె బాబయి (చాచా) అమ్ర్ బిన్ అసద్ వలీగా వచ్చారు. ప్రవక్త వెంట ఆయన పెత్తండ్రులు అయిన అబూ తాలిబ్ మరియు హంజా (రజియల్లాహు అన్హు) హాజరయ్యారు. బనూ హాషిం మరియు ముజర్ వంశానికి చెందిన పెద్దలు కూడా పాల్గొన్నారు. అబూ తాలిబ్ ఖత్బా (పెళ్ళి ప్రసంగం) ఇచ్చారు. అప్పుడు ప్రవక్త వయస్సు 25సం, ఖదీజా వయస్సు 40సం. (తబ్కాత్ ఇబ్ను సఅద్, అల బిదాయ వన్నిహాయ).

దైవప్రవక్త (ﷺ) సంతానం

3) మన ప్రియ ప్రవక్త (సల్లల్లాహు అలైహి వ సల్లం ) వారికి ఎంత మంది కూతుళ్లు?

A] 4

మన ప్రియ ప్రవక్త (సల్లల్లాహు అలైహి వసల్లం)కి నలుగురు కూతుళ్ళు:

1- జైనబ్ (రజియల్లాహు అన్హా), భర్త: ఖదీజ సోదరి కుమారుడు అబుల్ ఆస్.
2- రుఖయ్య (రజియల్లాహు అన్హా), మూడవ ఖలీఫా ఉస్మాన్ (రజియల్లాహు అన్హు). తన భర్తతో హబష హిజ్రత్ చేశారు. బద్ద్ యుద్ధం సమయంలో చనిపోయారు.
3- ఉమ్ము కల్సూమ్ (రజియల్లాహు అన్హా), రుఖయ్య (రజియల్లాహు అన్హా) చనిపోయాక ఉస్మాన్ (రజియల్లాహు అన్హు)తో కుల్సూమ్ (రజియల్లాహు అన్హా) వివాహం జరిగింది.
4- ఫాతిమా (రజియల్లాహు అన్హా), స్వర్గపు స్త్రీల నాయకురాలు. అలీ (రజియల్లాహు అన్హు) పెళ్ళి చేసుకున్నారు.

(ముఅజమ్ కబీర్ తబ్రానీ 22/397, సునన్ కుబ్రా 7/111).

ఇతరములు :

తెలుగు ఇస్లామిక్ క్విజ్ (ఆడియో సిరీస్) మెయిన్ పేజీ :
https://teluguislam.net/others/telugu-islamic-quiz

Telugu Islamic Quiz (తెలుగు ఇస్లామిక్ క్విజ్) – పార్ట్ 39
వక్త: ముహమ్మద్ నసీరుద్దీన్ జామి’ఈ (హఫిజహుల్లాహ్)
ఫారెనర్స్ ఇస్లామిక్ గైడెన్స్ ఆఫీసు, జుల్ఫీ, సౌదీ అరేబియా

బంధుమిత్రులతో విని ప్రవక్త జీవిత ఘట్టాలు, క్విజ్ రూపంలో సహీ ఆధారాలతో తెలుసుకుంటున్నందుకు అల్లాహ్ కృతజ్ఞత చెల్లిస్తూ ఆనందించండి అల్ హందులిల్లాహ్, సుమ్మ అల్ హందులిల్లాహ్

ప్రశ్నల పత్రం – 39

1) అబ్దుల్ ముత్తలిబ్ సమక్షంలో కాబా గృహానికి సంబంధించి జరిగిన ప్రధాన సంఘటనలు ఏమిటి?

A) చంద్రుడు రెండు ముక్కలు కావడం
B) ఏనుగుల ఘటన – పూడ్చబడిన జమ్ జమ్ బావి ఆచూకీ దొరకడం
C) తొలిగా కాబా నిర్మాణం – బావి త్రవ్వకం

2) దైవప్రవక్త (ﷺ) వారికి తల్లి తర్వాత పాలిచ్చిన స్త్రీ ఎవరు?

A) ఉమ్మె అయిమన్
B) అబూ జువైబ్ కూతురు హలీమా
C) సూబియా (Thuwaibah ثُوَيْبَةُ)

3) దైవప్రవక్త (ﷺ) వారిని కొంత జీతం నిమిత్తం పాలిచ్చి పెంచిన దాయా ఎవరు?

A) అబూజువైబ్ కూతురు హలీమా
B) బర్కత్
C) ఉమ్మె అయిమన్

క్విజ్ 39: సమాధానాలు & వివరణ ఇక్కడ వినండి /డౌన్లోడ్ చేసుకోండి [6:23 నిమిషాలు]

---

1) అబ్దుల్ ముత్తలిబ్ సమక్షంలో కాబా గృహానికి సంబంధించి జరిగిన ప్రధాన సంఘటనలు ఏమిటి?

B] ఏనుగుల ఘటన – పూడ్చబడిన జమ్ జమ్ బావి ఆచూకీ దొరకడం

రెండు ఘటనలు జరిగినవి. అయితే ఏనుగల ఘటన ఇది వరకే మనం విని ఉన్నాము. సూరతుల్ ఫీల్ సూర నంబర్ 105 చదవండి. ఇక రెండవ ఘటన సారాంశం ఏమిటంటే:

అల్లాహు తఆలా ఇస్మాఈల్ (అలైహిస్సలాం) మరియు ఆయన మాతృమూర్తి అయిన హాజర్ (అలైహస్సలాం)కు ఒక గొప్ప మహిమగా ప్రసాదించిన జమ్ జమ్ నీరు , అది తర్వాత ఓ బావిగా ఏర్పడింది. అయితే ఓ కాలం తర్వాత జుర్హుమ్ మరియు ఖుజాఆల మధ్య జరిగిన గొడవలో జుర్హుమ్ దానిని మూసివేశారు. సంవత్సరాల తరబడి మూసి ఉన్న ఆ బావి ప్రదేశాన్ని ప్రవక్త (సల్లల్లాహు అలైహి వ సల్లం) గారి తాత అయిన అబ్దుల్ ముత్తలిబ్ కు అల్లాహ్ ఎన్నో సార్లు కళలో చూపించాడు. ఆ తర్వాత అతను అదే ప్రదేశంలో త్రవ్వడం మొదలెట్టాడు. అల్ హందులిల్లాహ్ జమ్ జమ్ బావి వెలికి వచ్చింది. ఇది ఆయన జీవితంలోని ఓ గొప్ప సంఘటన.

(ఈ త్రవ్వక విషయం సహీ సనద్ తో ఇమాం బైహఖీ గారు దలాఇలున్నుబువ్వహ్ లో ప్రస్తావించారు. 1/93. అల్లూలుఉల్ మక్నూన్… 1/53).

2) దైవప్రవక్త (ﷺ) వారికి తల్లి తర్వాత పాలిచ్చిన స్త్రీ ఎవరు? 

C) సూబియా (సువైబ సరియైన ఉచ్ఛారణ)

బుఖారీ 5106 ఇతర హదీసుల ద్వారా తెలుస్తుంది.

أَرْضَعَتْنِي وَأَبَاهَا ثُوَيْبَةُ
సువైబ నాకు పాలు త్రాపించిందని ప్రవక్త (సల్లల్లాహు అలైహి వ సల్లం) చెప్పారు.

3) దైవప్రవక్త (ﷺ) వారిని కొంత జీతం నిమిత్తం పాలిచ్చి పెంచిన దాయా ఎవరు?

A) అబూజువైబ్ కూతురు హలీమా

బుఖారీలో సంక్షిప్తంగా; హునైన్ యుద్ధం తర్వాత పట్టుబడిన బానిసల సంఘటనలో ఈ విషయం వస్తుంది. అయితే ముస్నద్ అహ్మద్ 12221, సహీ ముస్లింలో వచ్చిన హదీసుల ద్వారా కూడా ఈ విషయం బోధపడుతుంది.

مسند أحمد 12221 ، صحيح على شرط مسلم:- عَنْ أَنَسٍ، ” أَنَّ رَسُولَ اللهِ صَلَّى اللهُ عَلَيْهِ وَسَلَّمَ كَانَ يَلْعَبُ مَعَ الصِّبْيَانِ، فَأَتَاهُ آتٍ فَأَخَذَهُ فَشَقَّ بَطْنَهُ، فَاسْتَخْرَجَ مِنْهُ عَلَقَةً فَرَمَى بِهَا، وَقَالَ: هَذِهِ نَصِيبُ الشَّيْطَانِ مِنْكَ، ثُمَّ غَسَلَهُ فِي طَسْتٍ مِنْ ذَهَبٍ مِنْ مَاءِ زَمْزَمَ، ثُمَّ لَأَمَهُ فَأَقْبَلَ الصِّبْيَانُ إِلَى ظِئْرِهِ: قُتِلَ مُحَمَّدٌ، قُتِلَ مُحَمَّدٌ، فَاسْتَقْبَلَتْ رَسُولَ اللهِ صَلَّى اللهُ عَلَيْهِ وَسَلَّمَ، وَقَدِ انْتَقَعَ (1) لَوْنُهُ ” قَالَ أَنَسٌ: ” فَلَقَدْ كُنَّا نَرَى أَثَرَ الْمَخِيطِ فِي صَدْرِهِ ” (2)

పై హదీసు సారాంశం ఏమిటంటే ప్రవక్త (సల్లల్లాహు అలైహి వసల్లం) హలీమ సఅదియా వద్ద ఉండగానే ‘షర్హె సద్ర్’ సంఘటన జరిగింది. దీని వివరణ మరో క్విజ్ లో తెలుసుకుందాము ఇన్ షా అల్లాహ్.

ఇతరములు :

తెలుగు ఇస్లామిక్ క్విజ్ (ఆడియో సిరీస్) మెయిన్ పేజీ :
https://teluguislam.net/others/telugu-islamic-quiz

Telugu Islamic Quiz (తెలుగు ఇస్లామిక్ క్విజ్) – పార్ట్ 38
వక్త: ముహమ్మద్ నసీరుద్దీన్ జామి’ఈ (హఫిజహుల్లాహ్)
ఫారెనర్స్ ఇస్లామిక్ గైడెన్స్ ఆఫీసు, జుల్ఫీ, సౌదీ అరేబియా

బంధుమిత్రులతో విని ప్రవక్త జీవిత ఘట్టాలు, క్విజ్ రూపంలో సహీ ఆధారాలతో తెలుసుకుంటున్నందుకు అల్లాహ్ కృతజ్ఞత చెల్లిస్తూ ఆనందించండి అల్ హందులిల్లాహ్, సుమ్మ అల్ హందులిల్లాహ్

ప్రశ్నల పత్రం – 38

1) దైవప్రవక్త (సల్లల్లాహు అలైహి వ సల్లం) వంశం పేరు ఏమిటి?

A] గిఫ్ఫారి తెగ
B] హాషిం
C] ఖురైజా

2] దైవప్రవక్త (సల్లల్లాహు అలైహి వ సల్లం ) వారి తండ్రి మరియు తాత యొక్క పేర్లు ఏమిటి?

A] అబ్దుల్లాహ్ — అబ్దుల్ ముత్తలిబ్
B] అబ్దుల్లాహ్ —అబుతాలిబ్
C] అబ్దుల్లాహ్ — జైద్

3] దైవప్రవక్త (సల్లల్లాహు అలైహి వ సల్లం) వారు పుట్టుకకు కాస్త ముందు పవిత్ర కాబా పరిసరాలలో జరిగిన ఘటన ఏమిటి?

A) సముద్రం చీలిపోవడం
B) ఏనుగుల సంఘటన
C) ఏమీ లేదు

క్విజ్ 38: సమాధానాలు & వివరణ ఇక్కడ వినండి /డౌన్లోడ్ చేసుకోండి [11:23 నిమిషాలు]

---

1) దైవప్రవక్త (సల్లల్లాహు అలైహి వ సల్లం ) వంశం పేరు ఏమిటి?

B] హాషిం

مسلم 2276:- عن وَاثِلَةِ بْنِ الْأَسْقَعِ، يَقُولُ: سَمِعْتُ رَسُولَ اللهِ صَلَّى اللهُ عَلَيْهِ وَسَلَّمَ يَقُولُ: «إِنَّ اللهَ اصْطَفَى كِنَانَةَ مِنْ وَلَدِ إِسْمَاعِيلَ، وَاصْطَفَى قُرَيْشًا مِنْ كِنَانَةَ، وَاصْطَفَى مِنْ قُرَيْشٍ بَنِي هَاشِمٍ، وَاصْطَفَانِي مِنْ بَنِي هَاشِمٍ»

వాసి’లహ్ బిన్ అస్ఖ’ఇ (రదియల్లాహు అన్హు) కథనం: ప్రవక్త (సల్లల్లాహు అలైహి వ సల్లం) ఇలా ప్రవచిస్తూ ఉండగా నేను విన్నాను, ”అల్లాహ్ (త’ఆలా) ఇస్మా ‘యీల్ సంతతిలోని కనాన్ను ఎన్నుకున్నాడు. కనాన సంతతిలోని ఖురైష్లను ఎన్నుకున్నాడు, ఖురైషుల్లో బనీ హాషిమ్ను ఎన్నుకున్నాడు, బనీ హాషిమ్లో నన్ను ఎన్ను కున్నాడు.” (ముస్లిమ్)

2) దైవప్రవక్త (సల్లల్లాహు అలైహి వ సల్లం ) వారి తండ్రి మరియు తాత యొక్క పేర్లు ఏమిటి?

A] అబ్దుల్లాహ్ — అబ్దుల్ ముత్తలిబ్

البخاري كتاب مناقب الأنصار بَابُ مَبْعَثِ النَّبِيِّ صَلَّى اللهُ عَلَيْهِ وَسَلَّمَ مُحَمَّدُ بْنُ عَبْدِ اللَّهِ بْنِ عَبْدِ المُطَّلِبِ بْنِ هَاشِمِ بْنِ عَبْدِ مَنَافِ بْنِ قُصَيِّ بْنِ كِلاَبِ بْنِ مُرَّةَ بْنِ كَعبِ بْنِ لؤَيِّ بْنِ غالِبِ بْنِ فِهْرِ بْنِ مَالِكِ بْنِ النَّضْرِ بْنِ كِنَانَةَ بْنِ خُزَيْمَةَ بْنِ مُدْرِكَةَ بْنِ إِلْيَاسَ بْنِ مُضَرَ بْنِ نِزَارِ بْنِ مَعَدِّ بْنِ عَدْنَانَ

(బుఖారీ, కితాబుల్ మనాఖిబ్, బాబు మబ్అసిన్నబియ్యి సల్లల్లాహు అలైహి వసల్లం)

ముహమ్మద్ బిన్ అబ్దుల్లాహ్ బిన్ అబ్దుల్ ముత్తలిబ్ బిన్ హాషిమ్ బిన్ అబ్ది మనాఫ్ బిన్ ఖుసై బిన్ కిలాబ్ బిన్ ముర్రహ్ బిన్ కఅబ్ బిన్ లుఐ బిన్ ఘాలిబ్ బిన్ ఫిహ్ ర్ బిన్ మాలిక్ బిన్ నజ్ర్ బిన్ కినాన బిన్ ఖుజైమ బిన్ ముద్రిక బిన్ ఇల్యాస్ బిన్ ముజర్ బిన్ నిజార్ బిన్ మఅద్ద్ బిన్ అద్నాన్

3] దైవప్రవక్త (సల్లల్లాహు అలైహి వ సల్లం) వారు పుట్టుకకు కాస్త ముందు పవిత్ర కాబా పరిసరాలలో జరిగిన ఘటన ఏమిటి?

B] ఏనుగుల సంఘటన

البخاري 2434:- «إِنَّ اللَّهَ حَبَسَ عَنْ مَكَّةَ الفِيلَ
బుఖారీ 2434లో ఉంది: ఒక సందర్భంలో ప్రవక్త (సల్లల్లాహు అలైహి వసల్లం) చెప్పారు: నిశ్చయంగా అల్లాహ్ మక్కాలో ప్రవేశించకుండా ఏనుగులను ఆపి ఉంచాడు.

105:1 أَلَمْ تَرَ كَيْفَ فَعَلَ رَبُّكَ بِأَصْحَابِ الْفِيلِ
ఏమిటీ, నీ ప్రభువు ఏనుగుల వారి పట్ల వ్యవహరించిన తీరును నీవు చూడలేదా?

105:2 أَلَمْ يَجْعَلْ كَيْدَهُمْ فِي تَضْلِيلٍ
ఏమిటీ, వాళ్ళ కుట్రను (ఆయన) భగ్నం చేయలేదా?

105:3 وَأَرْسَلَ عَلَيْهِمْ طَيْرًا أَبَابِيلَ
వాళ్ళపై ఆయన గుంపులు గుంపులుగా పక్షులను పంపించాడు.

105:4 تَرْمِيهِم بِحِجَارَةٍ مِّن سِجِّيلٍ
అవి వారిపై మట్టితో తయారైన కంకర్రాళ్లను కురిపించసాగాయి.

105:5 فَجَعَلَهُمْ كَعَصْفٍ مَّأْكُولٍ
ఎట్టకేలకు, ఆయన వారిని తిని (తొక్కి వేసి)న తొక్కు మాదిరిగా చేసేశాడు.

ఇతరములు :

తెలుగు ఇస్లామిక్ క్విజ్ (ఆడియో సిరీస్) మెయిన్ పేజీ :
https://teluguislam.net/others/telugu-islamic-quiz