ఈద్ (పండుగల) నమాజు

బిస్మిల్లాహ్

ఈద్ పండుగల నమాజు :

రమజాన్‌ మరియు బక్రీద్‌ పండుగల నమాజు విధిగా నిర్ణయించబడింది. నిశ్చయంగా ప్రవక్త ముహమ్మద్‌ (సల్లల్లాహు అలైహి వసల్లం) ప్రతి పండుగ రోజున నమాజు చేసేవారు. స్త్రీ పురుషులు ప్రతి ఒక్కరికీ  పండుగ నమాజు వాజిబు.

పండుగ రోజు స్నానం చేయడం మన శక్తిని బట్టి మంచి దుస్తులు ధరించడం సున్నతుగా భావించడం జరిగింది. ప్రవక్త ముహమ్మద్‌ (సల్లల్లాహు అలైహి వసల్లం) తెల్ల దుస్తులు ధరించేవారు. తెల్ల దుస్తులంటే చాలా ఇష్టపడేవారు. మరియు సువాసనలో అన్నిటికంటే మంచి సువాసన పూసుకునేవారు. అలాగే యమని అబాయా తొడిగేవారు” (తబ్రాని).

రమజాన్‌ పండుగ నమాజుకు బయలుదేరక ముందు అల్పాహారం చేయడం సున్నతు. బక్రీద్‌ పండుగ నమాజు తరువాత అల్పాహారం చేయడం సున్నతు. (సహీహుల్‌ జామీ :4845, ఇబ్నుమాజా)

బక్రీద్‌ పండుగ నమాజుకు, రమజాన్‌ పండుగ నమాజుకు బయలు దేరేటప్పుడు బిగ్గరగా తక్బీర్ చెబుతూ ఈద్‌గాహ్‌ చేరుకోవాలి.

అరఫా రోజు ఫజర్‌ నమాజు నుండి అయ్యాముత్‌ తష్‌రీఖ్‌ (బక్రీద్‌ నెల 9,10,11,12,13) రోజుల్లో తక్బీర్ పదాలు పఠిస్తూ ఉండాలి.

అల్లాహు అక్బర్‌, అల్లాహు అక్బర్‌, అల్లాహు అక్బర్‌, లా ఇలాహ ఇల్లల్లాహు అల్లాహ్‌ అక్బర్‌, అల్లాహు అక్బర్‌ వ లిల్లాహిల్‌హమ్ద్”. అలాగే బక్రీద్‌ నాలుగు (10,11,12,139) రోజులలో ఖుర్చాని ఇవ్వవచ్చును.

(సహీహుల్‌ జామీ  :5004, ఇర్వావుల్‌ గలీల్‌:654).

బక్రీద్‌ పండుగ రోజు తరువాత మూడు రోజులు ఖుర్బానీ చెయ్యవచ్చును. కాని పండుగ (జుల్‌హజ్‌10వ) రోజు ఖుర్బానీ చెయ్యడం ఉత్తమమైనది.

అయ్యాముత్‌ తష్‌రిఖ్‌ అంటే జిల్‌హజ్‌ నెల 11,12,13, రోజులు ఖుర్బానీ రోజులే. జిల్‌హజ్‌ 13వ రోజు సూర్యాసమయం వరకూ ఖుర్బానీ చెయ్యవచ్చును.

ఖుర్చానీ ఇవ్వదలుచుకున్నవారు తమ చేతులతోనే ఖుర్బానీ జంతువును జబహ్‌ చెయ్యడం మంచిది. అలాగే స్త్రీలు కూడా తమ ఖుర్బానీ జంతువును జబహ్‌ చెయ్యవచ్చును. లేక ఇతరుల ద్వారా జబహ్‌ చెయ్యించడం కూడా ధర్మమే.

పండుగ నమాజు తరువాత ఒక మంచి ధారుగల కత్తిని తీసుకొని “ఖుర్బానీ దుఆ” పఠించి జంతువును జబహ్‌ చేయాలి. తరువాత ఆ మాంసాన్ని మూడు భాగాలుగా చేసి ఒక భాగాన్ని బీదవారికి, మరొక భాగాన్ని బంధువులకు పంచాలి. మూడవ భాగాన్ని తమ సొంతానికై ఉంచుకోవాలి.

ఖుర్బానీ దుఆ:

ఇన్నీ వజ్జహతు వజ్‌హియ లిల్లజీ ఫతరస్‌ సమావాతి వల్‌ అర్జ, హనీఫఃవ్‌ వమా అనా మినల్‌ ముష్‌రికీన్‌, ఇన్న సలాతి వ నుసుకీ వ మహ్‌యా వమమాతీ లిల్లాహి రబ్బిల్‌ ఆలమీన్‌, లా షరీక లహూ వ బిజాలిక ఉమిర్‌తు వ అన అవ్వలుల్‌ ముస్లీమీన్‌. అల్లాహుమ్మ మిన్‌క వ లక అన్‌ ……” ఖుర్బానీ ఎవరిపేరుతో ఇవ్వబడుతుందో వారి పేరు పేర్కొని “బిస్మిల్లాహి అల్లాహు అక్బర్‌” అని జబహ్‌ చెయ్యాలి.

రమజాన్‌ పండుగ నమాజుకు బయలదేరక ముందు ‘ఫిత్రా దానం చెల్లించాలి. బక్రీద్‌ పండుగ నమాజుకు తరువాత ఖుర్బానీ ఇవ్వాలి. (బుఖారి, ముస్లిం)

ఫిత్రా దానం చెల్లించే స్తోమత కలిగిన ప్రతి ముస్లిం విధిగా ఫిత్రా దానం చెల్లించాలి. ఇంట్లో ఉన్నవారి ప్రతి వ్యక్తికి బదులు ఒక ‘సా’ (2.500 కి.) హిజాజి ధాన్యాలు (బియ్యం లేక గోదుమలు లేదా మనం నిరంతరాయంగా వాడుకునే ధాన్యం) దానంగా ఇవ్వాలి. (అహ్మద్‌)

ముస్లిం సమాజానికి చెందిన బీదవారికి మాత్రమే ఫిత్రా దానం ఇవ్వాలి. అది ధాన్యం రూపంలో దానం చెయ్యడం ఉత్తమమైన ఆచారం.

హజ్రత్‌ అబూ సయీద్‌ ఖుద్రి;ఈ కథనం; ప్రవక్త ముహమ్మద్‌ (సల్లల్లాహు అలైహి వసల్లం) గారు: “ప్రతి పండుగ నమాజు ఆచరించుటకై ఈద్‌గాహ్‌ వెళ్ళేవారు” (బుఖారి, ముస్లిం).

హజ్రత్‌ అబ్దుల్లాహ్‌ బిన్‌ ఉమర్‌ (రధి అల్లాహు అన్హు) ఉల్లేఖించారు: “ప్రవక్త ముహమ్మద్‌ (సల్లల్లాహు అలైహి వసల్లం) పండుగ నమాజుకు కాలి నడన వెళ్ళేవారు” (సహీహుల్‌ జామీ :4710).

ప్రవక్త ముహమ్మద్‌: ఈద్‌గాహ్‌కు చిన్నారి పాపలను, యువతులను, వయసు మీరిన స్త్రీలను మరియు ఎవరి దగ్గరనైతే దౌని (స్కార్ఫ్) లేదో, వారు తమ సహోదరి వద్దనుండి దౌని తీసుకొని ఈద్‌గాహ్‌ పోవాలని ఆజ్ఞాపించారు. దీని ఉద్దేశ్యం ఏమంటే, స్త్రీలుకూడా ముస్లిం సమూహంలో వారి దుఆ పొందగలరని. దీనికి ఆధారంగా ఒక హదిసులో ఉమ్మే అతియ్యా ఈ ఉల్లేఖించారు: “పురిటి స్త్రీలు, బహిష్టు స్త్రీలు, పరదాలో ఉన్న మహిళలు నమాజ్‌ నెరవేర్చుటకై ఈద్‌గాహ్‌ పోవాలని, ముస్లిం పురుషులతో పాటు దుఆలో పాల్గొనాలనీ మాకు ఆజ్ఞాపించారు. కాని బహిష్టు స్త్రీలు మాత్రం నమాజు నుండి తప్పుకోవాలనీ ఆదేశించారు” (బుఖారి, ముస్లిం).

పండుగ నమాజుకు ముందు ఎలాంటి నఫిల్‌ నమాజు నెరవేర్చకూడదు.హజ్రత్ అబూ సయీద్‌ ఖుద్రి (రధి అల్లాహు అన్హు) ఉల్లేఖించారు: ప్రవక్త ముహమ్మద్‌ (సల్లల్లాహు అలైహి వసల్లం) పండుగ నమాజుకు ముందు (నఫిల్‌) నమాజు నెరవేర్చలేదు. కాని పండుగ నమాజు తరువాత ఇంటికి వచ్చి రెండు రకాతులు (నఫిల్‌) చదివేవారు. (బుఖారి, ముస్లిం)

పండుగ నమాజాకై అజాన్‌ లేక ఇఖామత్‌ చెప్పకూడదు. హజత్‌ జాబిర్‌ బిన్‌ సముర (రధి అల్లాహు అన్హు) కథనం: “నేను ప్రవక్త ముహమ్మద్‌ (సల్లల్లాహు అలైహి వసల్లం) గారితో పండుగ నమాజు ఒకసారి రెండుసార్లు కాదు ఎన్నోసార్లు అజాన్‌ మరియు ఇఖామత్‌ లేకుండానే చదివాను.” (ముస్లిం)

పండుగల నమాజు సమయం: హజ్రత్‌ జున్దుబ్‌-ఈ కథనం ప్రకారం: “ప్రవక్త ముహమ్మద్‌ (సల్లల్లాహు అలైహి వసల్లం) సూర్యుడు ఉదయించిన తరువాత ఈటె నీడ దాని ఎత్తుకు రెండింతలు అయిన తరువాత రమజాన్‌ నమాజు చదివేవారు. మరియు సూర్యుడు ఉదయించిన తరువాత ఈటె నీడ దాని ఎత్తుకు సమానంగా అయిన తరువాత బక్రీద్‌ నమాజు చదివేవారు”

ఇమామ్‌ షౌకానీ (రహిమహుల్లాహ్ అలైహి) గారు ఇలా తెలియజేసారు. “ఈ హదీసు పండుగ నమాజు సమయాల హదిసులలో చాలా ప్రామాణికమైన హదీస్‌గా భావించారు” (ఫిఖ్‌హుస్‌ సున్నా:1/279).

[అరబ్‌ దేశాలలో ఈద్‌ నమాజ్‌ సున్నత్‌ సమయం ప్రకారం నెరవేర్చుచున్నారు. కాని మన దేశాలలో ఈద్‌ నమాజ్‌ చాలా ఆలస్యంగా నెరవేర్చే అలవాటుకు గురికాబడ్డారు. ఇది ఎంత మాత్రం సున్నత్‌ పద్దతి కాదు.]

పండుగ రోజు పిల్లలు దఫ్‌ వాయించి ధర్మ పద్దతిలో మంచి గీతాలు మరియు ఇతర ఆటలతో ఖుషీ చేయవచ్చును. (బుఖారీ)

పండుగల రోజు ఇతరులతో కలసినప్పుడు “తఖబ్బలల్లాహు మిన్నా వ మిన్కా” అని చెప్పవలెను. (మా పుణ్యాలు మీ పుణ్య కార్యాలను అల్లాహ్‌ స్వీకరించుగాక) (తమాముల్‌ మిన్నా లిల్‌ అల్బాని:1/ 356)

పండుగల నమాజ్‌ ఆచరించే విధానము:

1) కాబతుల్లాహ్‌ దిశకు తిరిగి నిలబడాలి.

2) నమాజు కొరకై నియ్యత్‌ మనసులో అనుకోవాలి.

3)తరువాత పంక్తుల్ని తిన్నగా ఉంచుకోవాలి. పోత పోసిన సీసపు గోడ మాదిరిగా కలిసి నిలబడాలి. (బుఖారి, ముస్లిం)

4) తక్సీర్‌ (అల్లాహు అక్బర్‌) చెప్పినప్పుడు చెవుల వరకు చేతులను ఎత్తాలి. (ముస్లిం) చెవులను తాకవలసిన అక్కర లేదు. ఆ తరువాత కుడి చేతితో ఎడమ చెయ్యి మణికట్టుని పట్టుకొని రెండు చేతులను రొమ్ముపై (ఛాతిఫై) ఉంచాలి. (నసాయి, సహీహ్‌ సిఫతుస్‌ సలాతున్‌ నబి, అల్‌ అల్పానీ రహిమహుల్లాహ్ | పేజీ: 88)

5) చూపులను సజ్డా స్థలంసై ఉంచాలి. (బైహఖి, సహీహ్‌ సిఫతుస్‌ సలాతున్‌ నబి, లిల్‌ అల్బానీ రహిమహుల్లాహ్ | పేజీ నెంబరు: 88)

6) తరువాత నమాజు ఆరంభానికై (సున్నతుగా) ఒక దుఆ చదవాలి.

సుబ్‌హాన కల్లాహుమ్మ వబిహమ్‌దిక వతబార కస్‌ముక, వతఆలా జద్దుక వలా ఇలాహ గైరుక”” (అబూదావూద్‌, సహీహ్‌ సిఫతుస్‌ సలాతున్‌ నబి, లిల్‌ అల్బానీ రహిమహుల్లాహ్ పేజీ నెంబరు: 93)

7) తరువాత 7 సార్లు తక్బీర్లు  (అల్లాహు అక్బర్‌ )నిదానంగా చెప్పాలి. (తిర్మిజి, అబూదావూద్‌)

ప్రతి తక్బీర్ కు చేతులను భూజాల వరకు లేక చెవుల వరకు ఎత్తాలి.

8) తరువాత ఇమామ్‌ బిగ్గరగా సూరతుల్‌ ఫాతిహా చదవాలి. ఇమామ్‌ వెనుక ఉన్నవారు (ముఖ్తదీలు) మెల్లగా చదవాలి. ఆ తరువాత ఇమామ్‌ వేరొక సూరా చదవాలి. ఇమామ్‌ వెనుక ఉన్నవారు నిశబ్దంగా వినాలి. సూరతుల్‌ ఫాతిహా మినహా ఇతర సూరాలు ముఖ్తదీలు చదవకూడదు.

9) తరువాత రుకూ సజ్దాలు చేసి రెండవ రకాతుకై అల్లాహు అక్బర్‌ అని నిలబడి సూరాలు పఠించక ముందు ఐదు సార్లు తక్బీర్లు  నిదానంగా చెప్పి ప్రతి తక్బీర్ కు చేతులను భుజాల వరకు లేక చెవుల వరకు ఎత్తి ఛాతిపై కట్టుకోవాలి. ( అబూదావూద్‌)

10) పండుగ నమాజు మొదటి రకాతులో ఫాతిహా సూరా చదివిన తరువాత “ఖాఫ్‌ వల్‌ ఖుర్‌ఆనిల్‌ మజీద్‌) సూరా మరియు రెండవ రకాతులో ఫాతిహా సూరా చదివిన తరువాత “ఇఖ్బరబతిస్‌ సాఅతు వన్‌ షఖ్బల్‌ ఖమర్‌” సూరా చదవాలి. (ముస్లిం)

లేక పండుగ నమాజు మొదటి రకాతులో ఫాతిహా సూరా చదివిన తరువాత “సబ్బిహిస్మ రబ్బికల్‌ ఆలా” సూరా మరియు రెండవ రకాతులో ఫాతిహా సూరా చదివిన తరువాత “హల్‌ అతాక హదిసుల్‌ గాషియా” సూరా చదవాలి. (ఇర్వావుల్‌ గలీల్‌: 644)

11) ఆ తరువాత ప్రసంగించడం సున్నతు. ప్రవక్త ముహమ్మద్‌ (సల్లల్లాహు అలైహి వసల్లం) హజ్రత్‌ అబూబకర్‌, మరియు హజ్రత్‌ ఉమర్‌ పండుగ నమాజు చేసిన తరువాత ప్రసంగించేవారు. (బుఖారీ, ముస్లిం)

12) పండుగ ప్రసంగం మింబర్ (వేదిక)పై  ఎక్కి ప్రసంగించకూడదు. (బుఖారి, ముస్లిం)

అంటే ఈద్‌గాహ్‌లో మింబర్ తీసుకొపోవడం లేక అక్కడ మింబర్ లా కట్టించి దానిపై ఎక్కి ప్రసంగం చేయకూడదు. మామూలుగా నిలబడి ప్రసంగించాలి.


ఇది “ప్రవక్త ముహమ్మద్ సల్లల్లాహు అలైహి వసల్లం నమాజు విధానము” అనే పుస్తకం నుండి తీసుకోబడింది. కూర్పు: జఫరుల్లాహ్ ఖాన్ నద్వీ (హఫిజ హుల్లాహ్)


ఖుర్బానీ దుఆ (Qurbani Dua) (دعاء ذبح الأضحية)

[సురక్షిత యూట్యూబ్ లింక్: https://safeYouTube.net/w/TsIq]

ఖుర్బానీ దుఆ (Qurbani Dua) (دعاء ذبح الأضحية)

వక్త: ముహమ్మద్ నసీరుద్దీన్ జామిఈ

ఖుర్బానీ ఇచ్చే వ్యక్తి ఖుర్బానీ జంతువును జిబహ్ చేయునప్పుడు బిస్మిల్లాహి వల్లాహు అక్బర్ అనాలి. (అంటే: అల్లాహ్ పేరుతో జిబహ్ చేయుచున్నాను, అల్లాహ్ యే గొప్పవాడు). అల్లాహుమ్మ హాజా మిన్క వలక, అల్లాహుమ్మ తకబ్బల్ మిన్నీ అనాలి. (అంటే: ఓ అల్లాహ్! ఖుర్బానీ చేయు భాగ్యం నీవే ప్రసాదించావు, నీ కొరకే ఖుర్బానీ చేయుచున్నాము, ఓ అల్లాహ్! నా వైపు నుండి దీనిని స్వీకరించు). (బుఖారి 5565, ముస్లిం 1967, దార్మీ 1989). జిబహ్ చేయువారు ఇతరులైతే మిన్నీ అనే చోట మిన్ హు అనాలి.

ఇంకొక దుఆ:

ఇన్నీ వజ్జహ్ తు వజ్ హియ లిల్లజీ ఫతరస్ సమావాతి వల్ అర్ధ హనీఫన్ వమా అన మినల్ ముష్రికీన్. ఇన్న సలాతీ వ నుసుకీ వమహ్ యాయ వ మమాతీ లిల్లాహి రబ్బిల్ ఆలమీన్ లా షరీకలహూ వ బిజాలిక ఉమిర్తు వ అన మినల్ ముస్లిమీన్.

[అబూ దావుద్ హదీసు నెం: 2795, షేక్ అల్బానీ గారు హసన్  అని డిక్లేర్ చేసారు]

ఈ దుఆ తెలుగు అర్ధం కోసం వీడియో చూడండి

ఖుర్బానీ ఆదేశాలు కొరకు క్రింద ఇచ్చిన లింక్ క్లిక్ చెయ్యండి  :
https://teluguislam.net/2019/07/16/qurbani-animal-sacrifice-udhiyah/

జిల్ హిజ్జా (హజ్ నెల) తొలి దశ ఘనత [వీడియో]

వక్త :- ముహమ్మద్ నసీరుద్దీన్ జామిఈ

Video Courtesy: Dawah and Foreigners guidance office, zulfi, Saudi Arabia.

జిల్ హిజ్జలోని తొలిదశ

బిస్మిల్లాహిర్రహ్మానిర్రహీం

ఇస్లామీయ క్యాలెండర్ ప్రకారం 12వ మాసమైన జిల్ హిజ్జలోని తొలిదశ (అంటే మొదటి పది రోజుల)కు చాలా ఘనతలు ఉన్నాయి, వాటిలో కొన్ని ఇవి:

1- అల్లాహ్ సూర ఫజ్ర్ (89)లో దీని ప్రమాణం చేశాడు

2- ఈ దశలోనే అల్లాహ్ ఇస్లాం ధర్మాన్ని పరిపూర్ణం గావించాడు. (బుఖారి 4407).

3- ఈ దశలోనే ఇస్లాం యొక్క మూల స్థంబాలు ఏకమవుతాయి, ఇలా వేరే రోజుల్లో కావు.

4- ఈ దశలో చేయబడే సత్కార్యాలు అల్లాహ్ కు ఇతర రోజుల్లో చేసే సత్కార్యాల కంటే అధికంగా ఇష్టం. ప్రవక్త సల్లల్లాహు అలైహి వసల్లం చెప్పారు: జిల్ హిజ్జ తొలి దశకంలో చేసే సత్కార్యాలు ఇతర దినాల్లో చేసే సత్కార్యాల కన్నా అల్లాహ్ కు ఎక్కువగా ప్రియమైనవి, శ్రేష్ఠమైనవి, (అబూ దావూద్ 2438, బుఖారి 969). ఔన్నత్యాల రీత్యా అవి చాలా గొప్ప దినాలు, వాటిలో అధికంగా లాఇలాహ ఇల్లల్లాహ్, అల్లాహు అక్బర్, అల్ హందులిల్లాహ్ అంటూ ఉండండి. (అహ్మద్ 10/296). వాటిలో చేసే సత్కార్యాలకు పుణ్య ఫలం ఇతర రోజుల్లో చేసే సత్కార్యాల ఫలం కన్నా ఎక్కువగా లభిస్తుంది. (దార్మీ 1815).

5- వాటిలో ఒక రోజు; అరఫా రోజు (9 వ రోజు) ఘనత:

  • (1) సూర బురూజ్ (85)లోని  3వ ఆయతులో ‘వమష్ హూద్’ అని ఆ రోజు ప్రమాణం చేయడం జరిగింది.
  • (2) హాజీల గురించి అది చాలా ముఖ్య- మైన రోజు, అది లేనిది హజ్ నెరవేరదు. (తిర్మిజి 889).
  • (3) ఆ రోజు అల్లాహ్ ప్రజల్ని నరకం నుండి విడుదల చేసినంత మరే రోజూ చేయడు, (ముస్లిం 1348).
  • (4) ఆ రోజు అరఫాత్  మైదానంలో వచ్చిన హాజీల పాపాలు ఇసుక  కణాలు, వర్షపు చుక్కలు, లేదా సముద్రపు నురుగంత ఉన్నా అల్లాహ్ క్షమిస్తాడు, ఇంతే కాదు, వారు ఎవరి గురించి దుఆ చేస్తారో వారి పాపాలు కూడా మన్నించేస్తాడు. (బజ్జార్ 6177, సహీహ్ తర్గీబ్ 1113).
  • (5) ఉత్తమమైన దుఆ అరఫా రోజు చేసే దుఆ. (తిర్మిజి 3585).
  • (6) హజ్ చేయనివారు అరఫా రోజు ఉపవాసముండాలి, అందుకు వారి గత రెండు సంవత్సరాల పాపాలు మన్నించ- బడతాయి. (ముస్లిం 1162).

5- ఈ తొలిదశకంలోని చివరి రోజును ‘యౌం నహ్ర్’ (జంతు బలిదాన ‘ఖుర్బానీ’ దినం) అంటారు, అల్లాహ్ దృష్టిలో యౌం నహ్ర్ మరియు దాని తర్వాత రోజు కన్నా ఉత్తమమైన రోజులు మరేమీ లేవు అని ప్రవక్త సల్లల్లాహు అలైహి వసల్లం చెప్పారు. (అబూ దావూద్ 1765).

అందుకే ఈ దశను అదృష్టంగా భావించి పుణ్యాల్ని సమకూర్చుకునే ప్రయత్నం చేయాలి. ప్రత్యేకంగా ఈ సత్కార్యాలు: విశ్వాస పునరుద్ధరణ, నమాజుల స్థాపితం, దానదర్మాలు, నఫిల్ (అరఫా) ఉపవాసాలు, హజ్, ఉమ్రాలు, ఖుర్బానీ చేయడం, స్త్రీ పురుషులందరూ ఈద్ గాహ్ కు వెళ్ళడం, అధికంగా జిక్ర్ (అల్లాహ్ స్మరణ) చేయడం, చెడుకు దూరంగా ఉండడం, ప్రత్యేకంగా షిర్క్, బిద్అత్, బంధు,మిత్ర సంబధాలను తెంచడం లాంటి నుండి. ఎక్కువగా తౌబా, ఇస్తిగ్ఫార్ మరియు ఖుర్ఆన్ పారాయణం చేస్తూ ఉండడం.

హజ్జ్ మాసపు పది దినాల ప్రత్యేకత కోసం క్రింద క్లిక్ చెయ్యండి
https://teluguislam.net/2010/10/07/ten-days-of-dhul-hijjah/

జిల్ హజ్జా మాసపు తొలి దశకంలో ఉపవాసం మరియు ఇతర సత్కార్యాల ఘనత
https://teluguislam.net/2019/07/16/dhul-hijjah-1o-days/

అరఫా రోజు (హజ్జ్ నెల 9 రోజు) ఘనత [ఆడియో]
https://teluguislam.net/2019/07/26/day-of-arafah-virtues/

హజ్ ప్రాముఖ్యత & దాని పుణ్యానికి సమానమైన సత్కార్యాలు [ఆడియో – 70 నిమిషాలు]
https://teluguislam.net/2019/07/27/hajj-rewards-equal-good-deeds/

ఖుర్బానీ ఆదేశాలు
https://teluguislam.net/2019/07/16/qurbani-animal-sacrifice-udhiyah/

ఈ క్రింది లింక్‌పై క్లిక్ చేయడం ద్వారా మీ స్నేహితులు మరియు బంధువులు మా teluguislam వాట్సాప్ గ్రూపులో చేరవచ్చు: https://chat.whatsapp.com/JYb4QhZ4Hlu5Ek076Xx4fJ

పవిత్ర హజ్ నెల మొదలయ్యింది 2019/ హిజ్రీ 1440

సౌదీ అరేబియాలోని సుప్రీంకోర్టు నుండి అధికారిక ప్రకటన : రేపు ఆగష్టు 2 (శుక్రవారం) 1 ధుల్-హిజ్జా 1440. అందువల్ల, శనివారం 10 ఆగస్టు ʿ అరాఫా దినం మరియు ఆదివారం 11 ఆగస్టు ʿ ఈద్ అల్ -ఆధా 1440.

మీ దేశంలో చంద్రుడు కనిపించే దాన్ని బట్టి, పైన తెలిపిన తేదీలు మారతాయి

జిల్ హిజ్జా (హజ్ నెల) తొలి దశ ఘనత [వీడియో]
https://teluguislam.net/2019/08/02/dhul-hijjah-greatness/

హజ్జ్ మాసపు పది దినాల ప్రత్యేకత కోసం క్రింద క్లిక్ చెయ్యండి
https://teluguislam.net/2010/10/07/ten-days-of-dhul-hijjah/

జిల్ హజ్జా మాసపు తొలి దశకంలో ఉపవాసం మరియు ఇతర సత్కార్యాల ఘనత
https://teluguislam.net/2019/07/16/dhul-hijjah-1o-days/

అరఫా రోజు (హజ్జ్ నెల 9 రోజు) ఘనత [ఆడియో]
https://teluguislam.net/2019/07/26/day-of-arafah-virtues/

హజ్ ప్రాముఖ్యత & దాని పుణ్యానికి సమానమైన సత్కార్యాలు [ఆడియో – 70 నిమిషాలు]
https://teluguislam.net/2019/07/27/hajj-rewards-equal-good-deeds/

ఖుర్బానీ ఆదేశాలు
https://teluguislam.net/2019/07/16/qurbani-animal-sacrifice-udhiyah/

ఖుర్బానీ దుఆ (Qurbani Dua) (دعاء ذبح الأضحية)
https://teluguislam.net/2019/08/02/qurbani-dua/

ఈ క్రింది లింక్‌పై క్లిక్ చేయడం ద్వారా మీ స్నేహితులు మరియు బంధువులు మా teluguislam వాట్సాప్ గ్రూపులో చేరవచ్చు: https://chat.whatsapp.com/JYb4QhZ4Hlu5Ek076Xx4fJ

హజ్ ప్రాముఖ్యత & దాని పుణ్యానికి సమానమైన సత్కార్యాలు [ఆడియో]

hajj-kabah telugu
ఆడియో వినడం కోసం పైన బొమ్మ మీద క్లిక్ చెయ్యండి ..

ఆడియో వినండి :

[ఆడియో లింక్ ]

వక్త :- ముహమ్మద్ నసీరుద్దీన్ జామిఈ

అరఫా రోజు (హజ్జ్ నెల 9 రోజు) ఘనత

అరఫా రోజు ఘనత హజ్ చేసే వారికే పరిమితమా ?

అరఫా రోజు ఘనత హాజీలకే పరిమితమా
ఆడియో వినడం కోసం పైన బొమ్మ మీద క్లిక్ చెయ్యండి ..

ఆడియో వినండి :

[ఆడియో లింక్ ]

వక్త :- ముహమ్మద్ నసీరుద్దీన్ జామిఈ


1251. హజ్రత్ అబూ ఖతాదా (రధి అల్లాహు అన్హు) కధనం :-

దైవప్రవక్త (సల్లల్లాహు అలైహి వసల్లం) ను అరఫా నాటి ఉపవాసం గురించి విచారించటం జరిగింది. అందుకాయన సమాధానమిస్తూ,

“అది క్రితం యేడు మరియు వచ్చేయేటి పాపాలన్నిటినీ (minor sins – చిన్న పాపాలు) తుడిచి పెట్టేస్తుంది” అని వివరించారు.

[సహీహ్ ముస్లిం లోని ఉపవాసాల ప్రకరణం]

ముఖ్యాంశాలు:-

జుల్ హిజ్జా మాసపు తొమ్మిదో తేదీని ‘అరఫా రోజు’ అని పిలుస్తారు. ఆ రోజు హజ్ యాత్రికులందరూ అరఫాత్ మైదానంలో ఆగుతారు. కనుక ఆ రోజును ‘అరఫాత్ రోజు’ గా వ్యవహరిస్తారు. ఆ విధంగా అరఫాత్ మైదానంలో ఆగటమనేది హజ్ విధులన్నిటిలోనూ అత్యంత ప్రధానమైనది. దాన్ని నిర్వర్తించకపోతే హజ్జే నెరవేరదు. హజ్ యాత్రికులు ఆ రోజున ప్రార్ధనలు, సంకీర్తనల్లో నిమగ్నులై ఉంటారు. ఆనాడు వారికి అదే గొప్ప ఆరాధనగా పరిగణించబడుతుంది. కనుక వారు ఆరోజు ఉపవాసం పాటించటం అభిలషణీయం కాదు. కాని హజ్ యాత్రలో పాల్గొనని వారికి మాత్రం ఆరోజు ఉపవాసం పాటిస్తే గొప్ప ప్రతిఫలం లభిస్తుంది. ఆ ఒక్క ఉపవాసం రెండేళ్ళ పాపాలను తుడిచిపెట్టేస్తుంది.

227 వ అధ్యాయం – అరఫా రోజు మరియు ముహర్రమ్ మాసపు తొమ్మిదో తేదీల్లో పాటించబడే ఉపవాసాల ఘనత. హదీసు కిరణాలు (రియాజుస్సాలిహీన్) – సంకలనం : ఇమామ్ నవవీ (రహ్మతుల్లా అలై)


హజ్జతుల్ విదా (ఆఖరి హజ్) లోని అరఫా రోజు శుక్రవారం వచ్చింది. ఆ రోజు ఖుర్ఆన్ లోని ఈ ఆయతు (వచనం) అవతరించింది: “ఈ రోజు మీ కొరకు మీ ధర్మాన్ని పరిపూర్ణం గావించాను. మీపై నా అనుగ్రహాన్ని పూర్తిచేశాను. ఇంకా, ఇస్లాంను మీ ధర్మంగా సమ్మతించి  ఆమోదించాను.” (ఖుర్ఆన్, సూరా మాయిదా 5:3)

అల్లాహ్ ధర్మాన్ని పూర్తిగావించాడు. ఇప్పుడు ఇందులో ఎలాంటి మార్పుచేర్పులకు తావులేదు. అందువల్లే అల్లాహ్ దైవప్రవక్త సల్లల్లాహు అలైహివ సల్లంతో ప్రవక్తల పరంపరను అపివేశాడు. దైవప్రవక్త సల్లల్లాహు అలైహివ సల్లం చిట్ట చివరి ప్రవక్త. అల్లాహ్ ఇస్లాం ధర్మాన్ని ఆమోదించాడు, అనగా అల్లాహ్ కు ఇస్లాం తప్ప వేరే ఏ ఇతర ధర్మం సమ్మతం కాదు.


ప్రవక్త ముహమ్మద్ సల్లల్లాహు అలైహి వసల్లం దిల్ హజ్జ్ మాసపు 9వ రోజున (అరఫా రోజు) ఉపవాసం ఉండేవారు. హునైదహ్ ఇబ్నె ఖాలిద్ తన భార్య ద్వారా ప్రవక్త ముహమ్మద్ సల్లల్లాహు అలైహి వసల్లం యొక్క కొందరు భార్యలు ఇలా పలికినారని ఉల్లేఖించెను:

”ప్రవక్త ముహమ్మద్ సల్లల్లాహు అలైహి వసల్లం 9వ దిల్ హజ్జ్ దినమున, అషూరహ్ దినమున, ప్రతి నెల మూడు దినములలో మరియు ప్రతి నెల మొదటి రెండు సోమవారాలు మరియు గురువారాలు ఉపవాసం ఉండేవారు.”

(అన్నిసాయి హదీథ్ గ్రంథం, 4/205 మరియు అహూ దావూద్ హదీథ్ గ్రంథం; సహీహ్ అబి దావుద్ గ్రంథంలో, 2/462 దీనిని సహీహ్ హదీథ్ గా షేఖ్ అల్ బానీ వర్గీకరించెను.)


అరఫా రోజు చేసే ప్రార్ధన (దుఆ, తస్బీహ్)

దైవప్రవక్త సల్లల్లాహు అలైహివ సల్లం ఇలా అన్నారు: అరఫా రోజున చేసే దుఆ అన్నిటికంటే ఉత్తమమైనది. అరఫా రోజున నేను మరియు ఇతర ప్రవక్తలు పలికిన ఉత్తమ పదాలు:

“లా ఇలాహ ఇల్లల్లాహు వహదహు లా షరీక లహు లహుల్ ముల్కు వ లహుల్ హందు వహువ అలా కుల్లి షైఇన్ ఖదీర్.” 

“కేవలం ఒక్కడైన అల్లాహ్ తప్ప ఆరాధ్యానికి అర్హులు ఎవ్వరూ లేరు. అతనికి సహవర్తులూ ఎవ్వరు లేరు. రాజ్యాధినేత ఆయనే, స్తోత్రములన్నీఆయన కొరకే. అయన అన్నీ చేయగలడు.”

(సహీహ్ అత్ తిర్మిజి vol 3:184, సిల్సిలతుల్అహాదీస్ అస్ సహీహ 4/6)


https://teluguislam.net/five-pillars/umrah-hajj-telugu-islam/

హజ్ నెల మొదటి పది రోజుల ఘనత

dhul-hijjah great rewards

Sourceత్రాసును బరువు చేసే సత్కార్యాలు (Meezaan) – PDF Book

Great Rewards – చిన్న పనులు – గొప్ప పుణ్యాలు

దిల్ హజ్జ్ మాసపు పది దినాల ప్రత్యేకత

జిల్ హజ్జా మాసపు తొలి దశకంలో ఉపవాసం మరియు ఇతర సత్కార్యాల ఘనత