teluguislam.net

గడ్డం తప్పనిసరి అని ఏదైనా హాదీసులో చెప్పబడినదా? [వీడియో & టెక్స్ట్]

teluguislam.net చేమే 13, 2020సెప్టెంబర్ 20, 2025

గడ్డం తప్పనిసరి అని ఏదైనా హాదీసులో చెప్పబడినదా?
https://youtu.be/nbYQWiZ3Q0k [9 నిముషాలు]
వక్త: ముహమ్మద్ నసీరుద్దీన్ జామి’ఈ (హఫిజహుల్లాహ్)

అల్లాహ్ యొక్క ప్రవక్త (సల్లల్లాహు అలైహి వ సల్లం) ఇలా చెప్పారని అబూ హురైరా (రదియల్లాహు అన్హు) ఉల్లేఖించారు:

“మీసాలను దగ్గరగా కత్తిరించండి (ట్రిమ్ చెయ్యండి) మరియు గడ్డాలు పెంచుకోండి మరియు మాజియన్లను (పర్షియన్ అగ్ని ఆరాధకులు) వ్యతిరేకించండి.” [సహీహ్ ముస్లిం # 501]

ఒక సందర్భంలో, ప్రవక్త (సల్లల్లాహు అలైహి వ సల్లం) కిస్రా (పర్షియన్ రాజు) యొక్క రెండు [1] దూతలను స్వీకరించినప్పుడు, వారు గడ్డం తీయించుకున్నారని (షేవ్ చేసుకున్నారని) మరియు పెరిగిన మీసాలతో ఉన్నారని చూసినప్పుడు వాటిని చూడటం ప్రవక్త (సల్లల్లాహు అలైహి వ సల్లం) ఇష్టపడలేదు.

ప్రవక్త (సల్లల్లాహు అలైహి వ సల్లం) ఇలా అన్నారు:

“నీకు దీన్ని చేయమని మిమ్మల్ని ఎవరు ఆదేశించారు?” వారు ఇలా అన్నారు: “మా ప్రభువు” (వారి రాజు కిస్రా అని అర్థం)”.

అప్పుడు ప్రవక్త (సల్లల్లాహు అలైహి వ సల్లం) ఇలా అన్నారు:

“అయితే నా గడ్డం పెరగనివ్వమని మరియు మీసాలను కత్తిరించమని నా రబ్ (అల్లాహ్) నన్ను ఆదేశించాడు.” [2]

[1] కిస్రా: ఖోస్రు, పెర్షియన్ రాజు. కిస్రా అనేది సాధారణంగా పెర్షియన్ రాజుల హోదా.
[2] హదీత్ హసన్ అని రచయిత చెప్పారు:

మూలం: https://abdurrahman.org/2015/02/22/the-beard-why-sheikh-dr-muhamad-ismaaeel-dr-saleh-as-saleh/

[ఆడియో టెక్స్ట్]

ఈ ప్రసంగంలో, ఇస్లాంలో గడ్డం పెంచడం యొక్క ఆవశ్యకత గురించి ఒక ప్రశ్నకు సమాధానం ఇవ్వబడింది. వక్త ముహమ్మద్ ప్రవక్త సల్లల్లాహు అలైహి వసల్లంను అంతిమ ఆదర్శంగా అనుసరించడం యొక్క ప్రాముఖ్యతను నొక్కిచెప్పారు, సాధారణ వ్యక్తులను కాదు, మత పెద్దలను కూడా. గడ్డం పెంచడాన్ని ఆజ్ఞాపించే హదీసులను ఉటంకిస్తూ, యూదులు మరియు ముష్రికుల నుండి తమను తాము వేరు చేసుకోవడానికి గడ్డాన్ని పూర్తిగా పెరగనివ్వాలని మరియు మీసాలను కత్తిరించాలని ప్రవక్త ముస్లింలను ఆదేశించారని ఆయన వివరించారు. గడ్డం ఉన్న కొందరి చెడు ప్రవర్తన, అసంపూర్ణ పెరుగుదల లేదా రూపురేఖల గురించిన ఆందోళనల వంటి సాధారణ అభ్యంతరాలను వక్త తిరస్కరించారు, గడ్డం పురుషుని సహజ సృష్టిలో ఒక భాగమని మరియు పురుషత్వానికి చిహ్నమని స్పష్టం చేశారు.

ప్రశ్న: గడ్డం తప్పనిసరి అని ఏదైనా హాదీసులో చెప్పబడినదా? మరి సౌదీలోని చాలామంది గడ్డం ట్రిమ్మింగ్ (కత్తిరించడం) చేసుకున్నట్లు చూస్తాము. అలాగే, మక్కాలో ఇమామ్ లకు కూడా. మరి అది ఎంతవరకూ సమంజసమైనది?

చూడండి, ఇస్లాం ధర్మం అల్లాహ్ పంపినటువంటి ధర్మం. సర్వసామాన్యంగా స్టూడెంట్స్ ఎప్పుడైతే టీచర్ చదువు చెబుతాడో, ఏదైనా పుస్తకం ఇచ్చి దాని గురించి బోధ చేస్తాడో, మా టీచర్ ఎంత ఆదర్శవంతంగా ఉన్నాడు అనేది కూడా టీచర్ వైపునకు చూడడం పిల్లల యొక్క అలవాటుగా ఉంటుంది. వారి యొక్క స్వభావంలో ఉంది. అందుకొరకే అల్లాహు త’ఆలా ఎప్పుడైతే ఖురాన్ హదీసుల ద్వారా మనకు ధర్మ జ్ఞానం ప్రసాదించాడో, మనకు ఆదర్శంగా ప్రవక్త ముహమ్మద్ సల్లల్లాహు అలైహి వసల్లం వారిని నిలిపాడు. మరియు ఆ ప్రవక్త గురించి స్వయంగా అల్లాహ్‌యే సర్టిఫికేట్ ఇచ్చేశాడు.

إِنَّكَ لَعَلَىٰ خُلُقٍ عَظِيمٍ
(ఇన్నక ల’అలా ఖులుఖిన్ అజీమ్)
నిశ్చయంగా మీరు అత్యున్నత గొప్ప నడవడిక మరియు మంచి సద్వర్తనలో ఉన్నారు

అంతేకాకుండా,

وَمَا آتَاكُمُ الرَّسُولُ فَخُذُوهُ وَمَا نَهَاكُمْ عَنْهُ فَانتَهُوا
(వమా ఆతాకుముర్రసూలు ఫఖుదూహు వమా నహాకుమ్ అన్హు ఫన్తహూ)
ప్రవక్త ఇచ్చినది మీరు తీసుకోండి, ఆయన మిమ్మల్ని నిషేధించిన వాటికి దూరంగా ఉండండి

అంతేకాకుండా సూరతుల్ అహ్‌జాబ్‌లో,

لَّقَدْ كَانَ لَكُمْ فِي رَسُولِ اللَّهِ أُسْوَةٌ حَسَنَةٌ
(లఖద్ కాన లకుమ్ ఫీ రసూలిల్లాహి ఉస్వతున్ హసనహ్)
ప్రవక్త సల్లల్లాహు అలైహి వసల్లం వారిలో మీకు ఉత్తమమైన ఆదర్శం ఉంది

అందుకొరకే, ఎప్పుడైనా షైతాన్ గాని, ఇంకా వేరే ఎవరైనా గాని, అరేయ్ నీ మౌల్వీ సాబును చూడురా, అరే నీ గురువుగారిని చూడురా ఏం చేస్తుండో, అరే వాణ్ని చూడురా ఎట్లున్నాడో అని ప్రజల వైపునకు లేదా ప్రస్తుతం మన కళ్ళల్లో మన దృష్టిలో మన యొక్క కని విని వినికిడిలో ఏ మంచి వ్యక్తి ఉన్నాడో అతడిలో ఏదైనా లోపం చూపించి, అరే వాళ్లారా నువ్వు ఇంతవరకు ఫాలో అవుతున్నది చూడు ఏం చేస్తున్నాడో, ఇలా చూపించి ఇస్లాం పట్ల విరక్తి, ఇస్లాం పట్ల ఒక అయిష్టత ఏర్పడే అటువంటి ప్రయత్నాలు జరుగుతాయి. అందుకొరకు ఆ సందర్భంలో అల్లాహ్‌ను మరియు ప్రవక్త ముహమ్మద్ సల్లల్లాహు అలైహి వసల్లం వారిని బలంగా పట్టుకొని వారి గురించి అధికంగా చదివి వారి యొక్క ఉత్తమ అల్లాహ్ ఆదేశాలను మరియు ప్రవక్త యొక్క ఉత్తమ ఆదర్శాన్ని ముందు పెట్టుకోండి.

మీ ప్రశ్నలోని రెండవ భాగం దానికి నేను ఇంత విడమరిచి చెప్పవలసి వచ్చింది. అల్లాహ్ స్వీకరించుగాక చెప్పడానికి, ఆచరించేటువంటి భాగ్యం మనందరికీ ప్రసాదించుగాక. అయితే మనం గడ్డం విషయానికి వస్తే కూడా, ప్రవక్త సల్లల్లాహు అలైహి వసల్లం వారి జీవితం ఎలా ఉండింది? ప్రవక్త సల్లల్లాహు అలైహి వసల్లం ఏడు వేరు వేరు పదాల్లో, అరబీలో వేరు వేరు పదాల్లో గడ్డాన్ని దాని స్థితిలో పూర్తిగా పెంచుతూ మీసాలు కత్తిరిస్తూ ఉండండి అని చెప్పారు.

وَفِّرُوا اللِّحَى
(వఫ్ఫిరుల్-లుహా)
గడ్డాన్ని ఘనంగా, సంపూర్ణంగా ఉంచండి.

أَوْفُوا اللِّحَى
(అవ్‌ఫుల్-లుహా)
పూర్తిగా.

ఇంకా వేరే ఎన్నో,

أَرْخُوا
(అర్ఖూ)
దాని స్థితిలో అలాగే పొడుగ్గా వదిలేయండి.

ఇలాంటి ఏడు రకాల పదాలు అరబీలో వచ్చి ఉన్నాయి. రెండవది, ఆ ఏడు రకాల పదాలు చేస్తే మంచిది అన్నటువంటి ఫార్మెట్లో లేవు, ఆర్డర్ ఫార్మెట్. వఫ్ఫిరూ, అవ్‌ఫిరూ, అర్ఖూ, ఆర్డర్, అంటే హుకుమ్. గమనిస్తున్నారా? ఇది ఒక వైపు ఇలా ఉండగా, మరోవైపు ప్రవక్త సల్లల్లాహు అలైహి వసల్లం స్వయంగా యూదులకు మీరు వ్యతిరేకత పాటిస్తూ గడ్డాన్ని వదలండి, ముష్రికులకు భిన్నంగా, మజూస్‌కు భిన్నంగా. ఇక ఈ విధంగా ప్రవక్త సల్లల్లాహు అలైహి వసల్లం యూదులను, ముష్రికులను, మజూసులను ప్రస్తావించి మనల్ని సంపూర్ణంగా గడ్డం ఉంచండి అని చెప్పాడంటే వారిలో షేవ్ చేసేవారు ఉన్నారు, వారిలో ట్రిమ్ చేసేవారు ఉన్నారు, వారిలో రకరకాల డిజైన్లు చేసేవారు ఉన్నారు, అలాంటి వారి ఏ పోలిక మీరు పాటించకుండా ప్రవక్త యొక్క ఆదర్శాన్ని పాటించి వారి విధంగా పూర్తిగా గడ్డం వదలండి.

అంతేకాదు, మరో రకంగా మనం గమనించామంటే ఇందులో మరో గొప్ప విషయం, అదేమిటి? ప్రవక్త సల్లల్లాహు అలైహి వసల్లం తమ జీవితంలో ఒక్కసారైనా, నవూజుబిల్లాహ్ అస్తగ్‌ఫిరుల్లాహ్, అర్థం కావడానికి కేవలం చెబుతున్నాను, ప్రవక్త విషయంలో ఈ మాట చెప్పినందుకు తప్పు ఉంటే అల్లాహ్ నన్ను క్షమించుగాక, ప్రవక్త సల్లల్లాహు అలైహి వసల్లం తమ జీవితంలో ఒక్కసారి కూడా షేవ్ చేయలేదు, ట్రిమ్ చేయలేదు, కత్తెర పెట్టలేదు, డిజైన్ చేయలేదు, ఏలాంటి ఏ అలంకరణలు చేయడానికి గడ్డానికి చేయి పెట్టలేదు. చేయి పెట్టలేదు అంటే కత్తిరించే విషయంలో. ఈ ఒక్క సహీ హదీస్ లేదు ఇప్పటివరకు.

గడ్డం మరియు సహజ స్వభావం (ఫిత్ర్)

అందుకొరకే గడ్డం, ఇది మన ప్రకృతి విషయాల్లో ఒకటి. ప్రకృతిపరంగా మనం తీయవలసిన వెంట్రుకలు తీస్తాము, గోళ్లు పెరుగుతూ ఉంటే తీస్తాము. దీనికి వ్యతిరేకంగా చేసేవారు ఏందిరా పశువా, జంతువా, ఇంక ఇట్లా పెంచుకున్నావ్ ఏంటి అని అంటారు కదా, అలాగే గడ్డాన్ని పెంచాలి. గడ్డం ఇది ప్రకృతికి, మన అందానికి అడ్డం కాదు, ఇది అనుకూలమైన విషయం. అందుగురించి పశువుల్లో కూడా, జంతువుల్లో కూడా మగవాళ్లకు గడ్డం లేదా గడ్డం లాంటి ఒక గుర్తు ఉంది.

గడ్డం గురించిన అభ్యంతరాలు

ఇంతటితో మీకు తృప్తి కాకుంటే మరో విషయం కూడా మీరు తెలుసుకోండి. అదేమిటంటే, గడ్డం గురించి ఎవరైతే అభ్యంతరం వ్యక్తం చేస్తారో వారిలో ఒక విషయం ఏంటో తెలుసా, అరే ఎందరో గడ్డం ఉన్నవారిని చూసామయ్యా, గడ్డం అడ్డుగా ఏదో ఎన్నో రకాల చెడు పనులు చేస్తారు. అందుకొరకు ఆ గడ్డం పెట్టుకొని ఆ పనులు చేయకపోవడమే మంచిది. అస్తగ్‌ఫిరుల్లాహ్, అస్తగ్‌ఫిరుల్లాహ్. ఇది గడ్డంకు అడ్డం ఇంత మాత్రం కాదు. ఎందుకంటే గమనించండి, గడ్డం పెట్టి ఎవరైనా ఏదైనా పొరపాట్లు చేస్తున్నారు అంటే గడ్డం వల్ల చేయడం లేదు అది. అలా అనుకుంటే మరి గడ్డం లేకుండా అన్నీ మంచి పనులు చేసేవారు ఉన్నారా? అందుకొరకు ఈ టాపిక్‌నే తీసుకురాకూడదు. ఈ ఆబ్జెక్షనే తప్పు, రాంగ్.

మరి కొందరు ఏమంటారు, అరే గడ్డం పెట్టాలి కరెక్టే కానీ ఒకసారి ఇక్కడ కొన్ని వెంట్రుకలు ఉంటాయి, ఇటువైపున ఉండవు. ఇక్కడ ఉంటాయి, ఇక్కడ ఉండవు. ఉండేది ఉంటే మొత్తం ఉండాలి, మంచిగా అనిపిస్తది. గడ్డం ఇది అల్లాహు త’ఆలా ఇస్తున్నది, దాని స్థితిలో మనం పెంచాలి. ఈ ఆటంకాలు చెప్పుకుంటూ మనం అల్లాహ్ ఆదేశానికి వ్యతిరేకంగా, ప్రవక్త ఆదర్శానికి వ్యతిరేకంగా పాటించకూడదు, పాపంలో పడిపోతాము.

మరి కొందరు ఉన్నారు, ఏమంటారు, గడ్డం ఉన్న వారిని ఎంతమంది చూస్తాము, అంతా ఇలా ఉంటుంది, ఇలా ఉంటుంది, పాడుగా కనబడుతుంది, మంచిగా అందంగా కనబడరు. గడ్డాన్ని వాళ్లు కొంచెం, ఇది వారి తప్పు. ప్రవక్త సల్లల్లాహు అలైహి వసల్లం వారి హదీసుల్లో వచ్చి ఉంది,

أَكْرِمُوا شَعَرَكُمْ
(అక్రిమూ షా’రకుమ్)
మీ యొక్క వెంట్రుకల్ని కూడా మీరు దృష్టిలో పెట్టుకొని వాటిని అలంకరిస్తూ ఉండండి.

ప్రవక్త సల్లల్లాహు అలైహి వసల్లం నూనె కూడా పెట్టుకునేవారు. మనం అడపాదడపా దువ్వుకుంటూ, అటు ఇటు పోకుండా, చిందరవందరంగా లేకుండా మనం దీన్ని కాపాడుకోవాలి. ఎవడైనా కాపాడుకోకుంటే అతడు మనకు దలీల్ ఆధారం కాదు మరియు వాని యొక్క పని అనేది మనం దానివల్ల గడ్డం ఉంచకూడదు అని చెప్పలేము. బహుశా గడ్డనికి సంబంధించి ఈ విషయాలు గడ్డం ఉంచడానికి మనకు ప్రోత్సాహం కలిగిస్తాయి అని ఆశిస్తున్నాను.

అల్లాహ్ మనందరికీ సద్భాగ్యం, మరింత అధిక జ్ఞానం, దాని ప్రకారం ఆచరించేటువంటి సద్భాగ్యం ప్రసాదించుగాక, ఆమీన్.

ఈ పోస్ట్ లింక్ : https://teluguislam.net/?p=10797

ఇతరములు:

ధర్మాన్ని పరిహసించటం, ధార్మిక చిహ్నాలను కించపరచటం – డా. సాలెహ్ అల్ ఫౌజాన్

దీన్ని షేర్ చెయ్యండి మీ బంధుమిత్రులతో , బారకల్లాహు ఫీకుమ్: “మంచికి మార్గనిర్దేశం చేసేవారికి దానిని ఆచరించిన వారితో సమానమైన పుణ్యం లభిస్తుంది” [సహీహ్ ముస్లిం, 3వ భాగం, నం .4665] ఈ క్రింది లింక్‌ దర్శించి మీ స్నేహితులు మరియు బంధువులు మా వాట్సాప్ గ్రూపులో చేరవచ్చు: teluguislam.net/whatsapp/. మా టెలిగ్రామ్ ఛానల్ https://t.me/teluguislam .మా యూట్యూబ్ ఛానల్: youtube.com/c/teluguislam . జిక్ర్ & దుఆల కోసం కొత్త వెబ్సైటు: telugudua.net

రమదాన్ లో ఎక్కువ పుణ్యాలు సంపాదించడం ఎలా? [ఆడియో]

teluguislam.net చేమే 11, 2020మే 22, 2020

[6:30నిముషాలు]

వక్త: ముహమ్మద్ నసీరుద్దీన్ జామి’ఈ (హఫిజహుల్లాహ్)
ఫారెనర్స్ ఇస్లామిక్ గైడెన్స్ ఆఫీసు, జుల్ఫీ, సౌదీ అరేబియా

ఆడియో వినండి లేదా డౌన్లోడ్ చేసుకోండి

రమదాన్ మెయిన్ పేజీ :
https://teluguislam.net/five-pillars/ramadhan-telugu-islam/

దీన్ని షేర్ చెయ్యండి మీ బంధుమిత్రులతో , బారకల్లాహు ఫీకుమ్: “మంచికి మార్గనిర్దేశం చేసేవారికి దానిని ఆచరించిన వారితో సమానమైన పుణ్యం లభిస్తుంది” [సహీహ్ ముస్లిం, 3వ భాగం, నం .4665] ఈ క్రింది లింక్‌ దర్శించి మీ స్నేహితులు మరియు బంధువులు మా వాట్సాప్ గ్రూపులో చేరవచ్చు: teluguislam.net/whatsapp/. మా టెలిగ్రామ్ ఛానల్ https://t.me/teluguislam .మా యూట్యూబ్ ఛానల్: youtube.com/c/teluguislam . జిక్ర్ & దుఆల కోసం కొత్త వెబ్సైటు: telugudua.net

సీరత్ పాఠాలు – 2: ముహమ్మద్ (సల్లలాహు అలైహి వ సల్లం) పోషణ,వ్యాపారం,వివాహం [వీడియో]

teluguislam.net చేమే 10, 2020మే 22, 2020

[16:19 నిముషాలు]

వక్త: ముహమ్మద్ నసీరుద్దీన్ జామి’ఈ (హఫిజహుల్లాహ్)
ఫారెనర్స్ ఇస్లామిక్ గైడెన్స్ ఆఫీసు, జుల్ఫీ, సౌదీ అరేబియా

ఇక్కడ వినండి లేదా డౌన్లోడ్ చేసుకోండి [16:19 నిముషాలు]

ఇతరములు:

ముహమ్మద్ (సల్లలాహు అలైహి వ సల్లం):
https://teluguislam.net/muhammad/

ముహమ్మద్ (సల్లలాహు అలైహి వ సల్లం) అంతిమ ప్రవక్త [పుస్తకం]
https://teluguislam.net/2011/03/25/muhammad-the-final-prophet/
అంశాల నుండి : ఇస్లామీయ సత్యమార్గ ప్రచార కేంద్రం, జుల్ఫీ
అనువాదం : అబూ అనస్ ముహమ్మద్ నసీరుద్దీన్

మహా ప్రవక్త జీవిత చరిత్ర పాఠాలు [15 వీడియోలు]
https://teluguislam.net/2020/01/02/prophet-muhammad-seerah/
వక్త: ముహమ్మద్ నసీరుద్దీన్ జామి’ఈ (హఫిజహుల్లాహ్)
మొత్తం వీడియోల వ్యవధి: దాదాపు 70 నిముషాలు

“ముహమ్మదుర్ రసూలుల్లాహ్” అంటే అర్ధం ఏమిటి? [వీడియో]
https://teluguislam.net/2019/08/05/the-meaning-of-muhammad-rasolullaah/
అంశాల నుండి : ఇస్లామీయ సత్యమార్గ ప్రచార కేంద్రం, జుల్ఫీ
అనువాదం : అబూ అనస్ ముహమ్మద్ నసీరుద్దీన్

దీన్ని షేర్ చెయ్యండి మీ బంధుమిత్రులతో , బారకల్లాహు ఫీకుమ్: “మంచికి మార్గనిర్దేశం చేసేవారికి దానిని ఆచరించిన వారితో సమానమైన పుణ్యం లభిస్తుంది” [సహీహ్ ముస్లిం, 3వ భాగం, నం .4665] ఈ క్రింది లింక్‌ దర్శించి మీ స్నేహితులు మరియు బంధువులు మా వాట్సాప్ గ్రూపులో చేరవచ్చు: teluguislam.net/whatsapp/. మా టెలిగ్రామ్ ఛానల్ https://t.me/teluguislam .మా యూట్యూబ్ ఛానల్: youtube.com/c/teluguislam . జిక్ర్ & దుఆల కోసం కొత్త వెబ్సైటు: telugudua.net

ఖురాన్ వ్యాఖ్యానం (తఫ్సీర్) సూరా బకరా: ఆయత్ 183 – 188 (ఉపవాస ఆదేశాలు ) [వీడియో]

teluguislam.net చేమే 10, 2020మే 22, 2020

[60 నిముషాలు]

వక్త: ముహమ్మద్ నసీరుద్దీన్ జామిఈ (హఫిజహుల్లాహ్)
Dawah and Foreigners Guidance Office, Zulfi, Saudi Arabia.

అహ్సనుల్ బయాన్ నుండి:

2:183 يَا أَيُّهَا الَّذِينَ آمَنُوا كُتِبَ عَلَيْكُمُ الصِّيَامُ كَمَا كُتِبَ عَلَى الَّذِينَ مِن قَبْلِكُمْ لَعَلَّكُمْ تَتَّقُونَ

ఓ విశ్వసించినవారలారా! ఉపవాసాలుండటం మీపై విధిగా నిర్ణయించబడింది – మీ పూర్వీకులపై కూడా ఇదే విధంగా ఉపవాసం విధించబడింది. దీనివల్ల మీలో భయభక్తులు పెంపొందే అవకాశం ఉంది.

2:184 أَيَّامًا مَّعْدُودَاتٍ ۚ فَمَن كَانَ مِنكُم مَّرِيضًا أَوْ عَلَىٰ سَفَرٍ فَعِدَّةٌ مِّنْ أَيَّامٍ أُخَرَ ۚ وَعَلَى الَّذِينَ يُطِيقُونَهُ فِدْيَةٌ طَعَامُ مِسْكِينٍ ۖ فَمَن تَطَوَّعَ خَيْرًا فَهُوَ خَيْرٌ لَّهُ ۚ وَأَن تَصُومُوا خَيْرٌ لَّكُمْ ۖ إِن كُنتُمْ تَعْلَمُونَ

అదీ లెక్కించదగిన కొన్ని రోజులు మాత్రమే. అయితే మీలో వ్యాధిగ్రస్తులుగానో, ప్రయాణీకులుగానో ఉన్నవారు ఆ ఉపవాసాల లెక్క ఇతర దినాలలో పూర్తి చేసుకోవాలి. స్థోమత ఉన్న వారు (ఉపవాసం పాటించకపోయినందుకు) పరిహారంగా ఒక నిరుపేదకు అన్నం పెట్టాలి. కాని ఎవరైనా స్వచ్ఛందంగా ఇంకా ఎక్కువ పుణ్యం చేస్తే, అది వారికే మేలు. మీరు గ్రహించ గలిగితే ఉపవాసం ఉండటమే మీ కొరకు శ్రేయస్కరం.

2:185 شَهْرُ رَمَضَانَ الَّذِي أُنزِلَ فِيهِ الْقُرْآنُ هُدًى لِّلنَّاسِ وَبَيِّنَاتٍ مِّنَ الْهُدَىٰ وَالْفُرْقَانِ ۚ فَمَن شَهِدَ مِنكُمُ الشَّهْرَ فَلْيَصُمْهُ ۖ وَمَن كَانَ مَرِيضًا أَوْ عَلَىٰ سَفَرٍ فَعِدَّةٌ مِّنْ أَيَّامٍ أُخَرَ ۗ يُرِيدُ اللَّهُ بِكُمُ الْيُسْرَ وَلَا يُرِيدُ بِكُمُ الْعُسْرَ وَلِتُكْمِلُوا الْعِدَّةَ وَلِتُكَبِّرُوا اللَّهَ عَلَىٰ مَا هَدَاكُمْ وَلَعَلَّكُمْ تَشْكُرُونَ

రమజాను నెల – ఖుర్‌ఆన్‌ అవతరింపజేయబడిన నెల. అది మానవులందరికీ మార్గదర్శకం. అందులో సన్మార్గంతోపాటు, సత్యాసత్యాలను వేరుపరచే స్పష్టమైన నిదర్శనాలు ఉన్నాయి. కనుక మీలో ఎవరు ఈ నెలను చూస్తారో వారు ఉపవాసాలుండాలి. అయితే రోగగ్రస్తుని గానో, ప్రయాణీకుని గానో ఉన్న వారు ఇతర దినాలలో ఈ లెక్కను పూర్తిచేయాలి. అల్లాహ్‌ మీకు సౌలభ్యాన్ని సమకూర్చదలుస్తున్నాడేగాని మిమ్మల్ని కష్టపెట్టదలచటం లేదు. మీరు (ఉపవాసాల) నిర్ణీత సంఖ్యను పూర్తిచేసుకోవాలన్నదీ, తాను అనుగ్రహించిన సన్మార్గ భాగ్యానికి ప్రతిగా ఆయన గొప్పతనాన్ని కీర్తించి, తగురీతిలో మీరు ఆయనకు కృతజ్ఞతలు తెలుపుకోవాలన్నది అల్లాహ్‌ అభిలాష!

2:186 وَإِذَا سَأَلَكَ عِبَادِي عَنِّي فَإِنِّي قَرِيبٌ ۖ أُجِيبُ دَعْوَةَ الدَّاعِ إِذَا دَعَانِ ۖ فَلْيَسْتَجِيبُوا لِي وَلْيُؤْمِنُوا بِي لَعَلَّهُمْ يَرْشُدُونَ

(ఓ ప్రవక్తా!) నా దాసులు నా గురించి నిన్ను అడిగితే, నేను (వారికి) అత్యంత సమీపంలోనే ఉన్నాననీ, పిలిచేవాడు నన్ను ఎప్పుడు పిలిచినా నేను అతని పిలుపును ఆలకించి ఆమోదిస్తానని (నువ్వు వారికి చెప్పు). కాబట్టి వారు కూడా నా ఆదేశాన్ని శిరసావహించాలి, నన్ను విశ్వసించాలి (ఈ విషయం నీవు వారికి తెలియజేయి). తద్వారానే వారు సన్మార్గ భాగ్యం పొందగల్గుతారు.

2:187 أُحِلَّ لَكُمْ لَيْلَةَ الصِّيَامِ الرَّفَثُ إِلَىٰ نِسَائِكُمْ ۚ هُنَّ لِبَاسٌ لَّكُمْ وَأَنتُمْ لِبَاسٌ لَّهُنَّ ۗ عَلِمَ اللَّهُ أَنَّكُمْ كُنتُمْ تَخْتَانُونَ أَنفُسَكُمْ فَتَابَ عَلَيْكُمْ وَعَفَا عَنكُمْ ۖ فَالْآنَ بَاشِرُوهُنَّ وَابْتَغُوا مَا كَتَبَ اللَّهُ لَكُمْ ۚ وَكُلُوا وَاشْرَبُوا حَتَّىٰ يَتَبَيَّنَ لَكُمُ الْخَيْطُ الْأَبْيَضُ مِنَ الْخَيْطِ الْأَسْوَدِ مِنَ الْفَجْرِ ۖ ثُمَّ أَتِمُّوا الصِّيَامَ إِلَى اللَّيْلِ ۚ وَلَا تُبَاشِرُوهُنَّ وَأَنتُمْ عَاكِفُونَ فِي الْمَسَاجِدِ ۗ تِلْكَ حُدُودُ اللَّهِ فَلَا تَقْرَبُوهَا ۗ كَذَٰلِكَ يُبَيِّنُ اللَّهُ آيَاتِهِ لِلنَّاسِ لَعَلَّهُمْ يَتَّقُونَ

ఉపవాస కాలంలోని రాత్రులలో మీరు మీ భార్యలను కలుసుకోవటం మీ కొరకు ధర్మసమ్మతం చేయబడింది. వారు మీకు దుస్తులు, మీరు వారికి దుస్తులు. మీరు రహస్యంగా ఆత్మద్రోహానికి పాల్పడుతున్నారనే సంగతి అల్లాహ్‌కు తెలుసు. అయినప్పటికీ ఆయన క్షమాగుణంతో మీ వైపుకు మరలి, మీ తప్పును మన్నించాడు. ఇకనుంచి మీరు మీ భార్యలతో (ఉపవాసపు రాత్రులందు) రమించడానికీ, అల్లాహ్‌ మీ కొరకు రాసిపెట్టిన దాన్ని అన్వేషించటానికీ మీకు అనుమతి ఉంది. తొలిజాములోని తెలుపు నడిరేయి నల్లని చారలో నుండి ప్రస్ఫుటం అయ్యే వరకూ తినండి, త్రాగండి. ఆ తరువాత (వీటన్నింటినీ పరిత్యజించి) రాత్రి చీకటి పడేవరకూ ఉపవాసం ఉండండి. ఇంకా – మీరు మస్జిదులలో ‘ఏతెకాఫ్‌’ పాటించేకాలంలో మాత్రం మీ భార్యలతో సమాగమం జరపకండి. ఇవి అల్లాహ్‌ (నిర్ధారించిన) హద్దులు. మీరు వాటి దరిదాపులకు కూడా పోకండి. ప్రజలు అప్రమత్తంగా ఉండగలందులకుగాను అల్లాహ్‌ తన ఆయతులను ఇలా విడమరచి చెబుతున్నాడు.

2:188 وَلَا تَأْكُلُوا أَمْوَالَكُم بَيْنَكُم بِالْبَاطِلِ وَتُدْلُوا بِهَا إِلَى الْحُكَّامِ لِتَأْكُلُوا فَرِيقًا مِّنْ أَمْوَالِ النَّاسِ بِالْإِثْمِ وَأَنتُمْ تَعْلَمُونَ

ఒకరి సొమ్మును ఇంకొకరు అన్యాయంగా స్వాహా చేయకండి. బుద్ధిపూర్వకంగా, అక్రమమైన రీతిలో ఇతరుల ఆస్తిలో కొంతభాగం కాజేయటం కోసం అధికారులకు ముడుపులు చెల్లించకండి. అది (న్యాయం కాదన్న సంగతి) మీకూ తెలిసినదే.

ఖురాన్ వ్యాఖ్యానం : అహ్సనుల్ బయాన్

ఇతరములు:

రమదాన్ మెయిన్ పేజీ : https://teluguislam.net/five-pillars/ramadhan-telugu-islam/

దీన్ని షేర్ చెయ్యండి మీ బంధుమిత్రులతో , బారకల్లాహు ఫీకుమ్: “మంచికి మార్గనిర్దేశం చేసేవారికి దానిని ఆచరించిన వారితో సమానమైన పుణ్యం లభిస్తుంది” [సహీహ్ ముస్లిం, 3వ భాగం, నం .4665] ఈ క్రింది లింక్‌ దర్శించి మీ స్నేహితులు మరియు బంధువులు మా వాట్సాప్ గ్రూపులో చేరవచ్చు: teluguislam.net/whatsapp/. మా టెలిగ్రామ్ ఛానల్ https://t.me/teluguislam .మా యూట్యూబ్ ఛానల్: youtube.com/c/teluguislam . జిక్ర్ & దుఆల కోసం కొత్త వెబ్సైటు: telugudua.net

నబీ (సల్లల్లాహు అలైహి వసల్లం) పై దరూద్ పఠించు ఘనత – హిస్న్ అల్ ముస్లిం

teluguislam.net చేమే 10, 2020మే 5, 2023

107. నబీ సల్లల్లాహు అలైహి వసల్లం పై దరూద్ పఠించు ఘనత

219. ప్రవక్త ముహమ్మద్ (సల్లల్లాహు అలైహి వ సల్లం) ప్రకటించారు.

“ఎవరైతే నాకై ఒకసారి “దరూద్ దుఆ” చదువుతారో అతనికి అల్లాహ్ తన కారుణ్యం పది సార్లు పంపుతాడు.”

[ముస్లిం 1/288.]

220. మరియు ప్రవక్త (ముహమ్మద్ సల్లల్లాహు అలైహి వసల్లం) ఇలా ప్రకటించారు :

“నా సమాధిని మీరు ఉత్సవ క్షేత్రంగా చేసుకోకండి, మీరు ఎక్కడ నుండియైనా నాకై “దరూద్ దుఆ” పంపండి అది నాకు తప్పక చేరుతుంది.”

[బుఖారీ ముస్లిం] [అబుదావూద్ 2/218, అహ్మద్ 2/367 మరియు అల్బానీ గారు సహీహ్ అబిదావూద్ 2/283లో దీనిని సహీహ్ అన్నారు]

221. ఇంకా ప్రవక్త ముహమ్మద్ (సల్లల్లాహు అలైహి వ సల్లం) ఇలా తెలిపారు :

“ఎవరి ముందైనా నా పేరు ప్రస్తావించబడినపుడు వారు నాకై “దరూద్ దుఆ” చేయక పోతే అతను పిసినారి.”

[అత్తిర్మిదీ 5/551, ఇతరులు ఉల్లేఖించారు. చూడుము సహీహ్ అల్ జామిఅ 3/ 25, సహీహ్ అత్తిర్మిదీ 3/177.]

222. ప్రవక్త (సల్లల్లాహు అలైహి వసల్లం) వారు ఇలా తెలిపారు.

“నిశ్చయంగా అల్లాహ్ యొక్క దూతలు కొందరు భూమిపై సంచరిస్తూ ఉంటారు. వారు నా అనుచర సమాజము పంపించు సలాం నాకు అందజేస్తారు.”

[అన్నిసాఈ 3/43, అల్ హాకిం 2/421 మరియు సహీహ్ అన్నిసాఈ 1/274లో అల్బానీ గారు దీనిని సహీహ్ అన్నారు.]

223. ప్రవక్త (సల్లల్లాహు అలైహి వసల్లం) వారు ఇలా తెలిపారు.

“ఎవరైనా నాకు సలాం పంపినచో, అల్లాహ్ నా ఆత్మను నా వైపుకు పంపిస్తాడు, నేను తిరిగి అతనికి సలాం పంపిస్తాను.”

[అబుదావూద్, సంఖ్య 2041 అల్బానీ గారు సహీహ్ అబిదావూద్ 1/383లో దీనిని హసన్ అన్నారు.]

ఇది హిస్న్ అల్ ముస్లిం (తెలుగు) అనే పుస్తకం నుండి తీసుకోబడింది . అరబ్బీ మూలం: సయీద్ బిన్ అలీ బిన్ వహఫ్ అల్ ఖహ్తాని. అనువాదం: జఫరుల్లాహ్ ఖాన్ నద్వీ.
https://teluguislam.net/2010/11/23/hisn-al-muslim-vedukolu-telugu-islam/

పూర్తి దరూద్ షరీఫ్:

“అల్లాహుమ్మ సల్లి అలా ముహమ్మదిన్ వ అలా ఆలి ముహమ్మదిన్ కమా సల్లైత అలా ఇబ్రాహీమ వ అలా ఆలి ఇబ్రాహీమ ఇన్నక హమీదున్ మజీద్. అల్లాహుమ్మ బారిక్ అలా ముహమ్మదిన్ వ అలా ఆలి ముహమ్మదిన్ కమా బారక్ త అలా ఇబ్రాహీమ వ అలా ఆలి ఇబ్రాహీమ ఇన్నక హమీదున్ మజీద్”

చిన్న దరూద్ షరీఫ్ :

అల్లాహుమ్మ సల్లి వ సల్లిమ్ వ బారిక్ అలా ముహమ్మద్

ఇతర లింకులు:

దైవప్రవక్త(సల్లలాహు అలైహి వ సల్లం)పై దురూద్‌, సలాం పంపే ఆదేశం షరీయత్‌ బద్ధమైనది – డా. సాలెహ్ అల్ ఫౌజాన్
https://teluguislam.net/2019/10/12/sending-darood-on-the-prophet/
ప్రవక్త ముహమ్మద్ సల్లల్లాహు అలైహి వ సల్లం వరకు దరూద్ ఎలా చేరుతుంది [ఆడియో]
వక్త: అబూ అనస్ ముహమ్మద్ నసీరుద్దీన్
https://teluguislam.net/2019/07/26/sending-darood-on-prophet-muhammad/
ప్రవక్త సమాధికి సంభందించిన దురాచారాలు [వీడియో]
https://teluguislam.net/2020/03/11/bidah-regarding-prophets-grave/
దరూద్ చదవండి ప్రవక్త సిఫారసు పొందండి [వీడియో]
https://teluguislam.net/2019/11/08/darood-shafaa-prophet/

దీన్ని షేర్ చెయ్యండి మీ బంధుమిత్రులతో , బారకల్లాహు ఫీకుమ్: “మంచికి మార్గనిర్దేశం చేసేవారికి దానిని ఆచరించిన వారితో సమానమైన పుణ్యం లభిస్తుంది” [సహీహ్ ముస్లిం, 3వ భాగం, నం .4665] ఈ క్రింది లింక్‌ దర్శించి మీ స్నేహితులు మరియు బంధువులు మా వాట్సాప్ గ్రూపులో చేరవచ్చు: teluguislam.net/whatsapp/. మా టెలిగ్రామ్ ఛానల్ https://t.me/teluguislam .మా యూట్యూబ్ ఛానల్: youtube.com/c/teluguislam . జిక్ర్ & దుఆల కోసం కొత్త వెబ్సైటు: telugudua.net

[దుఆ] అల్లాహుమ్మ ఇన్నీ అస్-అలుక హుబ్బక, వ హుబ్బ మయ్-యుహిబ్బుక ..

teluguislam.net చేమే 9, 2020మే 22, 2020

1491. హజ్రత్‌ అబూ దర్దా (రదియల్లాహు అన్హు) కథనం ప్రకారం దైవప్రవక్త (సల్లల్లాహు అలైహి వ సల్లం) ఇలా ప్రబోధించారు: దావూద్‌ ప్రవక్త (అలైహిస్సలాం) ప్రార్థనల్లో ఇది కూడా ఒకటి:

اللهم إني أسألك حبك، وحب من يحبك، والعمل الذي يبلغني حبك، اللهم اجعل حبك أحب إلى من نفسي، وأهلي، ومن الماء البارد

అల్లాహుమ్మ ఇన్నీ అస్-అలుక హుబ్బక, వ హుబ్బ మయ్-యుహిబ్బుక, వల్-అమల్ అల్లజీ యుబల్లిఘునీ హుబ్బక. అల్లాహుమ్మ అజ్-అల్ హుబ్బక అహబ్బ ఇలయ్య మిన్ నఫ్ సీ, వ అహ్ లీ, వ మినల్ మాయిల్ బారిద్

“ఓ అల్లాహ్! నేను నీ ప్రేమను, నిన్ను ప్రేమించేవారి ప్రేమను, నన్ను నీ ప్రేమ దాకా చేర్చే కర్మలను ప్రసాదించమని అడుగుతున్నాను. ఓ అల్లాహ్‌! నీ ప్రేమను నా కొరకు నా ప్రాణం కన్నా, నా ఆలుబిడ్డల కన్నా, చల్లని నీటికన్నా ప్రియమైనదిగా చెయ్యి.” (తిర్మిజీ-హసన్)

(సుననె తిర్మిజీలోని దావాత్‌ అధ్యాయాలు)

ముఖ్యాంశాలు;

ఈ ప్రార్ధనలో అల్లాహ్ ప్రేమతోపాటు అల్లాహ్ ప్రియదాసుల ప్రేమను, సత్కార్యాల ప్రేమను కూడా అర్ధించటం జరిగింది. ఎందుకంటే మనిషికి వీటి మూలంగా కూడా అల్లాహ్ ప్రేమ, ఆయన సాన్నిహిత్యం లభిస్తాయి.

ఈ హదీసు హదీసు కిరణాలు (రియాదుస్ సాలిహీన్ ) – ఇమామ్ నవవి (Riyadh-us-Saaliheen) నుండి తీసుకోబడింది . Book 17, Hadith 1491

దీన్ని షేర్ చెయ్యండి మీ బంధుమిత్రులతో , బారకల్లాహు ఫీకుమ్: “మంచికి మార్గనిర్దేశం చేసేవారికి దానిని ఆచరించిన వారితో సమానమైన పుణ్యం లభిస్తుంది” [సహీహ్ ముస్లిం, 3వ భాగం, నం .4665] ఈ క్రింది లింక్‌ దర్శించి మీ స్నేహితులు మరియు బంధువులు మా వాట్సాప్ గ్రూపులో చేరవచ్చు: teluguislam.net/whatsapp/. మా టెలిగ్రామ్ ఛానల్ https://t.me/teluguislam .మా యూట్యూబ్ ఛానల్: youtube.com/c/teluguislam . జిక్ర్ & దుఆల కోసం కొత్త వెబ్సైటు: telugudua.net

ఖురాన్ వ్యాఖ్యానం (తఫ్సీర్): సూరా బకరా: ఆయత్ 168 – 176 [వీడియో]

teluguislam.net చేమే 9, 2020మే 22, 2020

[37:35 నిముషాలు]

వక్త: ముహమ్మద్ నసీరుద్దీన్ జామిఈ (హఫిజహుల్లాహ్)
Dawah and Foreigners Guidance Office, Zulfi, Saudi Arabia.

అహ్సనుల్ బయాన్ నుండి:

2:168 يَا أَيُّهَا النَّاسُ كُلُوا مِمَّا فِي الْأَرْضِ حَلَالًا طَيِّبًا وَلَا تَتَّبِعُوا خُطُوَاتِ الشَّيْطَانِ ۚ إِنَّهُ لَكُمْ عَدُوٌّ مُّبِينٌ
ప్రజలారా! భూమిలోని ధర్మసమ్మతమైన, పవిత్రమైన వస్తువులన్నింటినీ తినండి. కాని షైతాన్‌ అడుగుజాడలలో మాత్రం నడవకండి. వాడు మీకు బహిరంగ శత్రువు.

2:169 إِنَّمَا يَأْمُرُكُم بِالسُّوءِ وَالْفَحْشَاءِ وَأَن تَقُولُوا عَلَى اللَّهِ مَا لَا تَعْلَمُونَ
వాడు మిమ్మల్ని కేవలం చెడు వైపుకు, నీతి బాహ్యత వైపుకు పురికొల్పుతాడు. ఏ విషయాల జ్ఞానం మీకు లేదో వాటిని అల్లాహ్‌ పేరుతో చెప్పమని మీకు ఆజ్ఞాపిస్తాడు.

2:170 وَإِذَا قِيلَ لَهُمُ اتَّبِعُوا مَا أَنزَلَ اللَّهُ قَالُوا بَلْ نَتَّبِعُ مَا أَلْفَيْنَا عَلَيْهِ آبَاءَنَا ۗ أَوَلَوْ كَانَ آبَاؤُهُمْ لَا يَعْقِلُونَ شَيْئًا وَلَا يَهْتَدُونَ
“అల్లాహ్‌ అవతరింపజేసిన గ్రంథాన్ని అనుసరించండి” అని వారికి చెప్పినప్పుడల్లా, “మా తాతలు తండ్రులు అవలంబిస్తూ ఉండగా చూచిన పద్ధతినే మేము పాటిస్తాము” అని వారు సమాధానమిస్తారు. వారి పూర్వీకులు ఒట్టి అవివేకులు, మార్గ విహీనులైనప్పటికీ (వీళ్లు వారినే అనుసరిస్తారన్నమాట!)

2:171 وَمَثَلُ الَّذِينَ كَفَرُوا كَمَثَلِ الَّذِي يَنْعِقُ بِمَا لَا يَسْمَعُ إِلَّا دُعَاءً وَنِدَاءً ۚ صُمٌّ بُكْمٌ عُمْيٌ فَهُمْ لَا يَعْقِلُونَ
సత్య తిరస్కారుల ఉపమానం పశువుల కాపరి యొక్క కేకను, అరుపును మాత్రమే వినే పశువుల వంటిది (ఆలోచన అన్నమాటే ఉండదు). వారు చెవిటివారు, మూగవారు, గ్రుడ్డివారు. వారు అర్థం చేసుకోరు.

2:172 يَا أَيُّهَا الَّذِينَ آمَنُوا كُلُوا مِن طَيِّبَاتِ مَا رَزَقْنَاكُمْ وَاشْكُرُوا لِلَّهِ إِن كُنتُمْ إِيَّاهُ تَعْبُدُونَ
ఓ విశ్వసించిన వారలారా! మీరు కేవలం అల్లాహ్‌ను ఆరాధించేవారే అయితే మేము మీకు ప్రసాదించిన పవిత్రమైన వస్తువులను తినండి, త్రాగండి, అల్లాహ్‌కు కృతజ్ఞతలు తెలుపండి.

2:173 إِنَّمَا حَرَّمَ عَلَيْكُمُ الْمَيْتَةَ وَالدَّمَ وَلَحْمَ الْخِنزِيرِ وَمَا أُهِلَّ بِهِ لِغَيْرِ اللَّهِ ۖ فَمَنِ اضْطُرَّ غَيْرَ بَاغٍ وَلَا عَادٍ فَلَا إِثْمَ عَلَيْهِ ۚ إِنَّ اللَّهَ غَفُورٌ رَّحِيمٌ
అల్లాహ్‌ మీ కొరకు నిషేధించినవి ఇవే: చచ్చిన జంతువులు, (ప్రవహించిన) రక్తం, పందిమాంసం, ఇంకా అల్లాహ్‌ తప్ప ఇతరుల పేరు ఉచ్చరించబడినది. ఎవరయినా ఉద్దేశపూర్వకంగా కాకుండా, హద్దులను అతిక్రమించకుండా- గత్యంతరం లేని స్థితిలో – తింటే పాపం కాదు. నిస్సందేహంగా అల్లాహ్‌ క్షమించేవాడు, జాలి చూపేవాడు.

2:174 إِنَّ الَّذِينَ يَكْتُمُونَ مَا أَنزَلَ اللَّهُ مِنَ الْكِتَابِ وَيَشْتَرُونَ بِهِ ثَمَنًا قَلِيلًا ۙ أُولَٰئِكَ مَا يَأْكُلُونَ فِي بُطُونِهِمْ إِلَّا النَّارَ وَلَا يُكَلِّمُهُمُ اللَّهُ يَوْمَ الْقِيَامَةِ وَلَا يُزَكِّيهِمْ وَلَهُمْ عَذَابٌ أَلِيمٌ
అల్లాహ్‌ తన గ్రంథంలో అవతరింపజేసిన విషయాలను దాచేవారు, వాటిని కొద్దిపాటి ధరకు అమ్ముకునేవారు వాస్తవానికి తమ పొట్టలను అగ్నితో నింపుకుంటున్నారు. ప్రళయ దినాన అల్లాహ్‌ వారితో అస్సలు మాట్లాడడు. వారిని పరిశుద్ధపరచడు. పైపెచ్చు వారికి బాధాకరమైన శిక్ష కలదు.

2:175 أُولَٰئِكَ الَّذِينَ اشْتَرَوُا الضَّلَالَةَ بِالْهُدَىٰ وَالْعَذَابَ بِالْمَغْفِرَةِ ۚ فَمَا أَصْبَرَهُمْ عَلَى النَّارِ
అపమార్గాన్ని సన్మార్గానికి బదులుగా, శిక్షను క్షమాభిక్షకు బదులుగా కొనుక్కున్నవారు వీరే. వారు నరకాగ్నిని ఎలా భరిస్తారో?!

2:176 ذَٰلِكَ بِأَنَّ اللَّهَ نَزَّلَ الْكِتَابَ بِالْحَقِّ ۗ وَإِنَّ الَّذِينَ اخْتَلَفُوا فِي الْكِتَابِ لَفِي شِقَاقٍ بَعِيدٍ
ఇలా ఎందుకు జరిగిందంటే, అల్లాహ్‌ సత్యంతో కూడుకున్న గ్రంథాన్ని అవతరింపజేయగా, ఈ గ్రంథంతో విభేదించే వారు, తమ పెడసరి ధోరణిలో బహుదూరం వెళ్ళిపోయారు.

ఖురాన్ వ్యాఖ్యానం : అహ్సనుల్ బయాన్

దీన్ని షేర్ చెయ్యండి మీ బంధుమిత్రులతో , బారకల్లాహు ఫీకుమ్: “మంచికి మార్గనిర్దేశం చేసేవారికి దానిని ఆచరించిన వారితో సమానమైన పుణ్యం లభిస్తుంది” [సహీహ్ ముస్లిం, 3వ భాగం, నం .4665] ఈ క్రింది లింక్‌ దర్శించి మీ స్నేహితులు మరియు బంధువులు మా వాట్సాప్ గ్రూపులో చేరవచ్చు: teluguislam.net/whatsapp/. మా టెలిగ్రామ్ ఛానల్ https://t.me/teluguislam .మా యూట్యూబ్ ఛానల్: youtube.com/c/teluguislam . జిక్ర్ & దుఆల కోసం కొత్త వెబ్సైటు: telugudua.net

జకాత్ ఆదేశాలు [పుస్తకం & వీడియో పాఠాలు]

teluguislam.net చేమే 8, 2020జనవరి 27, 2023

జకాత్ (విధి దానం) ఆదేశాలు
[ఇక్కడ చదవండి లేదా డౌన్లోడ్ చేసుకోండి]
[PDF] [12 పేజీలు]

రచయిత : ముహమ్మద్ నసీరుద్దీన్ జామిఈ (హఫిజహుల్లాహ్)
Dawah and Foreigners Guidance Office, Zulfi, Saudi Arabia.

జకాత్ ఆదేశాలు (Fiqh of Zakat) – యూట్యూబ్ ప్లే లిస్ట్
https://www.youtube.com/playlist?list=PLw5IiDSnUeV1ojW-FuiGAt8MtqQ5Cssyt

విషయ సూచిక

జకాత్ అంటే ఏమిటి?
జకాత్ వల్ల కలిగే లాభాలు,మేళ్లు
జకాత్ ఏ వస్తువుల పై విధిగా ఉంది?
బంగారం, వెండి జకాత్
వ్యాపార సామాగ్రి యొక్క జకాత్
షేర్ల యొక్క జకాత్
భూ సంబంధ ఉత్పత్తులపై జకాత్
పశువుల జకాత్
ఒంటెల జకాత్
ఆవుల జకాత్
మేకల జకాత్
జకాత్ హక్కుదారులు

[పూర్తి పుస్తకం క్రింద చదవండి]

(ఇస్లామీయ పరిభాషలో జకాత్ అంటే: ^అల్లాహ్ యొక్క ఆరాధన ఉద్దేశ్యంతో, ^నిసాబ్ స్థాయికి చేరిన వ్యక్తి తన ^నిర్ణీత ధన, ధాన్యాలలో అర్హులైన ప్రజలకు చెల్లించవలసిన బాధ్యత).

జకాత్ ఇస్లాం మూల స్తంభాల్లో మూడవది. ఏ ముస్లిం అయితే జకాత్ యొక్క “నిసాబ్” (చెల్లించేవారి పరిధి)లోకి వస్తాడో అతనిపై జకాత్ విధిగా అవుతుంది. అల్లాహ్ ఆదేశం చదవండిః

నమాజు స్థాపించండి. జకాత్ ఇవ్వండి. (బఖర 2: 43).

జకాత్ ను ధర్మపరంగా విధిగావించడంలో అనేక లాభాలు, మేల్లున్నాయి. వాటిలో కొన్ని ఇవి:

1- ఆత్మశుద్ధి కలుగుతుంది. మనస్సులో నుండి దురాశ, పిసినారి తత్వాలు దూరమవుతాయి.
2- ముస్లిం భక్తుడు దాతృత్వం లాంటి సద్గుణ సంపన్నుడవుతాడు.
3- ధనవంతుని మరియు పేదవాని మధ్య ప్రేమ సంబంధాలు బలపడతాయి. ఎలా అనగా ఉపకారుని పట్ల ఆత్మ ఆకర్షితమవుతుంది మరియు ప్రేమిస్తుంది.
4- బీద ముస్లిముల అవసరాలు తీరుతాయి. వారు ఒకరి ముందు తమ చెయ్యి చాపకుండా ఉంటారు.
5- జకాత్ చెల్లించే మానవుడు పాపాల నుండి పరిశుద్ధుడు అవుతాడు. అంటే జకాత్ వల్ల అతని స్థానం ఉన్నతమై, అతని పాపాలు మన్నించ- బడతాయి.

ఏ వస్తువుల్లో జకాత్ విధిగా ఉంది

బంగారం, వెండి, వ్యాపార సామాగ్రి, పశుసంపద, పండిన పంటలు, ఫలాలు మరియు నిధినిక్షేపాలు.

బంగారం, వెండి జకాత్

బంగారం, వెండి ఏ రూపంలో ఉన్నా వాటిపై జకాత్ విధిగా ఉంది. నిసాబ్ స్థాయికి చేరిన వ్యక్తి పై మాత్రమే.

బంగారం “నిసాబ్”: 20 దీనారులు. ఈ నాటి లెక్క ప్రకారం 85 గ్రాములు.

వెండి “నిసాబ్”: 200 దిర్హములు. ఈ నాటి లెక్క ప్రకారం 595 గ్రాములు.

పై లెక్క ప్రకారం ఏ వ్యక్తి “నిసాబ్” స్థాయికి చేరుకున్నాడో, అది అతని వద్ద ఉండి సంవత్సరం పూర్తి అయిందో, అతను అందులో నుండి (2.5%) రెండున్నర శాతం జకాతుగా చెల్లించాలి.

వాటి జకాత్, డబ్బు రూపంలో ఇవ్వదలుచు- కున్న వ్యక్తి, అవి అతని ఆధినంలో వచ్చినప్పటి నుండి ఒక సంవత్సరం పూర్తయినప్పుడు మార్కెట్లో ఒక గ్రాము బంగారం లేదా వెండి యొక్క ధర ఎంత ఉందో తెలుసుకొని, తన వద్ద ఉన్న మొత్తం బంగారం లేదా వెండి మూల్యం ఎంతవుతుందో లెక్కగట్టి, అందులో నుండి రెండున్నర శాతం డబ్బు జకాతుగా ఇవ్వాలి. (మేము డబ్బు అని వ్రాసాము అయితే ఎవరు ఏ దేశంలో ఉన్నారో అక్కడ వారి కరెన్సీ పేరేముందో దాన్ని బట్టి వారు లెక్కించుకోవాలి).

దీని ఉదాహరణ: ఒక వ్యక్తి వద్ద 100 గ్రాముల బంగారం ఉంది అనుకుందాం. అతని వద్ద ఉండి సంవత్సరం పూర్తి అయింది కూడాను. అందుకు అతనిపై జకాత్ విధి అయింది. ఇక అతను రెండున్నర గ్రాముల బంగారం జకాతుగా ఇవ్వాలి. ఒకవేళ అతను దాని జకాత్ డబ్బు రూపంలో ఇవ్వదలుచుకుంటే, 100 గ్రాముల బంగారం ధర తెలుసుకోవాలి. (దాని ధర ప్రస్తుత భారత కరెన్సీ ప్రకారం ఒక లక్ష అని తెలిసిందనుకుందాం) అతను అందులో రెండున్నర శాతం జకాత్ ఇవ్వాలి. (అంటే (2,500) రెండు వేల అయిదు వందల రూపాలు). ఇదే విధంగా వెండి జకాతు ఇవ్వాలి.

ఇలాగే కరెన్సీలో కూడా “నిసాబ్” స్థాయికి చేరిన వ్యక్తిపై, అవి అతని వద్ద ఉండి సంవత్సరం గడిస్తే అతనిపై జకాతు విధి అవుతుంది. ఎవరి వద్ద 595 గ్రాముల వెండి ధరకు సమానమైన లేదా అంతకంటే ఎక్కువ కరెన్సీ ఉందో అతనిపై జకాత్ విధిగా ఉంది. అతను తన వద్ద ఉన్న మొత్తం డబ్బులో నుండి రెండున్నర శాతం జకాత్ గా ఇవ్వాలి.

ఏ ముస్లిం వద్ద డబ్బు ఉండి, సంవత్సరం దాటిందో అతను 595 గ్రాముల వెండి ధర తెలుసుకోవాలి, అతని వద్ద ఉన్న డబ్బు 595 గ్రాముల వెండి ధరకు చేరుకుంటే జకాత్ ఇవ్వాలి. ఒకవేళ అతని వద్ద ఉన్న డబ్బు దాని ధరకు తక్కువ ఉంటే అతనిపై జకాత్ విధిగా లేదు.

ఉదాహరణః ఒక వ్యక్తి వద్ద భారత కరెన్సీ ప్రకారం రూ. 80 వేలున్నాయనుకుందాం. అతని వద్ద ఉండి సంవత్సరం పూర్తి అయ్యింది కూడా. ప్రస్తుతం మార్కెట్లో 595 గ్రాముల వెండికి ఎంత ధర ఉందో తెలుసుకోవాలి. దాని ధర ఎనభై ఐదు వేలు అని తెలిస్తే అతనిపై జకాత్ విధిగా లేదు. ఎందుకనగా అతను “నిసాబ్” స్థాయికి చేరుకోలేదు. “నిసాబ్” స్థాయికి చేరుకోడానికి అతని వద్ద ఎనభై ఐదు వేల రూపాయిలుండాలి.

వ్యాపార సామాగ్రి యొక్క జకాత్

సంపద కలిగి, దానిని వ్యాపారంలో ఉపయో గించే ముస్లిం వర్తకునిపై ప్రతి సంవత్సరం జకాత్ విధిగా ఉంది. ఇది అల్లాహ్ ప్రసాదించిన అనుగ్రహానికి కృతజ్ఞత మరియు అతనిపై ఉన్న తన పేదసోదరుల హక్కు అని తను భావించాలి. లాభోద్దేశంతో క్రయవిక్రయించే ప్రతీ వస్తువు వ్యాపార సామాగ్రి అనబడుతుంది; భూములు, ఇండ్లు, స్థిరాస్థులు (real estate), పశువులు, తినుత్రాగు పదార్థాలు మరియు వాహనాలు వగైరా. అవి “నిసాబ్” స్థాయికి చేరి ఉండాలి. అంటే పైన తెలిపిన 595 గ్రాముల వెండి ధరకు సమానంగా లేదా అంతకుమించి ఉండాలి. ఆ మొత్తంలో నుండి 2.5% (రెండున్నర శాతం) జకాతుగా ఇవ్వాలి.

ఉదాహరణ: ఒక వ్యక్తి వద్ద ఒక లక్ష రూపాయల విలువ గల వ్యాపార సామాగ్రి ఉంటే, అందులో నుండి రూ. 2500/- జకాత్ చెల్లించాలి. వ్యాపారస్తులు ప్రతి సంవత్సరపు ఆరంభంలో తమ వద్ద ఉన్న మొత్తం సరుకును లెక్కించుకొని జకాత్ చెల్లించాలి. ఎవరైనా వ్యాపారి సంవత్సరం పూర్తి అగుటకు పది రోజుల ముందు ఏదైనా సరుకు కొనుగోళు జేస్తే దాని జకాత్ కూడా ముందు నుండే ఉన్న సరుకుతో కలపివ్వాలి. వ్యాపారం ప్రారంభించిన మొదటి రోజు సంవత్సరం యొక్క ఆరంభమగును. ఇలా ప్రతి సంవత్సరం జకాత్ చెల్లించాలి.

పశుశాలలో లేదా ఇంటి వద్ద ఉంచి మేత ఇవ్వబడే పశువులు వ్యాపారం కోసం పెంచితే వాటి మీద జకాత్ విధి అవుతుంది. అవి పశువుల “నిసాబ్” స్థాయికి చేరుకున్నా, చేరుకోకపోయినా వాణిజ్య సరుకులాగా దాని వెల “నిసాబ్” స్థాయికి చేరుకుంటే అందులో నుండి జకాత్ చెల్లించాలి.

షేర్స్ యొక్క జకాత్

రియల్ ఎస్టేట్ (Real estate) తదితర రంగాల్లో షేర్స్ ఈ రోజుల్లో సర్వసాధనం అయ్యింది. (ధర్మసమ్మతమైన షేర్స్ కొనుట, అమ్ముట ఆమోదయోగ్యమే. కాని ధర్మసమ్మతం కాని వాటిలో ముస్లిం పాల్గొనుట ఎంత మాత్రం యోగ్యం కాదు). అందులో డిపాజిట్ చేసి ఉన్న డబ్బు కొద్ది సంవత్సరాల్లో పెరగవచ్చు లేదా తరగనూవచ్చు. షేర్స్ లో ఉన్న డబ్బుపై జకాత్ ఉంది. ఎందుకనగా అది కూడా వాణిజ్య సరుకు లాంటిదే. షేర్స్ లో పాల్గొన్న ప్రతి ముస్లిం ప్రతి సంవత్సరం తన షేర్స్ ధర చూస్తూ ఉండాలి. ‘నిసాబ్” స్థాయికి చేరి ఉంటే జకాత్ చెల్లిస్తూ ఉండాలి.

భూ సంబంధ ఉత్పత్తులపై జకాత్

నిల్వ మరియు తూకము చేయుగల ఖర్జూరం, ఎండిన ద్రాక్ష, గోధుమ, జొన్న, బియ్యం లాంటి ఆహారధాన్యాల, ఫలాలపై జకాత్ విధిగా ఉంది. కాని నిల్వ చేయలేని తాజా పండ్లు, కూరగాయలపై జకాత్ విధిగా లేదు. పై వాటిలో జకాత్ విధి కావడానికి అవి “నిసాబ్” స్థాయికి చేరి ఉండాలి. వాటి నిసాబ్ 612 కిలోలు. వాటిపై ఒక సంవత్సరం గడవాలన్న నిబంధన లేదు. కోతకు వచ్చినప్పుడు వాటిలో నుండి ఈ క్రింది పద్ధతిలో జకాత్ చెల్లించాలిః

ప్రకృతి పరమైన వర్షాలు, నదుల మూలంగా పండిన పంటల్లో పదవ వంతు జకాత్ చెల్లించాలి. కృత్రిమ కాలువలు, బావుల మూలంగా పండిన పంటల్లో ఇరవయ్యో వంతు జకాత్ చెల్లించాలి.

ఉదా: ఒక వ్యక్తి తన భూమిలో గోధుమ విత్తనం వేశాడు. అతనికి 800 కిలోల పంట పండింది. ఇప్పుడు అతనిపై జకాత్ విధిగా ఉంది. ఎందుకనగా దీని నిసాబ్ 612 కిలోలు, అయితే దీనికంటే ఎక్కువగా పండింది. ఇక ఆ పంట వర్షంతో పండితే అందులో పదో వంతు అంటే 80 కిలోల జకాత్ చెల్లించాలి. ఒకవేళ కృత్రిమ కాలువల, బావుల ఆధారంగా పండితే అందులో ఇరవయ్యో వంతు అంటే 40 కిలోలు జకాత్ చెల్లించాలి.

పశువుల జకాత్

ఇక్కడ పశువులు అంటే: ఆవు, మేక, గొర్రె మరియు ఒంటె లని భావం. వీటి జకాతు కొరకు ఈ క్రింది నిబంధనలు వర్తిస్తాయిః

1- “నిసాబ్” స్థాయికి చేరి ఉండాలి. ఒంటెల నిసాబ్ 5. మేకలు, గొర్రెల నిసాబ్ 40. ఆవుల నిసాబ్ 30. వీటికన్నా తక్కువ ఉంటే జకాత్ లేదు.
2- వాటి యజమాని వద్ద అవి సంవత్సరమెల్లా ఉండాలి.
3- అవి ‘సాయిమా’ అయి ఉండాలి. అనగా సంవత్సరంలో అధిక శాతం పచ్చిక మైదానాల్లో మేసేవి అయి ఉండాలి. శాలలో ఒక చోట ఉండి తమ ఆహారం తినునవి, లేదా వాటి యజమాని వాటి కొరకు మేత ఖరీదు చేసి, లేదా నిల్వ చేసి ఉంచేవాడైతే వాటిలో జకాత్ లేదు.
4- రవాణ సాధనంగా లేదా వ్యవసాయ పరంగా పని చేయునవై ఉండకూడదు.

ఒంటెల జకాత్

ఒంటెల జకాత్ యొక్క నిసాబ్ 5 ఒంటెలు. ఏ ముస్లిం వ్యక్తి “నిసాబ్“ స్థాయికి చేరాడో, అవి అతని వద్ద ఉండి సంవత్సరం పూర్తయిందో అతను ఈ విధంగా జకాత్ చెల్లించాలి.

5 నుండి 9 వరకూ ఉంటే 1 మేక.
10 నుండి 14 వరకూ ఉంటే రెండు మేకలు.
15 నుండి 19 వరకూ ఉంటే మూడు మేకలు.
20 నుండి 24 వరకూ ఉంటే నాలుగు మేకలు.
25 నుండి 35 వరకూ ఉంటే ఏడాది వయసున్న ఒక ఆడ ఒంటె. అది గనక లేకుంటే రెండేళ్ళ ఒక మగ ఒంటె.
36 నుండి 45 వరకూ ఉంటే రెండేళ్ళ ఒక ఆడ ఒంటె.
46 నుండి 60 వరకూ ఉంటే మూడేళ్ళ ఒక ఆడ ఒంటె.
61 నుండి 75 వరకూ ఉంటే నాలుగేళ్ళ ఒక ఆడ ఒంటె.
76 నుండి 90 వరకుంటే రెండేళ్ళ రెండు ఆడ ఒంటెలు.
91 నుండి 120 వరకుంటే మూడెళ్ళ రెండు ఆడ ఒంటెలు.
120 ఒంటెలకు మించిపోతే ప్రతి నలభై ఒంటెలపై రెండేళ్ళ ఒక ఆడ ఒంటె. ప్రతి 50 ఒంటెలపై మూడేళ్ళ ఒక ఆడ ఒంటె.

ఇదే లెక్క క్రింది టేబల్ ద్వారా వివరించబడిందిః

సంఖ్య		జకాత్
నుండి	వరకు
5	9	1 మేక
10	14	2 మేకలు
15	19	3 మేకలు
20	24	4 మేకలు
25	35	ఏడాది ఆడ ఒంటె. అది లేకుంటే 2 ఏళ్ళ మగ ఒంటె
36	45	2 ఏళ్ళ 1 ఆడ ఒంటె
46	60	3 ఏళ్ళ 1 ఆడ ఒంటె
61	75	4 ఏళ్ళ 1 ఆడ ఒంటె
76	90	2 ఏళ్ళ 2 ఆడ ఒంటెలు
91	120	3 ఏళ్ళ 2 ఆడ ఒంటెలు

ఆవుల జకాత్

(ఆవులు, ఎద్దులు ఈ రెండింటి లెక్క ఒకటే. 1 నుండి 29 వరకుంటే జకాత్ లేదు). ఏ వ్యక్తి ఆధీనంలో 30 నుండి 39 వరకూ ఉన్నాయో (వాటిపై సంవత్సరం గడిచిందో) అందులో ఏడాది వయస్సుగల ఒక ఆడ లేదా మగ దూడను జకాత్ గా ఇవ్వాలి.

40 నుండి 59 వరకూ ఉంటే రెండేళ్ళ దూడ.
60 నుండి 69 వరకూ ఉంటే ఏడాది వయస్సు గల రెండు దూడలు.
70 నుండి 79 వరకూ ఉంటే ఏడాది వయసుగల 1 దూడ, రెండేళ్ళ వయస్సుగల మరొక దూడ.
ఆ తరువాత వాటి సంఖ్య ఎంత పెరిగినా ప్రతి 30లో ఏడాది వయస్సుగల ఒక దూడ, ప్రతి 40లో రెండేళ్ళ వయస్సుగల ఒక దూడ జకాత్ గా ఇవ్వాలి.

దీనినే క్రింది టేబల్ ద్వారా తెలుసుకొండి:

సంఖ్య		జకాత్
నుండి	వరకు
30	39	ఒక ఆడ లేదా మగ దూడ
40	59	రెండేళ్ళ దూడ
60	69	ఏడాది వయస్సు గల రెండు దూడలు
70	79	ఏడాది దూడ ఒకటి, రెండేళ్ళ దూడ మరొకటి

మేకల జకాత్

(మేకలు, గొర్రెలు, పొట్టేలు అన్నిటి నిసాబ్ ఒకటే. అవి 1 నుండి 39 వరకుంటే జకాత్ విధిగా లేదు). ఏ వ్యక్తి ఆధీనంలో 40 నుండి 120 వరకు మేకలున్నాయో అతను అందులో నుండి ఒక మేకను జకాత్ గా ఇవ్వాలి.

121 – 200 వరకూ ఉంటే రెండు ఆడ మేకలు.
201 – 399 వరకూ ఉంటే మూడు ఆడ మేకలు.
400 – 499 వరకూ ఉంటే నాలుగు ఆడ మేకలు.
500 – 599 వరకూ ఉంటే ఐదు ఆడ మేకలు.
ఆ తర్వాత వాటి సంఖ్య ఎంత పెరిగినా ప్రతి 100లో ఒక ఆడ మేకను జకాత్ గా ఇవ్వాలి.

సంఖ్య		జకాత్
నుండి	వరకు
40	120	1 ఆడ మేక
121	200	2 ఆడ మేకలు
201	399	3 ఆడ మేకలు
400	499	4 ఆడ మేకలు
500	599	5 ఆడ మేకలు

జకాత్ హక్కుదారులు

జకాత్ హక్కుదారులెవరనేది స్వయంగా అల్లాహ్ ఇలా తెలిపాడు:

ఈ జకాత్ నిధులు అసలు కేవలం నిరుపేదలకు, అక్కరలుతీరనివారికి, జకాత్ వ్యవహారాలకై నియుక్తులైన వారికీ, ఇంకా ఎవరి హృదయాలను గెలుచుకోవటం అవసరమో వారికీ, ఇంకా బానిసల విముక్తికీ, ఋణగ్రస్తుల సహాయానికీ, అల్లాహ్ మార్గంలోనూ, బాటసారులకూ వినియోగించటం కొరకు, ఇది అల్లాహ్ తరఫు నుండి నిర్ణయించబడిన ఒక విధి. అల్లాహ్ అన్నీ ఎరిగినవాడూ వివేకవంతుడూ. (తౌబా 9: 60).

పై ఆయతులో అల్లాహ్ ఎనిమిది రకాలు తెలిపాడు. వారిలో ప్రతి ఒక్కడు జకాత్ తీసుకునే అర్హతగలవాడు. ఇస్లాం ధర్మంలో జకాత్ సమాజములోని అర్హులకే ఇవ్వబడుతుంది. ఇతర ధర్మంలో ఉన్నట్లు కేవలం పండితులకివ్వబడదు. జకాత్ హక్కుదారులు వీరు:

1- నిరుపేద (ఫఖీర్) అంటే తనకు అవసరమయ్యే ఖర్చులో సగముకన్నా తక్కువ సంపాదించేవాడు.

2- అక్కరతీరనివాడు (మిస్కీన్) అంటే తనకు అవసరమయ్యే ఖర్చులో సగముకన్నా ఎక్కువ సంపాదించేవాడు, కానీ అది అతనికి సరిపడదు. అందుకు అతనికి సరిపడునంత కొన్ని నెలలు లేదా ఒక సంవత్సరం వరకు జకాత్ సొమ్ము ఇవ్వవచ్చును.

3- జకాత్ వసూలు చేసే ఉద్యోగి అంటే జకాత్ వసూలు చేయడానికి ముస్లిం అధికారి తరఫున నియమింపబడిన ఉద్యోగులు. వారు ధనికులై- నప్పటికీ, వారి పనికి తగ్గట్టు జీతంగా వారికి జకాత్ నుండి ఇవ్వవచ్చును.

4- హృదయాలు గెలుచుకొనుటకు అంటే అవిశ్వాసుల్లో తమ వంశం, గోత్రంలో నాయకులుగా ఉన్నవారు ఇస్లాంలో ప్రవేశించే ఆశ ఉన్నచో వారికి, లేదా వారి కీడు ముస్లింలకు కలగకుండా జకాత్ సొమ్ము ఖర్చు చేయవచ్చును. అలాగే కొత్తగా ఇస్లాం స్వీకరించినవారిలో వారి అవసరార్థం, వారు స్థిరంగా ఇస్లాంపై ఉండుటకు జకాత్ ధనం ఖర్చు చేయవచ్చును.

5- బానిసలను స్వతంత్రులుగా చెయ్యటానికి మరియు శత్రవుల నుంచి ముస్లిం ఖైదీలను విడిపించుటకు జకాత్ సొమ్ము ఖర్చు పెట్టవచ్చును.

6- ఋణగ్రస్తులు అంటే అప్పులపాలైనవారు. ఇలాంటి వారికి జకాత్ నుండి ఖర్చు చేయవచ్చును. కాని క్రింది షరతులు వారిలో ఉండాలి:

A: ముస్లిం అయి యుండాలి.
B: స్వయంగా చెల్లించగల ధనికుడు కాకూడదు.
C: ఆ అప్పు ఏ పాప కార్యానికో చేసి ఉండ కూడదు.
D: అది ఆ సమయంలోనే చెల్లించుట తప్పనిసరి అయి యుండాలి.

7- అల్లాహ్ మార్గంలో అంటే జీతం తీసుకోకుండా పుణ్యాపేక్షతో ధర్మయుద్ధం చేయు వీరులు, వారి స్వంత ఖర్చుల కొరకు, లేదా ఆయుధాలకు జకాత్ డబ్బు ఇవ్వచ్చును. జిహాదులో ధర్మవిద్య అభ్యసించడం కూడా వస్తుంది. ఎవరైనా విద్యభ్యాసనలో నిమగ్నులైనట్లయితే, అతని విద్యకు సరిపడు ఖర్చులు జకాత్ నుండి ఇవ్వవచ్చును.

8- బాటసారి అంటే ప్రయాణికుడు. స్వస్థలంలో ఎంత ధనికుడైనా సరే ప్రయాణంలో ఏదైనా ఆర్థిక ఇబ్బందులకు గురయితే అతను తన గ్రామం చేరుకొనుటకు సరిపడు ఖర్చులు జకాత్ నుండి ఇవ్వవచ్చును.

మస్జిదుల నిర్మణాలకు, దారులు సరి చేయడానికి జకాత్ సొమ్ము ఉపయోగించరాదు.

నోట్స్:

1- సముద్రం నుండి లభించే ముత్యాలు, పగడాలు మరియు చేపల్లో జకాత్ లేదు. వాణిజ్యసరుకుగా ఉన్నప్పుడు పైన తెలిపిన ప్రకారంగా జకాత్ చెల్లించాల్సి ఉంటుంది.

2- అద్దెకివ్వబడిన బిల్డింగులు, ఫ్యాక్టరీల పై జకాత్ లేదు. కాని వాటి నుండి పొందుతున్న పైకం “నిసాబ్“ స్థాయికి చేరుకొని, సంవత్సరం గడిస్తే అందులో జకాత్ విధిగా ఉంది.

ఇతర లింకులు: