సూరహ్ అల్ మా’ఊన్ (సూరహ్ నం.107) అనువాదం, వ్యాఖ్యానం [ఆడియో]

బిస్మిల్లాహ్

ఈ సూరాను సూరయె దీన్‌గా, సూరయె అరఐత్‌గా, సూరయె యతీమ్‌గా కూడా వ్యవహరిస్తారు. (ఫత్‌హుల్‌ ఖదీర్‌).

ఈ సూరా మక్కా కాలానికి చెందినది. ఇందులో 7 ఆయతులు ఉన్నాయి. అవిశ్వాసులు, కపట విశ్వాసుల గురించి ఈ సూరా ముఖ్యంగా ప్రస్తావించింది. ఈ సూరా మొదటి ఆయతులో వచ్చిన ‘మాఊన్‌’ (సాధారణ వస్తువులు) అన్న పదాన్నే ఈ సూరాకు పేరుగా పెట్టడం జరిగింది. రెండు రకాల ప్రజలను ఈ సూరాలో తీవ్రంగా విమర్శించడం జరిగింది.

1 తీర్పుదినాన్ని నిరాకరిస్తున్న అవిశ్వాసులు. వారు అనాధలను కఠినంగా కసరి కొడతారు. నిరుపేదలకు సహాయం చేయడాన్ని వారు ప్రోత్సహించరు

2. కపట విశ్వాసులైన ముస్లిములు – నమాజులకు ఆలస్యం చేస్తారు. వేళకు నమాజు చేయరు. అందరూ చూడాలని మంచిపనులు చేస్తారు. చిన్న చిన్న విషయాలలో కూడా తమ తోటి వారికి సహాయం చేయడానికి ముందుకు రారు.

[అహ్సనుల్ బయాన్ నుండి]


ఇక్కడ వినండి లేదా డౌన్లోడ్ చేసుకోండి (35 నిముషాలు)

వక్త: ముహమ్మద్ నసీరుద్దీన్ జామి’ఈ (హఫిజహుల్లాహ్)
ఫారెనర్స్ ఇస్లామిక్ గైడెన్స్ ఆఫీసు, జుల్ఫీ, సౌదీ అరేబియా


సూరతుల్ మాఊన్ – 107

అనంత  కరుణామయుడూ, అపార కృపాశీలుడూ అయిన అల్లాహ్ పేరుతో … బిస్మిల్లా హిర్రహ్మా

నిర్రహీమ్

بِسْمِ اللهِ الرَّحْمَنِ الرَّحِيمِ
1. పరలోకతీర్పును ధిక్కరించేవాడిని నీవు చూశావా? అరఅయ్ తల్లదీ యుకద్దిబు బిద్దీన్ أَرَأَيْتَ الَّذِي يُكَذِّبُ بِالدِّينِ
2.వారే అనాథులను కసరి కొట్టేవారు. ఫదాలికల్లదీ యదువ్వుల్ యతీం فَذَلِكَ الَّذِي يَدُعُّ اليَتِيمَ
3. నిరుపేదలకు అన్నం పెట్టమని ప్రోత్సహించని వారు వలా యహుద్దు అలా తఆమిల్ మిస్కీన్ وَلَا يَحُضُّ عَلَى طَعَامِ المِسْكِينِ
4. ఐతే నమాజు చేసే (అలాంటి) వారూ నాశనమౌతారు. ఫవైలుల్ లిల్ ముసల్లీన్ فَوَيْلٌ لِلْمُصَلِّينَ

 

5. ఎవరైతే తమ నమాజుల పట్ల అశ్రద్ధ చూపేవారో అల్లదీన హుమ్ అన్ సలాహితిహిం సాహూన్ الَّذِينَ هُمْ عَنْ صَلَاتِهِمْ  سَاهُونَ
6. ఎవరైతే ప్రదర్శనా బుద్ధితో వ్యవహరించేవారో, అల్లదీన హుమ్ యురాఊన్ الَّذِينَ هُمْ  يُرَاءُونَ
7. ఎవరైతే చిన్న పాటి సహాయం అర్థించిన వారిని కూడా తిరస్కరించే వారో. వయంన ఊనల్ మాఊన్ وَيَمْنَعُونَ المَاعُونَ

ప్రళయ కాల చిహ్నాలు : సంగీతం అధికమై పోతుంది

సంగీతం అధికమై పోతుంది

ప్రళయ కాల చిహ్నాలు : సంగీతం అధికమై పోతుంది

హజ్రత్ ఇమ్రాన్‌ ఇబ్న్ హుసైన్‌ కథనం: ముహమ్మద్‌ (సల్లల్లాహు అలైహి వసల్లం) ఇలా ప్రవచించారు: “ప్రళయం సమీపించినప్పుడు ఈ ఉమ్మత్‌ ప్రజలు భూమిలోనికి దిగద్రొక్కబడతారు, ఢీ కొట్టుకొని చనిపోతారు, రూపాలు మారిపోతాయి” అప్పుడు ఒక వ్యక్తి: “ఓ దైవ ప్రవక్తా! అది ఎప్పుడు సంభవిస్తుందని”  ప్రశ్నించాడు. “సంగీతాలు, భజంత్రీలు, నాట్యాలు ఎక్కువైనప్పుడు. మరియు మద్యం (అధికంగా) హెచ్చరిల్లినప్పుడు” అని సమాధానమిచ్చారు”

(తిర్మిజీ, ఇబ్ను మాజ, సహీహ్‌ అల్‌ జామీ సగీర్‌: 3559).

అనేక మంది ప్రజలు పోటిలు పడి గెలవాలనే భావనతో తమ ఆలోచనలను మార్చుకుంటున్నారు. అది అలా ఉండగా మరో వైపు చిన్న చిన్న పిల్లలతో సహా వృద్దులను కూడా నాట్యాలు చేయిస్తున్నారు. పోటీల పేరున ఇండ్లల్లో దాగిఉన్న స్త్రీలు సహితం బహిరంగంగా నిర్వహించే పోటిలలో పాల్గొంటున్నారు. అనేక భాషలలో, అనేక రాష్ట్రాలలో, నాట్య పోటీలు అధికమై పోయాయి. అలాగే స్టేజ్‌ పోటీలు, సంగీతాల పోటీలు, పాటల కచేరీలు ప్రతి ఛానలుకు అధికంగా డబ్బును సమకూర్చుకొనే సాధనాలుగా మారిపోయాయి.


ఇది ప్రళయ దిన చిహ్నాలు అనే పుస్తకం నుండి తీసుకోబడింది.
కూర్పు: జఫరుల్లాహ్ ఖాన్ నద్వీ (హఫిజహుల్లాహ్)

ప్రళయ దిన చిహ్నాలు [పుస్తకం]

బిస్మిల్లాహ్

టైటిల్: అదిగో ప్రళయం దగ్గరికి వచ్చేస్తోంది 
కూర్పు: జఫరుల్లాహ్ ఖాన్ నద్వీ (హఫిజహుల్లాహ్)

ప్రళయ దిన సూచనలు/చిహ్నాలు
Signs of the Day of Judgement
(Book of Ashratu – al-Sa’a)

[ఇక్కడ చదవండి / డౌన్లోడ్ చేసుకోండి]
[87 పేజీలు PDF]

విషయ సూచిక

  • 1. ముఖ్య గమనిక
  • 2. ప్రళయం అనేక పేర్లు
  • 3. అస్సాఆ (ఘడియ)
  • 4. ప్రళయం సమీపమున సంభవించే చిన్న చిన్న సూచనలు
    • 5. ప్రళయం సమీపించినప్పుడు ప్రజలు ఇస్లాం ధర్మం నుండి వైదొలుగుతారు
    • 6. ముస్లిం సమాజంలో బహుదైవారాధన అధికమైపోతుంది.
    • 7. ప్రవక్తలమని చెప్పుకునేవారు వస్తారు.
    • 8. ప్రజలు బిద్‌అత్ (నూతన ఆచారాల) ద్వారా ధర్మజ్ఞానం గ్రహిస్తారు
    • 9. ప్రవక్త ముహమ్మద్‌ (సల్లల్లాహు అలైహి వసల్లం) సున్నతులకు (విధేయతకు) దూరమైపోతారు.
    • 10. హలాల్‌, హరామ్‌ అనే భేదాలను లెక్కచెయ్యరు.
    • 11. అబద్దాలను, నిరాధారమైన విషయాలను ప్రచురిస్తారు.
    • 12. పెద్దపెద్ద భవనాలు కట్టబడును.
    • 13. గత మతస్థుల జీవన విధానాలకు అనుగుణంగా వ్యవహరిస్తారు.
    • 14. స్త్రీలు శరీరం కనపడే దుస్తులు ధరిస్తారు, వారి చేష్టలు మారిపోతాయి.
    • 15. అశ్లీలము, వ్యభిచారం సర్వత్రా వ్యాపిస్తుంది.
    • 16. సంగీతం అధికమైపోతుంది.
    • 17. రక్త సంబంధీకులతో తెగతెంపులు చేసుకుంటారు.
    • 18. దుష్టులు ఉత్తములుగా చలామణి అవుతారు.
    • 19. కల్లోలాలను భరించలేక చావును కోరుకుంటారు.
    • 20. ఇస్లామీయ ధర్మ అనుసరణ అతికష్టమైపోతుంది.
    • 21. వర్షం అధికమైపోతుంది కాని పంటలు పండవు.
    • 22. భూకంపాలు ఎక్కువైపోతాయి.
    • 23. జంతువులు, వస్తువులు మాట్లాడుతాయి.
    • 24. మక్కా మదీనాల పరిస్థితి.
    • 25. చల్లటి గాలుల ఆధారంగా విశ్వాసులకు మరణం ప్రసాదించబడుతుంది.
  • 26. ప్రళయం సమీపమున సంభవించే పెద్ద సూచనలు.
    • 27. మహ్ దీ (అలైహిస్సలాం).
    • 28. మసీహుద్‌ దజ్జాల్‌ .
    • 29. దజ్జాల్‌ బయల్పడే ప్రదేశం.
    • 30. దజ్జాల్‌ మక్కా మదీనాలో ప్రవేశించలేడు.
    • 31. దజ్జాల్‌ రూపు రేఖలు.
    • 32. దజ్జాల్‌ మంత్రజాలం.
    • 33. దజ్జాల్‌ కీడు నుండి అల్లాహ్‌ శరణు కోరడం.
    • 34. ఈసా(అలైహిస్సలాం) చేతిలో దజ్ఞాల్‌ చావు.
    • 35. మర్యమ్‌ (అలైహస్సలామ్‌) కుమారుడగు ప్రవక్త ఈసా (అలైహిస్సలామ్‌).
    • 36. ఈసా(అలైహిస్సలాం) రూపము.
    • 37. ఈసా(అలైహిస్సలాం) మరణించలేదు, ఆకాశముపైకి లేపుకోబడ్డారు.
    • 38. ఈసా(అలైహిస్సలాం) తిరిగి భూలోకానికి వస్తారు.
    • 39. ఈసా (అలైహిస్సలాం) ఖుర్‌ఆన్‌ హదీస్‌లకు అనుగుణంగా పరిపాలన చేస్తారు.
    • 40. ఈసా(అలైహిస్సలాం) కాలంలో సర్వత్రా శాంతి సుఖాలు మరియు అను(గహాలతో నిండిపోతాయి.
    • 41. ఈసా(అలైహిస్సలాం) యూదులతో మరియు క్రైస్తవులతో యుద్ధం చేస్తారు.
    • 42. ప్రవక్త ఈసా(అలైహిస్సలాం) మరణము.
    • 43. యాజూజ్‌ మాజూజ్‌.
    • 44. యాజూజ్‌ మాజూజ్‌ల రూపము.
    • 45. యాజూజ్‌ మాజూజ్‌ల బీభత్సం.
    • 46. నరకంలో యాజూజ్‌ మాజూజ్‌
    • 47. మూడుసార్లు అణగదొక్కబడతారు.
    • 48. దుఖాన్‌ (పొగ).
    • 49. పడమటి నుండి సూర్యుడు ఉదయిస్తాడు.
    • 50. పడమటి దిక్కు నుండి సూర్యుడు ఉదయించిన తరువాత క్షమాపణలు స్వీకరించబడవు.
    • 51. దాబ్బ (జంతువు).
    • 52. అగ్ని.
  • 53. అశుద్దుల ఆధిక్యత గొప్పెమీ కాదు.

ఇతరములు:

మీజాన్ : ప్రళయ దినాన త్రాసు [వీడియో]

బిస్మిల్లాహ్

సఊది అరేబియాలోని జుల్ఫీ జాలియాత్ వారు సమర్పిస్తున్న మరో నూతన వీడియో వీక్షించండి ప్రళయదినాన త్రాసును నెలకొల్పడం సత్యం, ఎవరి పుణ్యపళ్ళాలు బరువుగా ఉంటాయో వారే స్వర్గంలో చేరేవారు.

వక్త: ముహమ్మద్ నసీరుద్దీన్ జామిఈ (హఫిజహుల్లాహ్)
Dawah and Foreigners Guidance Office, Zulfi, Saudi Arabia.


ప్రళయ దినాన కర్మలు బరువు వేసే త్రాసు స్థాపించబడుతుంది.

త్రాసు గురించి అల్లాహ్‌ ఖుర్‌ఆన్‌ గ్రంథంలో ఇలా సెలవిచ్చాడు:

وَنَضَعُ الْمَوَازِينَ الْقِسْطَ لِيَوْمِ الْقِيَامَةِ فَلَا تُظْلَمُ نَفْسٌ شَيْئًا ۖ وَإِن كَانَ مِثْقَالَ حَبَّةٍ مِّنْ خَرْدَلٍ أَتَيْنَا بِهَا ۗ وَكَفَىٰ بِنَا حَاسِبِينَ

“ప్రళయ దినాన కచ్చితంగా తూచేటటువంటి త్రాసులను మేము ఏర్పాటు చేస్తాము. ఆ తర్వాత ఎవరిపై కూడా రవ్వంత అన్యాయం జరగదు. ఎవరైనా ఒక ఆవగింజకు సమానమైన ఆన్యాయం చేసి ఉన్నా దాన్ని కూడా మేము ముందుకు తీసుకొస్తాము. లెక్క తీసుకొనుటకు మేమే చాలు.” (21,సూరతుల్‌ అంబియా: 47)

హజ్రత్‌ ఇమామ్‌ ఖుర్‌తుబి (రహిమహుల్లాహ్) ఇలా ప్రవచించారు: “లెక్కలు తీసుకున్న తరువాత కర్మలను తూకం వేస్తారు. వారి పుణ్యాల బరువుకు తగ్గట్టుగా ప్రతిఫలం కూడా ఉంటుంది. అందుకనే లెక్కలు తీసుకున్న తరువాత కర్మలు తూయబడును. తరువాత వాటి ఆధారంగా మానవులకు (అంతస్తుల) ప్రతిఫలం ప్రసాదించడం జరుగుతుంది.” (తజ్‌కిరతుల్‌ ఖుర్‌తుబి: 309)

హజ్రత్‌ సల్మాన్‌ ఫార్సీ (రది అల్లాహు అన్హు) కథనం; ప్రవక్త ముహమ్మద్‌ సల్లల్లాహు అలైహి వసల్లం ఇలా ప్రవచించారు: “ప్రళయ దినాన త్రాసులో (కర్మలు) తూకం వేయబడును. ఆ త్రాసు భూమ్యాకాశాలను తూకం వేసేటంత విశాలంగా ఉంటుంది“. *

ఓ ప్రభూ! “దీనిలో ఎవరినీ తూకం వేస్తారు?” అని అల్లాహ్‌ దూతలు ప్రశ్నించారు. దానికి అల్లాహ్‌: “నా సృష్టిలో నేను తలచుకున్నవారందరినీ” అని అన్నాడు. అప్పుడు అల్లాహ్‌ దూతలు: “సుబ్ హానక్! మేము నీకు ఎంతగా ఆరాధించాలో అంతగా ఆరాధించ లేదే!” అని అంటారు.(హాకిమ్‌, అస్‌ సహీహ: 941)

*గమనిక: కొందరు త్రాసు అనగా “అల్లాహ్‌ న్యాయాన్ని స్థాపిస్తాడే తప్ప త్రాసు రూపాంతరము ఉండదనీ భావించారు”. అలా భావించడం సరికాదు. నిజమైన విషయం ఏమంటే! అల్లాహ్‌ సాక్ష్యాత్తు త్రాసును నిలబెట్టుతాడు. ఇలా మనం విశ్వసించడం వల్ల ఖుర్‌ఆన్‌, హదీసులలో ప్రచురించబడిఉన్న నిజమైన వాక్యాలకు అనుగుణమైన విశ్వాసం అవుతుంది. కనుక విశ్వాసులందరూ ఆ త్రాసును తప్పక విశ్వసించాలి. మరియు ప్రళయ దినాన దానిలో కర్మలు తూయబడుతాయనీ, దానికి రెండు తూకం వేసే పళ్ళెములు ఒక సరిసమానం చేసే ముళ్లు కూడా ఉందనీ విశ్వసించాలి. ఇంకా దానిలో కర్మలు తూకం వేస్తే పైకీ క్రిందికి ఆ పళ్ళెములు వంగుతాయనీ కూడా విన్వసించాలి. ఇదే ‘“అహ్‌లుస్‌ సున్నత్‌ వల్‌ జమాఅత్‌” విశ్వాసం.

ఎలాంటి కర్మలను త్రాసులో తూకం వేస్తారు?

హజ్రత్‌ అబూ హురైరా (రది అల్లాహు అన్హు) కథనం; ప్రవక్త ముహమ్మద్‌ సల్లల్లాహు అలైహి వసల్లం ఇలా ప్రవచించారు:

“రెండు వాక్యాలు పలకటానికి చాలా తేలికైనవి, కాని అవి త్రాసులో చాలా బరువైనవి, కరుణామయునికి ఎంతో ప్రియమైనవి. అవి, “సుబ్‌హానల్లాహి వబిహమ్‌దిహి, సుబ్‌హానల్లాహిల్‌ అజీమ్‌.” (బుఖారీ,ముస్లిం)

హజ్రత్‌ అబ్దుల్లాహ్‌ బిన్‌ అమ్ర్ బిన్‌ ఆస్‌ (రది అల్లాహు అన్హు) కథనం; ప్రవక్త ముహమ్మద్‌ సల్లల్లాహు అలైహి వసల్లం ఇలా ప్రవచించారు: “ప్రళయ దినాన ప్రజలందరి ముందు నా ఉమ్మత్‌కు చెందిన ఒక వ్యక్తిని కేకలు పెట్టి పిలువడం జరుగుతుంది. తరువాత అతని ముందు తొంభైతొమ్మిది (కర్మల) పత్రాలను తెరిచి పరుస్తారు. ప్రతి పత్రం అతను చూడగలిగినంత దూరం వరకూ (పెద్దదిగా) ఉంటుంది.”

తరువాత అల్లాహ్‌ అతనితో: “దీని (పాపాల పత్రాలు)లో నీవు చేయని (విషయాలు) ఏమైనా ఉన్నాయనీ చెప్పగలవా?” అని ప్రశ్నిస్తాడు.

అతను: “లేదు నా ప్రభూ!” అని అంటాడు.

మరలా అల్లాహ్‌ అతనితో: “వాటిని జాగ్రత్తగా రాసేవారు (మున్కర్‌ నకీర్‌) నీపై (నీ పత్రాలలో) అన్యాయంగా ఏమైనా రాసారా!”’ అని ప్రశ్నిస్తాడు. తరువాత అతనితో: “నీ వద్ద వాటికి (ఆ పాపాల పత్రాలకు) బదులు పుణ్యాలేమైనా ఉన్నాయా?” అని అల్లాహ్‌ ప్రశ్నిస్తాడు.

అప్పుడు అతను: లోలోన భయపడుతూ “నా వద్ద (పుణ్యాలు) లేవు” అని అంటాడు.

ఆ తరువాత అల్లాహ్‌ అతనితో: “ఎందుకు లేవు మా వద్ద నీ పుణ్యం ఒకటుంది. ఈ రోజు మేము ఎవరికీ అన్యాయం చెయ్యబోము” అని అల్లాహ్‌ (షహాదత్‌) “అష్‌హదు అల్లా ఇలాహ ఇల్లల్లాహ్‌, వ అష్‌హదు అన్న ముహమ్మదన్‌ అబ్దుహు వ రసూలుహు”’ పత్రాన్ని అతనికి ప్రసాదిస్తాడు. అతను: (దాన్ని చూసి) “ఓ అల్లాహ్‌ ఈ ఒక్క పత్రం అన్ని (పాపాల) పత్రాలకు సరిసమానమవుతుందా?” అని ఆశ్చర్యపడుతూ అంటాడు.

తరువాత అల్లాహ్‌: “ఈ రోజు నీకు ఎలాంటి అన్యాయం జరగదు” అని అంటాడు.

తరువాత “(అతని పాపాల) పత్రాలన్ని ఒక పళ్లెంలో వేస్తారు. మరియు ‘షహాదత్‌ పత్రం’ మరొక పళ్లెంలో వేస్తారు. ఆ (పాపాల) పత్రాలన్ని తేలికైపోతాయి. షహాదత్‌ పత్రం (అన్ని పత్రాలపై) బరువైపోతుంది. (ఎందుకంటే) అల్లాహ్‌ పేరు కంటే (ఎక్కువ) ఏదీ బరువు ఉండదు.”’ (తిర్మిజీ హాకిమ్‌, సహీహ్‌ ఇబ్నుమాజ: 3469)

హజ్రత్‌ అబూ దర్దా (రది అల్లాహు అన్హు) కథనం; ప్రవక్త ముహమ్మద్‌ సల్లల్లాహు అలైహి వసల్లం ఇలా ప్రవచించారు:  “ప్రళయం రోజున త్రాసులో తూకం చేసినప్పుడు ఉత్తమ గుణాలకంటే ఎక్కువ బరువు ఏ విషయము ఉండదు.” (ఇబ్నుమాజ, తిర్మిజీ, హాకిమ్‌)

హజ్రత్‌ అబూ హురైరా (రది అల్లాహు అన్హు) కథనం; ప్రవక్త ముహమ్మద్‌ సల్లల్లాహు అలైహి వసల్లం ఇలా ప్రవచించారు: “ప్రళయం రోజు ఒక లావుగా బలసిన వ్యక్తి వస్తాడు. అయినా అతను (త్రాసులో) దోమ రెక్కకు సమానం కూడా బరువు ఉండడు. తరువాత ఖుర్‌ఆన్‌ సూక్తిని ఇలా పఠించారు: 

 فَلَا نُقِيمُ لَهُمْ يَوْمَ الْقِيَامَةِ وَزْنًا

 “ప్రళయం రోజున మేము వారిని ఏ మాత్రము బరువుగా నిలబెట్టము.””(18,సూరతుల్‌ కహఫ్‌:105) (బుఖారీ)

హజ్రత్‌ అబ్దుల్లాహ్‌ బిన్‌ మస్‌వూద్‌ (రది అల్లాహు అన్హు) కథనం; “ఒక రోజు నేను ప్రవక్త ముహమ్మద్‌ సల్లల్లాహు అలైహి వసల్లం కొరకు మిస్వాక్‌ చెట్టు నుండి మిస్వాక్‌ను తెంపుకొనే టప్పుడు క్రిందకు (నేలపై) పడిపోయేటట్టు గాలి వీచింది. ఆ పరిస్టితిని చూసి ప్రజలు నవ్వినారు. మీరు ఎందుకు నవ్వుతున్నారనీ? ప్రవక్త ముహమ్మద్‌ సల్లల్లాహు అలైహి వసల్లం ప్రశ్నించారు. దానికి వారందరూ: ఓ అల్లాహ్‌ ప్రవక్తా! “ఆయన కాళ్ళు సన్నగా ఉన్నందువలన” అని సమాధానమిచ్చారు. ఆ తరువాత ప్రవక్త ముహమ్మద్‌ సల్లల్లాహు అలైహి వసల్లం ఇలా ప్రవచించారు: “ఎవరి చేతిలో నా ప్రాణం ఉందో, అతని సాక్షిగా! ప్రళయ దినాన త్రాసులో ఆయన కాళ్ళు ఉహద్‌ కొండకంటే ఎక్కువ బరువు ఉంటాయి.” (అహ్మద్‌, ఇర్వావుల్‌ గలీల్‌:65)

హజ్రత్‌ అబూ మాలిక్‌ అల్‌ అష్‌అరి (రది అల్లాహు అన్హు) కథనం; ప్రవక్త ముహమ్మద్‌ సల్లల్లాహు అలైహి వసల్లం ఇలా ప్రవచించారు:

“పరిశుభ్రత విశ్వాసానికి ఒక షరతు. ఆల్‌ హమ్‌దులిల్లాహ్‌ (అనే పదాలు) త్రాసులో నిండిపోతాయి. సుబ్‌హానల్లాహి, వల్‌ హమ్‌దు లిల్లాహి (అనే పదాలు) భూమ్యాకాశాల మధ్యలో ఉన్న (స్థలమంతా) నిండిపోతాయి.” (ముస్లిం)

హజ్రత్‌ అబూ హురైరా (రది అల్లాహు అన్హు) కథనం; ప్రవక్త ముహమ్మద్‌ సల్లల్లాహు అలైహి వసల్లం ఇలా ప్రవచించారు:

“ఎవరైనా అల్లాహ్‌ను విశ్వసిస్తూ, అతని వాగ్దానాన్ని ధృవీకరిస్తూ, తన గుర్రానికి (ధర్మ పోరాటానికై ఎల్లప్పుడు) సిద్ధంగా ఉంచినట్లయితే, ఆ గుర్రానికి అతను మేత పెట్టినందుకు, నీరు త్రాగించినందుకు, (ఆ గుర్రం) పేడ వేసినందుకు, మూత్ర విసర్జన చేసినందుకు బదులుగా, ప్రళయ దినాన ఆ వ్యక్తి కొరకు త్రాసులో పుణ్యాలు బరువు చేయ బడుతాయి.” (బుఖారి)

[ఇది జఫరుల్లాహ్ ఖాన్ నద్వీ (హఫిజ హుల్లాహ్) గారు రాసిన మరణానంతర జీవితం [పుస్తకం] లో నుండి తీసుకోబడింది]


ఇతరములు:

మరణానంతర జీవితం [పుస్తకం]

పుస్తకం పేరు: మరణానంతర జీవితం (Life After Death)
(ఖుర్‌ఆన్‌ మరియు ప్రామాణిక హదీసుల వెలుగులో)
కూర్పు: జఫరుల్లాహ్ ఖాన్ నద్వీ (హఫిజహుల్లాహ్) 

మరణానంతర జీవితం
పుస్తకం చదవడానికి పైన క్లిక్ చేయండి

ఖుర్ఆన్ మరియు ప్రవక్త ముహమ్మద్ సల్లల్లాహు అలైహి వసల్లం బోధనల ఆధారంగా ఈ పుస్తకంలో మరణానంతర జీవితం గురించి చక్కగా వివరించబడింది. రచయిత జఫరుల్లాహ్ ఖాన్ నద్వీ గారు చాలా కష్టపడి, అనేక ప్రామాణిక ఆధారాలతో ఈ విషయాలను మన ముందుకు తీసుకు వచ్చారు. ప్రతి ఒక్కరూ తమ తమ జీవితాల్ని సరిదిద్దుకోవటానికి ఉపయోగపడే ఒక మంచి పుస్తకం.

ఇక్కడ పుస్తకం చదవండి లేదా డౌన్లోడ్ చేసుకోండి [PDF] [300 పేజీలు]

తొలి పలుకు:

అల్లాహ్‌కు మాత్రమే సర్వ స్తోత్రములు చెందును. ఆయనే సర్వలోకాలకు ప్రభువు, ప్రతిఫల దినానికి అధిపతి, ఆయన ఎంతో పరిశుద్దుడు సంరక్షకుడు. అల్లాహ్‌ శాంతి మరియు కరుణ కటాక్షాలు ప్రవక్త ముహమ్మద్‌ (సల్లల్లాహు అలైహి వసల్లం) పై, ఆయన కుటుంబీకులపై మరియు ఆయన అనుచరులపై, పుణ్యాత్ములైన సత్య మూర్తులసై కురియుగాక!.

మరణానంతర జీవితం మానవునికి అసలైన జీవితం. ఇహలోక జీవితంలో చేసుకున్న మంచిచెడులు మాత్రమే అతని వెంట వస్తాయి. మిగతా విషయాలన్ని ఇహలోక జీవితానికే పరిమితం. మానవుడు అసలైన విజయ లక్ష్యం సాధించాలంటే పరలోక విశ్వాసం, జ్ఞానం మరియు భయం, భక్తిని సాధించాలి. ఇహలోకంలో కూడా మనిషి శాంతి సుఖాలతో ఉండాలంటే మరియు సమాజం మానవ మర్యాదలతో ముందుకు నడవాలంటే పరలోక విశ్వాసమే పునాది. మరణానంతర జీవితం లేదంటే! మంచి, చెడులకు, సద్గుణాలకు, దుర్గుణాలకు, పాపాలకు, పుణ్యాలకు అర్జాలే ఉండవు. చావు బ్రతుకులకు, జంతువులకు, మానవులకు, స్వర్గానికి, నరకానికి కూడా అర్థమే లేదు.

మనిషి మరణించిన తరువాత తన విశ్వాసం ప్రకారం ప్రశ్నించబడుతాడు. ఒకవేళ అవిశ్వాసిగా ఉంటే, సర్వసృష్టికర్తను విశ్వసించకుండా నాస్తికుడిగా మారిపోయి. తన ఇష్టానుసారంగా జీవించడమే మానవుని లక్ష్యం అనుకుంటే అతను అవిశ్వాసి. ఇంకా కొంత మంది ప్రజలు దేవుడు ఉన్నాడనీ పరలోకం వాస్తవమేననీ, స్వర్గం, నరకం నిజమేననీ విశ్వసించినా వాటి వాస్తవాలను గ్రహించకుండా తమ ఇష్టానుసారంగా మూఢ విశ్వాసాలకు అనుగుణంగా ఆరాధించేవారు కూడా అవిశ్వాసులే.

దేవునిపై విశ్వాసం లేకపోతే, మరణానంతర జీవిత వాస్తవాలను విశ్వసించకపోతే, మరియు వాటిపై ధృఢమైన నమ్మకం లేకపోతే, ఇంకా తమ జీవితాలను పుణ్య జీవితాలుగా మార్చుకోకపోతే, అలాంటివారి ఇహపరాల జీవిత ఫలితాలు శూన్యమే. వారు ఎన్ని మానవతా కార్యసాధనలు చేసినా, చక్రవర్తులుగా ఉండి రాజ్యం మొత్తం దానం చేసినా, పరలోక లక్ష్యాన్ని సాధించలేరు. నరకాగ్ని నుండి రక్షించబడలేరు.

మానవునికి ప్రసాదించబడిన ఒక్కొక్క క్షణం మరియు ఒక్కొక్క అనుగ్రహం గురించి ప్రశ్నించడం జరుగుతుంది. వాటికి సమాధానం ఇవ్వనిదే మనిషి ఒక్క అడుగు ముందుకు వేయలేడు. అతను తాను చేసిన ప్రతి పనిని, ప్రతి మాటను, ప్రతి కుట్రను గురించి ప్రశ్నించబడుతాడు.

మరణానంతర జీవిత విశ్వాసం వలన మానవుడు పరలోక బాధల నుండి రక్షింపబడాలని, పరలోక జ్ఞానాన్ని అధ్యయనం చేసి దాన్ని విశ్వసిస్తాడు. ఇహలోక జీవితాన్ని ఉత్తమ రీతిలో గడుపుటకై సర్వ ప్రయత్నాలు చేస్తాడు. అలాగే మరణానంతర జీవిత విశ్వాసం వలన మానవుడు మృత్యువు పాందే వరకూ ఒక లక్ష్యాన్ని సాధించాలనీ శ్రమిస్తాడు. ఆ మహా లక్ష్యమే స్వర్గం.

మరణానంతర జీవితానికి సంబంధించిన ముఖ్యమైన అగోచర విషయాలను, అంటే మనిషి మరణించిన తరువాత నుండి స్వర్గంలోనికి లేక నరకంలొనికి చేరుకునే వరకు ఎదురయ్యే విషయాలను ఖుర్‌ఆన్‌ మరియు ప్రామాణిక హదీసుల వెలుగులో అల్లాహ్‌ ప్రసాదించిన జ్ఞానం మేరకు మీ ముందు పొందుపరిచే ప్రయత్నం చేసాము.

అహ్‌వాలుల్‌ ఖియామహ్‌”’అనే పేరున అబ్దుల్ మలిక్‌ అల్‌ కులైబ్‌ గారు, మరియు “అల్‌ జన్నత్‌ వన్‌నార్‌‘” పేరున ఉమర్‌ అల్‌ అష్‌ఖర్‌ గారు ఖుర్‌ఆన్‌ ఆయతులను మరియు ప్రామాణికమైన హదిసులను సేకరించి అరబీ భాషలో గ్రంథస్థం చేసారు. ఈ రెండు పుస్తకాలను అధ్యయనం చేసిన తరువాత మేము మీ కొరకు “మరణానంతర జీవితము” పేరుతో ఈ పుస్తకాన్ని సంక్షిప్తంగా తెలుగు భాషలో కూర్చు చేసాము. మరి కొన్ని వివరాలను కూడా అనేక ప్రామాణికమైన హదీసు గ్రంథాల నుండి సేకరించి చాలా సులభంగా అర్థమయ్యే రీతిలో కూర్చు చేసాము.


విషయ సూచిక:

తొలి పలుకు


మొదటి అధ్యాయం : మరణానంతర జీవిత విశ్వాసము.

  1. మనిషికి జ్ఞానం ఎలా ప్రసాదించబడింది?
  2. మరణానంతర జీవితాన్ని ఎందుకు తిరస్కరించారు?
  3. జన్మించిన వారు మరణించక తప్పదు. మరణించిన వారు ప్రళయ దినాన జన్మించక తప్పదు.

రెండవ అధ్యాయం : మనుషులకు మరణం ప్రాప్తమయ్యే లక్షణాలు.

విశ్వాసికి మరణం సమీపించినప్పుడు ప్రాప్తమయ్యే మంచి లక్షణాలు.

  1. కలిమయే షహాదత్‌.
  2. నుదుటిపై చెమటలు.
  3. శుక్రవారం మరణం.
  4. షహీద్‌ కాబడిన ముస్లిం (అమరుడు).
  5. అల్లాహ్‌ మార్గంలో (ఫీ సబిలిల్లాహ్‌) మృత్యువు పాందినవారు షహీద్‌.
  6. పుణ్యకార్యాలు చేస్తుండగా మరణం సంభవిస్తే స్వర్గం ప్రాప్తమవుతుంది.

అవిశ్వాసికి మరణం సమీపించినప్పుడు ప్రాప్తమయ్యే చెడ్డ లక్షణాలు.

  1. ధర్మాన్ని తప్పుగా విశ్వసించిన ప్రజలు.

మరణం సమీపించినప్పుడు దైవదూతలు   ప్రత్యక్షమవుతారు.

మరణ వేదనలు (సకరాతుల్‌ మౌత్‌).

ఆకాశాలఫైకి ఆత్మ ప్రయాణం.

  1. విశ్వాసిగా ఉన్న పుణ్యాత్ముడైన ముస్లిం ఆత్మకు లభించే గౌరవం.
  2. అవిశ్వాసికి మరియు పాపాత్ముడైన ముస్లిం ఆత్మకు ధిక్కరణ లభిస్తుంది.

మూడవ అధ్యాయం : సమాధిలో ఏం జరుగుతుంది?

సమాధిలో ప్రశ్నోత్తరాల తరువాత జరిగే సుఖదుఃఖాలు.

సమాధి తీవ్రత.

  1. సమాధి భయాందోళన.
  2. సమాధి చీకటి.
  3. నమ్మక ద్రోహం (గులూల్‌).
  4. అబద్దాలు పలికేవారు, వ్యభిచారులు, వడ్డీ తీసుకునే వారు, ఖుర్‌ఆన్‌ గ్రంథాన్ని నేర్చుకున్న అవిధేయులు.
  5. సమాధిలో నలిగిపోయే యాతన.

సమాధి యాతనలను మానవులు, జిన్నాతులు తప్ప ప్రతి ఒక్కరూ వినగలరు.

  1. మానవులు, జిన్నాతులు సమాధి సుఖదుఃఖాలు ఎందుకు వినలేరు?

సమాధి యాతనలను ప్రవక్త ముహమ్మద్‌ (సల్లలాహు అలైహి వ సల్లం) విన్నారు.

సమాధిలో శిక్షలకు గురికాబడే కొన్ని కారణాలు.

  1. మూత్రం అశుద్ధత వలన, చెప్పుడు సంభాషణ వలన శిక్షలు అనుభవిస్తారు.
  2. అప్పు తీసుకొని తిరిగి చెల్లించని వారికి సమాధి శిక్ష.
  3. ఇతరులు రోధించడం వలన మృతుడు  శిక్షింపబడుతాడు.

సమాధి శిక్షనుండి కాపాడే పుణ్యాలు.

  1. షహీద్‌గా మరణించిన వ్యక్తి.
  2. అల్లాహ్‌ మార్గంలో పోరాడేందుకై సిద్ధంగా ఉండి చనిపోయిన వ్యక్తి
  3. శుక్రవారం చనిపోయిన వ్యక్తి.
  4. కడుపు బాధతో మరణించిన వ్యక్తి.
  5. ప్రతి రాత్రి సూరతుల్‌ ముల్క్‌ పారాయణం చేసిన వ్యక్తి.

సమాధి శిక్షనుండి రక్షణకై చేసే ప్రార్థనలు 


నాల్గవ అధ్యాయం : ప్రళయం రోజు సర్వమానవుల సమీకరణ.

  1. సూర్‌ (శంఖం) పూరించబడుతుంది.
  2. కొమ్ము రూపంలో శంఖం.
  3. శంఖాన్ని పూరించేవాడు.
  4. శంఖం పూరించబడే రోజు.
  5. రెండు సార్లు శంఖాన్ని పూరిస్తారు.
  6. మట్టినుండి పునర్జీివితం ప్రాప్తమవుతుంది.
  7. ప్రతి వ్యక్తికి వెన్నపూస ఆధారంగా పునర్జన్మ ప్రాప్తమవుతుంది.
  8. ప్రవక్తల శరీరాలను భూమి తినదు.
  9. సమాధి నుండి మొట్టమొదట వెలికివచ్చేవారు.
  10. ప్రళయం రోజు సర్వ మానవాళి సమీకరణ జరుగుతుంది.
  11. కర్మలకు అణుగుణంగా తీర్చు చేయబడును.
  12. ప్రళయ దినాన భూమి నుండి సర్వ మానవులు సమావేశమయ్యే స్థితి.
  13. ప్రళయం రోజు మొట్ట మొదట దుస్తులు ధరించేవారు.
  14. సర్వ మానవులు సమీకరించబడే భూమి.
  15. భూమ్యాకాశాలు మార్చబడేటప్పుడు మానవులంతా సిరాత్‌ (పుల్సిరాత్‌)పై ఉంటారు.
  16. ప్రళయ బీభత్సం.
  17. ప్రళయం రోజున ప్రతి ఒక్కరు స్వార్థపరులుగా ఉంటారు.
  18. ప్రళయం ఒక్కరోజు 50 వేల సంవత్సరాలకు సమానమైనది.
  19. అల్లాహ్‌ యావత్తు భూమ్యాకాశాలను చుట్టి తన పిడికిలిలో ఇముడ్చుకుంటాడు.
  20. సముద్రాలు పొంగిపోతాయి. ఆకాశాలు బద్దలైపోతాయి. సూర్యుడు, చంద్రుడు, నక్షత్రాలు కాంతిని కోల్పోతాయి.
  21. భూమండలమంతా దుమ్ముగా గాలిలో కలిసిపోతుంది.
  22. పర్వతాలు తునకలుగా చేయబడుతాయి.

ఐదవ అధ్యాయం : ప్రజల విశ్వాసం మరియు కర్మల ప్రకారం తీర్పు ఇవ్వబడుతుంది.

అవిశ్వాసులు (కాఫిర్లు మరియు బహుదైవారాధకులు).

  1. ప్రళయం రోజు అవిశ్వాసులు మార్గభసష్టత్వానికి గురికాబడినందుకు పశ్చాత్తాపం చెందుతారు.
  2. ప్రళయ దినాన అవిశ్వాసుల పుణ్యాలన్నీ వ్యర్థమైపోతాయి.
  3. అవిశ్వాసులు నరకంలో పశ్చాత్తాపం చెందుతూ పరస్పరం మాట్లాడుకుంటారు.
  4. ప్రవక్త ఈసా (అలైహిస్సలాం)ను ఆరాధించేవారి గతి.
  5. డబ్బు మరియు ధనం పిచ్చిలో ఉండి, అహంకారానికి గురి కాబడినవారు నరకంలో పరస్పరం మాట్లాడుకుంటారు.

పుణ్యకార్యాలకు దూరంగా ఉంటున్న విశ్వాసుల గతి.

  1. నమాజును స్థాపించనివారి గతి.
  2. జకాతు చెల్లించని వారి గతి.
  3. ఉపవాసాలను పాటించనివారి గతి.
  4. ప్రళయ దినాన కొందరి దుర్గుణాల కారణంగా అల్లాహ్‌ వారివైపు చూడడు, పలుకరించడు.
  5. ప్రళయ దినాన కొన్ని దుర్గుణాల కారణంగా ప్రత్యేకమైన శిక్షలు అనుభవిస్తారు.
    • అహంకారుల గతి.
    • సిరిసంపదలకై పోటిపడేవారి స్థితి.
    • మోసం చేసేవారి గతి.
    • నమ్మక [ద్రోహం (గులూల్‌).
    • భూమిని కాజేసేవారి గతి.
    • భికారీల మరియు ఫకీర్ల గతి.
    • అబద్ధపు స్వప్నాలు చెప్పుకొనే వారి గతి.
    • ఖిబ్లా (కాబతుల్లాహ్‌) దిక్కున ఉమ్మివేయువారి గతి.
    • ద్విముఖులుగా ప్రవర్తించే వారి గతి.

పుణ్యాత్ములైన విశ్వాసులు (మూమిన్‌లు).

  1. కొన్ని ప్రత్యేకమైన పుణ్యాలు చేసినందుకు ప్రళయ దినాన అల్లాహ్‌ తన అర్ష్  నీడను ప్రసాదిస్తాడు.
  2. తోటి సహోదరులకు సహాయం చేసే ఘనత.
  3. బుణగ్రస్తులకు గడువునిస్తే పుణ్యం.
  4. న్యాయమూర్తులు.
  5. షహీదులు (అమరులు).
  6. కోపాన్ని దిగమింగేవారికి బహుమతి.
  7. అజాన్‌ చెప్పేవారు.
  8. వుజూ చేసేవారు.
  9. ఇస్లాం ధర్మంలోనే ఉంటూ వృద్ధాప్యం పొందినవారు.

ఆరవ అధ్యాయం : మహా సిఫారసు (షఫాఅత్‌).

ప్రళయ దినాన సిఫారసు ఎనిమిది విధాలుగా ఉంటుంది.

న్యాయాన్ని స్థాపించబడును.

  1. సమానమైన న్యాయం జరుగును.
  2. తమ తమ కర్మలన్నిటినీ ప్రతి ఒక్కరు చూసుకుంటారు.
  3. ఒకరి పాపాలు మరొకరు మొయ్యరు.
  4. ఇతరులు చేసే పుణ్యాలకు లేక పాపాలకు భాగస్తులు కాగలరు.
  5. పుణ్యాలు రెట్టింపు చేయబడుతాయి, కాని పాపాలు ఎంత చేస్తే అంతే ఉంటాయి.
  6. పాపాలను పుణ్యాలుగా మార్చబడును.
  7. అవిశ్వాసులకు మరియు వంచకులకు విరుద్ధంగా సాక్షులను నిలబెట్టడము జరుగును.

మానవులు తమ జీవితాలకు విలువనివ్వకుండా గడిపినందుకు ప్రశ్నించబడుతారు.

  1. తిరస్కారులు మరియు బహుదైవారాధకులు ప్రశ్నించబడుతారు.
  2. ప్రళయ దినాన మానవులందరూ నాలుగు ప్రశ్నలకు తప్పక సమాధానమివ్వాలి.
  3. అనుభవించిన అనుగ్రహాల పట్ల ప్రశ్నించబడుతారు.
  4. చేసిన వాగ్దానాల గురించి ప్రశ్నించబడుతారు.
  5. కళ్లు, చెవులు, మనస్సు  పట్ల విచారణ జరుగును.

 

ఏడవ అధ్యాయం: ప్రళయ దినాన లెక్క తీసుకునే అనేక విధానాలు.

అవిశ్వాసుల నుండి లెక్క తీసుకునే విధానం.

ప్రతి ఒక్కరికి లెక్కల పత్రాలు ఇవ్వబడుతాయి.

విశ్వాసుల నుండి లెక్క తీసుకునే కొన్ని విధానాలు.

  1. మొట్టమొదట విధిగావించబడిన నమాజు విచారణ.
  2. పేరు ప్రఖ్యాతులకై చేసే పుణ్యాలు.
  3. మానవులు చేసిన పాపాలు చూపించబడుతాయి.
  4. ప్రజలను అల్లాహ్‌ నిందిస్తాడు.

ప్రళయ దినాన కర్మలు బరువు వేసే త్రాసుస్థాపించబడుతుంది.

ఎలాంటి కర్మలను త్రాసులో తూకం వేస్తారు?


ఎనిమిదవ అధ్యాయం: ప్రళయ దినాన చివరి గడియలు

ప్రజలు ఎవరినైతే పూజించారో లేక విధేయులుగా ఉన్నారో వారి వెంట పోతారు.

అవిశ్వాసులు నరకానికి పోతారు.

విశ్వాసులకు జ్యోతి లభిస్తుంది.

ప్రళయ దినాన ప్రతి ఒక్కరు తను చేసిన దౌర్జన్యాలకు పరిహారం చెల్లించాలి.

  1. ప్రళయ దినాన పరిహారం ఎలా చెల్లిస్తారు.
  2. రక్తపాతం ఘోరమైన పాపం.
  3. ప్రళయ దినాన జంతువులు ప్రతికారం తీర్చుకుంటాయి
  4. విశ్వాసులు ఒకరికొకరు పరిహారము చెల్లించుకుంటారు.

తొమ్మిదవ అధ్యాయం : స్వర్గం మరియు నరకం.

స్వర్గం మరియు నరకం శాశ్వతమైనవి.

నరకం.

నరక యాతనలు.

  1. నరక నిర్వాహకులు.
  2. నరకం దాని తీవ్రత మరియు దాని లోతు.
  3. అల్లాహ్‌ నరకాన్ని పూర్తిగా నింపేస్తాడు.
  4. నరకం యొక్క భాగాలు.
  5. నరకం యొక్క ఇంధనం.
  6. నరకాగ్ని తీవ్రత.
  7. అగ్ని మాట్లాడుతుంది మరియు చూడగలుగుతుంది.
  8. భూలోకంలో నరకం యొక్క ప్రభావం.

శాశ్వతంగా నరకంలోనే ఉండేవారు.

నరకములో శాశ్వతంగా ఉండేవారి పాపాలు.

  1. తిరస్కారము మరియు బహుదైవారాధన.
  2. ధర్మాన్ని సక్రమంగా విశ్వసించనివారు.
  3. మార్గభ్రష్టులను అనుసరించడం.
  4. కపట విశ్వాసులు.
  5. అహంకారం.

ఘోరమైన పాపాల కారణంగా నరకానికి పోతారు.

  1. హిజ్రత్‌ చేయనివారు.
  2. అన్యాయంగా తీర్చు ఇచ్చినందుకు నరకానికి పోతారు.
  3. ప్రవక్త ముహమ్మద్‌ (సల్లల్లాహు అలైహి వ సల్లం) పై అబద్ధాలను కల్పించినవారు.
  4. అహంకారులు.
  5. అన్యాయంగా హత్యలు చేసినవారు.
  6. వడ్డీ తీసుకునేవారు.
  7. అన్యాయంగా ధనాన్ని కాజేసేవారు.
  8. చిత్రీకరించేవారు.
  9. దుర్మార్గుల వైపు మొగ్గేవారు.
  10. శరీరం కనపడే విధంగా దుస్తులు ధరించేవారు.
  11. జంతువులను పీడించేవారు.
  12. చిత్తశుద్ది లేకుండ ధర్మజ్ఞానాన్ని గ్రహించేవారు.
  13. బంగారం, వెండి పాత్రలలో తినేవారు.
  14. నీడనిచ్చే రేగి చెట్టును నరికేవారు.
  15. ఆత్మహత్య చేసుకొనేవారు.

కొందరు నరకానికి పోతారనే విషయాన్ని బ్రతికుండగానే పొందారు.

నరకం అంతా మనుషులతో నింపబడుతుంది.

అతి ఎక్కువగా నరకానికి స్త్రీలు పోతారు.

నరకం యొక్క తిండి, నీరు మరియు దుస్తులు.

  1. అగ్నిని తినేవారు.
  2. నరక వాసుల దుస్తులు.
  3. ప్రపంచ అనుగ్రహాలను ఒక్క క్షణంలో మరిచిపోతారు.

నరకంలో అనుభవించే అనేక యాతనలు.

  1. అవిశ్వాసులు నరకాగ్నిలో పొందే అతి తక్కువ బాధ.
  2. మనిషి నరకంలో కరిగిపోయే శిక్షలు పొందుతాడు.
  3. ముఖాలను మాడ్చేసే శిక్షలు.
  4. బొర్లగించి నరకానికి ఈడ్పుకొనిపోయి పడేస్తారు.
  5. ముఖాలు నల్లబడిపోతాయి.
  6. నలువైపుల నుండి అగ్ని చుట్టుకుంటుంది.
  7. గుండెలను మాడ్చేసే అగ్ని.
  8. కడుపులోని పేగులు వెలికివచ్చి అగ్నిలో పడుతాయి.
  9. నరకంలో సంకెళ్ళు మరియు గుదిబండలు వేసి శిక్షించబడుతారు.
  10. పశ్చాత్తాపంతో, అవమానంతో మొరలు పెట్టుకుంటారు.
  11. మనిషి నరకాగ్ని నుండి కాపాడుకునే విధానాలు.

పదవ అధ్యాయం : స్వర్గం ఒక అద్బుతమైన జీవితం

స్వర్గాన్ని పాందేవారి గుణాలు

  1. స్వర్గం పాందుటకై మనం చేసే ఆరాధనలన్నీ వెలకట్టలేవు.

స్వర్గానికి పోవుటకై సిఫారసు.

  1. స్వర్గానికి పోవుటకై అల్లాహ్‌ యందు సిఫారసు.

స్వర్గానికి పోయేవారు.

  1. విశ్వాసులు స్వర్గానికి పోతారు.
  2. స్వర్గంలో విశ్వాసులైన స్త్రీలు.
  3. అందరికంటే ముందు స్వర్గానికి పోయేవారు.
  4. విచారణ లేకుండానే కొందరు స్వర్గానికి ప్రవేశిస్తారు.
  5. విశ్వాసులుగా ఉన్న పాపాత్ములు నరకం నుండి వెలికితీసి స్వర్గానికి చేర్చబడుతారు.
  6. అందరికంటే చివరిన స్వర్గానికి పోయే విశ్వాసులు.

స్వర్గం శాశ్వతమైనది.

కొందరు స్వర్గానికి పోతారనే సువార్తను బ్రతికుండగానే పొందారు.

  1. వృక్షం క్రింద ప్రమాణం చేసినవారు.
  2. బదర్‌ యుద్ధ వీరులు
  3. షహీద్‌ కాబడిన కుటుంబం
  4. స్వర్గం నాయకులు
  5. మహా అదృష్టవంతులు
  6. సౌభాగ్యవంతులైన మహిళలు

స్వర్గం యొక్క సౌందర్యం.

  1. స్వర్గం తలుపులు.
  2. స్వర్గం అంతస్తులు.
  3. చివరి స్వర్గవాసికి ప్రపంచంకంటే విశాలమైన స్వర్గం ప్రసాదించబడును.
  4. స్వర్గంలో ఉన్న మన్ను.
  5. స్వర్గం నదులు.
  6. స్వర్గం చెలమలు.
  7. స్వర్గంలో అందమైన మేడలు మరియు గుడారాలు.
  8. స్వర్గంలో ఉదయం సాయంత్రం.
  9. స్వర్గం సువాసన.
  10. స్వర్గం వృక్షాలు పండ్లు ఫలహారాలు.
  11. సిద్‌రతుల్‌ మున్తహ వద్ద ఉన్న రేగి చెట్టు.
  12. తూబా వృక్షం.
  13. స్వర్గంలో అతి మృదువైన సువాసన.
  14. స్వర్గంలో బంగారం వృక్షాలు.

స్వర్గంలో అనుభవించే అనుగ్రహాలు

  1. స్వర్గం అనుగ్రహాలు ఇహలోక అనుగ్రహాల కంటే గొప్పవి.
  2. స్వర్గవాసుల ఆహారం, పానీయం.
  3. స్వర్గవాసులు తినే, త్రాగే పాత్రలు.
  4. స్వర్గవాసులకు పుణ్యవతులైన భార్యలు.
  5. స్వర్గ స్త్రీలకు పుణ్యభర్త మరియు గొప్ప సౌందర్యాన్ని అనుగ్రహించబడును.
  6. పెద్ద కళ్ళుగల హూర్లు.
  7. స్వర్గవాసులకు ప్రాప్తమయ్యే శక్తి .
  8. స్వర్గవాసుల కొరకు సేవకులు.
  9. స్వర్గవాసులకు అతి ఘనమైన అనుగ్రహం
  10. తస్‌బీహ్‌, తక్బీర్  స్వర్గం  అనుగ్రహాలు.

గమనిక: ఈ పుస్తకం చదువుతూ క్రింద ఇచ్చిన ఆడియో ప్రసంగాలు వినండి:

మరణానంతర జీవితం [ఆడియో సీరీస్]

మరణానంతర జీవితం

ఖుర్ఆన్ మరియు ప్రవక్త ముహమ్మద్ సల్లల్లాహు అలైహి వసల్లం బోధనల ఆధారంగా ఈ ఆడియో సిరీస్  లో మరణానంతర జీవితం గురించి చక్కగా వివరించబడింది.

మరణం నుండి మొదలుకొని సమాధి, దాని వరాలు, శిక్షలు, దాని నుండి లేపబడటం, అల్లాహ్ ముందు మహ్-షర్ మైదానం లో హాజరవడం, త్రాసులో తూకం చేయబడుట, కర్మపత్రాలు తీసుకోవడం, నరకంపై ఉన్న వంతెన దాటడం, ప్రవక్త సిఫారసు, స్వర్గం నరకం వివరాలు ఇంకా అనేక విషయాలు మొత్తం 91 భాగాల్లో తెలుపడ్డాయి. మీరు స్వయంగా వీటిని శ్రద్ధగా విని, తెలుసుకొని ఇతరులకు తెలియజేసి రెట్టింపు పుణ్యాలు పొందండి.

[91 భాగాలు] [దాదాపు 30+ గంటలు]

వక్త :- ముహమ్మద్ నసీరుద్దీన్ జామిఈ

91 భాగాలు  ఈ క్రింద ఇవ్వబడిన లింకులు మీద క్లిక్ చేసి వినవచ్ఛు / డౌన్లోడ్ చేసుకోవచ్చు :

[01][02][03][04][05][06][07][08][09][10][11][12][13][14][15][16][17][18][19][20][21][22][23][24][25][26][27][28][29][30][31][32][33][34][35][36][37][38][39][40][41][42][43][44][45][46][47][48][49][50][51][52][53][54][55][56][57][58][59][60][61][62][63][64][65][66][67][68][69][70][71][72][73][74][75][76][77][78][79][80][81][82][83][84][85][86][87][87][89][90][91 చివరి భాగం ]

https://archive.org/details/1_20190731_20190731_1540

మొత్తం భాగాలు ఒక్క సారిగా డౌన్లోడ్ చేసుకోవాలంటే క్రింద లింకు క్లిక్ చెయ్యండి:

https://archive.org/compress/1_20190731_20190731_1540/formats=VBR%20MP3&file=/1_20190731_20190731_1540.zip

ఇతరములు :

పరలోకం – Belief in the Hereafter – The Cooperative office for call and guidance, Riyadh, Saudi Arabia

అంతిమ దినాన్ని మనం ఏ విధంగా నమ్మాలి? – షేఖ్ ముహమ్మద్ బిన్ సాలెహ్ అల్ ఉథైమిన్

షేఖ్ ముహమ్మద్ బిన్ సాలెహ్ అల్ ఉథైమిన్
అనువాదం : ముహమ్మద్ కరీముల్లాహ్
రివ్యూ : షేఖ్ నజీర్ అహ్మద్
2012 – 1433

అంతిమ దినాన్ని మనం ఏ విధంగా నమ్మాలి ?
ఇది షేఖ్ ముహమ్మద్ బిన్ సాలెహ్ అల్ ఉథైమిన్ (రహిమహుల్లాహ్) యొక్క ‘షర్హ్ హదీథ్ జిబ్రయీల్’ అనే అరబీ పుస్తకంలోని ఒక భాగం.

విషయసూచిక

1. మానవ జీవితం వివిధ దశలలో ఉందా లేక అసలు దశలేమీ లేవా ? అంతిమ దినాన్ని మనం ఏ విధంగా నమ్మాలి ?
2.  సమాధి శిక్షలు మరియు దాని అనుగ్రహాలు : సమాధి శిక్షలు దేహానికా లేక ఆత్మకా ?
3.  పునరుత్థానం : మనిషి చనిపోయి ఉండవచ్చు, (అతని శరీరాన్ని) సింహం తినేసి ఉండవచ్చు. మరి అలాంటపుడు అతను తిరిగి ఎలా లేపబడతాడు ?
4. సూర్యుడు సృష్టికి అతి దగ్గరగా రావడం – అంతిమదినం నాడు సూర్యుడు, సృష్టికి ఒక మైలు దూరమంత దగ్గరికి రావడం ఎలా సాధ్యం ?
5. ప్రజల కర్మల పత్రం – ఈ లెక్క నుండి ఎవరైనా తప్పించుకోగలగుతారా ?
6. త్రాసు – త్రాసులో కర్మలు ఎలా తూచబడతాయి – అవి కర్తల లక్షణాలు మరియు పనుల రూపంలో ఉంటాయి కదా! – అక్కడ ఒకే త్రాసు ఉంటుందా లేక అనేక త్రాసులు ఉంటాయా ?
9. షఫా (విముక్తి, మోక్షం) – షఫా షరతులు
10.  పుల్ సిరాత్ (వంతెన)
11. స్వర్గం లేక నరకంలోనికి ప్రవేశం – స్వర్గం మరియు నరకం ఇపుడు ఉనికిలో ఉన్నాయా? – స్వర్గం మరియు నరకం శాశ్వతమా ?

బిస్మిల్లా హిర్రహ్మా నిర్రహీం

ఇది అంతిమ దినమని ఎందుకు పిలవబడిందంటే, దీని తర్వాత ఇక మరే దినమూ ఉండదు.

మానవ జీవితం వివిధ దశలలో ఉందా లేక అసలు దశలేమీ లేవా ?