కపట విశ్వాసి లక్షణాలు

37. హజ్రత్ అబ్దుల్లాబిన్ అమ్ర్ (రధి అల్లాహు అన్హు) కధనం:-

దైవప్రవక్త (సల్లల్లాహు అలైహి వసల్లం) ఈ విధంగా తెలిపారు – “కపట విశ్వాసిలో నాలుగు దుర్లక్షణాలు ఉంటాయి.

  1. భద్రపరచమని ఏదైనా వస్తువు అప్పగిస్తే దాని పట్ల అతను నమ్మక ద్రోహానికి పాల్పడతాడు.
  2. నోరు విప్పితే అబద్ధమే పలుకుతాడు.
  3. వాగ్దానం చేస్తే దాన్ని భంగపరుస్తాడు.
  4. ఎవరితోనైనా జగడం పెట్టుకుంటే దుర్భాషకు దిగుతాడు.

ఈ నాలుగు లక్షణాలు ఎవరిలోనైనా ఉంటే అతను పచ్చి కపట విశ్వాసిగా పరిగణించబడతాడు. ఒకవేళ ఈ నాలుగు లక్షణాలలో ఒక లక్షణం ఉంటే, దాన్ని విడనాడనంత వరకు అతనిలో కపట విశ్వానికి సంబంధించిన ఒక లక్షణం ఉన్నట్లే లెక్క.”

[సహీహ్ బుఖారీ : 2 వ ప్రకరణం – ఈమాన్, 24 వ అధ్యాయం – అలా మతుల్ మునాఫిఖ్]

విశ్వాస ప్రకరణం : 23 వ అధ్యాయం
మహా ప్రవక్త (సల్లల్లాహు అలైహి వసల్లం) మహితోక్తులు  (Al-Loolu Wal Marjan ) vol-2
సంకలనం: ముహమ్మద్ ఫవ్వాద్ అబ్దుల్ బాఖీ, తెలుగు అనువాదం: అబుల్ ఇర్ఫాన్