Telugu Islamic Quiz (తెలుగు ఇస్లామిక్ క్విజ్) – పార్ట్ 46
వక్త: ముహమ్మద్ నసీరుద్దీన్ జామి’ఈ (హఫిజహుల్లాహ్)
ఫారెనర్స్ ఇస్లామిక్ గైడెన్స్ ఆఫీసు, జుల్ఫీ, సౌదీ అరేబియా
అబీసీనియా వైపు విశ్వాసుల 2వ హిజ్రత్(వలస) ఘటన గూర్చిన ప్రశ్నలు
1) విశ్వాసులు అబీసీనియా హిజ్రత్ చేసినప్పుడు అక్కడ ఉండేడుకు అభయమిచ్చిన క్రైస్తవ చక్రవర్తి ఎవరు?
A) హెరక్లస్
B) నజాషీ
C) ముఖీఖిస్
2) అబీసీనియా రాజ దర్భారులో ఇస్లాం యొక్క సుగుణాలను వివరించినది ఎవరు?
A) హజ్రత్ జాఫర్ బిన్ అబీతాలిబ్ (రజి యల్లాహు అన్హు)
B) హజ్రత్ అలీ బిన్ అబీ తాలిబ్ (రజి యల్లాహు అన్హు)
C) హజ్రత్ అమృ బిన్ ఆస్(రజి యల్లాహు అన్హు)
3) అబీసీనియా క్రైస్తవ దర్భారులో సహాబా (రజి యల్లాహు అన్హు) ఏ సూరహ్ లో కొన్ని ఆయాత్ లు పఠిస్తే అక్కడున్న చక్రవర్తి – ఫాదరీ ల గెడ్డాలు తడిచేటట్లు ఏడ్చారు?
బుఖారీ 1320లోని ఈ హదీసులో ఉంది: ప్రవక్త (సల్లల్లాహు అలైహి వసల్లం) ఇలా తెలిపారు: “హబషలోని పుణ్య పురుషుడు చనిపోయాడు. మీరందరూ విచ్చేసెయ్యండీ, జనాజా నమాజు చదవండీ.”
బుఖారీలోనే 3136లో ఉంది. అబూ మూసా అష్అరీ (రదియల్లాహు అన్హు) ఉల్లేఖించారు: మేము కొంత మంది యమన్ నుండి పడవలో సముద్ర ప్రయాణం చేసి హబషలో నజ్జాషీ వద్దకు చేరుకున్నాము. ముందే అక్కడికి హిజ్రత్ చేసిన జఅఫర్ బిన్ అబీ తాలిబ్ మరియు అతని మిత్రులను కలుసుకున్నాము.
బుఖారీలోనే 4231లో ఉంది: “పడవలో సముద్రపు ప్రయాణం చేసినవారికి డబల్ హిజ్రత్ పుణ్యముంటుంది” అని ప్రవక్త శుభవార్త ఇచ్చారు.
2) అబీసీనియా రాజ దర్భారులో ఇస్లాం యొక్క సుగుణాలను వివరించినది ఎవరు?
A) హజ్రత్ జాఫర్ బిన్ అబీతాలిబ్ (రజి యల్లాహు అన్హు)
ముస్నద్ అహ్మద్ 1740, 22498లో చాలా పొడవైన రెండు హదీసులున్నాయి.
3) అబీసీనియా క్రైస్తవ దర్భారులో సహాబా (రజి యల్లాహు అన్హు) ఏ సూరహ్ లో కొన్ని ఆయాత్ లు పఠిస్తే అక్కడున్న చక్రవర్తి – ఫాదరీ ల గడ్డాలు తడిచేటట్లు ఏడ్చారు?
C) సూరహ్ మర్యం
దీని వివరణ పైన పేర్కొన్ని ముస్నద్ అహ్మద్ హదీసులోనే ఉంది.
దీన్ని షేర్ చెయ్యండి మీ బంధుమిత్రులతో , బారకల్లాహు ఫీకుమ్: “మంచికి మార్గనిర్దేశం చేసేవారికి దానిని ఆచరించిన వారితో సమానమైన పుణ్యం లభిస్తుంది” [సహీహ్ ముస్లిం, 3వ భాగం, నం .4665] ఈ క్రింది లింక్ దర్శించి మీ స్నేహితులు మరియు బంధువులు మా వాట్సాప్ గ్రూపులో చేరవచ్చు: teluguislam.net/whatsapp/. మా టెలిగ్రామ్ ఛానల్ https://t.me/teluguislam .మా యూట్యూబ్ ఛానల్: youtube.com/c/teluguislam . జిక్ర్ & దుఆల కోసం కొత్త వెబ్సైటు: telugudua.net
1) హింసా దౌర్జన్యాలు పెరిగిన సందర్భంలో విశ్వాసులు తొలిహిజ్రత్ చేసేందుకు ఏ సూరహ్ లో సంకేతాలు వచ్చాయి?
B) 18వ సూరహ్ అల్ కహఫ్
హబషా వైపునకు మొదటి హిజ్రత్ (వలస)కు ఈ సూరాకు ఎలా సంబంధం ఉంది అనేది అర్థం కావడానికి ఇదే సూరాలోని ఆయతు 9 నుండి 26 వరకు అనువాదంతో చదవండీ అప్పుడు మీకు విషయం బోధపడవచ్చు ఇన్ షా అల్లాహ్. గుహవారి ఈ వృత్తాంతం యువతరానికి గొప్ప గుణపాఠం వంటిది. విచ్చలవిడితనం, వ్యర్థ వ్యసనాలకు గురవుతున్న నేటి నవయువకులు ఈ వృత్తాంతం నుండి నీతిని గ్రహించి, తమ శక్తియుక్తులను దైవప్రీతిని పొందే మార్గంలో వెచ్చిస్తే ఎంత బావుండదు!
“ఇప్పుడు మీరు వాళ్ళతోనూ, అల్లాహ్ను గాకుండా వారు పూజిస్తున్న ఇతర దైవాలతోనూ తెగత్రెంపులు చేసుకున్నారు. ఇక ఇప్పుడు ఏదన్నా గుహలోకి పోయి కూర్చోండి. మీ ప్రభువు మీపై తన కారుణ్యాన్ని విస్తరింపజేస్తాడు. మీ కార్యసిద్ధికై సౌలభ్యాన్ని సమకూరుస్తాడు.”
సంక్షిప్తంగా వారి వృత్థాంతం ఇది:
హాఫిజ్ ఇబ్నె కసీర్ ప్రకారం: పూర్వం దిఖియానూస్ అనే రాజు ఒకడుండేవాడు. అతడు బహుదైవారాధన వైపుకు, జాతరల వైపుకు ప్రజల్ని పురికొల్పేవాడు. అయితే ఆరాధ్యదేవుడు ఒక్కడేనన్న సత్యాన్ని అల్లాహ్ ఈ కొద్దిమంది యువకులలో నూరిపోశాడు. భూమ్యాకాశాలను సృష్టించినవాడు, సమస్త జగతిని పోషిస్తున్నవాడే తమ నిజ దైవం కాగలడని వారు వాదించసాగారు. వారంతా ప్రజా బాహుళ్యం నుంచి వేర్చడి – ప్రత్యేకంగా ఒకచోట చేరి- ఒక్కడైన సృష్టికర్తను ఆరాధించేవారు. వారి ఏకదైవారాధన సమాజంలో చర్చనీయాంశంగా మారింది. అలా ఆ విషయం రాజుగారి చెవుల్లో కూడా పడింది. అతడు తన అధికారుల చేత వాళ్ళను రాజదర్చారుకు పిలిపించి విచారించాడు. వారు తమ అంతరాత్మ ప్రబోధాన్ని నిర్ధిష్టంగా చాటిచెప్పారు. అయితే పరిస్థితులు వారికి ఏమాత్రం అనుకూలంగా లేవు. ఒకవైపు బహుదైవారాధకులైన తమ జాతి జనుల విరోధం, మరోవైపు రాజుగారి భయం, అందువల్ల వారు తాము నమ్మిన ధర్మాన్ని కాపాడుకునేందుకు ఒక పర్వత గుహలో తలదాచుకున్నారు. అప్పుడు అల్లాహ్ వారిని గాఢమైన నిద్రకు లోనుచేశాడు. దాదాపు 309 సంవత్సరాలు వారు ఆ నిద్రావస్థలో ఉన్నారు.
పైన చెప్పినట్లు సూర కహఫ్, సూర నంబర్ 18, ఆయతు 9 నుండి 26 వరకు తఫ్సీర్ అహ్ సనుల్ బయాన్ లో తప్పక చదవండీ.
2) విశ్వాసుల తొలి హిజ్రత్ ఎక్కడికి జరిగింది?
A] అబీసీనియా
మొదటి ప్రశ్న సమాధానంలో దీని ప్రస్తావన వచ్చింది.
ఇమాం బుఖారీ రహిమహుల్లాహ్ కితాబ్ మనాఖిబిల్ అన్సార్ అనే చాఫ్టర్ లో బాబు హిజ్రతిల్ హబష అని సబ్ టైటిల్ పేర్కొన్నారు. అందులో ఐదు హదీసులు హబష వైపునకు హిజ్రత్ గురించి ప్రస్తావించారు. దాని తర్వాత మరో సబ్ టైటిల్ బాబు మౌతిన్ నజ్జాషీ అనే టైటిల్ పేర్కొన్నారు. అందులో ఐదు హదీసులు ప్రస్తావించారు. 3872లో ఉస్మాన్ రజియల్లాహు అన్హు, 3873లో ప్రవక్తవారి పవిత్ర భార్యలు ఉమ్మె హబీబా, ఉమ్మె సలమా రజియల్లాహు అన్హుమాల హిజ్రత్ ప్రస్తావన ఉంది. 3876లో జాఫర్ బిన్ అబీ తాలిబ్ హిజ్రత్ చేసిన సంఘటన ఉంది.
ఈ రోజుల్లో ఆ హదీసుల ద్వారా మనకు లభించే గొప్ప గుణఫాఠం ఏమిటంటే: మనం ఐహిక భోగభాగ్యాలు, ఇల్లు, ప్రాపటీ లాంటి ఇతర విషయాలకు విశ్వాసంపై ప్రాధాన్యతనివ్వకూడదు. ఎందుకంటే ఇవి ఇక్కడే మిగిలిపోయేవి, విశ్వాసమే మన వెంట ఉండేది.
3) కాబా గృహం వద్ద దైవప్రవక్త (ﷺ) ఏ సూరహ్ పారాయణం చేస్తుంటే కరుడుగట్టిన ఖురైషీ సర్దారులు సైతం సజ్దా లో పడిపోయారు?
బుఖారీ 4862:- అబ్దుల్లాహ్ బిన్ అబ్బాస్ రజియల్లాహు అన్హు చెప్పారు: ప్రవక్త సల్లల్లాహు అలైహి వసల్లం సూర నజ్మ్ చదివి సజ్దా చేశారు, ప్రవక్త తో పాటు ముస్లిములు, ముష్రికులు మరియు జిన్నాతులు, మానవులు కూడా సజ్దా చేశారు.
బుఖారీలోనే హదీసు నంబర్ 4863లో ఉంది: ప్రవక్త సల్లల్లాహు అలైహి వసల్లం సజ్దా ఉన్న తొలి సూర, సూర నజ్మ్ చదివారు. ప్రవక్త సజ్దా చేశారు, ప్రవక్త వెనకున్నవారూ సజ్దా చేశారు. అయితే కేవలం ఒక వ్యక్తి సజ్దా చేయడానికి వంగలేదు. అరచేతి మన్ను తీసుకొని దానిపై సజ్దా చేశాడు. తర్వాత హత్య చేయబడ్డాడు. అతడు ఉమయ్య బిన్ ఖలఫ్. (బద్ర్ యుద్ధంలో బిలాల్ రజియల్లాహు అన్హు అతడ్ని చంపారు).
దీన్ని షేర్ చెయ్యండి మీ బంధుమిత్రులతో , బారకల్లాహు ఫీకుమ్: “మంచికి మార్గనిర్దేశం చేసేవారికి దానిని ఆచరించిన వారితో సమానమైన పుణ్యం లభిస్తుంది” [సహీహ్ ముస్లిం, 3వ భాగం, నం .4665] ఈ క్రింది లింక్ దర్శించి మీ స్నేహితులు మరియు బంధువులు మా వాట్సాప్ గ్రూపులో చేరవచ్చు: teluguislam.net/whatsapp/. మా టెలిగ్రామ్ ఛానల్ https://t.me/teluguislam .మా యూట్యూబ్ ఛానల్: youtube.com/c/teluguislam . జిక్ర్ & దుఆల కోసం కొత్త వెబ్సైటు: telugudua.net
దీన్ని షేర్ చెయ్యండి మీ బంధుమిత్రులతో , బారకల్లాహు ఫీకుమ్: “మంచికి మార్గనిర్దేశం చేసేవారికి దానిని ఆచరించిన వారితో సమానమైన పుణ్యం లభిస్తుంది” [సహీహ్ ముస్లిం, 3వ భాగం, నం .4665] ఈ క్రింది లింక్ దర్శించి మీ స్నేహితులు మరియు బంధువులు మా వాట్సాప్ గ్రూపులో చేరవచ్చు: teluguislam.net/whatsapp/. మా టెలిగ్రామ్ ఛానల్ https://t.me/teluguislam .మా యూట్యూబ్ ఛానల్: youtube.com/c/teluguislam . జిక్ర్ & దుఆల కోసం కొత్త వెబ్సైటు: telugudua.net
దీన్ని షేర్ చెయ్యండి మీ బంధుమిత్రులతో , బారకల్లాహు ఫీకుమ్: “మంచికి మార్గనిర్దేశం చేసేవారికి దానిని ఆచరించిన వారితో సమానమైన పుణ్యం లభిస్తుంది” [సహీహ్ ముస్లిం, 3వ భాగం, నం .4665] ఈ క్రింది లింక్ దర్శించి మీ స్నేహితులు మరియు బంధువులు మా వాట్సాప్ గ్రూపులో చేరవచ్చు: teluguislam.net/whatsapp/. మా టెలిగ్రామ్ ఛానల్ https://t.me/teluguislam .మా యూట్యూబ్ ఛానల్: youtube.com/c/teluguislam . జిక్ర్ & దుఆల కోసం కొత్త వెబ్సైటు: telugudua.net
1) మన ప్రియ ప్రవక్త (ﷺ) వారు నడిచే దారిలో మరియు గుమ్మం ముందు కూడా ముళ్లను పరచిన ఆ దుష్ట స్త్రీ ఎవరు?
C) ఉమ్మె జమీల్
ఉమ్మె జమీల్. అబూ సుఫ్యాన్ సోదరి మరియు అబూ లహబ్ యొక్క భార్య. ఈ విషయం తఫ్సీర్ ఇబ్ను కసీర్ లో సూర మసద్ (111:4) వ్యాఖ్యానంలో ఉంది. అలాగే సహీ బుఖారీ యొక్క ప్రఖ్యాతిగాంచిన వ్యాఖ్యానం ఫత్ హుల్ బారీలో కూడా ఉంది.
2) కాబా గృహం వద్ద సజ్దా లో ఉండగా ఒంటె ప్రేవులను మన ప్రియ ప్రవక్త (ﷺ) వారి వీపుపై వేసిన దుష్టుడు ఎవరు?
B) ఉఖ్బా బిన్ అబీ ముఈత్
ఉఖ్బా బిన్ అబీ ముఈత్. సహీ బుఖారీ 240లో, సహీ ముస్లిం 1794లో ఉంది.
అబ్దుల్లాహ్ బిన్ మస్ఊద్ (రజియల్లాహు అన్హు) ఉల్లేఖించారు:
ప్రవక్త (సల్లల్లాహు అలైహి వసల్లం) కాబా గృహానికి దగ్గరలో నమాజు చేస్తున్నారు. అంతలో అక్కడ కూర్చున్న అబూ జహల్, అతని మిత్రమూక పరస్పరం మాట్లాడుకుంటూ వారిలో ఒకడు ఇలా అన్నాడు: ఫలానా తెగ వాడలో ఒంటె ప్రేగులు పడి ఉన్నాయి. వాటిని తెచ్చి ముహమ్మద్ (సల్లల్లాహు అలైహి వసల్లం) సజ్దా చేస్తున్నప్పుడు ఆయన వీపు మీద పెట్టాలి. ఈ పని చేసేవారు మీలో ఎవరైనా ఉన్నారా? అప్పుడు వారందరిలో ఉఖ్బా బిన్ అబీ ముఈత్ అనే అనే పరమ దౌర్భాగ్యుడు లేచాడు. అతను వెళ్ళి ఆ ప్రేగుల్ని తెచ్చి సమయం కోసం ఎదురు చూడసాగాడు. చివరికి ప్రవక్త (సల్లల్లాహు అలైహి వసల్లం) సజ్దా స్థితిలోకి పోగానే ఆ దుర్మార్గుడు ఆ ప్రేగుల్ని ఆయన భుజాల మధ్య వీపు మీద పెట్టాడు.
నేనప్పుడు ఇదంతా కళ్ళప్పగించి చూస్తూ ఉండటం తప్ప ఏమీ చేయలేకపోయాను. నాకే గనక శక్తి ఉంటే నేనా దుర్మార్గుడ్ని అడ్డుకునేవాడ్ని. వారీ పైశాచిక చర్యకు పాల్పడటమే గాకుండా వెకిలి నవ్వులు కూడా నవ్వడం మొదలెట్టారు. సంతోషం పట్టలేక ఒకరి మీద ఒకరు పడుతూ నవ్వుకోసాగారు. ప్రవక్త (సల్లల్లాహు అలైహి వసల్లం) (వీపు మీదున్న ఒంటె ప్రేగుల బరువు వల్ల) సజ్దా స్థితిలోనే పడి ఉన్నారు. తల పైకెత్తలేక పోయారు. చివరికి హజ్రత్ ఫాతిమా (రజియల్లాహు అన్హా) వచ్చి చూసి, ఈ భారాన్ని ఆయన వీపుపై నుంచి తొలగించి వేశారు. అప్పుడు ప్రవక్త (సల్లల్లాహు అలైహి వసల్లం) సజ్దా నుండి తల పైకెత్తి “అల్లాహ్! ఖురైషీయులకు తగిన శిక్ష విధించు” అని శపించారు.
ప్రవక్త (సల్లల్లాహు అలైహి వసల్లం) పెట్టిన శాపం విని వారు బెంబేలిత్తిపోయారు. ఈ మక్కా నగరంలో ఏ ప్రార్థన చేసినా అది తప్పక అంగీకరించబడుతుంది అని వాళ్ళు నమ్మేవారు. ఆ తర్వాత ఆయన (సల్లల్లాహు అలైహి) వసల్లం వారిలో ఒక్కొక్కరి పేరు ప్రస్తావిస్తూ “అల్లాహ్! అబూ జహల్ ని శిక్షించు, ఉత్బా బిన్ రబీఆ, షైబా బిన్ రబీఆ, వలీద్ బిన్ ఉత్బా, ఉమయ్యా బిన్ ఖలఫ్, ఉఖ్బా బిన్ అబీ ముఈత్ లను కూడా శిక్షించు” అని ప్రార్థించారు.
అబ్దుల్లాహ్ బిన్ మస్ఊద్ ఇంకా చెప్పారు: “నా ప్రాణం ఎవరి చేతిలో ఉందో అతని సాక్షి! ప్రవక్త (సల్లల్లాహు అలైహి వసల్లం) పేర్లెత్తి శపించిన వీరంతా బద్ర్ (యుద్ధంలో వధించబడి) గుంటలో బొక్క బోర్లా పడి ఉండటాన్ని నేను స్వయంగా చూశాను“. (మహా ప్రవక్త మహితోక్తులు 1172).
3) ఇస్లాం స్వీకరించిన కారణంగా ఇంటి నుండి గెంటి వేయబడిన ధనిక యువకుడు ఎవరు?
A) ముస్అబ్ బిన్ ఉమైర్ (రజియల్లాహు అన్హు)
ముస్అబ్ బిన్ ఉమైర్ (రజియల్లాహు అన్హు) మక్కాలో అత్యంత అందమైన యువకుడు, వారి తల్లి గొప్ప ధనవంతురాలు, తనయుడికి చాలా ధర గల దుస్తులు ధరింపచేసేది, అలాగే అత్యంత సువాసనగల అత్తర్లు పూసేది అని చరిత్ర గ్రంథాల్లో ఉంది. కాని ఇస్లాం స్వీకరించిన తర్వాత చాలా శిక్షించబడ్డారు, వేరే ఎవరితోనో కాదు. స్వయంగా ఎంతో ప్రేమ, వాత్సల్యాలతో పెంచిన కన్న తల్లి ద్వారానే. తల్లితో పాటు మరి కొందరు కలసి బందీఖానాలో వేశారు. ఏలాగో హబషా వలస వెళ్ళారు. అస్సాబిఖూనల్ అవ్వలూన్ లో ఒకరు ముస్అబ్ కూడాను. ప్రవక్త కంటే ముందు మదీనాకు ఎందుకవచ్చారో మరో క్విజ్ లో తెలుసుకుంటారు ఇన్ షా అల్లాహ్. చివరకు ఆయన షహీద్ అయిన రోజు కఫన్ కొరకు సరిపడ బట్ట దొరకలేదు. (బుఖారీ 1274, 1275). ఇంకా చాలా ఘనతలున్నాయి.
దీన్ని షేర్ చెయ్యండి మీ బంధుమిత్రులతో , బారకల్లాహు ఫీకుమ్: “మంచికి మార్గనిర్దేశం చేసేవారికి దానిని ఆచరించిన వారితో సమానమైన పుణ్యం లభిస్తుంది” [సహీహ్ ముస్లిం, 3వ భాగం, నం .4665] ఈ క్రింది లింక్ దర్శించి మీ స్నేహితులు మరియు బంధువులు మా వాట్సాప్ గ్రూపులో చేరవచ్చు: teluguislam.net/whatsapp/. మా టెలిగ్రామ్ ఛానల్ https://t.me/teluguislam .మా యూట్యూబ్ ఛానల్: youtube.com/c/teluguislam . జిక్ర్ & దుఆల కోసం కొత్త వెబ్సైటు: telugudua.net
Telugu Islamic Quiz (తెలుగు ఇస్లామిక్ క్విజ్) – పార్ట్ 43
వక్త: ముహమ్మద్ నసీరుద్దీన్ జామి’ఈ (హఫిజహుల్లాహ్)
ఫారెనర్స్ ఇస్లామిక్ గైడెన్స్ ఆఫీసు, జుల్ఫీ, సౌదీ అరేబియా
బంధుమిత్రులతో విని ప్రవక్త జీవిత ఘట్టాలు, క్విజ్ రూపంలో సహీ ఆధారాలతో తెలుసుకుంటున్నందుకు అల్లాహ్ కృతజ్ఞత చెల్లిస్తూ ఆనందించండి అల్ హందులిల్లాహ్, సుమ్మ అల్ హందులిల్లాహ్
ప్రశ్నల పత్రం – 43
దైవప్రవక్త (ﷺ) వారి బహిరంగ సందేశ ప్రచారం గూర్చిన ప్రశ్నలు
1) దైవప్రవక్త (ﷺ) తన దగ్గరి బంధువులకు సందేశం ఇచ్చేందుకు ఏర్పాటు చేసిన సమావేశంలో వ్యతిరేకత చూపిన బంధువు ఎవరు?
A) అబూతాలిబ్
B) అబూలహబ్
C) అబ్దు మునాఫ్
2) బాహాటంగా సందేశం ఇచ్చేందుకు దైవప్రవక్త (ﷺ) ఏ కొండపై నుండి పిలుపునిచ్చారు?
A) సఫా కొండ
B) మర్వా కొండ
C) తూర్ కొండ
3) ఇస్లాం స్వీకరించిన తొలి పూర్తి కుటుంబం ఎవరిది?
A) ఉమర్ (రజి యల్లాహు అన్హు)
B) యాసిర్ (రజి యల్లాహు అన్హు)
C) అలీ (రజి యల్లాహు అన్హు)
ఇబ్నె ‘అబ్బాస్ (రజియల్లాహు అన్హు) ఉల్లేఖించారు: ”మీరు మీ దగ్గరి బంధువులను హెచ్చరించండి” (అష్ షు’అరా’, 26:214) అనే ఆయతు అవతరించినపుడు, ప్రవక్త సల్లల్లాహు అలైహి వసల్లం దాన్ని నిర్వర్తించడానికి బయలుదేరారు. సఫా కొండపై ఎక్కి ఇలా పిలవటం ప్రారంభించారు. ”ఓ ఫిహ్ర్ సంతా నమా! ఓ అదీ సంతానమా! ఇదే విధంగా ఖురైషు తెగలన్నిటినీ ఉద్దేశించి పిలవ సాగారు. చివరికి అన్ని తెగల వారూ వచ్చారు. రాలేనివారు తన తరఫున ఒక వ్యక్తిని పంపారు. అనంతరం అబూ లహబ్, ఇంకా ఖురైష్కు చెందిన వారందరూ వచ్చారు. ప్రవక్త సల్లల్లాహు అలైహి వసల్లం వారి నుద్దేశించి, ” ‘ఒకవేళ నేను సైన్యం వస్తుంది, అది మీపై దాడి చేస్తుంది, హత్యలు, దోపిడీలకు పాల్పడుతుంది,’ అని అంటే, మీరు నా మాట నమ్ముతారా?” అని అడిగారు. అందరూ ముక్త కంఠంతో, ‘నమ్ముతాము, ఎందుకంటే నువ్వు ఎప్పుడూ సత్యమే పలికావు,’ అని అన్నారు. అప్పుడు ప్రవక్త (సల్లల్లాహు అలైహి వసల్లం), ‘నేను మీకు మీముందు ఉన్న కఠిన శిక్ష గురించి భయపెడుతున్నాను,’ అని అన్నారు. అది విన్న అబూ లహబ్, ‘నీ పాడుగాను, దీనికోసమేనా మమ్మల్ని అందరినీ ఇక్కడ ప్రోగు చేసావు,’ అని అన్నాడు.” అప్పుడు సూరహ్ లహబ్ / మసద్ (111) అవతరింపజేయ బడింది. (బు’ఖారీ 4770, ముస్లిమ్ 208)
3) ఇస్లాం స్వీకరించిన తొలి పూర్తి కుటుంబం ఎవరిది?
B) యాసిర్ (రజియల్లాహు అన్హు)
యాసిర్ (రజియల్లాహు అన్హు), అతని భార్య సుమయ్య (రజియల్లాహు అన్హా) మరియు వారిద్దరి కొడుకు అమ్మార్ (రజియల్లాహు అన్హు).
దీన్ని షేర్ చెయ్యండి మీ బంధుమిత్రులతో , బారకల్లాహు ఫీకుమ్: “మంచికి మార్గనిర్దేశం చేసేవారికి దానిని ఆచరించిన వారితో సమానమైన పుణ్యం లభిస్తుంది” [సహీహ్ ముస్లిం, 3వ భాగం, నం .4665] ఈ క్రింది లింక్ దర్శించి మీ స్నేహితులు మరియు బంధువులు మా వాట్సాప్ గ్రూపులో చేరవచ్చు: teluguislam.net/whatsapp/. మా టెలిగ్రామ్ ఛానల్ https://t.me/teluguislam .మా యూట్యూబ్ ఛానల్: youtube.com/c/teluguislam . జిక్ర్ & దుఆల కోసం కొత్త వెబ్సైటు: telugudua.net
Telugu Islamic Quiz (తెలుగు ఇస్లామిక్ క్విజ్) – పార్ట్ 42
వక్త: ముహమ్మద్ నసీరుద్దీన్ జామి’ఈ (హఫిజహుల్లాహ్)
ఫారెనర్స్ ఇస్లామిక్ గైడెన్స్ ఆఫీసు, జుల్ఫీ, సౌదీ అరేబియా
బంధుమిత్రులతో విని ప్రవక్త జీవిత ఘట్టాలు, క్విజ్ రూపంలో సహీ ఆధారాలతో తెలుసుకుంటున్నందుకు అల్లాహ్ కృతజ్ఞత చెల్లిస్తూ ఆనందించండి అల్ హందులిల్లాహ్, సుమ్మ అల్ హందులిల్లాహ్
ప్రశ్నల పత్రం – 42
దైవప్రవక్త (ﷺ) వారి సందేశ ప్రచారం గూర్చిన ప్రశ్నలు
1) దైవప్రవక్త (ﷺ) తొలి దశలో ఎన్ని సంవత్సరాలు రహస్య ప్రచారం చేశారు?
A) 3 సం”
B) 1సం”
C) 5 సం”
2) దైవప్రవక్త (ﷺ) తొలి దశ లో ఎవరి ఇంటిలో సమావేశం జరిపేవారు?
A) దారుల్ అర్ఖమ్
B) పవిత్ర కాబా యందు
C) ఖబ్బాబ్ బిన్ అర్త్ (రజియల్లాహు అన్హు) ఇంటిలో
3) ప్రప్రధమ దశలోనే ఇస్లాం స్వీకరించిన వారిని ఏమంటారు?
A) అషరే ముబష్యిరా
B) షహీద్ లు
C) అస్సాబికూనల్ అవ్వలూన్
దైవప్రవక్త (ﷺ) వారి సందేశ ప్రచారం గూర్చిన ప్రశ్నలు
1) దైవప్రవక్త (ﷺ) తొలి దశలో ఎన్ని సంవత్సరాలు రహస్య ప్రచారం చేశారు?
A) 3 సం”
3 సంవత్సరాలు, అయితే ప్రచారం యొక్క ఆరంభ దశ రహస్యంగా ఉండినదని సహీ ముస్లిం, హదీసు నంబర్ 832 ద్వారా కూడా తెలుస్తుంది. ఉల్లేఖించినవారు అబూ ఉమామ (రజియల్లాహు అన్హు), ఇందులో అమ్ర్ బిన్ అబస సులమీ (రజియల్లాహు అన్హు) ఇస్లాం స్వీకరించిన సంఘటన చాలా మంచిగా ఇందులో ఎన్నో మంచి గుణపాఠాలు, బోధనలున్నాయి. రియాజుస్సాలిహీన్ (హదీసు కిరణాలు) 438లో ఈ హదీసు పూర్తిగా చదవండి. అలాగే ఈ గుప్త ప్రచారం గురించి మహాప్రవక్త మహితోక్తులు అనే హదీసు గ్రంథంలో కూడా చదవగలరు. హదీసు నంబర్ 256.
2] దైవప్రవక్త (ﷺ) తొలి దశ లో ఎవరి ఇంటిలో సమావేశం జరిపేవారు?
A] దారుల్ అర్ఖమ్
దారుల్ అర్ఖమ్. దీని ప్రస్తావన సూర మర్యం, సూర నంబర్ 19, ఆయత్ నంబర్ 73 యొక్క వ్యాఖ్యానంలో వచ్చి ఉంది.
ఉర్దూ, అరబీ తెలిసిన వారు తఫ్సర్ ఇబ్ను కసీర్ చూడవచ్చు. తెలుగు తెలిసినవారు అహ్ సనుల్ బయాన్ లో ఈ ఆయతు వ్యాఖ్యానం చూడవచ్చు.
స్పష్టమైన మా ఆయతులను వారి ముందు చదివి వినిపించినపుడు అవిశ్వాసులు “ఇంతకీ మన ఇరు వర్గాలలో ఎవరు మంచి స్థితిలోఉన్నారో, ఎవరి సభలు ఉత్తమంగా ఉన్నాయో చెప్పండి?” అని ముస్లిములతో (ఎగతాళిగా) అంటారు.
అహ్ సనుల్ బయాన్ వ్యాఖ్యానం నుండి:
“ఖుర్ఆన్ వంటి అద్భుత సందేశాన్ని ఎదుర్కోవటం చేతకాని ఖురైషు శ్రీమంతులు నిరుపేద ముస్లింల ఆర్థిక పరిస్థితి, నిరాడంబరమైన వారి సమావేశ స్థలాలనుఎత్తిచూపుతూ తమ డాబును, దర్పాన్ని చాటుకుంటున్నారు. ముస్లింలలో బిలాల్,అమ్మార్,సుహైబ్ లాంటి సహచరులు నిరుపేదలు. అవిశ్వాసుల దృష్టిలో వారు బలహీన వర్గానికి చెందినవారు. వారి సభావేదిక అయిన దారుల్ అర్ఖమ్ చాలా సీదాసాదాగా ఉంటుంది. అదే సమయంలో అవిశ్వాసులైన అబూ జహల్, నజర్ బిన్హారిస్, ఉత్బా, షైబా తదితర ప్రముఖుల సభావేదికలు ఎంతో అట్టహాసంగా ఉండేవి. పెద్ద పెద్ద మేడలలో వారు కొలువు తీరేవారు. ఈ ధన మదం, అధికార మదంతోనే వారు నిరుపేద ముస్లింలను చిన్నచూపు చూశారు.”
అలాగే ఇమాం ఇబ్ను హజర్ అస్ఖలానీ అల్ ఇసాబలో ఇబ్ను మంద (రహిమహుల్లాహ్) ఆధారంగా ప్రస్తావించారు. ఆయన అబ్దుల్లాహ్ బిన్ ఉస్మాన్ ఉల్లేఖనాన్ని పేర్కొన్నారు.
3) ప్రప్రధమ దశలోనే ఇస్లాం స్వీకరించిన వారిని ఏమంటారు?
ముహాజిర్లలో, అన్సార్లలో ప్రప్రథమంగా ముందంజ వేసిన వారితోనూ, తరువాత చిత్తశుద్ధితో వారిని అనుసరించిన వారితోనూ అల్లాహ్ ప్రసన్నుడయ్యాడు. వారు అల్లాహ్ పట్ల ప్రసన్నులయ్యారు. క్రింద కాలువలు ప్రవహించే స్వర్గవనాలను అల్లాహ్ వారికోసం సిద్ధం చేసి ఉంచాడు. వాటిలో వారు కలకాలం ఉంటారు. గొప్ప సాఫల్యం అంటే ఇదే. (సూరహ్ నూహ్ 9:100)
దీన్ని షేర్ చెయ్యండి మీ బంధుమిత్రులతో , బారకల్లాహు ఫీకుమ్: “మంచికి మార్గనిర్దేశం చేసేవారికి దానిని ఆచరించిన వారితో సమానమైన పుణ్యం లభిస్తుంది” [సహీహ్ ముస్లిం, 3వ భాగం, నం .4665] ఈ క్రింది లింక్ దర్శించి మీ స్నేహితులు మరియు బంధువులు మా వాట్సాప్ గ్రూపులో చేరవచ్చు: teluguislam.net/whatsapp/. మా టెలిగ్రామ్ ఛానల్ https://t.me/teluguislam .మా యూట్యూబ్ ఛానల్: youtube.com/c/teluguislam . జిక్ర్ & దుఆల కోసం కొత్త వెబ్సైటు: telugudua.net
Telugu Islamic Quiz (తెలుగు ఇస్లామిక్ క్విజ్) – పార్ట్ 41
వక్త: ముహమ్మద్ నసీరుద్దీన్ జామి’ఈ (హఫిజహుల్లాహ్)
ఫారెనర్స్ ఇస్లామిక్ గైడెన్స్ ఆఫీసు, జుల్ఫీ, సౌదీ అరేబియా
బంధుమిత్రులతో విని ప్రవక్త జీవిత ఘట్టాలు, క్విజ్ రూపంలో సహీ ఆధారాలతో తెలుసుకుంటున్నందుకు అల్లాహ్ కృతజ్ఞత చెల్లిస్తూ ఆనందించండి అల్ హందులిల్లాహ్, సుమ్మ అల్ హందులిల్లాహ్
ప్రశ్నల పత్రం – 41
దైవప్రవక్త (ﷺ) వారిపై వహీ (దివ్యవాణి) అవతరణ గూర్చిన ప్రశ్నలు
1) దైవప్రవక్త (ﷺ) ఏ కొండ గుహలో ఏకాంతంలో ఉండి అల్లాహ్ ను ఆరాధించేవారు?
A) కహఫ్
B) హీరా గుహ
C) సౌర్ గుహ
2) దైవప్రవక్త (ﷺ) వారిపై అవతరించిన తొలి వహీ ఏ సూరహ్ లో గలదు?
A) సూరహ్ అలఖ్
B) సూరహ్ ఫాతిహా
C) సూరహ్ ఇఖ్లాస్
3) దైవప్రవక్త (ﷺ) వారిపై అవతరించిన రెండవ వహీ ఏ సూరహ్ లో గలదు?
A) సూరహ్ అల్ బఖరా
B) సూరహ్ అల్ ముద్దస్సిర్
C) సూరహ్ అల్ ఫుర్ఖాన్
దైవప్రవక్త (ﷺ) వారిపై వహీ (దివ్యవాణి) అవతరణ గూర్చిన ప్రశ్నలు
1) దైవప్రవక్త (ﷺ) ఏ గుహలో ఏకాంతంలో ఉండి అల్లాహ్ ను ఆరాధించేవారు?
B] హిరా గుహ
సహీ బుఖారీ 3 లో ఉంది, ఆయిషా (రజియల్లాహు అన్హా) ఉల్లేఖించారు: ప్రవక్త (సల్లల్లాహు అలైహి వసల్లం) హిరా గుహలో ఆరాధన చేస్తూ ఉండేవారు, అకస్మాత్తుగా ఒకసారి జిబ్రీల్ వచ్చారు, ‘చదువు’ అని అన్నారు. ప్రవక్త నేను చదువరుడ్ని కాను అని చెప్పారు. గట్టిగా అలముకొని వదలి చదువు అన్నాడు జిబ్రీల్, మళ్ళీ ప్రవక్త నేను చదువరుడ్ని కాను అని అన్నారు. రెండు, మూడు సార్లు ఇలాగే మరీ గట్టిగా అలముకొని వదలి సూర అలఖ్ లోని 5 ఆయతలు చదివించారు
2) దైవప్రవక్త (ﷺ) వారిపై అవతరించిన తొలి వహీ ఏ సూరహ్ లో గలదు?
A) సూరహ్ అలఖ్
సూరతుల్ అలఖ్, ఖుర్ఆన్ క్రమంలో 96వ సూర. దీనికి దలీల్ ఇప్పుడే మనం విన్న సహీ బుఖారీ హదీస్ 3
96:1 اقْرَأْ بِاسْمِ رَبِّكَ الَّذِي خَلَقَ (ఓ ముహమ్మద్ సల్లల్లాహు అలైహివ సల్లం!) చదువు, సృష్టించిన నీ ప్రభువు పేరుతో.
96:2 خَلَقَ الْإِنسَانَ مِنْ عَلَقٍ ఆయన మనిషిని నెత్తుటి ముద్దతో సృష్టించాడు.
96:3 اقْرَأْ وَرَبُّكَ الْأَكْرَمُ నువ్వు చదువుతూ పో. నీ ప్రభువు దయాశీలి.
96:4 الَّذِي عَلَّمَ بِالْقَلَمِ ఆయన కలం ద్వారా (జ్ఞాన) బోధ చేశాడు.
96:5 عَلَّمَ الْإِنسَانَ مَا لَمْ يَعْلَمْ ఆయన మనిషికి, అతడు ఎరుగని దానిని నేర్పాడు.
3) దైవప్రవక్త (ﷺ) వారిపై అవతరించిన రెండవ వహీ ఏ సూరహ్ లో గలదు?
B) సూరహ్ అల్ ముద్దస్సిర్
సూర ముద్దస్సిర్, ఖుర్ఆన్ క్రమంలో 74 సూర. తొలి 7 ఆయతులు. దీనికి దలీల్ సహీ బుఖారీలోని హదీస్ నంబర్ 4
74:1 يَا أَيُّهَا الْمُدَّثِّرُ ఓ కంబళి కప్పుకున్నవాడా!
74:2 قُمْ فَأَنذِرْ లే. (లేచి జనులను) హెచ్చరించు.
74:3 وَرَبَّكَ فَكَبِّرْ నీ ప్రభువు గొప్పతనాన్ని చాటి చెప్పు.
74:4 وَثِيَابَكَ فَطَهِّرْ నీ దుస్తులను పరిశుభ్రంగా ఉంచుకో.
74:5 وَالرُّجْزَ فَاهْجُرْ ఆశుద్ధతను వదలిపెట్టు.
74:6 وَلَا تَمْنُن تَسْتَكْثِرُ ఉపకారం చేసి ఎక్కువ (ప్రతిఫలం) పొందాలని ఆశించకు.
74:7 وَلِرَبِّكَ فَاصْبِرْ నీ ప్రభువు కొరకు ఓర్పు వహించు.
దీన్ని షేర్ చెయ్యండి మీ బంధుమిత్రులతో , బారకల్లాహు ఫీకుమ్: “మంచికి మార్గనిర్దేశం చేసేవారికి దానిని ఆచరించిన వారితో సమానమైన పుణ్యం లభిస్తుంది” [సహీహ్ ముస్లిం, 3వ భాగం, నం .4665] ఈ క్రింది లింక్ దర్శించి మీ స్నేహితులు మరియు బంధువులు మా వాట్సాప్ గ్రూపులో చేరవచ్చు: teluguislam.net/whatsapp/. మా టెలిగ్రామ్ ఛానల్ https://t.me/teluguislam .మా యూట్యూబ్ ఛానల్: youtube.com/c/teluguislam . జిక్ర్ & దుఆల కోసం కొత్త వెబ్సైటు: telugudua.net
Telugu Islamic Quiz (తెలుగు ఇస్లామిక్ క్విజ్) – పార్ట్ 40
వక్త: ముహమ్మద్ నసీరుద్దీన్ జామి’ఈ (హఫిజహుల్లాహ్)
ఫారెనర్స్ ఇస్లామిక్ గైడెన్స్ ఆఫీసు, జుల్ఫీ, సౌదీ అరేబియా
బంధుమిత్రులతో విని ప్రవక్త జీవిత ఘట్టాలు, క్విజ్ రూపంలో సహీ ఆధారాలతో తెలుసుకుంటున్నందుకు అల్లాహ్ కృతజ్ఞత చెల్లిస్తూ ఆనందించండి అల్ హందులిల్లాహ్, సుమ్మ అల్ హందులిల్లాహ్
ప్రశ్నల పత్రం – 40
దైవప్రవక్త (ﷺ) బాల్యం:
1) అనాధ గానే పుట్టిన మన ప్రియ ప్రవక్త (సల్లల్లాహు అలైహి వ సల్లం) వారు ఏ వయస్సులో తల్లిని కూడా కోల్పోయారు?
A) 3 సం”’
B) 6 సం'”
C) 12 సం ”
దైవప్రవక్త (ﷺ) యవ్వనం:
2) ఏ వయస్సులో మన ప్రియ ప్రవక్త (సల్లల్లాహు అలైహి వ సల్లం ) వారు నిఖా చేసుకున్నారు?
A) 40 సం
B) 25 సం
C) 19 సం
దైవప్రవక్త (ﷺ) సంతానం:
3] మన ప్రియ ప్రవక్త (సల్లల్లాహు అలైహి వ సల్లం ) వారికి ఎంత మంది కూతుళ్లు?
ثُمَّ تُوُفِّيَتْ أُمُّهُ آمِنَةُ بِنْتُ وَهْبٍ وَلَهُ مِنَ الْعُمْرِ سِتُّ سِنِينَ
వారి తల్లి ఆమిన బిన్తు వహబ్ చనిపోయారు, అప్పుడు ఆయన వయస్సు ఆరు సంవత్సరాలు.
ప్రియ ప్రవక్త (సల్లల్లాహు అలైహి వసల్లం) ఆరవ ఏటలో చేరగా, వారి తల్లి ఆమిన బిన్తు బహబ్ తన సుపుత్రుడైన బాల ముహమ్మద్ ను తీసుకొని మదీనా వెళ్ళారు, అక్కడ తాత అబ్దుల్ ముత్తలిబ్ యొక్క మేన మామలను కలుసుకోటానికి, అయితే మదీనా నుండి మక్కా తిరుగు ప్రయాణంలో ఉండగా, ‘అబ్వ’ అను ప్రాంతంలో పరమపదించారు. ఈ రోజుల్లో ‘అబ్వా’ నుండి మక్కా 264 కి.మీ.
దైవప్రవక్త (ﷺ) యవ్వనం
2) ఏ వయస్సులో మన ప్రియ ప్రవక్త (సల్లల్లాహు అలైహి వ సల్లం ) వారు నికాహ్ (వివాహం) చేసుకున్నారు?
B] 25 సం
హజ్రత్ ఖదీజా (రజియల్లాహు అన్హా) ప్రవక్త సల్లల్లాహు అలైహి వసల్లం వద్దకు నఫీసా (రజియల్లాహు అన్హా)ని పంపారు, ఆమె వెళ్ళి పెళ్ళి సంబంధం గురించి తెలియజేసింది. అగ్దె నికాహ్ సందర్భంలో ఖదీజా (రజియల్లాహు అన్హా) వైపు నుండి ఆమె బాబయి (చాచా) అమ్ర్ బిన్ అసద్ వలీగా వచ్చారు. ప్రవక్త వెంట ఆయన పెత్తండ్రులు అయిన అబూ తాలిబ్ మరియు హంజా (రజియల్లాహు అన్హు) హాజరయ్యారు. బనూ హాషిం మరియు ముజర్ వంశానికి చెందిన పెద్దలు కూడా పాల్గొన్నారు. అబూ తాలిబ్ ఖత్బా (పెళ్ళి ప్రసంగం) ఇచ్చారు. అప్పుడు ప్రవక్త వయస్సు 25సం, ఖదీజా వయస్సు 40సం. (తబ్కాత్ ఇబ్ను సఅద్, అల బిదాయ వన్నిహాయ).
దైవప్రవక్త (ﷺ) సంతానం
3) మన ప్రియ ప్రవక్త (సల్లల్లాహు అలైహి వ సల్లం ) వారికి ఎంత మంది కూతుళ్లు?
A] 4
మన ప్రియ ప్రవక్త (సల్లల్లాహు అలైహి వసల్లం)కి నలుగురు కూతుళ్ళు:
1- జైనబ్ (రజియల్లాహు అన్హా), భర్త: ఖదీజ సోదరి కుమారుడు అబుల్ ఆస్.
2- రుఖయ్య (రజియల్లాహు అన్హా), మూడవ ఖలీఫా ఉస్మాన్ (రజియల్లాహు అన్హు). తన భర్తతో హబష హిజ్రత్ చేశారు. బద్ద్ యుద్ధం సమయంలో చనిపోయారు.
3- ఉమ్ము కల్సూమ్ (రజియల్లాహు అన్హా), రుఖయ్య (రజియల్లాహు అన్హా) చనిపోయాక ఉస్మాన్ (రజియల్లాహు అన్హు)తో కుల్సూమ్ (రజియల్లాహు అన్హా) వివాహం జరిగింది.
4- ఫాతిమా (రజియల్లాహు అన్హా), స్వర్గపు స్త్రీల నాయకురాలు. అలీ (రజియల్లాహు అన్హు) పెళ్ళి చేసుకున్నారు.
దీన్ని షేర్ చెయ్యండి మీ బంధుమిత్రులతో , బారకల్లాహు ఫీకుమ్: “మంచికి మార్గనిర్దేశం చేసేవారికి దానిని ఆచరించిన వారితో సమానమైన పుణ్యం లభిస్తుంది” [సహీహ్ ముస్లిం, 3వ భాగం, నం .4665] ఈ క్రింది లింక్ దర్శించి మీ స్నేహితులు మరియు బంధువులు మా వాట్సాప్ గ్రూపులో చేరవచ్చు: teluguislam.net/whatsapp/. మా టెలిగ్రామ్ ఛానల్ https://t.me/teluguislam .మా యూట్యూబ్ ఛానల్: youtube.com/c/teluguislam . జిక్ర్ & దుఆల కోసం కొత్త వెబ్సైటు: telugudua.net
Telugu Islamic Quiz (తెలుగు ఇస్లామిక్ క్విజ్) – పార్ట్ 39
వక్త: ముహమ్మద్ నసీరుద్దీన్ జామి’ఈ (హఫిజహుల్లాహ్)
ఫారెనర్స్ ఇస్లామిక్ గైడెన్స్ ఆఫీసు, జుల్ఫీ, సౌదీ అరేబియా
బంధుమిత్రులతో విని ప్రవక్త జీవిత ఘట్టాలు, క్విజ్ రూపంలో సహీ ఆధారాలతో తెలుసుకుంటున్నందుకు అల్లాహ్ కృతజ్ఞత చెల్లిస్తూ ఆనందించండి అల్ హందులిల్లాహ్, సుమ్మ అల్ హందులిల్లాహ్
ప్రశ్నల పత్రం – 39
1) అబ్దుల్ ముత్తలిబ్ సమక్షంలో కాబా గృహానికి సంబంధించి జరిగిన ప్రధాన సంఘటనలు ఏమిటి?
A) చంద్రుడు రెండు ముక్కలు కావడం
B) ఏనుగుల ఘటన – పూడ్చబడిన జమ్ జమ్ బావి ఆచూకీ దొరకడం
C) తొలిగా కాబా నిర్మాణం – బావి త్రవ్వకం
2) దైవప్రవక్త (ﷺ) వారికి తల్లి తర్వాత పాలిచ్చిన స్త్రీ ఎవరు?
A) ఉమ్మె అయిమన్
B) అబూ జువైబ్ కూతురు హలీమా
C) సూబియా (Thuwaibah ثُوَيْبَةُ)
3) దైవప్రవక్త (ﷺ) వారిని కొంత జీతం నిమిత్తం పాలిచ్చి పెంచిన దాయా ఎవరు?
A) అబూజువైబ్ కూతురు హలీమా
B) బర్కత్
C) ఉమ్మె అయిమన్
రెండు ఘటనలు జరిగినవి. అయితే ఏనుగల ఘటన ఇది వరకే మనం విని ఉన్నాము. సూరతుల్ ఫీల్ సూర నంబర్ 105 చదవండి. ఇక రెండవ ఘటన సారాంశం ఏమిటంటే:
అల్లాహు తఆలా ఇస్మాఈల్ (అలైహిస్సలాం) మరియు ఆయన మాతృమూర్తి అయిన హాజర్ (అలైహస్సలాం)కు ఒక గొప్ప మహిమగా ప్రసాదించిన జమ్ జమ్ నీరు , అది తర్వాత ఓ బావిగా ఏర్పడింది. అయితే ఓ కాలం తర్వాత జుర్హుమ్ మరియు ఖుజాఆల మధ్య జరిగిన గొడవలో జుర్హుమ్ దానిని మూసివేశారు. సంవత్సరాల తరబడి మూసి ఉన్న ఆ బావి ప్రదేశాన్ని ప్రవక్త (సల్లల్లాహు అలైహి వ సల్లం) గారి తాత అయిన అబ్దుల్ ముత్తలిబ్ కు అల్లాహ్ ఎన్నో సార్లు కళలో చూపించాడు. ఆ తర్వాత అతను అదే ప్రదేశంలో త్రవ్వడం మొదలెట్టాడు. అల్ హందులిల్లాహ్ జమ్ జమ్ బావి వెలికి వచ్చింది. ఇది ఆయన జీవితంలోని ఓ గొప్ప సంఘటన.
(ఈ త్రవ్వక విషయం సహీ సనద్ తో ఇమాం బైహఖీ గారు దలాఇలున్నుబువ్వహ్ లో ప్రస్తావించారు. 1/93. అల్లూలుఉల్ మక్నూన్… 1/53).
2) దైవప్రవక్త (ﷺ) వారికి తల్లి తర్వాత పాలిచ్చిన స్త్రీ ఎవరు?
C) సూబియా (సువైబ సరియైన ఉచ్ఛారణ)
బుఖారీ 5106 ఇతర హదీసుల ద్వారా తెలుస్తుంది.
أَرْضَعَتْنِي وَأَبَاهَا ثُوَيْبَةُ
సువైబ నాకు పాలు త్రాపించిందని ప్రవక్త (సల్లల్లాహు అలైహి వ సల్లం) చెప్పారు.
3) దైవప్రవక్త (ﷺ) వారిని కొంత జీతం నిమిత్తం పాలిచ్చి పెంచిన దాయా ఎవరు?
A) అబూజువైబ్ కూతురు హలీమా
బుఖారీలో సంక్షిప్తంగా; హునైన్ యుద్ధం తర్వాత పట్టుబడిన బానిసల సంఘటనలో ఈ విషయం వస్తుంది. అయితే ముస్నద్ అహ్మద్ 12221, సహీ ముస్లింలో వచ్చిన హదీసుల ద్వారా కూడా ఈ విషయం బోధపడుతుంది.
పై హదీసు సారాంశం ఏమిటంటే ప్రవక్త (సల్లల్లాహు అలైహి వసల్లం) హలీమ సఅదియా వద్ద ఉండగానే ‘షర్హె సద్ర్’ సంఘటన జరిగింది. దీని వివరణ మరో క్విజ్ లో తెలుసుకుందాము ఇన్ షా అల్లాహ్.
దీన్ని షేర్ చెయ్యండి మీ బంధుమిత్రులతో , బారకల్లాహు ఫీకుమ్: “మంచికి మార్గనిర్దేశం చేసేవారికి దానిని ఆచరించిన వారితో సమానమైన పుణ్యం లభిస్తుంది” [సహీహ్ ముస్లిం, 3వ భాగం, నం .4665] ఈ క్రింది లింక్ దర్శించి మీ స్నేహితులు మరియు బంధువులు మా వాట్సాప్ గ్రూపులో చేరవచ్చు: teluguislam.net/whatsapp/. మా టెలిగ్రామ్ ఛానల్ https://t.me/teluguislam .మా యూట్యూబ్ ఛానల్: youtube.com/c/teluguislam . జిక్ర్ & దుఆల కోసం కొత్త వెబ్సైటు: telugudua.net
TeluguIslam.net 
You must be logged in to post a comment.