వర్గం: Aqeedah (Moola Viswasam)

ప్రవక్త(ﷺ) చూపిన రుజుమార్గంలో ప్రళయం వరకూ సత్యంపై ఉండే జమాత్?
షరీఫ్ మదనీ (హఫిజహుల్లాహ్)
https://youtu.be/BokURAxRYRE – 38 నిముషాలు

6:153 وَأَنَّ هَٰذَا صِرَاطِي مُسْتَقِيمًا فَاتَّبِعُوهُ ۖ وَلَا تَتَّبِعُوا السُّبُلَ فَتَفَرَّقَ بِكُمْ عَن سَبِيلِهِ ۚ ذَٰلِكُمْ وَصَّاكُم بِهِ لَعَلَّكُمْ تَتَّقُونَ
ఇదే నా రుజుమార్గం. కనుక మీరు దీనినే అనుసరించండి. ఇతరత్రా మార్గాలను అనుసరించకండి. అవి మిమ్మల్ని అల్లాహ్‌ మార్గం నుండి వేరు పరుస్తాయి. మీరు భయభక్తుల వైఖరిని అవలంబించేటందుకుగాను అల్లాహ్‌ మీకు ఈ విధంగా తాకీదు చేశాడు. (సూరా అల్ – అన్ ఆమ్ 6:153)

ఈ ప్రసంగంలో, వక్త ఖురాన్ మరియు హదీసుల వెలుగులో ‘రుజుమార్గం’ (సరైన మార్గం) యొక్క ప్రాముఖ్యతను వివరిస్తారు. ఇస్లాం మాత్రమే అల్లాహ్ చూపిన రుజుమార్గమని, ప్రవక్త ముహమ్మద్ సల్లల్లాహు అలైహి వసల్లంపై అది పరిపూర్తి చేయబడిందని నొక్కి చెబుతారు. ప్రవక్త (స) తరువాత ఇస్లాంలో ఏర్పడిన వివిధ ఆలోచనా విధానాలు, వర్గాలు (హనఫీ, మాలికీ, షాఫఈ, హంబలీ) గురించి చర్చిస్తూ, అసలైన మార్గం ప్రవక్త మరియు ఆయన సహచరులు అనుసరించినదేనని స్పష్టం చేస్తారు. ‘అహలె హదీస్’ అనే పదం యొక్క మూలాన్ని, దాని నిర్వచనాన్ని వివరిస్తూ, ఇది ఖురాన్ మరియు హదీసులను సహచరుల అవగాహన ప్రకారం అనుసరించే విధానమని పేర్కొంటారు. చివరగా, ముస్లింలందరూ విభేదాలను వీడి, ఖురాన్ మరియు హదీసుల ఆధారంగా ఐక్యంగా ఉండాలని, ఈ ఐక్యత కోసం భారతదేశంలోని ‘జమియతే అహలె హదీస్’ సంస్థతో కలిసి పనిచేయాలని పిలుపునిస్తారు.

నేను అల్లాహ్ యొక్క శరణు వేడుకుంటున్నాను, శపించబడిన షైతాన్ యొక్క కీడు నుండి. షైతాన్ యొక్క చేష్టల నుండి రక్షణ పొందుట కొరకు, అనంత కరుణామయుడు, అపార కృపా ప్రదాత అయిన అల్లాహ్ పేరుతో ప్రారంభిస్తున్నాను.

ప్రియులారా, నేను మీ ముందు పవిత్ర ఖురాన్ గ్రంథం, సూరె అన్ఆమ్, వాక్యము సంఖ్య 153 పఠించాను. ఇందులో అల్లాహ్ సుబ్ హాన వ త’ఆలా తెలియజేస్తున్నాడు ప్రవక్త వారితో. ప్రవక్త వారు అంటూ ఉన్నారు:

وَأَنَّ هَٰذَا صِرَاطِي مُسْتَقِيمًا فَاتَّبِعُوهُ ۖ وَلَا تَتَّبِعُوا السُّبُلَ فَتَفَرَّقَ بِكُمْ عَن سَبِيلِهِ ۚ ذَٰلِكُمْ وَصَّاكُم بِهِ لَعَلَّكُمْ تَتَّقُونَ
(వ అన్న హాదా సిరాతీ ముస్తఖీమన్ ఫత్తబిఊహు వలా తత్తబిఊ స్సుబుల ఫతఫర్రఖ బికమ్ అన్ సబీలిహీ, దాలికుమ్ వస్సాకుమ్ బిహీ ల అల్లకుమ్ తత్తఖూన్)

నిశ్చయంగా ఇదే నా రుజుమార్గం. కనుక మీరు దీనినే అనుసరించండి. ఇతర మార్గాలను అవలంబించకండి. అలా చేస్తే అవి మిమ్మల్ని ఆయన మార్గం నుండి తప్పించి చెల్లాచెదురు చేస్తాయి.” మీరు భయభక్తులు కలిగి ఉండటానికి అల్లాహ్‌ మీకు ఈ విధంగా ఆజ్ఞాపిస్తున్నాడు. (6:153)

“వ అన్న హాదా సిరాతీ ముస్తఖీమా” – ఇది రుజుమార్గం. ఖురాన్ అంటుంది, “వ అన్న హాదా సిరాతీ ముస్తఖీమా” – ఇది రుజుమార్గము. “ఫత్తబిఊహు” – మీరు ఈ రుజుమార్గాన్ని అనుసరించండి. “వలా తత్తబిఊ స్సుబుల” – ఈ మార్గాన్ని విడిచిపెట్టి వేరే మార్గాల వెంట వెళ్ళకండి. “ఫతఫర్రఖ బికమ్ అన్ సబీలిహీ” – మీరు గనక ఈ మార్గాన్ని విడిచిపెట్టి వేరే మార్గాల వెంట వెళితే మీరు నా మార్గము నుండి తప్పిపోతారు అని ప్రవక్త వారు తెలియజేశారు. ఆ మార్గం, ఏ మార్గం? అదే ప్రవక్త సల్లల్లాహు అలైహి వసల్లం తెలియజేసిన మార్గం. “ఫతఫర్రఖ బికమ్ అన్ సబీలిహీ” – మీరు గనక ఆ మార్గాన్ని విడిచిపెడితే మీరు తప్పిపోతారు. “దాలికుమ్ వస్సాకుమ్ బిహీ ల అల్లకుమ్ తత్తఖూన్” – మీరు భక్తిపరులు అవుతారన్న సంగతి వలన, బహుశా మీరు భక్తిపరులు కాగలరని మీకు ఈ విధంగా ఆజ్ఞాపించటం జరుగుతుంది అని ఖురాన్ గ్రంథం చెబుతోంది.

రుజుమార్గం (సరైన మార్గం) అంటే ఏమిటి?

మరి ప్రవక్త సల్లల్లాహు అలైహి వసల్లం బోధించిన ఆ రుజుమార్గం ఏమిటి? ఏ రుజుమార్గం వలన అయితే మనిషి ప్రతి నమాజులో అల్లాహ్ త’ఆలాతో ప్రార్థిస్తాడు:

اهْدِنَا الصِّرَاطَ الْمُسْتَقِيمَ
(ఇహ్‌దినస్సిరాతల్ ముస్తఖీమ్)
ఓ అల్లాహ్, మాకు రుజుమార్గం (సన్మార్గం) చూపు. (1:6)

అల్లాహ్, నేను నీ నుండి రుజుమార్గాన్ని ఆశిస్తున్నాను. నాకు రుజుమార్గమును ప్రసాదించు. అల్లాహ్ త’ఆలాతో రోజుకు మనిషి అభ్యర్థిస్తాడు. మరి అల్లాహ్ త’ఆలా చూపిన ఆ రుజుమార్గం ఏమిటి? వాస్తవానికి ఆ రుజుమార్గం ఇస్లాం ధర్మం ప్రియులారా. ఇస్లాం అనే ధర్మం, ఇదే మానవులందరి కోసం వచ్చిన రుజుమార్గం. ఇస్లాం అనే ధర్మం ఏదైతే రుజుమార్గమో, మరి మనం స్వర్గానికి వెళ్ళాలంటే ఎలాంటి రుజుమార్గాన్ని అనుసరించాలి? ఏ రుజుమార్గం అయితే ప్రవక్త వారిపై పూర్తి చేయబడినదో, ఏ విధంగానైతే పవిత్ర ఖురాన్ గ్రంథం, ఐదవ సూరా, సూరె మాయిదా, వాక్యము సంఖ్య మూడు ప్రాంతంలో అల్లాహ్ త’ఆలా ఏమంటున్నారు మూడులో? అల్లాహ్ ఏమంటున్నారంటే:

الْيَوْمَ أَكْمَلْتُ لَكُمْ دِينَكُمْ وَأَتْمَمْتُ عَلَيْكُمْ نِعْمَتِي وَرَضِيتُ لَكُمُ الْإِسْلَامَ دِينًا
(అల్ యౌమ అక్మల్తు లకుమ్ దీనకుమ్ వ అత్మమ్తు అలైకుమ్ ని’మతీ వ రదీతు లకుముల్ ఇస్లామ దీనా)
“ఈ రోజు నేను మీ కోసం మీ ధర్మాన్ని పరిపూర్ణం చేశాను. మీపై నా అనుగ్రహాన్ని పూర్తి చేశాను. మీ కొరకు ఇస్లాంను ధర్మంగా ఇష్టపడ్డాను.” (5:3)

మహా ప్రవక్త సల్లల్లాహు అలైహి వసల్లం అరఫా మైదానంలో ఉన్నారు. ప్రవక్త వారు జీవితంలో ఒకే ఒక హజ్ యాత్ర చేశారండి. హిజ్రీ పదవ సంవత్సరం, జుల్ హిజ్జా మాసం, తొమ్మిదవ తారీఖు, ప్రవక్త వారు అరఫాత్ మైదానంలో ఉండగా, అల్లాహ్ త’ఆలా వాక్యాన్ని దింపారు. “అల్ యౌమ అక్మల్తు లకుమ్ దీనకుమ్” – ఈ రోజు నేను ఇస్లాం అనే ధర్మాన్ని నీపై పరిపూర్తి చేశాను. మరి రుజుమార్గం అనగా ఏ ధర్మం అయితే ప్రవక్త సల్లల్లాహు అలైహి వసల్లంపై సీలు వేయబడినదో, అదే రుజుమార్గం.

ఇస్లాంలో భిన్నమైన ఆలోచనా విధానాలు మరియు వర్గాలు

మరి ఈనాటి ముస్లిం సమాజం ఆ రుజుమార్గాన్ని పొందాలి అంటే, మరి ఆ ప్రవక్త వారిపై ధర్మశాస్త్రం సీలు వేయబడిన తరువాత, ఏదైతే ఇస్లాంలో వివిధ రకాల మనుషులు వచ్చి వివిధ రకాల ఆలోచనా భావాలు కల్పించారో, ఆ ఆలోచనా భావాలను మనము తీసుకుంటే రుజుమార్గంపై ఉన్నట్లా? లేకపోతే ప్రవక్త వారిపై ఏ ధర్మశాస్త్రం అయితే పూర్తి చేయబడిందో ఆ ధర్మశాస్త్రంపై ఆచరించే వారు రుజుమార్గంలో ఉన్నట్లా? ఆ తరువాత, ప్రవక్త గతించారు. ప్రవక్త గతించిన తరువాత, సల్లల్లాహు అలైహి వసల్లం, బాగా వినండి. ఇది హిజ్రీ 1442వ సంవత్సరం. హిజ్రీ 1442వ సంవత్సరం. ప్రవక్త సల్లల్లాహు అలైహి వసల్లం ప్రపంచం నుండి ఏ హిజ్రీలో గతించారు? హిజ్రీ 11వ సంవత్సరంలో ప్రవక్త పరమపదించారు. ఆ తరువాత ఇస్లాం ధర్మశాస్త్రంలో అనేక రకాలైన ఆలోచనా భావాలు కలిగిన విద్వాంసులు వచ్చారు.

ఉదాహరణకి, నేటి ముస్లిం సమాజం ఏ విధంగానైతే ప్రపంచవ్యాప్తంగా నాలుగు రకాల ఆలోచనా భావాలను ముస్లిం సమాజం తమలోకి తీసుకుంది. ఈ నాలుగు రకాల ఆలోచనా భావాలు ఏమిటి? వారు ఏమంటారంటే, ముస్లిం సమాజంలో అనేకమంది తమకు తాము మేము అహలె సున్నత్ వల్ జమాత్, అహలుస్సున్నా వల్ జమాత్, మేమే అహలుస్సున్నా వల్ జమాత్. ఎవరైతే అహలుస్సున్నా వల్ జమాత్, నలుగురు ఇమాముల తరువాత ముస్లిం సమాజం తీసుకొచ్చింది. బాగా వినండి. నాలుగు రకాల స్కూల్స్, నాలుగు రకాల ఆలోచనా భావాలు ఇస్లాంలోకి వచ్చాయి. మొదటి ఆలోచనా భావన, ప్రవక్త గతించిన 69 సంవత్సరాల తరువాత పుట్టిన అబూ హనీఫా రహిమహుల్లాహ్. ప్రవక్త హిజ్రీ 11లో చనిపోతే, 80 హిజ్రీలో పుట్టిన అబూ హనీఫా రహిమహుల్లాహ్ వారి ఎవరైతే అనుచరులు ఉన్నారో, వారు హనఫీ స్కూల్ తీసుకొచ్చారు. హనఫీ ఇస్లామిక్ జ్యూరిస్ప్రుడెన్స్. ఆ తరువాత 93లో పుట్టిన మాలిక్ రహిమహుల్లాహ్, ఇమామ్ మాలిక్ రహిమహుల్లాహ్, అతనిది ఒక ఆలోచనా విధానం. ఆ తరువాత ప్రియులారా, హిజ్రీ 150లో పుట్టిన ఇమామ్ షాఫఈ రహిమహుల్లాహ్, అతనిది ఒక ఆలోచనా విధానం. హిజ్రీ 164లో పుట్టిన ఇమామ్ అహ్మద్ బిన్ హంబల్ రహిమహుల్లాహ్ ది ఒక ఆలోచనా విధానం. వీరి నలుగురిని ప్రపంచం ఏమంటుంది? ఇమామ్ అబూ హనీఫా వెంట నడిస్తే హనఫీలు, ఇమామ్ మాలిక్ వెంట నడిస్తే మాలికీలు, ఇమామ్ షాఫఈ వెంట నడిస్తే షాఫఈ మస్లక్ వారని, ఇమామ్ అహ్మద్ బిన్ హంబల్ వెనకాతల నడిస్తే హంబలీ అంటారు.

కాలక్రమేణా ప్రపంచంలో ఇలా రోజులు గడుస్తూ గడుస్తూ, భారతదేశంలో కూడా జమాత్ లు వెలసిల్లాయి. ఇక్కడ కూడా ఇస్లాం పేరుతో అనేక రకాలైన జమాత్ లు ఆవిర్భవించాయి. అల్లాహ్ రక్షించుగాక! ఈరోజు ప్రపంచంలో అత్యధిక బిద్అత్, అత్యధిక భ్రష్టు పట్టించే మూల స్థానం ఉంది అంటే, అల్లాహ్ రక్షించుగాక, ఇదే భారతదేశం నుండి ప్రపంచవ్యాప్తంగా అనేక రకాలైన బిద్అత్ లను స్థాపించే వ్యవస్థలు ఇక్కడే మూల కేంద్రాలు ఏర్పాటు చేసుకున్నాయి. అదే క్రమంలో, మన మాట ప్రియులారా, నేను చెబుతున్న మాట, ప్రవక్త వారిపై అల్లాహ్ ఏ ఇస్లాంనైతే పరిపూర్తి చేశాడో, ఆ ఇస్లామే రుజుమార్గం. ఆ ఇస్లాం ఎక్కడ దొరుకుతుంది? మనం అన్వేషించే ప్రయత్నం చెయ్యాలి. భారతదేశంలో అనేక రకాలైన మనుషులు, పెద్ద పెద్ద ఇమాములు అనేక రకాలైన ఆలోచనా భావాలతో, ఏదైతే మన సమాజంలో బరేల్వీ వ్యవస్థ ఉంది. ఈ బరేల్వీ వ్యవస్థ ఎప్పుడు స్థాపించబడింది? సుమారు 1800 ప్రాంతంలోనే అహ్మద్ రజా ఖాన్ బరేల్వీ అనే వ్యక్తి ఉత్తర ప్రదేశ్ లో బరేల్వీ ప్రాంతంలో ఉంటూ బరేల్వీ అనే వర్గాన్ని స్థాపించారు. ఆ తరువాత దేవ్ బంద్ వర్గం వచ్చింది, ఖాసిం నానోతవి రహిమహుల్లాహ్. ఆ తరువాత మనకి తెలుసు ఇస్లాం నుండి బయటకు వెళ్లిన ఖాదియానీ వచ్చింది, మీర్జా గులాం అహ్మద్ ఖాదియానీ స్థాపించారు. మనం చూస్తున్నాం తబ్లీగీ జమాత్ వచ్చింది, మౌలానా ఇలియాస్ రహిమహుల్లాహ్ స్థాపించారు. జమాతె ఇస్లామీ హింద్ అనే సంస్థను చూశాం మనం, దాన్ని మౌదూదీ గారు స్థాపించారు. ఇలా వేరువేరు భావాలు గల, వేరువేరు ఆలోచనా విధానాలు గల ఇస్లాం జమాతులు ఈ యొక్క ప్రపంచంలో, మన భారతదేశంలో ఆవిర్భవించాయి.

అహలె హదీస్: మూలం మరియు నిర్వచనం

ఇదే క్రమంలో భారతదేశంలో అహలె హదీస్ అనే పేరుతో కూడా ఒక ఉద్యమం ప్రారంభించబడింది. ఈ అహలె హదీస్ లు ఎవరైతే అనబడ్డారో, వీరిని భారతదేశంలో ఉన్న మెజారిటీ ముస్లింలలో, హనఫీ వర్గంలో ఉన్నవారు తిడుతూ వచ్చారు. వీరు వహాబీలు, వీరి వెనకాతల నమాజ్ అవ్వదు, వీరికి సలాం చెప్పకండి, మేమంతా ముఖల్లిదులం, వీరు గైర్ ముఖల్లిదులు, వీరు ఇస్లాంలో కొత్త విధానాలు తీసుకొచ్చారు. మా తాత ముత్తాతల వరకు చెయ్యి కింద కట్టే వాళ్ళం, వీరొచ్చి చెయ్యి పైన కట్టే విధానం తీసుకొచ్చారు. మా తాత ముత్తాతలు ఆమీన్ గట్టిగా చెప్పేవారు కాదు, వీరొచ్చి మేము ఆమీన్ గట్టిగా చెప్పాలంటున్నారు. మా తాత ముత్తాతల కాలంలో మేము తక్బీర్ తో చేతులు ఎత్తేవారం కాదు, వీరు చేతులు ఎత్తుతున్నారు. మా తాత ముత్తాతల కాలంలో నమాజ్ అయిన తరువాత ఇజ్తిమాయీ దుఆ ఇమామ్ గారు చేసేవారు, మేము వెనకాతల ఆమీన్ ఆమీన్ పలికేవాళ్ళం, వీరు ఇది తీశారు. ఎన్ని తీశారండి? ఆమీన్ తీసేశారు, దుఆ తీసేశారు, చేతులు మాటిమాటికి పైకి ఎత్తుతున్నారు, చేతులు పైకి కడుతున్నారు, ఇదొక కొత్త వ్యవస్థ. వీరు గైర్ ముఖల్లిదులు. నఊజుబిల్లాహి మినస్సాలిక్.

ఒక మాట వాస్తవంగా మీరు తెలుసుకుంటే సోదరులారా, నేను ఏమీ ఆధారాలతో సహా మాట్లాడుతున్నాను. ఒక వర్గం వైపు నేను మోజుతో ఆ వర్గానికి సపోర్టుగా మాట్లాడను, ఒక వర్గం పైన వైరి వలన ఆ వర్గానికి వ్యతిరేకంగా మాట్లాడడ కోవాల్సిన అవసరం మనకి లేదు. మనం మాట్లాడుకోవలసినది ఖురాన్ మరియు హదీసు మాట. ఈరోజు మనం చెబుతున్న మాట ఏమిటంటే, ఏదైతే ప్రవక్త సల్లల్లాహు అలైహి వసల్లంపై ఇస్లాం ధర్మము పరిపూర్తి చేయబడిందో, “అల్ యౌమ అక్మల్తు లకుమ్ దీనకుమ్” అల్లాహ్ అన్నాడు, ప్రవక్తా, నీపై నేను ఇస్లాం ధర్మాన్ని పరిసమాప్తము చేసేసాను. ఆ విధానము ఎవరి వద్దనైతే ఈరోజు ప్రపంచంలో ఉందో, వారినే అహలె హదీస్ విధానం అన్నారు ప్రియులారా. ఈ అహలె హదీస్ విధానం ఎవడో నలుగురు నాలుగు తప్పులుగా మన గురించి చెప్పితే మనం తప్పు అయిపోం. మనము ఇన్షా అల్లాహ్ సత్యంపై ఉన్నవాళ్ళం. ఎందుకు? హదీసుల ద్వారా కొన్ని ఆలోచనలు చెబుతాను వినండి. ఫస్ట్ హదీస్, ప్రవక్త ఏం చెప్పారండి? “నా యొక్క ఉమ్మత్, నా అనుచర సమాజం 73 వర్గాలుగా చీలిపోతుంది,” ప్రవక్త అన్నారు. 73 వర్గాలుగా చీలిపోతుంది. “ఇల్లా మిల్లాతన్ వాహిదా” వారందరూ నరకానికి వెళ్తారు. “కుల్లుహుమ్ ఫిన్నార్” వారందరూ నరకంలోకి వెళ్తారు. ఇల్లా, కానీ “మిల్లాతన్ వాహిదా,” ఒకే ఒక సంఘము తప్ప. ప్రవక్త వారితో సహబాలు అడిగారు, “మన్ హియ యా రసూలల్లాహ్?” ప్రవక్తా, ఆ ఒక్క సంఘం ఏది? దేని గురించి అయితే మీరు స్వర్గానికి వెళ్తున్నారు అన్నారో? ప్రవక్త వారు ఏమన్నారు? “మా అన అలైహి వ అస్ హాబీ,” ఎవరైతే నన్ను అనుసరిస్తారో, నా సహబాలను అనుసరిస్తారో, వారు స్వర్గానికి వెళ్తారు అని ప్రవక్త వారు చెప్పడం జరిగింది. సుబ్ హా నల్లాహ్. ఆ ఒకే ఒక వర్గం ఎవరు? మనం తెలుసుకునే ప్రయత్నం చేద్దాం. రెండో హదీస్, తిర్మిజీ గ్రంథంలో ఒక హదీస్ ఉల్లేఖించబడింది. ప్రవక్త సల్లల్లాహు అలైహి వసల్లం ఏం చెప్పారంటే, “లా తజాలు తాఇఫతుమ్ మిన్ ఉమ్మతీ,” నా యొక్క ఉమ్మత్ లో ఒక వర్గం ఎల్లప్పుడూ నిలిచి ఉంటుంది. “మన్సూరీన్,” ఆ వర్గానికి విజయం ప్రాప్తమవుతుంది. ప్రజలు ఆ వర్గానికి సహాయము చేసినా, సహాయము చేయకపోయినా, వారు ఎల్లప్పుడూ సత్యంపై ఉంటారు. “హత్తా తఖూమస్సాఅ,” ఆఖరికి ప్రళయం వచ్చేస్తుంది, ఆ వర్గం మాత్రం సత్యంపై నిలబడుతుంది, వారికి విజయం ప్రాప్తమవుతుంది అని ప్రవక్త వారు అన్నారు. ఈ హదీసులో ఆ వర్గం, “తాఇఫా,” ఆ వర్గం అన్న మాటకు బుఖారీ రహిమహుల్లాహ్ వారి గురువు గారు, అలీ మదీనీ రహిమహుల్లాహ్ రాస్తున్నారు, ప్రవక్త వారు చెప్పిన ఆ వర్గం పేరు అహలుల్ హదీస్. బుఖారీ రహిమహుల్లాహ్ వారి గురువు గారు రాస్తున్నారు, ప్రవక్త చెప్పిన ఆ వర్గం పేరు అహలుల్ హదీస్. ఇమామ్ అహ్మద్ బిన్ హంబల్ రహిమహుల్లాహ్ రాస్తున్నారు, ప్రవక్త చెప్పిన ఆ వర్గం పేరు అహలుల్ హదీస్. దాని తర్వాత, పీరానె పీర్, పీరానె పీర్ అబ్దుల్ ఖాదిర్ జీలానీ రహిమహుల్లాహ్ అంటున్నారు, గున్ యతుత్ తాలిబీన్ అనే వారి పుస్తకం. పీరానె పీర్ అబ్దుల్ ఖాదిర్ జీలానీ రహిమహుల్లాహ్ రాసిన గున్ యతుత్ తాలిబీన్ పుస్తకంలో రాస్తున్నారు అబ్దుల్ ఖాదిర్ జీలానీ రహిమహుల్లాహ్, ఆ వర్గం పేరు అహలుల్ హదీస్. ఆ తరువాత, అబ్దుల్ ఖాదిర్ జీలానీ రహిమహుల్లాహ్ ఒక గొప్ప మాట చెప్పారండి. ఆయన ఏం చెప్పారంటే, బిద్అతీలను ఎలా మనం పోల్చుకోవాలి? అబ్దుల్ ఖాదిర్ జీలానీ అంటున్నారు రహిమహుల్లాహ్, బిద్అతీలను పోల్చుకునే మార్గం ఏమిటంటే, బిద్అతీలు ఎల్లప్పుడూ అహలె హదీస్ ల గురించి చెడుగా మాట్లాడుతుంటారు. ఎవడైతే అహలె హదీస్ గురించి చెడుగా మాట్లాడుతాడో, వాడు బిద్అతీ అని మనం పోల్చుకోవాలి అని అబ్దుల్ ఖాదిర్ జీలానీ రహిమహుల్లాహ్ చెప్పారు. నేను చెప్పే మాట ఏమిటంటే, కన్ఫ్యూజ్, ఈరోజు ఏంటండీ ముస్లింల మనం? ఒకరంటారు ఫలానా అహలుస్సున్నా, ఒకరంటారు అహలె హదీస్, ఒకరంటారు ఫలానా తబ్లీగ్, ఒకరంటారు ఫలానా కజా, వ కజా, ఇన్ని మాటలు. ఇందులో ఈరోజు సత్యమైన వ్యవస్థ, ఖురాన్ మరియు హదీస్ వరకు మిమ్మల్ని చేర్చే వ్యవస్థ, ఎప్పుడైనా పరికించారా? ఎప్పుడైనా ఆలోచించారా? పుస్తకాలు తెరిచి చూసే ప్రయత్నం చేశారా? ఈరోజు సుబ్ హా నల్లాహ్, ఈ అహలుల్ హదీస్ అన్న మాట, అహలె హదీస్ అనే ఈ సంఘం, ఏ వ్యక్తి చేత స్థాపించబడలేదు. ఎలాగైతే నేను ఇందాక ప్రస్తావించాను, సుబ్ హా నల్లాహ్, మనం చరిత్ర తెలుసుకునే ప్రయత్నం చేద్దాం. ఏ జమాత్ గురించి చెడుగా మాట్లాడే హక్కు మాకు లేదు, మాట్లాడం ప్రియులారా. మనం బిద్అతులను, ఇస్లాం ధర్మశాస్త్రంలో నవీన పోకడలను ఖండిస్తాం. మనం తీసుకుందాం, మీరు చూపించండి, ప్రశ్నిస్తున్నాను, ఇన్ని నాళ్ళలో వస్తున్నాం మస్జిద్ లకు, ఒక వ్యవస్థ మనం తెలుసుకునే ప్రయత్నం చేశామా? అహలె హదీస్ అంటే ఏమిటి అసలు? అహలె హదీస్ అంటే ఒక మనిషి చేత స్థాపించబడిన ఒక జమాతా? అరె అన్ని జమాతులు, బరేల్వీ, సయ్యద్ అహ్మద్ రజా ఖాన్ బరేల్వీ. తబ్లీగీ జమాత్, ఫలానా మౌలానా ఇలియాస్. జమాతె ఇస్లామీ, ఫలానా అబుల్ అలా మౌదూదీ. ప్రతి జమాత్ ఏదైతే ఇస్లాం అన్న పేరుతో భారతదేశంలో ఉందో, ప్రతి జమాత్ ను ఒక వ్యక్తి స్థాపించాడు. కానీ ఈ అహలుల్ హదీస్ అనే వర్గాన్ని సుబ్ హా నల్లాహ్, సహబాల కాలము నుండి అహలె హదీస్ అన్న మాట వస్తుంది. ఆధారాలు చూపించాను. బుఖారీ రహిమహుల్లాహ్ వారి ఉస్తాద్ అలీ మదనీ రహిమహుల్లాహ్ అహలె హదీస్ అనే పదాన్ని ఉపయోగించారు. వాస్తవానికి అహలె హదీస్ అంటే ఏమిటి? చాలామంది నఊజుబిల్లా రకరకాల మాటలు పలికారు. భారతదేశంలో బ్రిటిష్ వారు తయారు చేశారు వహాబీలను, ఇదంతా తప్పుడు మాట ప్రియులారా. అహలె హదీస్ ప్రవక్త యొక్క సహబాల కాలం నుండి సుబ్ హా నల్లాహ్ ఉంది. దీన్నే అహలె హదీస్ అన్నారు, అహలె ఇత్తిబా అన్నారు, అహలుల్ అసర్ అన్నారు, అహలుత్ తౌహీద్ అన్నారు, ఫిర్కతున్ నాజియా అన్నారు. రకరకాల పేర్లతో దీన్ని పిలవడం జరిగింది. మన భారతదేశంలో ఇది అహలె హదీస్ గా పిలవడం జరుగుతుంది. దీనిలోనే మన కోసం స్వర్గం ఉంది ప్రియులారా. దానికి ఆధారం, అహలె హదీస్ అంటే అర్థం ఏంటి? అహల్, అహల్ అంటే అర్థము చెందిన వారు. అహల్ అంటే అర్థము చెందిన వారు. హదీస్ అంటే ఖురాన్ మరియు హదీస్. హదీస్ అనే పదం కేవలం హదీస్ కు మాత్రమే మనం దాన్ని ఇది చేయకూడదు ప్రియులారా. హదీస్ అంటే ఖురాన్ మరియు హదీస్ రెండింటినీ కలిపి ఇస్లామీయ ధర్మశాస్త్రం హదీస్ అని చెప్పింది ప్రియులారా. అంటే అహలె హదీస్ అంటే ఏమిటి? ఖురాన్ మరియు హదీస్ లపై ఆచరించే వారినే అహలె హదీస్ అన్నారు ప్రియులారా. మరి ఆచరణలో ఆలోచనా విధానం ఎలా ఉండాలి? ప్రతి ఒక్కడు వచ్చి ఖురాన్ ఎత్తి ఈ ఆయత్ ఇలాగ అర్థమైంది, ఈ ఆయత్ ఇలాగ అర్థమైంది, ఈ ఆయత్ ఇలాగ అర్థమైంది, లేదు. అహలె హదీస్ అంటే అదే ఖురాన్ చెప్తుంది, ఎలా ఖురాన్ హదీస్ ను నమ్మాలి? ఉదాహరణకి అల్లాహ్ త’ఆలా ఖురాన్ లో చెప్పాడు, “లా తఖ్రబుస్సలాత వ అన్తుమ్ సుకారా,” మీరు మధ్యము స్థితిలో ఉన్నప్పుడు నమాజు దరిదాపులకు వెళ్ళకండి. అరె, చూడండి చూడండి, అల్లాహ్ త’ఆలా మీరు నమాజు దరిదాపులకు వెళ్ళకండి, మధ్యము స్థితిలో ఉన్నప్పుడు, అంటే నమాజు చేసేటప్పుడు మధ్యం తాగకూడదేమో, నమాజు చేయని స్థితిలో మధ్యం తాగొచ్చేమో, అర్థం చేసుకునే వాడు ఇలా అర్థం చేసుకుంటాడు. కాబట్టి దాని యొక్క పుట్టు పూర్వోత్తరాలు, అది ఎప్పుడు అవతరించింది? ఎలా అవతరించింది? ఎలా అర్థం చేసుకోవాలి? ఎలా అర్థం చేసుకోవాలి? ప్రవక్త వారి శిష్యులు ఏ విధంగా అర్థం చేసుకున్నారో, ఆ విధంగా ఖురాన్ హదీస్ ను అర్థం చేసుకోవాలి. దానికి ఆధారం ఇదే ఖురాన్, రెండవ సూరా, వాక్యం సంఖ్య 137. అల్లాహ్ ఏమన్నారంటే:

فَإِنْ آمَنُوا بِمِثْلِ مَا آمَنْتُم بِهِ فَقَدِ اهْتَدَوا
(ఫ ఇన్ ఆమనూ బి మిస్లి మా ఆమన్తుమ్ బిహీ ఫఖదిహ్ తదవ్)

వారు కూడా మీరు విశ్వసించినట్లే విశ్వసిస్తే సన్మార్గం పొందుతారు. (2:137)

ఏ విధంగానైతే సహబాలు విశ్వసించారో, ఆ విధంగా విశ్వసిస్తేనే వారు మార్గదర్శకత్వంపై ఉన్నట్లు ప్రియులారా. కాబట్టి అహలె హదీస్ విధానం నిస్సంకోచంగా మిమ్మల్ని సహబాల విధానం వరకు తీసుకువెళ్తుంది. ఎవరైతే ఈ అహలె హదీస్ అనే మనహజ్ కాకుండా, అహలె హదీస్ మనహజ్ కాకుండా, ప్రవక్త మనహజ్ కాకుండా, సహబాల విధానం కాకుండా వేరే విధానాలపైకి వెళ్తే, వారు నరకంలోనికి వెళ్ళిపోతారు. ఆధారం, నాలుగవ సూరా, సూరె నిసా, వాక్యము సంఖ్య 115. అల్లాహ్ ఏమన్నారంటే, మనం చదవాలి, ఈరోజు తెలుసుకునే ప్రయత్నం చేయాలి. ఖురాన్ అంటుంది:

وَمَن يُشَاقِقِ الرَّسُولَ مِن بَعْدِ مَا تَبَيَّنَ لَهُ الْهُدَىٰ وَيَتَّبِعْ غَيْرَ سَبِيلِ الْمُؤْمِنِينَ نُوَلِّهِ مَا تَوَلَّىٰ وَنُصْلِهِ جَهَنَّمَ ۖ وَسَاءَتْ مَصِيرًا
(వ మన్ యుషాఖిఖిర్రసూల మిన్ బ’ది మా తబయ్యన లహుల్ హుదా వ యత్తబి’ గైర సబీలిల్ ము’మినీన నువల్లిహీ మా తవల్లా వ నుస్లిహీ జహన్నమ వసాఅత్ మసీరా)

సన్మార్గం స్పష్టమైన తర్వాత కూడా ప్రవక్తకు విరోధం వహించి, విశ్వాసుల మార్గాన్ని కాకుండా ఇతర మార్గాన్ని అవలంబించేవాడిని మేము వాడు తిరిగిన వైపుకే తిప్పివేస్తాము. వాడిని నరకాగ్నిలో పడవేస్తాము. అది చాలా చెడ్డ గమ్యస్థానం. (4:115)

ఎవరైతే మీకు ప్రవక్త విధానం చూపించి, సహబాల విధానం చూపించి, ప్రవక్త మరియు సహబాల విధానము తెలిసిన తరువాత ఆ విధానాన్ని విడిచిపెట్టి, వేరే విధానం వెంట వెళితే వాడిని మేము నరకంలో వేస్తాం అల్లాహ్ అన్నాడు. నేను చెప్పట్లేదు అల్లాహ్ అన్నాడు. ప్రవక్త మరియు సహబాల విధానం తెలిసిన తరువాత అల్లాహ్ మరియు ప్రవక్త విధానానికి దూరంగా వెళితే వాడిని మేము నరకంలో పడవేస్తాం. మరి ఈరోజు మనం అల్లాహ్ మార్గం, ప్రవక్త మార్గం, సహబాల మార్గంపై ఎంతవరకు ఉన్నట్లు? ఎంతవరకు ఈ ప్రపంచం మిమ్మల్ని పిలుస్తోంది? మేము ఆహ్వానిస్తున్నాం. ఈరోజు ప్రపంచంలో ఆ అల్లాహ్ మార్గం, అల్లాహ్ ప్రవక్త మార్గం, సహబాల మార్గం మిమ్మల్ని అహలె హదీస్ అనే విధానం సుబ్ హా నల్లాహ్ పిలుస్తుంది. మీరు చెప్పట్లేదు అహలె హదీస్ చెప్పండి, చెప్పండి, కానీ ఈరోజు అహలె హదీస్ అనే విధానం మిమ్మల్ని స్వర్గం వరకు తీసుకువెళ్తుందని చెబుతున్నాము. ప్రపంచవ్యాప్తంగా ప్రియులారా దీన్నే సలఫీ వ్యవస్థ అన్నారు, అహలుల్ హదీస్ వ్యవస్థ అన్నారు, రకరకాల పేర్లతో పిలవడం జరిగింది. మా విధానం ఏంటండీ? మా విధానం ఏంటి? నలుగురు ఇమాములను ప్రేమిస్తాం. నలుగురు ఇమాముల పట్ల ప్రేమ ఉంది. ఏ ఇమామ్ ను తిరస్కరించరు అహలె హదీస్. ఈరోజు ప్రపంచంలో అన్ని ముస్లింలు, పెద్ద పెద్ద ముఫ్తీలు ఏమంటున్నారంటే లేదండి, అహలె హదీస్ కొత్తగా వచ్చిందండి, మా అబూ హనీఫా చెప్పిందే మాకు కావాలండి, మా షాఫఈ చెప్పిందే మాకు కావాలండి, ప్రవక్త చెప్పినా వద్దు. మేమేమంటున్నామంటే, ఖురాన్ తీయండి, నాలుగవ సూరా, మనం తెలుసుకోవాలి, 59వ వాక్యం:

يَا أَيُّهَا الَّذِينَ آمَنُوا أَطِيعُوا اللَّهَ وَأَطِيعُوا الرَّسُولَ وَأُولِي الْأَمْرِ مِنكُمْ ۖ فَإِن تَنَازَعْتُمْ فِي شَيْءٍ فَرُدُّوهُ إِلَى اللَّهِ وَالرَّسُولِ
(యా అయ్యుహల్లదీన ఆమనూ అతీఉల్లాహ వ అతీఉర్రసూల వ ఉలిల్ అమ్ రి మిన్కుమ్, ఫ ఇన్ తనాత’తుమ్ ఫీ షైఇన్ ఫరుద్దూహు ఇలల్లాహి వర్రసూల్)

ఓ విశ్వాసులారా! అల్లాహ్‌కు విధేయత చూపండి. ప్రవక్తకు విధేయత చూపండి. మీలోని అధికారులకు విధేయత చూపండి. ఏదైనా విషయంలో మీకు మధ్య అభిప్రాయభేదం వస్తే, దాన్ని అల్లాహ్‌ మరియు ప్రవక్త వైపుకు మరల్చండి. (4:59)

ఓ విశ్వసించిన ప్రజలారా, అల్లాహ్ కు విధేయత చూపండి, ప్రవక్తకు విధేయత చూపండి, మీలో పెద్దలకు విధేయత చూపండి. తఫ్సీర్ లో ఉలమాలు రాశారు, ఒకవేళ అక్కడ ఏదైనా ఖురాన్ హదీస్ కు వ్యతిరేకంగా ఉంటే మీరు పెద్దల్ని విడిచిపెట్టి అల్లాహ్ మరియు ప్రవక్త వైపునకు మరలిపోండి. నేను నలుగురిని, ఎంతమందికి ఐడియా కలిగి ఉన్నారో, ఐడియా లేకపోతే వినండి. ఐడియా, ఎందుకంటే ఈరోజు ఏందంటే అరె, ఏంది నేను హనఫియన్, హనఫియన్, ఎవరికి కావాలి? మీరు హనఫీ అవ్వొచ్చు మాస్టర్ అవ్వండి. కానీ ఇతరులను గైర్ ముఖల్లిదులు, వాళ్ళు ఇది, అది, ఓ చిన్న ఉదాహరణ ఇచ్చి మాట ముందుకు తీసుకువెళ్ళే ప్రయత్నం చేస్తాను. అహలె హదీస్ కు, అహలె హదీస్ కు, ఇతర ముఖల్లిదులకు, ఎవరైతే లేదు హనఫీ, లేదు షాఫఈ, లేదు మాలికీ, లేదు హంబలీ, ఎవరైతే ఉన్నారో వాళ్లకి మనకి చిన్న తేడా చూపే ప్రయత్నం చేసి ముందుకు వెళ్తాను. ఏమిటంటే, ఒక చిన్న స్టోరీ చెప్పాలి మీకు. ఒక వ్యక్తి ఉండేవాడు, బహుశా మీరు విని ఉంటారు. తమిళనాడు రాష్ట్రంలో, తమిళనాడు రాష్ట్రంలో రామనాథపురానికి చెందిన ఒక వ్యక్తి ఉండేవాడు, ఆయన చనిపోయాడు. ఆయన ముందు జీవితంలో షాఫఈ మస్లక్ లో ఉండేవాడు, జమాత్ తో తిరిగేవాడు. ఇండోనేషియా, జపాన్, ఎక్కడెక్కడికో వెళ్ళాడు. జీవితపు చరమాంకంలో అహలె హదీస్ విధానానికి దగ్గరయ్యాడు, సుబ్ హా నల్లాహ్. నేను ప్రశ్నించాను, అయ్యా మీరు జీవితంలో ఇన్నేళ్ల పాటు ఫలానా జమాత్ తో, ఇన్ని దేశాలు, ఇన్ని ఏళ్ళు తిరిగారు కదా, ఎందుకు విడిచిపెట్టేశారు? ఆయన స్టోరీ చెప్పాడు, అయ్యా నేను షాఫఈ అనే మస్లక్ లో ఉండేవాడిని. నేను ఒకసారి హజ్ యాత్రకు బయలుదేరాను. నేను తిరుచిరాపల్లి ఎయిర్పోర్ట్ కు వచ్చాను. తిరుచిరాపల్లి ఎయిర్పోర్ట్ కు వచ్చి ఫ్లైట్ ఎక్కుతున్నప్పుడు, మా మస్జిద్ ఇమామ్ గారు నా చెవిలో ఒక మాట చెప్పారు. ఏం చెప్పారంటే, అయ్యా, నువ్వు హజ్ యాత్ర చేయటానికి వెళ్తున్నావ్, నీ ఫ్లైట్ జెడ్డాలో ల్యాండ్ అవ్వడానికి ముందు మీకాత్ వస్తుంది. మీకాత్ ప్రాంతంలో మనం ఏం చేస్తామంటే సంకల్పం చేస్తాం. నేను ఉమ్రా చేయడానికి వెళ్తున్నాను. అల్లాహుమ్మ లబ్బైక ఉమ్రతన్, అల్లాహుమ్మ లబ్బైక హజ్జన్ అని మనం హజ్ లేదా ఉమ్రాకి ఫ్లైట్ లోనే మీకాత్ లో సంకల్పం చేస్తాం. గురువుగారు ఏం చెప్పారంటే చెవిలో, అరేయ్, నువ్వు హజ్ యాత్రకు వెళ్తున్నావ్, మీకాత్ రాగానే, అల్లాహ్ నేను హజ్ కు కోసం సంకల్పం చేస్తున్నాను, దానితోపాటే షాఫఈ నుండి హనఫీగా మారిపోతున్నాను అని సంకల్పం చేసుకో అన్నారు. ఇదేంటి గురువుగారు, తెల్లవారితే హనఫీలొక వ్యతిరేకంగా మనం ఉన్నాం, ఇప్పుడెందుకు హజ్ కు వెళ్తుంటే ఇప్పుడు హనఫీగా మారిపోమంటారు ఏమిటి అని బాధపడ్డాడు. గురువుగారు చెప్పారు, లేదు నాయనా, మన షాఫఈ మస్లక్ ప్రకారం ఏముందంటే పురుషుడు వజూ చేసిన తరువాత, పురుషుడు వజూ చేసిన తరువాత స్త్రీని ముట్టుకుంటే పురుషుడి వజూ భగ్నమైపోతుంది. నువ్వు హజ్ యాత్రకు వెళ్తున్నావ్, అక్కడ అనేక మంది పురుషులు స్త్రీలు ఉంటారు. నీకు తెలియకుండానే ఏదో స్త్రీ తవాఫ్, ప్రదక్షిణ చేసే కంగారులో నిన్ను తాకి వెళ్ళిపోతుంది, నీ వజూ విరిగిపోతుంది. నువ్వు షాఫఈ మస్లక్ లో ఉండిపోతే, మాటిమాటికి ఎవరో తగులుతుంటారు, వజూ చేస్తూ ఉంటావ్, నీ హజ్ యాత్ర మొత్తం వజూలోనే పోతుంది. అలా కాకుండా హనఫీ మస్లక్ ప్రకారం అయితే పురుషుడు వజూ చేసి స్త్రీని ముట్టుకుంటే పురుషుడి వజూ విరగదు. కాబట్టి హజ్ యాత్ర అంతా చేసుకో హనఫీ మస్లక్ లో, తిరిగి ఇండియాలో ల్యాండ్ అయిపోయినప్పుడు నేను షాఫఈగా మారిపోయాను అని చెప్పి ల్యాండ్ అయిపో అన్నాడు. ఇదేంది ఇస్లాం? హనఫీ మస్లక్ లో ఒకటి, షాఫఈ మస్లక్ లో ఒకటి. అహలె హదీస్, ఇది వినండి. అహలె హదీస్ ఏం చెప్తుంది? మనం షాఫఈని గౌరవిస్తాం, హనఫీని గౌరవిస్తాం. మనం ఏం చూస్తాం? ప్రవక్త ఏం చేశారు అని మనం చూస్తాం. సుబ్ హా నల్లాహ్, హదీస్. అమ్మా ఆయిషా సిద్దీకా రదియల్లాహు త’ఆలా అన్హా అంటున్నారు, రాత్రి పూట ప్రవక్త వారు తహజ్జుద్ నమాజ్ చేసేవారు. నేను ప్రవక్త ముందు పడుకునే దానిని, ప్రవక్త వారు తహజ్జుద్ నమాజ్ చేస్తూ సజ్దా చేసినప్పుడు ప్రవక్త వారి తల నా మోకాళ్లకు, ముడుపులకు తగిలేది. ఎప్పుడైతే ప్రవక్త తల నా కాళ్లకు తగిలేదో, నేను రెండు కాళ్లు ముడుచుకునే దానిని. అమ్మా ఆయిషా అంటున్నారు. దీని బట్టి ఏం తెలిసింది? పురుషుడు వజూ చేసి కేవలం స్త్రీని ముట్టుకుంటే వజూ విరగదు. ఇదే అహలె హదీస్. మనం నమ్ముతాం, ప్రతి ఒక్కరిని గౌరవిస్తాం. కానీ బండగా ఇది చేశారు ఆ గురువుగారు, చెయ్యం. ఖురాన్ లో ఉందా? హదీస్ లో ఉందా? ఇదే నిజమైన సహబాల మార్గం, ప్రవక్త మార్గం, స్వర్గానికి తీసుకువెళ్లే మార్గం. ఇదే వ్యవస్థను భారతదేశంలో అత్యధికంగా అహలె హదీస్ గా పిలుస్తారు. ఇదేదో కొత్తగా వచ్చింది కాదు, ఈరోజు అహలె హదీస్ అని చెప్పుకోవటానికి భయపడక్కర్లేదు. ఎందుకంటే ఇది ఒక మనిషి పెట్టిన సంస్థ కాదు. సహబాల విధానాన్నే అహలె హదీస్ అన్నారు.

జమియతే అహలె హదీస్ మరియు దాని పిలుపు

మరి ఇండియాలో దీని తారీఖ్ ఏంటి? ఇండియాలో ఎప్పుడు పూర్తి అధికారికంగా మనం మాట్లాడుకుంటే, భారతదేశంలో ప్రియులారా, ఈ అహలె హదీస్ జమాత్ ఎప్పుడు కమిటీగా, అహలె హదీస్ వ్యవస్థ ఉంది, ఎప్పుడు కమిటీగా స్థాపించబడింది అంటే, 1906వ సంవత్సరంలో ప్రియులారా, 1906, 1906వ సంవత్సరంలో బీహార్ రాష్ట్రంలో ఆరా అనే ప్రాంతంలో అహ్మదియా అనే ఒక మదరసా ఉండేది. ఆ మదరసా యొక్క వార్షికోత్సవములో అహలె హదీస్ కాన్ఫరెన్స్ పేరుతో మొట్టమొదటి ఇజ్తిమా భారతదేశంలో జరిగింది 1906లో ప్రియులారా. అప్పుడు ఈ జమియత్, ఒక కమిటీ పరంగా, మనుషులైతే ఎప్పుడో ఉన్నారు సుబ్ హా నల్లాహ్, కమిటీ పరంగా భారతదేశంలో 1906 నుండి ఆవిర్భావంలోనికి వచ్చింది. కానీ ముస్లింలు ఎప్పుడున్నారు? 1906లో వచ్చారా? ముస్లింలు సహబాల కాలంలోనే ఇండియాలోనికి వచ్చారు. రాసేవాళ్ళు రాస్తారు పుస్తకాల్లో, భారతదేశంలో ముస్లింలు 712 క్రీస్తుశకం సింధూ దండయాత్ర ద్వారా దేశంలోనికి వచ్చారు. ఇది అబద్ధం. 712లో మహమ్మద్ గజనవి, గోరి, పేర్లు ఉంటాయి కదా, గజనీ మహమ్మద్, ఇలాంటి పేర్లు ఉంటాయి. వారి ద్వారా దండయాత్ర ద్వారా, 712లో ముస్లింలు వచ్చారు, అబద్ధం. ఇస్లాం భారతదేశంలో ప్రవక్త కాలంలో వచ్చింది. భారతదేశంలో ఇప్పటికీ మొట్టమొదటి మస్జిద్ ఉంది, వెళ్లి చూడండి. ఇండియాలో మొట్టమొదటి మస్జిద్ 629లో కట్టారు, సుబ్ హా నల్లాహ్. ఇది 2021 అయితే, భారతదేశంలో మొదటి మస్జిద్ 629లో కట్టబడింది. ఇప్పటికీ కేరళలో, మలబార్ ప్రాంతంలో, చెరమాన్ పెరుమాళ్ జుమా మస్జిద్ పేరుతో మస్జిద్ వర్ధిల్లుతుంది ప్రియులారా. ఏది ఏమైనప్పటికీ, సుబ్ హా నల్లాహ్, మనం ఒక మంచి వ్యవస్థను కలిగి ఉండాలి, ఖురాన్ హదీస్ వ్యవస్థ, అదే అహలె హదీస్ వ్యవస్థ, అదే సహబాల కాలం నాటి నుండి ఉంది. ఇమాముల కాలం నాటి నుండి ఉంది. ప్రతి ఇమామ్ ఈ అహలె హదీస్ విధానాన్ని గౌరవించారు. ఇదే సత్యమని ధ్రువీకరించారు. ఈరోజు ప్రవక్తపై అవతరించిన ఇస్లాం, ఏదైతే అహలె హదీస్ రూపంలో మాత్రమే భారతదేశంలో ప్రస్తుత పరిస్థితుల్లో మిగిలి ఉంది ప్రియులారా. ఇండియాలో దీని ఆవిర్భావం 1906లో జరిగింది, సుబ్ హా నల్లాహ్. అప్పటి నుండి ఇదొక జమియత్ గా అవతరించింది. 1947లో భారతదేశానికి స్వాతంత్య్రం వచ్చిన తరువాత, ఇది మర్కజీ జమియతే అహలె హదీస్ గా మారింది ప్రియులారా. అనేక శాఖలు కలిగి ఉంది, సుబ్ హా నల్లాహ్. ఇది ప్రపంచానికి శాంతి వైపునకు పిలుస్తుంది. దీని ద్వారా ప్రపంచానికి లాభాలు తప్ప నష్టాలు లేవు. ఈరోజు భారతదేశంలో మేమే అహలుస్సున్నా వల్ జమాత్, అహలుస్సున్నత్, అహలుస్సున్నత్, వీరంతా అహలె బిద్అత్ పనులు చేస్తున్నారు. ఈరోజు దేశంలో ఇస్లాంకు సంబంధించి, షరియత్ కు సంబంధించి విషయాలు కోర్టులకెక్కినాయి అంటే, ఎవరు కోర్టుకెక్కించారు? ఈరోజు ఇస్లాం షరియత్ లో భారతదేశం యొక్క కోర్టులు వచ్చి చుచ్చును పోయాయి అంటే ఎవరు చుచ్చు చేశారు? త్రిపుల్ తలాఖ్ తీసుకోండి. ఈ త్రిపుల్ తలాఖ్ అంశం భారతదేశంలో షరియత్, షరియత్ లోకి కోర్టు వచ్చింది అంటే త్రిపుల్ తలాఖ్ నియమం ఉంది. కానీ వాస్తవానికి ఖురాన్ హదీస్ ప్రకారం త్రిపుల్ తలాఖ్ ఇస్తే, మూడు తలాఖులు కాదు. ఎవడైనా మనిషి తన భార్యకు మూడు సార్లు తలాఖ్ చెబితే, షరియత్ ప్రకారం ఒక్క తలాఖ్ మాత్రమే అవుతుంది. స్త్రీ గౌరవాన్ని కాపాడే వ్యవస్థ అహలె హదీస్ వ్యవస్థ ప్రియులారా. ఈరోజు దేశంలో ఒక ఉద్యమం, స్త్రీలు మస్జిద్ లోకి రాకూడదు, స్త్రీల కోసం మస్జిద్ లో ఏర్పాటు లేదు, దీనికోసం కేరళలో ఒక స్త్రీ ఏం చేసింది? జుమా రోజు మీరు మస్జిద్ లకు స్త్రీలను రానివ్వటం లేదు, నేను ఇమామత్ చేయిస్తా, నఊజుబిల్లా, జుమా రోజు ఇమామత్ చేయించింది ఒక స్త్రీ. అల్లాహ్ రక్షించుగాక! దేని వలన? మీరు స్త్రీలకు మస్జిద్ లో పర్మిషన్ ఇవ్వకపోవడం వలన. కానీ ఈరోజు మేరు భారతదేశంలో అహలె హదీస్ మస్జిదులు స్త్రీల కోసం తలుపులు తెరుస్తున్నాయి, మాషా అల్లాహ్. మీరు మస్జిద్ కు వచ్చి పురుషులతో పాటు పరదా వ్యవస్థతో నమాజ్ స్థాపించవచ్చు. అహలె హదీస్ విధానం, దేశంలో ఇస్లాంకు వ్యతిరేకంగా గొంతెత్తే వారికి సమాధానం మన వద్ద ఉందండి. త్రిపుల్ తలాఖ్ కోసం మాట్లాడేవారు, మేము అహలె హదీస్ సమాధానం ఇస్తాం. ఎవరైనా స్త్రీ మస్జిద్ కు రాకూడదంటే, సమాధానం ఇవ్వగలదు అహలె హదీస్. ఈరోజు భారతదేశంలో ముస్లింల పట్ల ద్వేషం దేనికోసం అండి? కోపం, కొంతమంది ముస్లింలు, జ్ఞానం లేని ముస్లింలు ఏం చేస్తున్నారు? పండగ వస్తే, ఒక జెండాలు పెడతారు. ఆ జెండా దేనిని రిసెంబుల్ చేస్తుంది? అది పక్క దేశం యొక్క జెండాలాగా ఉంది. మరి ఆ జెండాలు పెట్టకుండా, ఈరోజు ఇస్లాంను పూర్తిగా వాస్తవ రూపంలో తెలియజేసేది అహలె హదీస్. ఒక అహలె హదీస్ మస్జిద్ వద్ద ఏదైనా పండగ వస్తే జెండా చూస్తారా? అల్లాహ్ రక్షించుగాక! మనమంతా బిద్అత్ ప్రియులారా. ఈరోజు అహలె హదీస్ విధానం, దేశంలో అనేక మంది హిందువులు తిడుతుంటారు. రోడ్డుపై వెళ్తున్నప్పుడు అనేక నగరాలలో మధ్యలో దర్గాల పేర్లతో, సమాధుల పేర్లతో సమాధులు ఉంటాయి. కానీ సమాధులు భూమికి ఇంత ఎత్తులో కూడా ఉండకూడదు, తొలగించాలని చెప్పిన వ్యవస్థ ఇస్లాం వ్యవస్థ. దీనితో దేశానికి శాంతి ఉంది. మరి ఎంతమంది ఈరోజు స్వర్గానికి వెళ్ళే ఈ వ్యవస్థ, దేశంలో ప్రజలకు శాంతి కలిగించే ఈ వ్యవస్థ, దేశంలో ప్రజలకు స్వచ్ఛమైన తౌహీద్ బోధించే ఈ వ్యవస్థతో కలిసి ఉన్నారు? కలవండి. ఈరోజు అహలె హదీస్ అనే ఈ విధానంతో, ఈ మస్లక్ ఎందుకంటే ప్రియులారా, నేను చెప్పే మాట, ఇంతకీ ఎందుకయ్యా చెప్తున్నారు ఈయన? నేను చెప్పే మాట, ఈరోజు మనమంతా ఒక శక్తి ప్రియులారా. ఈ శక్తి చిన్నాభిన్నం కాకూడదు. మనం ముక్కలు కాకూడదు. మనం ముక్కలైతే ఏమవుతుంది? ఖురాన్ తీయండి. అల్లాహ్ అంటున్నారు:

وَأَطِيعُوا اللَّهَ وَرَسُولَهُ وَلَا تَنَازَعُوا فَتَفْشَلُوا وَتَذْهَبَ رِيحُكُمْ ۖ وَاصْبِرُوا ۚ إِنَّ اللَّهَ مَعَ الصَّابِرِينَ
(వ అతీఉల్లాహ వ రసూలహూ వలా తనాత’ఊ ఫతఫ్షలూ వ తద్ హబ రీహుకుమ్ వస్బిరూ ఇన్నల్లాహ మ’అస్సాబిరీన్)

అల్లాహ్‌కు, ఆయన ప్రవక్తకు విధేయులై ఉండండి. పరస్పరం కలహించుకోకండి. అలా చేస్తే మీరు బలహీనులైపోతారు. మీ బలం నశిస్తుంది. ఓర్పు వహించండి. నిశ్చయంగా అల్లాహ్‌ ఓర్పు వహించేవారికి తోడుగా ఉంటాడు. (8:46)

అల్లాహ్ ఏమన్నాడు? “వ అతీఉల్లాహ,” అల్లాహ్ కు విధేయత చూపండి. “వ రసూల,” ప్రవక్తకు విధేయత చూపండి. “వలా తనాత’ఊ,” పరస్పరం కలహాలకు గురి కాకండి. మీరు కలహాలకు గురైతే “ఫతఫ్షలూ వ తద్ హబ రీహుకుమ్,” మీరు గనక కలహాలకు గురైతే మీరు ముక్కలైపోతారు, మీ గాలి, అంటే మీ బలం కాస్తా తగ్గిపోతుంది. “వస్బిరూ ఇన్నల్లాహ మ’అస్సాబిరీన్,” ఓర్పు వహించండి. అల్లాహ్ ఓర్పు వహించే వారికి తోడున్నాడు. ఒక సంఘంగా ఉండండి. ఖురాన్ యే చెప్పింది:

وَاعْتَصِمُوا بِحَبْلِ اللَّهِ جَمِيعًا وَلَا تَفَرَّقُوا
(వ’తసిమూ బిహబ్లిల్లాహి జమీఅన్ వలా తఫర్రఖూ)

మీరందరూ కలిసి అల్లాహ్‌ త్రాడును గట్టిగా పట్టుకోండి. పరస్పరం విడిపోకండి. (3:103)

మీరంతా అల్లాహ్ మరియు ప్రవక్త త్రాడును గట్టిగా పట్టుకోండి. ముక్కలైపోకండి. ఈరోజు ముక్కలు చెక్కలైపోయాం ప్రియులారా. నేను ఒక మాట అంటాను, వ్యక్తిగతంగా మీరు ఏమనుకున్నా అనుకోండి, కానీ జమాత్ పరంగా, జమియత్ పరంగా ఈరోజు దేశానికి అవసరం ఈ అహలె హదీస్ విధానం ప్రియులారా. కాబట్టి దీని కోసం మనం పని చేయాలి, మనమంతా కలిసి ఉండాలి, ఒక సంఘంగా. ముస్లిమేతర శక్తులు, ముస్లిమేతర శక్తులు ఇస్లాంను అపఖ్యాతి పాలు చేయటానికి ఎంత స్ట్రాంగ్ గా పనిచేస్తున్నాయో, అల్లాహ్ చెప్పాడు ఖురాన్ గ్రంథంలో, తీయండి ఇంటికెళ్ళి ఎనిమిదవ సూరా, సుమారు వాక్యం సంఖ్య 72 లేదా 76, తీయండి. అల్లాహ్ ఏమన్నాడు? వారు అవిశ్వాసులు. వారు అవిశ్వాసులు, ఒకరికొకరు స్నేహితులు. ఈరోజు జెండాలు పట్టుకుని మనం పరిగెత్తుంటాం, సుబ్ హా నల్లాహ్, పరిగెట్టు, పరిగెట్టు, నమాజ్ అయినా కూడా ఇటు రాదు ధ్యాస, అటే వస్తుంది ధ్యాస. వారు అవిశ్వాసులు, ఒకరికొకరు స్నేహితులు. ఓ విశ్వాసులారా, మీరు గనక స్నేహితులు కాకపోతే, భూమిలో కల్లోలం చెలరేగుతుంది అని అల్లాహ్ త’ఆలా చెప్పాడు. స్నేహితులు అవుదామా లేదా? అవుదాం. చాలు ఆ మాటలు. మనం పరస్పరం వ్యక్తిగతంగా ఏమైనా పెట్టుకుందాం. కానీ అల్లాహ్ కోసం, ప్రవక్త కోసం, ఖురాన్ హదీస్ కోసం, ఈరోజు ఇస్లాం కోసం, ముస్లింలంతా ఒక శక్తిగా ఉండాలి ప్రియులారా. దీనికోసం సుబ్ హా నల్లాహ్, నేనేదైతే ఇందాక నుంచి జమాతె అహలె హదీస్ అంటున్నానో, ఇది కూడా ఒక వ్యవస్థ లాగా ఉంది, దీనికి కార్యచరణ ఉంది. దీనికి వెనకా ముందు ఏమీ లేకుండా లేదండి. ఢిల్లీ నుండి సుబ్ హా నల్లాహ్ మన జమియత్ ఉంది ప్రియులారా. మన జమియత్ ఈ దేశంలో 1906లో రిజిస్ట్రేషన్ అయినప్పటి నుండి తన పని చేస్తూ పోతుంది. దేశానికి స్వాతంత్య్రం వచ్చిన తరువాత నుండి జమియత్ ఆవిర్భవించింది ప్రియులారా. చెప్పడం జరుగుతుంది, వల్లాహు ఆలమ్, ఈ యొక్క అహలె హదీస్ మనహజ్ పై నడిచే వారు, నేను విన్నాను హైదరాబాద్ లో, అల్లాహు ఆలమ్, సుమారు నాలుగు కోట్ల మంది మనం దేశంలో నివసిస్తున్నాం. కానీ మనం ఒక శక్తిగా నివసించటానికి మనమొక సంస్థను స్థాపించుకున్నాం. బయట బోర్డు కూడా పెట్టారు ప్రియులారా, మర్కజీ జమియతే అహలె హదీస్ హింద్, అఖిల భారత జమియతే అహలె హదీస్ హింద్ సంస్థ. ఇది ఢిల్లీ నగరంలో తన యొక్క ముఖ్య కేంద్రాన్ని కలిగి ఉంది. ప్రతి రాష్ట్రంలో రాష్ట్రీయ శాఖలు ఉన్నాయి. ప్రతి జిల్లాలో జిల్లా శాఖలు ఉన్నాయి. జిల్లాలలో నగర శాఖలు ఉన్నాయి. నగరాల కింద ప్రాంతీయ శాఖలు ఉన్నాయి, సుబ్ హా నల్లాహ్. ఢిల్లీలో మన అమీర్ గారు ఉన్నారు. స్టేట్ లో అమీర్ గారు ఉన్నారు. జిల్లాకి అమీర్ గారు ఉన్నారు. నగరానికి అమీర్ గారు ఉన్నారు. మనమొక సంస్థగా, ఒక బలంగా తయారవ్వాలంటే జమియత్ తో సంబంధం కలిగి ఉండాలి ప్రియులారా. అదే కోవలో తూర్పు గోదావరి జిల్లా, కాకినాడ నగర జమియతే అహలె హదీస్ మిమ్మల్నందరినీ ఆహ్వానిస్తుంది, ఈ సంఘంతో ముడిపడండి. మనమంతా కలిసి పనిచేద్దాం, ఖురాన్ హదీస్ ప్రపంచానికి తెలియజేద్దాం. ఎవరయ్యా, నేను ఏ జమాత్ లో లేనండి, నాకు అమీర్ లేడండి. లేదు ప్రియులారా. జమాత్ లో ఉంటేనే నీపై అల్లాహ్ యొక్క చెయ్యి ఉంటుంది. హదీస్ లో ప్రవక్త వారు ఏం చెప్పారు? “యదుల్లాహి అలల్ జమాఅ,” జమాత్ పై అల్లాహ్ యొక్క చెయ్యి ఉంటుంది ప్రియులారా. కాబట్టి ఈరోజు జమాత్ వ్యవస్థతో మనం ఎంతవరకు కలిసి ఉన్నాం? ప్రియులారా అవసరం. నేను మళ్ళీ మళ్ళీ చెబుతున్నాను, రోజుకొకటండి, అల్లాహ్ రక్షించుగాక, మన గురించి మాట్లాడేవాడు లేడు దేశంలో. అల్లాహ్ రక్షించుగాక, మొన్న ఇద్దరు నర్స్ అండి, ఇద్దరు సిస్టర్స్ ఢిల్లీలో ట్రైన్ ఎక్కారు, ఒడిస్సా వెళ్తున్నారు. ఎవరో ఇద్దరితో మాట్లాడుతున్నారట, సంథింగ్ ఎవరికో డౌట్ వచ్చింది. ఝాన్సీ రైల్వే స్టేషన్ లో దింపేశారు. దానికోసం ఒక సీఎం లేఖ రాసేస్తాడు, హోం మినిస్టర్ జవాబు ఇస్తాడు, మేము యాక్షన్ తీసుకుంటాం ట్రైన్ లో దింపిన వారిపై. ఒక ఇద్దరు నన్స్, ఒక ఇద్దరి కోసం దేశమంతా కోడై కూస్తుంది. వారి సంఘాలు ఆవురావురు కేకలు వేస్తున్నాయి. నేను ఒక కోటి పెట్టుకున్నాను, నాపై ముద్ర వేసేవారు ఉగ్రవాది అని ముద్ర వేస్తున్నారు. నాపై నుండి కింద నుండి, ఎందుకు కారణం? ఒకటి దేశంలో ముస్లింలు ఈ సున్నత్ ను విడిచిపెట్టకపోవడం. అల్లాహు అక్బర్, మనం ప్రతి ఒక్కరం ముస్లింలుగా ఉండి, దేశంలో ఉన్న 20% ముస్లింలు సుబ్ హా నల్లాహ్ ఈ గడ్డం వ్యవస్థ పాటిస్తే ఎవ్వరూ మిమ్మల్ని చూడరు. సుబ్ హా నల్లాహ్, ముస్లింల వ్యవహారం ఏది? ఈరోజు మనం చాలా మంది భయపడుతున్నాం షరియత్ ను ఆచరించడానికి, నడిపితే భయం. అల్లాహ్ మనకి తోడున్నాడు. కానీ చెప్పే మాట, ఇద్దరి గురించి మాట్లాడితే దేశం కోడై కూస్తుంది, మన కోసం మాట్లాడేవాడు నోరొచ్చినట్లు మాట్లాడుతున్నాడు. పొద్దున్న లేగిస్తే పేపర్ లో ఇస్లామిక్ ఉగ్రవాదం అని రాస్తున్నాడు. ఎంతమంది బాధపడుతున్నాం? నేను అంటున్నాను ప్రియులారా, మనం ఏ ఫీల్డ్ లోనైతే ఆరితేరి ఉన్నామో, మనం ప్రశ్నించే వ్యవస్థగా మారాలంటే మనమంతా జమాత్ కు మన యొక్క సహాయం అందించాలి. ఎవరు, ఒక మెడికల్ ఫీల్డ్ లో నేను ఉన్నానండి, జమియత్ శబ్దం ఇస్తే నేను దాని కోసం పనిచేస్తున్నాను. ఫలానా ఫీల్డ్ లో, ఎంతమంది అయితే మీకు కలలు ఉన్నాయో, ఈ కలలన్నీ, గురువుగారు ఫలానా ఫీల్డ్ నాకు తెలుసండి, నేను జమియత్ కు సహకరిస్తాను. టెన్త్ క్లాస్ అయిపోయింది పిల్లవాడికి, టెన్త్ తరువాత ఏం చేయాలి? పిల్లలకు తెలియడం లేదు. నేను ఉన్నానండి, టెన్త్ తరువాత పిల్లలు ఎలా చదువుకోవాలో నేను చెప్పగలను, నేను జమియత్ కు ఈ విధంగా సహాయం చేస్తాను. గురువుగారు ఫలానా ఫీల్డ్ మెడికల్ నాకు తెలుసండి, నేను ఇన్షా అల్లాహ్ మనం ముస్లింల కోసం, ప్రతి ఒక్కరూ తన, తన అంటున్నారు, మనం? వాడు, వాడు, వాడు, వాడు, వాడు, వాడు, మేమేమో… ఈ దేశానికి అవసరం ప్రియులారా. ప్రతి ఒక్కరూ మనం అంటున్నారు, మనం మాత్రం నేను అనుకుంటున్నాం. పనికిరాదు ప్రియులారా. కాబట్టి మనమంతా మనముగా పని చేయాలంటే మనం జమియత్ తో కలవాలి ప్రియులారా. ఈ జమియత్ మీకు సభ్యత్వ నమోదు కార్యక్రమం చేసింది. బయట గోడ మీద పెట్టించిందంట అక్కడ. ఈ జమియత్ యొక్క సభ్యత్వం తీసుకోండి. 18 సంవత్సరాలు వస్తే మీరు జమియత్ యొక్క సభ్యత్వం తీసుకోవచ్చు. జమియత్ లో మీ సలహా ఇవ్వవచ్చు, మీ సంపదింపులు ఇవ్వవచ్చు, జమియత్ మీతో మాట్లాడుతుంది. జమియత్ ఏదైనా నిర్ణయం చేసుకుంటే మిమ్మల్ని కూడా సంప్రదిస్తుంది. మీరు జమియత్ లోకి రాకుండా, జమియత్ మూల సిద్ధాంతాలకు రాజీ కాకుండా, జమియత్ గురించి చెడుగా మాట్లాడుతూ, జమాత్ మమ్మల్ని పట్టించుకోదండి, మా వైపునకు చూడదండి, మాతో మాట్లాడదు అంటే, అవదు ప్రియులారా. కాబట్టి ఆహ్వానిస్తున్నాం మిమ్మల్ని. కాకినాడ నగర జమియత్ యొక్క బాధ్యులతో సంప్రదించండి. ఈ జమియత్ యొక్క సభ్యత్వ ఫారం నమోదు చేయండి. మనమంతా కలుద్దాం, ఒక శక్తిగా భారతదేశంలో పని చేద్దాం. ఇస్లాంకు వ్యతిరేకంగా ఏవైతే గొంతుకలు లేగుస్తున్నాయో, వాటిని మనం ఎదుర్కోవాలంటే శక్తి అవసరం ప్రియులారా. రెండో మాట ఏందీ, ఈ శక్తి అంటున్నారు, ఎదుర్కోవాలంటున్నారు, ఎవడు పడితే వాడు, నా విధానం ఇదండి, మీరు ఈ జెండా పట్టుకుంటాను, లేదు. ఆ విధానం కూడా ఖురాన్ హదీస్ మనకు తెలియజేసాయి. ఆ విధానాలను జమియత్ మీకు తెలియజేస్తుంది ప్రియులారా. కాబట్టి మరొక్కసారి మిమ్మల్ని ఆహ్వానిస్తున్నాను ప్రియులారా, మనమంతా కలిసి పనిచేద్దాం, ఖురాన్ హదీస్ ప్రపంచానికి అందిద్దాం. ఈరోజు అదే ఖురాన్ హదీస్ నిర్మలముగా, స్వచ్ఛముగా ప్రపంచానికి అందజేయటానికి భారతదేశంలో ప్రాతినిధ్యం వహిస్తున్న సంస్థ పేరు జమియతే అహలె హదీస్ హింద్, మర్కజీ జమియతే అహలె హదీస్ హింద్. ఈ యొక్క జమియత్ లో మనమంతా భాగస్వాములవుదాం, ఇన్షా అల్లాహ్ త’ఆలా భారతదేశంలో పనిచేద్దాం. అల్లాహ్ ఈ జమియత్ తో కలిసి పనిచేసే భాగ్యాన్ని మనందరికీ ప్రసాదించుగాక. ఆమీన్ యా రబ్బల్ ఆలమీన్.

—

యూట్యూబ్ ప్లే లిస్ట్ – షరీఫ్ మదనీ (హఫిజహుల్లాహ్)
https://www.youtube.com/playlist?list=PLw5IiDSnUeV0AKZXyDn6KYNFu5ok4ZFtb

క్రింది వీడియో కూడా తప్పకుండా వినండి:
మన్’హజె సలఫ్ యొక్క ప్రాధాన్యత, అఖీదా (విశ్వాసం) మరియు ఆచరణలో [వీడియో]