అల్లాహ్ (సుబ్ హానహూవ తఆలా) ఎక్కడ ఉన్నాడు ? – ధర్మ అవగాహనం [5]
https://youtu.be/Oqb0hBPo3ZE [ 5 నిముషాలు]
ఖురాన్ మరియు హదీసుల ఆధారంగా అల్లాహ్ ఎక్కడ ఉన్నాడో వివరించడం ఈ ఉపన్యాసం యొక్క ప్రధాన ఉద్దేశ్యం. అల్లాహ్ సుబ్ హాన వ త’ఆలా ప్రతిచోటా ఉన్నాడనే అపోహను ఖండిస్తూ, ఆయన అర్ష్ (సింహాసనం) పై ఉన్నాడని, అయితే ఆయన జ్ఞానం మాత్రం విశ్వమంతటా వ్యాపించి ఉందని వక్త స్పష్టం చేశారు. సూరా తాహాలోని 5 మరియు 46 వచనాలను, అలాగే సహీహ్ బుఖారీలోని హదీసును ఉటంకిస్తూ ఈ విషయాన్ని వివరించారు.
ఇన్నల్ హమ్ దలిల్లాహి వహ్ దహు వస్సలాతు వస్సలాము అలా మల్ లా నబియ్య బ అ దహు అమ్మ బాద్, అస్సలాము అలైకుమ్ వరహ్మతుల్లాహి వబరకాతుహు.
అల్లాహ్ ఎక్కడ ఉన్నాడు?
అభిమాన సోదరులారా! ధర్మ అవగాహనం అనే ఈ ఐదవ ఎపిసోడ్లో మనం ఒక ముఖ్యమైన విషయం గురించి, ఒక ముఖ్యమైన అంశం గురించి తెలుసుకుందాం. అదేమంటే సకల లోకాలకు సృష్టికర్త అయిన, ఆరాధనలకు అర్హుడైన అల్లాహ్ సుబ్ హాన వ త’ఆలా ఎక్కడ ఉన్నాడు? ఇది చాలా ముఖ్యమైన విషయం. ఎందుకంటే మన సమాజంలో చాలామంది ఇతర మతాల ప్రభావం వలన లేదా అజ్ఞానం వలన అల్లాహ్ సుబ్ హాన వ త’ఆలా ప్రతిచోటా ఉన్నాడు అంటారు. కానీ ఈ నమ్మకం, ఈ విశ్వాసం ఖురాన్ మరియు హదీసులకు విరుద్ధమైన విశ్వాసం.
అభిమాన సోదరులారా! అల్లాహ్ సుబ్ హాన వ త’ఆలా స్వయంగా తెలియజేశాడు ఆయన ఎక్కడ ఉన్నాడో. ఈ విషయం గురించి మన నమ్మకం, మన అఖీదా, మన విశ్వాసం చాలా స్పష్టంగా ఉండాలి. ఖురాన్ మరియు హదీసు పరంగా ఉండాలి. లేకపోతే మార్గాన్ని తప్పే అవకాశం ఉంది.
అభిమాన సోదరులారా! అల్లాహ్ సుబ్ హాన వ త’ఆలా స్వయంగా తన గురించి ఇలా తెలియజేశాడు, సూరా తాహా, ఆయత్ నంబర్ 5:
الرَّحْمَٰنُ عَلَى الْعَرْشِ اسْتَوَىٰ
(అర్రహ్మాను అలల్ అర్షిస్తవా)
ఆ కరుణామయుడు అర్ష్ (సింహాసనము) పై ఆసీనుడై ఉన్నాడు. (20:5)
అంటే అల్లాహ్ సుబ్ హాన వ త’ఆలా అర్ష్ పై ఉన్నాడు అనే విషయాన్ని స్పష్టంగా అల్లాహ్ తెలియజేశాడు ఈ ఆయత్ లో.
హదీసుల వెలుగులో అల్లాహ్ ఉనికి
అలాగే అంతిమ దైవప్రవక్త ముహమ్మద్ సల్లల్లాహు అలైహి వసల్లం ఇలా తెలియజేశారు:
لَمَّا قَضَى اللَّهُ الْخَلْقَ كَتَبَ فِي كِتَابِهِ فَهُوَ عِنْدَهُ فَوْقَ الْعَرْشِ إِنَّ رَحْمَتِي غَلَبَتْ غَضَبِي
(లమ్మా కజల్లాహుల్ ఖల్క కతబ ఫీ కితాబిహి ఫహువ ఇన్ దహు ఫౌఖల్ అర్ష్, ఇన్న రహ్మతీ గలబత్ గజబీ)
ఈ హదీసు బుఖారీ గ్రంథంలో ఉంది. ఈ హదీసు యొక్క అర్థం ఏమిటంటే, అల్లాహ్ సుబ్ హాన వ త’ఆలా సృష్టిని సృష్టించిన తర్వాత ఒక గ్రంథాన్ని రాశాడు. ఆ గ్రంథం ఎక్కడ ఉంది? ఫహువ ఇన్ దహు ఫౌఖల్ అర్ష్ – ఇది ఆయన వద్ద గల అర్ష్ మీద రాసి ఉంది. అంటే ఈ హదీసు ద్వారా కూడా అల్లాహ్ సుబ్ హాన వ త’ఆలా అర్ష్ పై ఉన్నాడు అని ఉంది. ఈ హదీసు యొక్క చివరి భాగం ‘ఇన్న రహ్మతీ గలబత్ గజబీ’ – నిశ్చయంగా నా కారుణ్యం నా క్రోధాన్ని జయించింది. అంటే ఈ హదీసులో కూడా అంతిమ దైవప్రవక్త ముహమ్మద్ సల్లల్లాహు అలైహి వసల్లం ప్రవచనం ద్వారా ఏం తెలిసింది అంటే అల్లాహ్ సుబ్ హాన వ త’ఆలా అర్ష్ పై ఉన్నాడు.
అల్లాహ్ జ్ఞానం మరియు ఉనికి
కాకపోతే అల్లాహ్ యొక్క జ్ఞానం ప్రతిచోటా ఉంది. అల్లాహ్ సుబ్ హాన వ త’ఆలా అస్తిత్వంతో ప్రతిచోటా లేడు. అల్లాహ్ అర్ష్ పై ఉన్నాడు, అల్లాహ్ యొక్క జ్ఞానం ప్రతిచోటా ఉంది. అల్లాహ్ సుబ్ హాన వ త’ఆలా సూరా తాహాలోని ఆయత్ 46లో ఇలా తెలియజేశాడు, అది మూసా మరియు హారూన్ అలైహిస్సలాం గురించి:
قَالَ لَا تَخَافَا ۖ إِنَّنِي مَعَكُمَا أَسْمَعُ وَأَرَىٰ
(ఖాల లా తఖాఫా ఇన్ననీ మ అకుమా అస్మ ఉ వ అరా)
“మీరు ఏ మాత్రం భయపడకండి. నేను మీతోనే ఉన్నాను. అంతా వింటూ, చూస్తూ ఉంటాను” అని సమాధానమిచ్చాడు ఆయన.
(20:46)
అంటే అల్లాహ్ అస్తిత్వంతో ఉన్నాడా మూసా అలైహిస్సలాం తో పాటు, హారూన్ అలైహిస్సలాం తో పాటు? కాదు, అల్లాహ్ జ్ఞానంతో ఉన్నాడు. నిశ్చయంగా నేను మీతో పాటు ఉన్నాను, నేను వింటాను మరియు చూస్తాను.
అభిమాన సోదరులారా! ఈ సూరా తాహా ఆయత్ ద్వారా మరియు ఈ బుఖారీ హదీసు ద్వారా మనకు స్పష్టంగా తెలిసిన విషయం ఏమిటంటే అల్లాహ్ సుబ్ హాన వ త’ఆలా అర్ష్ పై ఉన్నాడు, అల్లాహ్ యొక్క జ్ఞానం ప్రతిచోటా ఉంది. మన మనసులో ఊహ కూడా అల్లాహ్ ఎరిగినవాడు.
అల్లాహ్ సుబ్ హాన వ త’ఆలా పట్ల నిజమైన విశ్వాసాన్ని కలిగి ఉండే సద్బుద్ధిని, సామర్థ్యాన్ని అల్లాహ్ మనకు ప్రసాదించు గాక! ఆమీన్. మరెన్నో వివరాలతో వచ్చే ఎపిసోడ్ లో కలుద్దాం. అప్పటివరకు సెలవు, వస్సలాము అలైకుమ్ వరహ్మతుల్లాహి వబరకాతుహు.
—
అల్లాహ్ (త’ఆలా):
https://teluguislam.net/allah/
ధర్మ అవగాహనం – హబీబుర్రహ్మాన్ జామయి [వీడియోలు & టెక్స్ట్]
https://teluguislam.net/2026/01/02/dharma-avagahanam/
ధర్మ అవగాహనం – యూట్యూబ్ ప్లే లిస్ట్
https://www.youtube.com/playlist?list=PLw5IiDSnUeV3CRoRRZhxlcQFsZpOPs2Sg
TeluguIslam.net 