Tag: ideal society

ఆదర్శ సమాజ సంస్థాపనలో హరామ్ మరియు హలాల్ యొక్క ప్రభావం
https://youtu.be/B57_ENYyOeo [27 నిముషాలు]
షేఖ్ షరీఫ్ హఫిజహుల్లాహ్

ఈ ప్రసంగంలో, వక్త ఒక ఆదర్శ సమాజం యొక్క పునాదుల గురించి వివరిస్తారు. హలాల్ (ధర్మసమ్మతం) మరియు హరాం (నిషిద్ధం) అనేవి కేవలం ఆహారానికి సంబంధించినవి కావని, జీవితంలోని ప్రతి అంశాన్ని ప్రభావితం చేస్తాయని స్పష్టం చేశారు. ఆదర్శ సమాజ స్థాపనకు మొదటి మెట్టు షిర్క్ (బహుదైవారాధన)ను విడనాడి తౌహీద్ (ఏకదైవారాధన)ను స్వీకరించడం అని ఉద్ఘాటించారు. తర్వాత, తల్లిదండ్రుల పట్ల విధేయత, అశ్లీలతకు దూరంగా ఉండటం మరియు హలాల్ జీవనోపాధి యొక్క ప్రాముఖ్యతను ఖురాన్ మరియు హదీసుల వెలుగులో వివరించారు. హరాం సంపాదన మరియు వినియోగం వల్ల కలిగే పర్యవసానాలు, ప్రార్థనలు స్వీకరించబడకపోవడం మరియు హృదయం కఠినంగా మారడం వంటివి ఉంటాయని హెచ్చరించారు. చివరగా, సమాజ సంస్కరణకు ప్రతి ఒక్కరూ హలాల్ మరియు హరాం పట్ల స్పష్టమైన అవగాహన కలిగి, వాటిని ఆచరించాలని పిలుపునిచ్చారు.

అస్సలాము అలైకుమ్ వ రహ్మతుల్లాహి వ బరకాతుహు.

أَلْحَمْدُ لِلَّهِ رَبِّ الْعَالَمِينَ وَبِهِ نَسْتَعِينُ وَالصَّلاةُ وَالسَّلامُ عَلَى رَسُولِهِ الْأَمِينِ، أَمَّا بَعْدُ
(అల్ హందులిల్లాహి రబ్బిల్ ఆలమీన్, వబిహీ నస్త’ఈన్, వస్సలాతు వస్సలాము అలా రసూలిహిల్ అమీన్, అమ్మా బాద్)
సర్వలోకాల ప్రభువైన అల్లాహ్‌కే సర్వ స్తోత్రాలు. మేము ఆయన సహాయాన్నే అర్థిస్తాము. మరియు ఆయన యొక్క నమ్మకమైన ప్రవక్తపై శాంతి మరియు శుభాలు వర్షించుగాక.

أَعُوذُ بِاللَّهِ مِنَ الشَّيْطَانِ الرَّجِيمِ
శపించబడిన షైతాను నుండి నేను అల్లాహ్ శరణు వేడుకుంటున్నాను.

بِسْمِ اللَّهِ الرَّحْمَنِ الرَّحِيمِ
అనంత కరుణామయుడు, అపార కృపాశీలుడైన అల్లాహ్ పేరుతో (ప్రారంభిస్తున్నాను).

كُنتُمْ خَيْرَ أُمَّةٍ أُخْرِجَتْ لِلنَّاسِ تَأْمُرُونَ بِالْمَعْرُوفِ وَتَنْهَوْنَ عَنِ الْمُنكَرِ وَتُؤْمِنُونَ بِاللَّهِ
మానవజాతి (హితం) కోసం వెలికితీయబడిన శ్రేష్ఠమైన సమాజం మీరే. మీరు మంచిని ఆజ్ఞాపిస్తారు, చెడు నుండి వారిస్తారు. అల్లాహ్‌ను విశ్వసిస్తారు. (3:110)

رَبِّ اشْرَحْ لِي صَدْرِي وَيَسِّرْ لِي أَمْرِي وَاحْلُلْ عُقْدَةً مِّن لِّسَانِي يَفْقَهُوا قَوْلِي رَبِّ زِدْنِي عِلْمًا
ఓ నా ప్రభూ! నా హృదయాన్ని నా కోసం విశాలపరచు. నా కార్యాన్ని నాకు సులభతరం చెయ్యి. నా నాలుకలోని ముడిని విప్పు, నా మాటను వారు అర్థం చేసుకోగలిగేటట్లు. ఓ ప్రభూ! నా జ్ఞానాన్ని వృద్ధి చేయి.

سُبْحَانَكَ لَا عِلْمَ لَنَا إِلَّا مَا عَلَّمْتَنَا ۖ إِنَّكَ أَنتَ الْعَلِيمُ الْحَكِيمُ
“(ఓ అల్లాహ్‌!) నీవు అత్యంత పవిత్రుడవు. నీవు మాకు తెలియజేసినది తప్ప ఇంకేమీ మాకు తెలియదు. నిశ్చయంగా అన్నీ తెలిసినవాడవు, వివేకవంతుడవూ నీవే!” (2:32)

అల్లాహ్ యొక్క శరణు వేడుకుంటున్నాను, షైతాన్ యొక్క కీడు నుండి, షైతాన్ యొక్క చేష్టల నుండి రక్షణ పొందుట కొరకు. అనంత కరుణామయుడు, అపార కృపాప్రదాత అయిన అల్లాహ్ పేరుతో ప్రారంభిస్తున్నాను.

ప్రియమైన ధార్మిక సోదరులారా, ధార్మిక సోదరీమణులారా, విశాఖపట్నం జిల్లా జమియత్ అహ్లె హదీస్ ఆధ్వర్యములో ఏర్పాటు చేయబడిన ఆదర్శ సమాజం అనే ఈ ఆధ్యాత్మిక, ధార్మిక సమావేశానికి నేను మీ అందరినీ సాదరంగా ఆహ్వానిస్తున్నాను ప్రియులారా.

హలాల్ మరియు హరాం యొక్క ప్రాముఖ్యత

సోదరులారా, ఈ సమావేశములో నాకు ఇవ్వబడిన అంశము సమాజముపై హరాం మరియు హలాల్ యొక్క ప్రభావం. సోదరులారా, ఏదైనా సమాజం ఆదర్శవంతమైన సమాజంగా తీర్చిదిద్దబడాలంటే, ఆ సమాజం అనుసరిస్తున్న పంథాపై సమాజం యొక్క అభివృద్ధి, దాని యొక్క పురోగతి ఆధారపడి ఉంటాయి.

మరి ఇస్లాం ధర్మశాస్త్రం ఈ సమాజాన్ని ఉత్తమ సమాజంగా మార్చటానికి ఏ విధంగా ప్రయత్నిస్తుంది? ఈరోజు మనం ఒక ఆదర్శ సమాజంగా ఏర్పడాలి అంటే ఏం చేయాలి? రోజుకు ఐదు పూటల మస్జిదులో నమాజ్ స్థాపించాం, మనం ఆదర్శ సమాజంగా మారిపోతామా? ఆదర్శ సమాజంగా ఒక సంఘం మారాలి అంటే ఆ సంఘం అల్లాహ్ త’ఆలా నిర్ణయించిన హద్దులకు లోబడి జీవితాన్ని గడపాలి. ఎప్పటివరకైతే అల్లాహ్ త’ఆలా దేనిని అయితే హరాం అన్నాడో దానికి దూరంగా ఉండనంత వరకు, దేనినైతే అల్లాహ్ హలాల్ చేశాడో దానిపై ఆచరించనంత వరకు ఈ సమాజం ఆదర్శ సమాజంగా మారదు ప్రియులారా.

హరాం, హలాల్ అన్న పదాలు మనం వింటూ ఉంటాం సాధారణంగా. ప్రతి దైనందిన జీవితంలో. వాస్తవానికి హరాం అంటే అర్థం ఏంటి? హలాల్ అంటే అర్థం ఏంటి? హరాం అనగా ప్రియులారా, ఆ కార్యం దేనినైతే మనిషి చేస్తాడో అతడు పాపి అవుతాడు. అతగాడికి పాపం ప్రసాదించబడుతుంది. హలాల్ దేన్ని అంటారు? హలాల్ ఆ పని దేనిని చేయటం వల్లనైతే మనిషి పుణ్యాన్ని పొందుతాడో. చిన్న మాట, హరాం చేసినవాడు పాపాన్ని అనుభవిస్తాడు. హలాల్ చేసినవాడు పుణ్యాన్ని పొందుతాడు.

ఆదర్శ సమాజ స్థాపనలో మొదటి మెట్టు: తౌహీద్

ఖురాన్ గ్రంథములో అల్లాహ్ త’ఆలా హరాం హలాల్‌కు సంబంధించిన మాటలు చాలా చెప్పారు. నేను ఈరోజు ముందు మీ ముందు సూరె అన్’ఆమ్, ఆరవ అధ్యాయము, వాక్యము సంఖ్య 151, 152, 153 వెలుగులో కొన్ని మాటలు చెబుతాను. ఈ వాక్యాలలో అల్లాహ్ ఏమంటున్నారు?

قُلْ تَعَالَوْا أَتْلُ مَا حَرَّمَ رَبُّكُمْ عَلَيْكُمْ
(ఓ ప్రవక్తా!) వారికి చెప్పండి: రండి! మీ ప్రభువు మీకు ఏ విషయాలను హరాం చేశాడో నేను బోధిస్తాను.

అల్లాహ్ త’ఆలా దేన్ని హరాం చేశారు?

أَلَّا تُشْرِكُوا بِهِ شَيْئًا
మీరు అల్లాహ్‌తో పాటు షిర్క్ చేయకండి.

ఏదైనా సమాజం ఉన్నత సమాజంగా, ఆదర్శ సమాజంగా మారాలి అంటే ఆ జాతిలో షిర్క్ ఉండకూడదు. ఈరోజు మనం షిర్క్ చేసినట్లయితే మనం ఎన్నటికీ ఆదర్శ సమాజంగా మారలేము. కాబట్టి మొదటి మాట, మనం తౌహీద్ పైకి రావాలి. ఈరోజు తౌహీద్ వైపునకు మనం రాకపోతే ప్రపంచంలో మనం ఆరాధన చేస్తున్నాం కానీ తౌహీద్ యొక్క మూల స్తంభాలు మనం తెలుసుకోలేదు.

గురువుగారు ఒక పుస్తకం పేరు చెప్పారండి. ఈరోజు మనం అహ్లుల్ హదీస్, ఖురాన్ హదీస్ పై ఆచరించే వారం. గురువుగారు చెప్పిన పుస్తకం గనక మనము చదివి ఉండకపోతే మనలో చిన్న లోపం ఉన్నట్టు ప్రియులారా. గురువుగారు చెప్పిన పుస్తకం పేరు ఏంటి? ఉసూలు స్సలాసా (మూడు మూల సూత్రాలు). ధర్మం యొక్క మూడు ప్రాథమిక మూల సూత్రాలు. మీరు చనిపోయిన తర్వాత మీ సమాధిలో ప్రశ్నింపబడే మూడు ప్రశ్నలు. నీ దైవం ఎవరు? నీ ధర్మం ఏమిటి? నీ ప్రవక్త ఎవరు? ఒక చిన్న పుస్తకం, తౌహీద్ యొక్క జ్ఞానాన్ని మనం పొందాలి ప్రియులారా. ఈరోజు రోజుకు ఐదు పూటల నమాజ్ ఆచరిస్తున్నాం, కానీ మన సమాజానికి ప్రశ్నించండి. సోదరులారా, చెవియొగ్గి వినండి. ప్రశ్నించండి. అల్లాహ్ ఎక్కడ ఉన్నాడు? అని అడిగితే ఈరోజు మనలో చాలామందికి సరిఅయిన జవాబు తెలియదు. అల్లాహ్ ఎక్కడ ఉన్నాడు? అని అడిగితె కొంతమంది హర్ జగహ్ అల్లాహ్ హై భాయ్ అని అంటారు . అరే! మరి అల్లాహ్ ఖురాన్ లో ఏమి చెబుతున్నాడో చూడండి :

الرَّحْمَنُ عَلَى الْعَرْشِ اسْتَوَى
అనంత కరుణామయుడు అర్ష్ పై ఆసీనుడై ఉన్నాడు. (20:5)

ఇది తౌహీద్, అఖీదా ప్రియులారా. అల్లాహ్ త’ఆలాకి రూపం ఉందా? అనేక మంది అంటారు అల్లాహ్ నిరాకారుడు అని. లేదు ప్రియులారా, అల్లాహ్ ఆకారం కలిగి ఉన్నాడు. కానీ అల్లాహ్ యొక్క ఆకారం ఎలా ఉందో మనకు తెలియదు ప్రియులారా.

కాబట్టి ఆదర్శ సమాజం యొక్క స్థాపనలో మూల స్తంభం తౌహీద్ పై నిలబడటం. ఎవరైతే తౌహీద్ పై నిలబడతారో ప్రపంచములో శాంతి ఏర్పడుతుంది.

ఈరోజు ముస్లిం సమాజమా, నీ యొక్క బాధ్యత, ఈ రోజు ప్రపంచానికి మనం అల్లాహ్ యొక్క ఏకత్వం వైపునకు దావత్ ఇవ్వాలి. ఈరోజు ప్రపంచంలో మనుషులు మతాలు, కులాలు, ముఠాలు, వర్గాలుగా ముక్కలైపోయారు. వీరినందరినీ మనము గనక మనందరి సృష్టికర్త ఒక్కడే అన్న నినాదం వైపునకు తీసుకువస్తే ప్రపంచములో ఆదర్శ సమాజం ఏర్పడుతుంది. దీని కోసం మనం ఎంతవరకు పని చేస్తున్నాం? ఈ తౌహీద్ యొక్క ప్రభావం ప్రపంచములో ఉంటుంది. తౌహీద్ యొక్క ప్రభావం ఆఖిరత్ లో ఉంటుంది. కేవలం అల్లాహ్, అల్లాహ్, అల్లాహ్ అని చెప్పేస్తారు కానీ మూఢనమ్మకాలపై విశ్వాసం. ఒక తుమ్మితే బయటకు వెళ్ళకపోవటం, జ్వరం వస్తే తావీజు కట్టుకోవటం, ఇంకా నిమ్మకాయలపై, గుమ్మడికాయలపై, రాళ్లపై, చెట్లపై నమ్మకం పెట్టుకుంటే మనకి స్వర్గము లేదు.

ఎవరు సాఫల్యం చెందుతాడు?

الَّذِينَ آمَنُوا وَلَمْ يَلْبِسُوا إِيمَانَهُم بِظُلْمٍ
ఎవరైతే అల్లాహ్‌ను విశ్వసించిన తర్వాత తమ ఈమాన్‌ను షిర్క్‌తో కలుషితం చేయరో,

أُولَئِكَ لَهُمُ الأَمْنُ
అలాంటి వారి కొరకు శాంతి ఉంది. (6:82)

కాబట్టి, ఆదర్శ సమాజం యొక్క స్థాపనలో మనం చేయాల్సిన మొదటి పని అల్లాహ్ యొక్క తౌహీదులోనికి పూర్తిగా ప్రవేశించాలి. అల్లాహ్ యొక్క తౌహీదులోనికి మనం వచ్చేస్తే ప్రపంచంలో శాంతి ఉంది. ఆఖిరత్‌లో ఏముంది?

إِنَّ الَّذِينَ قَالُوا رَبُّنَا اللَّهُ ثُمَّ اسْتَقَامُوا تَتَنَزَّلُ عَلَيْهِمُ الْمَلائِكَةُ أَلاَّ تَخَافُوا وَلا تَحْزَنُوا وَأَبْشِرُوا بِالْجَنَّةِ الَّتِي كُنتُمْ تُوعَدُونَ
ఎవరైతే, “అల్లాహ్ యే నా ప్రభువు” అని పలికిన పిదప, దానిపై స్థిరముగా నిలబడిపోయాడో, అలాంటి వారి వైపునకు వారు మరణించే సమయంలో దైవదూతలు వస్తారు, వారితో చెబుతారు: మీరు భయపడకండి, మీరు దుఃఖించకండి. అల్లాహ్ మీ కొరకు స్వర్గం యొక్క వాగ్దానము చేశాడు. (41:30)

ప్రియులారా, మొదటి మాట. ఇంకొకసారి విన్నవిస్తున్నాను. ప్రసంగాలు అవుతూ ఉంటాయి, వచ్చి కూర్చుంటాం, వెళ్ళిపోతాం. మనం జ్ఞానాన్ని ఆర్జించకపోతే మన జీవితాలలో తౌహీద్, అఖీదా రాదు. నేను విన్నవిస్తున్నాను, ఉసూలే స్సలాసా పుస్తకాన్ని చదవండి. నేను అభ్యర్థిస్తున్నాను, మనం ఇన్షా అల్లాహ్ త’ఆలా ఒక పుస్తకాన్ని చదివి తౌహీద్ యొక్క జ్ఞానాన్ని మన జీవితాల్లో తీసుకువద్దాం. అప్పుడే మన సమాజం ఆదర్శ సమాజంగా మారగలదు.

తల్లిదండ్రుల పట్ల విధేయత

ఇక రెండవ మాట ప్రియులారా, అల్లాహ్ అంటూ ఉన్నారు, ఆదర్శ సమాజం ఏర్పాటు కావటానికి మీరు చేయాల్సిన పని ప్రియులారా,

وَبِالْوَالِدَيْنِ إِحْسَانًا
మీరు మీ తల్లిదండ్రులతో చక్కగా వ్యవహరించండి, వారిని గౌరవించండి.

ఈ సమాజం ఎంత గొప్ప సమాజంగా మారిపోయినా, తల్లిదండ్రి యొక్క విధేయత లేనంత వరకు ఈ సమాజం ఆదర్శ సమాజం కాలేదు. షిర్క్ ఎంత హరామో, తల్లిదండ్రి విశ్వాసులైతే వారి అవిధేయత అంతే హరాం. అల్లాహ్ ఖురాన్‌లో ఎక్కడ తౌహీద్ యొక్క ప్రస్తావన చేసినా వెంటనే తల్లిదండ్రి విధేయత గురించి అల్లాహ్ ప్రస్తావన తీసుకువచ్చారు.

హజరత్ అబ్దుల్లా బిన్ ఉమర్ రదియల్లాహు త’ఆలా అన్హుమా హదీసుల్లేఖిస్తున్నారు. ప్రవక్త అంటున్నారు: “రిధా రబ్బీ ఫీ రిధల్ వాలిదైన్.” అల్లాహ్ యొక్క సంతృప్తి, అల్లాహ్ యొక్క ఆనందం, అల్లాహ్ యొక్క సంతుష్టీకరణ మీ తల్లిదండ్రిని గనక మీరు సంతోష పెడితే అందులో అల్లాహ్ యొక్క సంతోషం ఉంది. మీ తల్లిదండ్రిని గనక మీరు ఇష్టపెట్టకపోతే మీతో అల్లాహ్ ఇష్టపెట్టడు. కాబట్టి ఈరోజు ఆదర్శ సమాజం అన్న ఈ కాన్ఫరెన్స్ ద్వారా నేను మీకు ఇస్తున్న రెండో సందేశం, తల్లిదండ్రి విధేయత.

అదే అబ్దుల్లా బిన్ ఉమర్ రదియల్లాహు త’ఆలా అన్హుమా ఒక వ్యక్తిని చూశారు. ఆ వ్యక్తి యమన్ దేశము నుండి కాబాకు వచ్చి తన తల్లిని భుజాలపై కూర్చోబెట్టుకొని కాబా ప్రదక్షిణ చేస్తున్నాడు. ప్రదక్షిణ అయిన తర్వాత ఆ వ్యక్తి అబ్దుల్లా బిన్ ఉమర్ రదియల్లాహు త’ఆలా అన్హుమా వద్దకు వచ్చి అడిగాడు: “అయ్యా, ఈమె నా తల్లి. ఈమెను నేను నా భుజాలపై కూర్చోబెట్టుకొని కాబా యాత్ర చేశాను. నేను ఈమె యొక్క హక్కును, ఈమె రుణాన్ని నేను చెల్లించానా? ఈమె హక్కును నేను చెల్లించానా?” అబ్దుల్లా బిన్ ఉమర్ రదియల్లాహు త’ఆలా అన్హుమా అంటున్నారు: “నీ మాతృమూర్తి నీకు జన్మనిచ్చినప్పుడు పడిన కష్టములో, పడిన బాధలో ఒక శ్వాస యొక్క రుణాన్ని కూడా నీవు నీ తల్లితో తీర్చుకోలేదయ్యా” అన్నారు. అల్లాహు అక్బర్! ప్రియులారా, ఆదర్శ సమాజం యొక్క స్థాపనలో తల్లిదండ్రి విధేయత మహోన్నతమైన స్థానాన్ని కలిగి ఉంటుంది.

అశ్లీలతకు దూరంగా ఉండటం

ఇక నా అంశములో మూడవ మాట ప్రియులారా, ఆదర్శ సమాజం యొక్క స్థాపనలో ఏ హరాం విషయముల నుండి మనం దూరంగా ఉండాలి? అల్లాహ్ అంటున్నారు:

وَلَا تَقْرَبُوا الْفَوَاحِشَ مَا ظَهَرَ مِنْهَا وَمَا بَطَنَ
మీరు అశ్లీలం దరిదాపులకు వెళ్ళకండి, బహిరంగంగా చేసే అశ్లీలం మరియు గుట్టు చప్పుడు కాకుండా చేసే అశ్లీలం.

అల్లాహ్ అంటున్నారు, మీరు అశ్లీలం దరిదాపులకు వెళితే సమాజం ఉత్తమ సమాజంగా మారదు. ఎలాంటి అశ్లీలం? అల్లాహ్ అంటున్నారు, బాహాటంగా చేసే అశ్లీలం, గుట్టు చప్పుడు కాకుండా, నన్ను ఎవరూ చూడటము లేదే అని మనము చేసే అశ్లీలం. అల్లాహ్ త’ఆలా ఖురాన్ గ్రంథములో చెడు పని చేయకండి అని చెప్పలేదు, చెడు పని దరిదాపులకు కూడా వెళ్ళకండి అన్నారు.

అశ్లీలం అంటే ఏంటి? ఈరోజు అశ్లీలం రకరకాలుగా ఉంది. సంగీతం అశ్లీలం, పాటలు అశ్లీలం, చలన చిత్రాలు అశ్లీలం, వస్త్రధారణలో అశ్లీలం, ప్రేమ పేరుతో జీవితాన్ని నాశనం చేయటం, ప్రేమకు ముందు అశ్లీలం.

వలీ లేకుండా నికాహ్ చేసుకొని సమాజములో అశ్లీలం. ఈరోజు ఆదర్శ సమాజం ఏర్పాటు చేయాలంటే మన నికాహ్ వ్యవహారాలు ఈరోజు ఎలా ఉన్నాయి ప్రియులారా? నాకు బాధనిపిస్తుంది. నేను ఆంధ్ర రాష్ట్రంలో చాలా ప్రాంతాల్లో తిరుగుతాను. ఏ విధంగా ఉంది అంటే, వారు ఎవరో అంటున్నారు ముస్లిం అబ్బాయిలు హిందూ అమ్మాయిలతో నికాహ్ చేసుకుంటున్నారు, ఫలానా జిహాద్ ఏదో అంటున్నారు. అది కాదు, దానికి విరుద్ధంగా జరుగుతుంది. మన ఆడపిల్లలు ప్రియులారా, ఈరోజు సమాజంలో అల్లాహ్ రక్షించాలి. ప్రియమైన సోదరీమణులారా, మీరు గనక వింటే అశ్లీలం హరాం. అశ్లీలం నిషిద్ధం ప్రియులారా. అశ్లీలానికి దూరంగా ఉన్నంత వరకు మనం ఏమీ చేయలేము.

పదండి చూద్దాం. అశ్లీలం అంటే ఏంటి? పాటలు. సినిమా పాటలు మనం వింటున్నాం. ఏవండీ, మ్యూజిక్ ఏంటండీ? మ్యూజిక్ హరాం అండీ అని చెబితే ఈరోజు అంటారు, “అరే! మనసు బాగాలేదండీ. అశ్లీలంతో కూడిన సంగీతం, సాధారణ సంగీతం వింటే మనసుకు వినసొంపుగా ఉంటుంది” అని అంటారు. ఇబ్నె తైమియా రహిమహుల్లాహ్ త’ఆలా అంటున్నారు, “అది మద్యము. మనిషి హృదయానికి సంగీతం మద్యపానము లాంటిది. సంగీతం ఎలాగైతే మనిషిని, మద్యపానం ఎలాగైతే నాశనం చేస్తుందో, సంగీతం మనిషిని నాశనం చేస్తుంది.”

ఈరోజు ప్రేమ పేరుతో వివాహాలు. మీ తల్లిదండ్రి నిన్ను కని, జన్మనిచ్చి, పెంచి పోషిస్తే, తల్లిదండ్రి యొక్క గౌరవాన్ని బజారులో కలపటం ఆదర్శ సమాజం కాదు. మొబైల్ లో హరాం చూస్తే, దీని పర్యవసానం ఏంటి?

సౌబాన్ రదియల్లాహు త’ఆలా అన్హు చెప్పారు: ప్రవక్త వారు ఇలా అంటున్నారు: “నా సమాజములో కొంతమంది ప్రళయ దినాన తిహామా పర్వతమంత పరిమాణములో పుణ్యాన్ని తీసుకు వస్తారు.” కానీ అల్లాహ్ ఏం చేస్తాడు? “హబా అమ్ మన్సూరా.” వారి యొక్క పుణ్య కార్యాలను అల్లాహ్ ధూళి చేసేస్తాడు, దుమ్ము చేసేస్తాడు. వారి పుణ్య కార్యాలు పనికి రావు. తిహామా పర్వతమంత పరిమాణంలో పుణ్య కార్యాలు. ప్రవక్తా! ఏమై ఉంటుంది వారి జీవితం? వారు మాలాగా విశ్వసిస్తారే, నమాజును స్థాపించే వారే కదా? ప్రవక్త అంటున్నారు, వారు ఏకాంతములో హరాం పనులు చేసేవారై ఉంటారు. నీ జీవితం లో నమాజ్ మరియు మిగతా మంచి పనులు చేస్తావు. కానీ ఏకాంతములో నీవు చేసిన హరాం పని ప్రళయ దినాన నీ ఆచరణ మొత్తాన్ని తుక్కు చేసేస్తుంది. కాబట్టి జాగ్రత్త పడండి.

ఇక ఆఖరి చివరి మాట. ఈరోజు ఇస్లాం ధర్మంలో స్త్రీకి అల్లాహ్ త’ఆలా హిజాబ్‌ను ఇచ్చాడు. ఈరోజు మన సోదరీమణులు హిజాబ్ లేకుండా తిరుగుతున్నారు. ఇది అశ్లీలం కాదా ప్రియులారా? హిజాబ్ లేకుండా తిరగటం అశ్లీలము కాదా? ఈరోజు ఇంట్లో బయలుదేరి హిజాబ్ ఒంటిపై ఉంటుంది, ఇంటి నుండి వెళ్ళిన తర్వాత హిజాబ్ బ్యాగులో ఉంటుంది. ఇది ఎక్కడి ఈమాన్ ప్రియులారా? తల్లిదండ్రులారా, మిమ్మల్ని అభ్యర్థిస్తున్నాను, మీ పిల్లల యొక్క ట్రైనింగ్ మనం ఉత్తమ పద్ధతిలో చేయాలి. నా కూతురు అండి, నాకు ప్రేమ. కూతురికి ఏం చెప్పలేకపోతున్నాను. కూతుర్ని ఏం చేయలేకపోతున్నాను. ప్రవక్త వారు ఫాతిమా రదియల్లాహు త’ఆలా అన్హా గురించి ఏమన్నారు? ఫాతిమా నా శరీరంలో ముక్క(ఒక భాగం) . అంటే ఫాతిమాను అంత ప్రవక్త వారు ప్రేమించేవారు. ఒకసారి జుహైనా తెగకు చెందిన స్త్రీ దొంగతనం చేసింది. ఆ దొంగతనానికి సంబంధించి ప్రవక్త వారు చెయ్యి కత్తిరించమని ఆజ్ఞ ఇచ్చారు. రికమెండేషన్ వచ్చింది. ప్రవక్త ఏమన్నారు? ముహమ్మద్ సల్లల్లాహు అలైహి వసల్లం ప్రాణం ఎవరి చేతిలో ఉందో అల్లాహ్ సాక్షిగా! నా శరీరంలో ముక్క అయిన ఫాతిమా దొంగతనము చేసినా, ఈ ముహమ్మద్ తన కూతురు ఫాతిమా యొక్క చేతులు కత్తిరిస్తాడు. సుబ్ హా నల్లాహ్! కూతుర్ని ప్రవక్త ప్రేమించారు, కానీ ఏమంటున్నారు? హరాం పని చేస్తే కూతుర్ని కూడా ప్రవక్త శిక్షించటానికి వెనుకాడలేదు.

ఈరోజు మన ఇండ్లు ఎలా ఉన్నాయి? సోదరీమణులారా, మీరు వినండి. హిజాబ్ అల్లాహ్ త’ఆలా ఆకాశాల పై నుండి స్త్రీలకు ఇచ్చిన వరం ప్రియులారా. ఒక నల్లటి నీగ్రో స్త్రీ ప్రవక్త వద్దకు వచ్చింది: “ప్రవక్తా!” “చెప్పమ్మా.” “ప్రవక్తా!” “చెప్పు.” “నాకు మూర్ఛ వ్యాధి ఉంది ప్రవక్తా. మూర్ఛ వ్యాధి వస్తే, మూర్ఛ వ్యాధికి శరీరం కొట్టుకొని కింద పడిపోతాను ప్రవక్తా. కింద పడిపోయిన సమయంలో నా శరీరంపై బట్టలు అటూ ఇటూ చిందరవందర అయిపోతాయి. తమరు అల్లాహ్ తో దుఆ చేయండి, నాకు మూర్ఛ వ్యాధి తగ్గిపోవాలని.” ప్రవక్త అన్నారు: “అమ్మా! ఆ మూర్ఛ వ్యాధిపై ఓర్పు వహించు. అల్లాహ్ నీకు స్వర్గాన్ని ఇస్తాడు. లేదంటావా, నువ్వు ప్రార్థించమంటావా, నేను ప్రార్థిస్తాను తల్లి. కానీ స్వర్గం యొక్క వాగ్దానం చేయను.” ఆ స్త్రీ అంటుంది: “లేదు ప్రవక్తా, ఆ వ్యాధిపైనే జీవితం గడిపేస్తాను. కానీ ఒక్క దుఆ చేసి పెట్టండి ప్రవక్తా. ఎప్పుడైతే ఆ వ్యాధి వచ్చి, మూర్ఛ వచ్చి నేను కింద పడిపోతానో, నా దేహంపై బట్టలు చిందరవందర అయిపోతాయి కదా ప్రవక్తా. అల్లాహ్ తో దుఆ చేయండి, ఆ మూర్ఛ వ్యాధి వచ్చి నేను కింద పడిపోతే, నా శరీరంపై బట్టలు చిందరవందర కాకూడదు, పరపురుషుడు నా దేహాన్ని చూడకూడదు.” అల్లాహు అక్బర్! ఈరోజు మన సోదరీమణులు ఎక్కడ ఉన్నారు?

హలాల్ జీవనోపాధి మరియు దాని ప్రభావం

ప్రియులారా, ఇక మనం మాట్లాడుకుంటే సోదరులారా, ఈరోజు మనం ఆదర్శ సమాజం స్థాపించటానికి చేయాల్సిన పని, మనం తినేది హలాల్ అవ్వాలి. అల్లాహ్ ఏమన్నారు ఇదే వాక్యాలలో? “వ అవుఫుల్ కైల.” మీరు ఎప్పుడైతే కొలతలు తూస్తారో చక్కగా తూకం చేయండి. “వల్ మీజాన బిల్ ఖిస్త్.” మీరు ఎప్పుడైతే త్రాసు చూస్తారో త్రాసును చక్కగా చూడండి. మనం నమాజ్ చేస్తున్నాం, అన్నీ చేస్తున్నాం, కానీ హరాం తింటున్నాం. ఈ హరాం గొప్ప డేంజర్ అండి. మనం దేన్ని తింటున్నాం పొట్టలో?

يَا أَيُّهَا الرُّسُلُ كُلُوا مِنَ الطَّيِّبَاتِ وَاعْمَلُوا صَالِحًا
ఓ ప్రవక్తలారా! తయ్యిబ్ (పవిత్రమైన) హలాల్ తినండి మరియు సత్కార్యాలు చేయండి. (23:51)

ఈ వాక్యం ద్వారా ఉలమాలు రాస్తున్న మాట ఏంటి? ఎవడైతే హలాల్ తింటాడో వాడే సత్కార్యము చేయగలడు. హరాం తిన్నవాడు సత్కార్యము చేయలేడు. ప్రపంచంలో, హరాం యొక్క పర్యవసానాలు ఏంటి? వడ్డీ కానివ్వండి, తూకములో లోపము చేయటం కానివ్వండి, అబద్ధపు సాక్ష్యం చెప్పి వస్తువు అమ్మటం కానివ్వండి, అబద్ధపు ప్రమాణాలు చేయనివ్వండి. డబ్బు అయితే వచ్చేస్తుంది. దీని పర్యవసానాలు? “ఇన్నల్లాహ తయ్యిబ్, లా యఖ్బలు ఇల్లత్ తయ్యిబా.” అల్లాహ్ పరిశుద్ధుడు, పరిశుద్ధము కాకుండా ఏమీ స్వీకరించడు. మనం తినేది హరాం, సంపాదన హరాం. అబద్ధము చెప్పి, దొంగతనము చేసి, మోసము చేసి, కల్తీ చేసి అమ్మేస్తున్నాను. అల్లాహ్ ఆరాధన స్వీకరించడు.

మొదటి హదీస్, ఒక వ్యక్తి మక్కా వెళ్ళాడు, కాబాకు వెళ్ళాడు. చేతులు పైకెత్తాడు: “అల్లాహ్! నా ప్రార్థన ఆలకించు.” అల్లాహ్ అన్నాడు, “వీడి బట్ట హరాం, వీడి తిండి హరాం, వీడు హరాం”. వీడి యొక్క దుఆ అల్లాహ్ త’ఆలా ఎలా స్వీకరిస్తాడు? సుబ్ హా నల్లాహ్! ఆలోచించండి, హరాం తింటే వాటి ఏం జరుగుతుంది?

సుఫ్యాన్ అసౌరీ రహిమహుల్లాహ్ యొక్క శిష్యుడు, అతని పేరు యూసుఫ్ అస్బాత్. ఆయన అన్నారు, షైతాన్ ఏం చేస్తాడట? షైతాన్ ఉదయాన్నే తన సైన్యాన్ని పంపుతాడు: “అరే ఎవరు ఆరాధన చేస్తున్నారో చూసుకొని రా.” ఎప్పుడైతే వెళ్లి ఒక వ్యక్తి హరాం తింటున్నాడు తెలుస్తుందో వెంటనే అంటాడు షైతాన్: “వాడి వద్దకు నువ్వు వెళ్ళొద్దు. వాడి హరాం వాడిని నాశనం చేసేస్తుంది.”

అదే హలాల్ తింటే మన ఇండ్లు సంస్కరించబడతాయి, మన యొక్క సమాజం సంస్కరించబడుతుంది. సలఫ్ ఎలా ఉండేవారు తినటంలో? అబ్దుల్లా బిన్ ముబారక్ రహిమహుల్లాహ్ ఒక గొప్ప విద్యావంతుడు. అబ్దుల్లా బిన్ ముబారక్ వాళ్ళ తండ్రి ముబారక్ ఒక దానిమ్మ తోటలో పని చేసేవారు. చాలా రోజులకు దానిమ్మ తోట యజమాని వచ్చి అన్నాడు: “ముబారక్! ఒక దానిమ్మ చెట్టు నుండి ఒక దానిమ్మ పండు తీసుకురా.” ముబారక్ వెళ్లారు. దానిమ్మ చెట్టు నుండి దానిమ్మ పండు తీసుకువచ్చారు యజమానికి ఇచ్చారు. యజమాని తిన్నాడు, పుల్లగా ఉంది. “ముబారక్! ఇంకో దానిమ్మ పండు తీసుకురా.” హజరతే ముబారక్ రహిమహుల్లాహ్ వెళ్లారు. ఇంకో దానిమ్మ పండు తీసుకువచ్చారు, అదీ పుల్లగా ఉంది. అడిగారు యజమాని: “ఏమయ్యా! ఇన్నేళ్ల బట్టి నా తోటలో పని చేస్తున్నావు. ఏ చెట్టు దానిమ్మ పండు పుల్లగా ఉంటుందో, ఏ చెట్టు దానిమ్మ పండు తియ్యగా ఉంటుందో నీకు తెలియదా?” ముబారక్ అన్నారు: “అయ్యా, నేను మీ తోటలో కాపలా వాడిని. ఏ పండు ఎలా ఉందో చెక్ చేసే వాడిని కాదు. ఈ రోజు వరకు ఏ పండు ఎలా ఉంటుందో నేను తినలేదయ్యా.” యజమాని సంతోషపడ్డాడు. తన కూతురిని ముబారక్‌కి ఇచ్చి పెళ్లి చేశాడు. ఇద్దరికీ కలిగిన సంతానం అబ్దుల్లా బిన్ ముబారక్ రహిమహుల్లాహ్.

బుఖారీ రహిమహుల్లాహ్ నాన్న ఇస్మాయిల్ అంటారు,: “నా ఇంట్లో ఒక్క దిర్హము కూడా హరాం ప్రవేశించలేదు.” హరాం కాదు, అనుమానాస్పదము కూడా. పర్యవసానం? బుఖారీ రహిమహుల్లాహ్ వచ్చారు. కాబట్టి ఆదర్శ సమాజ సంస్థాపనకు మనం తింటున్న ఆహారం, మనం చేస్తున్న వ్యాపారం చాలా ఎఫెక్ట్ చూపిస్తుంది. లేదంటారా, ప్రపంచంలో మన హృదయం కఠినమైపోతుంది.

హసన్ బస్రీ రహిమహుల్లాహ్ అంటారు: “ఈ ప్రపంచములో అల్లాహ్ మనిషికి ఇచ్చే అతి పెద్ద శిక్ష, హరాం తినటం వల్ల వాడి హృదయం బండరాయి మాదిరిగా అయిపోతుంది.” ప్రేమ, కారుణ్యం వాడి హృదయంలో ఉండవు. కాబట్టి, మనం ఈరోజు ఈ యొక్క ఆదర్శ సమాజాన్ని స్థాపించాలంటే ఈ మార్గంపై నడవాలి ప్రియులారా. ప్రవక్త ఈ వాక్యాలు చెప్పి అదే అన్నారు:

وَأَنَّ هَذَا صِرَاطِي مُسْتَقِيمًا فَاتَّبِعُوهُ وَلاَ تَتَّبِعُواْ السُّبُلَ فَتَفَرَّقَ بِكُمْ عَن سَبِيلِهِ ذَلِكُمْ وَصَّاكُم بِهِ لَعَلَّكُمْ تَتَّقُونَ
ఇది నా మార్గం. దీనిపై అనుసరించండి. మీరు నా మార్గంపై ఉంటారు. నా మార్గాన్ని విడిచిపెట్టేస్తే మీరు వేరే మార్గాలపై వెళ్ళిపోతారు.

అల్లాహ్ త’ఆలా మనందరికీ ప్రవక్త వారు, అల్లాహ్ బోధించిన ఈ మార్గంపై నడిచే సద్భాగ్యాన్ని ప్రసాదించు గాక. ఆమీన్ యా రబ్బల్ ఆలమీన్. వస్సలాము అలైకుమ్ వ రహ్మతుల్లాహి వ బరకాతుహు.

—

యూట్యూబ్ ప్లే లిస్ట్ (షేఖ్ షరీఫ్ హఫిజహుల్లాహ్)
https://www.youtube.com/playlist?list=PLw5IiDSnUeV0AKZXyDn6KYNFu5ok4ZFtb