Tag: Islamic Book

రచయిత: షేఖ్ అబ్దురహ్మాన్ బిన్ నాసిర్ అస్సఅదీ (రహిమహుల్లాహ్)
హరమైన్ షరీఫైన్ పుస్తకాలు

పుస్తకాన్ని డౌన్లోడ్ చేసుకోండి ఇక్కడ :
సంతోషకరమైన జీవితాన్ని అందించే ఉత్తమ మార్గాలు – ఇమామ్ అస్ సాదీ [డౌన్లొడ్ PDF]

షేఖ్ అబ్దుర్ రహ్మాన్ బిన్ నాసిర్ అస్సఅదీ రచించిన సంతోషకరమైన జీవితానికి ఉత్తమ మార్గాలు అనే ఈ చిరుపుస్తకం నిజమైన సంతోషానికి దారి తీసే కారణాలను లోతైన ఈమాన్ దృష్టి కోణంతో పరిశీలిస్తున్నది. ఇది పాఠకుడిని దైవవిశ్వాసం, సత్కార్యాలు, అల్లాహ్ స్మరణ, సంతృప్తి, అనుగ్రహాలపై అల్లాహ్ కు కృతజ్ఞతలు, దయ, అల్లాహ్‌ పై ఆధారపడటం, సహనం మొదలైన విషయాల అర్థాన్ని గ్రహించడం ద్వారా మానసిక ప్రశాంతత వైపు దారి చూపుతుంది. అందమైన శైలిలో, ఈ చిరుపుస్తకం జీవితంలో సవాళ్ళు, కష్టసుఖాలు, ఎత్తుపల్లాలు ఉన్నప్పటికీ ప్రశాంతమైన, సమతుల్యమైన, ఆనందకరమైన జీవితాన్ని గడిపేందుకు ఒక ఉత్తమమైన మార్గాన్ని మీ చేతుల్లో ఉంచుతున్నది.

రచయిత పరిచయం: షేఖ్ అబ్దుర్రహ్మాన్ బిన్ నాసిర్ బిన్ అబ్దుల్లాహ్ అస్సఅదీ (రహిమహుల్లాహ్) బనూ తమీమ్ తెగకు చెందినవారు. ఆయన హిజ్రీ 1307 ముహర్రం 12వ తేదీన (క్రీ.శ. 1889) సౌదీ అరేబియాలోని ఉనైజా పట్టణంలో జన్మించారు. పదకొండు సంవత్సరాల వయస్సు రాకముందే ఖుర్ఆన్ ను కంఠస్థం చేశారు. షేఖ్ ముహమ్మద్ బిన్ సాలిహ్ అల్-ఉసైమీన్ (రహిమహుల్లాహ్) వంటి గొప్ప పండితులు ఆయన శిష్యులు. ఆయన 40కి పైగా పుస్తకాలు రచించారు; వాటిలో ప్రసిద్ధ ఖుర్ఆన్ వ్యాఖ్యానం ‘తైసీర్ అల్-కరీమ్ అర్-రహ్మాన్‘ (తఫ్సీర్ అస్సఅదీ), ‘బహ్జతు ఖులూబిల్ అబ్రార్‘ మరియు ‘మిన్హాజుస్ సాలికీన్‘ ముఖ్యమైనవి. ఆయన హిజ్రీ 1376 జుమాదల్ ఆఖిరా 23వ తేదీన, 69 సంవత్సరాల వయస్సులో మరణించారు. అల్లాహ్ ఆయనను కరుణించుగాక. [మూలం: bakkah.net]

పాఠకులకు గమనిక: ఈ పోస్ట్‌లోని తెలుగు అనువాదాన్ని మేము అసలు అరబీ గ్రంథం «الوسائل المفيدة للحياة السعيدة» (రిసాలతుల్ హరమైన్ ప్రచురణ) తో పోల్చి సరిచూశాము. PDF లోని తెలుగు అనువాదంలో కనుగొన్న కొన్ని పొరపాట్లను ఈ పోస్ట్‌లో సరిదిద్దాము; సరిదిద్దిన భాగాలు ఈ నీలి రంగులో చూపబడ్డాయి. కాబట్టి, PDF కంటే ఈ పోస్ట్‌లోని పాఠాన్నే ప్రామాణికంగా పరిగణించవలసిందిగా మనవి.

విషయసూచిక

• తొలి పలుకులు
• 1వ అధ్యాయం: దైవవిశ్వాసం మరియు సత్కార్యాలు
• 2వ అధ్యాయం: ప్రయోజనకరమైన పనులు లేదా జ్ఞానార్జన
• 3వ అధ్యాయం: అల్లాహ్ యొక్క జిక్ర్ (అల్లాహ్ ధ్యానం, స్మరణల) ను అధికం చేయుట.
• 4వ అధ్యాయం: దుఃఖం కలిగించేవాటిని తొలగించుట మరియు సుఖసంతోషాలు కలిగించేవాటిని పొందుట
• 5వ అధ్యాయం: అత్యంత చెడు అవకాశాల అంచనా వేయుట
• 6వ అధ్యాయం: మనోధైర్యం మరియు అలజడికి ప్రభావితం కాకుండా నిలబడే స్థిరత్వం
• 7వ అధ్యాయం: ఇతరులతో వ్యవహరించే విధానం
• 8వ అధ్యాయం: విచారంలో మునిగి పోకుండా ఉండుట

Read More “సంతోషకరమైన జీవితానికి ఉత్తమ మార్గాలు – ఇమామ్ అస్సఅదీ [పుస్తకం]”