నిఖా హలాలా ధర్మపరమైనది కాదు [వీడియో]

బిస్మిల్లాహ్

వక్త: ముహమ్మద్ నసీరుద్దీన్ జామి’ఈ (హఫిజహుల్లాహ్)
ఫారెనర్స్ ఇస్లామిక్ గైడెన్స్ ఆఫీసు, జుల్ఫీ, సౌదీ అరేబియా

నిఖా హలాలా ధర్మపరమైనది కాదు (لَعَنَ اللهُ الْمُحَلِِّّلَ وَالْمُحَلََّّلَ لَهُ)

మన సమాజంలో హలాలా పేరు మీద విడాకులు పొందిన భార్యపై మహా అన్యాయం జరుగుతుంది. దాని వాస్తవం, ధర్మంలో దాని గురించి వచ్చిన ఆదేశాలు ఇందులో తెలుసుకోండి.

ఇక్కడ వినండి /డౌన్లోడ్ చేసుకోండి [6:57 నిమిషాలు]


హలాలా అంటే ఏమిటి!? హలాలా ధర్మ సమ్మతమేనా!?

ప్రపంచంలోనే అత్యంత వేగంగా వ్యాపిస్తున్న ధర్మం ఇస్లాం. ఇస్లాం ధర్మాన్ని అడ్డుకోవటానికి ముస్లిమేతరులు చేస్తున్న అసత్య ప్రచారాల్లో ఒకటి హలాలా! ఇంతకి ఈ ఎలక్ట్రానిక్ మిడియా ముస్లింలపై హలాలా విషయాన్ని ఎందుకు ప్రస్తావిస్తుందో తెలుసుకుందాము. ముస్లిమేతురుల అపోహాలు దూరం చేయడానికి ఈ చిన్న ప్రయత్నాన్ని అల్లాహ్ స్వికరించుగాక ఆమీన్.

హలాలా’ను అరబిక్ లో “తహలీల్” అని కూడా అంటారు. హలాలా రెండు రకాలు వుంది:

1) హలాలా ధర్మసమ్మతమైనది.
2) హలాలా ధర్మ నిషిద్దం మరియు బహుచెడ్డది, నీచమైనది, అధర్మమైనది, శపించబడినది.

తలాక్ అనే అంశంతో హలాలా అనేది ఇమిడి వుంది.

1) ధర్మ సమ్మతమైన హలాల అంటే: ఇస్లామీయ పద్దతిలో భర్త తన భార్యకు వేర్వేరు సందర్భాల్లో రెండు సార్లు విడాకులిచ్చిన తర్వాత ఏలాంటి హలాలా అవసరం లేకుండా తిరిగి భార్యగా ఉంచుకునే అనుమతి ఉంది. దీనికి సంబంధించిన పద్ధతి, నిర్ణిత గడువు, గడువు దాటితే ఏమి చేయాలి అన్న వివరాలు సూర బఖర, సూర నం. 2 ఆయతు 228, 229 మరియు 232లో చూడవచ్చు.

ఎప్పుడైతే భర్త మూడవసారి తలాక్ ఇస్తాడో ఆ తరువాత ఆ భార్య ఈ భర్తకు భార్యగా వుండదు. ఇది సూర బకర ఆయాతు 230 లో చెప్పబడింది.

మరి ఆమెకు (మూడవసారి) గనక విడాకులిస్తే, ఆ స్త్రీ ఇతనిని తప్ప వేరొక వ్యక్తిని వివాహం చేసుకోనంతవరకూ ఇతని కోసం ఆమె ధర్మసమ్మతం కాజాలదు. (సూర బఖర 2:230)

ఇస్లాం పరంగా వారిరువురు విడిపోయారు భార్య భర్తలుగా లేరు. ఇస్లాంలో ఈ విడాకులు తీసుకున్న భార్య, భర్తలు మళ్ళీ కలిసి బ్రతకాలి జీవించాలంటే ఒకే ఒక పద్దతి వున్నది. దానినే ధర్మపరమైన హలాలా అంటారు.

అదేమిటంటే: ఎవరైనా ఒక వ్యక్తి తన ఇష్టంతో, ధర్మపరంగా విడాకులు పొందిన ఈ స్త్రీని పెళ్ళి చేసుకున్నాడు. ఈ కొత్త దంపతుల ఇరువురీ ఉద్దేశం అల్లాహ్ దయతో కలిసి సంతోషంగా జీవించాలన్నదే. అలా జీవితం జరుగుతూ… వున్న సమయంలో ఆ రెండవ భర్త చనిపోయిన కారణంగానో.. లేక మరి ఏదైనా ఆటంకం వల్లనో.. జీవనం సాగడం ఇబ్బందికరంగా మారితే.. ఆ రెండవ భర్త కూడా ఇస్లామీయ పద్దతిలో మూడవసారి తలాక్ విడాకులు ఇచ్చేశాడు, లేదా ఆమె ఖులఅ తీసుకొని భర్తలేని జీవితం గడపుతుంది.

…ఇలా కొన్ని రోజుల తరువాత తన మొదటి భర్త కు తెలిసి తాను పెళ్ళి చేసుకుంటానని కబురు(వార్త) పంపితే ఆ స్త్రీ అతనితో వివాహానికి సిద్దమైతే మళ్ళీ కొత్తగా మహర్ ను చెల్లించి, కొత్తగా వివాహం చేసుకుంటాడు. దీనిని ఇస్లామీయ భాషలో ‘ధర్మసమ్మతమైన హలాలా’ అరబీలో తహలీల్ జాయిజ్ అంటారు. సూర బకర ఆయాత్ 230 లో దీని ప్రస్తావన వుంది.

మరి ఆమెకు (మూడవసారి) గనక విడాకులిస్తే, ఆ స్త్రీ ఇతనిని తప్ప వేరొక వ్యక్తిని వివాహం చేసుకోనంతవరకూ ఇతని కోసం ఆమె ధర్మసమ్మతం కాజాలదు. ఆ తరువాత అతను (రెండవ భర్త) కూడా ఆమెకు విడాకులిస్తే, మళ్ళీ వీరిద్దరూ అల్లాహ్‌ (విధించిన) హద్దులకు కట్టుబడి ఉండగలమన్న నమ్మకం ఉండి వివాహ బంధంలోకి రాదలిస్తే అందులో తప్పులేదు. ఇవి అల్లాహ్‌ విధించిన హద్దులు. తెలుసుకోగలవారికి ఆయన వీటిని స్పష్టపరుస్తున్నాడు. (సూర బఖర 2:230)

ఇలాంటి ఓ ప్రస్తావన హదీసులో స్పష్టంగా వచ్చి వుంది. సహీ బుఖారీ 5011, ముస్లిం 1433.

2) రెండవ హలాలా ధర్మ నిషిద్దం మరియు బహుచెడ్డది, నీచమైనది, అధర్మమైనది, శపించబడ్డది. అంటే ఈ రోజుల్లో కొందరూ ఒకేసారి ఒకే సంధర్బంలో ఒకటి కన్న ఎక్కువ సార్లు మూడు అంత కన్నా ఎక్కువ సార్లు తలాక్ తలాక్ తలాక్ అనేస్తారు. ఆ తరువాత భర్త పశ్చత్తాపపడతాడు. క్షణికావేశంలో, కోపావేశంలో చెప్పానని బాదపడతాడు. మరి వారి వారి పెద్దలు తలాక్ అయిపోయింది మీరు కలిసివుండలేరు. కలిసి బ్రతకకూడదని నిర్ణయిస్తారు.

మీరు మళ్ళీ కలిసి జీవించాలనుకుంటే ఒక రాత్రి గురించి లేదా రెండు మూడు రాత్రుల గురించి వేరే ఇతర పురుషుడు వివాహం చేసుకుంటే ఆమె అతనితో సంసారం గడిపిన తరువాత మళ్ళీ అతడు విడాకులు ఇస్తే అప్పుడు మొదటి భర్త మళ్ళీ వివాహం చేసుకోవచ్చు అని ప్రకటిస్తారు.

ఇక్కడ చూడడానికి ధర్మసమ్మతమైన హలాలా అదర్మమైన హలాలా రూపం ఒకటేగా కనిపిస్తుంది. కాని భూమ్యాకాశాల కంటే ఎక్కువ వ్యత్యాసం వాటి మధ్య ఉన్నది.

మొదటి రకంలో రెండవ భర్త ఎవరి ప్రమేయం లేకుండా, విడాకులు ఇచ్చే ఉద్దేశం లేకుండా, జీవితం గడిపే ఉద్దేశంతో వివాహం చేసుకుంటాడు కాని దురదృష్టవశాత్తు అతను చనిపోయినందుకు, ఏదైనా వైవాహిక జీవితంలో ఆటంకం వల్ల విడాకులు పొంది ఆ స్త్రీ ఒంటరిగా అయిపోయి, సమాజంపై భారమవకుండా ఉండడానికి మళ్ళీ మొదటి భర్త కొత్తగా వివాహం చేసుకోవచ్చు అని అనుమతి ఇవ్వడం జరిగినది.

కాని రెండవది అలా కాదు, ఇందులో అన్ని చెడులే చెడులున్నాయి. మొదటివాడు ఆవేశం తో తలాక్ ఇచ్చేశాడు, అదీ నిషిద్దం. ఒకటి కంటే ఎక్కువ సార్లు తలాక్ అని చెప్పాడు, అదీ నిషిద్దం. మరియు ఒకే సందర్బంలో ఒకే చోట ఒకటి కన్నా ఎక్కవ సార్లు తలాక్ చెప్పాడు, ఇదీ నిషిద్ధం. అది మూడు సార్లు తలాక్ అయింది అనుకోవడం జరుగుతుంది, ఇదీ తప్పు. భార్య విడిపోయిందని భావించటం, భార్యతో కలిసి జీవించలేను అనుకోవటం ఇది ఇస్లాంకు విరుద్దం.

దానిపై అమాయకురాలైన, ఏ తప్పు లేని భార్యను ఒకటి లేదా కొన్ని రాత్రుల కొరకు అక్రమంగా వేరేవాని పడకపై పడుకోడానికి ప్రేరేపిస్తూ దానికి హలాల అని పేరు ఇవ్వడం ఇదీ హరాం, తప్పుడు విధానం. ఈ విధంగా జరిపించబడే నికాహ్ అసలు నికాహ్ కానే కాదు. అదొక ప్రహసనం. దురద్దేశంతో కూడుకున్న చేష్ట, దైవాజ్ఞలతో చెలగాటం! ఇంకా సూటిగా చెప్పాలంటే అది వ్యభిచారం.

దుష్ట సంకల్పంతో ‘హలాలా’ చేయించినందున ఆ స్త్రీ తన మొదటి భర్త కోసం హలాల్ (ధర్మ సమ్మతం ) కాజాలదు!!

ఈ స్త్రీ ఏ తప్పు చేయకుండా పాపం తను వేరే పురుషునితో వివాహం చేసుకొని లైంగిక జీవనం చేయడం సమాగమం జరపటం ఎంత నీచమైన పని. అందుకే ప్రవక్త ముహమ్మద్ (సల్లల్లాహు అలైహి వ సల్లం) ఎంతో కఠినంగా దీనిని నిషేధించారు.

అబూదావూద్ హదీసులో ఇలా వుంది. ప్రవక్త ముహమ్మద్ సల్లల్లాహు అలైహి వసల్లం ఇలా ఉపదేశించారు: “హలాల చేసేవారు మరియు చేయించేవారు ఇరివురిని అల్లాహ్ శపించాడు.” (హదీసు అబూదావూద్: 2076# ఇమామ్ అల్బాని సహీహ్ అని చెప్పారు.)

తిర్మిజి, నిసాయి హదీసులో ఇలా వుంది: “హలాలా చేసేవారు, చేయించేవారిని ప్రవక్త ముహమ్మద్ సల్లల్లాహు అలైహి వసల్లం శపించారు.”

హదీస్ తిర్మిజి : 1120 సహీహ్, నిసాయి:3416, ఇబ్నె జారూద్: 684# షేఖ్ జుబేర్ అలీ జై రహ్మతుల్లాహి అలైహి గారు హసన్ గా ఖరారు చేశారు.

హలాలా చేసేవారు, చేయించేవారిని ప్రవక్త సల్లలాహు అలైహి వసల్లం ధూత్కరించారు.

అలాగే హజ్రత్ ఉమర్ బిన్ ఖత్తాబ్ రజియల్లాహు అన్హు గారిని మూడు తలాక్ ల విషయంలో దలీల్ గా చూపేవారు స్వయంగా ఉమర్ రజియల్లాహు అన్హు హలాల విషయంలో ఏమన్నారో తెలుసుకొని బుద్ధి తెచ్చుకోవాలి.

హజ్రత్ ఉమర్ రజియల్లాహు అన్హు ఇలా అన్నారు: “ఎవడు తన భార్యను హలాలా కోసం నికాహ్ చేయిస్తాడో వాస్తవానికి అతడు వ్యభిచారానికి పాల్పడుతున్నాడు. హలాల్ చేసేవాడు అతడు వివాహితుడైతే వ్యబిచారికి ఏ శిక్ష అయితే పడుతుందో అదే (రాళ్ళతో రువ్వి) మరణశిక్షను విధిస్తాను అని చెప్పారు“. (ముసన్నఫ్ ఇబ్నె అబి షైబా : 1/293)

హజ్రత్ ఉమర్ రజియల్లాహు అన్హు చెప్పారు: “హలాలా చేసేవాడు మరెవరి గురించైతే చేయడం జరుగుతుందో వారిద్దరిని “రజ్మ్” చేయిస్తాను. అంటే వివాహితుడైన వ్యభిచారిపై విధించబడే రాళ్ళతో కొట్టే శిక్ష.”

అలాగే నాలుగు మస్లక్ వారిలో మాలికీ, షాఫిఈ, హంబలీ మరియు హనపీ మసలక్ లోని అగ్ర నాయకులైన ఇమామ్ అబూ హనీపా (రహిమహుల్లాహ్) శిష్యుడు అబూ యూసుఫ్ గారు హలాలా గురించి ఇలా అన్నారు: “హలాలా అనేది అదర్మం, నీచము, తుచ్చము, అల్లకల్లోలము, సంక్షోభం.”


టెక్స్ట్ సంకలనం :సోదరుడు  సౌలద్దీన్ ఖాసీం
రివ్యూ చేసిన వారు: ముహమ్మద్ నసీరుద్దీన్ జామి’ఈ (హఫిజహుల్లాహ్)

 

తలాక్ (విడాకులు), దాని ఆదేశాలు – لطلاق وأحكامه [వీడియో]

బిస్మిల్లాహ్

Talaq (Divorce and it’s rulings)
వ్యవధి: 45:22 నిముషాలు 

తలాక్ (విడాకులు) కు సంబంధించిన ధర్మాదేశాలను క్లుప్తంగా తెలియజేస్తూ, దీని పట్ల ప్రజల్లో ప్రబలి ఉన్న తప్పుడు భావాలు, ఆచారాలను మృదువుగా ఖండించడం జరిగింది

వక్త: ముహమ్మద్ నసీరుద్దీన్ జామి’ఈ (హఫిజహుల్లాహ్)
ఫారెనర్స్ ఇస్లామిక్ గైడెన్స్ ఆఫీసు, జుల్ఫీ, సౌదీ అరేబియా

భార్య భర్తల పరస్పర హక్కులు [వీడియో]

వ్యవధి: 40 నిముషాలు 

వక్త: ముహమ్మద్ నసీరుద్దీన్ జామి’ఈ (హఫిజహుల్లాహ్)
ఫారెనర్స్ ఇస్లామిక్ గైడెన్స్ ఆఫీసు, జుల్ఫీ, సౌదీ అరేబియా

తలాఖ్(విడాకులు)కు ముందు ఇది తప్పనిసరి ( قبل أن تطلق) [వీడియో]

బిస్మిల్లాహ్

తలాక్ ముందు ఇస్లాం మనకు కొన్ని ఆదేశాలు పాటించాలని చెప్పింది, వాటిని ఆచరించడం తప్పనిసరి. వాటిని ఆచరించక ముందే విడాకులు చెెప్పడం మహా పాపం.

[వీడియో: 20 నిముషాలు]

వక్త: ముహమ్మద్ నసీరుద్దీన్ జామిఈ (హఫిజహుల్లాహ్)
Dawah and Foreigners Guidance Office, Zulfi, Saudi Arabia

బిస్మిల్లా హిర్రహ్మా నిర్రహీం

దాంపత్య జీవితం ఒక బలమైన ఒప్పందం. అల్లాహ్ స్వయంగా వారి మధ్యలో ప్రేమ నూరిపోశాడు. ఒకరి ద్వారా మరొకరికి సుఖశాంతులు కలగజేశాడు. (సూరా రూం 30:21). ఘోర పాపాల్లో ఒకటైన అబద్ధాన్ని అన్ని వేళల్లో నిషిద్ధపరచిన అల్లాహ్, దాంపత్య జీవితంలో రగులుతున్న జ్వాలల్ని ఆర్పడానికి దానిని యోగ్యపరచాడు. ఈ విధంగా రాస్తూ పోతే చాలా ఉంది, ఇలాంటి ప్రగాఢ ఒడంబడికను తెంచటం, తెంచుకోవటం, ఒకరికి మరొకరు శరీరంతో దుస్తులు అంటుకొనియున్నట్లుగా ఉన్నవారు వేరైపోవడం ఎంత బాధకర విషయం. దీని వల్ల స్వయం వారిద్దరికీ, సంతానం ఉంటే వారికీ, ఇరువైపుల కుటుంబాలకు మొత్తం సమాజానికే ఒక్క నష్టం ఏమిటి? ఎన్నో నష్టాలు వాటిల్లుతాయి. అందుకే వారిరువురిలో ఏదైనా బేధభావం ఏర్పడి, భర్త తన భార్యకు విడాకులు ఇవ్వాలనుకున్నప్పుడు ‘తలాక్’ అనడంలో త్వర పడకుండా ముందు ఈ క్రింది పద్ధతులు పాటించాలి.

1- అల్లాహ్ కు ఇష్టమైన రీతిలో దాంపత్య జీవితం ఎలా గడపాలో స్వయంగా భర్త ముందు నేర్చుకోవాలి, భార్యకు నేర్పే ప్రయత్నం చేయాలి.

2- భర్త తన భార్యలో లేదా భార్య తన భర్తలో తనకు నచ్చని ఏదైనా అలవాటు, లోటు చూసినప్పుడు వెడబాటుకు త్వరపడకుండా అల్లాహ్ మరియు ప్రవక్త ఈ ఆదేశాలను అర్థం చేసుకొని ఆచరించాలి:

وَعَاشِرُوهُنَّ بِالْمَعْرُوفِ ۚ فَإِن كَرِهْتُمُوهُنَّ فَعَسَىٰ أَن تَكْرَهُوا شَيْئًا وَيَجْعَلَ اللَّهُ فِيهِ خَيْرًا كَثِيرًا

“… వారితో ఉత్తమ రీతిలో కాపురం చేయండి. ఒకవేళ వారు మీకు నచ్చకపోతే, ఏదో ఒక్క విషయం మూలంగా మీకు నచ్చకపోవచ్చు. కాని మీకు నచ్చని ఆ విషయంలోనే అల్లాహ్ అపారమైన శుభాన్ని పొందుపరచాడేమో!” (నిసా 4:19).

ప్రవక్త (సల్లల్లాహు అలైహి వసల్లం) ఇలా ప్రవచించారు:

“ఏ విశ్వాసి కూడా తన విశ్వాసురాలైన భార్యను అసహ్యించుకోకూడదు/వదులు కోకూడదు. అతను ఆమెలోని ఏదైనా ఒక గుణం నచ్చకపోతే, అతనికి నచ్చిన మరో గుణం ఆమెలో ఉండవచ్చు”. (ముస్లిం 1469).

మరొక హదీసులో ఉంది:

నిస్సందేహంగా స్త్రీ ప్రక్కటెముకతో సృజించబడింది, అది ఏ విధంగానూ తిన్నగా కాదు, కనుక నీవు ఆమె నుండి ప్రయోజనం పొందాలనుకుంటే వంకరగా ఉన్నప్పుడు కూడా పొందగలవు. నీవు ఆమెను తిన్నగా చేయటానికి ప్రయత్నిస్తే ఆమెను విరగ్గొడతావు, ఆమెను విరగ్గొట్టటం అంటే ఆమెకు విడాకులివ్వటమే”. (ముస్లిం 1468, బుఖారి 3331).

3- ఓపిక సహనాలు ఎన్ని వహించినా, అవి పనికి రావు అనుకొని, విడాకులకే పరుగిడ కూడదు. అల్లాహ్ సూర నిసా (4:34) లో ఇచ్చిన ఈ మూడు ఆదేశాలను పాటించాలి:

وَاللَّاتِي تَخَافُونَ نُشُوزَهُنَّ فَعِظُوهُنَّ وَاهْجُرُوهُنَّ فِي الْمَضَاجِعِ وَاضْرِبُوهُنَّ

ఎప్పుడైతే మీ భార్యలు అవిధేయతకు పాల్పడతారని భయం చెందుతారో అప్పుడు మీరు వారికి నచ్చజెప్పండి, పడకలో వేరుగా ఉంచండి. వారిని (మెల్లగా) కొట్టండి. [సూర నిసా (4:34)]

అయితే ఈ మూడు పద్ధతులు ఒకేసారి కాకుండా క్రమంగా ఒకటి తరువాత ఒకటి ఉపయోగించాలి. ముందు ఖుర్ఆన్ ఆయతులు, ప్రవక్త హదీసుల, సహాబాల, పుణ్యాత్ముల చరిత్ర ద్వారా నచ్చజెప్పుతూ ఉండాలి. ఇలా ప్రయోజనం కానరాకుంటే పడకలో వేరు చేయాలి. అంటే ఆమెను ఆమె అమ్మగారింటికి పంపడం కాదు, తన వద్ద, తన ఇంట్లోనే ఉండనివ్వాలి, కాని ఒకే పడకపై ఆమెతో కలసి పడుకోకూడదు. ఇక కొట్టడం అంటే; దొరికింది అవకాశం అని ఎడాపెడా కొట్టడం కాదు. ప్రవక్త (సల్లల్లాహు అలైహి వసల్లం) చెప్పారు: ‘గైర ముబర్రహ్’ కొట్టడం అని. అయితే ఈ గైర ముబర్రహ్ అంటే ఏమిటి అన్న దానికి హజ్రత్ ఇబ్ను అబ్బాస్ (రజియల్లాహు అన్హు) చెప్పారు: ఎముక విరిగినట్లు కాదు, మిస్వాక్ (పళ్ళపుల్ల)తో కొట్టడం అని. హసన్ బస్రీ చెప్పారు: ఆ దెబ్బ వల్ల ఏలాంటి గుర్తు, వాపు, వాతలు రాకుండా ఉండాలి అని. (తఫ్సీర్ ఇబ్ను కసీర్).

4- భర్తలో ఏమైనా లోపాలుంటే భార్య నచ్చజెప్పాలి, స్వయం చెప్పలేకపోతే పెద్దలతో చెప్పించాలి. ఈ ఆయతు భావాన్ని శ్రద్ధగా చదవండి:

وَإِنِ امْرَأَةٌ خَافَتْ مِن بَعْلِهَا نُشُوزًا أَوْ إِعْرَاضًا فَلَا جُنَاحَ عَلَيْهِمَا أَن يُصْلِحَا بَيْنَهُمَا صُلْحًا ۚ وَالصُّلْحُ خَيْرٌ ۗ وَأُحْضِرَتِ الْأَنفُسُ الشُّحَّ ۚ وَإِن تُحْسِنُوا وَتَتَّقُوا فَإِنَّ اللَّهَ كَانَ بِمَا تَعْمَلُونَ خَبِيرًا

“భర్త తనను ఈసడించుకుంటాడనో లేక తనను పట్టించుకోడనో స్త్రీకి భయమున్నప్పుడు వారిద్దరూ పరస్పరం సర్దుబాటు చేసుకుంటే అందులో వారిరువురిపై ఏమాత్రం దోషం లేదు. సర్దుబాటు అనేది అన్నింటికన్నా మేలైనది. ‘పేరాశ’ అనేది ప్రతి ప్రాణిలోనూ పొందుపరచబడి ఉంది. ఒకవేళ మీరు ఔదార్యాన్ని చూపి, భయభక్తుల వైఖరిని అవలంబించినట్లయితే మీ ఈ వ్వవహారశైలి అల్లాహ్ కు బాగ తెలుసు అన్న నమ్మకం కలిగి ఉండండి”. (నిసా 4:128).

పై ఆయతు ప్రకారం ఆచరించే ప్రయత్నం చేసినా, దాంపత్య జీవితంలోని ప్రేమానురాగాలు పెరగనప్పుడు, దినదినానికి వారి మధ్య విభేదాలే ఎక్కువైనప్పుడు; ఇరువురి వైపున ఒక్కొక్క మధ్యవర్తినీ నియమించాలి, వారు న్యాయవంతులు, ధర్మావగాహన కలిగి ఉన్నవారు, అల్లాహ్ ప్రీతి కొరకు వీరిని కలిపే ప్రయత్నం చేసేవారై ఉండాలి. చదవండి అల్లాహ్ అదేశం:

وَإِنْ خِفْتُمْ شِقَاقَ بَيْنِهِمَا فَابْعَثُوا حَكَمًا مِّنْ أَهْلِهِ وَحَكَمًا مِّنْ أَهْلِهَا إِن يُرِيدَا إِصْلَاحًا يُوَفِّقِ اللَّهُ بَيْنَهُمَا ۗ إِنَّ اللَّهَ كَانَ عَلِيمًا خَبِيرًا

ఒకవేళ ఆలుమగల మధ్య విముఖత విరోధంగా మారే భయం మీకుంటే భర్త తరఫు నుంచి ఒక మధ్యవర్తినీ, భార్య వైపు నుంచి ఒక మధ్యవర్తినీ నియమించుకోండి. వారిద్దరూ గనక సర్దుబాటుకు ప్రయత్నం చేయదలిస్తే అల్లాహ్ ఆ దంపతుల మధ్య రాజీ కుదుర్చుతాడు. నిస్సందేహంగా అల్లాహ్ అన్నీ తెలిసినవాడు, సర్వం ఎరిగినవాడు“. (నిసా 4:35).

ఇలా ఆ ఇద్దరి మధ్యవర్తుల ప్రయత్నం వారిని కలపండలో ఫలిస్తే అల్ హందులిల్లాహ్! అదే కావలసింది, అదే వారు చెయ్యాల్సింది కూడా. కాని ఏదైనా కారణంగా వారి ప్రయత్నాలు ఫలించక, వారిరువురిలో ద్వేష జ్వాలలే రగులుతూ ఉంటే, వారు ఆ దంపతుల మధ్య ఎడబాటుయే మేలు అని భావించి విడాకుల (తలాక్)కు సలహా ఇచ్చినా పాపంలో పడరు. కాని అనవసరంగా, లేదా దంపతుల్లో ఎటైనా ఒకరి వైపు మ్రొగ్గు చూపి విడాకులకు సలహా ఇస్తే వారు షైతాన్ ను ప్రసన్నం చేసినవారవుతారు, వారితో షైతాన్ చాలా సంతోషిస్తాడు. (ముస్లిం 2813. ఈ పూర్తి హదీస్ చదవండి). ఇలాంటి వారి గురించి ప్రవక్త ఒక సందర్భంలో ఇలా తెలిపారు: “ఎవరైతే ఒక మనిషిని అతని భార్యకు వ్యతిరేకంగా పురికోల్పుతాడో అతడు మాలోని వాడు కాదు”. (అబూ దావూద్ 5170). మరియు వారి మాయమాటలలో పడి, తెలిసి కూడా అన్యాయంగా, అనవసరంగా విడాకులిచ్చే భర్త, లేదా విడాకులు కోరే భార్య ఎంత ఘోరమైన పాపానికి ఒడిగడతారో ప్రవక్తగారి ఈ హదీసుల ద్వారా తెలుసుకోండి!

అల్లాహ్ వద్ద ఘోర పాపాల్లో ఒకటి: మనిషి ఒక స్త్రీతో వివాహమాడి, ఆమెతో కాపురం చేసి, ఆ తర్వాత ఆమెకు విడాకులిచ్చి ఆమె మహర్ కూడా కాజేయడం”. (హాకిం 2743, సహీహా 999).

ఏ భార్య తన భర్తతో అనవసరంగా విడాకులు కోరుతుందో ఆమె స్వర్గ సువాసనను కూడా నోచుకోదు”. (అబూదావూద్ 2226, తిర్మిజి 1187).

కూర్పు: ముహమ్మద్ నసీరుద్దీన్ జామిఈ.

ఇతరములు:

మూడు విడాకులు (తలాఖ్ లు) ఒక్కటేనా (هل الطلاق الثلاث واحد؟)

బిస్మిల్లాహ్

ఒకే సమయం, సందర్భంలో ఇచ్చిన మూడు విడాకులు మూడు అవుతాయని చాలా మంది అనుకుంటారు, వాస్తవమేమిటంటే అవి ఒకటిగానే లెక్కించబడతాయి. దీని ఆధారాలు ఈ వీడియోలో తెలుసుకోండి.

[6 నిమిషాల వీడియో]

వక్త: ముహమ్మద్ నసీరుద్దీన్ జామిఈ (హఫిజహుల్లాహ్) 
Dawah and Foreigners Guidance Office, Zulfi, Saudi Arabia

%d bloggers like this: