86. తఫ్సీర్ సూర అత్తారిఖ్ (Tafsir Surah at-Tariq) [వీడియో]

అత్ తారిఖ్ (ప్రభాత నక్షత్రం) సూరా పరిచయం

ఈ సూరా మక్కా కాలానికి చెందినది. ఇందులో మొత్తం 17 ఆయతులు ఉన్నాయి. ఇందులో ముఖ్యంగా ప్రస్తావించిన విషయాలు ప్రళయం, మరణించిన తర్వాత మళ్ళీ లేపబడడం, దైవవాణి అవతరించడం. మొదటి ఆయతులో వచ్చిన ‘తారిఖ్’ ( ప్రభాత నక్షత్రం) అన్న ప్రస్తావననే ఈ సూరాకు పేరుగా పెట్టడం జరిగింది. మనిషిని ఏ విధంగా వీర్య ద్రవం నుంచి సృష్టించింది తెలుపుతూ అల్లాహ్ మరణించిన ప్రతి ఒక్కరిని తీర్పుదినం రోజున మళ్ళీ లేపి నిలబెట్టగలడని, ఆ రోజున యావత్తు మానవాళి తుది తీర్పు కోసం అల్లాహ్ ముందు హాజరవుతుందని చెప్పడం జరిగింది. ఆ రోజున ప్రతిఒక్కరి మంచి లేదా చెడు పనులు బట్టబయలవుతాయి. దివ్యఖుర్ఆన్ అల్లాహ్ పంపిన సత్యమనీ, ఇది మంచిని చెడు నుంచి వేరు చేస్తుందనీ, ఇవి వ్యర్ధమైన ప్రసంగాలు కావని నొక్కి చెప్పింది.

యూట్యూబ్ ప్లే లిస్ట్ (తఫ్సీర్ సూరత్ అత్తారిఖ్ ) :
https://www.youtube.com/playlist?list=PLw5IiDSnUeV09wO7Wzqes1UNDUaDRX8Nw

86:1 وَالسَّمَاءِ وَالطَّارِقِ
ఆకాశం సాక్షిగా! రాత్రి చీకటిలో ప్రస్ఫుటమయ్యే దాని సాక్షిగా!

86:2 وَمَا أَدْرَاكَ مَا الطَّارِقُ
రాత్రిపూట ప్రస్ఫుటమయ్యేదేమిటో నీకు తెలుసా?

86:3 النَّجْمُ الثَّاقِبُ
అది ప్రకాశించే నక్షత్రం.

86:4 إِن كُلُّ نَفْسٍ لَّمَّا عَلَيْهَا حَافِظٌ
తనను కనిపెట్టుకుని ఉండే దూత లేకుండా ఏ ప్రాణి లేదు.

86:5 فَلْيَنظُرِ الْإِنسَانُ مِمَّ خُلِقَ
ఇక మానవుడు, తాను దేంతో పుట్టించబడ్డాడో చూసుకోవాలి.

86:6 خُلِقَ مِن مَّاءٍ دَافِقٍ
అతను ఎగిసిపడే నీటితో పుట్టించబడ్డాడు.

86:7 يَخْرُجُ مِن بَيْنِ الصُّلْبِ وَالتَّرَائِبِ
అది వెన్నెముక, ఛాతీభాగం మధ్య నుండి వెలువడుతుంది.

86:8 إِنَّهُ عَلَىٰ رَجْعِهِ لَقَادِرٌ
నిశ్చయంగా ఆయన, అతణ్ణి తిరిగి రప్పించుకునే శక్తిని కూడా కలిగి ఉన్నాడు.

86:9 يَوْمَ تُبْلَى السَّرَائِرُ
ఆ రోజు లోగుట్టులన్నీ (రట్టయి) పలికించబడతాయి.

86:10 فَمَا لَهُ مِن قُوَّةٍ وَلَا نَاصِرٍ
అప్పుడు అతనికంటూ ఏ (అధికార) బలమూ ఉండదు. ఏ సహాయకుడూ ఉండడు.

86:11 وَالسَّمَاءِ ذَاتِ الرَّجْعِ
వర్షం గల ఆకాశం సాక్షిగా!

86:12 وَالْأَرْضِ ذَاتِ الصَّدْعِ
బీటలు వారే భూమి సాక్షిగా!

86:13 إِنَّهُ لَقَوْلٌ فَصْلٌ
నిశ్చయంగా ఇది (ఈ ఖుర్ఆన్) నిర్ణాయకమైన వాక్కు.

86:14 وَمَا هُوَ بِالْهَزْلِ
ఇదేదో ఆషామాషీ విషయం కాదు.

86:15 إِنَّهُمْ يَكِيدُونَ كَيْدًا
వీళ్ళు (ఈ అవిశ్వాసులు) కొన్ని పన్నాగాలు పన్నుతున్నారు.

86:16 وَأَكِيدُ كَيْدًا
నేను కూడా ఒక పన్నాగం పన్నుతున్నాను.

86:17 فَمَهِّلِ الْكَافِرِينَ أَمْهِلْهُمْ رُوَيْدًا
కాబట్టి (ఓ ప్రవక్తా!) నువ్వు అవిశ్వాసులకు కాస్త విడుపు ఇవ్వు. కొన్నాళ్ళ పాటు వారిని వదలిపెట్టు.