Tag: Remembrance of Allah

అల్లాహ్ స్మరణ యొక్క ఘనత – The Excellence of the Remembrance of Allah
https://youtu.be/M-AgVCyt-Qg [36 నిముషాలు]
వక్త: షరీఫ్ (హఫిజహుల్లాహ్) వైజాగ్

ప్రపంచంలో మానవుడు డబ్బు, ఐశ్వర్యం వంటి సకల భోగభాగ్యాలు పొందుతున్నప్పటికీ, నిజమైన మనశ్శాంతికి దూరమవుతున్నాడు. వాస్తవమైన మనశ్శాంతి సంగీతం, సినిమాలు లేదా ప్రాపంచిక సుఖాలలో లేదు, కానీ సృష్టికర్త అయిన అల్లాహ్ స్మరణ (ధిక్ర్)లో మాత్రమే ఉంది. శారీరక ఆరోగ్యంతో పాటు మానసిక ఆరోగ్యం కూడా అత్యంత అవసరం, మరియు ఈ మానసిక బలాన్ని, ప్రశాంతతను అల్లాహ్ ధిక్ర్ అందిస్తుంది. ధిక్ర్ యొక్క ఘనత, దాని వల్ల కలిగే ప్రయోజనాలు, మరియు ప్రవక్త (స) నేర్పించిన నిర్దిష్టమైన ధిక్ర్ పదాలు, వాటి ప్రతిఫలాల గురించి ఖురాన్ మరియు హదీసుల వెలుగులో వివరించబడింది.

ఖురాన్ మరియు హదీసుల వెలుగులో చూసినట్లయితే, అల్లాహ్ యొక్క స్మరణకు విశిష్టమైన ఘనత ఉంది ప్రియులారా. వాస్తవానికి, నేటి ప్రపంచములో మానవులకు కావలసినది ఏమిటి? మనం ప్రపంచంలో మనుషుల్ని చూస్తూ ఉన్నాం. మనిషికి డబ్బు ఉంది, మనిషికి అన్ని రకాల వనరులు ఉన్నాయి, కానీ అనేక మంది మానవులకు ఈ రోజు మనశ్శాంతి కరువైపోయింది. మనశ్శాంతి లేదంటున్నారు. డబ్బు ఉందండి, ఆస్తి ఉందండి, అంతస్తు ఉందండి, ఐశ్వర్యం ఉంది, అన్ని రకాల భోగ భాగ్యాలు ప్రపంచంలో మానవుడు పొందుతున్నాడు, కానీ వాస్తవానికి అనేక మంది మానవులు పొందలేక పోతున్న విషయం మనశ్శాంతి ప్రియులారా.

మనసుకు ప్రశాంతత లభించటం. వాస్తవానికి మనస్సుకు ప్రశాంతత దేని ద్వారా లభిస్తుంది? ఈ రోజు మనిషి అనుకుంటాడు, మనసుకు ప్రశాంతత లభించాలంటే సంగీత వాయిద్యాల ద్వారా మనిషికి ప్రశాంతత లభిస్తుంది అనుకుంటున్నాడు. చలన చిత్రాలను వీక్షించటం ద్వారా మనసుకు ప్రశాంతత లభిస్తుంది అనుకుంటున్నాడు. వాస్తవమైన మనశ్శాంతి ప్రియులారా, ఈ ప్రపంచంలో డబ్బులో లేదు, ఈ ప్రపంచపు సుఖాలలో లేదు, ఈ ప్రపంచములో ఈ సంగీత వాయిద్యాలలో లేదు, చలన చిత్రాలలో లేదు ప్రియులారా.

వాస్తవమైన మనశ్శాంతి, అల్లాహ్ సుబ్ హాన వ తఆలా, ఏ జాతి అయితే మనిషిని సృష్టించిందో, ఎవరైతే మనిషిని సృష్టించి, మనిషిని పోషించి, మనిషి కోసం ఈ ప్రపంచంలో సకల ఏర్పాట్లను చేశాడో, ఎవడైతే మనిషిని తల్లి గర్భములో వీర్యపు చుక్క వలే ప్రవేశింపజేశాడో, ఎవరైతే తల్లి గర్భములో 40 రోజుల పాటు రక్తపు ముద్ద వలే ఉంచాడో, ఎవరైతే ఆ 40 రోజుల తరువాత ఆ మనిషి గర్భములో ఉన్న మనల్ని రక్తపు ముద్ద నుండి మాంసపు ముద్దగా మార్చి, ఎముకను జత చేసి, మనకు అందమైన రూపాన్ని ఇచ్చి, వినే చెవులు ప్రసాదించి, చూసే కనులు ప్రసాదించి, ఆలోచించే హృదయాన్ని ప్రసాదించాడో, ఆ సృష్టికర్త అయిన అల్లాహ్ యొక్క స్మరణలో మనిషికి ప్రశాంతత ఉంది.

అదే విషయాన్ని పవిత్ర ఖురాన్ గ్రంథం తెలియజేస్తుంది ప్రియులారా.

أَلَا بِذِكْرِ اللَّهِ تَطْمَئِنُّ الْقُلُوبُ
అలా బి జిక్రిల్లాహి తత్మఇన్నుల్ ఖులూబ్
వినండి, అల్లాహ్ యొక్క స్మరణలో మాత్రమే మనిషికి ప్రశాంతత లభిస్తుంది.

ప్రియమైన ధార్మిక సోదరులారా, ప్రియమైన ధార్మిక సోదరీమణులారా, ఈ ప్రస్తుత ప్రపంచములో, నేటి సమాజములో, ప్రత్యేకించి నేటి కాలములో మనిషి శారీరకంగా, దానితో పాటు ఎక్కువగా మానసికంగా ఆరోగ్యంగా ఉండాలి ప్రియులారా. ఎందుకంటే ఈ కరోనా కాలం, ఇలాంటి కాలాన్ని మనం చూస్తూ ఉన్నాం. దేహ దారుఢ్యం కలిగినవారు, యవ్వనములో ఉన్నవారు, ఆరోగ్యంగా ఉన్నవారు, శారీరక ఆరోగ్యం ఉన్నవారు, అనేక మంది ప్రాణాలు ఈ ప్రపంచం నుండి వెళ్ళిపోతున్నాయి. వాస్తవానికి ఈ కష్ట కాలములో ప్రియులారా, మానవుడు శారీరక ఆరోగ్యంతో పాటు, మానసిక ఆరోగ్యాన్ని కలిగి ఉండటం మనిషికి అత్యంత అవసరదాయకమైనది. ఎందుకంటే సోదరులారా, మనిషికి శారీరక ఆరోగ్యం కంటే మానసిక ఆరోగ్యమే ఎక్కువ బలాన్ని చేకూరుస్తుంది. అలాంటి మానసిక ఆరోగ్యం మనిషికి అల్లాహ్ యొక్క స్మరణలో మాత్రమే లభిస్తుంది ప్రియులారా.

అనేక మంది ప్రపంచంలో అనుకోవచ్చు, నాకు సంగీత వాయిద్యాలలో నాకు ప్రశాంతత లభిస్తుంది. షేఖుల్ ఇస్లాం ఇబ్నె తైమియా రహిమహుల్లా తెలుపుతున్నారు ప్రియులారా, మనిషి హృదయానికి ఏదైతే సంగీతం ఉందో, అది మనిషి హృదయానికి సంబంధించిన మద్యపానం లాంటిది. మనిషి యొక్క హృదయానికి మద్యపానం లాంటిది సంగీతం ప్రియులారా. మనిషి గనక దానికి అడిక్ట్ అయిపోతే, అది మద్యం వలే మనిషి హృదయాన్ని పట్టుకుంటుంది. అంటే, ఆ విధంగా మనిషిని సర్వనాశనం చేస్తుంది. ఏదేమైనప్పటికీ, మనకున్న ముఖ్తసరి సమయంలో నేను మీకు మీ ముందు ఉంచే విషయాలు ఏమిటి అంటే, అల్లాహ్ స్మరణ యొక్క ఘనత. మనిషి అల్లాహ్ ను స్మరించటం ద్వారా మనిషికి ఒనగూరే ప్రయోజనాలు ఏమిటి?

మొట్టమొదటి ప్రయోజనం, ఏదైతే నేను మీ ముందు వాక్యాన్ని పఠించానో,

أَلَا بِذِكْرِ اللَّهِ تَطْمَئِنُّ الْقُلُوبُ
అలా బి జికిరిల్లాహి తత్మఇన్నుల్ ఖులూబ్
అల్లాహ్ యొక్క స్మరణ ద్వారా మనిషి హృదయానికి ప్రశాంతత లభిస్తుంది.

రెండవ ఘనత ఏమిటి ప్రియులారా? మనల్ని అల్లాహ్ జ్ఞాపకం చేసుకుంటాడు.

فَاذْكُرُونِي أَذْكُرْكُمْ وَاشْكُرُوا لِي وَلَا تَكْفُرُونِ
ఫజ్కురూనీ అజ్కుర్కుం వష్కురూలీ వలా తక్ఫురూన్
అల్లాహ్ ఏమంటున్నాడు? మీరు నన్ను జ్ఞాపకం చేసుకోండి, నేను మిమ్మల్ని జ్ఞాపకం చేసుకుంటాను.

అల్లాహ్ సుబ్ హాన వత’ఆలా ఒక హదీసె ఖుద్సీలో తయారు చేస్తుంటున్నాడు. అల్లాహ్ సుబ్ హాన వత’ఆలా మనిషి యొక్క ఆలోచనకు దగ్గరలో ఉంటాడు ప్రియులారా. మనిషి అల్లాహ్ ను స్మరిస్తే, అల్లాహ్ కూడా ఆ మనిషిని గుర్తు చేసుకుంటాడు. ఒకవేళ మనిషి గనక లోలోపల అల్లాహ్ ను గుర్తు చేసుకుంటే, అల్లాహ్ కూడా తన లోపల మనల్ని గుర్తుకు చేసుకుంటాడు. మనిషి అల్లాహ్ ను గురించిన గొప్పతనం, అల్లాహ్ యొక్క జిక్ర్ ఒక సమావేశంలో చేస్తే, దానికంటే గొప్ప సమావేశములో అల్లాహ్ ఆ మనిషి యొక్క ప్రస్తావన చేస్తాడు ప్రియులారా.

ఆ పిదప, మనం జిక్ర్ యొక్క ఘనతను చూస్తే, అల్లాహ్ యొక్క నామ స్మరణ యొక్క ఘనతను చూస్తే, ఎలాంటి ఘనత ఉందండి? అల్లాహ్ తఆలా ఖురాన్ గ్రంథంలో తెలియజేస్తున్నారు:

وَالذَّاكِرِينَ اللَّهَ كَثِيرًا وَالذَّاكِرَاتِ أَعَدَّ اللَّهُ لَهُمْ مَغْفِرَةً وَأَجْرًا عَظِيمًا
వజ్జాకిరీనల్లాహ కసీరన్ వజ్జాకిరాత్, అఅద్దల్లాహు లహుం మగ్ఫిరతన్ వ అజ్రన్ అజీమా
ఎవరైతే అల్లాహ్ ను అత్యధికంగా స్మరించే స్త్రీలు, అల్లాహ్ ను అత్యధికంగా స్మరించే పురుషులు, వారికి కోసం అల్లాహ్ వద్ద క్షమాభిక్ష ఉంది.

మనం ఇంకాస్త ముందుకు వెళ్తే సోదరులారా, అల్లాహ్ తఆలా జిక్ర్ యొక్క ఘనత ఖురాన్ గ్రంథంలో ఏమి తెలియజేస్తున్నారు? అల్లాహ్ అంటూ ఉన్నారు, అల్లాహ్ ఏమంటున్నారు?

وَاذْكُرُوا اللَّهَ كَثِيرًا لَعَلَّكُمْ تُفْلِحُونَ
వజ్కురుల్లాహ కసీరల్ లఅల్లకుం తుఫ్లిహూన్
మీరు అల్లాహ్ ను ఎక్కువగా స్మరించండి, బహుశా మీరు సాఫల్యం పొందవచ్చు.

కాబట్టి ప్రియులారా, సాఫల్యం అల్లాహ్ యొక్క జిక్ర్ లో ఉంది, క్షమాభిక్ష అల్లాహ్ యొక్క జిక్ర్ లో ఉంది, మనుషుల హృదయాలకు ప్రశాంతత అల్లాహ్ యొక్క జిక్ర్ లో ఉంది, అల్లాహ్ మనల్ని జ్ఞాపకం చేసుకోవటం అల్లాహ్ యొక్క జిక్ర్ లో ఉంది. సుబ్ హా నల్లాహ్.

అలాంటి జిక్ర్ ఈ రోజు మనిషి చేస్తున్నాడా? మనిషి అల్లాహ్ యొక్క జిక్ర్ లో ప్రశాంతత పొందుతున్నాడా? ఈ రోజు మనిషి అనుకుంటాడు, నాకు ప్రశాంతత సినిమాలలో ఉంది, నాకు ప్రశాంతత మొబైల్ ఫోన్లలో ఆటలు ఆడటంలో ఉంది, నాకు ప్రశాంతత పాటలు వినటంలో ఉంది, నాకు ప్రశాంతత సంగీత వాయిద్యాలలో ఉంది. نَعُوْذُ بِاللهِ (నవూజుబిల్లాహ్) మేము అల్లాహ్ శరణు వేడుతున్నాము. ఏ హృదయానికైతే అల్లాహ్ యొక్క స్మరణలో ప్రశాంతత లేదో, అది రోగగ్రస్తమైన హృదయం ప్రియులారా. జ్ఞాపకం పెట్టుకోండి.

ఈ రోజు మనం, మనం అనుకుంటాం ప్రియులారా, మనలో అనేక మంది ఏమనుకుంటారు, జిక్ర్ అంటే తసవ్వుఫ్ అండి, అది మనది కాదు. ఈ రోజు ఎలాగైపోయిందంటే, దరూద్ చదివే వాళ్ళు అదొక పార్టీ అండి, దరూద్ చదివే వాళ్ళకు మాకు సంబంధం లేదు. نَعُوْذُ بِاللهِ (నవూజుబిల్లాహ్). ఎక్కువగా జిక్ర్ గురించి మాట్లాడితే, ఏమి సూఫీలు జిక్ర్ చేసుకుంటారండి, మాకేం అవసరం జిక్ర్ ఇది, అల్లాహు అక్బర్, అల్లాహు అక్బర్. జిక్ర్ ఎలాంటి ఆరాధన ప్రియులారా?

ఒక హదీస్ గనక మనం పరిశీలించినట్లయితే, తిర్మిజీ గ్రంథంలో అబూ దర్దా (రదియల్లాహు అన్హు) వారి ఒక ఉల్లేఖనం వస్తుంది ప్రియులారా. దైవ ప్రవక్త (సల్లల్లాహు అలైహి వసల్లం) తెలియజేస్తున్నారు, నేను మీ ఆచరణల అన్నింటిలోకెల్లా ఒక గొప్ప ఆచరణ గురించి, ఒక మేలైన ఆచరణ గురించి మీకు తెలియజేయనా? అది ఎలాంటి ఆచరణ అంటే, మీ యొక్క ప్రభువు దృష్టిలో, అల్లాహ్ దృష్టిలో అత్యంత పవిత్రమైన ఆచరణ. మీరు అల్లాహ్ మార్గములో బంగారం, వెండి ఖర్చు పెట్టటము కంటే గొప్ప ఆచరణ. మీరు శత్రువుతో పోరాటము చేసి, శత్రువు తలలు తీయటము కంటే గొప్ప ఆచరణ. దైవ ప్రవక్త యొక్క సహాబాలు అడుగుతున్నారు, చెప్పండి ప్రవక్త, అది ఏ ఆచరణ? అల్లాహు అక్బర్. అల్లాహ్ మార్గంలో బంగారం, వెండి ఖర్చు చేయటము కంటే గొప్ప ఆచరణ. అల్లాహ్ వద్ద అత్యంత పవిత్రమైన ఆచరణ. శత్రువుతో పోరాటము చేయటము కంటే గొప్ప ఆచరణ. దైవ ప్రవక్త (సల్లల్లాహు అలైహి వసల్లం) తెలియజేస్తున్నారు ప్రియులారా,

ذِكْرُ اللَّهِ تَعَالَى
జిక్రుల్లాహి తఆలా

అల్లాహ్ యొక్క స్మరణ చేయటం అల్లాహ్ మార్గంలో బంగారం దానము చేయటము కంటే గొప్పది. అల్లాహ్ యొక్క జిక్ర్ చేయటం, అల్లాహ్ మార్గములో వెండి దానము చేయటము కంటే గొప్పది. అల్లాహ్ యొక్క జిక్ర్ చేయటం శత్రువుతో పోరాటము చేయటము కంటే గొప్పది, సుబ్ హా నల్లాహ్.

అలాంటి జిక్ర్ ఈ రోజు మన వద్ద ఉందా ప్రియులారా? అల్లాహు అక్బర్. అబూ మూసా అష్అరీ (రదియల్లాహు అన్హు) హదీస్ ఉల్లేఖిస్తున్నారు. సహీహ్ ముస్లిం గ్రంథంలో హదీస్ నఖలు చేయబడుతుంది. దైవ ప్రవక్త (సల్లల్లాహు అలైహి వసల్లం) తెలియజేస్తున్నారు:

مَثَلُ الَّذِي يَذْكُرُ رَبَّهُ وَالَّذِي لَا يَذْكُرُ رَبَّهُ مَثَلُ الْحَيِّ وَالْمَيِّتِ
మసలుల్లజీ యజ్కురు రబ్బహూ వల్లజీ లా యజ్కురు, మసలుల్ హయ్యి వల్ మయ్యిత్

ప్రవక్త అంటున్నారు, అల్లాహ్ యొక్క స్మరణ చేసేవాడు, అల్లాహ్ యొక్క స్మరణ చేయనివాడు, వీరిద్దరి ఉపమానం ఎలాంటిదంటే, అల్లాహ్ యొక్క స్మరణ చేసేవాడు సజీవమైన వాడితో సమానము, అల్లాహ్ యొక్క స్మరణ చేయనివాడు నిర్జీవమైన వాడితో సమానం. సుబ్ హా నల్లాహ్. అల్లాహ్ యొక్క స్మరణ చేసేవాడు సజీవమైన వాడితో సమానం, అల్లాహ్ యొక్క స్మరణ చేయనివాడు నిర్జీవునితో సమానం ప్రియులారా. ఆలోచించండి.

ఈ రోజు ఎంత మంది అల్లాహ్ యొక్క జిక్ర్ చేస్తున్నారు? అల్లాహ్ తఆలాను జ్ఞాపకం చేసుకుంటున్నారు? మనం బ్రతికి ఉన్నాం ప్రియులారా, మన హృదయాలు బ్రతికి ఉన్నాయి సోదరులారా. మన హృదయాలను బ్రతికి ఉండగా మనం సజీవమైన వారిగా జీవితం గడుపుదామా? లేక బ్రతికి ఉండగానే మన హృదయాలు చనిపోయిన వారి వలే జీవితాన్ని గడుపుదామా? అల్లాహ్ యొక్క జిక్ర్ చేసేవాడు సజీవమైన వాడితో సమానం, అల్లాహ్ యొక్క జిక్ర్ చేయనివాడు నిర్జీవునితో సమానం ప్రియులారా.

ఒక చిన్న ఉదాహరణ మీ ముందు ఇచ్చే ప్రయత్నం చేస్తాను ప్రియులారా. ఒక వ్యక్తి అట తన ఇంటి బాల్కనీ నుండి బయట ప్రపంచాన్ని చూస్తున్నాడు. తన ఇంటి బాల్కనీ నుండి రోడ్డు వైపునకు, రోడ్డు పై చూస్తున్నాడు. ఎవరో వచ్చి రోడ్డు మీద ఉన్న ఒక చెత్త కుండీలో ఆహారాన్ని, పాడైపోయిన ఆహారం బహుశా, పడేసి వెళ్ళిపోయారు. ఒక వ్యక్తి పరిగెత్తుకుంటూ వచ్చి, ఏదైతే పాడైపోయిన ఆహారం చెత్త కుండీ వద్ద పడవేయబడిందో, ఆ ఆహారాన్ని ఎత్తుకొని త్వర త్వరగా తినేస్తున్నాడు. బాల్కనీ నుండి చూస్తున్న వ్యక్తి అంటున్నాడు, الْحَمْدُ لِلَّهِ అల్హమ్దులిల్లాహ్సర్వ స్తోత్రములు అల్లాహ్ కే. అల్లాహ్ అతగాడి కంటే మంచి జీవితాన్ని నాకు ప్రసాదించాడు, దీనికి అల్లాహ్ కు స్తోత్రం. ఇక ఎవరైతే చెత్తకుండీ వద్ద పాడైపోయిన ఆహారాన్ని ఏరుకొని తింటున్నాడో, అతగాడు చూస్తున్నాడు రోడ్డు మీద ఒక వ్యక్తి సరిగ్గా బట్టలు కూడా లేవు, అంతగా మతస్థిమితం లేని వాడి వలే రోడ్డు మీద పరిగెత్తుకుంటూ వెళ్తున్నాడు. అతగాడిని చూసి పాడైపోయిన ఆహారం తింటున్న వాడు అంటున్నాడు, الْحَمْدُ لِلَّهِ అల్హమ్దులిల్లాహ్ సర్వ స్తోత్రములు అల్లాహ్ కే. అల్లాహ్ అతగాడి కంటే మంచి స్థితిలో నన్ను ఉంచాడు, అల్లాహ్ కు స్తోత్రము. ఇక ఎవడైతే పిచ్చివాడి వలే రోడ్డు పై పరిగెత్తుతున్నాడో, అతగాడు చూస్తున్నాడు అంబులెన్స్ లో ఒక పేషెంటును హాస్పిటల్ కు తరలించటం జరుగుతుంది. ఆ పిచ్చివాడి వలే రోడ్డు పై గెంతులు వేస్తున్న వాడు ఆ అంబులెన్స్ లో ఉన్న రోగిని చూసి అంటున్నాడు, الْحَمْدُ لِلَّهِ అల్హమ్దులిల్లాహ్ సర్వ స్తోత్రములు అల్లాహ్ కే. అతడు అనారోగ్యం పాలైపోయాడు, అల్లాహ్ నాకైతే ఆరోగ్యాన్ని ప్రసాదించాడు, దీని కోసం అల్లాహ్ కు సర్వ స్తోత్రములు. ఇక ఎవడైతే అంబులెన్స్ లో నుండి హాస్పిటల్ వద్దకు చేరుకొని స్ట్రెచర్ మీద హాస్పిటల్ లోకి అడ్మిట్ అవుతున్న ఆ రోగి, అవతల పక్క స్ట్రెచర్ మీద ఒక డెడ్ బాడీని బయటకు తీసుకురావటాన్ని చూస్తున్నాడు. ఆ పేషెంటు ఆ డెడ్ బాడీ బయటకు వస్తుండగా చూసి అంటున్నాడు, الْحَمْدُ لِلَّهِ అల్హమ్దులిల్లాహ్ సర్వ స్తోత్రములు అల్లాహ్ కే. అల్లాహ్ నా దేహంలోనైతే ప్రాణం ఉంచాడు, అతడి దేహములో ప్రాణము కూడా లేదే, అల్లాహు అక్బర్. అల్లాహు అక్బర్. ఇప్పుడు మీరు చెప్పండి, ఏ అనారోగి అయితే తన ఆరోగ్యం, ఆ వ్యక్తి అల్లాహ్ కు కృతజ్ఞత తెలుపుతున్నాడే. ఇక పలకగలుగుతున్నాడే. ఇక స్ట్రెచర్ మీద బయటకు తీసుకు రాబడుతున్న వ్యక్తి అల్హందులిల్లాహ్ చెప్పగలడా ప్రియులారా? ఏ వ్యక్తి అయితే మరణించి బయటకు వస్తున్నాడో, అతగాడు అల్హందులిల్లాహ్ పలకలేడు ప్రియులారా. ఎందుకంటే వాడు చనిపోయి ఉన్నాడు కాబట్టి, సుబ్ హా నల్లాహ్.

ప్రియులారా, కాబట్టి బ్రతికి ఉండగా అల్లాహ్ తఆలాకు కృతజ్ఞత తెలిపే వారిగా, అల్లాహ్ యొక్క జిక్ర్ చేసే వారిగా మన జీవితాలను మనం మార్చుకుంటే, ఇది మన కోసం మేలైనది ప్రియులారా. అల్లాహ్ వద్ద అంతస్తులను తీసుకు వచ్చి పెట్టే మహోన్నత సాధనం. కాబట్టి ప్రియులారా, అల్లాహ్ యొక్క జిక్ర్ చేద్దాం, అల్లాహ్ ను స్మరిద్దాం. అల్లాహ్ అంటూ ఉన్నారు కదా ఏదైతే తిలావత్ లో చదివారు,

يَا أَيُّهَا الَّذِينَ آمَنُوا اذْكُرُوا اللَّهَ ذِكْرًا كَثِيرًا
యా అయ్యుహల్లజీన ఆమనూజ్కురుల్లాహ జిక్రన్ కసీరా
ఓ విశ్వసించిన ప్రజలారా, అల్లాహ్ ను అత్యధికంగా స్మరించండి, సుబ్ హా నల్లాహ్.

కాబట్టి పదండి ఈ రోజున అంశంలో ముఖ్తసరిగా గురువుగారు మీరంటున్నారు అల్లాహ్ ను స్మరించమని. మీరు అంటున్నారు అల్లాహ్ ను స్మరించేవాడు మానసికంగా చాలా ఆరోగ్యంగా ఉంటాడని, హృదయపరంగా ఆరోగ్యంగా ఉంటాడని. సుబ్ హా నల్లాహ్. వాస్తవం ప్రియులారా. మనిషి యొక్క హృదయానికి ఆహారం అల్లాహ్ యొక్క జిక్ర్. మన శరీరానికి ఆహారం ప్రియులారా ప్రపంచంలో అన్నపానీయాలు, కానీ మన హృదయానికి ఆహారం అల్లాహ్ యొక్క జిక్ర్ ప్రియులారా, సుబ్ హా నల్లాహ్.

కాబట్టి, అల్లాహ్ యొక్క జిక్ర్ మన హృదయానికి ఎలాంటిదండి? షేఖుల్ ఇస్లాం ఇబ్నె తైమియా రహమహుల్లా తెలియజేస్తున్నారు, మనిషి హృదయానికి అల్లాహ్ యొక్క జిక్ర్ ఎలాంటిదంటే, చేపకు నీరు లాంటిది. ఏ విధంగానైతే నీరు లేకపోతే చేప మరణిస్తుందో, అల్లాహ్ యొక్క జిక్ర్ లేకపోతే మనిషి హృదయం మరణిస్తుంది. సుబ్ హా నల్లాహ్. ఏ విధంగానైతే నీరు లేకపోతే చేప మరణిస్తుందో, అల్లాహ్ యొక్క జిక్ర్ లేకపోతే, అల్లాహు అక్బర్, మనిషి హృదయం మరణిస్తుంది ప్రియులారా.

అల్లాహ్ యొక్క జిక్ర్ చేయకపోవటం, అల్లాహ్ ను స్మరించకపోవటం, ఇది ఎవరి లక్షణం ప్రియులారా? ఇది కపట విశ్వాసుల లక్షణం. సుబ్ హా నల్లాహ్. అల్లాహ్ ఏమన్నారు? కపట విశ్వాసుల యొక్క లక్షణాల గురించి ఖురాన్ గ్రంథములో అల్లాహ్ ప్రస్తావించిన మాట ఏమిటి?

وَإِذَا قَامُوا إِلَى الصَّلَاةِ قَامُوا كُسَالَىٰ
వ ఇజా కామూ ఇలస్సలాతి కామూ కుసాలా

అల్లాహ్ దానికంటే ముందు అన్నాడు,
يُرَاءُونَ النَّاسَ وَلَا يَذْكُرُونَ اللَّهَ إِلَّا قَلِيلًا
యురాఊనన్నాస, వలా యజ్కురూనల్లాహ ఇల్లా ఖలీలా

అల్లాహ్ ఏమన్నాడు? వారు, ఎవరంటే కపట విశ్వాసులు, నమాజు కోసం నిలబడినప్పుడు అతి బద్ధకంతో నిలబడతారు. ఒకవేళ నిలబడినా, ప్రజలకు చూపించటానికి నిల్చుంటారు. వారు అల్లాహ్ ను స్మరించరు, కానీ బహు తక్కువగా స్మరిస్తారు. సుబ్ హా నల్లాహ్. అల్లాహ్ తఆలా బహు తక్కువగా అల్లాహ్ ను స్మరించటాన్ని ఏ లక్షణం అంటున్నాడు? ఈ రోజు మనం అల్లాహ్ ను ఎంత వరకు స్మరిస్తున్నాం? ఈ రోజు అల్లాహ్ ఈ ఉమ్మత్ లో చాలా మందికి హిదాయత్ ప్రసాదించు గాక. కనీసం తుమ్ము వచ్చినప్పుడు అల్హందులిల్లాహ్ చెప్పే భాగ్యము కూడా ఈ ఉమ్మత్ లో చాలా మంది కోల్పోతున్నారు. లేదు ప్రియులారా. అల్లాహ్ కు కృతజ్ఞత, అల్లాహ్ యొక్క జిక్ర్ చేద్దాం, దాని ద్వారా మన జీవితంలో అనేక రకాలైన సమస్యలకు అల్లాహ్ పరిష్కారం చూపుతాడు, సుబ్ హా నల్లాహ్.

ఒక వ్యక్తి వచ్చాడు ప్రవక్త (సల్లల్లాహు అలైహి వసల్లం) తో అడిగాడు, ప్రవక్త, నాకు ఇస్లాం యొక్క ఆచరణలు చాలా ఎక్కువగా అనిపిస్తున్నాయి, నాకు ఒక ఆచరణ చెప్పండి దానిపై నేను స్థిరంగా ఉంటాను. ప్రవక్త ఏమన్నారు?

لَا يَزَالُ لِسَانُكَ رَطْبًا مِنْ ذِكْرِ اللَّهِ
లా యజాలు లిసాను కరత్బమ్ మిన్ జికిరిల్లాహ్
నీ యొక్క నాలుకను ఎల్లప్పుడూ అల్లాహ్ యొక్క స్మరణలో నిలిపి ఉంచు.

అల్లాహు అక్బర్. అల్లాహ్ యొక్క స్మరణలో నిలిపి ఉంచు. దాని వల్ల చాలా లాభాలు ఉన్నాయి ప్రియులారా.

ఇప్పుడు పదండి, మన ముఖ్తసరిగా జిక్ర్ ఏంటి? ఎలాంటి జిక్ర్ చేయాలి? మీరు అంటున్నారు గురువుగారు ఇందాకటి బట్టి అల్లాహ్ యొక్క స్మరణ, అల్లాహ్ యొక్క స్మరణ, అల్లాహ్ యొక్క స్మరణ. అల్లాహ్ యొక్క స్మరణ ఏం చేయాలి? మనం గనక హదీసులు పరిశీలించినట్లయితే, హదీసులు చాలా స్పష్టంగా తెలియజేస్తున్నాయి. నిర్దిష్టమైన వాక్యాలు ఉన్నాయి హదీసులలో అల్లాహ్ యొక్క స్మరణ గురించి.

మొట్టమొదటిగా మనం చూసినట్లయితే, బుఖారీ, ముస్లిం గ్రంథాలలో హదీస్ నకలు చేయబడుతుంది. హజ్రతే అబూ హురైరా (రదియల్లాహు అన్హు) హదీస్ ఉల్లేఖిస్తున్నారు. ప్రవక్త వారు ఏమన్నారు? కలిమతాన్. రెండు వచనాలు ఉన్నాయి. ఖఫీఫతాని అలల్ లిసాన్ – పెదవులతో పలకటానికి చాలా తేలికైనవి. సఖీలతాని ఫిల్ మీజాన్ – త్రాసులో చాలా బరువైనవి. హబీబతాని ఇలర్రహ్మాన్ – కరుణామయుడైన అల్లాహ్ కు చాలా ప్రీతి పాత్రమైనవి. రెండే వచనాలు.

سُبْحَانَ اللَّهِ وَبِحَمْدِهِ، سُبْحَانَ اللَّهِ الْعَظِيمِ
సుబ్ హా నల్లాహి వబిహమ్దిహీ, సుబ్ హా నల్లాహిల్ అజీమ్
అల్లాహ్ పవిత్రుడు మరియు ఆయనకే సర్వ స్తోత్రములు, మహోన్నతుడైన అల్లాహ్ పవిత్రుడు.

అల్లాహు అక్బర్. మనం రోజులో ఎంత సమయాన్ని తీస్తున్నామండి ఈ పదాలు పలకటానికి? అల్లాహ్ మనకు హిదాయత్ ప్రసాదించు గాక, ఆమీన్. ప్రియులారా, అల్లాహు అక్బర్. అల్లాహ్ యొక్క స్మరణ. విశ్వాసి ఎవరు?

يَذْكُرُونَ اللَّهَ قِيَامًا وَقُعُودًا وَعَلَىٰ جُنُوبِهِمْ
యజ్కురూనల్లాహ ఖియామన్ వఖుఊదన్ వఅలా జునూబిహిమ్

అల్లాహ్ యొక్క దాసుడు పరుండినా, కూర్చుండినా, నిల్చున్నా, అల్లాహ్ యొక్క జిక్ర్ చేస్తూ ఉంటాడు. అల్లాహు అక్బర్.

ప్రియులారా, ఆ తరువాత పదండి. సహీహ్ ముస్లిం గ్రంథంలో అబూ హురైరా (రదియల్లాహు అన్హు) హదీస్ ఉల్లేఖిస్తున్నారు. ప్రవక్త (సల్లల్లాహు అలైహి వసల్లం) తెలియజేస్తున్నారు. ఏమన్నారు ప్రవక్త వారు? సూర్యుడు ఉదయించే ఈ భూమిపై నాకు అన్నింటికంటే, నాకు అన్నింటికంటే ఇష్టమైనది,

سُبْحَانَ اللَّهِ، وَالْحَمْدُ لِلَّهِ، وَلَا إِلَهَ إِلَّا اللَّهُ، وَاللَّهُ أَكْبَرُ
సుబ్ హా నల్లాహ్, వల్ హమ్దులిల్లాహ్, వ లా ఇలాహ ఇల్లల్లాహ్, వల్లహు అక్బర్ పలకటం.

దీని ఘనత ఎలాంటిది? ఒక రివాయత్ వస్తుంది ప్రియులారా, ఎవరైతే సుబ్ హా నల్లాహి వల్ హమ్దులిల్లాహి వ లా ఇలాహ ఇల్లల్లాహి వల్లహు అక్బర్ అని పలుకుతారో, వారి కోసం స్వర్గములో ఒక చెట్టు నాటబడటం జరుగుతుంది. అల్లాహు అక్బర్.

ఈ రోజు మన ఇంట్లో పిల్లలు పాటలు పాడితే తల్లి తండ్రి సంతోషపడిపోతారు. మా వాడు పాట పాడుతున్నాడండి, ఇక సంవత్సరం రాలేదు, ఇంకా రెండేళ్ళండి, వీడు పాట పాడుతున్నాడు. ఎంత మంది తల్లి తండ్రి పిల్లలకు లా ఇలాహ ఇల్లల్లాహ్ జిక్ర్ నేర్పిస్తున్నారు? అఫ్జలుజ్ జిక్ర్. శ్రేష్టమైన జిక్ర్ ఏమిటి?

لَا إِلَهَ إِلَّا اللَّهُ
లా ఇలాహ ఇల్లల్లాహ్
అల్లాహ్ తప్ప మరో ఆరాధ్యుడు లేడు.

పిల్లలు మాట్లాడటం ప్రారంభించగానే, పిల్లలు చాలా చిన్నప్పుడు అందంగా మాట్లాడుతారు, తొత్తి తొత్తి మాటలు అంటారు మన వాళ్ళు. ఎప్పుడైతే పిల్లవారు మాట్లాడటం ప్రారంభమిస్తున్నారో, వారికి నేర్పించాల్సింది లా ఇలాహ ఇల్లల్లాహ్ పలకటం ప్రియులారా. అల్లాహు అక్బర్.

హజ్రతే అబూ హురైరా (రదియల్లాహు అన్హు) హదీస్ ఉల్లేఖిస్తున్నారు, బుఖారీ ముస్లిం గ్రంథాలలో హదీస్ ఉల్లేఖించబడుతుంది. ప్రవక్త వారు ఏమన్నారు?

لَا إِلَهَ إِلَّا اللَّهُ وَحْدَهُ لَا شَرِيكَ لَهُ، لَهُ الْمُلْكُ، وَلَهُ الْحَمْدُ، وَهُوَ عَلَى كُلِّ شَيْءٍ قَدِيرٌ
లా ఇలాహ ఇల్లల్లాహు వహదహూ లా షరీక లహూ, లహుల్ ముల్కు వ లహుల్ హమ్దు, వహువ అలా కుల్లి షైఇన్ ఖదీర్
అల్లాహ్ తప్ప మరో ఆరాధ్యుడు లేడు, ఆయన ఏకైకుడు, ఆయనకు భాగస్వామి లేడు. సార్వభౌమత్వం ఆయనదే, సర్వ స్తోత్రములు ఆయనకే. ఆయన ప్రతి దానిపై శక్తిమంతుడు.

ఎవరైతే రోజుకు 100 సార్లు అంటారో, వారితో ఏమవుతుందండి? వారికి ఎంత పుణ్యం లభిస్తుంది? పది మంది బానిసలను విడుదల చేసినంత పుణ్యం. హదీస్ లో ఉన్నాయి బానిసలను విడుదల చేయించండి, మనం విడుదల చేయించలేకపోతున్నాం. మరి ఈ యొక్క జిక్ర్ చేస్తే పది మంది బానిసలను విడుదల చేసినంత పుణ్యం. అతడి యొక్క కర్మల జాబితాలో వంద పుణ్యాలు లిఖించబడతాయి, అతడి కర్మల జాబితాలో వంద పాపాలు తుడిచిపెట్టబడతాయి, ఆ రోజు సాయంత్రం వరకు అతడు షైతాను బారి నుండి రక్షింపబడతాడు, ప్రళయ దినాన అల్లాహ్ వద్ద విశిష్ట స్థానములో, సుబ్ హా నల్లాహ్, అల్లాహ్ వద్ద చాలా గొప్ప ప్రాధాన్యత వస్తాడు. కానీ అతడి కంటే ఎవరైతే ఎక్కువగా జిక్ర్ చేస్తారో, వారు అతడి కంటే గొప్ప ప్రాధాన్యత. దేనితో? రోజుకు 100 సార్లు లా ఇలాహ ఇల్లల్లాహ్ వహదహూ లా షరీక లహూ, లహుల్ ముల్కు వ లహుల్ హమ్దు, వహువ అలా కుల్లి షైఇన్ ఖదీర్. వంద సార్లు లెక్కపెట్టండి. 10 మంది బానిసలను విడుదల చేసినంత పుణ్యం, 100 పుణ్యాలు లిఖించబడతాయి, 100 పాపాలు క్షమించబడతాయి, ఆ రోజు సాయంత్రం వరకు షైతాను యొక్క కీడు నుండి రక్షింపబడతాడు. సుబ్ హా నల్లాహ్.

గురువుగారు 100 సార్లు లెక్కపెట్టే సమయం లేదండి. 10 సార్లు లెక్కపెట్టండి. అబూ అయ్యూబ్ అన్సారీ (రదియల్లాహు అన్హు) రివాయత్ ఉంది. ఎవరైతే రోజుకు పది సార్లు లా ఇలాహ ఇల్లల్లాహు వహదహూ లా షరీక లహూ, లహుల్ ముల్కు వ లహుల్ హమ్దు, వహువ అలా కుల్లి షైఇన్ ఖదీర్ పది సార్లు లెక్కపెడతారో, వారు ఇస్మాయిల్ (అలైహిస్సలాం) వంశములో నలుగురు బానిసలను విడుదల చేసినంత పుణ్యాన్ని పొందుతారు ప్రియులారా. అల్లాహు అక్బర్.

ప్రవక్త వారు అంటున్నారు, ఎవరైతే రోజుకు 100 సార్లు

سُبْحَانَ اللَّهِ وَبِحَمْدِهِ
సుబ్ హా నల్లాహి వబిహమ్దిహీ
అల్లాహ్ పవిత్రుడు మరియు ఆయనకే సర్వ స్తోత్రములు.

అంటారో, ఎవరైతే రోజుకు 100 సార్లు సుబ్ హా నల్లాహి వబిహమ్దిహీ అంటారో, వారి పాపాలు క్షమించబడతాయి. ఆ పాపాలు సముద్రపు నురుగు అంత ఉన్నా సరే. సుబ్ హా నల్లాహ్. అల్లాహు అక్బర్. వంద సార్లు సుబ్ హా నల్లాహి వబిహమ్దిహీ పలికితే సముద్రపు నురుగు అంత పాపాలు ఉన్నా అవి క్షమించబడతాయి. వేరే హదీస్ లో ప్రవక్త అంటున్నారు, పరిశుద్ధత సగ విశ్వాసం.
الْحَمْدُ لِلَّهِ అల్హమ్దులిల్లాహ్అ నే పదం త్రాసును నింపేస్తుంది. దాని యొక్క పుణ్యాన్ని గనక మనం weight చేయాలనుకుంటే, అల్హమ్దులిల్లాహ్ అన్న పదం త్రాసును నింపేస్తుంది. الْحَمْدُ لِلَّهِ، سُبْحَانَ اللَّهِ అల్హమ్దులిల్లాహ్, సుబ్ హా నల్లాహ్అ నే పదాలు భూమి ఆకాశాల మధ్య పూర్తి స్థానాలు నింపేస్తాయి. అల్లాహు అక్బర్. ఎంత గొప్ప విశిష్టత ప్రియులారా, అల్లాహ్ యొక్క నామ స్మరణది.

ఈ రోజు మన సమాజం ఎటు వెళ్ళిపోతుంది ప్రియులారా? మన మనస్సుకు ప్రశాంతత లభిస్తుంది, نَعُوْذُ بِاللهِ నవూజుబిల్లాహ్. ఈ రోజు మనం సామాజిక మాధ్యమాలలో, అల్లాహ్ తఆలా మనకు హిదాయత్ ను ప్రసాదించు గాక. అల్లాహ్ తఆలా నీ యొక్క జిక్ర్ చేసే భాగ్యాన్ని మాకు ప్రసాదించు, సుబ్ హా నల్లాహ్. ఈ రోజు మన యొక్క ఉనికి ఏంటంటే, నమాజ్ తర్వాత మన ఉనికి ఏంటంటే, అరే ఏంటి మన ఉనికి? ఏమంటారు గురువుగారు? ఇమాం గారు అస్సలాము అలైకుం వరహ్మతుల్లాహ్ అని తిప్పిన వెంటనే లెగిచిపోవటం. ఏమండీ? ఖురాన్ హదీస్ తో ఏ ఆచరణ చేసేవాళ్ళం? మా యొక్క సంకేతం, మేము ఖురాన్ హదీస్ ను ఆచరించేవాళ్ళం, ఇమాం సలాం తిప్పిన వెంటనే మేము లేచి వెళ్ళిపోతాం. అల్లాహు అక్బర్.

ఒక రివాయత్ వస్తుందండి, అబూ హురైరా (రదియల్లాహు అన్హు) హదీస్ ఉల్లేఖిస్తున్నారు. పేద ముహాజిర్లు ప్రవక్త వద్దకు వచ్చి అంటున్నారు, ప్రవక్తా! శాశ్వత వనాలు, ఉన్నత స్థానాలు డబ్బు ఉన్నవారికే లభిస్తాయా ప్రవక్త? చూస్తే వారు కూడా మాలాగే నమాజ్ చేస్తారు, మాలాగే ఉపవాసాలు ఉంటారు, కానీ వారి వద్ద డబ్బు ఉన్న మూలంగా వారు ఏం చేస్తారంటే జిహాద్ చేస్తారు, దానధర్మాలు చేస్తారు, హజ్ చేస్తారు, ఉమ్రా చేస్తారు. మా వద్ద డబ్బు లేదు, మేము చేయలేకపోతున్నాం. హదీస్ సారాంశం చూసినట్లయితే, ఏమంటున్నారు? గొప్పవాళ్ళకే ఉన్నత స్థానాలు, శాశ్వత వరాలు లభిస్తాయా? వారు కూడా మాలాగే నమాజ్ చేస్తారు, మాలాగే ఉపవాసం పెడతారు, కానీ డబ్బు మూలంగా వారేం చేస్తారు? ఉమ్రా చేస్తారు, హజ్ చేస్తారు, దానధర్మాలు చేస్తారు, జిహాద్ చేస్తారు. ప్రవక్త వారు అన్నారు, మీకు ఇలాంటి ఆచరణ తెలపనా? దేని ద్వారానైతే ఎవరి గురించి అయితే మీరు అంటున్నారో, వారు చేసిన పుణ్యాలను మీరు కూడా అందుకుంటారు. సుబ్ హా నల్లాహ్. ప్రవక్త ఏమన్నారు? ప్రతి నమాజు తరువాత 33 సార్లు సుబ్ హా నల్లాహ్ పలకండి, 33 సార్లు అల్హమ్దులిల్లాహ్ పలకండి, 33 సార్లు అల్లాహు అక్బర్ పలకండి. వారి యొక్క పుణ్యాలు మీకు కూడా లభిస్తాయి అని ప్రవక్త వారు చెప్పారు ప్రియులారా.

రెండో మాట వినండి ప్రియులారా, జిక్ర్ ద్వారా, జిక్ర్ ద్వారా మనిషికి కేవలం మానసిక ప్రశాంతత మాత్రమే లభించదు, శారీరక ప్రశాంతత కూడా లభిస్తుంది. ఆధారం? హజ్రతే ఫాతిమా (రదియల్లాహు అన్హు) ప్రవక్త వద్దకు కబురు పంపించారు కదా, ఇంట్లో పనులు చేసుకోలేక చేతివేళ్ళు పాడైపోయాయి. తెలిసింది ఫాతిమా (రదియల్లాహు అన్హు) వారికి ప్రవక్త వద్ద కొంతమంది బానిసలు వచ్చి ఉన్నారని కబురు పంపించారు. ప్రవక్త ఏమన్నారు? ఫాతిమా, ప్రతి రోజూ రాత్రి పడుకోవటానికి ముందు 33 సార్లు సుబ్ హా నల్లాహ్, 33 సార్లు అల్హమ్దులిల్లాహ్, 33 సార్లు అల్లాహు అక్బర్ పఠించమన్నారు, దేని కోసం? శారీరక బలం కోసం ప్రియులారా. అల్లాహు అక్బర్. ఈ రోజు ఈ జిక్ర్ తో మనం ఎంత వరకు లాభం పడుతున్నాం?

వేరే రివాయత్ లో వస్తుంది ప్రియులారా, ప్రవక్త వారు సహాబాలతో ప్రశ్నించారు, మీలో ఎవరైనా రోజుకు వెయ్యి పుణ్యాలు పొందగలరా? సహాబాలు ప్రశ్నించారు, ప్రవక్త, రోజుకు వెయ్యి పుణ్యాలు ఎలా పొందగలం? ప్రవక్త వారు అన్నారు, అయితే రోజుకు 100 సార్లు سُبْحَانَ اللَّهِ సుబ్ హా నల్లాహ్అ ని పలకండి, మీకు వెయ్యి పుణ్యాలు లిఖించటం జరుగుతుంది, లేక వెయ్యి పాపాలు క్షమించటం జరుగుతుంది. అల్లాహు అక్బర్. కాబట్టి ప్రియ సోదర సమాజమా, మనం జిక్ర్ అలవాటు చేసుకోవాలి. ప్రవక్త మాట:

لَا يَزَالُ لِسَانُكَ رَطْبًا مِنْ ذِكْرِ اللَّهِ
లా యజాలు లిసాను కరత్బమ్ మిన్ జికిరిల్లాహ్
నీ యొక్క నాలుక ఎల్లప్పుడూ అల్లాహ్ యొక్క స్మరణలో ఉండాలి, ప్రవక్త చెప్పిన మాట. మన జీవితాలలో మనం నిత్య కృత్యంగా చేసుకోవాలి.

రోజు వారి దువాలు. ఈ కరోనా మహమ్మారి ప్రపంచం భయపడుతున్నాం. అరే, ప్రవక్త చెప్పలేదా?

بِسْمِ اللهِ الَّذِي لَا يَضُرُّ مَعَ اسْمِهِ شَيْءٌ فِي الْأَرْضِ وَلَا فِي السَّمَاءِ، وَهُوَ السَّمِيعُ الْعَلِيمُ
బిస్మిల్లాహిల్లజీ లా యదుర్రు మఅస్మిహీ షైఉన్ ఫిల్ అర్ది వలా ఫిస్సమాఇ వహువస్ సమీఉల్ అలీమ్

ఎవరైతే ఉదయం మూడు సార్లు, సాయంత్రం మూడు సార్లు ఈ దువా పఠించాడో, వారికి ఎలాంటి కీడు కలగదు. ఎంత మంది నేర్చుకున్నారు? అల్లాహు అక్బర్. ఈ దువా నేర్చుకున్నాం, ఉదయం మూడు సార్లు, సాయంత్రం మూడు సార్లు చదువుతున్నాం, అయినా కరోనా వచ్చింది, చనిపోయాను. ఉలమాలు అంటున్నారు, ఇన్షాఅల్లాహ్ నువ్వు అల్లాహ్ పై విశ్వాసముతో ఉండి అల్లాహ్ యొక్క పరీక్ష వచ్చినప్పుడు విశ్వాసముతో ఉండి నువ్వు చనిపోతే, ఈ కరోనా మూలంగా చనిపోతే ఇన్షాఅల్లాహ్, ఇన్షాఅల్లాహ్ అల్లాహ్ నీకు షహీద్ యొక్క స్థానాన్ని ప్రసాదిస్తాడు. మనం అల్లాహ్ పై నమ్మకం కలిగి ఉండాలి కదా.

ఒక వ్యక్తి వచ్చాడు, ప్రవక్తా నాకు తేలు కుట్టింది అన్నాడు. ప్రవక్త వారు ఏమన్నారు? నువ్వు రోజుకు సాయంత్రం మూడు సార్లు

أَعُوذُ بِكَلِمَاتِ اللهِ التَّامَّاتِ مِنْ شَرِّ مَا خَلَقَ
అవూజు బికలిమాతిల్లాహిత్ తామ్మాతి మిన్ షర్రి మా ఖలఖ్

అన్న దువా చేయమన్నారు. రోజుకు మూడు సార్లు జిక్ర్ చేయమన్నారు. ఎంత మంది ఈ దువా నేర్చుకున్నాం? అల్లాహు అక్బర్.

ప్రతి ఫరజ్ నమాజ్ తర్వాత ఆయతుల్ కుర్సీ. ప్రవక్త ఏమన్నారు? ఎవరైతే ప్రతి ఫరజ్ నమాజ్ తర్వాత ఆయతుల్ కుర్సీ చదువుతాడో, అతడికి స్వర్గానికి మధ్య మరణం మాత్రమే అడ్డు ఉంటుంది.

సయ్యదుల్ ఇస్తిగ్ఫార్. అల్లాహుమ్మ అన్త రబ్బీ లా ఇలాహ ఇల్లా అన్త, ఖలఖ్తనీ వ అన అబ్దుక, అల్లాహు అక్బర్. ఎవరైతే సయ్యదుల్ ఇస్తిగ్ఫార్ ఉదయం విశ్వాసంతో చదివి సాయంత్రం మరణిస్తే అతగాడు స్వర్గానికి వెళ్తాడు అన్నారు ప్రవక్త. ఎవరైనా సయ్యదుల్ ఇస్తిగ్ఫార్ సాయంత్రం విశ్వాసముతో పఠించి ఉదయం మరణిస్తే స్వర్గానికి వెళ్తారు అన్నారు ప్రవక్త.

ఎవరైతే ఉదయం, సాయంత్రం ఏడు సార్లు:

حَسْبِيَ اللَّهُ لَا إِلَهَ إِلَّا هُوَ ۖ عَلَيْهِ تَوَكَّلْتُ ۖ وَهُوَ رَبُّ الْعَرْشِ الْعَظِيمِ
హస్బియల్లాహు లా ఇలాహ ఇల్లా హువ, అలైహి తవక్కల్తు వహువ రబ్బుల్ అర్షిల్ అజీమ్
ఎవరైతే ఏడు సార్లు పఠిస్తారో, ఎలాంటి కీడు జరగదు అన్నారు ప్రవక్త (సల్లల్లాహు అలైహి వసల్లం).

కాబట్టి సోదర సమాజమా, జిక్ర్ తో మహోన్నతమైన లాభాలు ఉన్నాయి, విపరీతమైన లాభాలు ఉన్నాయి. మనకు తెలియకుండా అల్లాహ్ తఆలా మనల్ని రక్షిస్తూ ఉంటాడు ప్రియులారా. ఇలాంటి జిక్ర్ చేయటంలో మీరు నేను ఈ రోజు ఎంత ముందున్నాం? నేను ప్రతిసారీ ప్రశ్నించే ప్రశ్న ప్రియులారా. నేను 30 ఏళ్ల నమాజీని, కానీ నాకు జిక్ర్ రాదు. మస్జిద్ లోపలికి వచ్చే దువా రాదు, మస్జిద్ నుండి బయటకు వెళ్ళే దువా రాదు. లాక్డౌన్ సమయం నడుస్తుంది ప్రియులారా, నెలన్నర నుండి మధ్యాహ్నం 12 వరకు, మొన్నటి వరకు ఇప్పుడు రెండు గంటల వరకు. ఈ లాక్డౌన్ సమయాన్ని ఎంత చక్కగా సద్వినియోగ పరుచుకుంటున్నాం? కాబట్టి జిక్ర్ చేయటం నేర్చుకుందాం. అల్లాహ్ తఆలా యొక్క జిక్ర్ చేద్దాం ప్రియులారా. దీనితో చాలా లాభాలు ఉన్నాయి.

చివరిగా ఒక్క మాట చెప్పి నా యొక్క ప్రసంగాన్ని ముగిస్తున్నాను ప్రియులారా. జిక్ర్ ద్వారా మనకు లభించే లాభాలు ఏమిటి? అల్లాహు అక్బర్. అల్లాహ్ యొక్క నామ స్మరణ చేయటం మూలాన మనకు లభించే లాభాలు, ఒకే ఒక సంఘటన చెప్పి నా యొక్క మాటను ముగిస్తున్నాను ప్రియులారా.

పూర్వ కాలములో ఒక పెద్ద ఇమాం ఉండేవారండి. ఇమాం అహ్లుస్ సున్నా వల్ జమాఅ, ఇమాం అహ్మద్ బిన్ హంబల్ రహమహుల్లాహ్ చాలా పెద్ద విద్వాంసుడు గడిచారండి. రహమహుల్లాహ్. ఆయన బగ్దాద్ లో ఉండేవారు. ఒకసారి బగ్దాద్ పట్టణం నుండి ఇమాం అహ్మద్ బిన్ హంబల్ రహమహుల్లాహ్ సిరియా పట్టణానికి వెళ్లారు. సిరియా పట్టణపు రాజధాని డమస్కస్ నగరానికి వెళ్లారు. ఒకచోట రాత్రి అయిపోయింది, ఆయన నమాజ్ వగైరా చేసుకున్నారు, ఇక మస్జిద్ లో ఆయన విశ్రాంతి తీసుకుందాం అనుకున్నారు. ఇంతలో ఆ డమస్కస్ నగరములో, ఆ మస్జిద్ యొక్క ముఅజ్జిన్ ఇమాం గారి వద్దకు వచ్చి అన్నాడు, ఇమాం గారు ఎవరో ఆ ముఅజ్జిన్ కి తెలియదు. ఆ ముఅజ్జిన్ ఏమన్నాడు? అయ్యా, మా మస్జిద్ లో పడుకోవటానికి వీలు లేదు, మా గవర్నర్ గారి ఆజ్ఞ, మీరు ఈ రాత్రికి మా మసీదులో విశ్రాంతి తీసుకోలేరు. అల్లాహు అక్బర్. గురువుగారు ఏం చేశారండి? చెప్పుకోలేదు, నేను పెద్ద ఇమాం ని అని, నేను ఇమాం అహ్మద్ బిన్ హంబల్ ని అని. గురువుగారు తన యొక్క స్వీయ పొగడ్త చేసుకోలేదు, గురువుగారు తన యొక్క పరిచయం కూడా చేసుకోలేదు, సుబ్ హా నల్లాహ్. ఇబ్నె జౌజీ రహమహుల్లా ప్రస్తావిస్తున్నారు ఇమాం అహ్మద్ బిన్ హంబల్ రహమహుల్లా యొక్క ఈ సంఘటన. ఇమాం అహ్మద్ బిన్ హంబల్ మస్జిద్ యొక్క బయట కూర్చుండి పోయారు తన పుస్తకాలు, సంచి పెట్టుకున్నారు. ఆ రక్షక భటుడు లేదా ముఅజ్జిన్ ఇమాం గారి యొక్క పుస్తకాలు, అతగాడిని మస్జిద్ బయట కూడా కూర్చోవటానికి అనుమతి ఇవ్వలేదు. ఇమాం గారి సంచి పుస్తకాలు రోడ్డు మీదకి విసిరేశాడు, అల్లాహు అక్బర్. దూరం నుండి మూడో వ్యక్తి మొత్తం తతంగాన్ని చూస్తున్నాడు.

ఆ వ్యక్తి వచ్చాడు ఇమాం గారి వద్దకు, అయ్యా ఏంటి సంగతి? ఇమాం గారు తెలియజేశారు, అయ్యా ఈ ప్రాంతానికి కొత్తవాడిని, అపరిచితుడిని, రాత్రి మస్జిద్ లో పడుకోవటానికి నాకు పర్మిషన్ లేదంటున్నారు, ఏం చేయాలో అర్థము కావటం లేదు. ఇంతలో ఆ వ్యక్తి అన్నాడు, అయ్యా మీరు ఏమి అనుకోనంటే నాకు దగ్గరలో ఒక బేకరీ ఉంది, ఆ బేకరీలో నేను రొట్టెలు తయారు చేస్తుంటాను, నా బేకరీలో వచ్చి ఈ రోజు రాత్రి మీరు విశ్రాంతి తీసుకోవచ్చు. గురువుగారు వెళ్లారు ప్రియులారా, అతగాడి యొక్క బేకరీ వద్దకు. గురువుగారు వెళ్లి విశ్రాంతి తీసుకుంటున్నారు, ఆ బేకరీలో రొట్టెలు తయారు చేసే వ్యక్తి ఏం చేస్తున్నాడు, రొట్టెల కోసం పిండి వగైరా తయారు చేసి రొట్టె తయారు చేయటం ప్రారంభిస్తున్నాడు, అతగాడు తన నోటి నుండి أَسْتَغْفِرُ اللّٰهَ అస్తగ్ఫిరుల్లాహ్ అని అల్లాహ్ యొక్క స్మరణ చేస్తున్నాడు. ఆ వ్యక్తి రొట్టె తయారు చేస్తున్నాడు, أَسْتَغْفِرُ اللّٰهَ అస్తగ్ఫిరుల్లాహ్ అంటున్నాడు. అల్లాహు అక్బర్. రాత్రంతా గడిచిపోయింది, రొట్టె తయారు చేసే వాడి నోటి నుండి ‘అస్తగ్ఫిరుల్లాహ్’ అన్న పలుకు మాత్రం ఆగలేదు.

ఇమాం అహ్మద్ బిన్ హంబల్ రహమహుల్లా ఆ వ్యక్తితో ప్రశ్నించారు, నాయనా నేను విన్నాను, నువ్వు రాత్రంతా అల్లాహ్ యొక్క జిక్ర్ చేస్తూనే ఉన్నావు, అల్లాహ్ సుబ్ హాన వత’ఆలా నీకు దీనితో ఏమి ఇచ్చాడు? ఆ రొట్టె తయారు చేసే వ్యక్తి అంటాడు ప్రియులారా, అయ్యా నేను ప్రతి రోజూ రాత్రి ఈ విధంగా అల్లాహ్ యొక్క జిక్ర్ చేస్తూనే ఉంటాను. అల్లాహ్ నా జీవితంలో ప్రతి మొర, ప్రతి ప్రార్థన ఆలకించాడు, కానీ ఒక్క మొర ఉందయ్యా, ఒక్క కోరిక ఉంది, ఆ కోరిక, ఆ మొర అల్లాహ్ సుబ్ హాన వత’ఆలా ఎప్పుడు తీరుస్తాడా అని నేను రాత్రి పూట అల్లాహ్ యొక్క జిక్ర్ చేస్తుంటాను. గురువుగారు ప్రశ్నించారు, నాయనా ఆ యొక్క మొర ఏమిటి, దేనికోసమైతే నువ్వు రాత్రంతా ‘అస్తగ్ఫిరుల్లాహ్’ అని అల్లాహ్ యొక్క స్మరణ చేస్తున్నావో? ఆ రొట్టె తయారు చేసేవాడు సమాధానం ఇస్తాడు ప్రియులారా, అయ్యా ప్రపంచంలో పండితులలో ఇమాం అహ్మద్ బిన్ హంబల్ అని ఒక మహా పండితుడు ఉన్నారట, అతగాడిని ఒకసారి నిన్ను కళ్లారా చూడాలి, అతన్ని కలవాలి అన్నదే నా యొక్క ఆకాంక్ష, నా యొక్క మొర అని చెప్పాడు. ఇమాం అహ్మద్ బిన్ హంబల్ అంటున్నారు, అల్లాహు అక్బర్, అల్లాహ్ తఆలా ఆ నీ ప్రార్థన కూడా విన్నాడు, ఆ నీ మొర కూడా ఆలకించాడు, ఇమాం అహ్మద్ ను లాక్కుంటూ అల్లాహ్ తఆలా నీ కళ్ళ ముందు తీసుకు వచ్చి కూర్చోబెట్టేశాడు.

జిక్ర్ యొక్క ఘనత ప్రియులారా. మనసులో నమ్మకం ఉండి, విశ్వాసం ఉండి, మనం అల్లాహ్ యొక్క జిక్ర్ చేస్తూ దువా చేస్తే అల్లాహ్ మన ప్రతి ప్రార్థన ఆలకిస్తాడు. కాబట్టి సోదరులారా, నేను చివరిగా చెప్పే మాట, జిక్ర్ యొక్క పదాలు నేర్చుకుందాం. మన వద్ద పుస్తకాలు ఉన్నాయి, ఉదయం సాయంత్రం దువాలు నేర్చుకుందాం ప్రియులారా. జిక్ర్ చేస్తూ ఉందాం. దీని ద్వారా మన జీవితాలలో అనేక లాభాలు ఉన్నాయి. మన హృదయానికి ప్రశాంతత సోషల్ మీడియాలో, Facebook లో, YouTube లో, సంగీత వాయిద్యాలలో, అనవసరపు విషయాలలో లేదు ప్రియులారా. అల్లాహ్ యొక్క స్మరణలో, ఖురాన్ గ్రంథం యొక్క పఠనలో, నమాజ్ ఆచరించటంలో, అల్లాహ్ తఆలా యొక్క నామ స్మరణలో మన హృదయాలకు ప్రశాంతత ఉంది. అది ఇహలోకంలోనూ, పరలోకంలోనూ సాఫల్యాన్ని చేకూరుస్తుంది. అందుకే అల్లాహ్ అన్నాడు,

وَاذْكُرُوا اللَّهَ كَثِيرًا لَعَلَّكُمْ تُفْلِحُونَ
వజ్కురుల్లాహ కసీరల్ లఅల్లకుం తుఫ్లిహూన్
అల్లాహ్ యొక్క స్మరణ అత్యధికంగా చేయండి, తద్వారా మీరు సాఫల్యం పొందుతారు.

అల్లాహ్ సుబ్ హాన వత’ఆలా మనందరికీ అల్లాహ్ యొక్క నామ స్మరణ ఎక్కువగా చేసే సద్భాగ్యాన్ని ప్రసాదించు గాక. ఆమీన్ యా రబ్బల్ ఆలమీన్. వస్సలాము అలైకుం వరహ్మతుల్లాహి వబరకాతుహ్.