Allah Names – TeluguIslam.net

అల్లాహ్ శుభ నామాలైన: అర్ – రహ్మాన్ & అర్ – రహీం యొక్క వివరణ – నసీరుద్దీన్ జామిఈ [వీడియో, టెక్స్ట్]

teluguislam.net చేజనవరి 25, 2023సెప్టెంబర్ 6, 2025

అల్లాహ్ శుభ నామాలైన: అర్ – రహ్మాన్ & అర్ – రహీం యొక్క వివరణ – నసీరుద్దీన్ జామిఈ [వీడియో]
https://youtu.be/TroaV88YDwc [27 నిముషాలు]

సారాంశం

ఈ ప్రసంగంలో అల్లాహ్ యొక్క శుభ నామాలైన ‘అర్-రహ్మాన్’ (అనంత కరుణామయుడు) మరియు ‘అర్-రహీమ్’ (అపార కృపాశీలుడు) యొక్క లోతైన అర్థాలు మరియు ప్రాముఖ్యత వివరించబడింది. ‘అర్-రహ్మాన్’ అనేది అల్లాహ్ యొక్క విశాలమైన, అంతం లేని మరియు లెక్కింపశక్యం కాని కారుణ్యాన్ని సూచిస్తుంది, ఇది ఈ లోకంలో విశ్వాసులు మరియు అవిశ్వాసులు అందరిపై వర్షిస్తుంది. ‘అర్-రహీమ్’ అనేది ప్రత్యేకంగా ప్రళయదినాన కేవలం విశ్వాసులపై నిరంతరంగా కురిసే కారుణ్యాన్ని సూచిస్తుంది. ‘అర్-రహ్మాన్’ అనే పేరు అల్లాహ్‌కు మాత్రమే ప్రత్యేకం అని, ఇతరులకు ఆ పేరు పెట్టరాదని స్పష్టం చేయబడింది. అల్లాహ్ కారుణ్యం 70 మంది తల్లుల ప్రేమ కంటే ఎక్కువ అనే ప్రచారంలో ఉన్న మాట సరైనది కాదని, దానికి బదులుగా అల్లాహ్ తన కారుణ్యాన్ని వంద భాగాలుగా చేసి, అందులో ఒక్క భాగాన్ని మాత్రమే ఈ లోకానికి పంపాడని, మిగిలిన 99 భాగాలను తన వద్దే ఉంచుకున్నాడని తెలిపే సహీ హదీస్ వివరించబడింది. అల్లాహ్ యొక్క ఈ కారుణ్యాన్ని పొందాలంటే విశ్వాసం, దైవభీతి, నమాజ్, జకాత్ మరియు ఖురాన్ పఠనం వంటి సత్కార్యాలు చేయాలని, అలాగే తోటి సృష్టి పట్ల కరుణ చూపాలని ప్రసంగం ఉద్బోధిస్తుంది.

పూర్తి ప్రసంగం

అల్హమ్దులిల్లాహి రబ్బిల్ ఆలమీన్, వస్సలాతు వస్సలాము అలా సయ్యిదిల్ ముర్సలీన్, నబియ్యినా ముహమ్మద్ వ అలా ఆలిహి వసహ్ బిహి అజ్మయీన్, అమ్మా బాద్.
( الْحَمْدُ لِلَّهِ رَبِّ الْعَالَمِينَ، وَالصَّلَاةُ وَالسَّلَامُ عَلَى سَيِّدِ الْمُرْسَلِينَ، نَبِيِّنَا مُحَمَّدٍ وَعَلَى آلِهِ وَصَحْبِهِ أَجْمَعِينَ، أَمَّا بَعْدُ)
(సర్వలోకాల ప్రభువైన అల్లాహ్‌కే సర్వ స్తోత్రాలు. ప్రవక్తల నాయకుడైన మా ప్రవక్త ముహమ్మద్ (సల్లల్లాహు అలైహి వసల్లం) పై, ఆయన కుటుంబంపై మరియు ఆయన అనుచరులందరిపై శాంతి మరియు శుభాలు కలుగుగాక.)

ప్రియ వీక్షకుల్లారా, సోదర సోదరీమణులారా, అల్లాహ్ యొక్క శుభ నామాలైన అర్-రహ్మాన్ (الرَّحْمَٰنِ), అర్-రహీమ్ (الرَّحِيمِ) వీటి గురించి ఈరోజు మనం తెలుసుకోబోతున్నాము. అయితే, అల్లాహు తాలా ఖురాన్ ఆరంభంలోనే బిస్మిల్లాహ్ (بِسْمِ اللَّهِ) తర్వాత వెంటనే అర్-రహ్మానిర్-రహీమ్ (الرَّحْمَٰنِ الرَّحِيمِ) ఈ రెండు నామాలను ప్రస్తావించాడు.

అర్-రహ్మాన్, ఈ పేరు అలాగే అర్-రహీమ్, ఈ పేరు. ఈ రెండు కూడా ఖురాన్‌లో అనేక సందర్భాలలో వచ్చాయి. అయితే ఇన్షాఅల్లాహ్, నేను ప్రయత్నం చేస్తాను, ఒక 15 నుండి 20 నిమిషాల లోపుగా ఈ రెండు నామాల గురించి కనీసం ఐదు విషయాలు మనం తెలుసుకునే ప్రయత్నం చేద్దాం.

మొదటి విషయం దీని యొక్క భావం. అర్-రహ్మాన్ అని అంటే, ఇందులో అంతం కాని, విశాలమైన, లెక్కలేనంత కరుణా కటాక్షాలు గలవాడు అల్లాహ్ అన్నటువంటి భావం అర్-రహ్మాన్ అనే పదానికి వస్తుంది. ఇక అర్-రహీమ్, ఇందులో కూడా కారుణ్యం అన్న భావం ఉంది. ఎందుకంటే రెండు పేర్లు కూడా రా, హా, మీమ్ (ر، ح، م) ద్వారానే వచ్చాయి. అయితే, అర్-రహీమ్ అన్న ఈ పదములో, ఈ పేరులో అల్లాహ్ యొక్క కారుణ్యం దాసులపై, తన యొక్క సృష్టి రాశులపై కురుస్తూనే ఉంటుంది, కంటిన్యూయేషన్, ఈ భావం ఉంది. అర్థమైంది కదా? అర్-రహ్మాన్, అల్లాహ్ యొక్క విశాలమైన, అంతం కాని, మనం లెక్కకట్టనటువంటి కరుణా కటాక్షాలు. ఆ కరుణా కటాక్షాలు గలవాడు. అర్-రహీమ్ అంటే ఆ కరుణ తన దాసులపై, తన సృష్టి రాశులపై యెడతెగకుండా కురిపిస్తూ ఉండేవాడు.

ఇవి రెండూ కూడా అల్లాహ్ యొక్క పేర్లు అని మనం నమ్మాలి. ఇది మన అఖీదా, మన విశ్వాసం. ఈ రోజుల్లో, రహ్మాన్ అంటే, ఆహా ఏ.ఆర్. రెహమాన్, సింగర్, ఇలా రహ్మాన్ అన్న పేరు వింటేనే అల్లాహ్ యొక్క కరుణా కటాక్షాల గురించి గుర్తు రాకుండా, ఇహలోకంలో ఇలాంటి పేరు పెట్టుకొని ప్రఖ్యాతి చెందిన కొందరు మనకు గుర్తు రావడం ఇది వాస్తవానికి అల్లాహ్ పట్ల మన యొక్క అజ్ఞానం. అల్లాహ్ కారుణ్యాల పట్ల మనం సరిగ్గా తెలుసుకోలేకపోయాము అన్నటువంటి భావం.

సోదర మహాశయులారా, ఇందులోనే మరొక విషయం మనం తెలుసుకోవాల్సింది చాలా ముఖ్యమైనది ఏమిటంటే, రహ్మాన్ ఇది కూడా అల్లాహ్ అన్న అసలైన నామం ఏదైతే ఉందో దాని తర్వాత స్థానంలో వస్తుంది. వేరే ఇంకా ఎన్నో లెక్కలేనన్ని ఇతర పేర్ల కంటే ఎక్కువ ప్రాముఖ్యత గలది. అందుకొరకే ధర్మవేత్తలు ఏమంటారు? అల్లాహ్ తప్ప ఎవరి పేరు కూడా రహ్మాన్ అని పెట్టరాదు. అబ్దుర్రహ్మాన్ అని పెట్టవచ్చు, అలాగే పిలవాలి కూడా. కేవలం రహ్మాన్ అని పిలవరాదు. తప్పు ఇలా పిలవడం. కేవలం రహీమ్ అనవచ్చు, రవూఫ్ అనవచ్చు, కరీమ్ అనవచ్చు, అబ్ద్ లేకుండా. కానీ రహ్మాన్ అన్న పదం వేరే, అంటే అల్లాహ్ తప్ప వేరే ఎవరికైనా ‘అబ్ద్’ అన్నది లేకుండా కేవలం రహ్మాన్ అని పెట్టడం, పిలవడం ఇది తప్పు. ఈ విషయాన్ని మనం తెలుసుకోవాలి.

అల్లాహ్ సూర బనీ ఇస్రాయీల్‌లోని సుమారు చివర్లో ఏమన్నాడు? “ఖులిద్వుల్లాహ అవిద్వుర్-రహ్మాన్”( قُلِ ادْعُوا اللَّهَ أَوِ ادْعُوا الرَّحْمَٰنَ). మీరు అల్లాహ్ అని పిలవండి, దుఆ చేయండి, రహ్మాన్ అని దుఆ చేయండి, ఎలా చేసినా పర్లేదు.

రహ్మాన్ విషయంలో మనం దాని అర్థం, దాని భావం తెలుసుకున్నాము కదా. సంక్షిప్తంగా ఆ భావంలో మనకు తెలిసిన విషయం ఏంటి? అల్లాహ్ లెక్కలేనన్ని, ఎంతో విశాలమైన, అతి గొప్ప, అంతం కాని కరుణా కటాక్షాలు గలవాడు. తన సృష్టి రాశులపై తన కరుణా కటాక్షాలు కురిపిస్తూనే ఉంటాడు.

ఇక్కడే ఒక పొరపాటును దూరం చేసుకోవాలి. తప్పుడు భావాన్ని మనం దాని రూపుమాపేసేయాలి. సర్వసామాన్యంగా మనలో ఒక మాట ప్రబలి ఉన్నది. అల్లాహ్ 70 తల్లుల కంటే ఎక్కువగా ప్రేమిస్తాడు అని. చాలా ప్రబలి ఉంది కదా ఈ మాట? ఇది తప్పు. దీనికి సంబంధించి ఏ సహీ హదీస్ లేదు. మనం 70 అని అక్కడ చెబుతుంటే, ఒకవేళ చాలా ఎక్కువగా అని భావం తీసుకుంటే అది వేరే విషయం కావచ్చు కానీ, సర్వసామాన్యంగా ఇది తెలియని వారు ఏమనుకుంటారు? ఎందుకంటే ఇక్కడ దలీల్ కూడా లేదు. మళ్లీ మన ఈ మాట మన సమాజంలో ప్రబలి ఉంది. అందుకొరకు దీనిని తగ్గించే ప్రయత్నం చేయాలి. అల్లాహు తాలా 70 ఏ కాదు, లెక్కలేనన్ని కరుణా కటాక్షాలు గలవాడు. ఎలా?

దీనికి సంబంధించి నేను రెండు హదీసులు మీకు వినిపిస్తున్నాను. కొంచెం శ్రద్ధ వహించండి. ఇన్షాఅల్లాహ్ దీని ద్వారా విషయం మరింత స్పష్టంగా మీకు తెలిసి వస్తుంది. మొదటి హదీస్ సహీ బుఖారీలో వచ్చినది. ప్రవక్త మహనీయ ముహమ్మద్ (సల్లల్లాహు అలైహి వసల్లం) తెలిపారు, جَعَلَ اللَّهُ الرَّحْمَةَ مِائَةَ جُزْءٍ (జ’అలల్లాహు అర్-రహ్మత మి’అత జుజ్’ఇన్) అల్లాహు తాలా తన కారుణ్యాన్ని, రహ్మత్‌ని 100 భాగాలు చేశాడు. ఎన్ని భాగాలండీ? 100 భాగాలు చేశాడు. తన వద్ద 99 భాగాలను ఆపుకున్నాడు, ఉంచుకున్నాడు. కేవలం ఒక్క భాగం మాత్రమే ఈ లోకంలో పంపాడు. ఆ ఒక్క భాగంలోనే మానవులకు, పశువులకు, ఇతర సృష్టి రాశులకు అందరికీ లభించినది. అందరికీ ఆ ఒక్క భాగంలో నుండే లభించినది. సర్వ సృష్టి పరస్పరం ఏ కారుణ్యం చూపుతుందో, అల్లాహ్ పంపిన 100 భాగాల్లో నుండి ఒక భాగంలోనిదే. చివరికి ఏదైనా పక్షి గాని, హదీస్‌లో వచ్చి ఉంది గుర్రం గురించి, ఒక గుర్రం తన యొక్క కాలు ఏదైనా అవసరానికి లేపినప్పుడు, తన దగ్గర పాలు త్రాగుతున్నటువంటి గుర్రం పిల్లకు తాకి ఏదైనా బాధ కలగకూడదు అని కూడా శ్రద్ధ వహిస్తుంది. అలాంటి ఆ కారుణ్యం ఆ గుర్రంలో కూడా ఉంది అంటే అల్లాహ్ పంపిన ఆ ఒక్క భాగంలోని ఒక చిన్న భాగమే. (సహీ బుఖారీ, హదీస్ నంబర్ 6000). (మహా ప్రవక్త మహితోక్తులు 1750)

ఇక రెండవ హదీస్, ఉమర్ ఇబ్న్ ఖత్తాబ్ (రదియల్లాహు అన్హు) ఉల్లేఖించారు. ప్రవక్త (సల్లల్లాహు అలైహి వసల్లం) ఉండగానే ఒక బానిస, తన పాలు త్రాగే పిల్లవాడిని తప్పిపోయింది. ఎంతసేపయిందో పాపం, తన ఆ చంటి పాపకు పాలు త్రాగించకుండా ఆమె స్థనాలు పాలతో నిండిపోయి, అటు ఒక బాధగా ఉంది మరియు పాప తప్పిపోయినందుకు ఓ బాధ. ఈ మధ్యలో ఏ చిన్న పాపను చూసినా తీసుకుని పాలు త్రాపిస్తుంది. ఈ సంఘటనను గమనించిన ప్రవక్త (సల్లల్లాహు అలైహి వసల్లం) వారు సహాబాలతో ప్రశ్నించారు. ఏమిటి మీ ఆలోచన? ఈ తల్లి తన ఆ పిల్లను, ఆ బిడ్డను అగ్నిలో వేస్తుందా? ఉమర్ (రదియల్లాహు అన్హు) అంటున్నారు, మేమందరం అన్నాము, “లా” (లేదు). ఆమె ఏ కొంచెం శక్తి అయినా సంపాదించి పడకుండా జాగ్రత్త పడుతుంది కానీ, ఎలా వేయగలదు? అప్పుడు ప్రవక్త (సల్లల్లాహు అలైహి వసల్లం) చెప్పారు, لَلَّهُ أَرْحَمُ بِعِبَادِهِ مِنْ هَذِهِ بِوَلَدِهَا (అల్లాహు అర్హము బి’ఇబాదిహీ మిన్ హాజిహీ బి’వలదిహా) “అల్లాహ్ తన దాసుల పట్ల ఈమెకు తన బిడ్డపై ఉన్న కారుణ్యం కంటే ఎన్నో రెట్లు ఎక్కువగా కరుణ గలవాడు.”

అయితే అర్థమైంది కదా విషయం. రహ్మాన్, రహీమ్ యొక్క భావాలు ఏంటో అది తెలిసింది. అల్లాహ్ యొక్క పేర్లు అని మనం నమ్మాలి, విశ్వసించాలి అని తెలిసింది. ఈ పేర్లలో ఉన్నటువంటి అల్లాహ్ యొక్క గొప్ప గుణం కారుణ్యం, కరుణా కటాక్షాలు ఇవి తెలిసాయి. వీటిని మనం అలాగే నమ్మాలి, వేరే ఎవరితో పోల్చకూడదు, ఇందులో ఎలాంటి షిర్క్ చేయకూడదు. రహ్మాన్ అల్లాహ్ యొక్క ప్రత్యేక పేరు అని కూడా తెలిసింది, ఎవరూ కూడా దాని యొక్క అలాంటి పేరు పెట్టకూడదు. ఎవరైనా పెట్టదలచుకుంటే అబ్దుర్రహ్మాన్ అని పెట్టాలి కానీ, కేవలం రహ్మాన్ అని పెట్టరాదు. ఇక సమాజంలో ఉన్న ఒక పొరపాటు కూడా దూరమైపోయింది.

ఇక రండి సోదర మహాశయులారా, అల్లాహ్ యొక్క కరుణా కటాక్షం ఎంత గొప్పదంటే, ఈ లోకంలో అల్లాహు తాలా ఆయన్ని విశ్వసించిన వారినే కాదు, తిరస్కరించి తలబిరుసుతనం వహించి తన ప్రవక్తలను, పుణ్యాత్ములను సైతం శిక్షలకు గురి చేసే వారిని కూడా కరుణిస్తున్నాడు, వారిపై కూడా తన కరుణా కటాక్షాలు కురిపిస్తున్నాడు. అయితే, అల్లాహ్ యొక్క కరుణా కటాక్షాలు ఈ లోకంలో పుణ్యాత్ములతో పాటు పాపాత్ములకు కూడా దొరుకుతాయి. కానీ పరలోకాన, పరలోకాన కేవలం విశ్వాసులు మాత్రమే అల్లాహ్ యొక్క కరుణా కటాక్షాలకు అర్హులవుతారు. అక్కడ అవిశ్వాసులు, అల్లాహ్‌ను ధిక్కరించిన వారు పరలోక దినాన అల్లాహ్ యొక్క కరుణా కటాక్షాలను పొందలేరు. “వ కాన బిల్ ముఅమినీన రహీమా” (وَكَانَ بِالْمُؤْمِنِينَ رَحِيمًا) (ఆయన విశ్వాసుల పట్ల అపార కరుణాశీలుడు).

అర్-రహ్మాన్ అన్న పేరుతో ఖురాన్‌లో అల్లాహ్ అర్ష్ (సింహాసనం) పై ఉన్నాడు అన్న విషయానికి అర్-రహ్మాన్ అన్న పదంతో అల్లాహ్ రబ్బుల్ ఆలమీన్ ప్రస్తావించాడు. “అర్-రహ్మాను అలల్-అర్షిస్తవా” (الرَّحْمَٰنُ عَلَى الْعَرْشِ اسْتَوَىٰ) (అనంత కరుణామయుడు సింహాసనంపై ఆసీనుడయ్యాడు).

ఈ రెండు పేర్ల యొక్క భావం మనకు తెలిసినప్పుడు, ఇక ఆ రెండు పేర్ల ప్రభావం మన జీవితాలపై ఎలా పడాలంటే, మనం ఎల్లవేళల్లో అల్లాహ్ యొక్క కరుణా కటాక్షాలు ఇహలోకంలో పొందడంతో పాటు, శాశ్వత జీవితమైన ఆ పరలోకంలో పొందడానికి ఈ లోకంలోనే ప్రయత్నం చేయాలి. ఈ లోకంలో ప్రయత్నం చేయకుంటే, ఇక్కడ ఏదో అతని కరుణా కటాక్షాలు పొందుతాము, కానీ పరలోక దినాన పొందకుండా ఏ నష్టమైతే అక్కడ మనకు వాటిల్లుతుందో దాని నుండి తప్పించుకోవడానికి ఏ మార్గం ఉండదు.

అల్లాహ్ యొక్క కరుణా కటాక్షాలు ఇహలోకంతో పాటు పరలోకంలో కూడా మనం పొందాలంటే, విశ్వాస మార్గాన్ని అవలంబించాలి. మనం ధర్మంపై స్థిరంగా ఉండాలి. అల్లాహ్ ప్రతి ఆదేశాన్ని పాటించాలి, ప్రవక్త (సల్లల్లాహు అలైహి వసల్లం)ని అనుసరించాలి, ఐదు పూటల నమాజులు చేయాలి, జకాతు ఇవ్వాలి, ఖురాన్ పట్ల ప్రత్యేక శ్రద్ధ కలిగి చదువుతూ, వింటూ ఉండాలి. సంక్షిప్తంగా ఒక్క మాటలో చెప్పాలంటే, అల్లాహ్‌కు ఇష్టమైన రీతిలో, ప్రవక్త విధానంలో మన జీవితం గడవాలి, ఇస్లాంకు వ్యతిరేకంగా ఏ మాత్రం మనం నడవకూడదు. అప్పుడే ఇహలోకంలోతో పాటు పరలోకంలో కూడా మనం శాశ్వతమైన అల్లాహ్ యొక్క కరుణా కటాక్షాలు పొందగలుగుతాము. దీనికి సంబంధించి రండి, సంక్షిప్తంగా నేను కొన్ని ఆయతుల రిఫరెన్స్ మీకు ఇస్తాను. మీరు ఆ రిఫరెన్స్‌లను శ్రద్ధగా ఒకవేళ నోట్ చేసుకున్నారంటే కేవలం, వివరంతో కూడి దాని యొక్క వ్యాఖ్యానం మీరు ఇన్షాఅల్లాహ్ అల్లాహ్ దయతో చదువుకోగలరు. ఉదాహరణకు చూడండి:

సూరహ్ ఆలి-ఇమ్రాన్ (3), ఆయత్ 132.
సూరతుల్ అన్ఆమ్ (6), ఆయత్ 155.
సూరహ్ అల్-ఆరాఫ్ (7), ఆయత్ 63 (దైవభీతి గురించి).
సూరహ్ అల్-ఆరాఫ్ (7), ఆయత్ 204 (ఖురాన్ విషయంలో).
సూరతున్నూర్ (24), ఆయత్ 56 (నమాజ్, జకాత్, విధేయత).
సూరహ్ నమ్ల్ (27), ఆయత్ 46 (క్షమాపణ కోరడం).

ఇక, పరస్పరం సోదర భావం కలిగి ఉండడం, ఎవరి పట్ల ద్వేషం లేకుండా ఉండడం, ఎవరితో కూడా మనం మాట వదులుకోకుండా, ఎప్పుడైనా ఎవరితోనైనా ఏదైనా పొరపాటు జరిగితే, తప్పుడు భావాలు జరిగితే, మాటలో ఏదైనా అర్థం కాకుండా పరస్పరం సంబంధాల్లో తెగతెంపులు, దూరం ఏర్పడితే, “ఫ అస్లిహూ” (فَأَصْلِحُوا) (సంధి చేయండి) సులహ్, సంధి, దగ్గర కావడం, కలుపుగోలుతనంతో మెలగడం, ఇలా చేయడం ద్వారా కూడా మీరు అల్లాహ్ కారుణ్యాన్ని పొందుతారని సూరతుల్ హుజురాత్ (49), ఆయత్ 10లో అల్లాహ్ రబ్బుల్ ఆలమీన్ తెలిపాడు.

ఇక్కడ మీరు గమనించండి, కొన్ని రిఫరెన్సులు మాత్రమే నేను రాయించాను కదా మీకు, ఇందులో అఖీదా వస్తుంది, ఇబాదాత్‌లు వచ్చేస్తాయి, ఆరాధనలు. ఇందులో క్యారెక్టర్, అఖ్లాక్ కూడా వచ్చేస్తుంది. భార్యాభర్తల సంబంధం విషయంలో కూడా అల్లాహ్ కారుణ్యాన్ని ఎలా పొందాలి? సూరత్ రూమ్‌లో చదవండి, 31వ ఆయత్ నంబర్. అల్లాహు అక్బర్. సోదర మహాశయులారా, పిల్లల పట్ల మనం అల్లాహ్‌కు ఇష్టమైన రీతిలో ప్రేమ కలిగి ఉండి, (ఇక్కడ నేను ఒక పదం పెంచాను గుర్తుందా? అల్లాహ్‌కు ఇష్టమైన రీతిలో) సర్వసామాన్యంగా ప్రతి తల్లిదండ్రికి సంతానం పట్ల ప్రేమ ఉంటుంది, ఇది స్వాభావికమైనది. కానీ మనం అల్లాహ్‌కు ఇష్టమైన రీతిలో వారిని ప్రేమించడం అంటే, వారు ఇహలోకంలో మనకు కేవలం సంతానం అనే కాదు, వారు రేపటి రోజు నరకంలో పోకుండా ఉండడానికి అల్లాహ్‌కు ఇష్టమైన రీతిలో వారిని శిక్షణ ఇవ్వడం, ఇది అసలైన ప్రేమ.

ఇక రండి, ఈ రహ్మాన్, రహీమ్ యొక్క వివరణలో మరో కోణంలో మరికొన్ని విషయాలు తెలుసుకొని సమాప్తం చేద్దాం. అదేమిటి? అల్లాహు తాలా ఎవరికైనా ఏదైనా కరుణ నొసంగాడంటే, ఎవరూ కూడా ఆపలేరు అని అల్లాహు తాలా చాలా స్పష్టంగా తెలిపాడు. మరియు అల్లాహ్ తన కారుణ్యాన్ని ఎవరి నుండైనా ఆపాడంటే, అల్లాహ్‌కు విరుద్ధంగా అతనికి కరుణ నొసంగేవాడు ఎవడూ లేడు.

ఇక్కడ మన విశ్వాసాన్ని ఈ ఖురాన్ యొక్క ఆయత్ ద్వారా మనం సరిచేసుకోవాలి. ముస్లింలలో కూడా ఎందరో తప్పుడు విశ్వాసాలు, అంధవిశ్వాసాలు, మూఢనమ్మకాలు కలిగి ఉన్నారు. సర్వసామాన్యంగా మూసా (అలైహిస్సలాం) గురించి ఒక తప్పుడు కథను కొందరు ప్రసంగీకులు ప్రజల ముందు చెబుతూ ఉంటారు. ఇది వారు ఏమనుకుంటారు? అల్లాహ్ యొక్క వలీల షాన్ (గొప్పతనం) చెబుతున్నాము అని. కానీ నవూజుబిల్లాహ్ అస్తగ్ఫిరుల్లాహ్, అల్లాహ్‌కు వ్యతిరేకంగా, ప్రవక్తలకు వ్యతిరేకంగా ఎలాంటి కథలు కట్టి, అల్లి ప్రజల ముందు ప్రజలకు తెలియజేసి విశ్వాసాలను పాడు చేస్తున్నారో వారు అర్థం చేసుకోరు.. వృద్ధాప్యానికి దగ్గరైన ఒక స్త్రీ వచ్చి ఇన్ని సంవత్సరాలు అయిపోయింది నాకు పెళ్లి అయి కానీ సంతానం లేదు, మీరు ప్రవక్త కదా నాకు దుఆ చేయండి అల్లాహ్ సంతానం ఇవ్వాలని. మూసా (అలైహిస్సలాం) దుఆ చేస్తే అల్లాహు తాలా చెప్పాడంట, మూసా ఆమె అదృష్టంలో నేను సంతానం రాయలేదు అని. ఆమె చాలా బాధతో అటు పోతూ ఉంటే, ఒక అల్లాహ్ యొక్క వలీ కలిశాడంట. నవూజుబిల్లాహ్, ఇది అబద్ధం, కానీ ప్రజలు చెబుతారు, “ఓ సుబ్హానల్లాహ్, మాషాఅల్లాహ్, అల్లాహ్ కే వలీ కి క్యా షాన్ హై” అనుకుంటూ తలలు ఊపుతారు అజ్ఞానులు. అల్లాహు అక్బర్, అస్తగ్ఫిరుల్లాహ్. ఏమైంది? బాధతో ఆ స్త్రీ వెళ్తూ ఉంటే అటు ఒక వలియుల్లా కలిశాడంట. “ఏంటమ్మా చాలా బాధగా వెళ్తున్నావ్, ఏమైంది నీకు?” అని అడిగితే, సంతానం లేదు, సంవత్సరాలు అయిపోయింది పెళ్లి అయి. ప్రవక్త మూసా (అలైహిస్సలాం) వద్దకు వెళ్తే ఇక నాకు సంతానమే లేదు అని తెలిసింది, అందుకే బాధగా ఉన్నాను. “అట్లా ఎట్లా జరుగుద్ది, నేను నీకు సంతానం ఇప్పించి ఉంటాను” అని తన కట్టెతో ఇలా భూమి మీద కొట్టాడంట, తర్వాత అల్లాహ్‌తో వాదించాడంట. ఆ తర్వాత ఆమెకు సంతానం కలుగుతుంది అని శుభవార్త వచ్చిందంట. అస్తగ్ఫిరుల్లాహ్, అస్తగ్ఫిరుల్లాహ్. చదవండి సూరహ్ ఫాతిర్ (35), ఆయత్ 2 మరియు సూరత్ అజ్-జుమర్ (39), ఆయత్ 38. ఇలాంటి తప్పుడు భావాలన్నీ కూడా దూరం కావాలి.

అయితే, ఈ లోకంలో మనం పుట్టడం, ఇది స్వయం అల్లాహ్ యొక్క కారుణ్యం. మనకు తల్లిదండ్రుల ద్వారా అల్లాహ్ రబ్బుల్ ఆలమీన్ ఏదైతే పోషణ మార్గాలు వారికి నొసంగాడో, ఇది కూడా అల్లాహ్ యొక్క కారుణ్యం. ఈ లోకంలో మనకు సంతానం కలగడం, భార్యలు కలగడం, స్త్రీలకు భర్తలు లభించడం, ఇంకా ఎన్నో రకాల అనుగ్రహాలు, ఉపాధి అవకాశాలు, ఇవన్నీ కూడా అల్లాహ్ యొక్క కారుణ్యం. కానీ, అసలైన కారుణ్యాలను మరచిపోకండి. అవేంటి? విశ్వాసులకు లభించేటువంటి విశ్వాస భాగ్యం, పుణ్యకార్యాలు చేసేటువంటి భాగ్యం. అయితే సోదర మహాశయులారా, ఈ సందర్భంలో మనం గుర్తించాల్సిన ముఖ్య విషయం ఏంటంటే, ఇహలోకపు సామాగ్రిలో, ప్రపంచపు యొక్క వసతులలో మనకు ఏది లభించినా, విశ్వాసం లభించలేదు, పుణ్యకార్యాల భాగ్యం లభించలేదు అంటే మనకంటే దురదృష్టవంతుడు మరెవడూ ఉండడు. ఇహలోక సామాగ్రిలో ఏదైనా కొరత జరిగి, సంతానం చనిపోవడం గానీ, ఏదైనా వ్యాపారంలో నష్టం జరగడం గానీ, వ్యవసాయంలో మునగడం గానీ, ఇంకా ఏది జరిగినా విశ్వాసం బలంగా ఉంది, అల్లాహ్ ఇష్ట ప్రకారంగా మన జీవితం గడుస్తుంది అంటే, ఓపిక సహనాలతో ఇది అల్లాహ్ యొక్క గొప్ప కారుణ్యం మనపై ఉన్నట్లు. దీనికి చిన్న ఉదాహరణ ఇచ్చే ముందు, ప్రజలలో ప్రబలి ఉన్నటువంటి ఒక తప్పుడు ఆలోచన ఏమిటంటే, ఎవరైనా అనారోగ్యంగా ఉంటే, ఎవరైనా వ్యాపారంలో నష్టంలో ఉంటే, ఎవరికైనా ఏదైనా ఇహలోకపు కష్టం, బాధ, ఏదైనా నష్టం జరిగితే ఎంతటి దుర్మార్గుడో, ఎంతటి దురదృష్టవంతుడో, అందుకొరకే అల్లాహ్ వాన్ని ఇలా పరీక్షిస్తున్నాడు అని అనుకుంటాము. ఒకవేళ అతడు విశ్వాసంలో మంచిగా ఉన్నా, నమాజులు మంచిగా చదువుతూ ఉన్నా, అతడు అల్లాహ్ యొక్క భయభీతి కలిగి ఉన్నా, ఇహలోక సామాగ్రి తగ్గింది గనుక మనం అతన్ని కించపరుస్తాము, అవహేళన చేస్తాము. సోదరులారా, ఇది చాలా తప్పు విషయం.

ప్రవక్త మహనీయ ముహమ్మద్ (సల్లల్లాహు అలైహి వసల్లం) యొక్క నెలలు గడిచేవి ఇంట్లో పొయ్యి కాలేది కాదు. ప్రవక్త (సల్లల్లాహు అలైహి వసల్లం) జీవించి ఉండగానే తమ ఏడుగురి సంతానంలో ఆరుగురు చనిపోతారు, కేవలం ఒక్కరే మిగిలి ఉంటారు. ప్రవక్త (సల్లల్లాహు అలైహి వసల్లం) మరణానికి కంటే ముందే ఇద్దరు భార్యలు చనిపోతారు. ఇక చాలా దగ్గరి బంధుమిత్రుల్లో ఎంతోమంది చనిపోతారు. నవూజుబిల్లాహ్, అస్తగ్ఫిరుల్లాహ్, ప్రవక్తకు అల్లాహ్ కారుణ్యం లభించలేదా? కాదు. అల్లాహ్ ప్రవక్తనే సర్వలోకాలకు కారుణ్యంగా పంపాడు. “వమా అర్సల్నాక ఇల్లా రహ్మతల్ లిల్ ఆలమీన్” ( وَمَا أَرْسَلْنَاكَ إِلَّا رَحْمَةً لِّلْعَالَمِينَ). (నిన్ను మేము సర్వ లోకాలకు కారుణ్యంగా తప్ప పంపలేదు). అందుకొరకే అల్లాహ్ యొక్క రహ్మాన్, రహీమ్ యొక్క పేర్లు, ఈ భావం గల నామాలు ఎక్కడెక్కడ మనం విన్నా గానీ ఖురాన్‌లో, హదీస్‌లో, మన విశ్వాసం సరిగ్గా ఉండాలి, పరస్పరం మనం ఒకరి పట్ల ఒకరు కరుణించుకునేటువంటి గుణం కలిగి ఉండాలి.

చివరిలో నేను ఈ హదీస్, ఖురాన్ యొక్క ఆయత్‌తో నా ప్రసంగాన్ని ముగిస్తున్నాను. “ముహమ్మదుర్-రసూలుల్లాహ్, వల్లజీన మఅహూ అషిద్దావు అలల్-కుఫ్ఫారి రుహమావు బైనహుమ్” (مُحَمَّدٌ رَسُولُ اللَّهِ ۚ وَالَّذِينَ مَعَهُ أَشِدَّاءُ عَلَى الْكُفَّارِ رُحَمَاءُ بَيْنَهُمْ). (ముహమ్మద్ అల్లాహ్ యొక్క ప్రవక్త. ఆయనతో ఉన్నవారు అవిశ్వాసుల పట్ల కఠినంగా, తమలో తాము కరుణామయులుగా ఉంటారు). రుహమావు బైనహుమ్ (رُحَمَاءُ بَيْنَهُمْ). విశ్వాసులు పరస్పరం ఒకరికి ఒకరు కరుణించుకునేవారు. ఈ గుణం కలిగి ఉండడం తప్పనిసరి.

ఇక ప్రవక్త (సల్లల్లాహు అలైహి వసల్లం) వారి యొక్క హదీస్: “అర్రాహిమూన యర్హముహుముర్-రహ్మాన్, ఇర్హమూ మన్ ఫిల్-అర్ది యర్హమ్కుమ్ మన్ ఫిస్-సమా” (الرَّاحِمُونَ يَرْحَمُهُمُ الرَّحْمَٰنُ، ارْحَمُوا مَنْ فِي الْأَرْضِ يَرْحَمْكُمْ مَنْ فِي السَّمَاءِ). (కరుణించే వారిని కరుణామయుడైన అల్లాహ్ కరుణిస్తాడు. మీరు భూమిపై ఉన్నవారిని కరుణించండి, ఆకాశంలో ఉన్నవాడు (అల్లాహ్) మిమ్మల్ని కరుణిస్తాడు).

అల్లాహు తాలా మనందరికీ కూడా అల్లాహ్ యొక్క ఈ రెండు పేర్లను మంచి రీతిలో అర్థం చేసుకుని దాని ప్రకారంగా మన విశ్వాసాన్ని కలిగి ఉండే భాగ్యం ప్రసాదించుగాక. ఆమీన్.

వ ఆఖిరు దావానా అనిల్హమ్దులిల్లాహి రబ్బిల్ ఆలమీన్. వస్సలాము అలైకుమ్ వరహ్మతుల్లాహి వబరకాతుహ్.

ఇతర ముఖ్యమైన లింకులు :

అల్లాహ్ (త’ఆలా): https://teluguislam.net/allah/
అల్లాహ్ శుభ నామాల వివరణ – యూట్యూబ్ ప్లే లిస్ట్
https://www.youtube.com/playlist?list=PLw5IiDSnUeV0tSV7A9HKJzSeM0aIAiYcb
మా యూట్యూబ్ ఛానల్ సబ్ స్క్రైబ్ చేసుకోండి ఇన్ షా అల్లాహ్:
http://www.youtube.com/user/teluguislam?sub_confirmation=1

దీన్ని షేర్ చెయ్యండి మీ బంధుమిత్రులతో , బారకల్లాహు ఫీకుమ్: “మంచికి మార్గనిర్దేశం చేసేవారికి దానిని ఆచరించిన వారితో సమానమైన పుణ్యం లభిస్తుంది” [సహీహ్ ముస్లిం, 3వ భాగం, నం .4665] ఈ క్రింది లింక్‌ దర్శించి మీ స్నేహితులు మరియు బంధువులు మా వాట్సాప్ గ్రూపులో చేరవచ్చు: teluguislam.net/whatsapp/. మా టెలిగ్రామ్ ఛానల్ https://t.me/teluguislam .మా యూట్యూబ్ ఛానల్: youtube.com/c/teluguislam . జిక్ర్ & దుఆల కోసం కొత్త వెబ్సైటు: telugudua.net

అల్లాహ్ శుభ నామము: “అల్ – బసీర్” (సర్వం చూసేవాడు) యొక్క వివరణ – నసీరుద్దీన్ జామిఈ [వీడియో]

teluguislam.net చేజనవరి 21, 2023జనవరి 21, 2023

అల్లాహ్ శుభ నామము: “అల్ – బసీర్” యొక్క వివరణ – నసీరుద్దీన్ జామిఈ [వీడియో]
https://youtu.be/tiiX0QbTzyk [35 నిముషాలు]

—
అల్లాహ్ (త’ఆలా):
https://teluguislam.net/allah/

అల్లాహ్ శుభ నామాల వివరణ – యూట్యూబ్ ప్లే లిస్ట్
https://www.youtube.com/playlist?list=PLw5IiDSnUeV0tSV7A9HKJzSeM0aIAiYcb

దీన్ని షేర్ చెయ్యండి మీ బంధుమిత్రులతో , బారకల్లాహు ఫీకుమ్: “మంచికి మార్గనిర్దేశం చేసేవారికి దానిని ఆచరించిన వారితో సమానమైన పుణ్యం లభిస్తుంది” [సహీహ్ ముస్లిం, 3వ భాగం, నం .4665] ఈ క్రింది లింక్‌ దర్శించి మీ స్నేహితులు మరియు బంధువులు మా వాట్సాప్ గ్రూపులో చేరవచ్చు: teluguislam.net/whatsapp/. మా టెలిగ్రామ్ ఛానల్ https://t.me/teluguislam .మా యూట్యూబ్ ఛానల్: youtube.com/c/teluguislam . జిక్ర్ & దుఆల కోసం కొత్త వెబ్సైటు: telugudua.net

అల్లాహ్ శుభనామములైన “అల్ అలీ”, ” అల్ ఆలా”, “అల్ ముతఆల్” వివరణ [వీడియో]

teluguislam.net చేఅక్టోబర్ 23, 2022

అల్లాహ్ శుభనామములైన “అల్ అలీ”, ” అల్ ఆలా”, “అల్ ముతఆల్” వివరణ [వీడియో]
వక్త: ముహమ్మద్ నసీరుద్దీన్ జామి’ఈ (హఫిజహుల్లాహ్)
https://youtu.be/M20b-5zgmZM [22 నిముషాలు]

అల్లాహ్ (త’ఆలా): https://teluguislam.net/allah/

దీన్ని షేర్ చెయ్యండి మీ బంధుమిత్రులతో , బారకల్లాహు ఫీకుమ్: “మంచికి మార్గనిర్దేశం చేసేవారికి దానిని ఆచరించిన వారితో సమానమైన పుణ్యం లభిస్తుంది” [సహీహ్ ముస్లిం, 3వ భాగం, నం .4665] ఈ క్రింది లింక్‌ దర్శించి మీ స్నేహితులు మరియు బంధువులు మా వాట్సాప్ గ్రూపులో చేరవచ్చు: teluguislam.net/whatsapp/. మా టెలిగ్రామ్ ఛానల్ https://t.me/teluguislam .మా యూట్యూబ్ ఛానల్: youtube.com/c/teluguislam . జిక్ర్ & దుఆల కోసం కొత్త వెబ్సైటు: telugudua.net

అర్రహ్మానిర్రహీమ్ – అర్థ భావాలు & తఫ్సిర్ (సూర ఫాతిహా 1:2) [వీడియో]

teluguislam.net చేఅక్టోబర్ 6, 2022

https://youtu.be/2B_bklWsHhY&rel=0

అర్రహ్మానిర్రహీమ్ – అర్థ భావాలు & తఫ్సిర్ (సూర ఫాతిహా 1:2) [వీడియో]
https://youtu.be/2B_bklWsHhY [11 నిముషాలు]
వక్త: ముహమ్మద్ నసీరుద్దీన్ జామి’ఈ (హఫిజహుల్లాహ్)

అల్లాహ్ (త’ఆలా):
https://teluguislam.net/allah/

దీన్ని షేర్ చెయ్యండి మీ బంధుమిత్రులతో , బారకల్లాహు ఫీకుమ్: “మంచికి మార్గనిర్దేశం చేసేవారికి దానిని ఆచరించిన వారితో సమానమైన పుణ్యం లభిస్తుంది” [సహీహ్ ముస్లిం, 3వ భాగం, నం .4665] ఈ క్రింది లింక్‌ దర్శించి మీ స్నేహితులు మరియు బంధువులు మా వాట్సాప్ గ్రూపులో చేరవచ్చు: teluguislam.net/whatsapp/. మా టెలిగ్రామ్ ఛానల్ https://t.me/teluguislam .మా యూట్యూబ్ ఛానల్: youtube.com/c/teluguislam . జిక్ర్ & దుఆల కోసం కొత్త వెబ్సైటు: telugudua.net

అల్లాహ్ శుభ నామమైన: “అల్ -ఫత్తాహ్” యొక్క వివరణ – Al Fattah (الْفَتَّاحُ) [వీడియో]

teluguislam.net చేఅక్టోబర్ 6, 2022

అల్లాహ్ శుభ నామమైన: “అల్ -ఫత్తాహ్” యొక్క వివరణ – Al Fattah (الْفَتَّاحُ) [వీడియో]
https://youtu.be/yjDaHleVXGU [14 నిముషాలు]
🎤: షేఖ్ ముహమ్మద్ నసీరుద్దీన్ జామిఈ

34:26 قُلْ يَجْمَعُ بَيْنَنَا رَبُّنَا ثُمَّ يَفْتَحُ بَيْنَنَا بِالْحَقِّ وَهُوَ الْفَتَّاحُ الْعَلِيمُ
“మన ప్రభువు మనందరినీ సమావేశపరచి ఆ తరువాత మన మధ్య సత్యబద్ధంగా తీర్పుచేస్తాడు. ఆయన తీర్పులు చేసేవాడు, సర్వం తెలిసినవాడు” అని చెప్పు.

35:2 مَّا يَفْتَحِ اللَّهُ لِلنَّاسِ مِن رَّحْمَةٍ فَلَا مُمْسِكَ لَهَا ۖ وَمَا يُمْسِكْ فَلَا مُرْسِلَ لَهُ مِن بَعْدِهِ ۚ وَهُوَ الْعَزِيزُ الْحَكِيمُ
అల్లాహ్‌ తన దాసుల కోసం తెరిచే కారుణ్యాన్ని నిలిపివేసే వాడెవడూ లేడు. మరి ఆయన దేన్నయినా నిలిపివేస్తే, ఆ తరువాత దాన్ని పంపేవాడు కూడా ఎవడూ లేడు. ఆయన సర్వాధిక్యుడు, వివేక సంపన్నుడు. (సూరా ఫాతిర్ 35:2)

6:44 فَلَمَّا نَسُوا مَا ذُكِّرُوا بِهِ فَتَحْنَا عَلَيْهِمْ أَبْوَابَ كُلِّ شَيْءٍ حَتَّىٰ إِذَا فَرِحُوا بِمَا أُوتُوا أَخَذْنَاهُم بَغْتَةً فَإِذَا هُم مُّبْلِسُونَ
తరువాత వారికి బోధించిన విషయాలను వారు విస్మరించినప్పుడు, మేము వారి కోసం అన్ని వస్తువుల ద్వారాలూ తెరిచాము. తమకు ప్రాప్తించిన వస్తువులపై వారు మిడిసిపడుతుండగా, అకస్మాత్తుగా మేము వారిని పట్టుకున్నాము. అప్పుడు, వారు పూర్తిగా నిరాశ చెందారు.

26:117 قَالَ رَبِّ إِنَّ قَوْمِي كَذَّبُونِ
అప్పుడు అతనిలా ప్రార్థించాడు: “నా ప్రభూ! నా జాతి వారు నన్ను ధిక్కరించారు.
26:118 فَافْتَحْ بَيْنِي وَبَيْنَهُمْ فَتْحًا وَنَجِّنِي وَمَن مَّعِيَ مِنَ الْمُؤْمِنِينَ
“కాబట్టి నీవు నాకూ – వారికీ మధ్య ఏదైనా అంతిమ నిర్ణయం చెయ్యి. నన్నూ, నాతో ఉన్న విశ్వాసులనూ కాపాడు.”

—
అల్లాహ్ (త’ఆలా):
https://teluguislam.net/allah/

దీన్ని షేర్ చెయ్యండి మీ బంధుమిత్రులతో , బారకల్లాహు ఫీకుమ్: “మంచికి మార్గనిర్దేశం చేసేవారికి దానిని ఆచరించిన వారితో సమానమైన పుణ్యం లభిస్తుంది” [సహీహ్ ముస్లిం, 3వ భాగం, నం .4665] ఈ క్రింది లింక్‌ దర్శించి మీ స్నేహితులు మరియు బంధువులు మా వాట్సాప్ గ్రూపులో చేరవచ్చు: teluguislam.net/whatsapp/. మా టెలిగ్రామ్ ఛానల్ https://t.me/teluguislam .మా యూట్యూబ్ ఛానల్: youtube.com/c/teluguislam . జిక్ర్ & దుఆల కోసం కొత్త వెబ్సైటు: telugudua.net

అల్లాహ్ శుభ నామము: అస్-సమీఅ్ (సర్వమూ వినేవాడు) యొక్క వివరణ [వీడియో & టెక్స్ట్]

teluguislam.net చేఅక్టోబర్ 4, 2022సెప్టెంబర్ 7, 2025

అల్లాహ్ శుభ నామము: “అస్-సమీఅ్” యొక్క వివరణ [వీడియో]
https://youtu.be/xCWLjjGHElI [36 నిముషాలు]
వక్త: ముహమ్మద్ నసీరుద్దీన్ జామి’ఈ (హఫిజహుల్లాహ్)

ఈ ప్రసంగంలో, వక్త అల్లాహ్ యొక్క శుభ నామమైన “అస్-సమీ” (సర్వం వినేవాడు) గురించి వివరిస్తారు. సమయాభావం వలన అల్-బసీర్ (సర్వం చూసేవాడు) మరియు అల్-అలీమ్ (సర్వజ్ఞాని) అనే ఇతర రెండు నామాలను వదిలి, కేవలం అస్-సమీ పై దృష్టి సారిస్తారు. అల్లాహ్ వినికిడి శక్తి ఎంత గొప్పదో, విశాలమైనదో ఖురాన్ మరియు హదీసుల ఆధారాలతో స్పష్టం చేస్తారు. ఒకే సమయంలో సృష్టిలోని జీవరాశులన్నిటి ప్రార్థనలను, విభిన్న భాషలలో, ఎలాంటి గందరగోళం లేకుండా వినగలడని ఉదాహరణలతో వివరిస్తారు. ఈ నమ్మకం ఒక విశ్వాసి జీవితంపై ఎలాంటి ప్రభావం చూపాలి, వారి మాటలు, చేతలు ఎలా ఉండాలి, మరియు ప్రార్థనలలో అల్లాహ్ వైపు ఎలా ఏకాగ్రతతో మళ్ళాలో వివరిస్తారు. షిర్క్‌ను ఖండిస్తూ, వినలేని వారిని ఆరాధించడం నిరర్థకమని, సర్వం వినే అల్లాహ్‌ను మాత్రమే ఆరాధించాలని నొక్కి చెబుతారు.

పరిచయం

అస్సలాము అలైకుమ్ వ రహమతుల్లాహి వ బరకాతుహు. అల్హందులిల్లాహి రబ్బిల్ ఆలమీన్, వస్సలాతు వస్సలాము అలా సయ్యిదిల్ ముర్సలీన్, నబియ్యినా ముహమ్మద్ వ ఆలా ఆలిహి వ సహ్బిహి అజ్మయీన్, అమ్మాబాద్.

أَعُوذُ بِاللَّهِ السَّمِيعِ الْعَلِيمِ مِنَ الشَّيْطَانِ الرَّجِيمِ
[అవూజు బిల్లాహిస్ సమీఇల్ అలీమ్ మినష్ షైతానిర్ రజీమ్]
(శపించబడిన షైతాన్ నుండి సర్వం వినేవాడు, సర్వజ్ఞాని అయిన అల్లాహ్ శరణు వేడుతున్నాను)

لَيْسَ كَمِثْلِهِ شَيْءٌ ۖ وَهُوَ السَّمِيعُ الْبَصِيرُ
[లైస కమిస్లిహి షైఉన్ వహువస్ సమీఉల్ బసీర్]
(ఆయనను పోలినది ఏదీ లేదు, మరియు ఆయన సర్వం వినేవాడు, సర్వం చూసేవాడు.)

సోదర మహాశయులారా, ప్రియ మిత్రులారా, ఈరోజు అల్లాహ్ శుభ నామములైన మూడు నామాల గురించి, అస్-సమీ, అల్-బసీర్, అల్-అలీమ్. ఈ మూడిటి గురించి చెప్పేది ఉండే. కానీ ఇప్పటికే సమయం ఎక్కువైపోయింది. మూడిటి గురించి చెప్పడానికి ప్రయత్నం చేస్తే, మరీ ఇంకా చాలా దీర్ఘం, ఎక్కువ సమయం అవుతుంది గనక, ఈరోజు కేవలం సమీ గురించి చెబుతున్నాను. ఎలాగైతే మీరు ఇప్పుడు ఇక్కడ టైటిల్ లో కూడా చూస్తున్నారు. అయితే రండి.

అస్-సమీ: సర్వం వినేవాడు

అస్-సమీ అల్లాహ్ యొక్క పేరు అని, అందులో ఉన్నటువంటి గుణం ‘సమ్’ (వినికిడి), వినడం అల్లాహ్ యొక్క గుణం అని మనం నమ్మాలి. ఖురాన్‌లో 50 కంటే ఎక్కువ చోట్ల అల్లాహ్ యొక్క ఈ పేరు ప్రస్తావన వచ్చింది. అల్లాహ్ యొక్క ఈ పేరు, అస్-సమీ అంటే వినేవాడు. ఈ ఒక్క పదం వాస్తవానికి మన తెలుగులోనిది, అస్-సమీలో ఉన్నటువంటి విశాలమైన భావానికి సరిపోదు. అందుకొరకే వివరణ చాలా అవసరం.

కేవలం మానవులదే కాదు, ఈ సృష్టిలో ఉన్నటువంటి ప్రతీ దాని గురించి అల్లాహు తఆలా చాలా స్పష్టముగా మంచి రీతిలో వింటాడు. అల్లాహు తఆలా యొక్క వినే శక్తి, అల్లాహ్ రబ్బుల్ ఆలమీన్ ఎలా వింటాడు అన్న దాని గురించి కైఫియత్ (ఎలాగో), అది మనకు తెలియదు. కానీ ఖురాన్‌లో అల్లాహు తఆలా ఏ ఆయతులు అయితే తెలిపాడో, ప్రవక్త సల్లల్లాహు అలైహి వసల్లం వారి యొక్క ఏ హదీసులు అయితే వచ్చాయో, వాటన్నిటిని కలుపుకుంటే, పూర్తి విశ్వంలో నుండి ఎలా వింటాడు అనేది కాకుండా, కేవలం ఒక మానవుల విషయం మనం చిన్నగా ఆలోచిస్తే, పూర్తి ప్రపంచంలో ఉన్న మానవులు ఒకే సమయంలో, ఒకే సందర్భంలో, ఒకే పెద్ద మైదానంలో ఉండి, ప్రతీ ఒక్కరూ తమ తమ భాషల్లో, ప్రతీ ఒక్కరూ తమ వేరువేరు కోరికలు ఏదైతే వెళ్లబుచ్చుతారో, అల్లాహు తఆలా ఆ ఒకే సమయంలో అందరి మాటలు వింటాడు, అందరి భాషలు వింటాడు అర్థం చేసుకుంటాడు, అందరి కోరికలు వేరువేరుగా ఉన్నప్పటికీ వాటిని వింటాడు.

జన సమూహంలో ఉండి అందరి శబ్దాలు, భాషలు, వారు చెప్పే మాటలు ఎంత వేరువేరు ఐనా, వారికి పరస్పరం ఒకరికి ఒకరు ఎంత డిస్టర్బెన్స్ ఐనా, అల్లాహ్ అజ్జవజల్లా యొక్క వినే శక్తి ఎంత గొప్పది అంటే, అతనికి ఎలాంటి డిస్టర్బెన్స్ కాదు. అల్లాహు తఆలా ప్రతీ ఒక్కరి మాట, ప్రతీ ఒక్కరి కోరిక, ప్రతీ ఒక్కరి భాష వింటాడు. అంతేకాదు, ఎవరైనా ఇప్పుడు నేను చెబుతున్నట్లుగా బిగ్గరగా, శబ్దంతో చెప్పినా, (మెల్లగా) “ఓ అల్లాహ్ మేము ఉపవాసం ఉంటున్నాము, మా ఉపవాసాలను స్వీకరించు ఓ అల్లాహ్”. నేను ఎంత మెల్లగా చెబుతున్నాను అంటే బహుశా నా పక్కన ఉన్నవానికి కూడా వినబడదు కావచ్చు, కానీ అల్లాహ్ బిగ్గరగా చెప్పేవారి మాట వింటాడు, నిశ్శబ్దంగా చెప్పే వాని మాట వింటాడు. అంతే కాదు, కొన్ని సందర్భాలలో మనలో మనమే నాలుకను కదిలించి మాట్లాడుతూ ఉంటాము, ఏ శబ్దమూ రాదు. అలాంటి మాటలు సైతం అల్లాహ్ వింటాడు.

ఒక సామెతగా అర్థం కావడానికి ఒక ఉదాహరణ ఇవ్వడం జరుగుతుంది. అందులో అస్-సమీ, అల్-బసీర్, అల్-అలీమ్ మూడు అల్లాహ్ యొక్క నామాల ప్రస్తావన వచ్చేస్తుంది. అదేమిటంటే, అమావాస్య రాత్రి, చిమ్మని చీకటి రాత్రి, నల్ల రాయి కింద పాతాళంలో ఉన్నటువంటి చీమను అల్లాహ్ చూస్తాడు (బసీర్), నడిచే నడక యొక్క శబ్దాన్ని అల్లాహ్ వింటాడు (అస్-సమీ), ఆ చీమ తన చీమల గ్రూప్‌తో ఏం మాట్లాడుతుందో అది కూడా అల్లాహ్‌కు తెలుసు (అల్-అలీమ్).

ఖురాన్ మరియు హదీసుల ఆధారాలు

ఈ మూడు పేర్లు అనేక సందర్భాలలో కూడా ఖురాన్‌లో వచ్చి ఉన్నాయి. ఒక ఉదాహరణ మీకు మన సోదరులు తెలిపారు కూడా. అందుకొరకే మూడిటిని కలిపి ఒకే సమయంలో మనం తీసుకుంటే బాగుంటుంది అన్నటువంటి ఆశ ఉండింది కానీ సమయం సరిపోదు. అందుకొరకే ఇప్పుడు సమీ గురించి చెప్పడం జరుగుతుంది. ముస్నద్ అహ్మద్‌లో వచ్చిన ఒక హదీస్, ఇబ్ను మాజా, నసాయిలో కూడా ఉంది. ఆయిషా రదియల్లాహు తఆలా అన్హా వారి మాటను గమనించండి.

ప్రవక్త సల్లల్లాహు అలైహి వసల్లం వద్దకు ఒక స్త్రీ వచ్చి ఒక విషయం అడిగింది. ప్రవక్త సల్లల్లాహు అలైహి వసల్లం నా వద్దకు ఇంకా వహీ రాలేదని, దీని గురించి ఇప్పుడే ఏమీ సమాధానం చెప్పలేనని అంటారు. ఆయిషా రదియల్లాహు తఆలా అన్హా అంటున్నారు:

الْحَمْدُ لِلَّهِ الَّذِي وَسِعَ سَمْعُهُ الْأَصْوَاتَ
[అల్హందులిల్లాహిల్లజీ వసిఅ సమ్ఉహుల్ అస్వాత్]
(ఆ అల్లాహ్‌కే సర్వ స్తోత్రములు, ఏ అల్లాహ్ యొక్క వినికిడి అన్ని రకాల శబ్దాలను ఆవరించి ఉందో.)

لَقَدْ جَاءَتِ الْمُجَادِلَةُ إِلَى النَّبِيِّ صَلَّى اللَّهُ عَلَيْهِ وَسَلَّمَ تُكَلِّمُهُ
లకద్ జాఅతిల్ ముజాదిలతు ఇలన్నబియ్యి సల్లల్లాహు అలైహి వసల్లం తుకల్లిముహు
(ఆ వాదించే స్త్రీ ప్రవక్త సల్లల్లాహు అలైహి వసల్లం వద్దకు వచ్చి మాట్లాడుతుండగా)

ఆ ఒక సమస్య గురించి అడుగుతూ వచ్చినటువంటి స్త్రీ యొక్క మాట, ప్రవక్త సల్లల్లాహు అలైహి వసల్లం తో ఆమె మాట్లాడుతుంది,

وَأَنَا فِي نَاحِيَةٍ مِنَ الْبَيْتِ مَا أَسْمَعُ مَا تَقُولُ
వఅనా ఫీ నాహియతిన్ మినల్ బైతి మా అస్మఉ మా తఖూల్
(నేను ఇంటిలోనే ఒక పక్కన, ఒక మూలన ఉండి వింటూ ఉన్నాను),

فَأَنْزَلَ اللَّهُ عَزَّ وَجَلَّ
ఫఅన్జలల్లాహు అజ్జవజల్ల
(అప్పుడు అల్లాహు తఆలా ఆయత్ అవతరింపజేశాడు).

సూరతుల్ ముజాదలాలోని మొదటి ఆయత్:

قَدْ سَمِعَ اللَّهُ قَوْلَ الَّتِي تُجَادِلُكَ فِي زَوْجِهَا وَتَشْتَكِي إِلَى اللَّهِ وَاللَّهُ يَسْمَعُ تَحَاوُرَكُمَا ۚ إِنَّ اللَّهَ سَمِيعٌ بَصِيرٌ
(నిశ్చయంగా అల్లాహ్ తన భర్త విషయంలో మీతో వాదిస్తూ ఉండిన, మరియు అల్లాహ్‌కు మొరపెట్టుకుంటున్న ఆ స్త్రీ యొక్క మాటను విన్నాడు. మరియు అల్లాహ్ మీ ఇద్దరి మాటలను వింటూ ఉన్నాడు. నిశ్చయంగా అల్లాహ్ సర్వం వినేవాడు, సర్వం చూసేవాడు.)

సోదర మహాశయులారా, ఇంతకుముందు నేను చెప్పినట్లు, ఆ హదీస్ కూడా సహీహ్ ముస్లింలో వచ్చి ఉంది, 2577. అల్లాహ్ అంటున్నాడు, హదీస్ ఖుద్సీ ఇది.

يَا عِبَادِي، لَوْ أَنَّ أَوَّلَكُمْ وَآخِرَكُمْ وَإِنْسَكُمْ وَجِنَّكُمْ قَامُوا فِي صَعِيدٍ وَاحِدٍ فَسَأَلُونِي فَأَعْطَيْتُ كُلَّ وَاحِدٍ مَسْأَلَتَهُ مَا نَقَصَ ذَلِكَ مِنْ مُلْكِي شَيْئًا إِلَّا كَمَا يَنْقُصُ الْمِخْيَطُ إِذَا غُمِسَ فِي الْبَحْرِ

[యా ఇబాదీ, లవ్ అన్న అవ్వలకుమ్ వ ఆఖిరకుమ్ వ ఇన్సకుమ్ వ జిన్నకుమ్ ఖామూ ఫీ సయీదిన్ వాహిదిన్ ఫసఅలూనీ, ఫఅఅతైతు కుల్ల వాహిదిన్ మస్అలతహు, మా నఖస జాలిక మిన్ ముల్కీ షైఆ, ఇల్లా కమా యన్ఖుసుల్ మిఖ్యతు ఇజా గుమిస ఫిల్ బహర్]

(ఓ నా దాసులారా, మీలోని మొదటివాడి నుండి మొదలుకొని చివరి వాడి వరకు, మానవులే కాదు జిన్నాతులు సైతం ఒకే ఒక మైదానంలో మీరందరూ నిలబడి, మీరందరూ నాతో అర్ధించారంటే, అడిగారంటే, ప్రతి ఒక్కరికి అతను అడిగినది నేను ఇచ్చేశానంటే, నా యొక్క రాజ్యంలో ఏ కొంచెం కూడా తరగదు, సముద్రంలో ఒక సూది ఇలా ముంచి తీస్తే సముద్రంలో ఎంత తరుగుతుంది? అంత కూడా, నేను ప్రతీ ఒక్కరికి మీరు అడుగుతున్నది విని, వారు అడిగినది వారికి ఇచ్చేస్తే ఇంత కూడా తరగదు.

బుఖారీ ముస్లింలో అబూ మూసా అష్అరీ రదియల్లాహు తఆలా అన్హు వారి హదీస్ ఉంది. ప్రవక్త సల్లల్లాహు అలైహి వసల్లంతో వారు సహాబాలు ప్రయాణంలో ఉన్నారు. అబూ మూసా అంటున్నారు: فَكُنَّا إِذَا عَلَوْنَا كَبَّرْنَا ఫకున్నా ఇజా అలౌనా కబ్బర్నా (మేము నడుస్తూ నడుస్తూ అంటే ప్రయాణంలో దారిలో ఎత్తు ప్రదేశంలో ఉండగా ‘అల్లాహు అక్బర్’ అని గొంతు ఎత్తి కొంచెం పెద్ద శబ్దంతో అంటూ ఉంటిమి). ఫఖాల్ (అప్పుడు ప్రవక్త సల్లల్లాహు అలైహి వసల్లం తెలిపారు):

أَيُّهَا النَّاسُ ارْبَعُوا عَلَى أَنْفُسِكُمْ، فَإِنَّكُمْ لَا تَدْعُونَ أَصَمَّ وَلَا غَائِبًا، وَلَكِنْ تَدْعُونَ سَمِيعًا بَصِيرًا قَرِيبًا
[అయ్యుహన్నాస్, ఇర్బవూ అలా అన్ఫుసికుమ్. ఫఇన్నకుమ్ లా తద్ఊన అసమ్మ వలా గాఇబా. వలాకిన్ తద్ఊన సమీఅన్ బసీరన్ ఖరీబా]
(ఓ ప్రజలారా, మీరు స్వయం మీపై కొంచెం తగ్గించుకోండి, నిదానం అనేది పాటించండి. మీరు ఎవరిని అర్ధిస్తున్నారు? ఏదైనా చెవిటి వాడిని కాదు, ఏదో దూరం ఉండి ఏమీ తెలియని వానికి కాదు. మీరు వినే వాడితో, చూసే వాడితో, మీకు దగ్గరగా ఉన్న వాడితో దుఆ చేస్తున్నారు, మీరు పిలుస్తున్నారు, అర్ధిస్తున్నారు.)

అందుకే సోదర మహాశయులారా, అల్లాహు తఆలా ఇంత గొప్పగా వినేవాడు అన్నటువంటి పూర్తి నమ్మకం విశ్వాసం కలిగి ఉండాలి. ఈ రోజుల్లో మనం నోటితో చెబుతాము, అవును అల్లాహ్ అన్నీ వింటాడు, అల్లాహ్‌కు ప్రతీ భాష తెలుసు. అంటాము నోటితో. కానీ వాస్తవంగా మనకు ఆ సంపూర్ణ విశ్వాసం ఉందా? దానిపై ప్రగాఢమైన, బలమైన నమ్మకం ఉన్నదా? ఉండేది ఉంటే, వాస్తవానికి మన జీవితాల్లో మార్పు వచ్చేది. ఈ విశ్వాసం ప్రకారంగా మన యొక్క జీవితాలపై దాని ప్రభావం ఉండేది. ఒక హదీస్, ఖురాన్ ఆయత్ ఆధారంగా వినండి ఒక సంఘటన. చూడండి.

అబ్దుల్లా బిన్ మస్ఊద్ రదియల్లాహు తఆలా అన్హు అంటున్నారు, సహీహ్ బుఖారీ, హదీస్ నెంబర్ 6384, సహీహ్ ముస్లిం 2704 లో వచ్చిన హదీస్. ఏమంటున్నారు? اجْتَمَعَ عِنْدَ الْبَيْتِ قُرَشِيَّانِ وَثَقَفِيٌّ، أَوْ ثَقَفِيَّانِ وَقُرَشِيٌّ ఇజ్తమఅ ఇందల్ బైతి ఖురషియాన్ వ సఖఫియ్యాని వ ఖురషి (కాబా వద్ద ఇద్దరు ఖురైషీలు ఒక సఖీఫ్‌కు చెందిన లేదా ఇద్దరు సఖీఫ్‌కు చెందిన ఒక ఖురైష్‌కు చెందిన ముగ్గురు మనుషులు కలిసి ఉన్నారు). శరీర వైభవం కలిగినవారు కానీ అర్థం చేసుకునేటువంటి మనసు చాలా తక్కువగా వారికి ఉండింది. బుర్ర చిన్నగా, శరీరం పెద్దగా. అర్థం చేసుకునే గుణం లేదు కానీ మాటలు చాలా. వారిలో ఒకడు ఏమన్నాడు? أَتَرَوْنَ أَنَّ اللَّهَ يَسْمَعُ مَا نَقُولُ؟ అతరౌన అన్నల్లాహ యస్మఉ మా నఖూల్? (మనం చెప్పే మాటలు అల్లాహ్ వింటాడా?). అయితే రెండోవాడు అన్నాడు, మనము బిగ్గరగా మాట్లాడితే వింటాడు, నవూజుబిల్లాహ్, మనం మెల్లిగా, నిశ్శబ్దంగా, గుప్తంగా మాట్లాడితే వినడు. మూడోవాడు అన్నాడు, ఒకవేళ అల్లాహు తఆలా బిగ్గరగా మనం మాట్లాడినప్పుడు వినేవాడైతే, మనం మెల్లిగా మాట్లాడినా గానీ వింటూ ఉంటాడు. అప్పుడు అల్లాహు తఆలా సూరత్ ఫుస్సిలత్ అవతరింపజేశాడు. సూరా నెంబర్ 41, ఆయత్ నెంబర్ 22 నుండి శ్రద్ధగా చూడండి, చదవండి.

وَمَا كُنتُمْ تَسْتَتِرُونَ أَن يَشْهَدَ عَلَيْكُمْ سَمْعُكُمْ وَلَا أَبْصَارُكُمْ وَلَا جُلُودُكُمْ وَلَٰكِن ظَنَنتُمْ أَنَّ اللَّهَ لَا يَعْلَمُ كَثِيرًا مِّمَّا تَعْمَلُونَ

(మీరు రహస్యంగా చెడు పనులకు పాల్పడుతున్నప్పుడు మీ చెవులు, మీ కళ్ళు, మీ చర్మాలు మీకు వ్యతిరేకంగా సాక్ష్యం ఇస్తాయన్న ఆలోచన మీకు ఉండేది కాదు. పైగా మీరు చేసే చాలా పనులు అల్లాహ్‌కు కూడా తెలియవని అనుకునేవారు.)

చూశారా, అవిశ్వాసులు, బుద్ధి తక్కువ ఉన్నవారు, అల్లాహ్ యొక్క వినే, అల్లాహ్‌కు తెలిసే, అల్లాహ్ చూసే, సమీ, బసీర్, అలీమ్ విషయంలో ఎలాంటి దురాలోచనలకు పాల్పడ్డారు? మరియు ఇలాంటి దురాలోచన ఎప్పుడైతే ఉంటుందో, మనిషి యొక్క వ్యవహారంలో, అతని యొక్క చేష్టల్లో, అతని పనుల్లో, ఇతరులతో అతను ఏదైతే బిహేవియర్, అతడు మసులుకుంటాడో అందులో కూడా చాలా మార్పు ఉంటుంది.

అందుకొరకే, అల్లాహ్ సంపూర్ణంగా వినేవాడు, ఎంతటి గొప్పగా వినేవాడో, స్టార్టింగ్‌లో మనం కొన్ని విషయాలు ఏదైతే తెలుసుకున్నామో, దాని ప్రకారంగా బలమైన నమ్మకం ఉండాలి. బలమైన నమ్మకం లేకుంటే, మనిషి ఆచరణలలో చాలా చెడు ప్రభావం చూపుతుంది, దాని కారణంగా మనిషి చెడుకు పాల్పడి నరకం పాలవుతాడు. ఒకసారి మీరు మళ్ళీ చూడండి, వెంటనే దాని తర్వాత ఆయతులు.

وَذَٰلِكُمْ ظَنُّكُمُ الَّذِي ظَنَنتُم بِرَبِّكُمْ أَرْدَاكُمْ فَأَصْبَحْتُم مِّنَ الْخَاسِرِينَ * فَإِن يَصْبِرُوا فَالنَّارُ مَثْوًى لَّهُمْ ۖ وَإِن يَسْتَعْتِبُوا فَمَا هُم مِّنَ الْمُعْتَبِينَ

మీ ప్రభువు గురించి మీరు చేసిన ఈ దురాలోచనే మిమ్మల్ని సర్వనాశనం చేసింది. చివరకు మీరు ఘోర నష్టానికి గురి అయ్యారు. ఈ స్థితిలో వీరు ఓర్పు వహించినా వహించకపోయినా నరకాగ్నే వారి నివాసం. ఒకవేళ వారు క్షమాభిక్ష కోసం అర్ధించినా క్షమించబడరు.

…ఈ క్షమాభిక్ష కోసం అర్ధించినా క్షమించబడరు ఎక్కడ ఇది? ఇది నరకంలో ఉండి. అందుకొరకే ఇప్పటికైనా గానీ అవకాశం ఉంది. నిన్ననే తవ్వాబ్, అఫూ, గఫూర్, గఫార్ గురించి విన్నారు. అల్లాహ్ పట్ల, అల్లాహ్ యొక్క పేరు సమీ, గుణం సమ్అ, పేరు బసీర్, గుణం బసర్ చూడడం, మరియు అలాగే అలీమ్, ఇల్మ్, వీటి గురించి ఎలాంటి తప్పుడు ఆలోచన ఉన్నా, మన ఆచరణలో ఎలాంటి చెడు ఉన్నా, దానిని తొందరగా సరిదిద్దుకునే ప్రయత్నం చేయాలి. ఎలా చేయగలుగుతాము మనం సరిదిద్దుకునే ప్రయత్నం? రండి, ఇప్పుడు చెప్పబోయే మాటలు మీరు శ్రద్ధగా విన్నారంటే, మనం చేంజ్ కావచ్చు, మనల్ని మనం సంస్కరించుకోవచ్చు. ఎలా అంటారా?

అల్లాహ్ వింటాడు అని ఎప్పుడైతే మనం అంటామో, అందు రెండు భావాలు వస్తాయి. ఒకటి, ఏ ఎవరి విషయాలు, ఎవరి మాటలు వింటూ ఉన్నాడో, వారికి సంబంధించి. రెండవ భావం, స్వయం వినేవాడు అల్లాహ్‌కు సంబంధించి. అర్థమైందా?

ఇప్పుడు, అల్లా క్షమించుగాక నేను మాటిమాటికి చెబుతూ ఉంటాను, అల్లాహ్ కొరకు ఎలాంటి ఉపమానాలు, ఉదాహరణ కాదు, మనకు అర్థం కావడానికి ఇట్లాంటి కొన్ని చిన్న ఉదాహరణలు. నేను మాట్లాడుతున్నాను, మీరు వింటూ ఉన్నారు. కదా? అయితే ఇప్పుడు, వినడం అన్న ఈ ప్రస్తావన ఇక్కడ ఏదైతే ఉందో, ఇందులో రెండు భావాలు. ఒకటి, ఎవరి మాటలు వింటున్నారో వారికి సంబంధించి. మరొకటి, వినేవాడు అల్లాహ్, అతనికి సంబంధించి. అల్లాహ్‌కు సంబంధించి ఏంటి? కొన్ని సందర్భాలలో, కొన్ని ఆయతులలో, అల్లాహ్ విన్నాడు, అల్లాహ్ వింటాడు, అల్లాహ్ వినేవాడు, ఇలాంటి పదాలు ఎక్కడైతే వస్తాయో, అక్కడ భావం, అల్లాహ్ మీ మాటను వినేశాడు, స్వీకరిస్తాడు, మీరు కోరినది నొసంగుతాడు, ఇస్తజాబ (అంగీకరించాడు), ఈ భావంలో. ఇది చాలా సంతోషకరం మన కొరకు.

ఉదాహరణకు, సమిఅల్లాహు లిమన్ హమిదహ్. ఎప్పుడంటారు? రుకూ నుండి నిలబడి కదా? అల్లాహు తఆలా విన్నాడు, సమిఅల్లాహు, అల్లాహ్ విన్నాడు, లిమన్ హమిదహు, ఎవరైతే అతనిని అంటే అల్లాహ్‌ని ప్రశంసించారో. ఇక్కడ ధర్మవేత్తలు అంటారు, అజాబ, وَلَيْسَ الْمُرَادُ سَمْعَهُ مُجَرَّدَ سِمَاعٍ فَقَطْ వలైసల్ మురాదు సమ్ఉహు ముజర్రద్ సిమాఅ ఫఖత్ (కేవలం వినడం మాత్రమే ఉద్దేశం కాదు, అంగీకరించాడు). అంటే, అల్లాహ్ మీ యొక్క ఈ స్తోత్రాలను విన్నాడు అంటే, అంగీకరించాడు, స్వీకరించాడు, దీనికి ప్రతిఫలం అల్లాహ్ మీకు ప్రసాదిస్తాడు.

అలాగే, సూరత్ ఇబ్రాహీం ఆయత్ నెంబర్ 39 లో మీరు చూస్తే, إِنَّ رَبِّي لَسَمِيعُ الدُّعَاءِ [ఇన్న రబ్బీ లసమీఉద్ దుఆ] (నిశ్చయంగా నా ప్రభువు ప్రార్థనలను వినేవాడు) అని వస్తుంది. అంటే, నిశ్చయంగా నా ప్రభువు దుఆలను వినేవాడు, అంటే కేవలం విని ఊరుకోడు, అంగీకరిస్తాడు, మీరు అడిగేది మీకు ప్రసాదిస్తాడు అన్నటువంటి శుభవార్త ఉంది. అర్థమైంది కదా?

ఇక వినే వాడు అన్న దానిలో రెండవ భావం ఏదైతే చెప్పామో, మరొక భావం, వినే వారి, అంటే ఎవరి మాటలు వింటున్నాడో, ఎవరి మాటలు వినబడతాయో, వారి గురించి. ఇక్కడ మానవులు అని మనం ఒకవేళ తీసుకుంటే, అందులో మూడు భావాలు వస్తాయి. ఏంటి?

మొదటి భావం, అల్లాహు తఆలా విన్నాడు అని అంటే ఇక్కడ, నీకు అల్లాహు తఆలా ఒక హెచ్చరిక ఇస్తున్నాడు. అర్థమైందా? కాలేదా? ఉదాహరణకు, మీరు ఒకచోట పని చేస్తున్నారు అనుకోండి. మీ యజమాని , “ఒరేయ్, ఏమంటున్నావు రా, వింటున్నా నేను” అని అన్నాడు. అంటే అక్కడ ఏంటి? ఏదైనా శుభవార్తనా? మీరు ఏదో పొరపాటు మాట అన్నారు, దాని గురించి మిమ్మల్ని హెచ్చరిస్తున్నాడు. కదా?

ఉదాహరణకు ఖురాన్‌లో చూడండి, సూరత్ అజ్-జుఖ్రుఫ్, ఆయత్ నెంబర్ 80:

أَمْ يَحْسَبُونَ أَنَّا لَا نَسْمَعُ سِرَّهُمْ وَنَجْوَاهُم
[అమ్ యహసబూన అన్నా లా నస్మఉ సిర్రహుమ్ వ నజ్వాహుమ్]
(వారి రహస్యాలను, వారి గుప్త విషయాలను మేము వినము అని వారు భావిస్తున్నారా?)
ఇక్కడ వినే మాట వచ్చింది, అంటే వాస్తవానికి ఇక్కడ ఏంటి? హెచ్చరిస్తున్నాడు అల్లాహు తఆలా.

అలాగే సూరత్ ఆల్-ఇమ్రాన్, ఆయత్ నెంబర్ 181లో చూడండి:
لَّقَدْ سَمِعَ اللَّهُ قَوْلَ الَّذِينَ قَالُوا إِنَّ اللَّهَ فَقِيرٌ وَنَحْنُ أَغْنِيَاءُ
[లఖద్ సమిఅల్లాహు ఖౌలల్లజీన ఖాలూ ఇన్నల్లాహ ఫఖీరున్ వ నహ్ను అగ్నియాఉ]
(యూదులలో కొందరు దుష్టులు ‘నిశ్చయంగా అల్లాహ్ పేదవాడు మేము సిరి సంపదలు గలవారిమి’ అని అన్నవారి మాటను నిశ్చయంగా అల్లాహ్ విన్నాడు.)

అల్లాహ్ ఏమంటున్నాడు? మేము విన్నాము. అంటే ఏంటి? అల్లాహ్ హెచ్చరిస్తున్నాడు. ఏంటి? మీరు ఏం మాట్లాడుతున్నారు? ఇదేనా మీ మాట? అల్లాహ్ పట్ల ఇలాంటి భావాలు కలిగి ఇలాంటి మాటలు పలుకుతారా మీరు? తహదీద్, హెచ్చరిక, చేతావని.

రెండవ భావం, అల్లాహు తఆలా తన ప్రియమైన దాసులకు, ప్రవక్తలకు, పుణ్యాత్ములకు సపోర్ట్ చేస్తున్నాడు, వారికి మద్దతు ఇస్తున్నాడు అన్నట్లుగా భావం ఉంటుంది. ఇది చూడాలనుకుంటే సూరత్ తాహా ఆయత్ నెంబర్ 46 మీరు చూడవచ్చు. ఏముంది?

إِنَّنِي مَعَكُمَا أَسْمَعُ وَأَرَىٰ
[ఇన్ననీ మఅకుమా అస్మఉ వ అరా]
(నిశ్చయంగా నేను మీ ఇద్దరితో ఉన్నాను, నేను వింటూ ఉన్నాను మరియు చూస్తూ ఉన్నాను.)

ఓ మూసా, హారూన్ అలైహిముస్సలాం, మీరిద్దరూ వెళ్ళండి, ఫిరౌన్‌కు దావత్ ఇవ్వండి, తౌహీద్ గురించి చెప్పండి, బనీ ఇస్రాయీల్‌పై అతడు ఏదైతే దౌర్జన్యం చేస్తున్నాడో, దాని గురించి హెచ్చరించండి. మూసా అలైహిస్సలాం, హారూన్ అలైహిస్సలాం వారిని అల్లాహు తఆలా ఫిరౌన్ వద్దకు పంపుతూ ఏమన్నాడు? “ఇన్ననీ మఅకుమా, నేను మీకు తోడుగా ఉన్నాను.” అల్లాహు అక్బర్. దావత్ పని చేసే వారులారా, అల్లాహ్ యొక్క సత్య ధర్మాన్ని ప్రజల వరకు చేరవేసే వారులారా, భయపడకండి. ఎన్ని గద్దింపులు మీకు వచ్చినా, అయ్యో, ఫలానా అంత పెద్ద ఇంటర్నేషనల్ దాయికే ఫలానా ఫలానా ప్రభుత్వం ఇలాంటి హెచ్చరికలు ఇచ్చేసింది, ఇక మనం దావత్ పని వదులుకుందామా? హెచ్చరికలు ఇవ్వడం వారి యొక్క పని, వారికి ఈ సత్యం అర్థం కాక. కానీ నీకు తోడుగా ఎవరున్నాడు? “ఇన్ననీ మఅకుమా, నేను నీకు తోడుగా ఉన్నాను” అని అల్లాహు తఆలా మూసా మరియు హారూన్ అలైహిముస్సలాంకి ఓర్పునిస్తున్నాడు, ధైర్యాన్ని ఇస్తున్నాడు, స్థైర్యాన్ని ఇస్తున్నాడు, ఇంకా ఏమంటున్నాడు? “అస్మఉ వ అరా, నేను ప్రతీ విషయాన్ని వింటూ ఉన్నాను, చూస్తూ ఉన్నాను.” మీ యొక్క కదలికలు, మీరు ఎక్కడికి వెళ్లి ఏం చేస్తున్నారు, ఫిరౌన్ ముందు మీరు ఎలా దావత్ ఇస్తారు, అవన్నీ నేను చూస్తూ ఉంటాను, మీకు తోడుగా ఉంటాను, మీ మాటలు వింటూ ఉంటాను, మీరు ఎలాంటి భయం పడకండి.” అల్లాహ్ యొక్క ధైర్యం, అల్లాహ్ వైపు నుండి ఒక తోడ్పాటు లభిస్తుంది. ఇక్కడ ‘సమఅ’ ఈ భావంలో ఉంది.

ఇక మూడవ భావం, అల్లాహు తఆలా ఈ పూర్తి విశ్వంలో ఎక్కడా, ఏదీ కూడా అతని వినికిడికి బయట లేదు. మనిషి ఏ గుహలో, అంటారు కదా, బుల్లెట్ ప్రూఫ్, ఫైర్ ప్రూఫ్, ఏ ఏ ప్రూఫ్‌లలో మనిషి బంధించబడి తనకు తాను లోపల వేసుకున్నా, అల్లాహ్ వినకుండా ఎక్కడా ఏ మనిషి ఉండలేడు. ఈ లోకంలో ఏ ప్రాంతం కూడా, ఈ లోకంలో ఏ స్థితి కూడా, ఈ లోకంలో ఎక్కడ ఏది కూడా అల్లాహ్ వినికిడికి బయట లేదు.

అయితే సోదర మహాశయులారా, ఇక ఈ విషయాలు తెలుసుకున్న తర్వాత చాలా ముఖ్యమైన ఒక విషయం తెలుసుకోవాల్సింది ఏమిటంటే, ఇంతటి గొప్ప వినే వాడైన ఆ అల్లాహ్‌ను మనం విశ్వసిస్తున్నాము గనక, మన మొరలను అతను వినడా, అంగీకరించడా? ఓ అల్లాహ్, నేను ఈ కష్టంలో ఉన్నాను, నా కష్టాన్ని దూరం చెయ్యి ఓ అల్లాహ్, అని నిజంగా మనసుతో మన మాట వెళ్లి, కళ్ళతో కన్నీరు కారుతూ, రాత్రి వేళ ఎవరు చూడని సమయంలో అతని ముందు మనం నిలబడ్డామంటే, అతను మన మాట వినడా? అతడు మనకు ప్రసాదించడా? ప్రసాదిస్తే, మరి ఎవరైతే వినేవారు కారో, ఎన్నో టన్నుల మట్టి కింద శవం అయి ఉన్నారో, లేక చనిపోయి కాలాలు గడిచి మొత్తం కుళ్ళిపోయారో, అలాంటి వారు ఎవరిలోనైతే వినే శక్తి లేదో, ఎందుకు వారిని ఆరాధించాలి? ఎందుకు వారిని పూజించాలి?

అల్లాహు తఆలా షిర్క్‌ను ఖండిస్తూ, తన వినే శక్తిని స్పష్టంగా తెలియజేసినప్పుడు, ఎవరినైతే మీరు అల్లాహ్‌ను కాదని పూజిస్తున్నారో, వారిలో వినే శక్తి లేదు అని కూడా స్పష్టంగా తెలియజేశాడు. మీరు ఒకవేళ దీనికి సంబంధించిన ఆయతులు చదివితే విషయం చాలా మంచి రీతిలో అర్థమవుతుంది. రండి, ఒక్కసారి చూడండి ఇక్కడ సూరతుల్ అఅరాఫ్ ఆయత్ నెంబర్ 195. 194 నుండి చదువుదాము, విషయం మరింత స్పష్టంగా అర్థమవుతుంది. చూడండి:

إِنَّ الَّذِينَ تَدْعُونَ مِن دُونِ اللَّهِ عِبَادٌ أَمْثَالُكُمْ ۖ فَادْعُوهُمْ فَلْيَسْتَجِيبُوا لَكُمْ إِن كُنتُمْ صَادِقِينَ * أَلَهُمْ أَرْجُلٌ يَمْشُونَ بِهَا ۖ أَمْ لَهُمْ أَيْدٍ يَبْطِشُونَ بِهَا ۖ أَمْ لَهُمْ أَعْيُنٌ يُبْصِرُونَ بِهَا ۖ أَمْ لَهُمْ آذَانٌ يَسْمَعُونَ بِهَا ۗ

(మీరు అల్లాహ్‌ను వదలి ఎవరెవరిని మొరపెట్టుకుంటున్నారో, వారంతా మీ లాంటి దాసులే. మీరు మొరపెట్టుకుంటూనే ఉండండి, ఈ బహుదైవోపాసనలో మీరు గనక సత్యవంతులే అయితే, వారు మీ మొరలను ఆలకించి వాటికి సమాధానం ఇవ్వాలి.)

ఈ ఆయత్‌ను నోట్ చేసుకోండి. మన వద్ద కొందరు ఏం చేస్తారు, మన మిత్రులు, మనలాంటి కల్మా చదివే ముస్లింలు, నమాజ్ చేసే వారు, “అయ్యా, ఈ వలీలను మేము పూజిస్తుంటే మీరు తప్పు అని ఎందుకు అంటున్నారు? ఆనాటి కాలంలో రాళ్లను, రప్పలను, చెట్లను పూజించేవారు, వాటిని ఖండించడం జరిగింది. పుణ్యాత్ములను, పుణ్య పురుషులను వద్దకు వెళ్లి, వారి సమాధుల వద్దకు వెళ్లి ఈ కొన్ని పనులు చేసినందుకు రద్దు చేయబడలేదు” అని అంటారు. ఈ ఆయత్‌ను వారికి దలీల్‌గా చూపండి. మీరు అల్లాహ్‌ను వదలి ఎవరెవరిని మొరపెట్టుకుంటున్నారో, ఎవరిని ఆరాధిస్తున్నారో, ఎవరితో దుఆ చేస్తున్నారో, ఎవరి సమాధి వద్ద ఆరాధనకు సంబంధించిన ఏదైనా ఒక పని చేస్తున్నారో, వారంతా మీ లాంటి దాసులే, ఇబాదున్ అమ్సాలుకుమ్, మీ లాంటి దాసులే. అల్లాహ్ ఏమంటున్నాడో చూడండి.

فَادْعُوهُمْ فَلْيَسْتَجِيبُوا لَكُمْ إِن كُنتُمْ صَادِقِينَ
[ఫద్ఊహుమ్ ఫల్యస్తజీబూ లకుమ్ ఇన్ కున్తుమ్ సాదిఖీన్]
(మీరు మొరపెట్టుకుంటూనే ఉండండి, ఈ బహుదైవోపాసనలో మీరు గనక సత్యవంతులే అయితే, వారు మీ మొరలను ఆలకించి వాటికి సమాధానం ఇవ్వాలి.)

ఆ తర్వాత ఆయత్ నెంబర్ 7:195,196:

أَلَهُمْ أَرْجُلٌ يَمْشُونَ بِهَا ۖ أَمْ لَهُمْ أَيْدٍ يَبْطِشُونَ بِهَا ۖ أَمْ لَهُمْ أَعْيُنٌ يُبْصِرُونَ بِهَا ۖ أَمْ لَهُمْ آذَانٌ يَسْمَعُونَ بِهَا ۗ قُلِ ادْعُوا شُرَكَاءَكُمْ ثُمَّ كِيدُونِ فَلَا تُنظِرُونِ

ఏమిటి, వారు నడవగలగటానికి వారికేమయినా కాళ్లున్నాయా? వారు దేనినయినా పట్టుకోవటానికి వారికి చేతులున్నాయా? చూడగలగటానికి వారికి కళ్లున్నాయా? వినగలగటానికి వారికి చెవులున్నాయా? (ఓ ప్రవక్తా!) వారికి చెప్పు : “మీరు మీ భాగస్వాములందర్నీ పిలుచుకోండి. మరి మీరంతా కలసి నాకు కీడు కలిగించే వ్యూహాన్నీ రచించండి. నాకు కొద్దిపాటి గడువు కూడా ఇవ్వకండి.”

إِنَّ وَلِيِّيَ اللَّهُ الَّذِي نَزَّلَ الْكِتَابَ ۖ وَهُوَ يَتَوَلَّى الصَّالِحِينَ

“ఈ గ్రంథాన్ని అవతరింపజేసిన అల్లాహ్‌యే ముమ్మాటికీ నా సహాయకుడు. సజ్జనులైన దాసుల రక్షకుడు ఆయనే.”

ఇదే సూరత్‌లో మరొక ఆయత్, ముందు కొంచెం ఆయత్ నెంబర్ 198 లో కూడా ఈ మాట చాలా స్పష్టంగా వచ్చింది:

وَإِن تَدْعُوهُمْ إِلَى الْهُدَىٰ لَا يَسْمَعُوا
(ఒకవేళ మీరు వారికి ఏదైనా చెప్పటానికి పిలిచినా, వారు మీ మాటను వినలేరు) లా యస్మవూ, వినలేరు

షిర్క్‌ను ఖండించడానికి అల్లాహు తఆలా ఈ విధంగా ఇంత స్పష్టంగా తెలియజేశాడు. ఈ భావంలో ఆయతులు సూరత్ మర్యమ్ 41-42 లో కూడా ఉన్నాయి. ఇబ్రాహీం అలైహిస్సలాం తన తండ్రి అయిన ఆజర్‌ను షిర్క్ నుండి ఆపుతూ ఏమన్నారు?

يَا أَبَتِ لِمَ تَعْبُدُ مَا لَا يَسْمَعُ وَلَا يُبْصِرُ
(ఓ నా తండ్రీ, ఏమి వినలేని మరియు ఏమి చూడలేని వాటిని మీరు ఎందుకు పూజిస్తున్నారు?)

సోదర మహాశయులారా, చివరి మాట ఇక ఈ రోజు ఈ ప్రసంగంలో అదేమిటంటే, అల్లాహ్ వినేవాడు, ఎంత గొప్పగా, విశాలంగా, ఎంత సున్నితంగా. మన తెలుగులో ఒక సామెత ఉంది గుర్తుందా మీకు? ఎంత నిశ్శబ్దం అంటే సూది పడినా వినగలిగే అంతటి నిశ్శబ్దం ఏర్పడింది అని అంటారు. సూది పడితే మనకు వినబడుతుందా? కానీ అల్లాహ్ వింటాడు. అల్లాహ్ వింటాడు అన్నటువంటి విశ్వాసం ఇలాంటి సామెతల ద్వారా మరింత అల్లాహ్‌పై మన విశ్వాసం పెరగాలి. విశ్వాసం పెరిగిందంటే, మన ఆచరణలో, మన జీవితంలో ప్రభావం చూపాలి. ఎలాంటి ప్రభావం? అల్లాహ్ వింటాడు అయితే మనం మాట్లాడే ప్రతీ మాట అల్లాహ్‌కు ఇష్టమైనదే ఉండాలి. మనం మాట్లాడే మాట ద్వారా ఎవరికీ బాధ కలిగించకూడదు. ప్రవక్త సల్లల్లాహు అలైహి వసల్లం ఏమన్నారు? అఫ్దలుల్ ముస్లిమీన (ముస్లింలలో అత్యుత్తముడు ఎవడయ్యా అంటే), ఏ ముస్లిం ద్వారానైతే ఇతరులందరికీ అతని నాలుక ద్వారా గానీ, చేతుల, కాళ్ల ద్వారా గానీ ఏ హాని కలగకుండా ఉంటుందో, నష్టం కలగకుండా ఉంటుందో.

మరియు మనం అల్లాహ్ యొక్క ఈ పేరును మంచి రీతిలో అర్థం చేసుకున్నామంటే, మనం అల్లాహ్‌తో ఏ దుఆ చేసినా గానీ, అల్లాహ్ యొక్క ఈ పేరు మాధ్యమంతో, వసీలాతో దుఆ చేయాలి. ఎలాగైతే ఇబ్రాహీం అలైహిస్సలాం దుఆ చేశారు, ఎలాగైతే యూసుఫ్ అలైహిస్సలాం దుఆ చేశారు, ఎలాగైతే జకరియా అలైహిస్సలాం దుఆ చేశారు, ఎలాగైతే ఇమ్రఅతు ఇమ్రాన్ (మర్యమ్ అలైహస్సలాం యొక్క తల్లి) దుఆ చేశారు.

إِنَّ رَبِّي لَسَمِيعُ الدُّعَاءِ
[ఇన్న రబ్బీ లసమీఉద్ దుఆ]
(నిశ్చయంగా నా ప్రభువు ప్రార్థనలను వినేవాడు) అని ఇంతకుముందే మనం విన్నాము.

సూరతుల్ బఖరా ఆయత్ నెంబర్ 126, 7, 28 ఇట్లా చూడండి, ఇబ్రాహీం అలైహిస్సలాం ఏదైతే దుఆ చేశారో అందులో:

رَبَّنَا تَقَبَّلْ مِنَّا ۖ إِنَّكَ أَنتَ السَّمِيعُ الْعَلِيمُ
[రబ్బనా తఖబ్బల్ మిన్నా, ఇన్నక అంతస్ సమీఉల్ అలీమ్]
(ఓ అల్లాహ్, నీవు స్వీకరించు మా నుండి. నిశ్చయంగా నీవు వినేవాడివి, అన్నీ తెలిసిన వానివి.)

సూరత్ ఆల్ ఇమ్రాన్ ఆయత్ నెంబర్ 35 లో కూడా ఈ భావం ఉంది.

చివరి మాట, మరీ చివరి, ఎక్దం చివరి, ఇంత అల్లాహ్ యొక్క పేరుతో మనం దుఆ చేశామంటే, తప్పకుండా అల్లాహ్ స్వీకరిస్తాడన్నటువంటి నమ్మకం కూడా మళ్ళీ కలిగి ఉండాలి. అల్లాహ్ చాలా వినేవాడు అని నేను ఎంతో వసీలతో దుఆ చేశానండి, ఇంకా ఖుబూలే కావట్లేదు నా దుఆ, అని అల్లాహ్ పట్ల నిరాశ, అల్లాహ్ పట్ల తప్పుడు ఆలోచన కలగకూడదు. మనం దుఆ చేసే విషయంలో ఏదైనా లోపం ఉండవచ్చు అని ఇంకా దుఆ చేయాలి. అల్లాహ్ తప్పకుండా స్వీకరిస్తాడు అన్నటువంటి నమ్మకం కూడా కలిగి ఉండాలి. దీని గురించి చదవండి సూరత్ యూసుఫ్ ఆయత్ నెంబర్ 34.

అల్లాహు తఆలా ఈ యొక్క పేరు ‘సమీ’ గురించి ఏదైతే మనం తెలుసుకున్నామో, దీని ప్రకారంగా మన జీవితంలో మార్పు తెచ్చుకునేటువంటి సౌభాగ్యం ప్రసాదించుగాక. ఇంతటితో ఈనాటి ప్రసంగం ముగుస్తుంది. కొంచెం ఆలస్యం అయినందుకు క్షమించండి. వాస్తవానికి అల్లాహ్ యొక్క పేర్ల విషయం చెబుతున్నాము, ఎన్ని చెప్పినా మాటలు పూర్తి కావు. అల్లాహ్ యొక్క గొప్పతనం అంత విశాలమైనది, గొప్పది. కానీ మీతో క్షమాపణ కోరుతున్నాను ఆలస్యం అయినందుకు.

అల్లాహ్ తఆలా మీ అందరికీ కూడా ఇహపరలోకాల్లో అన్ని రకాల మేళ్లు ప్రసాదించుగాక. వస్సలాము అలైకుమ్ వ రహమతుల్లాహి వ బరకాతుహు.

—

అల్లాహ్ (త’ఆలా): https://teluguislam.net/allah/

దీన్ని షేర్ చెయ్యండి మీ బంధుమిత్రులతో , బారకల్లాహు ఫీకుమ్: “మంచికి మార్గనిర్దేశం చేసేవారికి దానిని ఆచరించిన వారితో సమానమైన పుణ్యం లభిస్తుంది” [సహీహ్ ముస్లిం, 3వ భాగం, నం .4665] ఈ క్రింది లింక్‌ దర్శించి మీ స్నేహితులు మరియు బంధువులు మా వాట్సాప్ గ్రూపులో చేరవచ్చు: teluguislam.net/whatsapp/. మా టెలిగ్రామ్ ఛానల్ https://t.me/teluguislam .మా యూట్యూబ్ ఛానల్: youtube.com/c/teluguislam . జిక్ర్ & దుఆల కోసం కొత్త వెబ్సైటు: telugudua.net

అల్లాహ్ శుభ నామములు: అర్ – రజ్జాఖ్, అర్ – రాజిఖ్ యొక్క వివరణ [వీడియో & టెక్స్ట్]

teluguislam.net చేఅక్టోబర్ 2, 2022సెప్టెంబర్ 9, 2025

అల్లాహ్ శుభ నామములు: అర్ – రజ్జాఖ్, అర్ – రాజిఖ్ యొక్క వివరణ [వీడియో]
https://youtu.be/QDdFQMgriM8 [33 నిముషాలు]
వక్త: ముహమ్మద్ నసీరుద్దీన్ జామి’ఈ (హఫిజహుల్లాహ్)

ఈ ప్రసంగంలో, వక్త అల్లాహ్ యొక్క నామములైన అర్-రజ్జాక్ (గొప్ప ఉపాధి ప్రదాత) మరియు అర్-రాజిక్ (ఉపాధినిచ్చేవాడు) గురించి వివరిస్తారు. ఈ నామాలకు రెండు ప్రధాన భావాలు ఉన్నాయని ఆయన పేర్కొన్నారు: మొదటిది, సామాన్య ఉపాధి (రిజ్క్ ఆమ్), ఇది అల్లాహ్ విశ్వాసులు, అవిశ్వాసులు అనే తేడా లేకుండా సకల జీవులకు ఇచ్చే భౌతిక అవసరాలు. రెండవది, ప్రత్యేకమైన ఉపాధి (రిజ్క్ ఖాస్), ఇది హృదయానికి సంబంధించినది, అనగా విశ్వాసం, ధర్మ జ్ఞానం, మరియు మార్గదర్శకత్వం, ఇది ఇహపరలోకాల సాఫల్యానికి దారితీస్తుంది. ఉపాధి ప్రదాత ఏకైక అల్లాహ్ మాత్రమేనని గుర్తించి, ఆయనకే ఆరాధనలు జరపాలని, ఆయన ఇచ్చిన దానిలో నుండి ఖర్చు చేయాలని, మరియు పేదరికం భయంతో సంతానాన్ని నిరోధించడం వంటి ఘోరమైన పాపాలకు దూరంగా ఉండాలని ఖురాన్ ఆయతుల ఆధారంగా వక్త ఉద్బోధించారు.

పరిచయం

اَلسَّلَامُ عَلَيْكُمْ وَرَحْمَةُ اللهِ وَبَرَكَاتُهُ‎
అస్సలాము అలైకుమ్ వరహ్మతుల్లాహి వబరకాతుహు.
మీపై శాంతి, అల్లాహ్ కారుణ్యం మరియు ఆయన శుభాలు వర్షించుగాక.

الْحَمْدُ لِلَّهِ رَبِّ الْعَالَمِينَ، وَالصَّلَاةُ وَالسَّلَامُ عَلَى سَيِّدِ الْمُرْسَلِينَ، نَبِيِّنَا مُحَمَّدٍ وَعَلَى آلِهِ وَصَحْبِهِ أَجْمَعِينَ، أَمَّا بَعْدُ
అల్హందులిల్లాహి రబ్బిల్ ఆలమీన్, వస్సలాతు వస్సలాము అలా సయ్యిదిల్ ముర్సలీన్, నబియ్యినా ముహమ్మద్ వఆలా ఆలిహి వసహ్బిహి అజ్మయీన్ అమ్మా బాద్.
సర్వలోకాల ప్రభువైన అల్లాహ్‌కే సర్వస్తోత్రాలు. ప్రవక్తల నాయకుడైన మన ప్రవక్త ముహమ్మద్ (సల్లల్లాహు అలైహి వసల్లం) పై, ఆయన కుటుంబీకులపై, ఆయన సహచరులపై శాంతి మరియు శుభాలు వర్షించుగాక. ఆ తర్వాత…

الْحَمْدُ لِلَّهِ، الْحَمْدُ لِلَّهِ، اللَّهُمَّ لَكَ الْحَمْدُ وَالشُّكْرُ، وَالْحَمْدُ لِلَّهِ حَمْدًا كَثِيرًا
అల్హందులిల్లాహ్, అల్హందులిల్లాహ్, అల్లాహుమ్మ లకల్ హందు వష్షుక్ర్. వల్హందులిల్లాహి హందన్ కసీరా.
సర్వస్తోత్రాలు అల్లాహ్‌కే. ఓ అల్లాహ్, నీకే సర్వస్తోత్రాలు మరియు కృతజ్ఞతలు. అల్లాహ్‌కు ఎన్నో స్తోత్రాలు.

అల్లాహ్ యొక్క శుభ నామముల గురించి మనం, మనకు ఇవ్వబడిన సమయంలో ఎంతో కొంత వివరణ తెలుసుకోవడం, మన విశ్వాసపరంగా, మన యొక్క క్యారెక్టర్ పరంగా, మన యొక్క సామాజిక పరంగా, అన్ని రకాలుగా అన్ని రంగాల్లో లాభం చేకూరుస్తుందని ఆశిస్తున్నాను.

అల్లాహ్ నామముల ఘనత

వాస్తవానికి మనం ఖురాన్ గ్రంథాన్ని శ్రద్ధగా అర్థం చేసుకున్నామంటే ఒక విషయం మనకు బోధపడుతుంది. అదేమిటి?

قُل لَّوْ كَانَ الْبَحْرُ مِدَادًا لِّكَلِمَاتِ رَبِّي لَنَفِدَ الْبَحْرُ قَبْلَ أَن تَنفَدَ كَلِمَاتُ رَبِّي وَلَوْ جِئْنَا بِمِثْلِهِ مَدَدًا
కుల్ లవ్ కానల్ బహ్రు మిదాదల్ లి కలిమాతి రబ్బీ లనఫిదల్ బహ్రు కబ్ల అన్ తన్ఫద కలిమాతు రబ్బీ వలవ్ జిఇనా బి మిస్లిహీ మదదా.
(ఓ ప్రవక్తా!) ఇలా అను: ‘నా ప్రభువు మాటలను వ్రాయటానికి సముద్రమంతా సిరాగా మారినా, నా ప్రభువు మాటలు పూర్తికాకముందే ఆ సముద్రం ఇంకిపోతుంది. సహాయంగా మేము మరొక అంతటి సముద్రాన్ని తెచ్చినాసరే.’

అల్లాహ్ యొక్క పవిత్ర వచనాల గురించి, అల్లాహ్ యొక్క శుభ నామముల గురించి, ఆయన యొక్క ఉత్తమ గుణాల గురించి మనం ఎంత చెప్పుకుంటూ పోయినా, ఎంత రాసినా, సిరాలన్నీ కూడా సమసిపోతాయి, సముద్రాలన్నీ కూడా ఎండిపోతాయి. అల్లాహ్ యొక్క పవిత్ర నామములు, వాటి యొక్క వివరణలు అంతం కావు.

మీకు గుర్తుందా ఇంతకుముందు నేను అర్-రహ్మాన్, అర్-రహీం ఈ రెండు పేర్ల యొక్క వివరణ చెప్పాను. దాని గురించి చదువుతున్న సందర్భంలో, రియాదున్ నయీమ్ ఫీ జిల్లిర్ రహ్మానిర్ రహీం అన్న ఒక పుస్తకం గురించి తెలిసింది. దాని యొక్క పి.డి.ఎఫ్ కూడా పొందాను. రెండు వాల్యూంలలో ఉంది. మొత్తం టోటల్ సుమారు 800 పేజీల వరకు, కేవలం అల్లాహ్ యొక్క రహ్మాన్, రహీం ఈ రెండు పేర్ల యొక్క వివరాలు అందులో ఉన్నాయి. గమనించండి.

గమనించండి, మనం అల్లాహ్ యొక్క పేర్ల గురించి ఎంత చెప్పుకున్నా గానీ, ఎంత వివరణతో కూడిన మాటలు తెలుసుకున్నా గానీ, తెలుసుకున్న కొన్ని విషయాలను మంచిగా అర్థం చేసుకొని, వాటి ప్రకారంగా మన విశ్వాసాన్ని సరిదిద్దుకోవడం మరియు మన యొక్క ఆచరణలో ఒక మంచి మార్పు తీసుకొని రావడం ఇది చాలా అవసరం. లేదంటే ఈ రోజుల్లో సమాచారం, ఇన్ఫర్మేషన్ చాలా ఉంది. కానీ కావలసిన అసలైన జ్ఞానం అదే కొరత. మరి జ్ఞానం అంటారు దేన్ని? తెలుసుకున్న విషయం ప్రకారంగా, తెలుసుకున్న నేర్చుకున్న జ్ఞానం ప్రకారంగా విశ్వాసం మరియు ఆచరణ ఉండడం.

అర్-రజ్జాక్, అర్-రాజిక్ – రెండు భావాలు

ఈ రోజు, అల్లాహ్ యొక్క శుభ నామములలోని అర్-రజ్జాక్ మరియు అర్-రాజిక్. ఈ రెండు పేర్ల గురించి ఇన్షా అల్లాహ్ మనం తెలుసుకుంటున్నాం. సోదర మహాశయులారా, సోదరీమణులారా, ఈ రెండు పేర్ల ప్రస్తావన ఖురాన్లో ఎన్నో సందర్భాలలో వచ్చి ఉంది. అయితే, సంక్షిప్తంగా నేను దీని యొక్క భావంలో ఉన్న రెండు ముఖ్య విషయాలను తెలియజేస్తున్నాను, ఇది ముందు అర్థం చేసుకోండి. ఇది చాలా ముఖ్యం. ఆ తర్వాత, దీనికి సంబంధించిన ఆధారాలు మరియు ఈ రెండు పేర్ల యొక్క ప్రభావం మన జీవితంలో ఎలా ఉండాలి, ఆ విషయాలు ఇన్షా అల్లాహ్ తర్వాత తెలుసుకుందాం.

మొదటి భావం: సామాన్య ఉపాధి (రిజ్క్ ఆమ్)

మొదటి భావం, అల్లాహ్ యొక్క పేరు రాజిక్ మరియు అర్-రజ్జాక్. ఉపాధి అని సర్వసామాన్యంగా మనం తెలుగులో అనువదిస్తాము. ఉపాధి ప్రధాత. ఉపాధిని ఇచ్చేవాడు. లేదా రాజిక్, పోషించేవాడు అన్నటువంటి భావంలో కూడా కొన్ని సందర్భాల్లో ఉపయోగిస్తారు. అయితే సోదర మహాశయులారా, ఇక్కడ నేను ఎంతవరకైతే చదివానో, ఈ రెండు పేర్ల గురించి, దానిని ఉపాధి లేదా పోషణ అన్నటువంటి భావం చాలా లిమిటెడ్ గా ఉంది. రిజ్క్, అల్లాహ్ యొక్క పేరు రజ్జాక్ అన్నటువంటి ఈ పేరులో ఎంత విశాలమైన భావం ఉందో దానికి సమానమైన తగ్గట్టు తెలుగు పదం మన వద్ద లేదు. ఎందుకు? వినండి వివరం, మీకే తెలుస్తుంది.

రిజ్క్, రజ్జాక్ యొక్క ఒక భావం, అల్లాహు తఆలా విశ్వాసులకు గానీ అవిశ్వాసులకు గానీ, పుణ్యాత్ములకు గానీ పాపాత్ములకు గానీ, మునుపటి వారికి, వెనుకటి వారికి, అల్లాహు తఆలా ఈ సృష్టిని సృష్టించినప్పటి నుండి మొదలుకొని, ఇది అంతం అయ్యేవరకు ఆ తర్వాత కూడా అందరికీ వారికి ఏ ఏ అవసరాలు ఉన్నాయో అవన్నీ ప్రసాదించేవాడు. కేవలం ఒక వారి తిండి త్రావుడుకు సంబంధించిన, వారు బ్రతకాలంటే ఏ ఆహారం అవసరమో అంత మాత్రమే కాదు. ప్రతిదీ వారి జీవితంలో వారికి అవసరమున్నది ప్రతిదీ ప్రసాదించేవాడు.

ఈ భావంలో గనక మనం చూస్తే ఖురాన్లో అనేక సందర్భాలలో ఆయతులు ఉన్నాయి. మరియు ఎవరైతే ఈ ఉపాధి అన్నటువంటి భావంలో తీసుకొని, దీనినే చాలా ముఖ్యమైనదిగా భావిస్తారో, జీవితం గడపడానికి ఏ ఏ అవసరాలు ఉన్నాయో అవి లభిస్తే ఇక మాకు స్వర్గం లభించినట్లు అని భావిస్తారో, అలాంటి వారికి హెచ్చరికలు కూడా ఉన్నాయి. అల్లాహ్ అందరికీ ఇది ప్రసాదిస్తాడు. కానీ అల్లాహ్ తన ఇష్ట ప్రకారంగా ఎవరికి ఎంత ఇవ్వాలో అంతే.

ఒకసారి మీరు సూరత్ సబా, ఆయత్ నంబర్ 35 నుండి 37 వరకు గనక చూశారంటే, సంతానం, డబ్బు, ధనం ఇలాంటి విషయాలన్నీ కూడా పొంది ఎవరైతే గర్వపడతారో, మాకు అన్ని అనుగ్రహాలు లభించాయి అన్నటువంటి ఒక మోసంలో ఉంటారో వారికి అల్లాహు తఆలా ఎలా హెచ్చరిస్తున్నాడో ఒక్కసారి మీరు సూర సబా, సూరా నంబర్ 34, ఆయత్ నంబర్ 35 నుండి 38 వరకు అనువాదం చూడండి మరియు దీనిని అర్థం చేసుకునే ప్రయత్నం చేయండి. ఇప్పుడే నేను మీకు చూపిస్తున్నాను మరియు దీనిని చదువుదాము కూడా.

అవిశ్వాసులు అంటున్నారు, మేము శ్రీ సంపదలలో, సంతాన భాగ్యంలో ఎంతో అధికులము. మేము శిక్షించబడటం అనేది జరగని పని అని వారు అన్నారు. అల్లాహు అక్బర్, అస్తగ్ఫిరుల్లాహ్. చూశారా? ఈ రోజుల్లో, మా గ్యాంగ్ చాలా పెద్దది, నా ఫాలోవర్స్ చాలామంది ఉన్నారు, నా వెంట ఫలానా ఫలానా పెద్ద హోదా అంతస్తులు గలవారు ఉన్నారు, నా వద్ద ఇంత డబ్బు, ధనం ఉంది, మాకు ఇక ఎవరి భయము లేదు. ఇట్లాంటి ఎన్నో పదాలు మాటలు మనం వింటూ ఉంటాము.

ఇహలోక పరంగా వారికి లభించిన కొంత సమృద్ధి, దానిని పొంది ఎలా గర్విస్తున్నారో, ఆ తర్వాత వెంటనే అల్లాహ్ వారికి ఎలాంటి ఉపదేశం చేస్తున్నాడో గమనించండి. ఓ ప్రవక్త వారికి చెప్పు: నా ప్రభువు తాను కోరిన వారి ఉపాధిని విస్తృతం చేస్తాడు, తాను కోరిన వారికి కుంచింపజేస్తాడు. కానీ చాలామంది ఈ యధార్థాన్ని గ్రహించరు. ఆ తర్వాత 37 లో, మీ సిరి సంపదలు గానీ, మీ సంతానం గానీ మా సన్నిధిలో అంతస్తుల రీత్యా మిమ్మల్ని ఏమాత్రం దగ్గరకు చేర్చలేవు. అయితే, ఎవరైనా విశ్వసించి సదాచరణ చేస్తే అటువంటి వారికి వారి ఆచరణకు బదులుగా రెండింతల प्रतिఫలం ఉంటుంది, వారు ఎత్తైన మేడలలో సురక్షితంగా ఉంటారు.

గమనించారా సోదర మహాశయులారా? అల్లాహు తఆలా ఎవరికి ఎలాంటి ఉపాధిని, ఇహలోకపు వారి జీవితంలో అవసరం ఉన్నటువంటి అవసరాలు ఇస్తాడో, వాస్తవానికి ఉన్నవాడు కూడా పరీక్షలో ఉన్నాడు, లేని వాడు కూడా పరీక్షలో ఉన్నాడు. కానీ ఈ విషయాన్ని వారు గ్రహించడం లేదు. ఇలాంటి భావంలో ఇంకా అనేక ఆయతులు ఉన్నాయి. సూరత్ అల్ ముఅమినూన్ ఆయత్ నంబర్ 55, 56. అలాగే సూరతుల్ ఇస్రా, ఆయత్ నంబర్ 20, 21.

రెండవ భావం: ప్రత్యేకమైన ఉపాధి (రిజ్క్ ఖాస్)

కానీ ఇక రండి, అర్-రజ్జాక్, అర్-రాజిక్ లోని రెండో భావం. ఇది అందరితో పాటు, అందరికీ లభించే విధంగా సామాన్య రిజ్క్ తో పాటు, ప్రత్యేకమైన రిజ్క్. ముందు దానిని రిజ్క్ ఆమ్ అని అంటారు, రెండవ దానిని రిజ్క్ ఖాస్ అని అంటారు. రిజ్క్ అంటే అర్థం అయ్యింది కదా ఇప్పుడు మీకు, అర్థం అవుతుంది కదా. రజ్జాక్ ఈ రిజ్క్ నుండే వచ్చింది.

రిజ్క్ ఖాస్ ప్రత్యేకమైన ఆ ఉపాధి అనండి. ఎందుకంటే ఈ పదం చాలా ప్రబలి ఉంది, అందరికీ పరిచయం అందుకొరకు దీన్ని మనం ఉపయోగిస్తున్నాము, అల్హందులిల్లాహ్. ఆ ప్రత్యేకమైన రిజ్క్ ఏంటి? హృదయాలకు సంబంధించినది. అది ధర్మ జ్ఞానం రూపంలో, సత్యమైన, బలమైన, దృఢమైన విశ్వాస రూపంలో, దేని ద్వారానైతే ఇహలోకంలో అల్లాహ్ ను గుర్తించి, ప్రవక్త విధానంపై జీవితం గడపగలుగుతామో, దేని ద్వారానైతే పరలోకంలో నరకం నుండి రక్షణ, మోక్షం పొంది స్వర్గంలో ప్రవేశించగలుగుతామో, అలాంటి రిజ్క్.

అలాంటి రిజ్క్. ఇది అసలైన రిజ్క్. ఇది చాలా ఉత్తమమైన రిజ్క్. ఎవరైతే ఈ రిజ్క్ ను పొందుతారో, వాస్తవానికి అలాంటి వారే ఇహ పరలోకాల మేళ్లను పొందేవాళ్ళు. ఈ రిజ్క్ ను ఎవరైతే తప్పిపోయారో, ఇది ఎవరికైతే మిస్ అయిపోయిందో, ఇక వారికి వేరే ఏ ఉపాధి లభించినా, ఏ ధనం సంతానం లభించినా వాస్తవానికి అది వారి నష్టాలను, కష్టాలను, శిక్షలను పెంచుతుంది కానీ నరకం నుండి మోక్షాన్ని కలుగజేయదు.

సూరతు అత్-తలాఖ్. సూరా నంబర్ 65, ఆయత్ నంబర్ 11 లోని రెండవ సగ భాగం గమనించండి, ఇక్కడి నుండి,

وَمَن يُؤْمِن بِاللَّهِ وَيَعْمَلْ صَالِحًا
వమన్ యుఅమిన్ బిల్లాహి వయఅమల్ సాలిహా
మరి ఎవరైతే అల్లాహ్ ను విశ్వసించి సదాచరణ చేస్తారో,

يُدْخِلْهُ جَنَّاتٍ تَجْرِي مِن تَحْتِهَا الْأَنْهَارُ خَالِدِينَ فِيهَا أَبَدًا ۖ
యుద్ఖిల్ హు జన్నతిన్ తజ్రీ మిన్ తహతిహల్ అన్హారు ఖాలిదీన ఫీహా అబదా
వారిని అల్లాహ్ క్రింద కాలువలు ప్రవహించే స్వర్గ వనాలలో ప్రవేశింపజేస్తాడు, వాటిలో వారు కలకాలం ఉంటారు.

قَدْ أَحْسَنَ اللَّهُ لَهُ رِزْقًا
ఖద్ అహ్సనల్లాహు లహు రిజ్కా
నిశ్చయంగా అల్లాహ్ అతనికి అత్యుత్తమమైన ఉపాధిని ఒసగాడు.

ఇది ప్రత్యేకమైన ఉపాధి. ఇది ప్రత్యేకమైన రిజ్క్. అల్లాహ్ మనల్ని ఇలాంటి ప్రత్యేకమైన రిజ్క్ ఉపాధిని పొందిన వారిలో చేర్చాలని మనం అల్లాహ్ యొక్క అర్-రజ్జాక్, అర్-రాజిక్ పేర్ల యొక్క వసీలాతో దుఆ చేయాలి.

ముఖ్యమైన పాఠాలు

ఇక, అల్లాహ్ యొక్క పేర్ల గురించి ఈ ముఖ్యమైన కొన్ని విషయాలు విన్న తర్వాత, మరికొన్ని ఈ పేర్ల గురించి ముఖ్యమైన విషయాలు తెలుసుకోవలసిన అవసరం చాలా చాలా ఉంది. మొట్టమొదటి విషయం ఇందులో, ఈ లోకంలో అల్లాహు తఆలా అనేకమంది ప్రవక్తలను పంపి, అల్లాహ్ ను ప్రజలు ఏదైతే మరిచిపోయి ఇతరులను ఆరాధిస్తున్నారో, వారిని అల్లాహ్ వైపునకు పిలవడానికి, ఏ ఏ అల్లాహ్ యొక్క అనుగ్రహాల ఉపమానాలు వారికి చూపించి అల్లాహ్ యొక్క అనుగ్రహాల నిదర్శనాలు వారికి చూపించి వారిని అల్లాహ్ వైపునకు ఆహ్వానించారో వాటిలో ఒకటి ఏమిటి? అల్లాహ్ మీకు ఏ రిజ్క్ అయితే ప్రసాదిస్తున్నాడో అది కేవలం అల్లాహ్ వైపు నుండే లభిస్తుంది గనక మీరు ఆ అల్లాహ్ ను వదలి ఇంకా వేరే ఎవరినీ కూడా ఆరాధించకూడదు.

సోదర మహాశయులారా, నా మాట అర్థం అవుతుంది కదా మీకు? ఎందుకంటే ఇక్కడ ఈ విషయాన్ని ఆలోచించడం చాలా అవసరం, చాలా అవసరం. ఎవరైనా ఒక మినిస్టర్, ఎవరైనా ఒక లీడర్, ఎవరైనా ఒక ధనికుడు మనకు ఏదైనా మనకు అవసరమైన వస్తువు ఇచ్చాడు, అతనికి ఎంత కృతజ్ఞత చెల్లిస్తాము మనం? అతనికి మనం ఎంత రుణపడి ఉంటాము? ఒక్కసారి, రెండుసార్లు ఎవరైనా మనుషుల్లో మనకు ఏదైనా సహాయం చేస్తే, ఇలా ఉండే మనం, రిజ్క్ ఆమ్, రిజ్క్ ఖాస్, సామాన్య ఉపాధి, ప్రత్యేకమైన ఉపాధి, బాహ్యమైన కళ్లకు కనబడే ఉపాధి రిజ్క్, కళ్లకు కనబడని ఉపాధి అంతా కూడా ప్రసాదించేవాడు ఏకైక అల్లాహ్ మాత్రమే ఉన్నాడు. ఆయన తప్ప వేరే ఎవరూ లేరు అన్న విషయం మనం ఎప్పుడు గ్రహిద్దాము? ఒకవేళ ఈ విషయాన్ని మనం గ్రహించకుంటే అల్లాహ్ యొక్క ఆరాధన సరియైన రీతిలో మనం చేయలేము.

చదవండి ఒకసారి మీరు, సూరత్ యూనుస్. సూరత్ యూనుస్ ఆయత్ నంబర్ 31. ఒకవేళ మీ వద్ద ఖురాన్ కూడా ఉంది కదా ఇప్పటివరకు, గురువుగారితో ఉండి ఖురాన్ చూస్తూ ఉన్నారు మీరు. అందుకొరకే నేను ఆయత్ నంబర్లు చాలా స్పష్టంగా చెబుతున్నాను. సూరత్ యూనుస్ ఆయత్ నంబర్ 31 గనక మీరు శ్రద్ధ వహించారంటే, అల్లాహు తఆలా ఇలా గుర్తు చేస్తున్నాడో ఒకసారి గమనించండి. ఇదిగోండి, మీరు నా తో పాటు మొబైల్ లో కూడా ల్యాండ్స్కేప్ లో పెట్టి శ్రద్ధగా చూడండి.

ఆనాటి కాలంలోని బహుదైవారాధకులు, ముష్రికులు కూడా అల్లాహ్యే రోజీ, రిజ్క్ ప్రసాదించేవాడు, ఉపాధిని ఇచ్చేవాడు అని నమ్మేవారు. ఆకాశం నుండి, భూమి నుండి మీకు ఉపాధిని సమకూర్చేవాడు ఎవడు? చెవులపై, కళ్ళపై పూర్తి అధికారం కలవాడు ఎవడు? ప్రాణమున్న దానిని ప్రాణము లేని దాని నుండి, ప్రాణము లేని దానిని ప్రాణమున్న దాని నుండి వెలికితీసేవాడు ఎవడు? సమస్త కార్యాల నిర్వాహకర్త ఎవరు? అని ఓ ప్రవక్త వారిని అడుగు. అల్లాహ్ యే అని వారు తప్పకుండా చెబుతారు. మరలాంటప్పుడు మీరు అల్లాహ్ యొక్క శిక్షకు ఎందుకు భయపడరు? అల్లాహు అక్బర్, అల్లాహు అక్బర్. ఎంత స్పష్టంగా ఉంది చూడండి.

మనకు అన్ని రకాల రిజ్క్ ప్రసాదించేవారు అల్లాహ్ మాత్రమే అని ఆనాటి కాలంలో ఉన్న బహుదైవారాధకులు కూడా నమ్మేవారు. కానీ ఎంత విచిత్రం, బాధాకరమైన విషయం ఈ రోజుల్లో, ఈ రోజుల్లో ముస్లిమేతరుల సంగతి ఏమిటి? ఎందరో ముస్లింలు, ఎన్నో రకాల రిజ్క్ గురించి, అల్లాహ్ యొక్క మస్జిదులకు వచ్చి, అల్లాహ్ ను ఎలాంటి భాగస్వామి లేకుండా ఆరాధించడం మానేసి, లేకుంటే కొందరు ఇలా చేస్తూ ఎన్నో రకాల రిజ్క్ ల గురించి వేరే ఎన్నో దర్గాల వద్దకు, బాబాల వద్దకు, ఎందరో పుణ్యాత్ములను లేక చనిపోయిన వారిని ఆశించి అక్కడికి వెళ్లి వారితో మొరపెట్టుకుంటారు. ఎంత ఘోరమైన పాపం ఇది గమనించండి.

మనకు అసలైన రిజ్క్ ప్రసాదించేవాడు అల్లాహ్ మాత్రమే. అందుకొరకే అల్లాహు తఆలా ఈ అనుగ్రహాన్ని గుర్తించి షిర్క్ ను ఖండిస్తున్నాడు. అంతే కాదు, అల్లాహ్ మనకు ప్రసాదించిన దానిలో నుండి ఖర్చు చేయాలి అని కూడా మనకు ఆదేశిస్తున్నాడు. ఇక ఈ విషయం సర్వసామాన్యంగా మనందరికీ తెలిసినదే, దీని గురించి ఎక్కువగా వివరం చెప్పను. వేరే సందర్భాలలో ధర్మవేత్తల ప్రసంగాలు కూడా మీరు వింటారు, ఇన్ఫాక్ ఫీ సబీలిల్లాహ్.

అలాగే, మనకు ఉన్నదానిలోనే తృప్తిపడి, దాని గురించి ఎక్కువగా అల్లాహ్ కు కృతజ్ఞత చెల్లించాలి అని కూడా అల్లాహ్ మనకు మాటిమాటికి ఆదేశిస్తూ ఉంటాడు. సూరతుల్ బఖరా ఆయత్ నంబర్ 172 చూస్తే,

يَا أَيُّهَا الَّذِينَ آمَنُوا كُلُوا مِن طَيِّبَاتِ مَا رَزَقْنَاكُمْ
యా అయ్యుహల్లజీన ఆమనూ కులూ మిన్ తయ్యిబాతి మా రజక్నాకుమ్
ఓ విశ్వాసులారా! మేము మీకు ప్రసాదించిన పరిశుభ్రమైన వస్తువులను తినండి.

وَاشْكُرُوا لِلَّهِ
వష్కురూ లిల్లాహ్
మరియు అల్లాహ్‌కు కృతజ్ఞతలు తెలపండి.

إِن كُنتُمْ إِيَّاهُ تَعْبُدُونَ
ఇన్ కున్తుమ్ ఇయ్యాహు తఅబుదూన్
ఒకవేళ మీరు ఆయన్నే ఆరాధిస్తున్నవారైతే.

ఇక చాలా ముఖ్యమైన విషయం. అందరూ శ్రద్ధగా వింటున్నారో కదా? చాలా ముఖ్యమైన విషయం. రిజ్క్ ప్రసాదించేవాడు ఎవడు? కేవలం అల్లాహ్. ఆనాటి కాలంలోని ముస్లింలు కూడా నమ్మేవారు అని మనం ఇప్పుడే తెలుసుకున్నాము.

وَاللَّهُ خَيْرُ الرَّازِقِينَ
వల్లాహు ఖైరుర్ రాజికీన్
మరియు అల్లాహ్ ఉత్తమ ఉపాధి ప్రదాత.

وَاللَّهُ يَرْزُقُ مَن يَشَاءُ بِغَيْرِ حِسَابٍ
వల్లాహు యర్జుకు మన్ యషాఉ బిగైరి హిసాబ్
మరియు అల్లాహ్ తాను కోరిన వారికి లెక్కలేనంతగా ప్రసాదిస్తాడు.

ఎన్నో ఆయతులు ఉన్నాయి.

ముఖ్యమైన విషయం ఏంటి ఇప్పుడు నేను చెప్పబోతున్నది? మనకు ఎక్కువ సంతానం అయితే ఎలా వారికి మనం తినిపిస్తాము? ఎలా వారికి త్రాపిస్తాము? ఎలా వారి ఖర్చులను చూడగలుగుతాము? మన ఉపాధి చాలా తక్కువగా ఉంది, నా యొక్క జీతం చాలా తక్కువగా ఉంది, మన యొక్క రాబడి దుకాణంలో చాలా తక్కువగా ఉంది, మన వద్ద పంటలు అంత ఎక్కువగా లేవు, భూములు ఎక్కువగా లేవు, ఆస్తిపాస్తులు లేవు, సంతానం ఎక్కువ అయ్యేది ఉంటే ఎలా వారి పెళ్ళిళ్ళు చేసేది? ఎలా వారికి డిగ్రీలు చదివించేది? అన్నటువంటి ఆలోచనల్లో పడి ఎవరైతే సంతానం పుట్టకుండా ఆపరేషన్లు చేయించుకుంటున్నారో, కడుపులో గర్భం నిలిచిన తర్వాత బిడ్డ పుడుతుందేమో అన్నటువంటి వార్త వచ్చి అబార్షన్లు చేయిస్తున్నారో, లేదా పుట్టిన తర్వాత తీసుకువెళ్లి అలాగే సజీవంగా పాతిపెడుతున్నారో లేక కాల్చేస్తున్నారో లేదా చెత్తకుండీల వద్ద పారేస్తున్నారో, ఇలాంటి వారందరూ కూడా ఎంత ఘోరాతి ఘోరమైన, నీచాతి నీచమైన పాపానికి ఒడిగడుతున్నారో, అల్లాహు అక్బర్. అల్లాహు తఆలా సూరతుల్ ఇస్రా, బనీ ఇస్రాయిల్ లోని ఆయత్ నంబర్ 31 లో

وَلَا تَقْتُلُوا أَوْلَادَكُمْ خَشْيَةَ إِمْلَاقٍ ۖ نَّحْنُ نَرْزُقُهُمْ وَإِيَّاكُمْ
వలా తక్తులు అవ్లాదకుమ్ ఖష్యత ఇమ్లాఖిన్ నహ్ను నర్జుకుహుమ్ వ ఇయ్యాకుమ్.
“పేదరికపు భయంతో మీ సంతానాన్ని చంపకండి. వారికి, మీకు కూడా మేమే ఉపాధిని ప్రసాదిస్తాము.”

సోదర మహాశయులారా, ఖురాన్లో రెండు సందర్భాల్లో, ఖురాన్లో రెండు సందర్భాల్లో ఈ ఆయత్ ప్రస్తావించబడింది. కానీ ఖురాన్ అల్లాహ్ యొక్క సత్య గ్రంథం అన్న విషయంలో, అల్లాహు అక్బర్. ఇప్పటికీ ఎంత గొప్ప నిదర్శనం ఉన్నదో దీనిని మీరు గమనించండి. ఒకచోట

نَحْنُ نَرْزُقُكُمْ وَإِيَّاهُمْ
నహ్ను నర్జుకుకుమ్ వ ఇయ్యాహుమ్.
“మేమే మీకు మరియు వారికి ఉపాధినిస్తాము.”

ఇది సూరతుల్ అన్ఆమ్ ఆయత్ నంబర్ 151 లో. అంటే ఏమిటి? మీరు మీ సంతానాన్ని పేదరికంతో ఖర్చు పెట్టవలసి వస్తుంది అన్నటువంటి భయంతో చంపకండి. ఆ తర్వాత సూరతుల్ అన్ఆమ్ లో ఏముంది?

حْنُ نَرْزُقُكُمْ
నహ్ను నర్జుకుకుమ్
“మేమే మీకు ఉపాధినిస్తాము.”

وَإِيَّاهُمْ
వ ఇయ్యాహుమ్
“మరియు వారికి.”

ఎప్పుడైతే తల్లిదండ్రులు స్వయం తమ గురించి, అయ్యో నాకు ఇంతే స్తోమత ఉంది, నాకు ఇంతే ఉంది అని తమ గురించి ఆలోచించి భయపడ్డారో, అక్కడ అల్లాహు తఆలా కుమ్ [కుమ్], మీకు అని ముందు చెప్పాడు. మరియు అదే సూరతుల్ ఇస్రా, దాని యొక్క రెండో పేరు బనీ ఇస్రాయిల్, ఆయత్ నంబర్ 31 లో,

حْنُ نَرْزُقُكُمْ
నహ్ను నర్జుకుహుమ్
“మేమే వారికి ఉపాధినిస్తాము.”

وَإِيَّاكُمْ
వ ఇయ్యాకుమ్
“మరియు మీకు.”

సంతాన ప్రస్తావన, ఇంకా ఇహలోకంలో రాని సంతానం, వారి గురించి ముందు ప్రస్తావించాడు అల్లాహు తఆలా. తర్వాత మీకు అని చెప్పాడు. ఎందుకు? ఎక్కడైతే సంతానం ఎక్కువ అయితే మనకు తినిపించడం, త్రాపించడం, వారిని పోషించడం కష్టమవుతుంది అని భావించారో, అల్లాహు తఆలా వారి ప్రస్తావన ముందు చేశాడు.

ఇది గమనించండి. అల్లాహు తఆలా ఇంతటి గొప్ప ఉపాధి ప్రధాత అయితే ఇక మనం ఎందుకని భయపడవలసింది? అయితే గమనించాలి ఇక్కడ అదేమిటి? రిజ్క్ విషయంలో, మన కొరకు ఏ విషయాలు హరామ్, ఏ విషయాలు హలాల్ ఈ నిర్ణయం చేసే హక్కు కేవలం అల్లాహ్ కు మాత్రమే ఉన్నది. సూరతుల్ ఆరాఫ్, ఆయత్ నంబర్ 32, అలాగే సూరత్ యూనుస్ ఆయత్ నంబర్ 59 లో అల్లాహ్ దీనిని స్పష్టం చేశాడు. ఈ మాట ఎందుకు తీసుకురావడం జరిగింది? ఈ రోజుల్లో కొందరు కొన్ని ఆహార విషయాల్లో, కొన్ని ఉపాధి విషయాల్లో, వారి జీవితంలో ఉపయోగపడే విషయాల్లో తమ ఇష్టానుసారం, తమ అందా కరుణ, మా ఇమాములు, మా బుజుర్గులు, మా యొక్క పీర్లు, మా యొక్క ముర్షదులు అని కొందరు కొన్ని రకాల అందా అనుకరణలో ఏదైతే పడి ఉన్నారో, గుడ్డి విశ్వాసంలో పడి ఉన్నారో, దాని కారణంగా అల్లాహ్ హరామ్ చేసిన విషయాలను కొందరు హలాల్ చేసుకోవడం, అల్లాహ్ హలాల్ చేసిన విషయాలను మరికొందరు హరామ్ చేసుకోవడం ఇలాంటి పాపాలకు పాల్పడుతున్నారు. అందుకొరకు ఈ విషయంలో కూడా అల్లాహ్ తో భయపడాలి.

ఇక, మనకు అల్లాహు తఆలా ఇహలోకపు ఉపాధితో పాటు పరలోక ఉపాధి వృద్ధిగా, సమృద్ధిగా ప్రసాదించాలి అని అంటే, మనం అల్లాహ్ హలాల్ చేసిన విషయాలను మాత్రమే అవలంబించాలి. వాటన్నిటిలో అతి గొప్ప విషయం విశ్వాసం. అల్లాహ్ పై, అల్లాహ్ ఎవరెవరిని విశ్వసించాలని చెప్పాడో, మరియు అల్లాహ్ యొక్క ఆరాధన సరియైన రీతిలో చేస్తూ ఉండాలి.

ఈ లోకంలో అవిశ్వాసులకు ఇంకా అల్లాహ్ ను తిరస్కరించే వారికి, నాస్తికులకు అల్లాహ్ ఆహారం ప్రసాదిస్తున్నాడు కానీ అది అసలైన ఆహారం కాదు. అది అసలైన ఉపాధి కాదు. ఎందుకంటే మన జీవిత ఉద్దేశం తినడానికి మనం పుట్టలేదు. ఈ తినడం, త్రాగడం, ఉపాధి ఇవన్నీ కూడా అసలైన ఉద్దేశానికి ఒక సబబు. అయితే సబబునే అసల్ టార్గెట్ గా మనం నిర్ణయించుకుంటే చాలా పొరపాటలో పడిపోతాము. అయితే విశ్వాసం ఇది చాలా గొప్ప విషయం. ఈ విషయంలో కూడా ఒకవేళ మనం ఖురాన్లో గనక చూస్తే సూరతున్ నహ్ల్ లోనే చూడండి. ఇంకా వేరే సూరాలలో కూడా, ఈ బస్తీవాసులు గనక విశ్వాస మార్గాన్ని అవలంబిస్తే మేము వారికి సమృద్ధిగా ఉపాధి ప్రసాదించే వారిమి. అలా ప్రసాదించబడినప్పుడు అల్లాహ్ యొక్క హక్కులను గమనించడం, నెరవేర్చడం చాలా తప్పనిసరి విషయం.

ముగింపు

సోదర మహాశయులారా, మనం ఇహలోకపు మరియు పరలోకపు అతి ఉత్తమమైన, అల్లాహ్ కు ఇష్టమైన రిజ్క్ ను మనం అడిగినప్పుడు, అల్లాహ్ యొక్క ఈ రెండు పేర్లు రాజిక్ మరియు రజ్జాక్ వసీలాతో అడగాలి. దీని ద్వారా మనకు బోధపడుతున్న మరొక విషయం, అల్లాహ్ రజ్జాక్ మనకు ఏదైనా ప్రసాదించాడు అంటే దానిలో మనం ఖర్చు పెట్టే బీదవాళ్ళకు, పేదవాళ్ళకు, అవసరం ఉన్నవారికి ఇచ్చేటువంటి ఆదేశం కూడా ఇచ్చాడు, ఆ విషయాన్ని గమనించాలి. మరియు ఇహలోకంలో ఉన్నటువంటి మన శరీరానికి సంబంధించిన ఉపాధి ఒకటి ఉంటే మన ఆత్మకు సంబంధించిన ఉపాధి మరొకటి ఉన్నది.

మన శరీరానికి సంబంధించిన ఉపాధి భూమి నుండి, వర్షం రూపంలో ఆకాశం నుండి, భూమి నుండి ఆహారం రూపంలో మనం పొందుతాము. కానీ ఆత్మకు అవసరమైన ఆహారం, ఉపాధి అల్లాహ్ వహీ రూపంలో, ఖురాన్ హదీస్ రూపంలో ఆకాశం నుండి ఏదైతే పంపాడో దాన్ని కూడా మనం తీసుకోవాలి. ఎక్కువ సంఖ్యలో తీసుకోవాలి. అప్పుడే దానిని తీసుకొని మనం ఆచరించినప్పుడే మనకు పరలోకంలో ఎన్నటికీ అంతం కాని ఆహారం లభిస్తుంది. ఉదాహరణకు సూరత్ సాద్, ఆయత్ నంబర్ 54 మీరు చూశారంటే,

إِنَّ هَٰذَا لَرِزْقُنَا مَا لَهُ مِن نَّفَادٍ
ఇన్న హాదా లరిజ్కునా మా లహు మిన్ నఫాద్.
“నిశ్చయంగా ఇది మా ఉపాధి, దీనికి అంతమంటూ లేదు.”

అల్లాహు అక్బర్. ఆయత్ నంబర్ 49 లో ఏముంది?

هَٰذَا ذِكْرٌ
హాదా జిక్ర్
“ఇది ఒక హితబోధ.”

అయితే,

وَإِنَّ لِلْمُتَّقِينَ لَحُسْنَ مَآبٍ
వ ఇన్న లిల్ ముత్తకీన లహుస్న మఆబ్
“నిశ్చయంగా దైవభీతిపరులకు అత్యుత్తమ గమ్యస్థానం ఉంది.”

ఆ తర్వాత, స్వర్గంలోని కొన్ని విషయాల గురించి అల్లాహు తఆలా ప్రస్తావించాడు. చివరలో ఏమంటున్నాడు?

إِنَّ هَٰذَا لَرِزْقُنَا
ఇన్న హాదా లరిజ్కునా
“నిశ్చయంగా ఇది మా ఉపాధి.”

مَا لَهُ مِن نَّفَادٍ
మా లహు మిన్ నఫాద్
“దీనికి అంతమంటూ లేదు.”

అయితే స్వర్గంలో ఆ ఎల్లకాలం శాశ్వతంగా అంతం కాని ఆ రిజ్క్ మనకు ప్రసాదించబడటానికి తప్పకుండా మనం అల్లాహ్ యొక్క రాజిక్, రజ్జాక్ పేర్ల సహాయంతో దుఆ చేసుకుంటూ, అల్లాహ్ కు ఇష్టమైన రీతిలో మనం జీవితం గడపాలి. చివరిలో నేను రెండు ఆయతులు, వాటి యొక్క అర్థాలు తెలిపి నా యొక్క ఈ ప్రసంగాన్ని ముగించేస్తున్నాను. మొదటి ఆయత్ సూరతుల్ హజ్, ఆయత్ నంబర్ 50.

فَالَّذِينَ آمَنُوا
ఫల్లజీన ఆమనూ
“కాబట్టి ఎవరైతే విశ్వసించారో…”

وَعَمِلُوا الصَّالِحَاتِ
వ అమిలుస్ సాలిహాత్
“…మరియు సత్కార్యాలు చేశారో…”

لَهُم مَّغْفِرَةٌ
లహుమ్ మగ్ఫిరతున్
“…వారికి క్షమాపణ ఉంది…”

وَرِزْقٌ كَرِيمٌ
వ రిజ్కున్ కరీమ్
“…మరియు గౌరవప్రదమైన ఉపాధి ఉంది.”

అలాగే ఈ భావంలోనే అల్లాహు తఆలా సూరతుల్ అన్ఫాల్ ఆరంభంలో కూడా తెలిపాడు. సూరతుల్ అన్ఫాల్ ఆరంభంలో కూడా అల్లాహు తఆలా విశ్వాసం, నమాజ్ మరియు ఇంకా ఖురాన్ యొక్క తిలావత్, ఎందుకంటే ఇప్పుడు రమజాన్ కూడా వస్తుంది, ఎల్లవేళలో ఖురాన్ తిలావత్ చేయాలి, కానీ ప్రత్యేకంగా, ప్రత్యేకంగా మనం రమజాన్ లోనైతే ఇంకా ఎక్కువగా అధికంగా ఖురాన్ పారాయణం చేయాలి. అయితే సూరె అన్ఫాల్ యొక్క ఆయతులను గమనించండి. నిజమైన విశ్వాసులు ఎటువంటి వారంటే, అల్లాహ్ ప్రస్తావన రాగానే వారి హృదయాలు భయంతో వణుకుతాయి. అల్లాహ్ ఆయతులు వారి ముందు పఠించబడినప్పుడు అవి వారి విశ్వాసాన్ని మరింత వృద్ధి చేస్తాయి. వారు తమ ప్రభువునే నమ్ముకుంటారు. వారు నమాజు నెలకొల్పుతారు. మేము వారికి ప్రసాదించిన దానిలో నుంచి మా మార్గంలో ఖర్చు పెడతారు.

أُولَٰئِكَ هُمُ الْمُؤْمِنُونَ حَقًّا
ఉలాయిక హుముల్ ముఅమినూన హక్కా
“వారే నిజమైన విశ్వాసులు.”

వీరి కొరకు వీరి ప్రభువు వద్ద ఉన్నత స్థానాలు ఉన్నాయి. మన్నింపు ఉంది, గౌరవప్రదమైన ఆహారం ఉంది. అల్లాహు అక్బర్.

అల్లాహు తఆలా ఇలాంటి గౌరవప్రదమైన ఆహారం, మన్నింపు, ఉన్నత స్థానాలు మనందరికీ ప్రసాదించుగాక. వాటిని పొందే విశ్వాస సత్కార్య మార్గాలను కూడా అవలంబించే భాగ్యం ప్రసాదించుగాక. ఆమీన్.

وَآخِرُ دَعْوَانَا أَنِ الْحَمْدُ لِلَّهِ رَبِّ الْعَالَمِينَ
వ ఆఖిరు దఅవానా అనిల్ హందులిల్లాహి రబ్బిల్ ఆలమీన్.
“మా చివరి ప్రార్థన సర్వలోకాల ప్రభువైన అల్లాహ్‌కే సర్వస్తోత్రాలు అని.”

—

అల్లాహ్ (త’ఆలా):
https://teluguislam.net/allah/

దీన్ని షేర్ చెయ్యండి మీ బంధుమిత్రులతో , బారకల్లాహు ఫీకుమ్: “మంచికి మార్గనిర్దేశం చేసేవారికి దానిని ఆచరించిన వారితో సమానమైన పుణ్యం లభిస్తుంది” [సహీహ్ ముస్లిం, 3వ భాగం, నం .4665] ఈ క్రింది లింక్‌ దర్శించి మీ స్నేహితులు మరియు బంధువులు మా వాట్సాప్ గ్రూపులో చేరవచ్చు: teluguislam.net/whatsapp/. మా టెలిగ్రామ్ ఛానల్ https://t.me/teluguislam .మా యూట్యూబ్ ఛానల్: youtube.com/c/teluguislam . జిక్ర్ & దుఆల కోసం కొత్త వెబ్సైటు: telugudua.net

అల్లాహ్ శుభనామములైన “అల్ హయ్ (సజీవుడు), అల్ ఖయ్యూమ్ (సర్వానికి ఆధారభూతుడు)” యొక్క వివరణ [వీడియో & టెక్స్ట్]

teluguislam.net చేసెప్టెంబర్ 16, 2022సెప్టెంబర్ 9, 2025

అల్లాహ్ శుభనామములైన “అల్ హయ్ (సజీవుడు), అల్ ఖయ్యూమ్” యొక్క వివరణ
https://youtu.be/Y9EhNR3PhYw [27 నిముషాలు]
వక్త: ముహమ్మద్ నసీరుద్దీన్ జామి’ఈ (హఫిజహుల్లాహ్)

ఈ ప్రసంగంలో, వక్త అల్లాహ్ యొక్క రెండు గొప్ప నామాలైన “అల్-హయ్యు” (సజీవుడు) మరియు “అల్-ఖయ్యూమ్” (సర్వానికి ఆధారభూతుడు) యొక్క లోతైన అర్థాలను వివరిస్తారు. “అల్-హయ్యు” అంటే అల్లాహ్ శాశ్వతంగా, సంపూర్ణంగా జీవించి ఉన్నవాడని, ఆయన జీవంలో ఎలాంటి లోపం లేదని, మరియు సమస్త జీవరాశులకు ఆయనే జీవప్రదాత అని అర్థం. “అల్-ఖయ్యూమ్” అంటే అల్లాహ్ స్వీయ-ఆధారితమైనవాడని, ఆయనకు ఎవరి సహాయం అవసరం లేదని, అదే సమయంలో సృష్టి మొత్తాన్ని ఆయనే పోషిస్తూ, నిర్వహిస్తున్నాడని భావం. ఈ రెండు నామాలు కలిసి అల్లాహ్ యొక్క అన్ని ذاتي (దాతి) మరియు فعلي (ఫి’లీ) గుణాలను కలిగి ఉన్నాయని వక్త నొక్కిచెప్పారు. ఈ నామాల ప్రాముఖ్యతను వివరించడానికి ఖురాన్ (సూరహ్ అల్-బఖరా, సూరహ్ ఆల్-ఇమ్రాన్, సూరహ్ తాహా) మరియు హదీసుల నుండి ఉదాహరణలు ఇవ్వబడ్డాయి. కష్ట సమయాల్లో ఈ నామాలతో అల్లాహ్‌ను ప్రార్థించడం చాలా పుణ్యప్రదమని, ఆయన సహాయం మరియు క్షమాపణ పొందటానికి ఇది ఒక మార్గమని చెప్పబడింది. విశ్వాసులు తమ విశ్వాసాన్ని బలోపేతం చేసుకోవడానికి, కేవలం అల్లాహ్‌పైనే ఆధారపడటానికి ఈ నామాలను అర్థం చేసుకుని, వాటిపై ధ్యానం చేయాలని వక్త ప్రోత్సహించారు.

అస్సలాము అలైకుమ్ వరహ్మతుల్లాహి వబరకాతుహు. అల్హందులిల్లాహి వహదహు వస్సలాతు వస్సలాము అలా మన్ లా నబియ్య బఅద అమ్మా బఅద్.

సోదర మహాశయులారా, సోదరీమణులారా, ప్రియ వీక్షకులారా! అల్లాహ్ యొక్క శుభ నామాలలో చాలా గొప్ప నామాలలో లెక్కించబడే అటువంటివి రెండు నామాలు అల్-హయ్యు, అల్-ఖయ్యూమ్ గురించి ఈరోజు మనం తెలుసుకోబోతున్నాము.

మీకు తెలిసిన విషయమే, అల్-హయ్యు అల్-ఖయ్యూమ్, ఇవి రెండూ కలిసి ఖురాన్ లో మూడు సందర్భాల్లో అల్లాహ్ తఆలా ప్రస్తావించాడు. ఎక్కడెక్కడ? నేను ఒక హదీస్ చెప్పినప్పుడు దాని వివరణ మీకు తెలియజేస్తాను. కానీ ఈ సందర్భంలో మనం ముఖ్యంగా తెలుసుకోవలసిన విషయం ఈ రెండు నామాల యొక్క భావం ముందు.

అల్-హయ్యు (The Ever-Living) – సజీవుడు

అల్-హయ్యు అంటే సంపూర్ణ, ఎలాంటి కొరత లేని జీవం గలవాడు, సజీవుడు. అంతేకాదు, స్వతహాగా స్వయం ఎవరి ఏ ఆధారం లేకుండా సజీవంగా ఉండి, ప్రతీ ఒక్కరికి జీవం ప్రసాదించేవాడు.

అల్-హయ్యు అన్న పేరు అల్లాహ్ ది ఏదైతే ఉందో,

أَلْحَيَاةُ الْكَامِلَة
అల్-హయాతుల్ కామిలా
సంపూర్ణమైన జీవం

అందులో అల్లాహ్ యొక్క గొప్ప గుణం ఏముంది? అల్లాహు తఆలా యొక్క గొప్ప గుణం, అల్లాహ్ సజీవుడు. స్వతహాగా, ఎవరి ఆధారం లేకుండా అల్లాహు తఆలా జీవించి ఉన్నాడు. అంతేకాదు, ఇతరులకు కూడా జీవం ప్రసాదించువాడు. ఇంత గొప్పగా దీనిని ఇంతగా ఏం చెబుతున్నారు, మనమందరము కూడా జీవించి ఉన్నాము కదా అని కొందరు చాలా చులకనగా ఆలోచిస్తారు కావచ్చు. కానీ ఇలా ఆలోచించడం కూడా తప్పు.

మన జీవితం, సృష్టి రాశుల్లోని ఎవరి జీవితమైనా వందలాది సంవత్సరాలు కాదు, వేలాది, లక్షలాది సంవత్సరాలు ఎవరైనా బ్రతికి ఉన్నా, వారి బ్రతుకుకు, వారి జీవనానికి, వారి ఉనికి కంటే ముందు ఏమీ లేకుండా ఉన్నారు. ఒకరోజు వారి ఉనికి అంతము కానుంది. కానీ అల్లాహు తఆలా ఆది, అంతము లేనివాడు. అల్లాహ్ మొట్టమొదటి నుండి, ఇక దాని యొక్క ప్రారంభం మనకు తెలియదు, కేవలం అల్లాహ్ కే తెలుసు. అప్పటినుండి ఉన్నాడంటే, చివరి వరకు కూడా ఉంటాడు. అల్లాహ్ కు మరణం అన్నది, మరియు అలసట అన్నది, నిద్ర, కునుకు అన్నది ఏదీ కూడా లేదు. అదే విషయం సూరత్ అల్-బఖరా లోని ఆయతల్ కుర్సీ, ఖురాన్ లోని అతి గొప్ప ఆయత్, ఆయతుల్ కుర్సీలో అల్లాహ్ ఇలా అంటాడు:

ٱللَّهُ لَآ إِلَٰهَ إِلَّا هُوَ ٱلْحَىُّ ٱلْقَيُّومُ ۚ لَا تَأْخُذُهُۥ سِنَةٌ وَلَا نَوْمٌ
అల్లాహు లా ఇలాహ ఇల్లా హువల్ హయ్యుల్ ఖయ్యూమ్, లా త’అఖుదుహూ సినతువ్ వలా నౌమ్
అల్లాహ్, ఆయన తప్ప సత్య ఆరాధ్యుడు మరెవ్వడూ లేడు, అల్-హయ్యు (సజీవుడు), అల్-ఖయ్యూమ్ (సృష్టి యావత్తుకు ఆధారభూతుడు). ఆయనకు కునుకు గానీ, నిద్ర గానీ రాదు.

ఇక్కడ అల్-హయ్యు యొక్క వివరణలో, “లా త’అఖుదుహూ సినతువ్ వలా నౌమ్” అని కూడా ఎందుకు ప్రస్తావించడం జరిగింది? ఎందుకంటే నిద్రను చిన్న మరణం అని కూడా అంటారు. మరియు ఈ విషయం సహీహ్ బుఖారీ, సహీహ్ ముస్లింలో వచ్చిన ఒక హదీస్ ద్వారా కూడా మనకు తెలుస్తుంది. ప్రవక్త సల్లల్లాహు అలైహి వసల్లం వారి యొక్క దుఆలలో ఒక దుఆ ఇది కూడాను. మనమందరము ఇలాంటి దుఆలు నేర్చుకోవాలి. కేవలం నేర్చుకోవడమే కాదు, ఇలాంటి దుఆలు చదువుతూ ఉండాలి కూడా.

ఏంటి ఆ దుఆ?

اللَّهُمَّ لَكَ أَسْلَمْتُ وَبِكَ آمَنْتُ وَعَلَيْكَ تَوَكَّلْتُ وَإِلَيْكَ أَنَبْتُ وَبِكَ خَاصَمْتُ اللَّهُمَّ إِنِّي أَعُوذُ بِعِزَّتِكَ لَا إِلَهَ إِلَّا أَنْتَ أَنْ تُضِلَّنِي، أَنْتَ الْحَيُّ الَّذِي لَا يَمُوتُ وَالْجِنُّ وَالْإِنْسُ يَمُوتُونَ

అల్లాహుమ్మ లక అస్లంతు, వబిక ఆమంతు, వఅలైక తవక్కల్తు, వఇలైక అనబ్తు, వబిక ఖాసంతు. అల్లాహుమ్మ ఇన్నీ అఊదు బిఇజ్జతిక లా ఇలాహ ఇల్లా అంత అన్ తుదిల్లనీ, అంతల్ హయ్యుల్లదీ లా యమూత్, వల్-జిన్ను వల్-ఇన్సు యమూతూన్.

ఓ అల్లాహ్, నీకు నేను విధేయుడనయ్యాను, నిన్నే నేను విశ్వసించాను, నీపైనే నేను భారం మోపాను, నీ వైపునకే నేను మరలాను, నీ ఆధారంగానే నేను వాదిస్తున్నాను. ఓ అల్లాహ్, నీవు తప్ప మరో ఆరాధ్య దైవం లేడు, నీ ఘనత యొక్క శరణు కోరుతున్నాను, నీవు నన్ను మార్గభ్రష్టత్వానికి గురి చేయకుండా కాపాడు. నీవే సజీవునివి, ఎన్నటికీ చావు రాని వానివి. జిన్నాతులు మరియు మానవులందరూ కూడా చనిపోయేవారే.

అల్లాహ్ తప్ప ఈ లోకంలో ఎవరైనా గానీ, వారికి ఏ జీవం అయితే ఉన్నదో, ఏ బ్రతుకు అయితే ఉన్నదో, అల్లాహ్ ప్రసాదించినదే. అల్లాహ్ కోరినప్పుడు వారిని మరణింపజేస్తాడు.

اللَّهُ الَّذِي خَلَقَكُمْ
అల్లాహుల్లదీ ఖలఖకుమ్
అల్లాహ్ యే మిమ్మల్ని సృష్టించాడు. (సూరతుర్-రూమ్)

సూరతుర్-రూమ్ లో ఇంతకుముందు మనం ఆయత్ విని ఉన్నాము. అల్లాహ్ యే మిమ్మల్ని సృష్టించాడు, మీకు మరణం ప్రసాదిస్తాడు. అల్లాహు తఆలా మళ్ళీ మిమ్మల్ని సజీవంగా లేపుతాడు.

అయితే సోదర మహాశయులారా, అల్-హయ్యు, ఇందులో అల్లాహు తఆలా యొక్క దీనిని “ఇస్మే దాత్” అని కూడా అంటారు. అంటే, అల్లాహ్ రబ్బుల్ ఆలమీన్ యొక్క అతి గొప్ప, స్వతహాగా ఉండే అటువంటి గుణాలన్నిటినీ కూడా ఈ ఒక్క పేరు తెలియజేస్తుంది. ఉదాహరణకు, ఇమామ్ ఇబ్నుల్ ఖయ్యిమ్ రహిమహుల్లాహ్ ఒక సందర్భంలో తెలియజేశారు:

الحَيُّ الْجَامِعُ لِصِفَاتِ الذَّاتِ
అల్-హయ్యు అల్-జామిఉ లి-సిఫాతిద్-దాత్
అల్-హయ్యు (అనే పేరు) అల్లాహ్ యొక్క స్వతస్సిద్ధమైన గుణాలన్నిటినీ సమీకరించేది.

అల్లాహ్ యొక్క స్వతహా గుణాలు, ఎలాంటి స్వతహా గుణాలు? అల్-ఇల్మ్ (జ్ఞానం), వస్-సమ్’అ (వినడం), వల్-బసర్ (చూడడం), వల్-యద్ (చెయ్యి), ఇలాంటి అల్లాహ్ యొక్క ఏ గుణాల ప్రస్తావన వచ్చి ఉన్నదో ఖురాన్, సహీహ్ హదీసులలో, వాటన్నిటినీ, అవన్నీ కూడా ఈ అల్-హయ్యు అన్న పేరులో వచ్చేస్తాయి.

అల్-ఖయ్యూమ్ (The Self-Sustaining) – సర్వ సృష్టికి ఆధారభూతుడు

ఇక అల్-ఖయ్యూమ్. దీని భావం ఏమిటంటే, అల్లాహు తఆలా ఎవరి ఏ అవసరం, ఏ ఆధారం లేకుండా స్వతహాగా ఉన్నాడు అంటే, ఇతరులందరి పనులను, వ్యవహారాలను, వారి యొక్క అన్ని విషయాలను అల్లాహ్ రబ్బుల్ ఆలమీన్ మాత్రమే చక్కబరుస్తూ, వాటికి బాధ్యత తీసుకుని ఉన్నాడు. అందుకొరకే, సర్వసామాన్యంగా మన తెలుగు అనువాదాల్లో అల్-ఖయ్యూమ్ అని వచ్చిన పేరుకు “సర్వ సృష్టికి ఆధారభూతుడు” అన్నటువంటి తెలుగు పదం ఉపయోగించడం జరిగింది. మరియు ఇమామ్ ఇబ్నుల్ ఖయ్యిమ్ రహిమహుల్లాహ్ ఈ పేరు గురించి చెప్పారు,

القَيُّومُ الْجَامِعُ لِصِفَاتِ الأَفْعَالِ
అల్-ఖయ్యూమ్ అల్-జామిఉ లి-సిఫాతిల్-అఫ్ఆల్
అల్-ఖయ్యూమ్ (అనే పేరు) అల్లాహ్ యొక్క కార్యాలకు సంబంధించిన గుణాలన్నిటినీ సమీకరించేది.

ఆ సిఫాతుల్ అఫ్ఆల్ ఏంటి? అల్-ఖల్ఖ్ (సృష్టించడం), అర్-రిజ్ఖ్ (ఉపాధి కలిగించడం), వల్-ఇన్ఆమ్ (అనుగ్రహాలు నొసంగడం), అల్-ఇహ్యా (బ్రతికించడం), వల్-ఇమాత (చంపడం), ఇలాంటి ఇంకా ఎన్నో పేర్లు “రాజిఅతున్ ఇలా ఇస్మిహిల్ ఖయ్యూమ్” (అల్-ఖయ్యూమ్ అనే పేరు వైపు మరలుతాయి). ఇవన్నీ కూడా అల్-ఖయ్యూమ్ అన్న పేరులో వచ్చేస్తాయి.

అల్-హయ్యు వల్-ఖయ్యూమ్, ఇవి రెండూ ఖురాన్ లో కూడా వచ్చి ఉన్నాయి మరియు ప్రవక్త సల్లల్లాహు అలైహి వసల్లం వారి హదీసుల్లో కూడా వచ్చి ఉన్నాయి. ఖురాన్ లో వచ్చి ఉన్న సందర్భాన్ని ముందు తీసుకుందాము. దీనికి సంబంధించి ప్రవక్త సల్లల్లాహు అలైహి వసల్లం వారి ఒక సహీహ్ హదీస్ కూడా ఉంది. అబీ హాతిమ్ లో, తిర్మిదీ లో, ఇబ్నే మాజా లో ఇంకా వేరే హదీస్ గ్రంథాల్లో, షేఖ్ అల్బానీ రహిమహుల్లాహ్ వారు “సహీహుల్ జామిఅ” లో ప్రస్తావించారు (హదీస్ నం. 979).

اِسْمُ اللَّهِ الأَعْظَمُ الَّذِي إِذَا دُعِيَ بِهِ أَجَابَ وَإِذَا سُئِلَ بِهِ أَعْطَى
ఇస్ముల్లాహిల్ అ’జమ్ అల్లదీ ఇదా దుఇయ బిహి అజాబ్, వ ఇదా సుఇల బిహి అ’తా
అల్లాహ్ యొక్క గొప్ప పేరు, దాని ద్వారా దుఆ చేస్తే ఆయన వెంటనే స్వీకరిస్తాడు మరియు దాని ద్వారా అర్ధించడం జరిగితే ఆయన ప్రసాదిస్తాడు.

ఏంటి ఆ పేర్లు? చెప్పారు ప్రవక్త సల్లల్లాహు అలైహి వసల్లం. ఖురాన్ లోని సూరతుల్ బఖరాలో, సూరత్ ఆల్-ఇమ్రాన్ లో మరియు సూరతు తాహా లో ఉన్నాయి. ఇక హదీస్ వ్యాఖ్యానకర్తలు చెబుతున్నారు, సూరహ్ బఖరాలో గనుక మనం చూస్తే ఆయత్ నంబర్ 255, ఆయతుల్ కుర్సీలో:

ٱللَّهُ لَآ إِلَٰهَ إِلَّا هُوَ ٱلْحَىُّ ٱلْقَيُّومُ
అల్లాహు లా ఇలాహ ఇల్లా హువల్ హయ్యుల్ ఖయ్యూమ్.

సూరత్ ఆల్-ఇమ్రాన్ యొక్క ఆరంభంలోనే:

الٓمٓ (١) ٱللَّهُ لَآ إِلَٰهَ إِلَّا هُوَ ٱلْحَىُّ ٱلْقَيُّومُ (٢)
అలిఫ్-లామ్-మీమ్. అల్లాహు లా ఇలాహ ఇల్లా హువల్ హయ్యుల్ ఖయ్యూమ్.

ఇక సూరత్ త్వాహాలో గనుక మనం చూస్తే, ఆయత్ నంబర్ 111:

وَعَنَتِ ٱلْوُجُوهُ لِلْحَىِّ ٱلْقَيُّومِ
వ అనతిల్ వుజూహు లిల్-హయ్యిల్ ఖయ్యూమ్.

సోదర మహాశయులారా, ఈ హదీస్, ఈ హదీస్ యొక్క వివరణలో మనకు తెలిసిన విషయం ఏంటంటే, మనం అల్లాహు తఆలా యొక్క ఈ రెండు పేర్ల గొప్పతనాన్ని గ్రహించాలి మరియు ఇందులో ఉన్నటువంటి భావాన్ని గ్రహించాలి. దీని ద్వారా మన విశ్వాసాన్ని బలంగా సరిచేసుకోవాలి.

ఏంటి సరిచేసుకోవాలి? మీరు ఆయతులలో గమనించారు కదా, సూరత్ బఖరాలోని 255, ఆల్-ఇమ్రాన్ లోని స్టార్టింగ్ ఆయత్లో, అల్లాహు తఆలా ఈ రెండు పేర్లను ప్రస్తావిస్తూ తాను మాత్రమే సత్య ఆరాధ్యనీయుడు అన్న మాటను అక్కడ ప్రస్తావించాడు. ఇక ఎవరెవరినైతే అల్లాహ్ ను కాక ఇతరులను మనం మొక్కుతున్నామో, మనలో చాలా మంది వారిపై ఆధారపడి, వారిపై నమ్మకం కలిగి, వారి గురించి ఎన్ని గొప్పలు చెప్పుకుంటూ ఉంటారో, వారు ఒక్కసారి ఆలోచించాలి.

ఖురాన్ లో అల్లాహ్ ఏమంటున్నాడు?

وَتَوَكَّلْ عَلَى ٱلْحَىِّ ٱلَّذِى لَا يَمُوتُ
వ తవక్కల్ అలల్-హయ్యిల్లదీ లా యమూత్.
నీవు ఎల్లప్పుడూ సజీవంగా ఉండే, ఎన్నడూ కూడా చనిపోని ఆ అల్లాహ్ పై మాత్రమే నమ్మకం కలిగి, ఆధారపడి, అతని మీదనే భరోసా ఉంచు.

భరోసా ఉర్దూ పదం, కొన్ని ప్రాంతాల్లో తెలుగులో ఉపయోగపడుతుంది. తవక్కుల్, ఇ’తిమాద్, భరోసా, నమ్మకం, ఆధారపడి ఉండడం ఎవరి మీద? ఎవరైతే సజీవంగా ఉండేవాడో, ఎన్నటికీ మరణించనివాడో. మరి ఈ రోజుల్లో మనలో ఎంతో మంది తాయెత్తుల మీద, తమ యొక్క ఉద్యోగాల మీద, ఎవరిదైనా ఏదైనా ఉద్యోగం పోయింది ఈ కరోనా సందర్భంలో, ఎందరో ఆత్మహత్యలు చేసుకున్నారు. ఎందరో వారి ఉపాధి మార్గాలు అన్నీ కూడా నశించిపోయాయి అని ఎంతో బాధకు, నిరాశ నిస్పృహలకు గురి అయ్యారు. ఇది తగుతుందా?

ఏ అల్లాహ్ సజీవంగా ఉన్నాడో, పూర్తి విశ్వం అతని ఆధీనంలో ఉన్నదో, అతని ఇష్ట ప్రకారంగానే భూమి, ఆకాశాలు, వీటిలో ఉన్న సమస్తమూ నిలిచి ఉన్నాయో, అలాంటి అల్లాహ్ మనకు సృష్టికర్తగా, ఆరాధ్యనీయుడుగా ఉన్నప్పుడు మనం ఎందుకని ఇంతటి భయం, నిరాశ, నిస్పృహలకు గురి కావాలి? ఒక్కసారి మీరు సూరత్ ఫాతిర్ ఆయత్ నంబర్ 41 చదవండి.

إِنَّ ٱللَّهَ يُمْسِكُ ٱلسَّمَٰوَٰتِ وَٱلْأَرْضَ أَن تَزُولَا
ఇన్నల్లాహ యుమ్సికుస్-సమావాతి వల్-అర్ద అన్ తజూలా.
యదార్థానికి అల్లాహ్ ఆకాశాలను, భూమిని వాటి స్థానాల నుండి తొలగిపోకుండా నిలిపి ఉంచాడు.

ఇందులో చాలా ముఖ్యమైన భావం ఉంది. గమనిస్తున్నారా? ఆకాశాలకు పిల్లర్లు చూస్తున్నామా? ఎవరు దానిని కాపాడి ఉన్నాడు? మనపై పడకుండా? సూరహ్ అంబియా లోని ఆయత్ చదివితే మీరు, భూమి ఆకాశాలు ముందు దగ్గరగా ఉండినవి. కానీ అల్లాహ్ వాటిని దూరం చేశాడు. మనం నివసించుటకు మంచి నివాస స్థానంగా ఈ భూమిని చేశాడు. అల్లాహ్ ఏమంటున్నాడో చూడండి. అవి గనుక తమ స్థానాల నుండి తొలగిపోతే, అల్లాహ్ తప్ప వాటిని నిలిపి ఉంచేవాడు కూడా ఎవడూ లేడు.

ఈ ఆయత్ కాకుండా మీరు ఒకవేళ గమనించారంటే, అలాగే సూరతుర్-రూమ్ ఆయత్ నంబర్ 25 మీరు తీసి ఒకసారి చూడండి. ఈ రెండు పేర్ల యొక్క భావాన్ని మనం మంచి విధంగా తెలుసుకున్నప్పుడు, ఇలాంటి ఆయతులను మనం దృష్టిలో ఉంచుకోవడం, మన యొక్క విశ్వాసాన్ని మరింత ప్రగాఢంగా, బలంగా చేస్తుంది.

అల్లాహ్ అంటున్నాడు:

وَمِنْ ءَايَٰتِهِۦٓ أَن تَقُومَ ٱلسَّمَآءُ وَٱلْأَرْضُ بِأَمْرِهِۦ
వ మిన్ ఆయాతిహీ అన్ తఖూమస్-సమాఉ వల్-అర్దు బి-అమ్రిహ్
మరియు ఆయన సూచనలలో ఒకటి, ఆకాశం మరియు భూమి ఆయన ఆదేశంతోనే నిలకొని ఉన్నాయి.

ఈ “తఖూమ” అన్న పదం ఏదైతే ఉందో, దీని నుండే “ఖయ్యూమ్” అన్న అల్లాహ్ యొక్క పేరు వస్తుంది. (కాఫ్, యా, మీమ్) భూమి ఆకాశాలు ఆయన ఆదేశంతోనే నిలకొని ఉన్నాయి. అల్లాహ్ యే వాటిని నిలిపి ఉన్నాడు. అల్లాహ్ యే వాటిని నిలిపి ఉన్నాడు. ఈ భావం మనకు సూరతుర్-ర’అద్ ఆయత్ నంబర్ 33లో కూడా కనబడుతుంది.

أَفَمَنْ هُوَ قَآئِمٌ عَلَىٰ كُلِّ نَفْسٍۭ بِمَا كَسَبَتْ
అఫమన్ హువ ఖాఇమున్ అలా కుల్లి నఫ్సిన్ బిమా కసబత్
ప్రతి ప్రాణి చేసే కర్మలను పర్యవేక్షించేవాడు (అల్లాహ్).

అల్లాహు తఆలా భూమి ఆకాశాలను తన ఆదేశంతో నిలకొలిపి ఉన్నాడు. మరి ఆయన మిమ్మల్ని పిలువగానే ఒక్క పిలుపు పైనే మీరంతా భూమిలో నుంచి బయటికి వస్తారు. అల్లాహు అక్బర్. అల్లాహు అక్బర్. గమనించండి. అలాంటి అల్లాహ్ కు మనం ఎంత విధేయులుగా ఉండాలి.

ఇక్కడ మరొక విషయం, ఈ రెండు పేర్ల యొక్క ప్రభావం మనపై, మన జీవితాలపై, మన యొక్క క్యారెక్టర్, మన యొక్క నడవడిక, మన యొక్క వ్యవహారాలు, లావాదేవీలు వీటన్నిపై ఎలా ఉండాలంటే, మనలో ఎవరికైనా ఏదైనా కష్టం, ఏదైనా బాధ, ఏదైనా ఇబ్బంది వచ్చినప్పుడు, ఈ రెండు పేర్ల ఆధారంగా అల్లాహ్ తో దుఆ చేసి అల్లాహ్ పై ప్రగాఢమైన నమ్మకం కలిగి ఉండాలి. ఇక అల్లాహ్ యొక్క దయతో మనకు ఏమీ కాదు, అల్లాహ్ మాత్రమే మనల్ని వీటిలో కాపాడుకునేవాడు అని సంపూర్ణ నమ్మకం కలిగి ఉండాలి. ఎందుకు?

ఇమామ్ ఇబ్నుల్ ఖయ్యిమ్ రహిమహుల్లాహ్ చాలా మంచి విషయం ఇక్కడ చెప్పారు. అల్-హయ్యు లో అల్లాహ్ యొక్క స్వతహాగా ఉండే ఎన్నో గుణాలు ఇందులో వచ్చాయి, మరియు అల్లాహ్ యొక్క ఎన్నో పేర్లు పనులకు సంబంధించినవి అల్-ఖయ్యూమ్ అన్న పేరులో వచ్చి ఉంది. అలాంటప్పుడు బాధలను తొలగించేవాడు, కష్టాలను దూరం చేసేవాడు, ఇబ్బందిలో ఉన్న వారికి సులభతరం ప్రసాదించేవాడు, అల్లాహ్ తప్ప వేరే ఎవరూ కూడా లేరు. అందుకొరకే ఒక్కసారి ఈ హదీసును చాలా శ్రద్ధగా గమనించండి. ప్రవక్త మహనీయ ముహమ్మద్ సల్లల్లాహు అలైహి వసల్లం ఇందులో మనకు ఎంత గొప్ప విషయాన్ని బోధిస్తున్నారు. మనం గనుక వాస్తవంగా ఈ హదీసును అర్థం చేసుకుంటే, ఇక మనకు ఎలాంటి కష్టం వచ్చినా అల్లాహ్ యొక్క ఈ రెండు పేర్ల ఆధారంగా మనం దుఆ చేస్తే, ఎలా ఈ దుఆ స్వీకరించబడుతుందో మనకు అర్థమవుతుంది. సునన్ తిర్మిదీ లో ప్రవక్త సల్లల్లాహు అలైహి వసల్లం చెప్పారని హజ్రత్ అనస్ రదియల్లాహు అన్హు ఉల్లేఖించారు. హదీస్ నంబర్ 3524.

كَانَ النَّبِيُّ صلى الله عليه وسلم إِذَا كَرَبَهُ أَمْرٌ قَالَ
కానన్-నబియ్యు సల్లల్లాహు అలైహి వసల్లమ ఇదా కరబహు అమ్రున్ ఖాల్
ప్రవక్త సల్లల్లాహు అలైహి వసల్లం వారికి ఏదైనా విషయం చాలా ఇబ్బందిగా, చాలా బాధగా, కష్టాల్లో పడవేసేది వస్తే ఇలా దుఆ చేసేవారు.

يَا حَىُّ يَا قَيُّومُ بِرَحْمَتِكَ أَسْتَغِيثُ
యా హయ్యు యా ఖయ్యూమ్, బిరహ్మతిక అస్తగీస్.

(నోట్ చేసుకోండి మీరందరూ కూడా ఈ దుఆను. గుర్తుంచుకోండి. యాద్ చేసుకోండి. చిన్నదే. నాలుగే పదాలు ఉన్నాయి)

ఈ రెండైతే మీకు అట్లనే గుర్తైపోయాయి. ఎన్నోసార్లు చెప్పడం జరిగింది. “యా హయ్యు యా ఖయ్యూమ్, బిరహ్మతిక అస్తగీస్“. నీ యొక్క కరుణ ఆధారంగా, తేరే రహ్మత్ కే వాస్తే సే, నీ కరుణ యొక్క వసీలాతో “అస్తగీస్”, నీ యొక్క సహాయాన్ని అర్ధిస్తున్నాను. ఎక్కడా ఏ సహాయం దొరకనప్పుడు, అల్లాహ్ నే మనం సహాయం కొరకు కోరాలి అని అంటారు కదా. ఒక రకంగా చూసుకుంటే ఈ పదం కూడా కరెక్ట్ కాదు. అన్నిటికంటే ముందు, ఏదైనా పని జరిగే మధ్యలో, చివరిలో, అన్ని వేళల్లో ముందు అల్లాహ్ యొక్క సహాయమే కోరాలి. దిక్కు లేని వాడికి దేవుడే దిక్కు అన్నటువంటి ఒక సామెత చాలా ప్రబలి ఉంది. అంటే ఎవరికి దిక్కు లేకుంటే అప్పుడు దేవుడు చూస్తాడా అని? ఒక మనిషిని నీ పని కావడానికి ఆధారంగా చేశాడంటే వాస్తవానికి అల్లాహ్, నఊజుబిల్లా అస్తగఫిరుల్లా, అప్పుడు మరిచిపోయి ఉన్నాడు నిన్ను, అతడు చూసుకున్నాడు, అల్లాహు తఆలా నీ పట్ల శ్రద్ధ లేకుండా ఉన్నాడు, అతడు చూసుకున్నాడు, ఇట్లాంటి భావం, ఇలాంటి సామెతల్లో వచ్చేటువంటి ప్రమాదం ఉంది. వాస్తవం ఏమిటంటే నీపై ఎన్ని కష్టాలు ఉన్నా, ఎన్ని ఇబ్బందులు ఉన్నా, అల్లాహ్ చూస్తూ ఉన్నాడు, అల్లాహ్ రబ్బుల్ ఆలమీన్ తో నీవు ఎంత ఎక్కువగా సంబంధం బలపరుచుకుని దుఆ చేస్తూ ఉంటావో, అంతే అల్లాహు తఆలా నీ యొక్క పనులను చక్కబరుస్తూ ఉంటాడు.

ఇక ఉదయం సాయంకాలం చదివే దుఆలలో, ప్రవక్త మహనీయ ముహమ్మద్ సల్లల్లాహు అలైహి వసల్లం స్వయంగా తమ కుమార్తె అయినటువంటి ఫాతిమా రదియల్లాహు తఆలా అన్హా కి నేర్పిన దుఆ ఏమిటి? అల్లాహు అక్బర్, గమనించండి. మరియు ఈ దుఆను కూడా మీరు గుర్తుంచుకోండి, ఉదయం సాయంకాలం దుఆలలో చదవండి.

يَا حَىُّ يَا قَيُّومُ بِرَحْمَتِكَ أَسْتَغِيثُ أَصْلِحْ لِي شَأْنِي كُلَّهُ وَلاَ تَكِلْنِي إِلَى نَفْسِي وَلاَ إِلَى أَحَدٍ مِنْ خَلْقِكَ طَرْفَةَ عَيْنٍ
యా హయ్యు యా ఖయ్యూమ్, బిరహ్మతిక అస్తగీస్, అస్లిహ్ లీ ష’అనీ కుల్లహ్, వలా తకిల్నీ ఇలా నఫ్సీ, వలా ఇలా అహదిన్ మిన్ ఖల్ఖిక తర్ఫత ఐన్.

నా సర్వ వ్యవహారాలను అల్లాహ్, నీవు చక్కబరుచు. స్వయం నా వైపునకు గానీ, ఇంకా వేరే ఎవరి వైపునకు గానీ, రెప్ప కొట్టేంత సమయంలో కూడా, అంత కూడా నీవు నన్ను వేరే ఎవరి వైపునకు, నా వైపునకు అంకితం చేయకు, నీవే నన్ను చూసుకో, నా వ్యవహారాలన్నిటినీ కూడా చక్కబరుచు.

అంతేకాదు సోదర మహాశయులారా, ఈ అల్-హయ్యు, అల్-ఖయ్యూమ్ రెండు పేర్లతో మనం ఏదైనా దుఆ చేస్తే కూడా అల్లాహ్ స్వీకరిస్తాడన్న విషయం ఇంతకుముందే హదీస్ ఆధారంగా విన్నాము మనం. ఒకవేళ మన పాపాలు చాలా అయిపోయాయి, అల్లాహ్ తో మనం క్షమాపణ కోరుకోవాలి అనుకుంటున్నాము. అలాంటప్పుడు తిర్మిదీ లో వచ్చిన హదీస్, ఇంకా వేరే హదీస్ గ్రంథాల్లో కూడా ఉంది. ఏమిటి? ఎవరైతే:

أَسْتَغْفِرُ اللَّهَ الَّذِي لاَ إِلَهَ إِلاَّ هُوَ الْحَىُّ الْقَيُّومُ وَأَتُوبُ إِلَيْهِ
అస్తగఫిరుల్లాహల్లదీ లా ఇలాహ ఇల్లా హువల్-హయ్యుల్-ఖయ్యూమ్, వ అతూబు ఇలైహ్

అని చదువుతూ ఉంటారో, వారి యొక్క పాపాలన్నీ కూడా మన్నించబడతాయి. చివరికి యుద్ధ మైదానం నుండి వెనుదిరిగి వచ్చిన ఘోరమైనటువంటి పాపమైనా గానీ, ఇలాంటి దుఆ అర్థ భావాలతో చదువుతూ ఉంటే తప్పకుండా అల్లాహు తఆలా అలాంటి ఘోరమైన పాపాన్ని కూడా మన్నించేస్తాడు.

సోదర మహాశయులారా, చెప్పుకుంటూ పోతే ధర్మవేత్తలు రాసిన విషయాలు, మరియు ఖురాన్ లో ఆయతు, ఖురాన్ లో వచ్చిన ఈ పేర్ల యొక్క వ్యాఖ్యానాలు, హదీసులో వచ్చిన ప్రవక్త సల్లల్లాహు అలైహి వసల్లం వారి యొక్క దుఆలు ఇంకా మనకు చాలా దొరుకుతాయి. కానీ విన్న కొన్ని విషయాలను కూడా అర్థం చేసుకుని మనం మన యొక్క అఖీదా బాగు చేసుకుందాము, ఇలాంటి గొప్ప అల్లాహ్ ను మాత్రమే ఆరాధించి మన యొక్క సుఖ, దుఃఖ, కష్టం మరియు ఆరాం, స్వస్థత, అన్ని సమయ సందర్భాల్లో అల్లాహ్ ను మాత్రమే మనం సజీవంగా, సర్వ వ్యవహారాలను నిలిపేవాడు, వాటన్నిటినీ చూసేవాడు, అలాంటి అల్లాహ్ “యా హయ్యు యా ఖయ్యూమ్, బిరహ్మతిక అస్తగీస్” అని వేడుకుంటూ ఉండాలి. ఇంతటితో ఈ రెండు పేర్ల వివరణ ముగిస్తున్నాను.

వస్సలాము అలైకుమ్ వరహ్మతుల్లాహి వబరకాతుహు.

—

అల్లాహ్ (త’ఆలా):
https://teluguislam.net/allah/

అల్లాహ్ శుభ నామాలు & లక్షణాలు – యూట్యూబ్ ప్లే లిస్ట్
https://www.youtube.com/playlist?list=PLw5IiDSnUeV0tSV7A9HKJzSeM0aIAiYcb

మా యూట్యూబ్ ఛానల్ సబ్ స్క్రైబ్ చేసుకోండి ఇన్ షా అల్లాహ్:
http://www.youtube.com/user/teluguislam?sub_confirmation=1

దీన్ని షేర్ చెయ్యండి మీ బంధుమిత్రులతో , బారకల్లాహు ఫీకుమ్: “మంచికి మార్గనిర్దేశం చేసేవారికి దానిని ఆచరించిన వారితో సమానమైన పుణ్యం లభిస్తుంది” [సహీహ్ ముస్లిం, 3వ భాగం, నం .4665] ఈ క్రింది లింక్‌ దర్శించి మీ స్నేహితులు మరియు బంధువులు మా వాట్సాప్ గ్రూపులో చేరవచ్చు: teluguislam.net/whatsapp/. మా టెలిగ్రామ్ ఛానల్ https://t.me/teluguislam .మా యూట్యూబ్ ఛానల్: youtube.com/c/teluguislam . జిక్ర్ & దుఆల కోసం కొత్త వెబ్సైటు: telugudua.net

అల్లాహ్ శుభ నామములు : అల్-మలిక్, అల్-మాలిక్, అల్-మలీక్ యొక్క వివరణ [వీడియో]

teluguislam.net చేఆగస్ట్ 7, 2022ఆగస్ట్ 7, 2022

అల్లాహ్ శుభ నామములు : అల్-మలిక్, అల్-మాలిక్, అల్-మలీక్ యొక్క వివరణ [వీడియో]
https://youtu.be/HA6Uv_WUJo0 [32 నిముషాలు] – షేఖ్ ముహమ్మద్ నసీరుద్దీన్ జామిఈ

ۚ ذَٰلِكُمُ اللَّهُ رَبُّكُمْ لَهُ الْمُلْكُ ۖ لَا إِلَٰهَ إِلَّا هُوَ ۖ فَأَنَّىٰ تُصْرَفُونَ

ఆ అల్లాహ్‌ యే మీ ప్రభువు. రాజ్యాధికారం ఆయనదే. ఆయన తప్ప మరో ఆరాధ్య దేవుడు లేడు. మరలాంటప్పుడు మీరు ఎటు తిరిగిపోతున్నారు? [సూరా జుమర్ 39:6]

قُلِ ادْعُوا الَّذِينَ زَعَمْتُم مِّن دُونِ اللَّهِ ۖ لَا يَمْلِكُونَ مِثْقَالَ ذَرَّةٍ فِي السَّمَاوَاتِ وَلَا فِي الْأَرْضِ وَمَا لَهُمْ فِيهِمَا مِن شِرْكٍ وَمَا لَهُ مِنْهُم مِّن ظَهِيرٍ

(ఓ ప్రవక్తా!) వారికి చెప్పు : అల్లాహ్‌ను వదలి మీరు ఎవరెవరినయితే ఊహించుకుంటున్నారో వారందరినీ పిలిచి చూడండి. భూమ్యాకాశాలలో వారికి రవంత అధికారంగానీ, వాటిలో వారికి ఎలాంటి వాటాగానీ లేదు. వారిలో ఏ ఒక్కడూ అల్లాహ్‌కు సహాయకుడు కూడా కాడు. [సూరా సబా 34:22]

25:3 وَاتَّخَذُوا مِن دُونِهِ آلِهَةً لَّا يَخْلُقُونَ شَيْئًا وَهُمْ يُخْلَقُونَ وَلَا يَمْلِكُونَ لِأَنفُسِهِمْ ضَرًّا وَلَا نَفْعًا وَلَا يَمْلِكُونَ مَوْتًا وَلَا حَيَاةً وَلَا نُشُورًا

వారు అల్లాహ్‌ను వదలి (బూటకపు) దేవుళ్లను కల్పించుకున్నారు. వారు (అంటే ఆ బూటకపు దేవుళ్లు) ఏ వస్తువునూ సృష్టించలేరు. పైగా వారు స్వయంగా సృష్టించబడినవారు. వారు తమ స్వయానికి సైతం లాభనష్టాలు చేకూర్చుకునే అధికారం కలిగిలేరు. జీవన్మరణాలు కూడా వారి అధీనంలో లేవు. (మరణానంతరం) తిరిగి లేచే శక్తి కూడా వారివద్ద లేదు. [సూరా ఫుర్ఖాన్ 25:3]

35:13 يُولِجُ اللَّيْلَ فِي النَّهَارِ وَيُولِجُ النَّهَارَ فِي اللَّيْلِ وَسَخَّرَ الشَّمْسَ وَالْقَمَرَ كُلٌّ يَجْرِي لِأَجَلٍ مُّسَمًّى ۚ ذَٰلِكُمُ اللَّهُ رَبُّكُمْ لَهُ الْمُلْكُ ۚ وَالَّذِينَ تَدْعُونَ مِن دُونِهِ مَا يَمْلِكُونَ مِن قِطْمِيرٍ

ఆయన రాత్రిని పగటిలోనికి జొప్పిస్తున్నాడు, పగటిని రాత్రి లోనికి జొప్పిస్తున్నాడు. మరి ఆయన సూర్యచంద్రులను (తన శాసన) నిబద్ధుల్ని చేశాడు – ప్రతిదీ ఒక నిర్ధారిత కాలం ప్రకారం నడుస్తోంది. ఈ అల్లాహ్‌యే మీ ప్రభువు. విశ్వసామ్రాజ్యాధికారం ఆయనదే. ఆయన్ని వదలి మీరు ఎవరెవరిని పిలుస్తున్నారో వారు ఖర్జూరపు టెంకపై ఉండే పొరకు కూడా యజమానులు కారు. [సూరా ఫాతిర్ 35:13]

35:14 إِن تَدْعُوهُمْ لَا يَسْمَعُوا دُعَاءَكُمْ وَلَوْ سَمِعُوا مَا اسْتَجَابُوا لَكُمْ ۖ وَيَوْمَ الْقِيَامَةِ يَكْفُرُونَ بِشِرْكِكُمْ ۚ وَلَا يُنَبِّئُكَ مِثْلُ خَبِيرٍ

ఒకవేళ మీరు వారిని మొర పెట్టుకున్నా, వారు మీ మొరను ఆలకించరు. ఒకవేళ ఆలకించినా, మీ అక్కరను తీర్చలేరు. పైపెచ్చు ప్రళయదినాన మీరు కల్పించే భాగస్వామ్యాన్ని (షిర్క్‌ను) వారు (సూటిగా) త్రోసిపుచ్చుతారు. అన్నీ తెలిసిన దేవుని మాదిరిగా (సావధానపరిచే సమాచారాన్ని) నీకు తెలిపే వాడెవడూ ఉండడు సుమా! [సూరా ఫాతిర్ 35:13]

అల్లాహ్ (త’ఆలా): https://teluguislam.net/allah/

దీన్ని షేర్ చెయ్యండి మీ బంధుమిత్రులతో , బారకల్లాహు ఫీకుమ్: “మంచికి మార్గనిర్దేశం చేసేవారికి దానిని ఆచరించిన వారితో సమానమైన పుణ్యం లభిస్తుంది” [సహీహ్ ముస్లిం, 3వ భాగం, నం .4665] ఈ క్రింది లింక్‌ దర్శించి మీ స్నేహితులు మరియు బంధువులు మా వాట్సాప్ గ్రూపులో చేరవచ్చు: teluguislam.net/whatsapp/. మా టెలిగ్రామ్ ఛానల్ https://t.me/teluguislam .మా యూట్యూబ్ ఛానల్: youtube.com/c/teluguislam . జిక్ర్ & దుఆల కోసం కొత్త వెబ్సైటు: telugudua.net

అల్లాహ్ శుభ నామమైన “రబ్బ్” యొక్క వివరణ [వీడియో & టెక్స్ట్]

teluguislam.net చేజూలై 24, 2022నవంబర్ 1, 2025

అల్లాహ్ శుభ నామమైన “రబ్బ్” యొక్క వివరణ [వీడియో]
https://youtu.be/NTehdBRdCxg [28 నిముషాలు]
వక్త: ముహమ్మద్ నసీరుద్దీన్ జామి’ఈ (హఫిజహుల్లాహ్)

ఈ ప్రసంగంలో అల్లాహ్ యొక్క శుభనామమైన “అర్-రబ్” (ప్రభువు) యొక్క లోతైన అర్థాలు మరియు భావనలు వివరించబడ్డాయి. “రబ్” అనే పదం సృష్టించడం, పోషించడం, నిర్వహించడం, నాయకత్వం వహించడం వంటి అనేక విస్తృతమైన అర్థాలను కలిగి ఉంటుందని వక్త తెలియజేశారు. ఈ పదం ఒంటరిగా ప్రయోగించబడినప్పుడు కేవలం అల్లాహ్ కు మాత్రమే ప్రత్యేకం అని, ఇతరులకు వాడాలంటే మరొక పదాన్ని జతచేయాలని అరబిక్ వ్యాకరణ నియమాన్ని ఉదహరించారు. అల్లాహ్ యొక్క రుబూబియత్ (ప్రభుత్వం) రెండు రకాలుగా ఉంటుందని వివరించారు: ఒకటి సాధారణ రుబూబియత్, ఇది సృష్టిలోని అందరి కోసం (విశ్వాసులు, అవిశ్వాసులతో సహా); రెండవది ప్రత్యేక రుబూబియత్, ఇది కేవలం విశ్వాసులకు, ప్రవక్తలకు మాత్రమే ప్రత్యేకం, దీని ద్వారా అల్లాహ్ వారికి విశ్వాస భాగ్యం, మార్గదర్శకత్వం మరియు ప్రత్యేక సహాయాన్ని అందిస్తాడు. ప్రవక్తలందరూ తమ ప్రార్థనలలో (దుఆ) “రబ్బనా” (ఓ మా ప్రభూ) అని అల్లాహ్ ను ఎలా వేడుకున్నారో ఖుర్ఆన్ ఆయతుల ద్వారా ఉదహరించారు. చివరగా, అల్లాహ్ ను ఏకైక రబ్ గా అంగీకరించడం తౌహీద్ యొక్క మూలమని, ఆయనతో పాటు ఇతరులను సంతానం, స్వస్థత లేదా ఇతర అవసరాల కోసం ఆరాధించడం షిర్క్ అనే ఘోరమైన పాపమని హెచ్చరించారు.

అస్సలాము అలైకుం వరహ్మతుల్లాహి వబరకాతుహు. అల్ హందులిల్లాహి రబ్బిల్ ఆలమీన్ వస్సలాతు వస్సలాము అలా సయ్యిదిల్ ముర్సలీన్ నబీయినా ముహమ్మద్ వఆలా ఆలిహి వసహ్బిహి అజ్మయీన్. అమ్మా బాద్.

أَعُوذُ بِاللَّهِ السَّمِيعِ الْعَلِيمِ مِنَ الشَّيْطَانِ الرَّجِيمِ
(అఊజు బిల్లాహిస్ సమీయిల్ అలీమి మినష్ షైతానిర్ రజీమ్)
వినువాడు, సర్వజ్ఞాని అయిన అల్లాహ్ శరణు వేడుకుంటున్నాను, శపించబడిన షైతాను నుండి.

بِسْمِ اللَّهِ الرَّحْمَٰنِ الرَّحِيمِ
(బిస్మిల్లా హిర్రహ్మా నిర్రహీమ్)
అనంత కరుణామయుడు, అపార కృపాశీలుడైన అల్లాహ్ పేరుతో.

الْحَمْدُ لِلَّهِ رَبِّ الْعَالَمِينَ
(అల్ హందు లిల్లాహి రబ్బిల్ ఆలమీన్)
సర్వస్తోత్రాలు, పొగడ్తలన్నీ సర్వలోకాల ప్రభువైన అల్లాహ్ కే.

అల్లాహ్ యొక్క శుభనామం రబ్ గురించి ఈరోజు మనం తెలుసుకోబోతున్నాము. అయితే, ప్రియ విద్యార్థులారా, వీక్షకులారా! రబ్ అన్న అల్లాహ్ యొక్క ఈ శుభనామం, ఉత్తమ పేరు, దీని యొక్క భావాన్ని, అర్థాన్ని గనక మనం చూస్తే, ఇందులో ఎన్నో అర్థాలు, ఎన్నో భావాలు వస్తాయి. అయితే, ఆ భావాలు తెలిపేకి ముందు అరబీ గ్రామర్ ప్రకారంగా ఒక మాట మీకు తెలియజేయాలనుకుంటున్నాను. అదేమిటంటే, రబ్ మరియు సర్వసామాన్యంగా అరబీలో అర్-రబ్ అన్న ఈ పదం కేవలం విడిగా రబ్ లేదా అర్-రబ్, అల్లాహ్ కు మాత్రమే చెప్పడం జరుగుతుంది. ఒకవేళ అల్లాహ్ ను కాకుండా వేరే ఎవరి గురించైనా ఈ పదం ఉపయోగించాలంటే, తప్పకుండా దానితో పాటు మరొక పదాన్ని కలపడం తప్పనిసరి. ఈ యొక్క నియమం ఏదైతే మీరు తెలుసుకున్నారో, ఇప్పుడు ఇది మంచిగా మీకు అర్థం కావాలంటే రండి, రబ్ యొక్క అర్థాన్ని తెలుసుకుంటే మనకు ఈ విషయం తెలుస్తుంది.

రబ్ పదం యొక్క అర్థం

రబ్ యొక్క అర్థంలో పుట్టించడం, పోషించడం, జీవన్మరణాలు ప్రసాదించడం మరియు నిర్వహించడం, నడిపించడం ఇవన్నీ భావాలతో పాటు, ఏదైనా విషయాన్ని చక్కబరచడం, దానిని రక్షించుకుంటూ ఉండడం, చూడడం, ఇంకా నాయకుడు, ఉన్నత హోదా అంతస్తులు కలిగి ఉన్నవాడు, ఎవరి ఆదేశం మాత్రమే చెల్లుతుందో ప్రజలు అనుసరిస్తారో, ఎవరి పెత్తనం నడుస్తుందో ఇలాంటి భావాలన్నీ కూడా ఇందులో ఉపయోగపడతాయి, ఈ భావాలన్నీ కూడా ఈ పదానికి వస్తాయి.

ఇమామ్ ఇబ్నుల్ ఖయ్యిమ్ రహిమహుల్లాహ్ ‘అల్-బదాయిఉల్ ఫవాయిద్’ లో తెలిపారు,

إِنَّ هَذَا الِاسْمَ إِذَا أُفْرِدَ تَنَاوَلَ فِي دَلَالَاتِهِ سَائِرَ أَسْمَاءِ اللَّهِ الْحُسْنَى وَصِفَاتِهِ الْعُلْيَا
(ఇన్న హాజల్ ఇస్మ ఇజా ఉఫ్రిద తనావల ఫీ దిలాలాతిహి సాయిర అస్మాఇల్లాహిల్ హుస్నా వ సిఫాతిహిల్ ఉల్యా)
“నిశ్చయంగా ఈ పేరు (అర్-రబ్) ఒంటరిగా ప్రయోగించబడినప్పుడు, దాని సూచనలలో అల్లాహ్ యొక్క ఇతర ఉత్కృష్టమైన నామాలు మరియు ఉన్నత గుణాలన్నీ చేరిపోతాయి.”

ఈ మాటను షేఖ్ అబ్దుర్రజాక్ అల్-బదర్ హఫిజహుల్లాహ్ ప్రస్తావించి, ఇమామ్ ఇబ్నుల్ ఖయ్యిమ్ యొక్క మాట ఇలా చెప్పారు:

إِنَّ الرَّبَّ هُوَ الْقَادِرُ الْخَالِقُ الْبَارِئُ الْمُصَوِّرُ الْحَيُّ الْقَيُّومُ الْعَلِيمُ السَّمِيعُ الْبَصِيرُ الْمُحْسِنُ الْمُنْعِمُ الْجَوَادُ، الْمُعْطِي الْمَانِعُ الضَّارُّ النَّافِعُ الْمُقَدِّمُ الْمُؤَخِّرُ
(ఇన్నర్-రబ్బ హువల్ ఖాదిరుల్ ఖాలిఖుల్ బారివుల్ ముసవ్విరుల్ హయ్యుల్ ఖయ్యుముల్ అలీముస్ సమీయుల్ బసీరుల్ ముహ్సినుల్ మున్ఇముల్ జవాద్, అల్ ముఅతీ అల్ మానిఉ అద్దార్రు అన్నాఫిఉ అల్ ముఖద్దిము అల్ ముఅఖ్ఖిర్)

రబ్ అన్న యొక్క ఈ పదం అల్లాహ్ గురించి ఉపయోగించినప్పుడు, అల్లాహ్ యొక్క ఇంకా వేరే ఎన్నో పేర్లలో ఉన్నటువంటి భావం ఇందులో వచ్చేస్తుంది. అయితే, ఇమామ్ ఇబ్నుల్ ఖయ్యిమ్ కంటే కూడా చాలా ముందు ఇమామ్ తబరీ రహిమహుల్లాహ్, తఫ్సీర్ యొక్క పుస్తకాలలో ప్రామాణికమైన పరంపరలతో పేర్కొనబడిన మొట్టమొదటి తఫ్సీర్ అని దీనికి పేరు వచ్చింది, తఫ్సీరె తబరీ, అందులో ఇమామ్ ఇబ్ను జరీర్ రహిమహుల్లాహ్ చెప్పారు:

الرَّبُّ فِي كَلَامِ الْعَرَبِ مُتَصَرِّفٌ عَلَى مَعَانٍ، فَالسَّيِّدُ الْمُطَاعُ فِيهِمْ يُدْعَى رَبًّا
(అర్-రబ్బు ఫీ కలామిల్ అరబ్ ముతసర్రిఫున్ అలా మఆన్, ఫస్-సయ్యిదుల్ ముతాఉ ఫీహిమ్ యుద్ఆ రబ్బన్)
“అరబ్బుల భాషలో ‘రబ్’ అనే పదం అనేక అర్థాలలో వస్తుంది. వారిలో విధేయత చూపబడే నాయకుడిని ‘రబ్’ అని పిలుస్తారు.”

అరబీ భాషలో, అరబ్బుల మాటల్లో అర్-రబ్ అన్న పదం ఏ నాయకుడినైతే అనుసరించడం జరుగుతుందో, అలాంటి వాటిని మరియు ఏ మనిషి అయితే అన్ని విషయాలను, వ్యవహారాలను చక్కబరిచి వాటిని సరిదిద్ది, వాటి బాగోగులు చూసుకుంటాడో, అలాంటి వాడిని మరియు ఏదైనా విషయానికి అధికారి అయిన అలాంటి వారికి కూడా అర్-రబ్ అన్న పదం ఉపయోగపడుతుంది.

ఈ విధంగా, ఇంటి యొక్క యజమాని అని మనం అంటాము తెలుగులో. దీని గురించి అరబీలో రబ్బుద్-దార్. కేవలం రబ్ కాదు. దార్ అంటే ఇల్లు. ఇంటి యొక్క యజమాని – రబ్బుద్-దార్. ఈ పని యొక్క బాధ్యుడు – రబ్బుల్-అమల్. ఇప్పటికీ కువైట్ మరియు మరికొన్ని దేశాలలో స్పాన్సర్ ఎవరైతే ఉంటారో, సౌదీలో ‘కఫీల్‘ అని ఏదైతే అనడం జరుగుతుందో, అలా కువైట్‌లో ‘రబ్బుల్ అమల్’ అని అక్కడ పిలవడం, చెప్పడం జరుగుతుంది.

తౌహీద్ మరియు రుబూబియత్

ఈ భావాన్ని మీరు తెలుసుకున్నారంటే, ఇక మనం అల్లాహ్ యొక్క పేరు చెప్పుకుంటున్నాము గనక, అల్లాహ్ యొక్క పేరు ఒకటి రబ్ ఉంది అని, తౌహీద్ కు సంబంధించిన మూడు ముఖ్యమైన భాగాలు – తౌహీదె రుబూబియత్, తౌహీదె అస్మా వ సిఫాత్, తౌహీదె ఉలూహియత్ – వీటిలో ఒకటి రుబూబియత్. అంటే ఈ మొత్తం విశ్వంలో సృష్టించడం, పోషించడం, నిర్వహించడంలో ఏకైకుడు, ఎలాంటి భాగస్వామి లేనివాడు అల్లాహ్ అని మనం విశ్వసించాలి, మనం నమ్మాలి.

అయితే, ఈ మొత్తం సృష్టిని సృష్టించడంలో అల్లాహ్ కు ఎవరూ కూడా భాగస్వామి లేరు. ఖుర్ఆన్ లో మనం శ్రద్ధగా చదివామంటే, ఈ విషయం చాలా స్పష్టంగా మనకు తెలుస్తుంది. ఉదాహరణకు, అల్లాహ్ త’ఆలా ఖుర్ఆన్ లో కొన్ని సందర్భాలలో అల్లాహ్ మాత్రమే మన యొక్క రబ్ అని తెలియజేస్తూ, ఆయనే ఈ మొత్తం విశ్వాన్ని సృష్టించిన వాడు అని స్పష్టంగా తెలిపాడు. సూరతుల్ అన్ఆమ్, సూరహ్ నంబర్ ఆరు, ఆయత్ నంబర్ 102 చూడండి:

ذَٰلِكُمُ اللَّهُ رَبُّكُمْ ۖ لَا إِلَٰهَ إِلَّا هُوَ ۖ خَالِقُ كُلِّ شَيْءٍ فَاعْبُدُوهُ
(జాలికుముల్లాహు రబ్బుకుమ్, లా ఇలాహ ఇల్లా హువ, ఖాలిఖు కుల్లి షైఇన్ ఫఅబుదూహ్)
ఆయనే అల్లాహ్‌. మీ ప్రభువు. ఆయన తప్ప మరొకరెవరూ ఆరాధ్యులు కారు. సమస్త వస్తువులను సృష్టించినవాడు ఆయనే. కాబట్టి మీరు ఆయన్నే ఆరాధించండి. (6:102)

ఈ ఆయతును మీరు రాసుకోండి. ఎందుకంటే ఇప్పుడు చెప్పిన ఒక్క మాటకే కాదు ఇది దలీల్, ఈ ఆయత్ యొక్క భాగం ఏదైతే నేను చదివానో ఇప్పుడు, తెలుగు అనువాదం చెప్పానో, ఇందులో మరి ఎన్నో విషయాలు మనకు తెలుస్తాయి. ఇంకా ముందుకు కూడా నేను దీనిని ప్రస్తావిస్తాను. సూరె అన్ఆమ్ సూరహ్ నంబర్ ఆరు, ఆయత్ నంబర్ 102.

అల్లాహ్ త’ఆలాయే విశ్వంలో ఉన్నటువంటి ప్రతి దాని యొక్క మేలు, సంక్షేమాలు, వారందరి యొక్క బాగోగులు చూసుకుంటూ వారికి కావలసినటువంటి ప్రతి వారికి అవసరం తీర్చువాడు అల్లాహ్ మాత్రమే అన్నటువంటి భావం ఈ అర్-రబ్ అనే పదంలో ఉంది.

రెండు రకాల రుబూబియత్

రబ్ లో రబ్బా యురబ్బీ తర్బియతన్. తర్బియత్ – పోషించడం అన్న పదం, అన్న భావం ఏదైతే ఉందో, ఇందులో రెండు రకాలు అన్న విషయం స్పష్టంగా తెలుసుకోండి.

అల్లాహ్ త’ఆలా రబ్, ప్రతి ఒక్కరి రుబూబియత్, ప్రతి ఒక్కరి తర్బియత్ వారి వారికి ఎలాంటి అవసరాలు ఉన్నాయో దాని పరంగా వారిని పోషించే బాధ్యత అల్లాహ్ ఏదైతే తీసుకున్నాడో, అల్లాహ్ మాత్రమే చేయగలుగుతున్నాడో, దీని యొక్క ఈ రబ్ యొక్క భావంలో రెండు రకాలు ఉన్నాయి. అర్థం చేసుకునే ప్రయత్నం చేయండి.

ఒకటి, పాపాత్ముడైనా, పుణ్యాత్ముడైనా, విశ్వాసుడైనా, అవిశ్వాసుడైనా, సన్మార్గంపై ఉన్నవాడైనా, మార్గభ్రష్టంలో ఉన్నవాడైనా, ప్రతి ఒక్కరి సృష్టి, ఉపాధి, వారి యొక్క నిర్వహణ, ఎవరికి ఇవ్వాలి, ఎవరికి ఇవ్వకూడదు, ఎవరిని పైకి లేపాలి, ఎవరిని అధోగతికి పాలు చేయాలి, ఇదంతా కూడా అల్లాహ్ త’ఆలా చేస్తూ ఉంటాడు. ఇక ఇందులో అల్లాహ్ కు ఎవరూ కూడా భాగస్వామి లేరు. ఇది ఒక సామాన్యమైన భావం.

కానీ అల్లాహ్ త’ఆలా తన యొక్క ప్రవక్తలకు, తన ప్రత్యేకమైన పుణ్యాత్ములైన దాసులకు, సద్వర్తనులకు, విశ్వాస భాగ్యం, ప్రవక్త పదవి లాంటి గొప్ప మహా భాగ్యం, అల్లాహ్ యొక్క ఆరాధన సరైన రీతిలో చేసే అటువంటి భాగ్యం, మరియు వారు పాపాలను వదిలి పుణ్యాల వైపునకు రావడం, పాపం పొరపాటు జరిగిన వెంటనే తౌబా చేసే భాగ్యం కలుగజేయడం, ఇదంతా కూడా అల్లాహ్ యొక్క ప్రత్యేక రుబూబియత్. ఇది ప్రసాదించేవాడు కూడా అల్లాహ్ త’ఆలాయే. కానీ ఇలాంటివి ప్రత్యేక రుబూబియత్ లోని విషయాలు ఎవరికైనా లభించాలంటే, వారు అల్లాహ్ వైపునకు మరలడం కూడా తప్పనిసరి.

గమనించండి ఇక్కడ ఒక విషయం, అల్లాహ్ త’ఆలాయే నన్ను పుట్టించాడు, ఆయనే నన్ను పోషిస్తూ ఉన్నాడు. ఇహలోకంలో నేను రాకముందు తల్లి గర్భంలో నన్ను ఎలా పోషిస్తూ వచ్చాడు, పుట్టిన వెంటనే, మనం గమనించాలి ఇక్కడ. మనం మనుషులం గాని, పక్షులు గాని, జంతువులు, పశువులు గాని అల్లాహ్ యొక్క రుబూబియత్ విషయాన్ని గమనించేది ఇక్కడ చాలా గొప్ప ఒక నిదర్శనం మనకు ఉన్నది. గుడ్డులో ఉన్నా గాని పక్షులు, లేక పశువులు, జంతువులు, మనుషులు తల్లి గర్భంలో ఉన్నప్పుడు గాని, అక్కడ వారి యొక్క మొత్తం జన్మ యొక్క ప్రక్రియ ఎలా కొనసాగిస్తున్నాడు, అల్లాహ్ తప్ప వేరే ఎవరికైనా ఇలాంటి శక్తి ఉందా?

పుట్టిన వెంటనే, గుడ్డులో పూర్తి పక్షి తయారవుతుంది. బయటికి రావడానికి ఎన్ని ప్రయత్నాలు చేస్తూ అది వస్తుంది. మరియు వచ్చిన వెంటనే దానికి కావలసిన ఆహారం కళ్ళు తెరవకముందు ఎలా తల్లి దానికి ఇవ్వాలి అన్నటువంటి భాగ్యం, జ్ఞానం, అల్లాహ్ త’ఆలా ఆ పక్షికి ఎలా కలుగజేస్తాడో గమనించండి. ఇక మనిషి, జంతువుల విషయానికి వస్తే, పుట్టిన వెంటనే తన యొక్క ఆహారం ఎక్కడ ఉన్నదో అటు జంతువు గాని, అటు మనిషి గాని తన తల్లి స్థనాల్లో అన్న విషయాన్ని ఎలా గమనిస్తాడో చూడండి. ఈ భాగ్యం ఎవరు కలుగజేస్తున్నారు? ‘రబ్’ అన్నటువంటి పదం మనం చదివినప్పుడు, ఈ విషయాలు చూస్తున్నప్పుడు, అల్లాహ్ పై మన యొక్క విశ్వాసం అనేది చాలా బలంగా ఉండాలి. అయితే మనం పుట్టిన తర్వాత క్రమంగా మనలో ఎలాంటి శక్తి పెరుగుతుందో, మనలో బుద్ధిజ్ఞానాలు ఎలా పెరుగుతాయో, ఈ విషయంలో కూడా అల్లాహ్ రబ్ అయి మనల్ని ఎలా పెంచుతున్నాడో, ఇందులో మన కొరకు గొప్ప నిదర్శనాలు ఉన్నాయి.

ఇంతటి గొప్ప రబ్ అయిన అల్లాహ్, మనల్ని ఏ ఆదేశం ఇవ్వకుండా, మనల్ని పుట్టించి, మనకు ఏ ఉద్దేశం లేకుండా చేస్తాడా? చేయడు. అందుకొరకే అల్లాహ్ ఏమంటున్నాడు:

أَفَحَسِبْتُمْ أَنَّمَا خَلَقْنَاكُمْ عَبَثًا وَأَنَّكُمْ إِلَيْنَا لَا تُرْجَعُونَ
(అఫహసిబ్తుమ్ అన్నమా ఖలఖ్నాకుమ్ అబసవ్ వఅన్నకుమ్ ఇలైనా లా తుర్ జఊన్)
“మేము మిమ్మల్ని ఏదో ఆషామాషీగా (అర్థరహితంగా) పుట్టించామనీ, మీరు మా దగ్గరకు మరలిరావటం అనేది జరగని పని అని అనుకున్నారా?”(23:115)

అలా కాదు. ఒక ఉద్దేశపరంగా మిమ్మల్ని పుట్టించాము. అదేంటి? ఆ అల్లాహ్ యొక్క ఆరాధన మనం చేయడం. అందుకొరకే, ఖుర్ఆన్ లో అనేక సందర్భాలలో అల్లాహ్ తన రుబూబియత్ కు సంబంధించిన నిదర్శనాలు చూపించి, వెంటనే ఉలూహియత్ వైపునకు అల్లాహ్ త’ఆలా ఆహ్వానిస్తాడు. ఉదాహరణకు, ఇప్పుడు నేను చదివినటువంటి ఆయతే చూడండి. సూరత్ అన్ఆమ్, సూరహ్ నంబర్ ఆరు, ఆయత్ నంబర్ 102, ‘జాలికుముల్లాహు రబ్బుకుమ్’ – ఆయనే మీ ప్రభువు. అల్లాహ్ మీ ప్రభువు. ‘లా ఇలాహ ఇల్లా హువ’ – ఆయన తప్ప ఎవరు కూడా మీకు ఆరాధ్యనీయుడు కాడు. ఆయనే మిమ్మల్ని పుట్టించాడు గనక, ప్రతి వస్తువుని పుట్టించాడు గనక, మీరు ఆయన్ని మాత్రమే ఆరాధించండి.

ప్రవక్తలందరి దుఆలు ”రబ్బీ’ మరియు ‘రబ్బనా’ తో స్టార్ట్ అవుతాయి

ఇదే విధేయత, ఆరాధనా భావంతో మనం అల్లాహ్ ను వేడుకోవాలని మనకు నేర్పడం జరిగింది. మరియు మనం గనక ప్రత్యేకంగా సూరతుల్ అంబియాలో మరియు వేరే ఇతర సూరాలలో చూస్తే ప్రవక్తలు అందరూ అల్లాహ్ తో ప్రత్యేక వేడుకోలు, దుఆ, అర్ధింపు లాంటి విషయాలు ఎలా అల్లాహ్ తో అడిగేవారు? ‘రబ్బనా’.

రబ్బీ అంటే ఇది ఏకవచనం – ఓ నా ప్రభువా. రబ్బనా – ఓ మా ప్రభువా.

అయితే, ఆదం అలైహిస్సలాం కూడా ఎలా దుఆ చేశారు?

رَبَّنَا ظَلَمْنَا أَنْفُسَنَا
(రబ్బనా జలమ్నా అన్ఫుసనా)
“ఓ మా ప్రభూ! మేము మా ఆత్మలకు అన్యాయం చేసుకున్నాము”

అలాగే ఇబ్రాహీం అలైహిస్సలాం, మూసా అలైహిస్సలాం, ఈసా అలైహిస్సలాం, హూద్ అలైహిస్సలాం, అయ్యూబ్ అలైహిస్సలాం, యాఖూబ్ అలైహిస్సలాం, ఇంకా ఎందరో ప్రవక్తల దుఆలు ఖుర్ఆన్ లో ఉన్నాయి కదా. ఇతరులతో దుఆ చేయడం ఎంత ఘోరం అన్నటువంటి ఒక వీడియో మాది ఉంది, మీరు చూడండి. ప్రవక్తలందరి దుఆలు ‘రబ్బనా’ తో స్టార్ట్ అవుతాయి. ఎందుకు? అల్లాహ్ యే మనల్ని అన్ని రకాలుగా పోషించి, పెంచి, మన యొక్క అవసరాలు తీర్చి మనల్ని చూసుకుంటూ, మన యొక్క బాగోగులు చూసుకుంటూ ఉండేవాడు. అందుకొరకు ‘రబ్బనా’. అల్లాహ్ యొక్క నామం ఎంత గొప్పదో అది ఇంతకుముందే మనం తెలుసుకున్నాము. కానీ దుఆలో వచ్చేసరికి, ‘రబ్బీ అవ్జిఅనీ అన్ అష్కుర నిఅమతకల్ లతీ’..సులైమాన్ అలైహిస్సలాం వారి యొక్క దుఆ కూడా. ఈ విధంగా అనేక సందర్భాలలో ‘రబ్బీ’ మరియు ‘రబ్బనా’ అన్నటువంటి పదాలతో దుఆ చేయడం మనకు నేర్పడం జరిగింది.

షిర్క్ నుండి హెచ్చరిక

సోదర మహాశయులారా! అల్లాహ్ త’ఆలా రబ్ అయి ఉన్నాడు గనక, మనము అల్లాహ్ యొక్క రబ్ అన్న ఈ పదాన్ని ఎక్కడెక్కడ చదివినా గొప్ప విషయం మనం గమనించాల్సింది ఏమిటంటే, ఈ లోకంలో ఎంతోమంది తమకు తాము రబ్ అన్నటువంటి ఆరోపణ, దావా చేశారు.

ఉదాహరణకు, ఇబ్రాహీం అలైహిస్సలాం కాలంలో నమ్రూద్, మూసా అలైహిస్సలాం కాలంలో ఫిరౌన్. ఇక్కడ వారి యొక్క నమ్మకం ఏంటి? మేము రాజులము గనక, అందరూ ప్రజలు గనక, మా ఇష్టప్రకారమే మీరు జీవితం గడపాలి, మా ఆదేశాలను అనుసరించాలి. అల్లాహ్ ను నమ్మేవారు, వారు కూడా. “అల్లాహ్ కాకుండా మేము పుట్టించాము ఈ భూమ్యాకాశాలను, మేము మిమ్మల్ని పుట్టించాము” ఇలాంటి దావా లేకుండింది వారిది. సయ్యద్-ముతా అన్నటువంటి భావనతో, అంటే మాది పెత్తనం, మా మాటే చెల్లాలి, నడవాలి.

అయితే ఈరోజుల్లో కూడా ఎవరికైనా ఏదైనా అధికారం దొరికినదంటే, అల్లాహ్ అందరికంటే గొప్పవాడు ఉన్నాడు, అసలైన రబ్ అతను, అసలైన విధేయత అతనిది, మనం ఆరాధించవలసినది అల్లాహ్ ను అన్న విషయాన్ని మరచిపోయి, అల్లాహ్ యొక్క మాటకు వ్యతిరేకమైన, నేను నాయకుడిని నా మాట మీరు వినాలి అన్నటువంటి గర్వానికి ఏదైతే గురి అవుతారో, వారు కూడా భయపడాలి ఫిరౌన్ లాంటి గతి వారిది అవుతుంది అని. అందుకొరకే ఎల్లవేళల్లో అల్లాహు త’ఆలా తో భయపడి, అల్లాహ్ ను రబ్ అని ఏదైతే మనం నమ్ముతున్నామో,

يَا أَيُّهَا النَّاسُ اعْبُدُوا رَبَّكُمُ
(యా అయ్యుహన్నాసు ఉబుదూ రబ్బకుమ్)
ఓ ప్రజలారా! మీ ప్రభువైన, మీ యొక్క రబ్ అయిన అల్లాహ్ ను మాత్రమే ఆరాధించండి. (2:21)

إِنَّ اللَّهَ رَبِّي وَرَبُّكُمْ فَاعْبُدُوهُ ۚ هَٰذَا صِرَاطٌ مُسْتَقِيمٌ
(ఇన్నల్లాహ రబ్బీ వ రబ్బుకుమ్ ఫఅబుదూహ్, హాదా సిరాతుమ్ ముస్తఖీమ్)
నా ప్రభువు, నా యొక్క రబ్, మీ యొక్క రబ్ అల్లాహ్ మాత్రమే గనక ఆయన్నే ఆరాధించండి. ఇదియే సన్మార్గం. (3:51)

ఇక ఈ సన్మార్గం నుండి ఎవరైనా దూరమైపోతే వారు చాలా చాలా ప్రమాదంలో పడిపోతారు. ఎల్లప్పుడూ అల్లాహ్ తో క్షమాపణ కోరుకుంటూ ఉండండి.

رَبِّ اغْفِرْ لِي وَلِأَخِي
(రబ్బిగ్ఫిర్లీ వలి అఖీ)
ఓ అల్లాహ్ నన్ను క్షమించు, నా సోదరుని, సోదరులను క్షమించు.(7:151)

رَبِّ اغْفِرْ لِي وَلِوَالِدَيَّ
(రబ్బిగ్ఫిర్లీ వలి వాలిదయ్య)
“ఓ నా ప్రభూ! నన్నూ, నా తల్లిదండ్రులను క్షమించు.” (71:28)

ఈ విధంగా, ఈ రెండు పదాలు ఇప్పుడు నేను చదివానో ఖుర్ఆన్ లో వచ్చినవే. మూసా అలైహిస్సలాం వారి యొక్క దుఆ, నూహ్ అలైహిస్సలాం యొక్క దుఆ ఈ విధంగా.

అలాగే అల్లాహ్ ను రబ్ అని మనం నమ్మే ఈ పదంలో, ఇందులో మనం చాలా బలమైన ఒక గట్టి విశ్వాసం ఏం ఉండాలంటే, ఈ లోకంలో మనం రబ్ అయిన అల్లాహ్ యొక్క విశ్వాసంపై బలంగా ఉన్నప్పుడు, ఎలాంటి కష్టాలు వచ్చినా, ఎలాంటి ఆపదలు వచ్చినా, ఎలాంటి ఇబ్బందులు ఎదురైనా, ఎంతటి దౌర్జన్యపరుల నుండి మనపై ఎలాంటి హింసా దౌర్జన్యాలు చేయబడినా, ఈ పరీక్షా కాలమైనటువంటి ఒక చిన్న జీవితంలో కొన్ని పరీక్షలు మాత్రమే. వాటిని దూరం చేసేవాడు అల్లాహ్ మాత్రమే. ఈ విషయం మనకు మూసా అలైహిస్సలాం, ఫిరౌన్, ఆ తర్వాత మూసా అలైహిస్సలాం మరియు బనీ ఇస్రాయీల్ యొక్క సంఘటనలో, అలాగే సూరతుల్ ముఅమిన్ లో, సూరతుల్ ముఅమిన్ లో అల్లాహ్ త’ఆలా ఫిరౌన్ వంశానికి సంబంధించిన ఒక విశ్వాసుని సంఘటన ఏదైతే తెలిపాడో, అందులో కూడా ఈ గొప్ప గుణపాఠం ఉంది.

ఎప్పుడైతే ఫిరౌన్ చెప్పాడో, “నన్ను వదలండి నేను మూసాను హత్య చేస్తాను,” అప్పుడు ఆ విశ్వాసుడు వెంటనే నిలబడి ఏమన్నాడు?

وَقَالَ رَجُلٌ مُؤْمِنٌ مِنْ آلِ فِرْعَوْنَ يَكْتُمُ إِيمَانَهُ أَتَقْتُلُونَ رَجُلًا أَنْ يَقُولَ رَبِّيَ اللَّهُ
(వ ఖాల రజులున్ ముఅమినున్ మిన్ ఆలి ఫిరౌన యక్తుము ఈమానహు అతఖ్ తులూన రజులన్ అన్ యఖూల రబ్బియల్లాహ్)
(అప్పటివరకూ) తన విశ్వాసాన్ని గోప్యంగా ఉంచిన, ఫిరౌన్‌ వంశానికి చెందిన విశ్వాసి అయిన ఒక పురుషుడు ఇలా అన్నాడు: “ఏమిటీ, ‘అల్లాహ్‌ నా ప్రభువు’ అని అన్నంత మాత్రానికే ఒక వ్యక్తిని మీరు చంపేస్తారా? (40:28)

నా ప్రభువు, నా యొక్క రబ్ అల్లాహ్ మాత్రమే అని చెప్పే ఇలాంటి వ్యక్తిని మీరు చంపుతారా? ఇంకా అతని పూర్తి సంఘటన మీరు చదవండి, సూరత్ అల్-ముఅమిన్, దీని యొక్క రెండవ పేరు గాఫిర్, సూరహ్ నంబర్ 40, ఆయత్ నంబర్ 28 నుండి ఈ సంఘటన మొదలవుతుంది.

అల్లాహ్ త’ఆలా మనందరికీ సద్భాగ్యం ప్రసాదించుగాక. అల్లాహ్ యొక్క గొప్ప నామముల, మంచి పేర్ల ఏ వివరాలు తెలుసుకుంటున్నామో, దాని పరంగా మన విశ్వాసం ఉండి, అన్ని రకాల షిర్కులకు, మూఢనమ్మకాలకు అల్లాహ్ మనల్ని దూరం ఉంచుగాక. ఆమీన్.

వ ఆఖిరు దఅవానా అనిల్ హందులిల్లాహి రబ్బిల్ ఆలమీన్. వస్సలాము అలైకుం వరహ్మతుల్లాహి వబరకాతుహు.

—

అల్లాహ్ (త’ఆలా): https://teluguislam.net/allah/

దీన్ని షేర్ చెయ్యండి మీ బంధుమిత్రులతో , బారకల్లాహు ఫీకుమ్: “మంచికి మార్గనిర్దేశం చేసేవారికి దానిని ఆచరించిన వారితో సమానమైన పుణ్యం లభిస్తుంది” [సహీహ్ ముస్లిం, 3వ భాగం, నం .4665] ఈ క్రింది లింక్‌ దర్శించి మీ స్నేహితులు మరియు బంధువులు మా వాట్సాప్ గ్రూపులో చేరవచ్చు: teluguislam.net/whatsapp/. మా టెలిగ్రామ్ ఛానల్ https://t.me/teluguislam .మా యూట్యూబ్ ఛానల్: youtube.com/c/teluguislam . జిక్ర్ & దుఆల కోసం కొత్త వెబ్సైటు: telugudua.net